TITUS
Black Yajur-Veda: Maitrayani-Samhita
Part No. 19
Previous part

Prapathaka: 8  
Anuvaka: 1  
Line : 3  Pada: a     lokáṃ pr̥ṇa cʰidráṃ pr̥ṇā́tʰā sīda dʰruvā́ tvám /

Line : 4  Pada: b     indrāgnī́ tvā bŕ̥haspátir asmín yónā asīṣadan //

Line : 5  Pada: c     tā́ asya sū́dadohasaḥ sómam̐ śrīṇanti pŕ̥śnayaḥ /

Line : 6  Pada: d     jánman devā́nām̐ víśas triṣv ā́ rocané diváḥ //

Line : 7  Pada: e     dʰruvákṣitir dʰruváyonir dʰruvā́si dʰruvám̐ yónim ā́sīda sādʰyā́ /

Line : 8  Pada: f     úkʰyasya ketúṃ pratʰamáṃ juṣāṇā́ aśvínādʰvaryū́ sādayatām ihá tvā //

Line : 9  Pada: g     kulāyínī gʰr̥távatī púraṃdʰiḥ syoné sīda sádane pr̥tʰivyā́ḥ /

Line : 10  Pada: h     abʰí tvā rudrā́ vásavo gr̥ṇantv idáṃ bráhma pipr̥hí saúbʰagāya /

Line : 11  Pada: i     aśvínādʰvaryū́ sadayatām ihá tvā //

Line : 12  Pada: j     svaír dákṣair dákṣapitehá sīda devā́nām̐ sumné br̥haté ráṇāya /

Line : 13  Pada: k     pitévaidʰi sūnáve yáḥ suśévaḥ svāveśáyā tanvā̀ sám̐viśasva /

Line : 14  Pada: l     aśvínādʰvaryū́ sādayatām ihá tvā //

Page: 107  
Line : 1  Pada: m     pr̥tʰivyā́ḥ púrīṣam asy ápso nā́ma tā́ṃ tvā víśve abʰígr̥ṇantu devā́ḥ /

Line : 3  Pada: n     stómapr̥ṣṭʰā gʰr̥távatīhá sīda prajā́vad asmé dráviṇā́yajasva /

Line : 4  Pada: o     aśvínādʰvaryū́ sādayatām ihá tvā //

Line : 5  Pada: p     ádityās tvā pr̥ṣṭʰé sādayāmi \

Pada: q     antárikṣasya dʰartrī́m̐ viṣṭámbʰanīṃ diśā́m / bʰúvanasyā́dʰipatnīm

Line : 7  Pada: r     ūrmír drapsó apā́m asi /

Line : 8  Pada: s     aśvínādʰvaryū́ sādayatām ihá tvā //

Line : 9  Pada: t     sajū́r r̥túbʰiḥ

Pada: u     sajū́r vidʰā́bʰiḥ

Pada: v     sajū́r devaíḥ

Pada: w     sajū́r devaír vayunādʰaís \

Pada: x     agnáye tvā vaiśvānarā́ya \

Line : 10  Pada: y     aśvínādʰvaryū́ sādayatām ihá tvā

Pada: z     sajū́r r̥túbʰiḥ

Pada: aa     sajū́r vidʰā́bʰiḥ

Pada: ab     sajū́r vásubʰiḥ

Line : 11  Pada: ac     sajū́r r̥túbʰiḥ

Pada: ad     sajū́r vidʰā́bʰiḥ

Pada: ae     sajū́ rudraíḥ

Pada: af     sajū́r r̥túbʰiḥ

Pada: ag     sajū́r vidʰā́bʰiḥ

Line : 12  Pada: ah     sajū́r ādityaíḥ

Pada: ai     sajū́r r̥túbʰiḥ

Pada: aj     sajū́r vidʰā́bʰiḥ

Pada: ak     sajū́r víśvair devaír vaiśvānaraíḥ

Line : 13  Pada: al     sajū́r devaír vayunādʰaís \

Pada: am     agnáye tvā vaiśvānarā́ya \

Pada: an     aśvínādʰvaryū́ sādayatām ihá tvā //


Anuvaka: 2  
Line : 15  Pada: a     prāṇáṃ me pāhi \

Pada: b     apānáṃ me pāhi

Pada: c     vyānáṃ me pāhi

Pada: d     cákṣur ma uruyā́ víbʰāhi

Line : 16  Pada: e     śrótraṃ me ślókaya \

Pada: f     apáḥ pinva \

Pada: g     óṣadʰīr jinva

Pada: h     dvipā́d ava

Pada: i     cátuṣpāt pāhi

Line : 17  Pada: j     divó vā vr̥ṣṭím éraya

Pada: k     kṣatrám̐ váyas \

Pada: l     máyantaṃ cʰándas \

Pada: m     viṣṭambʰó váyas \

Pada: n     ádʰipatiś cʰándas \

Line : 18  Pada: o     mūrdʰā́ váyaḥ

Pada: p     prajā́patiś cʰándas \

Pada: q     viśvákarmā váyaḥ

Pada: r     parameṣṭʰī́ cʰándas

Line : 19  Pada: s     tryavír váyas

Pada: t     triṣṭúp cʰándas \

Pada: u     dityavā́ḍ váyas \

Pada: v     virā́ṭ cʰándaḥ

Pada: w     páñcāvir váyas \

Page: 108  
Line : 1  Pada: x     gāyatrī́ cʰándas

Pada: y     trivatsó váyas \

Pada: z     uṣṇíhā cʰándas

Pada: aa     turyavā́ḍ váyas \

Pada: ab     anuṣṭúp cʰándaḥ

Line : 2  Pada: ac     paṣṭʰavā́ḍ váyas \

Pada: ad     br̥hatī́ cʰándas \

Pada: ae     ukṣā́ váyaḥ

Pada: af     kakúp cʰándas \

Pada: ag     r̥ṣabʰó váyaḥ

Line : 3  Pada: ah     satóbr̥hatī cʰándas \

Pada: ai     anaḍvā́n váyaḥ

Pada: aj     páṅktiś cʰándas \

Pada: ak     dʰenúr váyas \

Pada: al     jágatī cʰándas \

Line : 4  Pada: am     bastó váyas \

Pada: an     yuvaláṃ cʰándas \

Pada: ao     vr̥ṣṇír váyas \

Pada: ap     viśāláṃ cʰándaḥ

Pada: aq     púruṣo váyas

Pada: ar     tandráṃ cʰándaḥ

Line : 5  Pada: as     sim̐hó váyas \

Pada: at     cʰádíś cʰándas \

Pada: au     vyāgʰró váyas \

Pada: av     anādʰr̥ṣyáṃ cʰándaḥ //


Anuvaka: 3  
Line : 6  Pada: a     índrāgnī ávyatʰamānām íṣṭakāṃ dr̥m̐hatam̐ yuvám /

Line : 7  Pada: b     pr̥ṣṭʰéna dyā́vāpr̥tʰivī́ ā́pr̥ṇāntárikṣaṃ ca víbādʰasva //

Line : 8  Pada: c     rā́jñy asi prā́cī dík \

Pada: d     virā́ḍ asi dákṣiṇā dík

Pada: e     samrā́ḍ asi pratī́cī dík

Line : 9  Pada: f     svarāḍ asy údīcī dík \

Pada: g     ádʰipatny asy ūrdʰvā́ dík \

Pada: h     ā́yur me pāhi

Pada: i     prāṇáṃ me pāhi \

Line : 10  Pada: j     apānáṃ me pāhi

Pada: k     vyānáṃ me pāhi

Pada: l     cákṣur me pāhi

Pada: m     śrótraṃ me pāhi

Line : 11  Pada: n     máno me pinva

Pada: o     vā́caṃ me jinva \

Pada: p     ātmā́naṃ me pāhi

Pada: q     jyótir me yacʰa

Pada: r     mā́ cʰándaḥ

Line : 12  Pada: s     pramā́ cʰándaḥ

Pada: t     pratimā́ cʰándas \

Pada: u     asrīvī́ś cʰándaḥ

Pada: v     paṅktíś cʰándas \

Pada: w     uṣṇíhā cʰándas \

Line : 13  Pada: x     gāyatrī́ cʰándas

Pada: y     triṣṭúp cʰándas \

Pada: z     jágatī cʰándas \

Pada: aa     anuṣṭúp cʰándas \

Line : 14  Pada: ab     virā́ṭ cʰándas \

Pada: ac     br̥hatī́ cʰándaḥ

Pada: ad     pr̥tʰivī́ cʰándas \

Pada: ae     antárikṣaṃ cʰándas \

Pada: af     dyaúś cʰándas \

Line : 15  Pada: ag     nákṣatrāṇi cʰándaḥ

Pada: ah     sámā cʰándaḥ

Pada: ai     kr̥ṣíś cʰándas \

Pada: aj     vā́k cʰándas \

Pada: ak     mánaś cʰándas \

Line : 16  Pada: al     gaúś cʰándas \

Pada: am     áśvaś cʰándas \

Pada: an     ajā́ cʰándas \

Pada: ao     híraṇyaṃ cʰándas \

Pada: ap     agnír devátā

Pada: aq     vā́to devátā

Line : 17  Pada: ar     sū́ryo devátā

Pada: as     candrámā devátā

Pada: at     vásavo devátā

Pada: au     rudrā́ devátā \

Pada: av     ādityā́ devátā

Line : 18  Pada: aw     marúto devátā \

Pada: ax     índro * devátā
      FN emended. Ed.: índo

Pada: ay     váruṇo devátā

Pada: az     bŕ̥haspátir devátā

Pada: ba     víśve devā́ devátā

Line : 19  Pada: bb     mūrdʰā́si rā́ṭ \

Pada: bc     dʰruvā́si * dʰarúṇā
      FN emended. Ed.: dʰravā́si.

Pada: bd     dʰartry àsi dʰáraṇī \

Pada: be     ā́yuṣe tvā

Pada: bf     várcase tvā

Page: 109  
Line : 1  Pada: bg     kr̥ṣyaí tvā

Pada: bh     kṣémāya tvā

Pada: bi     yántrī rā́ṭ \

Pada: bj     yantry àsi yámanī

Pada: bk     dʰartry àsi dʰáritrī \

Line : 2  Pada: bl     iṣé tvā \

Pada: bm     ūrjé tvā

Pada: bn     rayyaí tvā

Pada: bo     póṣāya tvā //


Anuvaka: 4  
Line : 3  Pada: a     āśús trivŕ̥t \

Pada: b     bʰāntáḥ pañcadaśás \

Pada: c     vyòmā saptadaśáḥ

Pada: d     prátūrtir aṣṭādaśás

Pada: e     tápo navadaśás \

Line : 4  Pada: f     abʰīvartáḥ savim̐śás \

Pada: g     dʰarúṇa ekavim̐śas \

Pada: h     várco dvāvim̐śáḥ

Line : 5  Pada: i     saṃbʰáraṇas trayovim̐śas \

Pada: j     yóniś caturvim̐śás \

Pada: k     gárbʰāḥ pañcavim̐śás \

Pada: l     ójas triṇavás \

Line : 6  Pada: m     virā́ṭ trim̐śáḥ

Pada: n     krátur ekatrim̐śás \

Pada: o     vídʰr̥tir dvātrim̐śáḥ

Pada: p     pratiṣṭʰā́ trayastrim̐śás \

Line : 7  Pada: q     bradʰnásya viṣṭápaṃ catustrim̐śás \

Pada: r     nā́kaḥ ṣaṭtrim̐śás \

Pada: s     vīvartò 'ṣṭācatvārim̐śás \

Line : 8  Pada: t     dʰartráṃ catuṣṭomáḥ //


Anuvaka: 5  
Line : 9  Pada: a     agnér bʰāgò 'si

Pada: b     dīkṣā́yā ā́dʰipatyam \

Pada: c     bráhma spŕ̥tam \

Pada: d     trivŕ̥t stómas \

Pada: e     índrasya bʰāgò 'si

Line : 10  Pada: f     víṣṇor ā́dʰipatyam \

Pada: g     kṣátraṃ spr̥tám \

Pada: h     pañcadaśáḥ stómas \

Pada: i     nr̥cákṣasāṃ bʰāgò 'si

Line : 11  Pada: j     dʰātúr ā́dʰipatyam \

Pada: k     janítram̐ spr̥tám \

Pada: l     saptadaśáḥ stómas \

Line : 12  Pada: m     mitrásya bʰāgò 'si

Pada: n     váruṇasyā́dʰipatyam \

Pada: o     divó vŕ̥ṣṭir

Pada: p     vā́taḥ spr̥tás \

Pada: q     ekavim̐śáḥ stómas \

Line : 13  Pada: r     ádityā bʰāgò 'si

Pada: s     pūṣṇá ā́dʰipatyam

Pada: t     ójaḥ spr̥tám \

Line : 14  Pada: u     triṇaváḥ stómas \

Pada: v     vásūnāṃ bʰāgò 'si

Pada: w     rudrā́ṇām ā́dʰipatyam \

Pada: x     cátuṣpāt spr̥tám \

Line : 15  Pada: y     caturvim̐śáḥ stómas \

Pada: z     ādityā́nāṃ bʰāgò 'si

Pada: aa     marútām ā́dʰipatyam \

Pada: ab     gárbʰāḥ spr̥tā́ḥ

Page: 110  
Line : 1  Pada: ac     pañcavim̐śáḥ stómaḥ

Pada: ad     savitúr bʰāgò si

Pada: ae     bŕ̥haspáter ā́dʰipatyam \

Line : 2  Pada: af     samī́cīr díśaḥ spr̥tā́s \

Pada: ag     catuṣṭomáḥ stómas \

Pada: ah     yávānāṃ bʰāgò 'si \

Pada: ai     áyavānām ā́dʰipatyam \

Line : 3  Pada: aj     prajā́ḥ spr̥tā́s \

Pada: ak     catuścatvārim̐śáḥ stómas \

Pada: al     r̥bʰūṇā́ṃ bʰāgò 'si

Line : 4  Pada: am     víśveṣāṃ devā́nām ā́dʰipatyam \

Pada: an     bʰūtáṃ níśāntam̐ spr̥tám \

Pada: ao     trayastrim̐śáḥ stómaḥ //


Anuvaka: 6  
Line : 6  Pada: a     ékayāstuvata

Pada: b     prajā́ adʰīyanta

Pada: c     prajā́nāṃ pátir ádʰipatir āsīt

Pada: d     tisŕ̥bʰir astuvata

Line : 7  Pada: e     bráhmāsr̥jyata

Pada: f     bráhmaṇaspátir ádʰipatir āsīt

Pada: g     pañcábʰir astuvata

Pada: h     bʰūtā́ny asr̥jyanta

Line : 8  Pada: i     bʰūtā́nāṃ pátir ádʰipatir āsīt

Pada: j     saptábʰir astuvata

Pada: k     saptar̥ṣáyo 'sr̥jyanta

Line : 9  Pada: l     dʰātā́dʰipatir āsīt \

Pada: m     navábʰir astuvata

Pada: n     pitáro 'sr̥jyanta \

Pada: o     áditir ádʰipatir āsīt \

Line : 10  Pada: p     ekādaśábʰir astuvata \

Pada: q     ārtavā́ asr̥jyanta

Pada: r     r̥távó 'dʰipataya āsan \

Line : 11  Pada: s     trayodaśábʰir astuvata

Pada: t     mā́sā asr̥jyanta

Pada: u     sam̐vatsaró 'dʰipatir āsīt

Line : 12  Pada: v     pañadaśábʰir astuvata

Pada: w     kṣatrám asr̥jyata \

Pada: x     índró 'dʰipatir āsīt

Pada: y     saptadaśábʰir astuvata

Line : 13  Pada: z     grāmyā́ḥ paśávo 'sr̥jyanta

Pada: aa     bŕ̥haspátir ádʰipatir āsīt \

Pada: ab     navadaśábʰir astuvata

Line : 14  Pada: ac     śūdrāryā́ asr̥jyetām

Pada: ad     ahorātré ádʰipatnī āstām

Pada: ae     ékavim̐śatyāstuvata \

Line : 15  Pada: af     ékaśapʰam asr̥jyata

Pada: ag     váruṇó 'dʰipatir āsīt

Pada: ah     tráyovim̐śatyāstuvata

Line : 16  Pada: ai     kṣudrā́ḥ paśávo 'sr̥jyanta

Pada: aj     pūṣā́dʰipatir āsīt

Pada: ak     páñcavim̐śatyāstuvata \

Pada: al     āraṇyā́ḥ paśávo 'sr̥jyanta

Line : 17  Pada: am     vāyúr ádʰipatir āsīt

Pada: an     saptávim̐śatyāstuvata

Pada: ao     vánaspátayo 'sr̥jyanta

Line : 18  Pada: ap     sómó 'dʰipatir āsīt \

Pada: aq     návavim̐śatyāstuvata

Pada: ar     dyā́vāpr̥tʰivī́ vyaìtām \

Line : 19  Pada: as     vásavo rudrā́ anuvyā̀yan \

Pada: at     tá u evā́dʰipataya āsan \

Pada: au     ékatrim̐śatāstuvata

Page: 111  
Line : 1  Pada: av     prajā́ asr̥jyanta

Pada: aw     yávāś cā́yavāś cā́dʰipataya āsan \

Pada: ax     tráyastrim̐śatāstuvata

Line : 2  Pada: ay     bʰūtā́ny aśāmyan

Pada: az     prajā́patiḥ parameṣṭʰy ádʰipatir āsīt //


Anuvaka: 7  
Line : 3  Pada: a     ágne jātā́n práṇudā naḥ sapátnān práty ájātān jātavedo nudasva /

Line : 4  Pada: b     ádʰi no brūhi sumánā áheḍañ śármam̐s te syāma trivárūtʰā udbʰaú //

Line : 5  Pada: c     sáhasā jātā́n práṇudā naḥ sapátnān práty ájātān jātavedo nudasva /

Line : 6  Pada: d     ádʰi no brūhi sumanasyámāno vayám̐ syāma práṇudā naḥ sapátnān //

Line : 8  Pada: e     catuścatvārim̐śī́ stómas \

Pada: f     varcó dráviṇam \

Pada: g     ṣoḍaśī́ stómas \

Pada: h     ójo dráviṇam //

Line : 10  Pada: i     agnéḥ púrīṣam asy ápso nā́ma tā́ṃ tvā víśve abʰígr̥ṇantu devā́ḥ /

Line : 11  Pada: j     stómapr̥ṣṭʰā gʰr̥távatīhá sīda prajā́vad asmé dráviṇā́yajasva //

Line : 12  Pada: k     táyā devátayāṅgirasvád druvā́ sīda \

Pada: l     évaś cʰándas \

Pada: m     várivaś cʰándas \

Pada: n     ācʰác cʰándas \

Line : 13  Pada: o     mánaś cʰándaḥ

Pada: p     śaṃbʰū́ś cʰándaḥ

Pada: q     paribʰū́ś cʰándaḥ

Pada: r     síndʰuś cʰándas \

Pada: s     vyácaś cʰándaḥ

Pada: t     samudráṃ cʰándaḥ

Line : 14  Pada: u     saliláṃ cʰándaḥ

Pada: v     kakúp cʰándas

Pada: w     tríkakúp cʰándaḥ

Pada: x     kāvyáṃ cʰándas \

Pada: y     aṅkupáṃ cʰándas \

Line : 15  Pada: z     akṣárapaṅktiś cʰándaḥ

Pada: aa     padápaṅktiś cʰándas \

Pada: ab     viṣṭārápaṅktiś cʰándaḥ

Pada: ac     kṣuró bʰŕ̥jaś cʰándaḥ

Line : 16  Pada: ad     pakṣáś cʰándaḥ

Pada: ae     pracʰác cʰándaḥ

Pada: af     sam̐yác cʰándas \

Pada: ag     viyác cʰándas \

Pada: ah     br̥hác cʰándas \

Page: 112  
Line : 1  Pada: ai     ratʰantaráṃ cʰándas \

Pada: aj     nikāyáṃ cʰándas \

Pada: ak     vīvadʰáṃ cʰándas \

Pada: al     gíraś cʰándas \

Pada: am     bʰŕ̥jaś cʰándaḥ

Line : 2  Pada: an     sam̐stúp cʰándas \

Pada: ao     anuṣṭúp cʰándas \

Pada: ap     évaś cʰandas \

Pada: aq     várivaś cʰándas \

Pada: ar     váyaś cʰándas \

Line : 3  Pada: as     vayaskŕ̥c cʰándas \

Pada: at     viśāláṃ cʰándas \

Pada: au     víṣpardʰāś cʰándas \

Pada: av     cʰadíś cʰándas \

Pada: aw     dūrohaṇáṃ cʰándas

Line : 4  Pada: ax     tandráṃ cʰándas \

Pada: ay     aṅkāvaṅkáṃ cʰándaḥ //


Anuvaka: 8  
Line : 5  Pada: a     raśmínā kṣáyāya kṣáyaṃ jinva

Pada: b     prétyā dʰármaṇe dʰárma jinva \

Pada: c     ánvityā divé dívaṃ jinva

Line : 6  Pada: d     saṃdʰínāntárikṣāyāntárikṣaṃ jinva

Pada: e     pratidʰínā pr̥tʰiyaí pr̥tʰivī́ṃ jinva

Line : 7  Pada: f     viṣṭambʰéna vr̥ṣṭyaí vr̥ṣṭíṃ jinva

Pada: g     pravā́yā́hne 'har jinva \

Line : 8  Pada: h     anuvā́ya rā́tryai rā́trīṃ jinva \

Pada: i     uśíjā vásubʰyo vásūn jinva

Pada: j     praketéna rudrébʰyo rudrā́n jinva

Line : 9  Pada: k     suditínādityébʰya ādityā́n jinva

Pada: l     tántunā prajā́bʰyaḥ prajā́ jinva \

Line : 10  Pada: m     ójasā pitŕ̥bʰyaḥ pitŕ̥̄n jinva

Pada: n     pr̥tanāṣā́hā paśúbʰyaḥ paśū́n jinva

Line : 11  Pada: o     revátaúṣadʰībʰyā óṣadʰīr jinva \

Pada: p     abʰijítā yuktágrāvṇéndrāyéndraṃ jinva \

Line : 12  Pada: q     ádʰipatinā prāṇā́ya prāṇáṃ jinva

Pada: r     dʰarúṇenāpānā́yāpānáṃ jinva

Line : 13  Pada: s     sam̐sarpéṇa cákṣuṣe cákṣur jinva

Pada: t     vayodʰásā́dʰītāyā́dʰītaṃ jinva

Pada: u     trivŕ̥tā trivŕ̥te trivŕ̥j jinva

Line : 14  Pada: v     pravŕ̥tā pravŕ̥te pravŕ̥j jinva

Pada: w     savŕ̥tā savŕ̥te savŕ̥j jinva \

Line : 15  Pada: x     anūvŕ̥tānuvŕ̥te 'nūvŕ̥j jinva

Pada: y     virohéṇa virohā́ya viroháṃ jinva

Pada: z     prarohéṇa prarohā́ya praroháṃ jinva

Page: 113  
Line : 1  Pada: aa     sam̐rohéṇa sam̐rohā́ya sam̐roháṃ jinva \

Pada: ab     anūrohéṇānūrohā́yānūroháṃ jinva

Line : 2  Pada: ac     vasukéna vasukā́ya vasukáṃ jinva

Pada: ad     véṣaśriyā véṣaśriyai véṣaśrīṃ jinva

Line : 3  Pada: ae     vásyaṣṭyā vásyaṣṭyai vásyaṣṭiṃ jinva \

Pada: af     ā́krāntyā́krāntyā útkrāntiṃ jinva \

Line : 4  Pada: ag     úktrāntyótkrāntyā ā́krāntiṃ jinva //


Anuvaka: 9  
Line : 5  Pada: a     rā́jñy asi

Pada: b     prā́cī dík \

Pada: c     vásavas te devā́ ádʰipatayas \

Pada: d     agnír hetīnā́ṃ pratidʰartā́

Line : 6  Pada: e     trivŕ̥t tvā stómaḥ pr̥tʰivyā́m̐ śrayatu \

Pada: f     ā́jyam uktʰám ávyatʰāyai stabʰnotu

Line : 7  Pada: g     ratʰantarám̐ sā́ma prátiṣṭʰityā antárikṣe \

Pada: h     ŕ̥ṣayas tvā pratʰamajā́ devéṣu divó mā́trayā variṇā́ pratʰantu

Line : 8  Pada: i     vidʰartā́ cā́yam ádʰipatiś ca

Pada: j     té tvā sárve sam̐vidānā́ nā́kasya pr̥ṣṭʰé svargé loké yájamānaṃ cā sādayantu

Line : 9  Pada: k     virā́ḍ asi

Line : 10  Pada: l     dákṣiṇā dík \

Pada: m     rudrā́s te devā́ ádʰipatayas \

Pada: n     índro hetīnā́ṃ pratidʰartā́

Line : 11  Pada: o     pañcadaśás tvā stómaḥ pr̥tʰivyā́m̐ śrayatu

Pada: p     práugam uktʰám ávyatʰāyai stabʰnotu

Line : 12  Pada: q     br̥hát sā́ma prátiṣṭʰityā antárikṣe \

Pada: r     ŕ̥ṣayas tvā pratʰamajā́ devéṣu divó mā́trayā variṇā́ pratʰantu

Line : 13  Pada: s     vidʰartā́ cāyám ádʰipatiś ca

Pada: t     té tvā sárve sam̐vidānā́ nā́kasya pr̥ṣṭʰé svargé loké yájamānaṃ ca sādayantu

Line : 14  Pada: u     samrā́ḍ asi

Line : 15  Pada: v     pratī́cī dík \

Pada: w     ādityā́s te devā́ ádʰipatayaḥ

Pada: x     sómo hetīnā́ṃ pratidʰartā́

Line : 16  Pada: y     saptadaśás tvā stómaḥ pr̥tʰivyā́m̐ śrayatu

Pada: z     marutvátīyam uktʰám ávyatʰāyai stabʰnotu

Line : 17  Pada: aa     vairūpám̐ sā́ma prátiṣṭʰityā antárikṣe \

Pada: ab     ŕ̥ṣayas tvā pratʰamajā́ devéṣu divó mā́trayā variṇā́ pratʰantu

Line : 18  Pada: ac     vidʰartā́ cāyám ádʰipatiś ca

Pada: ad     té tvā sárve sam̐vidānā́ nā́kasya pr̥ṣṭʰé svargé loké yájamānaṃ ca sādayantu

Page: 114  
Line : 1  Pada: ae     svarā́ḍ asi \

Line : 2  Pada: af     údīcī díṅ *
      FN < díś

Pada: ag     marútas te devā́ ádʰipatayas \

Pada: ah     váruṇo hetīnā́ṃ pratidʰartā́ \

Pada: ai     ekavim̐śás tvā stómaḥ pr̥tʰivyā́m̐ śrayatu

Line : 3  Pada: aj     níṣkevalyam uktʰám ávyatʰāyai stabʰnotu

Line : 4  Pada: ak     vairājám̐ sā́ma prátiṣṭʰityā antárikṣe \

Pada: al     ŕ̥ṣayas tvā pratʰamajā́ devéṣu divó mā́trayā variṇā́ pratʰantu

Line : 5  Pada: am     vidʰartā́ cāyám ádʰipatiś ca

Pada: an     té tvā sárve sam̐vidānā́ nā́kasya pr̥ṣṭʰé svargé loké yájamānaṃ ca sādayantu \

Line : 6  Pada: ao     ádʰipatny asi \

Line : 7  Pada: ap     ūrdʰvā́ dík \

Pada: aq     víśve te devā́ ádʰipatayas \

Pada: ar     bŕ̥haspátir hetīnā́ṃ pratidʰartā́

Line : 8  Pada: as     triṇavatrayastrim̐śau tvā stómau pr̥tʰivyā́m̐ śrayatām \

Pada: at     vaiśvadevāgnimāruté uktʰé ávyatʰāyai stabʰnutām \

Line : 9  Pada: au     śākvararaivaté sā́manī prátiṣṭʰityā antárikṣe \

Line : 10  Pada: av     ŕ̥ṣayas tvā pratʰamajā́ devéṣu divó mā́trayā variṇā́ pratʰantu

Line : 11  Pada: aw     vidʰartā́ cā́yám ádʰipatiś ca

Pada: ax     té tvā sárve sam̐vidānā́ nā́kasya pr̥ṣṭʰé svargé loké yájamānaṃ ca sādayantu //


Anuvaka: 10  
Line : 13  Pada: a     ayáṃ puró hárikeśaḥ sū́ryaraśmis

Pada: b     tásya ratʰakr̥tsnáś ca rátʰaujāśca senānīgrāmaṇyaù

Line : 14  Pada: c     puñjikastʰalā́ ca kr̥tastʰalā́ cāpsarásau

Pada: d     yātudʰā́nā hetī́

Line : 15  Pada: e     rákṣām̐si práhetis

Pada: f     tébʰyo námo astu

Pada: g     té no mr̥ḍantu

Pada: h     té yáṃ dviṣmó yáś ca no dvéṣṭi tám eṣāṃ jámbʰe dadʰmas \

Line : 16  Pada: i     ayáṃ dakṣiṇā́ viśvákarmā

Pada: j     tásya ratʰasvanaś ca rátʰecitraś ca senānīgrāmaṇyaù

Line : 17  Pada: k     menakā́ ca sahajanyā́ cāpsarásau

Pada: l     daṅkṣṇávaḥ paśávo hetíḥ

Line : 18  Pada: m     paúruṣeyo vadʰáḥ práhetis

Pada: n     tébʰyo námo astu

Pada: o     té no mr̥ḍantu

Line : 19  Pada: p     té yáṃ dviṣmó yáś ca no dvéṣṭi tám eṣāṃ jámbʰe dadʰmas \

Pada: q     ayáṃ paścā́ vidádvasus

Line : 20  Pada: r     tásya rátʰaprotaś cā́samaratʰaś ca senānīgrāmaṇyaù \

Pada: s     āmlócantī ca pramlócantī cāpsarásau

Page: 115  
Line : 1  Pada: t     vyāgʰrā́ hetíḥ

Pada: u     sarpā́ḥ práhetis

Pada: v     tébʰyo námo astu

Pada: w     té no mr̥ḍantu

Line : 2  Pada: x     té yáṃ dviṣmó yáś ca no dvéṣṭi tám eṣāṃ jámbʰe dadʰmas \

Pada: y     ayám uttarā́t sam̐yádvasus

Line : 3  Pada: z     tásya senajíc ca suṣéṇaś ca senānīgrāmaṇyaù

Pada: aa     viśvā́cī ca gʰr̥tā́cī cāpsarásau \

Line : 4  Pada: ab     ā́po hetís \

Pada: ac     vā́taḥ práhetis

Pada: ad     tébʰyo námo astu

Pada: ae     té no mr̥ḍantu

Line : 5  Pada: af     té yáṃ dviṣmó yáś ca no dvéṣṭi tám eṣāṃ jámbʰe dadʰmas \

Pada: ag     ayám upáry arvā́gvasus

Line : 6  Pada: ah     tásya tā́rkṣyaś cā́riṣṭanemiś ca senānīgrāmaṇyaù \

Pada: ai     urváśī ca pūrvácittiś cāpsarásau \

Line : 7  Pada: aj     avaspʰū́rjad dʰetís \

Pada: ak     vidyút práhetis

Pada: al     tébʰyo námo astu

Pada: am     té no mr̥ḍantu

Line : 8  Pada: an     té yáṃ dviṣmó yáś ca no dvéṣṭi tám eṣāṃ jámbʰe dadʰmaḥ //


Anuvaka: 11  
Line : 9  Pada: a     prā́cyā tvā diśā́ sādayāmi \

Pada: b     agnínā devéna devátayā gāyatréṇa cʰándasāgnéḥ śírā úpadadʰāmi

Line : 10  Pada: c     gāyatrásya cʰándaso 'gnéḥ śīrṣṇā́gnéḥ śírā úpadadʰāmi

Line : 11  Pada: d     dákṣiṇayā tvā diśā́ sādayāmi \

Pada: e     índreṇa devéna devátayā traíṣṭubʰena cʰándasāgnéḥ pakṣám úpadadʰāmi

Line : 12  Pada: f     traíṣṭubʰasya cʰándaso 'gnéḥ pakṣéṇāgnéḥ pakṣám úpadadʰāmi

Line : 13  Pada: g     pratī́cyā tvā diśā́ sādayāmi

Pada: h     víśvebʰir devébʰir devátayā jā́gatena cʰándasāgnéḥ púcʰam úpadadʰāmi

Line : 14  Pada: i     jā́gatasya cʰándaso 'gnéḥ púcʰenāgnéḥ púcʰam úpadadʰāmi \

Line : 15  Pada: j     údīcyā tvā diśā́ sādayāmi

Pada: k     mitrā́váruṇābʰyāṃ devā́bʰyāṃ devátayānuṣṭubʰena cʰándasāgnéḥ pakṣám úpadadʰāmi \

Line : 16  Pada: l     ā́nuṣṭubʰasya cʰándaso 'gnéḥ pakṣéṇāgéḥ pakṣám úpadadʰāmi \

Line : 17  Pada: m     ūrdʰváyā tvā diśā́ sādayāmi

Pada: n     bŕ̥haspátinā devéna devátayā pā́ṅktena cʰándasāgnéḥ pr̥ṣṭʰám úpadadʰāmi

Page: 116  
Line : 1  Pada: o     pā́ṅktasya cʰándaso 'gnéḥ pr̥ṣṭʰénāgnéḥ pr̥ṣṭʰám úpadadʰāmi //


Anuvaka: 12  
Line : 3  Pada: a     mádʰuś ca mā́dʰavaś ca vā́santikā r̥tū́

Pada: b     agnér antaḥśleṣò 'si //

Line : 4  Pada: c     kálpetāṃ dyā́vāpr̥tʰivī́ kálpantām ā́pā óṣadʰayaḥ /

Line : 5  Pada: d     kálpantām agnáyaḥ pŕ̥tʰaṅ máma jyaíṣṭʰyāya sávratāḥ //

Line : 6  Pada: e     yé agnáyaḥ sámanaso 'ntarā́ dyā́vāpr̥tʰivī́ /

Line : 7  Pada: f     vā́santikā r̥tū́ abʰikálpamānā índram iva devā́ abʰisám̐viśantu //

Line : 9  Pada: g     śukráś ca śúciś ca graíṣmā r̥tū́

Pada: h     nábʰaś ca nabʰasyàś ca vā́rṣikā r̥tū

Pada: i     iṣáś corjáś ca śāradā́ r̥tū́

Line : 10  Pada: j     sáhaś ca sahasyàś ca haímantikā r̥tū́

Pada: k     tápaś ca tapasyàś ca śaiśirā́ r̥tū́

Line : 11  Pada: l     agnér antaḥśleṣò 'si //

Line : 12  Pada: m     kálpetāṃ dyā́vāpr̥tʰivī́ kálpantām ā́pā óṣadʰayaḥ /

Line : 13  Pada: n     kálpantām agnáyaḥ pŕ̥tʰaṅ máma jyaíṣṭʰyāya sávratāḥ //

Line : 14  Pada: o     yé agnáyaḥ sámanaso 'ntarā́ dyā́vāpr̥tʰivī́ /

Line : 15  Pada: p     śaiśirā́ r̥tū́ abʰikálamānā índram iva devā́ abʰisám̐viśantu //


Anuvaka: 13  
Line : 17  Pada: a     purovātasánir asi \

Pada: b     abʰrasánir asi

Pada: c     vidyutsánir asi

Pada: d     stanayitnusánir asi

Line : 18  Pada: e     vr̥ṣṭisánir asi \

Pada: f     agnér yā́ny asi \

Pada: g     agnér agnéyā́ny asi

Pada: h     vāyór yā́ny asi

Pada: i     vāyór vāyoyā́ny asi

Page: 117  
Line : 1  Pada: j     devā́nām̐ yā́ny asi

Pada: k     devā́nāṃ devayā́ny asi

Pada: l     víśveṣāṃ devā́nām̐ yā́ny asi

Line : 2  Pada: m     viśveṣāṃ devā́nāṃ devayā́ny asi

Pada: n     sam̐yā́ny asi \

Pada: o     antarikṣasád asi \

Pada: p     antárikṣe sīda \

Line : 3  Pada: q     ambā́ ca bulā́ ca nitatnī́ ca stanáyantī cābʰráyantī ca megʰáyantī ca cupuṇī́kā

Line : 4  Pada: r     salilā́ya tvā

Pada: s     mŕ̥dīkāya tvā

Pada: t     sátīkāya tvā

Pada: u     kétāya tvā

Line : 5  Pada: v     sukétāya tvā

Pada: w     sáketāya tvā

Pada: x     vívasvate tvā

Pada: y     divé tvā jyótiṣe \

Line : 6  Pada: z     ādityébʰyas tvā //


Anuvaka: 14  
Line : 7  Pada: a     udapurā́ nā́māsy ánnena viṣṭʰā́

Pada: b     tā́ṃ tvā praímy ātmánā púruṣair góbʰir áśvair ā́yuṣā várcasā prajáyā dʰánena sanyā́ medʰáyā rayyā́ póṣeṇa

Line : 8  Pada: c     manuṣyā̀s te goptā́ras \

Line : 9  Pada: d     agnír ádʰipatis

Pada: e     táyā devátayāṅgirasvád dʰruvā́ sīda \

Pada: f     áparājitā nā́māsi bráhmaṇā viṣṭā́

Line : 10  Pada: g     tā́ṃ tvā praímy ātmánā púruṣair góbʰir áśvair ā́yuṣā várcasā prajáyā dʰánena sanyā́ medʰáyā rayyā́ póṣeṇa

Line : 11  Pada: h     marútas te goptā́ras \

Pada: i     vāyúr ádʰipatis

Line : 12  Pada: j     táyā devátayāṅgirasvád dʰruvā́ sīda \

Pada: k     ádʰidyaur nā́māsy amŕ̥tena viṣṭā́

Line : 13  Pada: l     tā́ṃ tvā praímy ātmánā púruṣair góbʰir áśvair ā́yuṣā várcasā prajáyā dʰánena sanyā́ medʰáyā rayyā́ póṣeṇa

Line : 14  Pada: m     víśve te devā́ goptā́raḥ

Pada: n     sū́ryó 'dʰipatis

Pada: o     táyā devátayāṅgirasvád dʰruvā́ sīda

Line : 15  Pada: p     prajā́patiṣ ṭvā sādayatu pr̥tʰivyā́ḥ pr̥ṣṭʰé

Pada: q     bʰū́r asi

Line : 16  Pada: r     bʰū́mir asi

Pada: s     prátʰo 'si

Pada: t     pr̥tʰivy àsi \

Pada: u     áditir asi viśvádʰāyā víśvasya bʰúvanasya dʰartrī́

Line : 17  Pada: v     pr̥tʰivī́m̐ yacʰa

Pada: w     pr̥tʰivī́ṃ dr̥m̐ha

Pada: x     pr̥tʰivī́ṃ mā́ him̐sīḥ

Line : 18  Pada: y     pr̥tʰivyā́ mā pāhi víśvasmai prāṇā́yāpānā́ya vyānā́yodānā́ya pratiṣṭʰā́yai carítrāya \

Line : 19  Pada: z     agníṣ ṭvābʰípātu mahyā́ svastyā́ cʰardíṣā śáṃtamena

Page: 118  
Line : 1  Pada: aa     viśvákarmā sādayatv antárikṣasya pr̥ṣṭʰé \

Pada: ab     antárikṣam̐ yacʰa \

Pada: ac     antárikṣaṃ dr̥m̐ha \

Pada: ad     antárikṣaṃ mā́ him̐sīs \

Line : 2  Pada: ae     antárikṣān mā pāhi víśvasmai prāṇā́yāpānā́ya vyānā́yodānā́ya pratiṣṭʰā́yai carítrāya

Line : 3  Pada: af     vāyúṣ ṭvābʰípātu mahyā́ svastyā́ cʰardíṣā śáṃtamena

Line : 4  Pada: ag     parameṣṭʰī́ tvā sādayatu diváḥ pr̥ṣṭʰé vyácasvatīṃ prátʰasvatīṃ bʰā́svatīm̐ raśmīvátīm

Line : 5  Pada: ah     ā́ yā́ dívaṃ bʰā́syā́ pr̥tʰivī́m órv àntáriksam \

Pada: ai     dívam̐ yacʰa

Line : 6  Pada: aj     dívaṃ dr̥m̐ha

Pada: ak     dívaṃ mā́ him̐sīs \

Pada: al     divó mā pāhi víśvasmai prāṇā́yāpānā́ya vyānā́yodānā́ya pratiṣṭʰā́yai carítrāya

Line : 7  Pada: am     sū́ryas tvābʰípātu mahyā́ svastyā́ cʰardíṣā śáṃtamena //

Line : 9  Pada: an     prótʰad áśvo ná yávase 'viṣyán yadā́ maháḥ sam̐váraṇād vyástʰāt /

Line : 10  Pada: ao     ā́d asya vā́to ánuvāti śocír ádʰa smā te vrájanaṃ kr̥ṣṇám astu //

Line : 11  Pada: ap     āyóṣ ṭvā sádane sādayāmi samudrásyódmann ávataś cʰāyā́yām \

Pada: aq     námaḥ samudrā́ya

Line : 12  Pada: ar     námaḥ samudrásya cákṣase

Pada: as     sahásrasya mā́si

Pada: at     sahásrasya pramā́si

Pada: au     sahásrasya pratimā́si

Line : 13  Pada: av     sahásrasya saṃmā́si

Pada: aw     sahásrasyonmā́si

Pada: ax     sāhasrò 'si

Pada: ay     sahásrāya tvā \

Line : 14  Pada: az     imā́ me agnā íṣṭakā dʰenávaḥ santu \

Pada: ba     ékā ca śatáṃ ca

Pada: bb     śatáṃ ca sahásraṃ ca

Line : 15  Pada: bc     sahásraṃ cāyútaṃ ca \

Pada: bd     ayútaṃ ca prayútaṃ ca

Pada: be     prayútaṃ cāyútaṃ ca o

Pada: bf     árbudaṃ ca nyàrbudaṃ ca

Line : 16  Pada: bg     samudráś ca mádʰyaṃ ca \

Pada: bh     ántaś ca parārdʰáś ca \

Pada: bi     imā́ me agnā íṣṭakā dʰenávaḥ santu ṣaṣṭíḥ sahásram ayútam ákṣīyamāṇās \

Line : 17  Pada: bj     r̥tuṣṭʰā́ḥ stʰa r̥tāvŕ̥dʰo gʰr̥taścúto madʰuścútā ū́rjasvatīḥ páyasvatīḥ svadʰāyínīḥ kulāyínīs

Line : 18  Pada: bk     tā́ me agnā íṣṭakā dʰenávaḥ santu virā́jo nā́ma kāmadúgʰā amútrāmúṣmiṃl loké //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.