TITUS
Black Yajur-Veda: Maitrayani-Samhita
Part No. 18
Previous part

Prapathaka: 7  
Anuvaka: 1  
Line : 8  Pada: a     yuñjānáḥ pratʰamáṃ mánas tatvā́ya savitā́ dʰíyaḥ /

Line : 9  Pada: b     agníṃ jyótir nicā́yya pr̥tʰivyā́ ádʰy ā́bʰarat //

Line : 10  Pada: c     yukténa mánasā vayáṃ devásya savitúḥ savé /

Line : 11  Pada: d     svargyā̀ya śáktaye //

Line : 12  Pada: e     yuktvā́ya savitā́ devā́nt svaryató * dʰiyā́ dívam /
      FN TS.4.1.1.1.b: súvar yató

Line : 13  Pada: f     br̥háj jyótiḥ kariṣyatáḥ savitā́ prásuvāti tā́n //

Page: 74  
Line : 1  Pada: g     yuñjáte mánaḥ //

Line : 2  Pada: h     yujé vāṃ bráhma pūrvyáṃ námobʰir ví ślóka etu patʰyèva sūríḥ /

Line : 3  Pada: i     śr̥ṇvántu víśve amŕ̥tasya putrā́ ā́ yé dʰā́māni divyā́ni tastʰúḥ //

Line : 4  Pada: j     yásya prayā́ṇam ánv anyá íd yayúr devā́ devásya mahimā́nam árcataḥ /

Line : 5  Pada: k     yáḥ pā́rtʰivāni vimamé sá étaśo rájām̐si deváḥ savitā́ mahitvanā́ //

Line : 7  Pada: l     déva savitaḥ //

Line : 8  Pada: m     imáṃ me deva savitar yajñáṃ práṇaya devāyúvam /

Line : 9  Pada: n     vasuvídam̐ satrājítaṃ dʰanajítam̐ svarvídam /

Line : 10  Pada: o     r̥cā́ stómam̐ sámardʰaya gāyatréṇa ratʰantarám /

Line : 11  Pada: p     br̥hád gāyatrávartani //

Line : 12  Pada: q     devásya tvā savitúḥ prasavè 'śvínor bāhúbʰyāṃ pūṣṇó hástābʰyām ā́dade

Line : 13  Pada: r     nā́rir asi

Pada: s     gāyatréṇa cʰándasā pr̥tʰivyā́ḥ sadʰástʰād agníṃ purīṣyàm aṅgirasvád ā́bʰara *
      FN emended. Ed.: ā́bʰarā́

Line : 14  Pada: t     traiṣṭubʰena cʰándasā \

Pada: u     ábʰrir asi

Pada: v     nā́rir asi

Pada: w     tváyā vayám agním̐ śakema kʰánitum̐ sadʰástʰā ā́ jā́gatena cʰándasā //

Line : 16  Pada: x     hásta ādʰā́ya savitā́ bíbʰrad ábʰrim̐ hiraṇyáyīm /

Line : 17  Pada: y     agníṃ jyótir nicā́yya pr̥tʰivyā́ ádʰy ā́bʰarat //

Line : 18  Pada: z     ā́nuṣṭubʰena cʰándasā //


Anuvaka: 2  
Line : 19  Pada: a     prátūrtam̐ vājinn ā́drava váriṣṭʰām ánu sam̐vátam /

Page: 75  
Line : 1  Pada: b     diví te jánma paramám antárikṣe táva nā́bʰiḥ

Pada: c     pr̥tʰivyā́m ádʰi yónir ít //

Line : 3  Pada: d     yuñjā́tʰām̐ rā́sabʰam̐ yuvám asmín yā́me vr̥ṣaṇvasū /

Line : 4  Pada: e     agníṃ bʰárantā asmayúm //

Line : 5  Pada: f     yógeyoge tavástaram̐ vā́jevāje havāmahe /

Line : 6  Pada: g     sákʰāyā índram ūtáye //

Line : 7  Pada: h     pratū́rvann éhy avakrā́mann áśastīs \

Pada: i     rudrásya gā́ṇapatyān mayobʰū́r éhi //

Pada: j     urv àntárikṣam̐ vī̀hi //

Line : 8  Pada: k     svastígavyūtir ábʰayāni kr̥ṇván

Pada: l     pūṣṇā́ sayújā saha //

Pada: m     agníṃ purīṣyàm aṅgirasvád ā́bʰara \

Line : 9  Pada: n     agníṃ purīṣyàm aṅgirasvad áccʰemas \

Pada: o     agníṃ purīṣyàm aṅgirasvád bʰariṣyāmaḥ //

Line : 10  Pada: p     ánv agníḥ //

Line : 11  Pada: q     āgátya vājy ádʰvānam̐ sárvā mŕ̥dʰo vídʰūnute /

Line : 12  Pada: r     agním̐ sadʰástʰe mahatí cákṣuṣā nícikīṣati //

Line : 13  Pada: s     ākrámya vājin pr̥tʰivī́m agním icʰa rucā́ tvám /

Line : 14  Pada: t     bʰū́myā vr̥tvā́ya no brūhi yátaḥ kʰánema tám̐ vayám //

Line : 15  Pada: u     dyaús te pr̥ṣṭʰáṃ pr̥tʰivī́ sadʰástʰam ātmā́natárikṣam̐ samudró yóniḥ /

Line : 16  Pada: v     vikśā́ya cákṣuṣā tvám abʰítiṣṭʰa pr̥tanyatáḥ //

Line : 17  Pada: w     útkrāma mahaté saúbʰagāyāsmā́d āstʰā́nād draviṇodā́ vājin /

Line : 18  Pada: x     vayám̐ syāma sumataú pr̥tʰivyā́ agníṃ kʰánanta upástʰe asyāḥ //

Line : 19  Pada: y     údakramīd draviṇodā́ vājy árvā́kaḥ sú lokám̐ súkr̥taṃ pr̥tʰivyā́ḥ /

Page: 76  
Line : 1  Pada: z     tátaḥ kʰanema suprátīkam agním̐ svò rúhāṇā ádʰi nā́ka uttamé //

Line : 3  Pada: aa     ā́ tvā jigʰarmi mánasā gʰr̥téna pratikṣiyántaṃ bʰúvanāni víśvā /

Line : 4  Pada: ab     pr̥tʰúṃ tiraścā́ váyasā br̥hántam̐ vyáciṣṭʰam ánnam̐ rabʰasáṃ dr̥śānam //

Line : 5  Pada: ac     ā́ viśvátaḥ pratyáñcaṃ jigʰarmy arakṣásā mánasā táj juṣasva /

Line : 6  Pada: ad     máryaśrīḥ spr̥hayádvarṇo agnír nā́bʰidʰŕ̥ṣe tanvā̀ járhr̥ṣāṇaḥ //

Line : 7  Pada: ae     pári vā́japatiḥ //

Line : 8  Pada: af     pári tvāgne púram̐ vayám̐ vípram̐ sahasya dʰīmahi /

Line : 9  Pada: ag     dʰr̥ṣádvarṇaṃ divédive hantā́raṃ bʰaṅgurā́vatām //

Line : 10  Pada: ah     tvám agne dyúbʰis tvám āśuśukṣáṇis tvám adbʰyás tvám áśmanas pári /

Line : 11  Pada: ai     tvám̐ vánebʰyas tvám óṣadʰībʰyas tváṃ nr̥ṇā́ṃ nr̥pate jāyase śúciḥ //

Line : 12  Pada: aj     devásya tvā savitúḥ prasavè 'śvínor bāhúbʰyāṃ pūṣṇó hástābʰyāṃ pr̥tʰivyā́ḥ sadʰástʰe agníṃ purīṣyàm aṅgirasvát kʰanāmi

Line : 13  Pada: ak     jyótiṣmantaṃ tvāgne suprátīkam ájasreṇa bʰānúnā dī́dyatam \

Line : 14  Pada: al     śiváṃ prajā́bʰyó 'him̐santaṃ pr̥tʰivyā́ḥ sadʰástʰe agníṃ purīṣyàm aṅgirasvát kʰanāmaḥ //


Anuvaka: 3  
Line : 16  Pada: a     apā́ṃ pr̥ṣṭʰám asi yónir agnéḥ samudrám abʰítaḥ pínvamānam /

Line : 17  Pada: b     várdʰamāno mahá ā́ ca púṣkare divó mā́trayā variṇā́ pratʰasva //

Line : 18  Pada: c     śárma ca stʰó várma ca stʰo ácʰidre bahulé ubʰé /

Line : 19  Pada: d     vyácasvatī sam̐vasetʰāṃ bʰartám agníṃ purīṣyàm //

Page: 77  
Line : 1  Pada: e     sám̐vasetʰām̐ svarvídā samī́cī úrasā tmánā /

Line : 2  Pada: f     agníṃ bʰariṣyántī antā́ rócamānam ájasram ít //

Line : 3  Pada: g     purīṣyò 'si viśvábʰarās \

Pada: h     átʰarvā tvā pratʰamó níramantʰad agne //

Line : 4  Pada: i     tvā́m agne púṣkarād ádʰy átʰarvā níramantʰata /

Line : 5  Pada: j     mūrdʰnó víśvasya vāgʰátaḥ //

Line : 6  Pada: k     tám u tvā dadʰyáṅṅ ŕ̥ṣiḥ putrá īdʰe átʰarvaṇaḥ /

Line : 7  Pada: l     vr̥traháṇaṃ puraṃdarám //

Line : 8  Pada: m     tám u tvā pātʰyó vŕ̥ṣā sámīdʰe dasyuhántamam /

Line : 9  Pada: n     dʰanaṃjayám̐ ráṇeraṇe /

Line : 10  Pada: o     sī́da hotaḥ svá uloké cikitvā́nt sādáyā yajñám̐ sukr̥tásya yónau /

Line : 12  Pada: p     devāvī́r devā́n havíṣā yajāsy ágne br̥hád yájamāne váyo dʰāḥ //

Line : 13  Pada: q     ní hótā hotr̥ṣádane vídānas tveṣó dīdiváṃ asadat sudákṣaḥ /

Line : 14  Pada: r     ádabdʰavratapramatir vásiṣṭʰaḥ sahasraṃbʰaráḥ śúcijihvo agníḥ //

Line : 15  Pada: s     sám̐sīdasva maháṃ asi śócasva devavī́tamaḥ /

Line : 16  Pada: t     ví dʰūmám agne aruṣáṃ medʰya sr̥já praśasta darśatám //

Line : 17  Pada: u     jániṣva hí jényo ágre áhnām̐ hitó hitéṣv aruṣó váneṣu /

Line : 18  Pada: v     dámedame saptá rátnā dádʰāno 'gnír hótā níṣasāda yájīyān //

Line : 19  Pada: w     ayám ihá //

Page: 78  
Line : 1  Pada: x     imám̐ stómam árhate jātávedase rátʰam iva sáṃmahemā manīṣáyā /

Line : 2  Pada: y     bʰadrā́ hí naḥ prámatir asya sam̐sády ágne sakʰyé mā́ riṣāmā vayáṃ táva //

Line : 4  Pada: z     ayáṃ te //


Anuvaka: 4  
Line : 5  Pada: a     apó devī́r úpasr̥jā mádʰumatīr ayakṣmā́ya prajā́bʰyaḥ /

Line : 6  Pada: b     tā́sām āstʰā́nād újjihatām óṣadʰayaḥ supippalā́ḥ //

Line : 7  Pada: c     sáṃ te vāyúr mātaríśvā dadʰātūttānā́yā hŕ̥dayam̐ yád víkastam /

Line : 8  Pada: d     yó devā́nāṃ cárasi prāṇátʰena kásmai deva váṣaḍ astu túbʰyam //

Line : 9  Pada: e     sújāto jyótiṣā śárma várūtʰam ā́sadat svàḥ /

Line : 10  Pada: f     vā́so agne viśvárūpam̐ sám̐vyayasva vibʰāvaso //

Line : 11  Pada: g     úd u tiṣṭʰa svadʰvara stávāno devyā́ kr̥pā́ /

Line : 12  Pada: h     dr̥śā́ ca bʰāsā́ br̥hatā́ suśíkmanā́gne yāhi suśastíbʰiḥ //

Line : 13  Pada: i     ūrdʰvá ū ṣú ṇa ūtáye tíṣṭʰā devó ná savitā́ /

Line : 14  Pada: j     ūrdʰvó vā́jasya sánitā yád añjíbʰir vāgʰā́dbʰir vihváyāmahe //

Line : 15  Pada: k     sajātó gárbʰo asi ródasyor ágne cā́rur víbʰr̥tā óṣadʰīṣu /

Line : 16  Pada: l     citráḥ śiśúṣ pári támām̐sy aktáḥ prá mātŕ̥bʰyo ádʰi kánikradad gāḥ //

Page: 79  
Line : 1  Pada: m     stʰiró bʰava vīḍvàṅga āśúr bʰava vājy àrvan /

Line : 2  Pada: n     pr̥tʰúr bʰava suṣádas tvám agnéḥ purīṣyavā́hanaḥ //

Line : 3  Pada: o     śivó bʰava prajā́bʰyo mā́nuṣībʰyas tvám aṅgiraḥ /

Line : 4  Pada: p     mā́ dyā́vāpr̥tʰivī́ṃ him̐sīr mā́ntárikṣaṃ mā́ vánaspátīn //

Line : 5  Pada: q     praítu vājī́ kánikradan nā́nadad rā́sabʰaḥ pátvā /

Line : 6  Pada: r     bʰárann agníṃ purīṣyàṃ mā́ pādy ā́yuṣaḥ purā́ //

Line : 7  Pada: s     vŕ̥ṣāgním̐ vŕ̥ṣaṇaṃ bʰárann apā́ṃ gárbʰam̐ samudríyam /

Line : 8  Pada: t     ágnā ā́yāhi vītáye //

Line : 9  Pada: u     r̥tám̐ satyám r̥tám̐ satyám

Pada: v     agníṃ purīṣyàm aṅgirasvád bʰarāmaḥ //


Anuvaka: 5  
Line : 10  Pada: a     óṣadʰayaḥ prátigr̥bʰṇītāgním etám̐ śivám āyántam abʰy átra yuṣmā́n /

Line : 11  Pada: b     vyásyan víśvā ánirā ámīvā niṣī́dan no ápa durmatíṃ jahi //

Line : 12  Pada: c     óṣadʰayaḥ prátimodadʰvam enaṃ púṣpavatīḥ supippalā́ḥ /

Line : 13  Pada: d     ayám̐ vo gárbʰa r̥tvíyaḥ pratnám̐ sadʰástʰam ā́sadat //

Line : 14  Pada: e     ví pā́jasā pr̥tʰúnā śóśucāno bā́dʰasva ripū́n rakṣáso ámīvāḥ /

Line : 15  Pada: f     suśármaṇo br̥hatáḥ śármaṇi syām agnér ahám̐ suhávasya práṇītau //

Line : 16  Pada: g     ā́po hí ṣṭʰā́ mayobʰúvas tā́ na ūrjé dadʰātana /

Line : 17  Pada: h     mahé ráṇāya cákṣase //

Line : 18  Pada: i     yó vaḥ śivátamo rásas tásya bʰājayatehá naḥ /

Line : 19  Pada: j     uśatī́r iva mātáraḥ //

Page: 80  
Line : 1  Pada: k     tásmā aráṃ gamāma vo yásya kṣáyāya jínvatʰa /

Line : 2  Pada: l     ā́po janáyatʰā ca naḥ //

Line : 3  Pada: m     mitráḥ sam̐sŕ̥jyā pr̥tʰivī́ṃ bʰū́miṃ ca jyótiṣā svàḥ /

Line : 4  Pada: n     sújātaṃ jātávedasam ayakṣmā́ya tvā sám̐sr̥jāmi prajā́bʰyaḥ //

Line : 5  Pada: o     rudrā́ḥ sam̐sŕ̥jyā pr̥tʰivī́ṃ br̥háj jyótiḥ sámīdʰire /

Line : 6  Pada: p     téṣāṃ bʰānúr ájasrā íñ śukró devéṣu rocate //

Line : 7  Pada: q     sám̐sr̥ṣṭām̐ vásubʰī rudraír dʰī́raiḥ karmaṇyā̀ṃ mŕ̥dam /

Line : 8  Pada: r     hástābʰyāṃ mr̥dvī́ṃ kr̥tvā́ sinīvālī́ kr̥ṇotu tā́m //

Line : 9  Pada: s     sinīvālī́ sukapardā́ sukarīrā́ svopaśā́ /

Line : 10  Pada: t     sā́ túbʰyam adite mahy ókʰā́ṃ dadātu hástayoḥ //

Line : 11  Pada: u     ukʰā́ṃ kr̥ṇotu śaktyā bāhúbʰyām áditir dʰiyā́ /

Line : 12  Pada: v     mātā́ putrám̐ yátʰopástʰe sā́gníṃ bibʰartu gárbʰā ā́ //


Anuvaka: 6  
Line : 13  Pada: a     makʰásya śíro 'si

Pada: b     vásavas tvā kr̥ṇvantu gāyatréṇ cʰándasāṅgirasvád ukʰe

Line : 14  Pada: c     dʰruvā́si

Pada: d     pr̥tʰivy àsi

Pada: e     dʰāráyā máyi prajā́m̐ rāyaśpóṣaṃ gaupatyám̐ suvī́ryam̐ sajātā́n asmaí yájamānāya

Line : 15  Pada: f     rudrā́s tvā kr̥ṇvantu traíṣṭubʰena cʰándasāṅgirasvád ukʰe

Line : 16  Pada: g     dʰruvā́si \

Pada: h     antárikṣam asi

Pada: i     dʰāráyā máyi prajā́m̐ rāyaspóṣaṃ gaupatyám̐ suvī́ryam̐ sajātā́n asmaí yájamānāya \

Line : 17  Pada: j     ādityā́s tvā kr̥ṇvantu jā́gatena cʰándasāgṅgirasvád ukʰe

Line : 18  Pada: k     dʰruvā́si

Pada: l     dyaúr asi

Pada: m     dʰāráyā máyi prajā́m̐ rāyáspóṣaṃ gaupatyám̐ suvī́ryam̐ sajātā́n asmaí yájamānāya

Page: 81  
Line : 1  Pada: n     víśve tvā devā́ vaiśvānarā́ḥ kr̥ṇvantv ā́nuṣṭubʰena cʰándasāṅgirasvád ukʰe

Line : 2  Pada: o     dʰruvā́si

Pada: p     díśo 'si

Pada: q     dʰāráyā máyi prajā́m̐ rāyáspóṣaṃ gaupatyám̐ suvī́ryam̐ sajātā́n asmaí yájamānāya \

Line : 3  Pada: r     ádityā rā́snāsi \

Line : 4  Pada: s     áditiṣ ṭe bílaṃ gr̥bʰṇātu //

Line : 5  Pada: t     kr̥tvā́ya sā́ mahī́m ukʰā́ṃ mr̥nmáyīm̐ yónim agnáye /

Line : 6  Pada: u     tā́ṃ putrébʰyaḥ prā́yacʰad áditiḥ śrapáyān íti //

Line : 7  Pada: v     vásavas tvā dʰūpayantv aṅgirasvát \

Pada: w     rudrā́s tvā dʰūpayantv aṅgirasvát \

Pada: x     ādityā́s tvā dʰūpayantv aṅgirasvát \

Line : 8  Pada: y     índras tvā dʰūpayatv aṅgirasvát \

Pada: z     váruṇas tvā dʰūpayatv aṅgirasvát \

Pada: aa     víṣṇus tvā dʰūpayatv aṅgirasvát \

Line : 9  Pada: ab     bŕ̥haspátiṣ ṭvā dʰūpayatv aṅgirasvát \

Pada: ac     áditiṣ ṭvā́ devī́ viśvádevyavatī pr̥tʰivyā́ḥ sadʰástʰe aṅgirasvát kʰanatv avaṭa

Line : 10  Pada: ad     devā́nāṃ tvā pátnīr devī́r viśvádevyavatīḥ pr̥tʰivyā́ḥ sadʰástʰe aṅgirasvád dadʰatūkʰe

Line : 11  Pada: ae     dʰiṣáṇā tvā devī́ viśvádevyavatī pr̥tʰivyā́ḥ sadʰástʰe aṅgirasvád abʰī̀nddʰām ukʰe

Line : 12  Pada: af     gnā́s tvā devī́r viśvádevyavatīḥ pr̥tʰivyā́ḥ sadʰástʰe aṅgirasváñ śrapayantūkʰe

Line : 13  Pada: ag     várutrī tvā devī́ viśvádevyavatī pr̥tʰivyā́ḥ sadʰástʰe aṅgirasvát pacatām ukʰe

Line : 14  Pada: ah     jánayas tvā́cʰinnapatrā devī́r viśvádevyavatīḥ pr̥tʰivyā́ḥ sadʰástʰe aṅgirasvát pacantūkʰe //

Line : 17  Pada: ai     mitrásya carṣaṇīdʰŕ̥taḥ śrávo devásya sānasí /

Line : 18  Pada: aj     dyumnáṃ citráśravastamam //

Line : 19  Pada: ak     devás tvā savitódvapatu supāṇíḥ svaṅguríḥ /

Line : 20  Pada: al     subāhúr utá śaktyā //

Line : 21  Pada: am     úttiṣṭʰa br̥hatī́ bʰavordʰvā́ tiṣṭʰa dʰruvā́ tvám /

Page: 82  
Line : 1  Pada: an     ávyatʰamānā pr̥tʰivy ā́śā díśā ā́pr̥ṇa //

Line : 2  Pada: ao     mítraitā́ṃ ta ukʰā́ṃ páridadāmy ábʰittyai \

Pada: ap     eṣā́ mā́ bʰedi //

Line : 3  Pada: aq     vásavas tvā́cʰr̥ndantu gāyatréṇa cʰándasāṅgirasvád ukʰe

Pada: ar     rudrā́s tvā́cʰr̥ndantu traíṣṭubʰena cʰándasāṅgirasvád ukʰe \

Line : 4  Pada: as     ādityā́s tvā́cʰr̥ndantu jā́gatena cʰándasāṅgirasvád ukʰe

Line : 5  Pada: at     víśve tvā devā́ vaiśvānarā́ ā́cʰr̥ndantv ā́nuṣṭubʰena cʰándasāṅgirasvád ukʰe //


Anuvaka: 7  
Line : 7  Pada: a     ā́kūtam agníṃ prayújam̐ svā́hā

Pada: b     máno medʰā́m agníṃ prayújam̐ svā́hā

Line : 8  Pada: c     cittám̐ víjñā́tam agníṃ prayújam̐ svā́hā

Pada: d     vācó vídʰr̥tam agníṃ prayújam̐ svā́hā

Line : 9  Pada: e     prajā́pataye mánave svā́hā \

Pada: f     agnáye vaiśvānarā́ya svā́hā //

Line : 10  Pada: g     víśvo devásya netúr márto vurīta sakʰyám /

Line : 11  Pada: h     víśvo rāyá iṣudʰyati dyumnám̐ vr̥ṇīta puṣyáse // svā́hā //

Line : 13  Pada: i     mā́ sú bʰittʰā mā́ sú riṣo dŕ̥m̐hasva vīráyasva sú /

Line : 14  Pada: j     ámba dʰr̥ṣṇu vīráyasvāgníś cedáṃ kariṣyatʰaḥ //

Line : 15  Pada: k     dŕ̥m̐hasva devi pr̥tʰivi svastáye āsurī́ māyā́ svadʰáyā kr̥tā́si /

Line : 17  Pada: l     júṣṭaṃ devébʰya idám astu havyám áriṣṭā tvám údihi yajñé asmín //

Page: 83  
Line : 1  Pada: m     drvànnaḥ sarpírāsutiḥ pratnó hótā váreṇyaḥ /

Line : 2  Pada: n     sáhasas putró ádbʰutaḥ //

Line : 3  Pada: o     párasyā ádʰi sam̐váto 'varaṃ abʰyā́tara /

Line : 4  Pada: p     yátrāhám ásmi táṃ ava //

Line : 5  Pada: q     paramásyāḥ parāváto rohídaśva ihā́gahi /

Line : 6  Pada: r     purīṣyàḥ purupriyó ágne tváṃ tarā mŕ̥dʰaḥ //

Line : 7  Pada: s     yád agne yā́ni kā́ni cā́ te dā́rūṇi dadʰmási /

Line : 8  Pada: t     sárvaṃ tád astu te gʰr̥táṃ táj juṣasva yaviṣṭʰya //

Line : 9  Pada: u     yád átty upajíhvikā yád vamró atisárpati /

Line : 10  Pada: v     sárvaṃ tád astu te gʰr̥táṃ táj juṣasva yaviṣṭʰya //

Line : 11  Pada: w     rā́trīm̐rātrīm áprayāvaṃ bʰáranto 'śvāyeva tíṣṭʰate gʰāsám asmai /

Line : 12  Pada: x     rāyáspóṣeṇa sám iṣā́ mádanto 'gne mā́ te prátiveśā riṣāma //

Line : 13  Pada: y     nā́bʰā pr̥tʰivyā́ḥ samidʰānó agním̐ rāyáspóṣāya br̥haté havāmahe /

Line : 14  Pada: z     iraṃmadáṃ br̥háduktʰam̐ yájatraṃ jétāram agníṃ pŕ̥tanāsu sāsahím //

Line : 15  Pada: aa     yā́ḥ sénā abʰī́tvarīr āvyādʰínīr úgaṇā utá /

Line : 16  Pada: ab     yé stenā́ yé ca táskarās tā́m̐s te agne ápidadʰāmy āsyè //

Line : 17  Pada: ac     yé jáneṣu malímlavaḥ stenā́sas táskarā váne /

Line : 18  Pada: ad     yé kákṣeṣv agʰāyávas tā́m̐s te dadʰāmi jámbʰayoḥ //

Line : 19  Pada: ae     dám̐ṣṭrābʰyāṃ malímlūn agne jámbʰābʰyāṃ táskaraṃ utá /

Page: 84  
Line : 1  Pada: af     hánubʰyām̐ stenā́n bʰagavas tā́m̐s tváṃ kʰāda múkʰāditam //

Line : 2  Pada: ag     yó asmábʰyam arātīyā́d yáś ca no dvéṣate jánaḥ /

Line : 3  Pada: ah     níndād yó asmā́n dípsāc ca sárvām̐s tā́n mr̥smr̥sā́ kuru //

Line : 4  Pada: ai     úd eṣāṃ bāhū́n atiram úd várco átʰo bálam /

Line : 5  Pada: aj     kṣiṇómi bráhmaṇāmítrān únnayāmi sváṃ ahám //

Line : 6  Pada: ak     sám̐śitaṃ me bráhma sám̐śitam̐ vīryàṃ bálam /

Line : 7  Pada: al     sám̐śitaṃ kṣatráṃ me jiṣṇú yásyāhám ásmi puróhitaḥ //

Line : 8  Pada: am     bráhma kṣatrám̐ sayújā ná vyatʰete bráhmā́ha kṣatráṃ jínvati kṣatríyasya /

Line : 9  Pada: an     kṣatráṃ bráhma jinvati brāhmaṇásya yát samīcī́ kr̥ṇutó vīryā̀ṇi //


Anuvaka: 8  
Line : 10  Pada: a     dr̥śānó rukmá uruyā́ víbʰāti durmárṣam ā́yuḥ śriyé rucānáḥ /

Line : 11  Pada: b     agnír ajáro 'bʰavat sáhobʰir yád enaṃ dyaúr ájanayat surétāḥ //

Line : 12  Pada: c     náktoṣā́sā sámanasā vírūpe dʰāpáyete śiśum ékam̐ samīcī́ /

Line : 13  Pada: d     dyā́vākṣā́mā rukmó antár víbʰāti devā́ agníṃ dʰārayan draviṇodā́ḥ //

Line : 14  Pada: e     víśvā rūpā́ṇi prátimuñcate kavíḥ prā́sāvīd bʰadráṃ dvipáde cátuṣpade /

Line : 15  Pada: f     ví nā́kam akśat savitā́ váreṇyó 'nu prayā́ṇam uṣáso vírājati //

Line : 16  Pada: g     suparṇò 'si garútmān \

Pada: h     trivŕ̥t te śiras \

Pada: i     gāyatráṃ cákṣus \

Pada: j     br̥hadratʰantaré pakṣaú

Page: 85  
Line : 1  Pada: k     stóma ātmā́

Pada: l     cʰándām̐sy áṅgāni

Pada: m     yájūm̐ṣi nā́ma

Pada: n     sā́ma te tanū́r vāmadevyám \

Line : 2  Pada: o     yajñāyajñíyaṃ púccʰam \

Pada: p     dʰíṣṇyāḥ śapʰā́ḥ //

Pada: q     suparṇò 'si garútmān

Pada: r     dívaṃ gacʰa

Line : 3  Pada: s     svàḥ pata //

Pada: t     víṣṇoḥ krámo 'si sapatnahā́

Pada: u     gāyatráṃ cʰándā ā́roha

Line : 4  Pada: v     pr̥tʰivī́m anuvíkramasva

Pada: w     víṣṇoḥ krámo 'sy abʰimātihā́

Pada: x     traíṣṭubʰaṃ cʰándā ā́roha \

Line : 5  Pada: y     antárikṣam anuvíkramasva

Pada: z     víṣṇoḥ krámo 'sy arātīyató hantā́

Pada: aa     jā́gataṃ cʰándā ā́roha

Line : 6  Pada: ab     dívam anuvíkramasva

Pada: ac     víṣṇoḥ krámo 'si śatrūyat' hantā́ \

Pada: ad     ā́nuṣṭubʰaṃ cʰándā ā́roha

Line : 7  Pada: ae     díśo 'nuvíkramasva //

Line : 8  Pada: af     ákrandad agníḥ stanáyann iva dyaúḥ kṣámā rérihad vīrúdʰaḥ samañján /

Line : 9  Pada: ag     sadyó jajñānó ví hī́m iddʰó ákśad ā́ ródasī bʰānúnā bʰāty antáḥ //

Line : 10  Pada: ah     ágne 'bʰyāvartin \

Pada: ai     ágne aṅgiraḥ

Pada: aj     púnar ūrjā́

Pada: ak     sahá rayyā́ //

Line : 11  Pada: al     ā́ tvāhārṣam antár abʰūr dʰruvás tiṣṭʰā́vicācalat /

Line : 12  Pada: am     víśas tvā sárvā vāncʰantv asmé rāṣṭrā́ṇi dʰāraya //

Line : 13  Pada: an     úd uttamám̐ varuṇa pā́śam asmát //

Line : 14  Pada: ao     ágre br̥hánn uṣásām ūrdʰvó astʰān nirjaganvā́n támaso jyótiṣā́gāt /

Line : 15  Pada: ap     agnír bʰānúnā rúśatā sváṅgā ā́ jāto víśvā sádmāny aprāḥ //

Line : 16  Pada: aq     ham̐sáḥ śuciṣát //

Line : 17  Pada: ar     sī́da tváṃ mātúr asyā́ upástʰe víśvāny agne vayúnāni vidvā́n /

Line : 18  Pada: as     maínām arcíṣā mā́ tápasābʰíśocīr antár asyām̐ śukrájyotir víbʰāhi //

Page: 86  
Line : 1  Pada: at     antár agne rucā́ tvám ukʰā́yām̐ sádane své /

Line : 2  Pada: au     tásyai tvám̐ hárasā tápan jā́tavedaḥ śivó bʰava //

Line : 3  Pada: av     śivó bʰūtvā́ máhyam agne átʰā sīda śivás tvam /

Line : 4  Pada: aw     śivā́ḥ kr̥tvā́ díśaḥ sárvāḥ svám̐ yónim ihā́sadaḥ //


Anuvaka: 9  
Line : 5  Pada: a     divás pári pratʰamáṃ jajñe agnír asmád dvitī́yaṃ pári jātávedāḥ /

Line : 6  Pada: b     tr̥tī́yam apsú nr̥máṇā ájasram índʰāna enaṃ janate svādʰī́ḥ //

Line : 7  Pada: c     vidmā́ te agne tredʰā́ trayā́ṇi vidmā́ te sádma víbʰr̥taṃ purutrā́ /

Line : 8  Pada: d     vidmā́ te nā́ma paramáṃ gúhā yád vidmā́ tám útsam̐ yáta ābabʰū́tʰa //

Line : 9  Pada: e     samudré tvā nr̥máṇā apsv àntár nr̥cákṣā īdʰe dívo agnā ū́dʰan /

Line : 10  Pada: f     tr̥tī́ye tvā rájasi tastʰitā́m̐sam r̥tásya yónau mahiṣā́ agr̥bʰṇan //

Line : 11  Pada: g     śrīṇā́m udāró dʰarúṇo rayīṇā́ṃ manīṣā́ṇāṃ prā́rpaṇaḥ sómagopāḥ /

Line : 12  Pada: h     vásuḥ sūnúḥ sáhaso apsú rā́jā víbʰāty ágra uṣásām idʰānáḥ //

Line : 13  Pada: i     uśík pāvakó aratíḥ sumedʰā́ mártyeṣv agnír amŕ̥to nídʰāyi /

Line : 14  Pada: j     íyarti dʰūmám aruṣó bʰáribʰrad úñ śukréṇa śocíṣā dyā́m ínakṣan //

Line : 15  Pada: k     ákrandad agníḥ //

Line : 16  Pada: l     víśvasya jajñe bʰúvanasya rā́jā́ ródasī apr̥ṇāj jā́yamānaḥ /

Line : 17  Pada: m     vīḍúṃ cid ádrim abʰinat parāyán jánā yád agním áyajanta páñca //

Line : 18  Pada: n     náktoṣā́sā //

Page: 87  
Line : 1  Pada: o     yás te adyá kr̥ṇávad bʰadraśoce 'pūpáṃ deva gʰr̥távantam agne /

Line : 2  Pada: p     prá táṃ naya pratarám̐ vásyo ácʰābʰí dyumnáṃ deváhitam̐ yaviṣṭʰya //

Line : 3  Pada: q     ā́ táṃ bʰaja sauśravaséṣv agna uktʰáuktʰā ā́bʰaja śasyámāne /

Line : 4  Pada: r     priyáḥ sū́rye priyó agnā́ bʰavāty új jāténa bʰinádad új jánitvaiḥ //

Line : 5  Pada: s     tvā́m agne yájamānā ánu dyū́n dūtáṃ kr̥ṇvānā́ ayajanta havyaíḥ /

Line : 6  Pada: t     tváyā sahá dráviṇam icʰámānā vrajáṃ gómantam uśíjo vívavruḥ //

Line : 7  Pada: u     ástāvy agnír nr̥ṇā́m̐ suśévo vaiśvānará ŕ̥ṣibʰiḥ sómagopāḥ /

Line : 8  Pada: v     adveṣyé dyā́vāpr̥tʰivī́ huve dévā dʰatta rayím asmé suvī́ram //


Anuvaka: 10  
Line : 9  Pada: a     úd u tvā víśve devā́ ágne bʰárantu cíttibʰiḥ /

Line : 10  Pada: b     sá no bʰava śivás tvám̐ suprátīko vibʰā́vasuḥ //

Line : 11  Pada: c     préd agne jyótiṣmān yāhi śivébʰir arcíbʰiṣ ṭvám /

Line : 12  Pada: d     br̥hádbʰir bʰānúbʰir bʰā́san mā́ him̐sīs tanvā̀ prajā́ḥ //

Line : 13  Pada: e     ákrandad agníḥ //

Line : 14  Pada: f     samídʰāgníṃ duvasyata gʰr̥taír bodʰayatā́titʰim /

Line : 15  Pada: g     ā́smin havyā́ juhotana //

Line : 16  Pada: h     práprāyám agnír bʰaratasya śr̥ṇve ví yát sū́ryo ná rócate br̥hád bʰā́ḥ /

Page: 88  
Line : 1  Pada: i     abʰí yáḥ pūrúṃ pŕ̥tanāsu tastʰaú dīdā́ya daívyo átitʰiḥ śivó naḥ //

Line : 3  Pada: j     ā́po devīḥ prátigr̥bʰṇīta bʰásmaitát syoné kr̥ṇudʰvam̐ surabʰā́ uloké /

Line : 5  Pada: k     tásmai namantāṃ jánayaḥ sánīḍā mātéva putráṃ bibʰr̥tā sv ènat //

Line : 6  Pada: l     apsv àgne sádʰiṣ ṭáva saúṣadʰīr ánurudʰyase /

Line : 7  Pada: m     gárbʰaḥ sáṃjāyase púnaḥ //

Line : 8  Pada: n     gárbʰo 'sy óṣadʰīnāṃ gárbʰo vánaspátīnām /

Line : 9  Pada: o     gárbʰo víśvasya bʰūtásyā́gne gárbʰo apā́m asi //

Line : 10  Pada: p     prasádya bʰásmanā yónim apáś ca pr̥tʰivī́m agne /

Line : 11  Pada: q     saṃgátya mātŕ̥bʰiṣ ṭváṃ jyótiṣmān púnar ā́sadaḥ //

Line : 12  Pada: r     púnar āsádya sádanam apáś ca pr̥tʰivī́m agne /

Line : 13  Pada: s     śéṣe mātúr yátʰopástʰe antár asyām̐ śivátamaḥ //

Line : 14  Pada: t     púnar ūrjā́

Pada: u     sahá rayyā́ //

Line : 15  Pada: v     bódʰā me asyá vácaso yaviṣṭʰa mám̐hiṣṭʰasya prábʰr̥tasya svadʰāvaḥ /

Line : 16  Pada: w     níndati tvo ánu tvo vavanda vandā́ruṃ te tanvàm̐ vande agne //

Line : 17  Pada: x     sá bodʰi sūrír magʰávā vasudā́vā vásupatiḥ /

Page: 89  
Line : 1  Pada: y     yuyodʰy àsmád dvéṣām̐si yā́ni kā́ni ca cakr̥má //


Anuvaka: 11  
Line : 2  Pada: a     ápeta vī̀ta ví ca sarpatā́to yé 'tra stʰáṃ purāṇā́ yé ca nū́tanāḥ /

Line : 4  Pada: b     ádād idám̐ yamò 'vasā́naṃ pr̥tʰivyā́ ákrann imáṃ pitáro lokám asmai //

Line : 6  Pada: c     agnér bʰásmāsi \

Pada: d     agnéḥ púrīṣam asi

Pada: e     saṃjñā́nam asi kāmadʰáraṇam \

Pada: f     máyi te kāmadʰáraṇaṃ bʰūyāt //

Line : 8  Pada: g     ayám̐ só agnír yásmint sómam índraḥ sutáṃ dadʰé jaṭʰáre vāvaśānáḥ /

Line : 10  Pada: h     sahasríyam̐ vā́jam átyaṃ ná sáptim̐ sasavā́nt sám̐stūyase jātavedaḥ //

Line : 11  Pada: i     ágne divó árṇam ácʰā jigāsy ácʰā deváṃ ūciṣe dʰíṣṇyā yé /

Line : 12  Pada: j     yā́ḥ parástād rocanā́ḥ sū́ryasya yā́ś cāvástād upatíṣṭʰantā ā́paḥ //

Line : 13  Pada: k     ágne yát te diví várcaḥ pr̥tʰivyā́m̐ yát párvateṣv óṣadʰīṣv apsú /

Line : 14  Pada: l     yénāntárikṣam urv ā̀tatántʰa tveṣáḥ sá bʰānúr arṇavó nr̥cakṣaḥ //

Line : 15  Pada: m     purīṣyā̀so agnáyaḥ pravaṇéna sajóṣasaḥ /

Line : 16  Pada: n     juṣántām̐ havyám ā́hutam anamīvā́ íṣo mahī́ḥ //

Page: 90  
Line : 1  Pada: o     íḍām agne puruḍám̐sam̐ saníṃ góḥ śaśvattamám̐ hávamānāya sādʰa /

Line : 2  Pada: p     syā́n naḥ sūnús tánayo vijā́vā́gne sā́ te sumatír bʰūtv asmé //

Line : 3  Pada: q     ayáṃ te //

Pada: r     cíd asi

Pada: s     táyā devátayāṅgirasvád dʰruvā́ sīda

Pada: t     paricíd asi

Pada: u     táyā devatayāṅgirasvád dʰruvā́ sīda

Line : 4  Pada: v     cítaḥ stʰa

Pada: w     paricítaḥ stʰa \

Pada: x     ūrdʰvaśrítaḥ śrayadʰvam //

Line : 5  Pada: y     sámitam̐ sáṃkalpetʰām̐ sáṃpriyau rociṣṇū́ sumanasyámānau /

Line : 6  Pada: z     íṣam ū́rjam abʰí sam̐vásānau //

Line : 7  Pada: aa     sám̐ vāṃ mánām̐si sám̐ vratā sám u cittā́ny ā́karam /

Line : 8  Pada: ab     ágne purīṣyādʰipā́ bʰava tváṃ nā íṣam ū́rjam̐ yájamānāya dʰehi //

Line : 9  Pada: ac     tvám agne purīṣyò rayimā́n puṣṭimáṃ asi /

Line : 10  Pada: ad     śivā́ḥ kr̥tvā́ díśaḥ sárvāḥ svám̐ yónim ihā́sadaḥ //

Line : 11  Pada: ae     bʰávataṃ naḥ //

Line : 12  Pada: af     mātéva putráṃ pr̥tʰivī́ purīṣyàm agním̐ své yónā abʰār ukʰā́ /

Line : 13  Pada: ag     tā́m̐ víśvair devaír r̥túbʰiḥ sam̐vidānáḥ prajā́patir viśvákarmā vímuñcatu //


Anuvaka: 12  
Line : 15  Pada: a     ásunvantam áyajamānam icʰa stenásyetyā́m ánvihi táskarasya /

Line : 16  Pada: b     anyám asmád icʰa sā́ ta ityā́ námo devi nirr̥te túbʰyam astu //

Line : 17  Pada: c     námaḥ su te nirr̥te tigmatejo 'yasmáyam̐ vícr̥tā bandʰám etám /

Line : 18  Pada: d     yaména tvám̐ yamyā̀ sam̐vidānóttamé nā́ke ádʰi rohayainam //

Page: 91  
Line : 1  Pada: e     yád adyá te //

Line : 2  Pada: f     yáṃ te devī́ nírr̥tir ābabándʰa pā́śaṃ grīvā́sv avicartyám /

Line : 3  Pada: g     táṃ te víṣyāmy ā́yuṣo nú mádʰyé 'tʰā jīváḥ pitúm addʰi prámuktaḥ //

Line : 4  Pada: h     yád asyá pāré rájaso maháś citráṃ jyótir ájāyata /

Line : 5  Pada: i     tán naḥ parṣad áti dvíṣó 'gne vaiśvānara // svā́hā

Line : 6  Pada: j     bʰū́tyai námaḥ //

Line : 7  Pada: k     nivéśanaḥ saṃgámano vásūnām̐ víśvā rūpā́ṇy abʰícaṣṭe śácībʰiḥ /

Line : 8  Pada: l     devá iva savitā́ satyádʰarméndro ná tastʰau samaré patʰīnā́m //

Line : 9  Pada: m     yéna devā́ jyótiṣordʰvā́ udā́yan yénādityā́ vásavo yéna rudrā́ḥ /

Line : 10  Pada: n     yénā́ṅgiraso mahimā́nam ānaśús téna yantu yájamānāḥ svastí //

Line : 11  Pada: o     pūṣā́ yunaktu savitā́ yunaktu bŕ̥haspátir vo yunaktu /

Line : 12  Pada: p     agnés téjasā sū́ryasya várcasā //

Line : 13  Pada: q     sī́rā yuñjanti kaváyo yugā́ ví tanvate pŕ̥tʰak /

Line : 14  Pada: r     dʰī́rā devéṣu sumnayā́ //

Line : 15  Pada: s     yunákta sī́rā ví yugā́ tanota kr̥té yónau vapatehá bī́jam /

Line : 16  Pada: t     girā́ ca śruṣṭíḥ sábʰarā ásan no nédīyā ít sr̥ṇyàḥ pakvám ā́yat //

Line : 17  Pada: u     lā́ṅgalaṃ pávīravam̐ suśévam̐ somapítsaru /

Line : 18  Pada: v     úd íd vapatu gā́m áviṃ prastʰā́vad ratʰavā́hanam \

Pada: w     prapʰarvyàṃ ca pī́varīm //

Page: 92  
Line : 1  Pada: x     śunám̐ supʰā́lā vítudantu bʰū́mim̐ śunáṃ kīnā́śo abʰyètu vāhaíḥ /

Line : 2  Pada: y     śúnāsīrā * havíṣā tóśamānā supippalā́ óṣadʰīḥ kartanāsmé //
      FN emended. Ed.: śánāsīrā

Line : 3  Pada: z     śunáṃ náro lā́ṅgalenānaḍúdbʰir bʰágaḥ pʰā́laiḥ sī́rapatir marúdbʰiḥ /

Line : 4  Pada: aa     parjányo bíjam ī́rayāno dʰinotu śúnāsīrā kr̥ṇutáṃ dʰānyàṃ naḥ //

Line : 5  Pada: ab     śúnāsīrā prákr̥ṣataṃ kr̥ṇutáṃ dʰānyàṃ bahú /

Line : 6  Pada: ac     bʰū́mir iyám ŕ̥tviyavatī tā́ṃ pʰā́lā úpajigʰnatu //

Line : 7  Pada: ad     gʰr̥téna sī́tā mádʰunā sámajyatām̐ víśvair devaír ánumatā marúdbʰiḥ /

Line : 8  Pada: ae     ūrjó bʰāgáṃ mádʰumat pínvamānāsmā́nt sīte páyasābʰyā́vavr̥tsva //

Line : 9  Pada: af     úd yójanam antaryāmám īṣā́ṃ kʰr̥galyàm̐ śávam /

Line : 10  Pada: ag     áṣṭrāṃ tā́ḍaṃ pratīnāhā́ ubʰé maṇḍūkyaù yuje //

Line : 11  Pada: ah     udastʰād gojíd aśvajíd dʰiraṇyajít sūnŕ̥tayā párīvr̥taḥ /

Line : 12  Pada: ai     ékacakreṇa savitā́ rátʰenorjó bʰāgáṃ pr̥tʰivyā́ yāty āpr̥ṇán //

Line : 13  Pada: aj     imā́m indra hástacyutim̐ sácyutiṃ jagʰánacyutim /

Line : 14  Pada: ak     sásūtim indra ságdʰitim ū́rjam̐ sápītim útkr̥ṣe //

Line : 15  Pada: al     uṣṭā́rayoḥ pīlvàyor átʰo ābandʰanī́yayoḥ /

Line : 16  Pada: am     sárveṣām̐ vidma vo nā́ma vā́hāḥ kī́lālapeśasaḥ //

Line : 17  Pada: an     vímucyadʰvam agʰnyā devayānā átāriṣṭa támasas pārám asyá /

Line : 18  Pada: ao     jyótir āpāma //


Anuvaka: 13  
Page: 93  
Line : 1  Pada: a     yā́ óṣadʰayaḥ pratʰamajā́ devébʰyas triyugáṃ purā́ /

Line : 2  Pada: b     manvé nú babʰrū́ṇām ahám̐ śatáṃ dʰā́māni saptá ca //

Line : 3  Pada: c     śatám̐ vo amba dʰā́māni sahásram utá vo rúhaḥ /

Line : 4  Pada: d     átʰā śatakrato yūyám imáṃ me agadáṃ kr̥ta //

Line : 5  Pada: e     púṣpavatīḥ prasū́varīḥ pʰalínīr apʰalā́ utá /

Line : 6  Pada: f     áśvā iva sajítvarīr vīrúdʰaḥ pārayiṣṇávaḥ //

Line : 7  Pada: g     óṣadʰīr íti mātaras tád vo devīr úpabruve /

Line : 8  Pada: h     rápām̐si vigʰnatī́r ita rápaś cātáyamānāḥ //

Line : 9  Pada: i     aśvattʰé vo nivéśanaṃ parṇé vo vasatíḥ kr̥tā́ /

Line : 10  Pada: j     gobʰā́jā ít kílāsatʰa yát sanávātʰa pū́ruṣam //

Line : 11  Pada: k     yád óṣadʰayaḥ saṃgácʰante rā́jānaḥ sámitā iva /

Line : 12  Pada: l     vípraḥ sá ucyate kavī́ rakṣohā́mīvacā́tanaḥ //

Line : 13  Pada: m     níṣkr̥tir nā́ma vo mātā́tʰā tvám asi sáṃkr̥tiḥ /

Line : 14  Pada: n     sarā́ḥ patatríṇīḥ stʰana yád āmáyati níṣkr̥ta //

Line : 15  Pada: o     aśvāvatī́m̐ somavatī́m ūrjáyantīm údojasam /

Line : 16  Pada: p     ā́yukṣi sárvā óṣadʰīr asmā́ ariṣṭátātaye //

Line : 17  Pada: q     yád imā́ vājáyann ahám óṣadʰīr hásta ādadʰé /

Line : 18  Pada: r     ātmā́ yákṣmasya naśyati purā́ jīvagŕ̥bʰo yatʰā //

Page: 94  
Line : 1  Pada: s     úñ śúṣmā óṣadʰīnāṃ gā́vo goṣṭʰā́d iverate /

Line : 2  Pada: t     dʰánam̐ saniṣyántīnām ātmā́naṃ táva pūruṣa //

Line : 3  Pada: u     áti víśvāḥ pariṣṭʰā́ḥ stená iva vrajám akramuḥ //

Line : 4  Pada: v     óṣadʰayaḥ prā́cucyavur yát kíṃca tanvò rápaḥ //

Line : 5  Pada: w     yā́s ta āviviśúr ātmā́nam̐ yā́ ātastʰúḥ páruḥparuḥ /

Line : 6  Pada: x     tā́s te yákṣmam̐ víbādʰantām ugró madʰyamaśī́r iva //

Line : 7  Pada: y     sākám̐ yakṣma prápata cā́ṣeṇa kikidīvyā̀ /

Line : 8  Pada: z     sākám̐ vā́tasya dʰrā́jyā sākáṃ naśya nihā́kayā //

Line : 9  Pada: aa     anyā́ vo anyā́m avatv anyā́nyásyā úpāvata /

Line : 10  Pada: ab     tā́ḥ sárvāḥ sam̐vidānā́ óṣadʰayaḥ prā́vata vā́caṃ me //

Line : 11  Pada: ac     yā́ḥ pʰalínīr yā́ apʰalā́ akośā́ yā́ś ca kośínīḥ /

Line : 12  Pada: ad     bŕ̥haspátiprasūtās tā́ no muñcantv ám̐hasaḥ //

Line : 13  Pada: ae     avapátantīr avadan divá óṣadʰayas pári /

Line : 14  Pada: af     yáṃ jīvám aśnávāmahe ná sá riṣyāti pū́ruṣaḥ //

Line : 15  Pada: ag     dívaṃ brūmo nákṣatrāṇi bʰū́mim̐ yakṣā́ṇi párvatān /

Line : 16  Pada: ah     samudrā́n nadyò veśantā́m̐s té no muñcantv ám̐hasaḥ //

Line : 17  Pada: ai     brūmó rā́jānam̐ váruṇaṃ dʰātā́ram utá pūṣáṇam /

Line : 18  Pada: aj     tváṣṭāram ágrīyaṃ brūmas té no muñcantv ám̐hasaḥ //


Anuvaka: 14  
Page: 95  
Line : 1  Pada: a     mā́ no him̐sīj janitā́ yáḥ pr̥tʰivyā́ yó dívam̐ satyádʰarmā vyā́naṭ /

Line : 3  Pada: b     yáś cāpáś candrā́ḥ pratʰamó jajā́na kásmai devā́ya havíṣā vidʰema //

Line : 4  Pada: c     abʰyā́vartasva pr̥tʰivi yajñéna páyasā sahá /

Line : 5  Pada: d     vapā́ṃ te agnír iṣitó arohat //

Line : 6  Pada: e     ágne yáñ śukrám̐ yác candrám̐ yát pūtám̐ yác ca yajñíyam /

Line : 7  Pada: f     tád devébʰyo bʰarāmasi //

Line : 8  Pada: g     íṣam ū́rjam ahám itá ā́di gʰr̥tásya dʰā́rāṃ mahiṣásya yónim /

Line : 9  Pada: h     ā́ no góṣu viśatv óṣadʰīṣu jáhāmi sedím ánirām ámīvām //

Line : 10  Pada: i     kā́maṃ kāmadugʰe dʰukṣva prajā́bʰyā óṣadʰībʰyaḥ /

Line : 11  Pada: j     índrāyāgnáye pūṣṇé mitrā́ya váruṇāya ca //

Line : 12  Pada: k     ágne táva śrávo váyo máhi bʰrājanty arcáyo vibʰāvaso /

Line : 13  Pada: l     bŕ̥hadbʰāno śávasā vā́jam uktʰyàṃ dádʰāsi dāśuṣe kave //

Line : 14  Pada: m     pāvakávarcāḥ śukrávarcā ánūnavarcā údiyarṣi bʰānúnā /

Line : 15  Pada: n     putró mātárā vicárann úpāvasy óbʰé pr̥ṇāsi ródasī //

Line : 16  Pada: o     irajyánn agne pratʰayasva jantúbʰir asmé rā́yo amartya /

Line : 17  Pada: p     sá darśatásya vápuṣo vírājasi pr̥ṇákṣi sānasím̐ rayím //

Line : 18  Pada: q     ū́rjo napāj jātavedaḥ suśastíbʰir mándasva dʰītíbʰir hitáḥ /

Line : 19  Pada: r     tvá éṣaḥ sáṃdadʰur bʰūrivarpasaś citrótayo vāmájātāḥ //

Page: 96  
Line : 1  Pada: s     r̥tā́vānaṃ mahiṣám̐ viśvádarśatam agním̐ sumnā́ya dadʰire puró jánāḥ /

Line : 3  Pada: t     śrútkarṇam̐ saprátʰastamaṃ tvā girā́ daívaṃ mā́nuṣā yujā́ //

Line : 4  Pada: u     iṣkartā́ram adʰvarásya prácetasaṃ kṣáyantam̐ rā́dʰaso maháḥ /

Line : 5  Pada: v     rātím̐ vāmásya subʰágāṃ mahī́m íṣaṃ dádʰāsi sānasíṃ krátum //

Line : 6  Pada: w     ā́pyāyasva sámetu te viśvátaḥ soma vŕ̥ṣṇyam /

Line : 7  Pada: x     bʰávā vā́jasya saṃgatʰé //

Line : 8  Pada: y     sáṃ te páyām̐si sám u yantu vā́jāḥ sám̐ vŕ̥ṣṇyāny abʰimātiṣā́haḥ /

Line : 10  Pada: z     āpyā́yamāno āmŕ̥tāya soma diví śrávām̐sy uttamā́ni dʰiṣva //


Anuvaka: 15  
Line : 11  Pada: a     bráhma jajñānáṃ pratʰamáṃ purástād ví sīmatáḥ surúco vená āvaḥ /

Line : 12  Pada: b     sá budʰnyā̀ upamā́ asya viṣṭʰā́ḥ satáś ca yónim ásataś ca vívaḥ //

Line : 13  Pada: c     hiraṇyagarbʰáḥ sámavartatā́gre bʰūtásya jātáḥ pátir éka āsīt /

Line : 14  Pada: d     sá dādʰāra pr̥tʰivī́ṃ dyā́m utémā́ṃ kásmai devā́ya havíṣā vidʰema //

Line : 15  Pada: e     adbʰyáḥ sáṃbʰr̥taḥ pr̥tʰivyā́ rásāc ca viśvákarmaṇaḥ sámavartatā́dʰi /

Line : 16  Pada: f     tásya tváṣṭā vidádʰad rūpám eti tát púruṣasya devám ājā́nam ágre //

Line : 17  Pada: g     drapsáś caskanda //

Page: 97  
Line : 1  Pada: h     námo astu sarpébʰyo yé kéca pr̥tʰivī́m ánu /

Line : 2  Pada: i     yé antárikṣe yé diví tébʰyaḥ sarpébʰyo námaḥ //

Line : 3  Pada: j     yá íṣavo yātudʰā́nānām̐ yé vánaspátīnām /

Line : 4  Pada: k     yè 'vaṭéṣu śérate tébʰyaḥ sarpébʰyo námaḥ //

Line : 5  Pada: l     yé amī́ rocané divó yé vā sū́ryasya raśmíṣu /

Line : 6  Pada: m     yé apsú ṣádām̐si cakriré tébʰyaḥ sarpébʰyo námaḥ //

Line : 7  Pada: n     kr̥ṇuṣvá pā́jaḥ prásitiṃ ná pr̥tʰvī́m̐ yāhí rā́jevā́mavaṃ íbʰena /

Line : 8  Pada: o     tr̥ṣvī́m ánu prásitiṃ drūṇānó 'stāsi vídʰya rakṣásas tápiṣṭʰaiḥ //

Line : 9  Pada: p     táva bʰramā́sa āśuyā́ patanty ánuspr̥śa dʰr̥ṣatā́ śóśucānaḥ /

Line : 10  Pada: q     tápobʰir agne juhvā̀ pataṅgā́n ásaṃdito vísr̥ja víṣvag ulkā́ḥ //

Line : 11  Pada: r     práti spáśo vísr̥jā tū́rṇitamo bʰávā pāyúr viśó asyā́ ádabdʰaḥ /

Line : 12  Pada: s     yó no dūré agʰáśam̐so yó ánty ágne mā́kiṣ ṭe vyátʰir ā́dadʰarṣīt //

Line : 13  Pada: t     úd agne tiṣṭʰa práty ā́ tanuṣva ny àmítraṃ oṣatāt tigmahete /

Line : 14  Pada: u     yó no árātim̐ samidʰāna cakré nīcā́ táṃ dʰakṣy atasáṃ ná śúṣkam //

Line : 15  Pada: v     ūrdʰvó bʰava prátividʰyā́dʰy asmád āvíḥ kr̥ṇuṣva daívyāny agne /

Line : 16  Pada: w     áva stʰirā́ tanuhi yātujū́nāṃ jāmím ájāmiṃ prámr̥ṇīhi śátrūn //

Line : 17  Pada: x     ayám agníḥ sahasríṇo vā́jasya śatínas pátiḥ /

Line : 18  Pada: y     mūrdʰā́ kavī́ rayīṇā́m //

Page: 98  
Line : 1  Pada: z     agnéṣ ṭvā téjasā sādayāmi

Pada: aa     táyā devátayāṅgirasvád dʰruvā́ sīda //

Line : 2  Pada: ab     bʰúvo yajñásya rájasaś ca netā́ yátrā niyúdbʰiḥ sácase śivā́bʰiḥ /

Line : 3  Pada: ac     diví mūrdʰā́naṃ dadʰiṣe svarṣā́ṃ jihvā́m agne cakr̥ṣe havyavā́ham //

Line : 4  Pada: ad     índrasya tvaújasā sādayāmi

Pada: ae     táyā devátayāṅgirasvád dʰruvā́ sīda

Pada: af     dʰruvā́si dʰarúṇā \

Line : 5  Pada: ag     ástr̥tā viśvákarmaṇā súdʰr̥tā

Pada: ah     mā́ tvā samudrá úd vadʰīn mā́ suparṇás \

Line : 6  Pada: ai     ávyatʰamānā pr̥tʰivī́ṃ dr̥m̐ha

Pada: aj     téjo 'si

Pada: ak     téjo me yacʰa

Pada: al     pr̥tʰivī́m̐ yacʰa

Line : 7  Pada: am     pr̥tʰivī́ṃ dr̥m̐ha

Pada: an     pr̥tʰivī́ṃ mā́ him̐sīḥ

Pada: ao     pr̥tʰivyā́ mā pāhi

Pada: ap     jyótir asi

Line : 8  Pada: aq     jyótir me yacʰa \

Pada: ar     antárikṣam̐ yacʰa \

Pada: as     antárikṣaṃ dr̥m̐ha \

Pada: at     antárikṣaṃ mā́ him̐sīs \

Pada: au     antárikṣān mā pāhi

Line : 9  Pada: av     svàr asi

Pada: aw     svàr me yacʰa

Pada: ax     dívam̐ yacʰa

Pada: ay     dívaṃ dr̥m̐ha

Pada: az     dívaṃ mā́ him̐sīs \

Line : 10  Pada: ba     divó mā pāhi //

Line : 11  Pada: bb     yā́s te agna ārdrā́ yónayo yā́ḥ kulāyínīr yé te agnā índavo yā́ u nā́bʰayaḥ /

Line : 13  Pada: bc     tā́bʰiṣ ṭvám ubʰáyībʰiḥ sam̐vidānáḥ prajānám̐s tanvèhá níṣīda //

Line : 14  Pada: bd     kā́ṇḍātkāṇḍāt praróhantī páruṣaḥparuṣas pári /

Line : 15  Pada: be     evā́ no dūrve prátanu sahásreṇa śaténa ca //

Line : 16  Pada: bf     yā́ śaténa pratanóṣi sahásreṇa viróhasi /

Line : 17  Pada: bg     tásyai te devīṣṭake vidʰéma havíṣā vayám //


Anuvaka: 16  
Line : 18  Pada: a     yā́s te agne sū́rye rúco dívam ātanvánti raśmíbʰiḥ /

Line : 19  Pada: b     tā́bʰir no adyá sárvābʰī rucé jánāya nas kr̥dʰi //

Page: 99  
Line : 1  Pada: c     yā́ vo devāḥ sū́rye rúco góṣv áśveṣu yā́ rúcaḥ /

Line : 2  Pada: d     índrāgnī tā́bʰiḥ sárvābʰī rúcaṃ no dʰehi br̥haspate //

Line : 3  Pada: e     virā́ḍ jyótir adʰārayat

Pada: f     svarā́ḍ jyótir adʰārayat

Pada: g     samrāḍ jyótir adʰārayat \

Pada: h     bʰū́r asi bʰúvanasya rétā íṣṭakā svargó lokás \

Line : 4  Pada: i     mánasā tvānvā́rohāmi \

Pada: j     agnír jyótir jyótir agnís

Line : 5  Pada: k     táyā devátayāṅgirasvád dʰruvā́ sīda

Pada: l     sū́r asi súvanasya rétā íṣṭakā svargó lokás \

Line : 6  Pada: m     vācā́ tvānvā́rohāmi

Pada: n     sū́ryo jyótir jyótiḥ sū́ryas

Line : 7  Pada: o     táyā devátayāṅgirasvád dʰruvā́ sīda

Pada: p     bŕ̥haspátiṣ ṭvā sādayatu pr̥tʰivyā́ḥ pr̥ṣṭʰé jyótiṣmatīm̐ víśvasmai prāṇā́yāpānā́ya vyānā́yodānā́ya pratiṣṭʰā́yai carítrāya

Line : 9  Pada: q     víśvaṃ jyótir yacʰa \

Pada: r     agníṣ ṭé 'dʰipatis

Pada: s     táyā devátayāṅgirasvád dʰruvā́ sīda

Line : 10  Pada: t     viśvákarmā tvā sādayatv antárikṣasya pr̥ṣṭʰé jyótiṣmatīm̐ víśvasmai prāṇā́yāpānā́ya vyānā́yodānā́ya pratiṣṭʰā́yai carítrāya

Line : 11  Pada: u     víśvaṃ jyótir yacʰa

Line : 12  Pada: v     vāyúṣ ṭé 'dʰipatis

Pada: w     táyā devátayāṅgirasvád dʰruvā́ sīda

Pada: x     parameṣṭʰī́ tvā sādayatu diváḥ pr̥ṣṭʰé jyótiṣmatīm̐ víśvasmai prāṇā́yāpānā́ya vyānā́yodānā́ya pratiṣṭʰā́yai carítrāya

Line : 14  Pada: y     viśvaṃ jyótir yacʰa

Pada: z     sū́ryas té 'dʰipatis

Line : 15  Pada: aa     táyā devátayāṅgirasvád dʰruvā́ sīda //

Line : 16  Pada: ab     áṣāḍʰāsi sáhamānā sáhasvā́rātim̐ sáhasva pr̥tanāyatáḥ /

Line : 17  Pada: ac     sahásravīryāsi sā́ mā jinva //

Line : 18  Pada: ad     mádʰu vā́tā r̥tāyaté mádʰu kṣaranti síndʰavaḥ /

Line : 19  Pada: ae     mā́dʰvīr naḥ santv óṣadʰīḥ //

Line : 20  Pada: af     mádʰu náktam utóṣáso mádʰumat pā́rtʰivam̐ rájaḥ /

Line : 21  Pada: ag     mádʰu dyaúr astu naḥ pitā́ //

Page: 100  
Line : 1  Pada: ah     mádʰumān no vánaspátir mádʰumaṃ astu sū́ryaḥ /

Line : 2  Pada: ai     mā́dʰvīr gā́vo bʰavantu naḥ //

Line : 3  Pada: aj     apā́ṃ tvā gáhmant sādayāmi samudrásyódmann ávataś cʰāyā́yām \

Pada: ak     námaḥ samudrā́ya

Line : 4  Pada: al     námaḥ samudrásya cákṣase \

Pada: am     ánu tvā divyā́ vr̥ṣṭíḥ sacatām \

Pada: an     mā́ tvā sū́ryo 'bʰítāpsīn mā́gnír vaiśvānarás \

Line : 5  Pada: ao     ácʰinnapatraḥ prajā́ anuvī́kṣasva //

Line : 6  Pada: ap     trī́nt samudrā́nt sámasr̥pat svargò 'pā́ṃ pátir vr̥ṣabʰá íṣṭakānām /

Line : 7  Pada: aq     tátra gacʰa yátra pū́rve páretāḥ púrīṣam̐ vásānaḥ sukr̥tásya lokám //

Line : 8  Pada: ar     mahī́ dyaúḥ pr̥tʰivī́ ca na imám̐ yajñáṃ mimikṣatām /

Line : 9  Pada: as     pipr̥tā́ṃ no bʰárīmabʰiḥ //

Line : 10  Pada: at     idám̐ víṣṇuḥ //

Line : 11  Pada: au     ádʰa smā te vanaspate vā́to vívāty ágram ít /

Line : 12  Pada: av     utó nv índrāya pā́tave sunú sómam ulūkʰala //

Line : 13  Pada: aw     náktoṣā́sā //

Line : 14  Pada: ax     syūtā́ devébʰir amŕ̥tenā́gād ukʰā́ svásāram ádʰi védim astʰāt /

Line : 15  Pada: ay     satyáṃ pū́rvair ŕ̥ṣibʰiḥ sam̐vidānó agníḥ pravidváṃ ihá tát kr̥ṇotu /

Line : 16  Pada: az     pŕ̥tʰivi pr̥tʰivyā́m̐ sīda mātúr mātári mātā́ /

Line : 17  Pada: ba     syonā́si suṣádā

Pada: bb     syonā́m ā́sīda

Pada: bc     suṣádām ā́sīda //

Line : 18  Pada: bd     níṣasāda dʰr̥távrato váruṇaḥ pastyā̀sv ā́ /

Line : 19  Pada: be     sā́mrājyāya sukrátuḥ //

Page: 101  
Line : 1  Pada: bf     krátuṃ devā́nāṃ mahimā́nam īmahe agním̐ sadʰástʰe sádaneṣv ádbʰutam /

Line : 2  Pada: bg     vaiśvānaráṃ bráhmaṇā viśvávyacasam̐ stómasya dʰā́man nídadʰe purīṣyàm //

Line : 3  Pada: bh     nyàdʰur mā́trāyāṃ kaváyo vayodʰáso agním̐ sadʰástʰe sádaneṣv ácyutam /

Line : 4  Pada: bi     vaiśvānaráṃ bráhmaṇā viśvávyacasam̐ stómasya dʰā́man níhitaṃ purīṣyàm //

Line : 5  Pada: bj     samidʰyámānam̐ samídʰā sámindʰate agním̐ sadʰástʰe sádaneṣu sukrátum /

Line : 7  Pada: bk     vaiśvānaráṃ bráhmaṇā viśvávyacasam̐ stómasya dʰā́man pávamānam ā́bʰr̥tam //


Anuvaka: 17  
Line : 8  Pada: a     ágne yukṣvā́ hí yé távā́śvāso deva sādʰávaḥ /

Line : 9  Pada: b     áram̐ váhanty āśávaḥ //

Line : 10  Pada: c     yukṣvā́ hí devahū́tamaṃ áśvaṃ agne ratʰī́r iva /

Line : 11  Pada: d     ní hótā pūrvyáḥ sadaḥ //

Line : 12  Pada: e     sám ít sravanti saríto ná dʰénā antár hr̥dā́ mánasā pūyámānāḥ /

Line : 13  Pada: f     gʰr̥tásya dʰā́rā abʰícākaśīmi hiraṇyáyo vetasó mádʰye agnéḥ //

Line : 14  Pada: g     r̥cé tvā

Pada: h     rucé tvā

Pada: i     bʰāsé tvā

Pada: j     jyótiṣe tvā \

Pada: k     ábʰūd idám̐ víśvasya bʰúvanasya vā́jinam agnér vaiśvānarásya ca \

Line : 15  Pada: l     agnís téjasā téjasvān

Pada: m     rukmó várcasā várcasvān \

Line : 16  Pada: n     sahasradā́ asi

Pada: o     sahásrāya tvā //

Line : 17  Pada: p     ādityáṃ gárbʰaṃ páyasā sámaṅgdʰi sahásrasya pratimā́m̐ viśvárūpam /

Page: 102  
Line : 1  Pada: q     párivr̥ṅgdʰi hárasā mā́bʰíśocīḥ śatā́yuṣaṃ kr̥ṇuhi cīyámānaḥ //

Line : 2  Pada: r     vā́tasya jūtím̐ váruṇasya nā́bʰim áśvaṃ jajñānám̐ salilásya mádʰye /

Line : 3  Pada: s     śíśuṃ nadī́nām̐ hárim ádribudʰnam ágne mā́ him̐sīḥ paramé vyòman //

Line : 4  Pada: t     ájasram índum aruṣáṃ bʰuraṇyúm agním īḍe pūrvácittiṃ námobʰiḥ /

Line : 5  Pada: u     sá párvabʰir r̥tuśáḥ kálpamāno gā́ṃ mā́ him̐sīr áditim̐ virā́jam //

Line : 6  Pada: v     tváṣṭur várutrīm̐ váruṇasya nā́bʰim áviṃ jajñānā́m̐ rájasaḥ párasmāt /

Line : 7  Pada: w     mahīm̐ sāhasrī́m ásurasya māyā́m ágne mā́ him̐sīḥ paramé vyòman //

Line : 8  Pada: x     yó agnír agnés tápasó 'dʰi jātáḥ śókāt pr̥tʰivyā́ utá vā divás pári /

Line : 9  Pada: y     yá imā́ḥ prajā́ viśvákarmā jajā́na tám agne héḍaḥ pári te vr̥ṇaktu //

Line : 10  Pada: z     imáṃ mā́ him̐sīr dvipā́daṃ paśúm̐ sahasrākṣó médʰāya cīyámānas \

Pada: aa     mayúm āraṇyám ánu te diśāmi

Line : 11  Pada: ab     téna cinvānás tanvàṃ níṣīda

Pada: ac     mayúṃ te śúg r̥cʰatu

Line : 12  Pada: ad     yáṃ dviṣmás táṃ te śúg r̥cʰatu \

Pada: ae     imáṃ mā́ him̐sīr ékaśapʰaṃ paśúṃ kanikradám̐ vājínam̐ vā́jineṣu

Line : 13  Pada: af     gaurám āraṇyám ánu te diśāmi

Pada: ag     téna cinvānás tanvàṃ níṣīda

Line : 14  Pada: ah     gauráṃ te śúg r̥cʰatu

Pada: ai     yáṃ dviṣmás táṃ te śúg r̥cʰatu \

Pada: aj     imám̐ sāhasrám̐ śatádʰāram útsam̐ vyacyámānam̐ salilásya mádʰe

Line : 15  Pada: ak     gʰr̥táṃ dúhānām áditiṃ jánāyā́gne mā́ him̐sīḥ paramé vyòman //

Line : 16  Pada: al     gavayám āraṇyám ánu te diśāmi

Pada: am     téna cinvānás tanvàṃ níṣīda

Line : 17  Pada: an     gavayáṃ te śúg r̥cʰatu

Pada: ao     yáṃ dviṣmás táṃ te śúg r̥cʰatu \

Pada: ap     imám ūrṇāyúm̐ váruṇasya nā́bʰiṃ tvácaṃ paśūnā́ṃ dvipádāṃ cátuṣpadām \

Line : 18  Pada: aq     tváṣṭur devā́nāṃ pratʰamáṃ janítram ágne mā́ him̐sīḥ paramé vyòman //

Line : 19  Pada: ar     meṣám āraṇyám ánu te diśāmi

Page: 103  
Line : 1  Pada: as     téna cinvānás tanvàṃ níṣīda

Pada: at     meṣáṃ te śúg r̥cʰatu

Pada: au     yáṃ dviṣmás táṃ te śúg r̥cʰatu \

Line : 2  Pada: av     ajó hy àgnér ájaniṣṭa śókāt só apaśyaj janitā́ram ágre

Pada: aw     téna devā́ devátām ágram āyam̐s téna róham āyann úpa médʰyāsaḥ

Line : 3  Pada: ax     śarabʰám āraṇyám ánu te diśāmi

Line : 4  Pada: ay     téna cinvānás tanvàṃ níṣīda

Pada: az     śarabʰáṃ te śúg r̥cʰatu

Pada: ba     yáṃ dviṣmás táṃ te śúg r̥cʰatu //


Anuvaka: 18  
Line : 6  Pada: a     apā́ṃ tvémant sādayāmi \

Pada: b     apā́ṃ tvódmant sādayāmi \

Pada: c     apā́ṃ tvā́yane sādayāmi \

Line : 7  Pada: d     apā́ṃ tvā jyótiṣi sādayāmi \

Pada: e     apā́ṃ tvā bʰásmani sādayāmi

Pada: f     samudré tvā sádane sādayāmi \

Line : 8  Pada: g     arṇavé tvā sádane sādayāmi

Pada: h     salilé tvā sádane sādayāmi \

Line : 9  Pada: i     apā́ṃ tvā kṣáye sādayāmi \

Pada: j     apā́ṃ tvā sádʰriṣu sādayāmi \

Pada: k     apā́ṃ tvā sádane sādayāmi \

Line : 10  Pada: l     apā́ṃ tvā sadʰástʰe sādayāmi \

Pada: m     apā́ṃ tvā yónau sādayāmi \

Pada: n     apā́ṃ tvā púrīṣe sādayāmi \

Line : 11  Pada: o     apā́ṃ tvā pā́tʰasi sādayāmi

Pada: p     gāyatréṇa tvā cʰándasā sādayāmi

Line : 12  Pada: q     traíṣṭubʰena tvā cʰándasā sādayāmi

Pada: r     jā́gatena tvā cʰándasā sādayāmi \

Line : 13  Pada: s     ā́nuṣṭubʰena tvā cʰándasā sādayāmi

Pada: t     pā́ṅktena tvā cʰándasā sādayāmi //


Anuvaka: 19  
Line : 15  Pada: a     ayáṃ puró bʰū́s

Pada: b     tásya prāṇó bʰauvāyanás \

Pada: c     vasantáḥ prāṇāyanás \

Pada: d     gāyatrī́ vāsantī́

Page: 104  
Line : 1  Pada: e     gāyatryā́ gāyatrám \

Pada: f     gāyatrā́d upām̐śús \

Pada: g     upām̐śós trivŕ̥t

Pada: h     trivŕ̥to ratʰantarám \

Line : 2  Pada: i     vásiṣṭʰā ŕ̥ṣiḥ

Pada: j     prajā́patigr̥hītayā tváyā prāṇáṃ gr̥hṇāmi prajā́bʰyas \

Line : 3  Pada: k     ayáṃ dakṣiṇā́ viśvákarmā

Pada: l     tásya máno vaiśvakarmaṇám \

Pada: m     grīṣmó mānasás

Line : 4  Pada: n     triṣṭúb graiṣmī́

Pada: o     triṣṭúbʰaḥ svārám \

Pada: p     svārā́d antaryāmás \

Pada: q     antaryāmā́t pañcadaśáḥ

Line : 5  Pada: r     pañcadaśā́d br̥hat \

Pada: s     bʰarádvājā ŕ̥ṣiḥ

Pada: t     prajā́patigr̥hītayā tváyā máno gr̥hṇāmi prajā́bʰyas \

Line : 6  Pada: u     ayáṃ paścā́ viśvávyacās

Pada: v     tásya cákṣur vaiśvavyacasám \

Line : 7  Pada: w     varṣā́ṇi cākṣuṣā́ṇi

Pada: x     jágatī vārṣī́

Pada: y     jágatyā ŕ̥ksamam

Pada: z     ŕ̥ksamāñ śukráḥ

Line : 8  Pada: aa     śukrā́t saptadaśáḥ

Pada: ab     saptadaśā́d vairūpám \

Pada: ac     jamádagnir ŕ̥ṣiḥ

Pada: ad     prajā́patigr̥hītayā tváyā cákṣur gr̥hṇāmi prajā́bʰyas \

Line : 9  Pada: ae     idám uttarā́t svàs

Pada: af     tásya śrótram̐ sauvám \

Pada: ag     śarañ śrautrī́ \

Line : 10  Pada: ah     anuṣṭúp śāradī́ \

Pada: ai     anuṣṭúbʰa aiḍám

Pada: aj     aiḍā́n mantʰī́

Pada: ak     mantʰína ekavim̐śas \

Pada: al     ekavim̐śā́d vairājám \

Line : 11  Pada: am     viśvā́mitrā ŕ̥ṣiḥ

Pada: an     prajā́patigr̥hītayā tváyā śrótraṃ gr̥hṇāmi prajā́bʰyas \

Line : 12  Pada: ao     iyám upári matís

Pada: ap     tásyā vā́ṅ mātyā́

Pada: aq     hemantó vācyáḥ

Line : 13  Pada: ar     paṅktír haimantī́

Pada: as     paṅktyā́ nidʰánavat \

Pada: at     nidʰánavata āgrāyaṇás \

Pada: au     āgrayaṇā́t triṇavatrayastrim̐śaú

Line : 14  Pada: av     triṇavatrayastrim̐śā́bʰyām̐ śākvararaivaté

Pada: aw     viśvákarmā ŕ̥ṣiḥ

Line : 15  Pada: ax     prajā́patigr̥hītayā tváyā vā́caṃ gr̥hṇāmi prajā́bʰyaḥ //


Anuvaka: 20  
Line : 16  Pada: a     prā́cī dík \

Pada: b     vasantá r̥tús \

Pada: c     agnír devátā

Pada: d     bráhma dráviṇam \

Pada: e     gāyatrī́ cʰándas \

Pada: f     ratʰantarám̐ sā́ma

Line : 17  Pada: g     trivŕ̥t stómaḥ

Pada: h     sá u pañcadaśávartaniḥ

Pada: i     sā́nagā ŕ̥ṣis

Pada: j     tryavír váyaḥ

Page: 105  
Line : 1  Pada: k     kr̥tám áyānām \

Pada: l     purovātó vā́taḥ

Pada: m     pitáraḥ pitāmahā́ḥ páré 'vare

Line : 2  Pada: n     té no 'vantu

Pada: o     té naḥ pāntv asmín bráhmaṇy asyā́ṃ purodʰā́yām asmín kármaṇy asyā́m āśíṣy asyā́ṃ deváhūtau //

Line : 3  Pada: p     dákṣiṇā dik \

Pada: q     grīṣmá r̥tús \

Pada: r     índro devátā

Line : 4  Pada: s     kṣatráṃ dráviṇam \

Pada: t     triṣṭúp cʰándas \

Pada: u     br̥hát sā́ma

Pada: v     pañcadaśáḥ stómaḥ

Pada: w     sá u saptadaśávartaniḥ

Line : 5  Pada: x     sanātánā ŕ̥ṣis \

Pada: y     dityavā́ḍ váyas

Pada: z     trétā́yānām \

Pada: aa     dakṣiṇādvātó vā́taḥ

Line : 6  Pada: ab     pitáraḥ pitāmahā́ḥ páré 'vare

Pada: ac     té no 'vantu

Pada: ad     té naḥ pāntv asmín bráhmaṇy asyā́ṃ purodʰā́yām asmín kármaṇy asyā́m āśíṣy asyā́ṃ deváhūtau //

Line : 7  Pada: ae     pratī́cī dík \

Line : 8  Pada: af     varṣā́ ŕ̥tus \

Pada: ag     víśve devā́ devátā

Pada: ah     víḍ dráviṇam \

Pada: ai     jágatī cʰándas \

Pada: aj     vairūpám̐ sā́ma

Line : 9  Pada: ak     saptadaśáḥ stómaḥ

Pada: al     sá u ekavim̐śávartanis \

Pada: am     ahabʰū́nā ŕ̥ṣis

Pada: an     trivatsó váyas \

Line : 10  Pada: ao     dvāpáró 'yānām \

Pada: ap     paścādvātó vā́taḥ

Pada: aq     pitáraḥ pitāmahā́ḥ páré 'vare

Line : 11  Pada: ar     té no 'vantu

Pada: as     té naḥ pāntv asmín bráhmaṇy asyā́ṃ purodʰā́yām asmín kármaṇy asyā́m āśíṣy asyā́ṃ deváhūtau //

Line : 12  Pada: at     údīcī dík

Pada: au     śarád r̥tús \

Pada: av     mitrā́váruṇau devátā

Line : 13  Pada: aw     púṣṭaṃ dráviṇam

Pada: ax     anuṣṭúp cʰándas \

Pada: ay     vairājám̐ sā́ma \

Pada: az     ekavim̐śáḥ stómaḥ

Pada: ba     sá u triṇavávartaniḥ

Line : 14  Pada: bb     purāṇā́ ŕ̥ṣis

Pada: bc     turyavā́ḍ váyas \

Pada: bd     abʰibʰavó 'yānām

Pada: be     uttarādvātó vā́taḥ

Line : 15  Pada: bf     pitáraḥ pitāmahā́ḥ páré 'vare

Pada: bg     té no 'vantu

Pada: bh     té naḥ pāntv asmín bráhmaṇy asyā́ṃ purodʰā́yām asmín kármaṇy asyā́m āśíṣy asyā́ṃ deváhūtau //

Line : 16  Pada: bi     ūrdʰvā́ dík \

Line : 17  Pada: bj     hemantaśiśirā́ r̥tū́

Pada: bk     bŕ̥haspátir devátā

Pada: bl     pʰálaṃ dráviṇam \

Pada: bm     paṅktíś cʰándaḥ

Line : 18  Pada: bn     śākvararaivaté sā́manī

Pada: bo     triṇaváḥ stómaḥ

Pada: bp     sá u trayastrim̐śávartaniḥ

Pada: bq     suparṇā́ ŕ̥ṣiḥ

Line : 19  Pada: br     paṣṭʰavā́ḍ váyas \

Pada: bs     āskandó 'yānām

Pada: bt     upariṣṭādvātó vā́taḥ

Pada: bu     pitáraḥ pitāmahā́ḥ páré 'vare

Page: 106  
Line : 1  Pada: bv     té no 'vantu

Pada: bw     té naḥ pāntv asmín bráhmaṇy asyā́ṃ purodʰā́yām asmín kármaṇy asyā́m āśíṣy asyā́ṃ deváhūtau //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.