TITUS
Black Yajur-Veda: Baudhayana-Srautasutra
Part No. 264
Previous part

Paragraph: 7 
Verse: 74 
Sentence: 1    atʰa yācati naivāram̐ saptadaśaśarāvam \
   sa eṣa kṣīre śr̥to bʰavati
Sentence: 2    tena carati <br̥haspataye 'nubrūhi> <br̥haspatiṃ yaja> \ iti
Sentence: 3    tam aniṣṭasviṣṭakr̥tam apidʰāya prajñātaṃ nidadʰāti \
   atʰāsyaitat purastād evaudumbare droṇe sarvauṣadʰaṃ dadʰnājyena samudāyutaṃ bʰavati
Sentence: 4    tasyaudumbareṇa sruveṇopagʰātam̐ saptānnahomāñ juhoti <vājasyemaṃ prasavaḥ suṣuve agre> \ iti \
Sentence: 6    abʰiṣekāya prarekaṃ pariśinaṣṭi \
   atʰainam apidʰāya prajñātaṃ nidadʰāti \
Sentence: 7    atʰa purastād abʰiṣkasya ṣaṭ pārtʰāni juhoti \ <agnaye svāhā> <somāya svāhā> \ iti \
Sentence: 8    atʰa yajamānāyatane kr̥ṣṇājinaṃ prācīnagrīvaṃ uttaralomopastr̥ṇāti
Sentence: 9    tad yajamānaṃ prāñcam upaveśya suvarṇarajatābʰyām̐ rukmābʰyāṃ paryupāsya sarvauṣadʰena purastāt pratyañcaṃ abʰiṣiñcati
Sentence: 11    śīrṣato 'bʰiṣiñcaty ā mukʰād anvavasrāvayati <devasya tvā savituḥ prasave 'śvinor bāhubʰyāṃ pūṣṇo hastābʰyām̐ sarasvatyai vāco yantur yantreṇāgnes tvā sāmrājyenābʰiṣiñcāmīndrasya tvā sāmrājyenābʰiṣiñcāmi br̥haspates tvā sāmrājyenābʰiṣiñcāmi> \ iti
Sentence: 15    samunmr̥ṣṭe samutkrośanti \ <abʰyaṣecy ayam asāv āmuṣyāyaṇo 'muṣya putro 'muṣya pautro 'muṣya naptā vājapeyena> \ iti \
Sentence: 16    atʰa <bʰūr bʰuvaḥ suvar> iti vācaṃ visr̥jate
Sentence: 17    dvābʰyāṃ mukʰaṃ vimr̥ṣṭe
   gāyatrān viṣṇukramān kramate \
Sentence: 18    atʰopariṣṭād abʰiṣekasya ṣaṭ pārtʰāni juhoti \ <indrāya svāhā gʰoṣāya svāhā> \ iti

Verse: 75 
Sentence: 1    dvādaśa bʰūtānām aveṣṭīr juhoti <pr̥tʰivyai svāhāntarikṣāya svāhā> \ iti \
Sentence: 2    atraitasya bārhaspatyasya sviṣṭakr̥tā carati \
Sentence: 3    atʰainaṃ ādāyāntareṇa cātvālotkarāv undaṅṅ upaniṣkrāmati \
   uttarata ete ratʰā yuktās tiṣṭhanti
Sentence: 4    tad etān yajuryujo 'śvān avagʰrāpayati <vājino vājajito vājam̐ sariṣyanto vājaṃ jeṣyanto br̥haspater bʰāgam avajigʰrata> \ iti \
Sentence: 6    atʰainam apidʰāya prajñātaṃ nidadʰāti \
   atʰa ratʰam abʰipraiti <viṣṇoḥ kramo 'si viṣṇoḥ krāntaṃ asi viṣṇor vikrāntam asi> \ iti \
Sentence: 7    atʰa ratʰasya pakṣasī saṃmr̥śati \ <aṅkau nyaṅkāv abʰito ratʰaṃ yau> \ iti
Sentence: 8    ratʰam ātiṣṭhati <devasyāham̐ savituḥ prasave br̥haspatinā vājajitā vājaṃ jeṣam> iti \
Sentence: 10    etasmin kāle ratʰacakraṃ nimitaṃ brahmārohati
Sentence: 11    tam ata evānumantrayate <devasyāham̐ savituḥ prasave br̥haspatihā vājajitā varṣiṣṭhaṃ nākam̐ ruheyam> iti \
Sentence: 12    atʰa yajamānam anvāstʰāyojjitīr vācayati \ <agnir ekākṣareṇa vācam udajayat> \ iti saptadaśa \
Sentence: 14    atʰāsmā aśvājinīṃ prayaccʰati \ <aśvājani vājini vājeṣu vājinīvaty aśvānt samatsu vājaya> \ iti
Sentence: 15    tayā yatʰāyuktam aśvān kṣipati \

Verse: 76 
Sentence: 1    <arvāsi> \ iti dakṣiṇam \
   <saptir asi> \ iti madʰyamam \
   <vājy asi> \ ity uttaram
   atʰaitān ājisr̥to 'vakʰyāpayati <vājino vājaṃ dʰāvata> <marutāṃ prasave jayata> <vi yojanā mimīdʰvam> <adʰvana skabʰnīta> <kāṣṭhāṃ gaccʰata> \ iti \
Sentence: 4    audumbaryeṣā stʰūṇā saptadaśasu śamyāpravyādʰeṣu nimitā
   tāṃ kāṣṭhety ācakṣate tām ājisr̥to 'tītya mā gaccʰata mo enām aprāpya nivr̥tatāntaḥpakṣasam enāṃ kr̥tvā savyān avagr̥hya dakṣiṇair anuparivartayādʰvai mo aprasūtāḥ sarpateti //

Next part


This text is part of the TITUS edition of Black Yajur-Veda: Baudhayana-Srautasutra.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.