TITUS
Black Yajur-Veda: Kapisthala-Katha-Samhita
Part No. 8
Previous part

Adhyaya: 8  
Section: 1  
Page: 94  
Line: 1  Verse: a     ahutādo vā etasya purā devāḥ /

Verse: b     atʰaitad dʰutāda upāvartate /

Line: 2  Verse: c     te 'syorjāpakrāmanti /

Verse: d     ūrjam evāvarunddʰe /

Verse: e     tān eva bʰāginaḥ karoti /

Line: 3  Verse: f     yajanty amuṣmiñ juhvaty asmin pacanty amuṣminn anantarayāyaitasya /

Line: 4  Verse: g     atʰo vaiśvānaratāyām evainam upātiṣṭʰipat /


Verse: h     ye vai yajñenāyajantārdʰnuvaṃs te /

Line: 5  Verse: i     na vai su vidur iva manuṣyā yajñam /

Verse: j     tasmān na sarva ivardʰnoti /


Line: 6  Verse: k     yad dakṣiṇāṃ dadāti

Verse: l     yajñasyārdʰaḥ /


Verse: m     dakṣiṇāvadbʰyāṃ ha sma vai purā darśapūrṇamāsābʰyāṃ yajante /

Line: 7  Verse: n     ya eṣa odanaḥ pacyate

Line: 8  Verse: o     dakṣiṇām evaitāṃ dadāti

Verse: p     yajñasyarddʰyai /


Verse: q     iṣṭī vā etena yad yajate /

Line: 9  Verse: r     ya eṣa odanaḥ pacyate

Verse: s     tena pūrtī /

Verse: t     eṣa vāveṣṭāpūrtī ya etaṃ pacati /


Line: 10  Verse: u     prajāpatir vai devebʰyo bʰāgadʰeyāni vyādiśat /

Line: 11  Verse: v     yajñam eva so 'manyatātmānam antaragām iti /

Verse: w     sa etam odanam apaśyat /

Line: 12  Verse: x     tam ātmane bʰāgam akalpayat /

Verse: y     prajāpater vāvaiṣa bʰāgaḥ /

Line: 13  Verse: z     mahāntam aparimitaṃ pacet /

Verse: aa     aparimitaḥ prajāpatiḥ /

Verse: ab     prajāpatim evāpnoti /


Line: 14  Verse: ac     devāś ca vā asurāś cāspardʰanta /

Verse: ad     te devāḥ prajāpatim evābʰyayajanta /

Line: 15  Verse: ae     anyo 'nyasyāsann asurā ajuhavuḥ /

Verse: af     te devā etam odanam apaśyan /

Line: 16  Verse: ag     taṃ prajāpataye bʰāgam anuniravapan /

Verse: ah     taṃ bʰāgaṃ paśyan prajāpatir devān upāvartata /

Line: 17  Verse: ai     tato devā abʰavan parāsurā abʰavan /

Line: 18  Verse: aj     ya evaṃ vidvān anvāhāryam āharati bʰavaty ātmanā parāsya bʰrātr̥vyo bʰavati /


Line: 19  Verse: ak     īḍyā vā anye devāḥ saparyeṇyā anye /

Page: 95  
Line: 1  Verse: al     devā īḍyā brāhmaṇāḥ saparyeṇyāḥ /

Verse: am     yajñenaiveḍyān prīṇāty anvāhāryeṇa saparyeṇyān /

Line: 2  Verse: an     tasyobʰaye prītā yajñe bʰavanti /


Verse: ao     prajāpater bʰāgo 'sy ūrjasvān /

Line: 3  Verse: ap     akṣito 'sy akṣityai tvā /

Verse: aq     akṣito nāmāsi mā me kṣeṣṭʰāḥ /

Line: 4  Verse: ar     prāṇāpānau me pāhi /

Verse: as     udānarūpe me pāhi /

Verse: at     ūrg asy ūrjaṃ mayi dʰehi /

Line: 5  Verse: au     prajāpatiṃ tvayā samakṣam r̥dʰyāsam iti

Verse: av     tam eva samakṣam r̥dʰnoti /


Section: 2  
Line: 7  Verse: a     yat te manyuparoptasya pr̥tʰivīm anudadʰvase /

Line: 8  Verse: b     ādityā viśve tad devā vasavaḥ punar ābʰaran //

Line: 9  Verse: c     yat tvā kruddʰaḥ parovapa manyunā yad avartyā /

Line: 10  Verse: d     sukalpam agne tat tava punas tvoddīpayāmasi //

Line: 11  Verse: e     punas tvādityā rudrā vasavaḥ samindʰatāṃ punar brahmāṇo vasudʰītim agne /

Line: 13  Verse: f     ihaiva dʰehy adʰi dakṣam ugram aśvāvad gomad yavamat suvīryam //

Line: 14  Verse: g     punas tvā mitrāvaruṇau punar indraḥ punar bʰagaḥ /

Line: 15  Verse: h     punas tvā viśve devā brāhmaṇā udadīdipan //

Line: 16  Verse: i     punar ūrjā nivartasva punar agna iṣāyuṣā /

Line: 17  Verse: j     punar naḥ pāhy aṃhasaḥ //

Line: 18  Verse: k     saha rayyā nivartasvāgne pinvasva dʰārayā /

Line: 19  Verse: l     viśvapsnyā viśvatas pari //

Line: 20  Verse: m     ketaḥ saketaḥ suketas te na ādityā juṣāṇā asya haviṣo vyantu svāhā /

Line: 21  Verse: n     salilaḥ saligaḥ sagaras te na ādityā juṣāṇā asya haviṣo vyantu svāhā /

Page: 96  
Line: 1  Verse: o     divo jyotir vivasva āditya te no devā deveṣu satyāṃ devahūtim āsuvadʰvam /

Line: 2  Verse: p     ādityebʰyaḥ svāhā //


Section: 3  
Line: 5  Verse: a     agner vai bʰāgaḥ punarādʰeyam /

Verse: b     taṃ bʰāgaṃ prepsan vyardʰayati /

Line: 6  Verse: c     yady ādʰāya manyeta vyr̥dʰyate sya iti punar ādadʰīta /

Verse: d     yaṃ bʰāgaṃ prepsan vyardʰayati taṃ prāpyārdʰayaty eva /


Line: 7  Verse: e     sarvam āgneyaṃ kriyate /

Verse: f     yad eva kiṃ ca sarvam agnaye bʰāgaṃ prādāt sarvām r̥ddʰim r̥dʰnoti /


Line: 8  Verse: g     na saṃbʰārāḥ saṃbʰr̥tyā ity āhur na yajuḥ kāryam iti /

Line: 9  Verse: h     saṃbʰr̥tasaṃbʰāro hy eṣa kr̥tayajuḥ /


Line: 10  Verse: i     tat tan na sūrkṣyam /

Verse: j     saṃbʰr̥tyā eva saṃbʰārāḥ kāryaṃ yajuḥ /


Line: 11  Verse: k     punarutsyūtaṃ vāso deyaṃ punarutsr̥ṣṭo 'naḍvān punarniṣkr̥to ratʰaḥ /

Line: 12  Verse: l     etāni vai punarādʰeyasya rūpāṇi /

Verse: m     rūpair evainat samardʰayati /


Verse: n     agnir vā utsīdann apa oṣadʰīr anūtsīdati /

Line: 13  Verse: o     etā vā āpa oṣadʰayo yad darbʰāḥ /

Page: 97  
Line: 1  Verse: p     yad darbʰā upolapā bʰavanti /

Verse: q     adbʰya evainam oṣadʰībʰyo 'dʰyavarunddʰe //


Line: 3  Verse: r     devāś ca vā asurāś cāspardʰanta /

Verse: s     te devā vijayam upayanto 'gnau priyās tanvaḥ saṃnyadadʰata /

Line: 4  Verse: t     yadi jayememā upāvartemahi yadi no jayeyur imā abʰyupadʰāvemeti /

Line: 5  Verse: u     te 'bʰijityānvaiccʰan sarveṣāṃ naḥ saheti /

Line: 6  Verse: v     so 'gnir abravīd yo mā maddevatyam ādadʰātai sa etābʰis tanūbʰiḥ saṃbʰavād iti /

Line: 7  Verse: w     taṃ devā ādadʰata /

Verse: x     ta etābʰis tanūbʰiḥ samabʰavan /

Line: 8  Verse: y     etābʰir eva tanūbʰiḥ saṃbʰavati ya evaṃ vidvān etam ādʰatte /

Line: 9  Verse: z     tvaṣṭā paśukāma ādʰatta /

Verse: aa     ta ime tvāṣṭrāḥ paśavaḥ /

Line: 10  Verse: ab     tenarddʰāḥ /

Verse: ac     manuḥ puṣṭikāma ādʰatta /

Verse: ad     sa imān poṣān apuṣyat /

Line: 11  Verse: ae     tenarddʰāḥ /

Verse: af     prajāpatiḥ prajākāma ādʰatta /

Verse: ag     tā imāḥ prājāpatyāḥ prajāḥ prājāyanta /

Line: 12  Verse: ah     tenarddʰāḥ /

Verse: ai     yo vai tam ādʰatta sa tena vasunā samabʰavat /

Line: 13  Verse: aj     tasmāt punarvasuḥ /

Verse: ak     tasmāt punarvasāv ādʰeyaḥ /


Verse: al     ārdʰnod vai sa yas tam ādʰatta /

Line: 14  Verse: am     tasmād anūrādʰāḥ /

Verse: an     tasmād anūrādʰāsv ādʰeyaḥ //


Section: 4  
Line: 16  Verse: a     agnir vā utsīdan saṃvatsaram anūtsīdati /

Verse: b     saptadaśa sāmidʰenīḥ kāryāḥ /
      FN emended. Ed.: sāmadʰenīḥ.

Line: 17  Verse: c     pañcartavaḥ / dvādaśa māsāḥ /

Verse: d     eṣa vāva sa saṃvatsaraḥ /

Line: 18  Verse: e     saṃvatsarād evādʰi yajñamukʰaṃ pratanute /


Verse: f     tad āhuḥ pañcadaśaiva kāryā na saptadaśeti /

Line: 19  Verse: g     etad dʰi saṃvatsarasya saṃkramaṇataraṃ yat pañcadaśa /

Line: 20  Verse: h     pañcadaśa sāmidʰenīr anūcyante /

Verse: i     pañcadaśārdʰamāsasya rātrayaḥ /

Line: 21  Verse: j     tābʰir eva tā āpyante /

Verse: k     yāvanti vai sāmidʰenīnām akṣarāṇi tāvanti saṃvatsarasyāhāni /

Line: 22  Verse: l     tair eva tāny āpyante /


Verse: m     agnir vā utsīdan saṃvatsaram anūtsīdati /

Line: 23  Verse: n     ṣaḍ vā r̥tavaḥ saṃvatsaraḥ /

Page: 98  
Line: 1  Verse: o     yat ṣaḍ vibʰaktayaḥ

Verse: p     saṃvatsarād evainam adʰyavarunddʰe /


Verse: q     saṃvatsaro vā agnir vaiśvānaraḥ /

Line: 2  Verse: r     ṣaḍ r̥tavaḥ /

Verse: s     tasmāt ṣaḍ vibʰaktayaḥ


Verse: t     yad dvyakṣarāḥ satīś caturakṣarāḥ kriyante /

Line: 3  Verse: u     ācaturaṃ hīme paśavo dvandvaṃ mitʰunāḥ /


Line: 4  Verse: v     yad vā idam agniṃ bahudʰā viharanti yad imān poṣān pupoṣa

Verse: w     tasmād agnir evaitāvatīr vibʰaktīr aśnute nānyā devatā /

Line: 5  Verse: x     yajñamukʰaṃ vai prayājāḥ /

Line: 6  Verse: y     yat prayājān antaryād yajñamukʰam antaryāt /

Verse: z     annaṃ vai prayājāḥ /

Line: 7  Verse: aa     yat prayājān antaryād annam antaryāt /

Verse: ab     yaḥ kāmayetardʰnuyām ity upariṣṭāt prayājānāṃ vibʰaktīḥ kuryāt /

Line: 8  Verse: ac     vīryaṃ vai vibʰaktayaḥ /

Verse: ad     vīryād evādʰi vaṣaṭkaroti /

Line: 9  Verse: ae     ajiram r̥ddʰim abʰikrāmati /


Verse: af     nānāgneyaṃ kriyata ity āhuḥ / kasmāt savibʰaktayaḥ prayājā bʰavantīti /

Line: 11  Verse: ag     saṃvatsaraṃ vā ete parījyante yat prayājāḥ /

Verse: ah     tenāgneyaṃ tena nānāgneyaṃ kriyate //


Line: 13  Verse: ai     punar ūrjā nivartasva punar agna iṣāyuṣā /

Line: 14  Verse: aj     punar naḥ pāhy aṃhasaḥ //

Line: 15  Verse: ak     iti purastāt prayājānāṃ juhuyāt /

Line: 16  Verse: al     saha rayyā nivartasvāgne pinvasva dʰārayā /

Line: 17  Verse: am     viśvapsnyā viśvatas pari //

Line: 18  Verse: an     ity upariṣṭād anuyājānāṃ juhuyāt /

Verse: ao     ūrjā vā eṣa paśubʰir utsīdan sahotsīdati /

Line: 19  Verse: ap     punar evorjaṃ paśūn avarunddʰe /

Verse: aq     atʰo ubʰayata eva yajñasyāśiṣardʰnoti //


Section: 5  
Line: 22  Verse: a     nānāgneyaṃ kriyata ity āhuḥ / kasmād ājyabʰāgau yajantīti /

Line: 23  Verse: b     cakṣuṣī vā ete yajñasya yad ājyabʰāgau /

Verse: c     yad ājyabʰāgāv antaryāc cakṣuṣī yajñasyāntaryāt /

Page: 99  
Line: 1  Verse: d     agna āyūṃṣi pavasa ity etāṃ somasyājyabʰāgasya loke kuryāt /

Line: 2  Verse: e     yad āgneyam /

Verse: f     tenāgneyī

Verse: g     yat pāvamānam /

Verse: h     tena saumī /

Line: 3  Verse: i     nānāgneyaṃ kriyate /

Verse: j     na somam antreti /


Verse: k     agnir mūrdʰā divaḥ kakud ity etāṃ somasyājyabʰāgasya loke kuryāt prajākāmasya vā paśukāmasya vā /

Line: 5  Verse: l     yan mitʰunā

Verse: m     tena prajananavatī

Verse: n     yad retasvatī

Verse: o     tena saumī /

Line: 6  Verse: p     nānāgneyaṃ kriyate /

Verse: q     na somam antareti //


Line: 7  Verse: r     vīrahā vā eṣa devānāṃ yo 'gnim utsādayate /
      FN emended. Ed.: utsātayate.

Verse: s     śatadāyo vīraḥ /

Line: 8  Verse: t     yad etāḥ śatākṣarā akṣarapaṅktayas /
      FN emended. Ed.: aparapaṅktayo.

Verse: u     vīram evaitad devānāmavadayate /


Line: 9  Verse: v     anyasyai vai pramāyā ādʰeyo 'nyasyai punarādʰeyaḥ /

Verse: w     na vai tām ādʰeyena spr̥ṇoti yasyai punarādʰeyaḥ /

Line: 10  Verse: x     punarādʰeyena vāva tāṃ spr̥ṇoti /

Line: 11  Verse: y     jarā vai devahitam āyuḥ /

Verse: z     tāvatīr hi samā jīvati /

Line: 12  Verse: aa     tasmād āhuḥ śatadāyo vīraḥ /

Verse: ab     yad etāḥ śatākṣarā akṣarapaṅktayo bʰavanti

Line: 13  Verse: ac     yāvad eva vīryaṃ tad āpnoti tat spr̥ṇoti /


Verse: ad     āyuṣā vā eṣa vīryeṇa vyr̥dʰyate yo 'gnim utsādayate /

Line: 14  Verse: ae     śatāyuḥ puruṣaḥ śatavīryaḥ /

Line: 15  Verse: af     āyur vīryaṃ hiraṇyam /

Verse: ag     yad dʰiraṇyaṃ śatamānaṃ dadāti /

Verse: ah     āyur eva vīryaṃ punar ālabʰate //


Section: 6  
Line: 17  Verse: a     yajñena vā eṣa vīryeṇa vyr̥dʰyate yo 'gnim utsādayate /

Line: 18  Verse: b     pāṅkto yajñaḥ /

Verse: c     yat pañcakapālas /

Verse: d     yajñam evālabʰate /


Verse: e     tad āhur aṣṭākapāla eva kāryo na pañcakapāla iti /

Line: 19  Verse: f     aṣṭākṣarā gāyatrī /

Verse: g     gāyatro 'gnir gāyatraccʰandāḥ /

Line: 20  Verse: h     āgenyam etat kriyate yat punarādʰeyam /

Verse: i     tasmād aṣṭāpakālaḥ /


Line: 21  Verse: j     tat tan na sūrkṣyam /

Verse: k     pañcakapāla eva kāryaḥ /


Verse: l     agnir vā utsīdan saṃvatsaram anūtsīdati /

Line: 22  Verse: m     pañca vā r̥tavaḥ saṃvatsaraḥ /

Page: 100  
Line: 1  Verse: n     pañcatʰād vā adʰy r̥toḥ ṣaṣṭʰa r̥tur babʰūva /

Verse: o     samānam etad yat pañcatʰaś cartuḥ ṣaṣṭʰaś ca /

Line: 2  Verse: p     yat pañcakapālaḥ

Verse: q     saṃvatsarād evainam āpnoti /


Verse: r     pañcartavaḥ /

Line: 3  Verse: s     prajananam r̥tavaḥ /

Verse: t     yat pañcakapālaḥ

Verse: u     prajananāya /


Verse: v     prajananaṃ vā r̥tavo 'gniḥ prajanayitā /

Line: 4  Verse: w     yat pañcakapālaḥ

Verse: x     prajananād evainaṃ prajanayitā prajanayati //


Line: 6  Verse: y     ādityā vā itaḥ sarveṇaiva sahāmuṃ lokam āyan /

Verse: z     te vyatr̥ṣyan /

Line: 7  Verse: aa     te 'vidur amutaḥpradānād vā ihājagāmeti /

Verse: ab     ta etaṃ punar ādadʰata /

Line: 8  Verse: ac     tenārdʰnuvan /

Verse: ad     ādityā vā asmiṃl loke r̥ddʰā ādityā amuṣmin /

Line: 9  Verse: ae     paśavo 'sminn r̥tavo 'muṣmin /

Verse: af     ubʰayor eva lokayor r̥dʰnoti ya evaṃ vidvān etayā yajate //


Line: 11  Verse: ag     ketaḥ saketaḥ suketas te na ādityā juṣāṇā asya haviṣo vyantu svāhā /

Line: 12  Verse: ah     salilaḥ saligaḥ sagaras te na ādityā juṣāṇā asya haviṣo vyantu svāhā /

Line: 13  Verse: ai     divo jyotir vivasva āditya te no devā deveṣu satyāṃ devahūtim āsuvadʰvam /

Line: 14  Verse: aj     ādityebʰyaḥ svāhety etair vai te tam ādadʰata /

Verse: ak     yad evaitair ādʰatte 'tʰāhitaḥ /

Line: 15  Verse: al     ādityo hi punarādʰeyaḥ //


Section: 7  
Line: 17  Verse: a     āgneyo 'ṣṭākapālaḥ /

Verse: b     saumyaś caruḥ /

Verse: c     sāvitro dvādaśakapālaḥ /

Line: 18  Verse: d     sārasvataś caruḥ /

Verse: e     pauṣṇaś caruḥ /

Verse: f     mārutaḥ saptakapālaḥ /

Line: 19  Verse: g     vaiśvadevy āmikṣā /

Verse: h     dyāvāpr̥tʰivya ekakapālaḥ /

Verse: i     āgneyo 'ṣṭākapālaḥ /

Line: 20  Verse: j     saumyaś caruḥ /

Verse: k     sāvitro 'ṣṭākapālaḥ /

Verse: l     sārasvataś caruḥ /

Line: 21  Verse: m     pauṣṇaś caruḥ /

Verse: n     aindrāgno dvādaśakapālaḥ /

Verse: o     māruty āmikṣā /

Line: 22  Verse: p     vāruṇy āmikṣā /

Verse: q     kāya ekakapālaḥ //


Line: 23  Verse: r     namas ta ātāna /

Verse: s     anarvāk prehi gʰr̥tasya kulyām anu saha prajayā saha rāyaspoṣeṇa //

Page: 101  
Line: 1  Verse: t     pragʰāsyān havāmahe maruto yajñavāhasaḥ /

Line: 2  Verse: u     karambʰeṇa sajoṣasaḥ //

Line: 3  Verse: v     mo ṣū ṇa indrātra pr̥tsu devā astu ṣma te śuṣminn avayāḥ /

Line: 4  Verse: w     mahī devasya mīḍʰuṣo 'vayā haviṣmato maruto vandate gīḥ //

Line: 5  Verse: x     yad grāme yad araṇye yat sabʰāyāṃ yad indriye /

Line: 6  Verse: y     yad enaś cakr̥mā vayaṃ yad apsaś cakr̥mā vayam /

Line: 7  Verse: z     yad ekasyāpi dʰarmaṇīdaṃ tad avayajāmahe // svāhā //
      FN The ms. Ed.: dʰameṇīdaṃ. Oertel, p.3, n.1.

Line: 8  Verse: aa     akran karma karmakr̥taḥ saha vācā mayobʰuvā /

Line: 9  Verse: ab     devebʰyaḥ karma kr̥tvāstaṃ preta sudānavaḥ //


Section: 8  
Line: 11  Verse: a     agnaye 'nīkavate prātar aṣṭākapālaḥ /

Verse: b     marudbʰyaḥ sāṃtapanebʰyo madʰyaṃdine caruḥ /

Line: 12  Verse: c     marudbʰyo gr̥hamedʰibʰyaḥ sarvāsāṃ dugdʰe sāyam odanaḥ //

Line: 13  Verse: d     pūrṇā darvi parāpata supūrṇā punar āpata /

Line: 14  Verse: e     vasneva vikrīṇāvahā iṣam ūrjaṃ śatakrato //

Line: 15  Verse: f     dehi me dadāmi te ni me dʰeni ni te dadʰe /

Line: 16  Verse: g     nihāram in ni me hara nihāraṃ niharāmi te //

Line: 17  Verse: h     marudbʰyaḥ krīḍibʰyaḥ prātaḥ saptakapālaḥ puroḍāśaḥ /

Verse: i     āgneyo 'ṣṭākapālaḥ /

Line: 18  Verse: j     saumyaś caruḥ /

Verse: k     sāvitro 'ṣṭākapālaḥ /

Verse: l     sārasvataś caruḥ /

Line: 19  Verse: m     pauṣṇaś caruḥ /

Verse: n     aindrāgna ekādaśakapālaḥ /

Verse: o     aindraś caruḥ /

Line: 20  Verse: p     vaiśvakarmaṇa ekakapālaḥ //

Line: 21  Verse: q     agne ver hotraṃ ver dūtyam /

Verse: r     ūrdʰvo 'dʰvare 'stʰāḥ /

Verse: s     avatāṃ tvā dyāvāpr̥tʰivī /

Line: 22  Verse: t     ava tvaṃ dyāvāpr̥tʰivī /

Verse: u     sviṣṭakr̥d indrāya devebʰyo bʰava /

Line: 23  Verse: v     juṣāṇo asya haviṣo gʰr̥tasya vīhi svāhā //


Section: 9  
Page: 102  
Line: 1  Verse: a     somāya pitr̥mata ājyam /

Verse: b     pitr̥bʰyo barhiṣadbʰyaḥ ṣaṭkapālaḥ puroḍāśaḥ /

Line: 2  Verse: c     pitr̥bʰyo 'gniṣvāttebʰyo dʰānāḥ /

Verse: d     agnaye kavyavāhanāya mantʰaḥ /

Line: 3  Verse: e     etat te tata ye ca tvānu /

Verse: f     etat te pitāmaha ye ca tvānu /

Line: 4  Verse: g     etat te prapitāmaha ye ca tvānu /

Verse: h     atra pitaro mādayadʰvam //

Line: 5  Verse: i     susaṃdr̥śaṃ tvā vayaṃ magʰavan mandiṣīmahi /

Line: 6  Verse: j     pra nūnaṃ pūrṇavandʰura stuto yāhi vaśāṃ anu yojā nv indra te harī //

Line: 7  Verse: k     pareta pitaraḥ somyāso gambʰīrebʰiḥ patʰibʰiḥ pūrviṇebʰiḥ /

Line: 8  Verse: l     dattvāyāsmabʰyaṃ draviṇeha bʰadraṃ rayiṃ ca naḥ sarvavīraṃ niyaccʰata //

Line: 9  Verse: m     amīmadanta pitaraḥ //

Line: 10  Verse: n     ayā viṣṭʰā janayan karvarāṇi sa hi gʰr̥ṇir urur varāya gātuḥ /

Line: 11  Verse: o     sa pratyaṅṅ aid dʰaraṇaṃ madʰvo agraṃ svā yat tanū tanvam airayata //

Line: 12  Verse: p     akṣann amīmadanta hy ava priyā adʰūṣata /

Line: 13  Verse: q     astoṣata svabʰānavo viprā naviṣṭʰyā matī yojā nv indra te harī //

Line: 14  Verse: r     namo vaḥ pitaro manyave /

Verse: s     namo vaḥ pitaraḥ śuṣmāya /

Verse: t     namo vaḥ pitaro jīvāya /

Line: 15  Verse: u     namo vaḥ pitaro rasāya /

Verse: v     namo vaḥ pitaro balāya /

Line: 16  Verse: w     namo vaḥ pitaro yat krūraṃ tasmai /

Verse: x     namo namo vaḥ pitaraḥ /

Line: 17  Verse: y     svadʰā vaḥ pitaraḥ /
      FN emended. Ed.: pitara.

Verse: z     yātra pitaraḥ svadʰā yatra yūyaṃ stʰa sā yuṣmāsu /

Line: 18  Verse: aa     tayā yūyaṃ yatʰāvibʰāgaṃ mādayadʰvam /

Verse: ab     yeha pitara ūrg yatra vayaṃ smaḥ sāsmāsu /

Line: 19  Verse: ac     tasyai vayaṃ jyog jīvanto bʰūyāsma //

Line: 20  Verse: ad     mano nv āhuvāmahe nārāśaṃsena stomena /

Line: 21  Verse: ae     pitr̥̄ṇaṃ ca manmabʰiḥ //

Line: 22  Verse: af     ā na etu manaḥ punaḥ kratve dakṣāya jīvase /

Line: 23  Verse: ag     jyok ca sūryaṃ dr̥śe /

Page: 103  
Line: 1  Verse: ah     punar naḥ pitaro mano dadātu daivyo janaḥ /

Line: 2  Verse: ai     jīvaṃ vrātaṃ sacemahi //


Section: 10  
Line: 3  Verse: a     yad antarikṣaṃ pr̥tʰivīm uta dyāṃ yat pitaraṃ mātraṃ vā jihiṃsima /

Line: 4  Verse: b     agnir nas tasmād enaso gārhapatyaḥ pramuñcatu duritāni yāni cakr̥ma //

Line: 5  Verse: c     rudrākʰuṃ te paśuṃ karomi /

Verse: d     eṣa te rudra bʰāgaḥ /

Verse: e     saha svasrāmbikayā taṃ juṣasva svāhā //

Line: 7  Verse: f     avāmba rudram adimahy ava devaṃ tryambakam /

Line: 8  Verse: g     yatʰā no vasyasas karad yatʰā naḥ śreyas karad yatʰā no vyavasāyayāt //

Line: 9  Verse: h     bʰeṣajaṃ gave 'śvāya puruṣāya subʰagaṃ meṣāya meṣyai /
      FN puruṣāya bʰeṣajam and sugam meṣāya meṣyai ?

Line: 10  Verse: i     atʰo asmabʰyaṃ bʰeṣajaṃ subʰeṣajaṃ yatʰāsati //

Line: 11  Verse: j     tryambakaṃ yajāmahe sugandʰiṃ rayipoṣaṇam /

Line: 12  Verse: k     urvārukam iva bandʰanān mr̥tyor mukṣīya māmr̥tāt //

Line: 13  Verse: l     bʰago 'si /

Verse: m     bʰagasya te lapsīya /

Verse: n     eṣa te rudra bʰāgaḥ /

Line: 14  Verse: o     tenāvasena paro mūjavato 'tīhi kr̥ttivāsāḥ pinākahasto 'vatatadʰanvā /

Line: 15  Verse: p     edʰo 'sy edʰiṣīmahi /

Verse: q     samid asi samedʰiṣīmahi /

Line: 16  Verse: r     tejo 'si tejo mayi dʰehi //


Section: 11  
Line: 18  Verse: a     cittiḥ sruk /

Verse: b     cittam ājyam /

Verse: c     vāg vediḥ /

Verse: d     ādʰītaṃ barhiḥ /

Line: 19  Verse: e     keto agniḥ /

Verse: f     vijñātam agnīt /

Verse: g     vācaspatir hotā /

Verse: h     mana upavaktā /

Line: 20  Verse: i     prāṇo haviḥ /

Verse: j     sāmādʰvaryuḥ /

Verse: k     indraṃ gaccʰa svāhā /

Verse: l     pr̥tʰivī hotā /

Line: 21  Verse: m     dyaur adʰvaryuḥ /

Verse: n     tvaṣṭāgnīt /

Verse: o     mitra upavaktā /

Verse: p     vācaspate vāco vīryeṇa saṃbʰr̥tatamenāyakṣase /

Page: 104  
Line: 1  Verse: q     yajñapataye vāryam ā svas karaḥ /
      FN emended. Ed.: vīryam. Oertel, p.3, n.1.

Line: 2  Verse: r     vācaspatiḥ somaṃ pibatu /

Verse: s     jajanad indram indriyāya svāhā /

Verse: t     somaḥ somasya purogāḥ /
      FN emended. Ed.: purogaḥ.

Line: 3  Verse: u     śukraḥ śukrasya purogāḥ /

Verse: v     śrātās ta indra somā vātāpayo havanaśrutaḥ svāhā /

Line: 4  Verse: w     agnir hotā /

Verse: x     aśvinādʰvaryū /

Line: 5  Verse: y     rudro 'gnīt /

Verse: z     br̥haspatir upavaktā /

Verse: aa     vācaspate hr̥dvidʰe nāman vācaspatiḥ somam apāt /

Line: 6  Verse: ab     āsmāsu nr̥mṇaṃ dʰāt svāhā /

Line: 7  Verse: ac     somaḥ somasya purogāḥ /

Verse: ad     śukraḥ śukrasya purogāḥ /

Verse: ae     śrātās ta indra somā vātāpayo havanaśrutaḥ svāhā //


Section: 12  
Line: 10  Verse: a     devasya tvā savituḥ prasave 'śvinor bāhubʰyāṃ pūṣṇo hastābʰyāṃ pratigr̥hṇāmi /

Line: 11  Verse: b     varuṇas tvā nayatu devi dakṣiṇe /

Verse: c     yamāyāśvam /

Line: 12  Verse: d     tenāmr̥tatvam aśīya /

Verse: e     vayo dātre bʰūyān mayo mahyaṃ pratigrahītre /

Line: 13  Verse: f     devasya tvā /

Verse: g     varuṇas tvā nayatu devi dakṣiṇe /

Verse: h     agnaye hiraṇyam /

Line: 14  Verse: i     rudrāya gām /

Verse: j     gnās tvākr̥ntann apaso 'tanvata varutrīr avayan /

Line: 15  Verse: k     varuṇas tvā nayatu devi dakṣiṇe /

Verse: l     br̥haspataye vāsaḥ /

Line: 16  Verse: m     tenāmr̥tatvam aśīya /

Verse: n     vayo dātre bʰūyān mayo mahyaṃ pratigrahītre //

Line: 17  Verse: o     ka idaṃ kasmā adāt /

Verse: p     kāmaḥ kāmāya /

Verse: q     kāmo dātā kāmaḥ pratigrahītā /

Line: 18  Verse: r     kāmaḥ samudram āviśat /

Verse: s     kāmena tvā pratigr̥hṇāmi /

Line: 19  Verse: t     kāmaitat te //

Page: 105  
Line: 1  Verse: u     mahāhavir hotā /

Verse: v     satyahavir adʰvaryuḥ /

Verse: w     acittapājā agnīt /

Line: 2  Verse: x     acittamanā upavaktā /

Verse: y     anādʰr̥ṣyaś cāpratidʰr̥ṣyaś cābʰigarau /

Line: 3  Verse: z     ayāsya udgātā /

Verse: aa     vācaspate vidʰe nāman vidʰema te nāma /

Line: 4  Verse: ab     vidʰes tvam asmākaṃ nāma /

Verse: ac     mā devānāṃ tantuś cʰedi mā manuṣyāṇām //


Next part


This text is part of the TITUS edition of Black Yajur-Veda: Kapisthala-Katha-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.