TITUS
Black Yajur-Veda: Baudhayana-Srautasutra
Part No. 286
Previous part

Paragraph: 16 
Verse: 109 
Sentence: 14    <om̐ hotas tatʰā hotaḥ satyam̐ hotar arātsma hotar> iti
Sentence: 15    yady u vai hotā nādʰyety anya u hotrāśam̐sī śam̐sati
   tasmā u pratiprastʰātā pratigr̥ṇāti

Verse: 110 
Sentence: 1    <paraḥśataṃ bʰavati> \ iti brāhmaṇam \
Sentence: 2    yadaiṣa odanaḥ pakvo bʰavaty atʰainam ekadʰoddʰr̥tya brahmaṇa upaharati
Sentence: 3    tasmā etām̐ś caiva maṇīn dadāti śataṃ vipatʰaṃ catuṣpātkṣetram
   atʰa hotre dadāti śataṃ vipatʰam̐ hiraṇmayaṃ kaśipu \
Sentence: 4    atʰodgātre dadāti śataṃ vipatʰam
Sentence: 5    atʰādʰvaryave dadāti śataṃ vipatʰam̐ svaratʰaṃ tisraḥ pañcāśataḥ sauvarṇān akṣān hiraṇmayaṃ kūrcam iti \
Sentence: 6    atraibʰya etan nirjayam̐ sahasraṃ caturdʰā kr̥tvā dadati \
Sentence: 7    atʰainam etayāsandyā sada āvahantyā vā vrajati \
Sentence: 8    anvāyanty enam ete camasās \
   atraitayor haviṣor iḍām upahvayate \
Sentence: 9    iḍopahūtaṃ māhendram̐ hotā caivādʰvaryuś ca saṃbʰakṣayatas \
Sentence: 10    narāśam̐sapītena nārāśam̐sān
   hotr̥camasam evaite trayaḥ samupahūya bʰakṣayanti
Sentence: 11    yatʰācamasaṃ camasān
   <hinva me> \ ity ātmānaṃ pratyabʰimr̥śante
Sentence: 12    nāpyāyayanti camasān
   sarvabʰakṣā mārjayante \
Sentence: 13    atʰa \ <indrāya tvendrāya tvā> \ ity evaṃ tribʰir uktʰyaparyāyaiś carati
   saṃtiṣṭhate mādʰyaṃdinam̐ savanam \
Sentence: 14    prasarpanti tr̥tīyasavanāya
   prasiddʰam ādityagraheṇa caritvāgrayaṇaṃ graḥṇāti \

Verse: 111 
Sentence: 1    atʰoktʰyaṃ gr̥hṇāti
   samānaṃ karmā pavamānāt
Sentence: 2    pavamānena caritvā sve dʰāman paśubʰyāṃ carati
Sentence: 3    tayor nānā manote nānā devate nānā pratyabʰimarśanau nānā vasāhomau samāno vanaspatiḥ samānaḥ sviṣṭakr̥t praiṣavān samānīḍā samānyo diśas \
Sentence: 5    nānā diśa ity eke
   samānaṃ karmāvabʰr̥tʰāt \
   atʰaitasminn avabʰr̥tʰa upādadate cārmapakṣyāv upānahau
Sentence: 6    praplāvya vārāhī cārmapakṣībʰyām udeti
Sentence: 7    so 'pāmante juhoti \ <apāṃ naptre svāhā> \ iti
Sentence: 8    viṣuvati darbʰastambe juhoti \ <ūrjo naptre svāhā> \ iti
Sentence: 9    punaretya gārhapatye juhoti \ <agnaye gr̥hapataye svāhā> \ iti
   prasiddʰo 'vabʰr̥tʰas \
Sentence: 10    udayanīyeṣṭyeṣṭvā maitrāvaruṇīṃ vaśām upākaroti
   tasyai prasiddʰaṃ vapayā caritvā naiva śmaśrūṇi vapate na keśān
Sentence: 11    saṃtiṣṭhata eṣa uktʰyo 'bʰiṣecanīyaś catustrim̐śapavamānaḥ sahasradakṣiṇa udavānīyāntaḥ //

Next part


This text is part of the TITUS edition of Black Yajur-Veda: Baudhayana-Srautasutra.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.