TITUS
Black Yajur-Veda: Kapisthala-Katha-Samhita
Part No. 9
Previous part

Adhyaya: 25  
Section: 1  
Page: 109  
Line: 1  Verse: a     om //

Line: 2  Verse: b     ud u tvā viśve devās agne bʰarantu cittibʰiḥ /

Line: 3  Verse: c     sa no bʰava śivas tvaṃ supratīko vibʰāvasuḥ //

Line: 4  Verse: d     pred agne jyotiṣmān yāhi śivebʰir arcibʰiṣ ṭvam /

Line: 5  Verse: e     br̥hadbʰir bʰānubʰir bʰāsan mā hiṃsīs tanvā prajāḥ //

Line: 6  Verse: f     akrandad agniḥ //

Line: 7  Verse: g     annapate annasya no dehy anamīvasya śuṣmiṇaḥ /

Line: 8  Verse: h     prapra dātāraṃ tāriṣa ūrjaṃ no dʰehi dvipade catuṣpade //

Line: 9  Verse: i     samidʰāgniṃ duvasyata //
      FN emended. Ed.: duvasyat.

Line: 10  Verse: j     praprāyam agnir bʰaratasya śr̥ṇve vi yat sūryo na rocate br̥had bʰāḥ /

Line: 11  Verse: k     abʰi yaḥ pūruṃ pr̥tanāsu tastʰau dīdāya daivyo atitʰiḥ śivo naḥ //

Line: 12  Verse: l     āpo devīḥ pratigr̥hṇīta bʰasmaitat syone kr̥ṇudʰvaṃ surabʰāv u loke /

Line: 13  Verse: m     tasmai namantāṃ janayaḥ supatnīr māteva putraṃ bibʰr̥tā syonam //

Line: 14  Verse: n     apsv agne sadʰiṣ ṭava sauṣadʰīr anurudʰyase /

Line: 15  Verse: o     garbʰe saṃjāyase punaḥ //

Line: 16  Verse: p     garbʰo asy oṣadʰīnāṃ garbʰo vanaspatīnām /

Line: 17  Verse: q     garbʰo viśvasya bʰūtasyāgne garbʰo apām asi //

Line: 18  Verse: r     prasadya bʰasmanā yonim apaś ca pr̥tʰivīm agne /

Page: 110  
Line: 1  Verse: s     saṃsr̥jya mātr̥bʰiṣ ṭvaṃ jyotiṣmān punar āsadaḥ //

Line: 2  Verse: t     punar āsadya sadanam apaś ca pr̥tʰivīm agne /

Line: 3  Verse: u     śeṣe mātur yatʰopastʰe 'ntar asyāṃ śivatamaḥ //

Line: 4  Verse: v     punar ūrjā // saha rayyā //

Line: 5  Verse: w     bodʰā me asya vacaso yaviṣṭʰa maṃhiṣṭʰasya prabʰr̥tasya svadʰāvaḥ /

Line: 6  Verse: x     pīyati tvo anu tvo gr̥ṇāti vandārus te tanvaṃ vande agne //

Line: 7  Verse: y     sa bodʰi sūrir magʰavā vasudāvā vasupatiḥ /

Line: 8  Verse: z     yuyodʰy asmad dveṣāṃsi //


Section: 2  
Line: 10  Verse: a     apeta vīta vi ca sarpatāto ye 'tra stʰa purāṇā ye ca nūtanāḥ /

Line: 11  Verse: b     adād yamo 'vasānaṃ pr̥tʰivyā akrann imaṃ pitaro lokam asmai //

Line: 12  Verse: c     saṃjñānam asi kāmadʰaraṇaṃ mayi te kāmadʰaraṇaṃ bʰūyāt /

Line: 13  Verse: d     agner bʰasmāsi /

Verse: e     agneḥ purīṣam asi /

Verse: f     cita stʰa paricitas ūrdʰvacitaḥ śrayadʰvam //

Line: 15  Verse: g     ayaṃ so agnir yasmin somam indraḥ sutaṃ dadʰe jaṭʰare vāvaśānaḥ /

Line: 16  Verse: h     sahasriṇaṃ vājam atyaṃ na saptiṃ sasavān san stūyase jātavedaḥ //

Line: 17  Verse: i     agne divo arṇam accʰā jigāsy accʰā devāṃ ūciṣe dʰiṣṇyā ye /

Line: 18  Verse: j     yāś cāvastād upatiṣṭʰanta āpo yā vā paro rocane sūryasya //

Line: 19  Verse: k     agne yat te divi varcaḥ pr̥tʰivyāṃ yat parvateṣv oṣadʰīṣv apasu /

Line: 20  Verse: l     yenāntarikṣam urv ātatantʰa tveṣaḥ sa bʰānur arṇavo nr̥cakṣāḥ //

Line: 21  Verse: m     purīṣyāso agnayaḥ prāvaṇebʰiḥ sajoṣasaḥ /

Line: 22  Verse: n     juṣantāṃ havyam āhutam anamīvā iṣo mahīḥ //

Page: 111  
Line: 1  Verse: o     iḍām agne purudaṃsaṃ saniṃ goḥ śaśvattamaṃ havamānāya sādʰa /

Line: 2  Verse: p     syān naḥ sūnus tanayo vijāvāgne sā te sumatir bʰūtv asme //

Line: 3  Verse: q     ayaṃ te yonir r̥tviyaḥ //

Line: 4  Verse: r     cid asi /

Verse: s     tayā devatayāṅgirasvad dʰruvā sīda /

Verse: t     paricid asi /

Line: 5  Verse: u     tayā devatayāṅgirasvad dʰruvā sīda //

Line: 6  Verse: v     samitaṃ saṃkalpetʰāṃ saṃpriyau rociṣṇū sumanasyamānau /

Line: 7  Verse: w     iṣam ūrjam abʰi saṃvasānau //

Line: 8  Verse: x     saṃ vāṃ manāṃsi saṃ vratā sam u cittāny ākaram /

Line: 9  Verse: y     agne purīṣyādʰipā bʰava tvaṃ na iṣam ūrjaṃ yajamānāya dʰehi //

Line: 10  Verse: z     agne tvaṃ purīṣyo rayimān puṣṭimāṃ asi /

Line: 11  Verse: aa     śivāḥ kr̥tvā diśaḥ sarvāḥ svaṃ yonim ihāsadaḥ //

Line: 12  Verse: ab     bʰavataṃ naḥ samanasau //

Line: 13  Verse: ac     māteva putraṃ pr̥tʰivī purīṣyam agniṃ sve yonāv abʰār ukʰā /

Line: 14  Verse: ad     tāṃ viśve devā r̥tubʰiḥ saṃvidānāḥ prajāpatir viśvakarmā vimuñcatu //


Section: 3  
Line: 17  Verse: a     yad asya pāre rajasaś citraṃ jyotir ajāyata /

Line: 18  Verse: b     tan naḥ parṣad ati dviṣo agne vaiśvānara dyumat //
      FN < dviṣaḥ

Line: 19  Verse: c     asunvantam ayajamānam iccʰa stenasyetyāṃ taskarasyānvihi /

Line: 20  Verse: d     anyam asmad iccʰa sā ta ityā namo devi nirr̥te tubʰyam astu //

Page: 112  
Line: 1  Verse: e     yat te asmin gʰora āsan juhomy eṣāṃ bandʰānām avasarjanāya kam /

Line: 2  Verse: f     yāṃ tvā jano bʰūmir iti pramandate nirr̥tir iti tvāhaṃ pari veda viśvataḥ //

Line: 4  Verse: g     namaḥ su te nirr̥te tigmatejo 'yasmayaṃ vicr̥tā bandʰam etam /

Line: 5  Verse: h     yamena tvaṃ yamyā saṃvidānottame nāke adʰi rohayainam //
      FN emended. Ed.: rāheyainam.

Line: 6  Verse: i     yaṃ te devī nirr̥tir ābabandʰa pāśaṃ grīvāsv avicartyam /

Line: 7  Verse: j     taṃ te viṣyāmy āyuṣo nu madʰye 'dʰā viṣitaḥ pitumad dʰi pramuktaḥ //

Line: 8  Verse: k     niveśanaḥ saṃgamano vasūnāṃ viśvā rūpābʰicaṣṭe śacībʰiḥ /

Line: 9  Verse: l     deva iva savitā satyadʰarmendro na tastʰau samare patʰīnām //

Line: 10  Verse: m     sīrā yuñjanti kavayo yugā vitanvate pr̥tʰak /

Line: 11  Verse: n     dʰīrā deveṣu sumnayā //

Line: 12  Verse: o     yunakta sīrā vi yugā tanota kr̥to yonir vapateha bījam /

Line: 13  Verse: p     girā ca śruṣṭiḥ sabʰarā asan no nedīya it sr̥ṇyaḥ pakvam eyāt //

Line: 14  Verse: q     pūṣā yunaktu savitā yunaktu br̥haspatiḥ savitā devo agniḥ //

Line: 15  Verse: r     śunaṃ supʰālā vitudantu bʰūmiṃ śunaṃ kīnāśā abʰiyantu vāhān /

Line: 16  Verse: s     śunāsīrā havyajuṣṭiṃ juṣāṇedaṃ bījam avatam upyamānam //

Line: 17  Verse: t     lāṅgalaṃ pavīravaṃ suśevaṃ somapitsaru /

Line: 18  Verse: u     ud id vapati gām aviṃ prastʰāvad ratʰavāhanaṃ prapʰarvyaṃ ca pīvarīm //

Line: 19  Verse: v     gʰr̥tena sītā madʰunā samajyatāṃ viśvair devair anumataṃ marudbʰiḥ /

Line: 20  Verse: w     ūrjo bʰāgaṃ madʰumat pinvamānāsmān sīte payasābʰyāvavr̥tsva //

Line: 21  Verse: x     vimucyadʰvam agʰnyā devayānā aganma tamasas pāram /

Line: 22  Verse: y     jyotir āpāma //

Page: 113  
Line: 1  Verse: z     kāmaṃ kāmadugʰe dʰukṣva mitrāya varuṇāya ca /

Line: 2  Verse: aa     indrāyāśvibʰyāṃ pūṣṇe prajābʰya oṣadʰībʰyaḥ //


Section: 4  
Line: 5  Verse: a     yā oṣadʰayaḥ pratʰamajās devebʰyas triyugaṃ purā /

Line: 6  Verse: b     manai nu babʰrūṇām ahaṃ śataṃ dʰāmāni sapta ca //

Line: 7  Verse: c     śataṃ vo amba dʰāmāni sahasram uta vo ruhaḥ /

Line: 8  Verse: d     adʰā śatakrato yūyam imaṃ me agadaṃ kr̥ta //

Line: 9  Verse: e     puṣpavatīḥ prasūmatīḥ pʰalinīr apʰalā uta /

Line: 10  Verse: f     aśvā iva sajitvarīr vīrudʰaḥ pārayiṣṇavaḥ //

Line: 11  Verse: g     oṣadʰīr iti mātaras tad vo devīr upabruve /

Line: 12  Verse: h     rapāṃsi vigʰnatīr ita rakṣaś cātayamānāḥ //

Line: 13  Verse: i     aśvattʰe vo niṣadanaṃ parṇe vo vasatiṣ kr̥tā /

Line: 14  Verse: j     gobʰāja it kilāsatʰa yat sanavatʰa pūruṣam //

Line: 15  Verse: k     aśvāvatīṃ somāvatīm ūrjayantīm udojasam /

Line: 16  Verse: l     āvitsi sarvā oṣadʰīr asmā ariṣṭatātaye //

Line: 17  Verse: m     yad oṣadʰayaḥ samagmata rājānaḥ samitāv iva /

Line: 18  Verse: n     vipraḥ sa ucyate bʰiṣag rakṣohāmīvacātanaḥ //

Line: 19  Verse: o     uc cʰuṣmā oṣadʰīnāṃ gāvo goṣṭʰād iverate /

Line: 20  Verse: p     dʰanaṃ saniṣyantīnām ātmānaṃ tava pūruṣa //

Line: 21  Verse: q     ati viśvāḥ pariṣṭʰā stena iva vrajam akramuḥ /

Line: 22  Verse: r     oṣadʰayaḥ prācucyavur yat kiṃca tanvo rapaḥ //

Page: 114  
Line: 1  Verse: s     yās ta ātastʰur ātmānam āviviśuḥ paruṣparuḥ /

Line: 2  Verse: t     tās te yakṣmaṃ vibādʰantām ugro madʰyamaśīr iva //

Line: 3  Verse: u     yad ahaṃ vājayann imā oṣadʰīr hasta ādadʰe /

Line: 4  Verse: v     ātmā yakṣmasya naśyati purā jīvagr̥bʰo yatʰā //

Line: 5  Verse: w     niṣkr̥tir nāma vo mātātʰo yūyaṃ stʰa niṣkr̥tīḥ /

Line: 6  Verse: x     sīrāḥ patatriṇī stʰana yad āmayati niṣkr̥tʰa //

Line: 7  Verse: y     sākaṃ yakṣma prapata cāṣeṇa kikidīvinā /

Line: 8  Verse: z     sākaṃ vātasya dʰrājyā sākaṃ naśya nihākayā //

Line: 9  Verse: aa     anyā vo anyām avatv anyānyasyā upāvata /

Line: 10  Verse: ab     tāḥ sarvāḥ saṃvidānā idaṃ me prāvatā vacaḥ //

Line: 11  Verse: ac     avapatantīr avadan divo 'ntebʰyas pari /
      FN emended. Ed.: apavatantīr. The ms.: avapaśyantīr.

Line: 12  Verse: ad     yaṃ jīvam aśnavāmahai na sa riṣyāti pūruṣaḥ //
      FN emended. Ed.: sā.


Section: 5  
Line: 14  Verse: a     mā no hiṃsīj janitā yaḥ pr̥tʰivyā yo vā divaṃ satyadʰarmā vyānaṭ /

Line: 15  Verse: b     yaś cāpaś candrāḥ pratʰamo jajāna kasmai devāya haviṣā vidʰema //

Line: 16  Verse: c     abʰyāvartasva pr̥tʰivi yajñena payasā saha /

Line: 17  Verse: d     vapāṃ te agnir iṣito arohat //

Line: 18  Verse: e     agne yat te śukraṃ yac candraṃ yat pūtaṃ yac ca yajñiyam /

Line: 19  Verse: f     tad devebʰyo bʰarāmasi //

Page: 115  
Line: 1  Verse: g     iṣam ūrjam aham ita ādam r̥tasya yoniṃ mahiṣasya dʰārām /

Line: 2  Verse: h     ā no goṣu viśatv ā tanūṣu jahāmi sedim anirām amīvām //

Line: 3  Verse: i     agne tava śravo vayo mahi bʰrājante arcayo vibʰāvaso /

Line: 4  Verse: j     br̥hadbʰāno śavasā vājam uktʰyaṃ dadʰāsi dāśuṣe kave //

Line: 5  Verse: k     pāvakavarcāḥ śukravarcā anūnavarcā ud iyarṣi bʰānunā /

Line: 6  Verse: l     putraḥ pitarā vicarann upāvasi pr̥ṇakṣi rodasī ubʰe //

Line: 7  Verse: m     ūrjo napāj jātavedaḥ suśastibʰir mandasva dʰītibʰir hitaḥ /

Line: 8  Verse: n     tve viśve saṃdadʰur bʰūrivarpasaś citrotayo vāmajātāḥ //

Line: 9  Verse: o     irajyann agne pratʰayasva jantubʰir asme rāyo amartya /

Line: 10  Verse: p     sa darśatasya vapuṣo virājasi pr̥ṇakṣi sānasiṃ rayim //

Line: 11  Verse: q     r̥tāvānaṃ mahiṣaṃ viśvadarśatam agniṃ sumnāya dadʰire puro janāḥ /

Line: 12  Verse: r     śrutkarṇaṃ sapratʰastamaṃ tvā yujā viprāso mānuṣā yugā //
      FN emended. Ed.: śrutakarṇaṃ.

Line: 13  Verse: s     niṣkartāram adʰvarasya pracetasaṃ kṣayantaṃ rādʰase mahe /

Line: 14  Verse: t     rātiṃ vāmasya subʰagāṃ mahīm iṣaṃ pr̥ṇakṣi darśataṃ kratum //

Line: 15  Verse: u     āpyāyasva sametu te viśvataḥ soma vr̥ṣṇyam /

Line: 16  Verse: v     bʰavā vājasya saṃgatʰe //

Line: 17  Verse: w     saṃ te payāṃsi sam u yantu vājāḥ saṃ vr̥ṣṇyāny abʰimātiṣāhaḥ /

Line: 18  Verse: x     āpyāyamāno amr̥tāya soma divi śravāṃsy uttamāni dʰiṣva //


Section: 6  
Line: 21  Verse: a     apāṃ pr̥ṣṭʰam asi //

Page: 116  
Line: 1  Verse: b     brahma jajñānaṃ pratʰamaṃ purastād vi sīmataḥ suruco vena āvaḥ /

Line: 2  Verse: c     sa budʰnyā upamā asya viṣṭʰāḥ sataś ca yonim asataś ca vivaḥ //

Line: 3  Verse: d     hiraṇyagarbʰaḥ samavartatāgre bʰūtasya jātaḥ patir eka āsīt /

Line: 4  Verse: e     sa dādʰāra pr̥tʰivīṃ dyāmutemāṃ kasmai devāya haviṣā vidʰema //

Line: 5  Verse: f     drapsaś caskanda //

Line: 6  Verse: g     namo astu sarpebʰyo ye ke ca pr̥tʰivyām adʰi /

Line: 7  Verse: h     ye antarikṣe ye divi tebʰyaḥ sarpebʰyo namaḥ //

Line: 8  Verse: i     ya iṣavo yātudʰānānāṃ ye vā vanaspatīṃr anu /

Line: 9  Verse: j     ye vāvaṭeṣu śerate tebʰyaḥ sarpebʰyo namaḥ //

Line: 10  Verse: k     ye vādo rocane divo ye vā sūryasya raśmiṣu /

Line: 11  Verse: l     ye apsu sadāṃsi cakrire tebʰyaḥ sarpebʰyo namaḥ //

Line: 12  Verse: m     kr̥ṇuṣva pājaḥ prasitiṃ na pr̥tʰvīṃ yāhi rājevāmavāṃ ibʰena /

Line: 13  Verse: n     tr̥ṣvīm anu prasitiṃ drūṇāno 'stāsi vidʰya rakṣasas tapiṣṭʰaiḥ //

Line: 14  Verse: o     tava bʰramāsa āśuyā patanty anuspr̥śa dʰr̥ṣatā śośucānaḥ /

Line: 15  Verse: p     tapūṃṣy agne juhvā pataṅgān asaṃdito visr̥ja viṣvag ulkāḥ //

Line: 16  Verse: q     prati spaśo visr̥ja tūrṇitamo bʰavā pāyur viśo asyā adabdʰaḥ /

Line: 17  Verse: r     yo no dūre agʰaśaṃso yo anty agne mākiṣ ṭe vyatʰir ādadʰarṣīt //
      FN emended. Ed.: ādadʰarṣīta.

Line: 18  Verse: s     ud agne tiṣṭʰa pratyātanuṣva ny amitrāṃ oṣatāt tigmahete /

Line: 19  Verse: t     yo no arātiṃ samidʰāna cakre nīcā taṃ dʰakṣy atasaṃ na śuṣkam //

Line: 20  Verse: u     ūrdʰvo bʰava pratividʰyādʰy asmad āviṣ kr̥ṇuṣva daivyāny agne /

Line: 21  Verse: v     ava stʰirā tanuhi yātujūnāṃ jāmim ajāmiṃ pramr̥ṇīhi śatrūn //

Page: 117  
Line: 1  Verse: w     agnes tvā tejasā sādayāmi /

Verse: x     indrasya tvaujasā sādayāmi //

Line: 2  Verse: y     ayam agniḥ [ sahasriṇo vājasya śatinaspatiḥ / ]

Line: 3  Verse: z     [ mūrdʰā kavī rayīṇāṃ // ... // ]


Section: 8  
Page: 118  
Line: 1  Verse: a     yo agnir agnes tapaso 'dʰi jātaḥ śokāt pr̥tʰivyā uta vā divas pari /

Line: 3  Verse: b     yena prajā viśvakarmā jajāna tam agne heḍaḥ pari te vr̥ṇaktu //

Line: 4  Verse: c     imaṃ mā hiṃsīr dvipādaṃ paśūnāṃ sahasrākṣa medʰa ācīyamānaḥ /

Line: 5  Verse: d     mayuṃ paśuṃ medʰam agne jaṣasva tena cinvānas tanvaṃ niṣīda //

Line: 6  Verse: e     mayuṃ te kṣut /

Verse: f     yaṃ dviṣmas taṃ te śug r̥ccʰatu //

Line: 7  Verse: g     imaṃ mā hiṃsīr ekaśapʰaṃ paśūnāṃ kanikradaṃ vājinaṃ vājineṣu /
      FN emended. Ed.: iyaṃ. Oertel, p.3, n.1.

Line: 8  Verse: h     gauram āraṇyam anu te diśāmi tena cinvānas tanvaṃ niṣīda //

Line: 9  Verse: i     gauraṃ te kṣut /

Verse: j     yaṃ dviṣmas taṃ te śug r̥ccʰatu //

Line: 10  Verse: k     imaṃ sāhasraṃ śatadʰāram utsaṃ vyacyamānaṃ sarirasya madʰye /

Line: 11  Verse: l     gʰr̥taṃ duhānām aditiṃ janāyāgne mā hiṃsīḥ parame vyoman //

Line: 12  Verse: m     gavayam āraṇyam anu te diśāmi tena cinvānas tanvaṃ niṣīda //

Line: 13  Verse: n     gavayaṃ te kṣut /

Verse: o     yaṃ dviṣmas taṃ te śug r̥ccʰatu //

Line: 14  Verse: p     imam ūrṇāyuṃ varuṇasya nābʰiṃ tvacaṃ paśūnāṃ dvipadāṃ catuṣpadām /

Line: 15  Verse: q     tvaṣṭuḥ prajānāṃ pratʰamaṃ janitram agne mā hiṃsīḥ parame vyoman /

Line: 16  Verse: r     meṣam āraṇyam anu te diśāmi tena cinvānas tanvaṃ niṣīda //

Line: 17  Verse: s     meṣaṃ te kṣut /

Verse: t     yaṃ dviṣmas taṃ te śug r̥ccʰatu //

Line: 18  Verse: u     ajo hy agner ajaniṣṭa śokāt so apaśyañ janitāram agre /

Line: 19  Verse: v     tena devā devatām agram āyaṃs tena roham āyann upa medʰyāsaḥ /

Line: 20  Verse: w     śarabʰam āraṇyam anu te diśāmi tena cinvānas tanvaṃ niṣīda //

Line: 21  Verse: x     śarabʰaṃ te kṣut /

Verse: y     yaṃ dviṣmas taṃ te śug r̥ccʰatu //


Section: 9  
Page: 119  
Line: 1  Verse: a     apāṃ tveman sādayāmi /

Verse: b     apāṃ tvodman sādayāmi /

Verse: c     apāṃ tvā bʰasmani sādayāmi /

Line: 2  Verse: d     apāṃ tvā jyotiṣi sādayāmi /

Verse: e     apāṃ tvāyane sādayāmi /

Line: 3  Verse: f     arṇave tvā sadane sādayāmi /

Verse: g     samudre tvā sadane sādayāmi /

Line: 4  Verse: h     sarire tvā sadane sādayāmi /

Verse: i     apāṃ tvā kṣaye sādayāmi /

Line: 5  Verse: j     apāṃ tvā sadʰiṣi sādayāmi /

Verse: k     apāṃ tvā sadane sādayāmi /

Line: 6  Verse: l     apāṃ tvā sadʰastʰe sādayāmi /

Verse: m     apāṃ tvā yonau sādayāmi /

Line: 7  Verse: n     apāṃ tvā purīṣe sādayāmi /

Verse: o     apāṃ tvā pātʰiṣi sādayāmi /

Line: 8  Verse: p     gāyatreṇa tvā cʰandasā sādayāmi /

Verse: q     traiṣṭubʰena jāgatenānuṣṭubʰena pāṅktena tvā cʰandasā sādayāmi //

Line: 10  Verse: r     ayaṃ puro bʰūḥ /

Verse: s     tasya prāṇo bʰauvāyanaḥ /

Verse: t     vasantaḥ prāṇāyanaḥ gāyatrī vāsantī /

Line: 11  Verse: u     gāyatryā gāyatram /

Verse: v     gāyatrād upāṃśuḥ /

Line: 12  Verse: w     upāṃśos trivr̥t /

Verse: x     trivr̥to ratʰantaram /

Verse: y     vasiṣṭʰa r̥ṣiḥ /

Verse: z     prajāpatigr̥hītayā tvayā prāṇaṃ gr̥hṇāmi prajābʰyaḥ /

Line: 13  Verse: aa     ayaṃ dakṣiṇā viśvakarmā /

Line: 14  Verse: ab     tasya mano vaiśvakarmaṇam /

Verse: ac     grīṣmo mānasaḥ /

Verse: ad     triṣṭub graiṣmī /

Line: 15  Verse: ae     triṣṭubʰaḥ svāram /

Verse: af     svārād antaryāmaḥ /

Verse: ag     antaryāmāt pañcadaśaḥ /

Line: 16  Verse: ah     pañcadaśād br̥had /

Verse: ai     bʰaradvāja r̥ṣiḥ /

Verse: aj     prajāpatigr̥hītayā tvayā mano gr̥hṇāmi prajābʰyaḥ /

Line: 17  Verse: ak     ayaṃ paścād viśvavyacāḥ /

Verse: al     tasya cakṣur vaiśvavyacasam /

Line: 18  Verse: am     varṣāṇi cākṣuṣāṇi /

Verse: an     jagatī vārṣī /

Line: 19  Verse: ao     jagatyā r̥ksamam /

Verse: ap     r̥ksamāc cʰukraḥ /

Verse: aq     śukrāt saptadaśaḥ /

Verse: ar     sptadaśād vairūpam /

Line: 20  Verse: as     jamadagnir r̥ṣiḥ /

Verse: at     prajāpatigr̥hītayā tvayā cakṣur gr̥hṇāmi prajābʰyaḥ /

Page: 120  
Line: 1  Verse: au     idam uttarāt svaḥ /

Verse: av     tasya śrotraṃ sauvam /

Line: 2  Verse: aw     śarac cʰrautrī /

Verse: ax     anuṣṭup śāradī /

Verse: ay     anuṣṭubʰa aiḍam /

Verse: az     aiḍān mantʰī /

Line: 3  Verse: ba     mantʰina ekavim̐śaḥ /

Verse: bb     ekavim̐śād vairājam /

Verse: bc     viśvāmitra r̥ṣiḥ /

Line: 4  Verse: bd     prajāpatigr̥hītayā tvayā śrotraṃ gr̥hṇāmi prajābʰyaḥ /

Verse: be     iyam upari matiḥ /

Line: 5  Verse: bf     tasyā vāṅ mātyā /

Verse: bg     hemanto vācyaḥ /

Verse: bh     paṅktir haimantī /

Line: 6  Verse: bi     paṅktyā nidʰanavat /

Verse: bj     nidʰanavata āgrāyaṇaḥ /

Verse: bk     āgrāyaṇāt triṇavatrayastriṃśau /

Line: 7  Verse: bl     triṇavatrayastriṃśābʰyāṃ śākvararaivate /

Verse: bm     viśvakarmarṣiḥ /

Line: 8  Verse: bn     prajāpatigr̥hītayā tvayā vācaṃ gr̥hṇāmi prajābʰyaḥ //

Line: 9  Verse: bo     lokaṃ pr̥ṇa ccʰidraṃ pr̥ṇātʰo sīda dʰruvā tvam /
      FN emended. Ed.: adʰo.

Line: 10  Verse: bp     indrāgnī tvā br̥haspatir asmin yonāv asīṣadan //

Line: 11  Verse: bq     tā asya sūdadohasaḥ somaṃ śrīṇanti pr̥śnayaḥ /

Line: 12  Verse: br     janman devānāṃ viśas triṣv ā rocane divaḥ //


Section: 10  
Line: 15  Verse: a     dʰruvakṣitir dʰruvayonir dʰruvāsi dʰruvaṃ yonim āsīda sādʰyā /

Line: 16  Verse: b     ukʰyasya ketuṃ pratʰamaṃ juṣāṇāśvinādʰvaryū sādayatām iha tvā //

Line: 17  Verse: c     kulāyinī gʰr̥tavatī puraṃdʰiḥ syone sīda sadane pr̥tʰivyāḥ /

Line: 18  Verse: d     abʰi tvā rudrā vasavo gr̥ṇantv imā brahma pīpihi saubʰagāya /

Line: 19  Verse: e     aśvinādʰvaryū sādayatām iha tvā //

Line: 20  Verse: f     svair dakṣair dakṣapiteha sīda devānāṃ sumne br̥hate raṇāya /

Line: 21  Verse: g     pitevaidʰi sūnava ā suśevaḥ svāveśayā tanvā saṃviśasva /

Line: 22  Verse: h     aśvinādʰvaryū sādayatām iha tvā //

Line: 23  Verse: i     agneḥ purīṣam asy apso nāma tāṃ tvā viśve abʰiguṇantu devāḥ /

Line: 24  Verse: j     stomapr̥ṣṭʰā gʰr̥tavatīha sīda prajāvad asme draviṇāyajasva /

Line: 25  Verse: k     aśvinādʰvaryū sādayatām iha tvā //

Line: 26  Verse: l     adityās tvā pr̥ṣṭʰe sādayāmy antarikṣasya dʰartrīṃ viṣṭambʰanīṃ diśām //

Page: 121  
Line: 1  Verse: m     adʰipatnī bʰuvanānām ūrmir drapso apām asi /

Line: 2  Verse: n     viśvakarmā ta r̥ṣir aśvinādʰvaryū sādayatām iha tvā //

Line: 3  Verse: o     sajūr r̥tubʰiḥ sajūr vidʰābʰiḥ sajūr devaiḥ sajūr devair vayonādʰaiḥ /

Line: 4  Verse: p     agnaye tvā vaiśvānarāya /

Verse: q     aśvinādʰvaryū sādayatām iha tvā //

Line: 5  Verse: r     sajūr r̥tubʰiḥ sajūr vidʰābʰiḥ sajūr vasubʰiḥ sajū rudraiḥ sajūr ādityaiḥ sajūr viśvair devaiḥ sajūr devair vayonādʰaiḥ /

Line: 6  Verse: s     agnaye tvā vaiśvānarāya /

Line: 7  Verse: t     aśvinādʰvaryū sādayatām iha tvā //

Line: 8  Verse: u     prāṇaṃ me pāhi vyānaṃ me pāhy apānaṃ me pāhi cakṣur ma urviyā vibʰāhi śrotraṃ me ślokaya /

Line: 9  Verse: v     apaḥ pinvauṣadʰīr jinva

Line: 10  Verse: w     dvipād ava catuṣpāt pāhi divo vā vr̥ṣṭim eraya //


Next part


This text is part of the TITUS edition of Black Yajur-Veda: Kapisthala-Katha-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.