TITUS
Black Yajur-Veda: Maitrayani-Samhita
Part No. 20
Previous part

Prapathaka: 9  
Anuvaka: 1  
Page: 119  
Line : 3  Pada: a     ā́ tvā vahantu hárayaḥ sucetásaḥ śvetaír áśvair ihá ketúmadbʰiḥ /

Line : 4  Pada: b     vātajavaír balavádbʰir manojavaír asmín yajñé máma havyā́ya śarva //

Line : 5  Pada: c     devā́nāṃ ca ŕ̥ṣīṇāṃ cā́surāṇāṃ ca pūrvajám /

Line : 6  Pada: d     mahādevám̐ sahasrākṣám̐ śívam āvā́hayāmy ahám //

Line : 7  Pada: e     tát púruṣāya vidmahe mahādevā́ya dʰīmahi /

Line : 8  Pada: f     tán no rudráḥ pracodáyāt //

Line : 9  Pada: g     tád gāṅgaúcyāya vidmahe girisutā́ya dʰīmahi /

Line : 10  Pada: h     tán no gaurī́ pracodáyāt //

Line : 11  Pada: i     tát kumārā́ya vidmahe kārttikeyā́ya dʰīmahi /

Line : 12  Pada: j     tán naḥ skandáḥ pracodáyāt //

Line : 13  Pada: k     tát karā́ṭāya vidmahe hastimukʰā́ya dʰīmahi /

Page: 120  
Line : 1  Pada: l     tán no dantī́ pracodáyāt //

Line : 2  Pada: m     tác cáturmukʰāya vidmahe padmāsanā́ya dʰīmahi /

Line : 3  Pada: n     tán no brahmā́ pracodáyāt //

Line : 4  Pada: o     tát kéśavāya vidmahe nārāyaṇā́ya dʰīmahi /

Line : 5  Pada: p     tán no viṣṇúḥ pracodáyat //

Line : 6  Pada: q     tád bʰā́skarāya vidmahe prabʰākarā́ya dʰīmahi /

Line : 7  Pada: r     tán no bʰānúḥ pracodáyāt //

Line : 8  Pada: s     tát sómarājāya vidmahe mahārājā́ya dʰīmahi /

Line : 9  Pada: t     tán naś candráḥ pracodáyāt //

Line : 10  Pada: u     táj jválanāya vidmahe vaiśvānarā́ya dʰīmahi /

Line : 11  Pada: v     tán no vahníḥ pracodáyāt //

Line : 12  Pada: w     tát tyájapāya vidmahe mahājapā́ya dʰīmahi /

Line : 13  Pada: x     tán no dʰyānáḥ pracodáyāt //

Line : 14  Pada: y     tát paramātmā́ya vidmahe vainateyā́ya dʰīmahi /

Line : 15  Pada: z     tán naḥ sr̥ṣṭíḥ pracodáyāt //


Anuvaka: 2  
Line : 16  Pada: a     námas te rudra manyáva utó tā íṣave námaḥ /

Line : 17  Pada: b     námas te astu dʰánvane bāhúbʰyām utá te námaḥ //

Line : 18  Pada: c     yā́ te rudra śivā́ tanū́r ágʰorā́pāpakāśinī /

Line : 19  Pada: d     táyā nas tanvā̀ śáṃtamayā gíriśantābʰícākaśīhi //

Page: 121  
Line : 1  Pada: e     yā́m íṣuṃ giriśanta háste bibʰárṣy ástave /

Line : 2  Pada: f     śivā́ṃ giriśa tā́ṃ kuru mā́ him̐sīḥ púruṣaṃ jágat //

Line : 3  Pada: g     śivéna vácasā tvā gíriśā́cʰā vadāmasi /

Line : 4  Pada: h     yátʰā naḥ sárvā íj jánaḥ saṃgamé sumánā ásat //

Line : 5  Pada: i     ádʰyavocad adʰivaktā́ pratʰamó daívyo bʰiṣák /

Line : 6  Pada: j     áhīm̐ś ca sárvān jambʰáyant sárvāś ca yātudʰānyàs \

Pada: k     adʰarā́cīḥ párāsuva //

Line : 8  Pada: l     asaú yás tāmró aruṇá utá babʰrúḥ sumaṅgálaḥ /

Line : 9  Pada: m     yé cemé abʰíto rudrā́ dikṣú śritā́ḥ sahasraśás \

Pada: n     ávaiṣām̐ héḍa īmahe //

Line : 11  Pada: o     asaú yò 'vasárpati nī́lagrīvo vílohitaḥ /

Line : 12  Pada: p     utaínaṃ gopā́ adr̥śrann utaínam udahāryàḥ /

Line : 13  Pada: q     utaínam̐ víśvā bʰūtā́ni sá dr̥ṣṭó mr̥ḍayātu naḥ //

Line : 14  Pada: r     námo nī́lakapardāya sahasrākṣā́ya mīḍʰúṣe /

Line : 15  Pada: s     átʰo yé asya sátvāna idáṃ tébʰyo 'karaṃ námaḥ //

Line : 16  Pada: t     námas tā ā́yudʰāyā́nātatāya dʰr̥ṣṇáve /

Line : 17  Pada: u     ubʰā́bʰyām utá te námo bāhúbʰyāṃ táva dʰánvane //

Line : 18  Pada: v     prámuñca dʰánvanas tvám ubʰáyor ā́rtnyor jyā́m /

Line : 19  Pada: w     yā́ś ca te hástā íṣavaḥ párā tā́ bʰagavo vapa //

Page: 122  
Line : 1  Pada: x     avatátya dʰánuṣ ṭvám̐ sáhasrākṣa śáteṣudʰe /

Line : 2  Pada: y     praśī́rya śalyā́nāṃ múkʰam̐ śivó naḥ sumánā bʰava //

Line : 3  Pada: z     víjyaṃ dʰánuḥ kapardíno víśalyo bā́ṇavaṃ utá /

Line : 4  Pada: aa     áneśann asya yā́ íṣava ābʰū́r asya niṣaṅgátʰiḥ //

Line : 5  Pada: ab     pári te dʰánvano hetír asmā́n vr̥ṇaktu viśvátaḥ /

Line : 6  Pada: ac     átʰo yá iṣudʰís távāré asmin nídʰehi tám //

Line : 7  Pada: ad     yā́ te hetír mīḍʰuṣṭama śiváṃ babʰū́va te dʰánuḥ /

Line : 8  Pada: ae     táyāsmā́n viśvátas tvám ayakṣmáyā páribʰuja //


Anuvaka: 3  
Line : 9  Pada: a     námo híraṇyabāhave senānyè

Pada: b     diśā́ṃ ca pátaye námas \

Pada: c     námo vr̥kṣébʰyo hárikeśebʰyaḥ

Line : 10  Pada: d     paśūnā́ṃ pátaye námas \

Pada: e     námo hárikeśāyopavītíne

Pada: f     puṣṭā́nāṃ pátaye námas \

Line : 11  Pada: g     námaḥ śaṣpíñjarāya tvíṣīmate

Pada: h     patʰīnā́ṃ pátaye námas \

Pada: i     námo babʰluśā́ya vyādʰíne \

Line : 12  Pada: j     ánnasya pátaye námas \

Pada: k     námo rudrā́yātatāyíne

Pada: l     kṣétrasya pátaye námas \

Line : 13  Pada: m     námo bʰavásya hetyaí

Pada: n     jágatas pátaye námas \

Pada: o     námaḥ sūtā́yā́hantvāya

Line : 14  Pada: p     vánānāṃ pátaye námas \

Pada: q     námo róhitāya stʰapátaye

Pada: r     vr̥kṣā́ṇāṃ pátaye námas \

Line : 15  Pada: s     námo mantríṇe vāṇijā́ya

Pada: t     kákṣāṇāṃ pátaye námas \

Pada: u     námo bʰuvantáye vārivaskr̥tā́ya \

Line : 16  Pada: v     óṣadʰīnāṃ pátaye námas \

Pada: w     námaḥ sáhamānāya nivyādʰíne \

Pada: x     āvyādʰínīnāṃ pátaye námas \

Page: 123  
Line : 1  Pada: y     náma ākrandáyata uccaírgʰoṣāya

Pada: z     sátvānāṃ pátaye námas \

Line : 2  Pada: aa     námaḥ kr̥tsnavītā́ya dʰā́vate

Pada: ab     pattīnā́ṃ pátaye námas \

Pada: ac     námo niṣaṅgíṇe kakubʰā́ya

Line : 3  Pada: ad     stenā́nāṃ pátaye námas \

Pada: ae     námo váñcate pariváñcate

Pada: af     stāyūnā́ṃ pátaye námas \

Line : 4  Pada: ag     námo niceráve paricarā́ya \

Pada: ah     áraṇyānāṃ pátaye námas \

Pada: ai     námo niṣaṅgíṇa iṣudʰimáte

Line : 5  Pada: aj     táskarāṇāṃ pátaye námas \

Pada: ak     námaḥ sr̥gāyíbʰyo jígʰām̐sadbʰyas \

Line : 6  Pada: al     muṣṇatā́ṃ pátaye námas \

Pada: am     námo 'simádbʰyo náktaṃ cáradbʰyaḥ

Pada: an     prakr̥ntā́nāṃ pátaye námas \

Line : 7  Pada: ao     náma uṣṇīṣíṇe giricarā́ya

Pada: ap     kuluñcā́nāṃ pátaye námo námaḥ //


Anuvaka: 4  
Line : 9  Pada: a     náma iṣukŕ̥dbʰyo dʰanuṣkŕ̥dbʰyaś ca vo námas \

Pada: b     námā íṣumadbʰyo dʰanvāyíbʰyaś ca vo námas \

Line : 10  Pada: c     náma ātanvānébʰyaḥ pratidádʰānebʰyaś ca vo námas \

Pada: d     náma āyácʰadbʰyo visr̥jádbʰyaś ca vo námas \

Line : 11  Pada: e     námó 'syadbʰyo vídʰyadbʰyaś ca vo námas \

Pada: f     námaḥ svapádbʰyo jā́gradbʰyaś ca vo námas \

Line : 12  Pada: g     námaḥ śáyānebʰyā ā́sīnebʰyaś ca vo námas \

Line : 13  Pada: h     námas tíṣṭʰadbʰyo dʰā́vadbʰyaś ca vo námas \

Pada: i     námaḥ sabʰā́bʰyaḥ sabʰā́patibʰyaś ca vo námas \

Line : 14  Pada: j     námó 'śvebʰyó 'śvapatibʰyaś ca vo námas \

Pada: k     náma āvyādʰínībʰyo vivídʰyantībʰyaś ca vo námas \

Line : 15  Pada: l     námā úgaṇābʰyas tr̥m̐hatī́bʰyaś ca vo námas \

Line : 16  Pada: m     námo gaṇébʰyo gaṇápatibʰyaś ca vo námas \

Pada: n     námo vrā́tebʰyo vrā́tapatibʰyaś ca vo námas \

Line : 17  Pada: o     námaḥ kr̥cʰrébʰyaḥ kr̥cʰrápatibʰyaś ca vo námas \

Pada: p     námo vírūpebʰyo viśvárūpebʰyaś ca vo námas \

Page: 124  
Line : 1  Pada: q     námaḥ sénābʰyaḥ senānī́bʰyaś ca vo námas \

Pada: r     námo ratʰíbʰyo varūtʰíbʰyaś ca vo námas \

Line : 2  Pada: s     námaḥ kṣattŕ̥bʰyaḥ saṃgrahītr̥bʰyaś ca vo námas \

Line : 3  Pada: t     námo br̥hádbʰyo 'rbʰakébʰyaś ca vo námas \

Pada: u     námo yúvabʰya āśīnébʰyaś ca vo námo námaḥ //


Anuvaka: 5  
Line : 5  Pada: a     námo brāhmaṇébʰyo rājanyèbʰyaś ca vo námas \

Pada: b     námaḥ sūtébʰyo viśyèbʰyaś ca vo námas \

Line : 6  Pada: c     námas tákṣabʰyo ratʰakārébʰyaś ca vo námas \

Pada: d     námaḥ kúlālebʰyaḥ karmā́rebʰyaś ca vo námas \

Line : 7  Pada: e     námo niṣādébʰyaḥ puñjíṣṭebʰyaś ca vo námas \

Pada: f     námaḥ śvánībʰyo mr̥gayúbʰyaś ca vo námas \

Line : 8  Pada: g     námaḥ śvábʰyaḥ śvápatibʰyaś ca vo námas \

Pada: h     námo bʰavā́ya ca śarvā́ya ca

Line : 9  Pada: i     námo rudrā́ya ca paśupátaye ca

Pada: j     námo vyùptakeśāya ca kapardíne ca

Line : 10  Pada: k     námo nī́lagrīvāya ca śitikáṇṭʰāya ca

Pada: l     námaḥ sahasrākṣā́ya ca śatádʰanvane ca

Line : 11  Pada: m     námo giriśā́ya ca śipiviṣṭā́ya ca

Pada: n     námo mīḍʰúṣṭarāya céṣumate ca

Line : 12  Pada: o     námo hrasvā́ya ca vāmanā́ya ca

Pada: p     námo br̥haté ca várṣīyase ca

Line : 13  Pada: q     námo vr̥ddʰā́ya ca suvŕ̥dʰvane ca

Pada: r     námó 'grīyāya ca pratʰamā́ya ca

Line : 14  Pada: s     náma āśáve cājirā́ya ca

Pada: t     námaḥ śībʰā́ya ca śīgʰrā́ya ca

Pada: u     námā ū́rmyāya cāvasvanyā̀ya ca

Line : 15  Pada: v     námo dvī́pyāya ca srotrasyā̀ya ca //


Anuvaka: 6  
Page: 125  
Line : 1  Pada: a     náma āśúṣeṇāya cāśúratʰāya ca

Pada: b     námo bilmíne ca kavacíne ca

Line : 2  Pada: c     námo varmíṇe ca varūtʰíne ca

Pada: d     námaḥ śū́rāya cāvabʰindaté ca

Pada: e     námaḥ śrutā́ya ca śrutasenā́ya ca

Line : 3  Pada: f     námo jyā́yase ca kánīyase ca

Pada: g     námaḥ pūrvajā́ya cāparajā́ya ca

Line : 4  Pada: h     námo madʰyamā́ya cāpagalbʰā́ya ca

Pada: i     námo jagʰányāya ca budʰnyā̀ya ca

Line : 5  Pada: j     námaḥ sóbʰyāya ca pratisarā́ya ca

Pada: k     námo yā́myāya ca kṣémyāya ca

Line : 6  Pada: l     námo 'vasānyā̀ya ca ślókyāya ca

Pada: m     náma urvaryā̀ya ca kʰályāya ca

Line : 7  Pada: n     námo ványāya ca kákṣyāya ca

Pada: o     námaḥ śravā́ya ca pratiśravā́ya ca

Line : 8  Pada: p     námaḥ pátʰyāya ca srútyāya ca

Pada: q     námo nādyā́ya ca vaiśantā́ya ca

Line : 9  Pada: r     námo nī́pyāya ca bʰídyāya ca

Pada: s     námo 'vaṭyā̀ya ca kū́pyāya ca

Pada: t     námaḥ sū́dyāya ca sarasyā̀ya ca //


Anuvaka: 7  
Line : 11  Pada: a     námo dundubʰáye cāhananī́yāya ca

Pada: b     námo dʰr̥ṣṇáve ca pramr̥śā́ya ca

Line : 12  Pada: c     námo niṣaṅgíṇe ceṣudʰimáte ca

Pada: d     námas tigméṣave cāyudʰíne ca

Pada: e     námaḥ svāyudʰā́ya ca sudʰánvane ca

Line : 13  Pada: f     námo mégʰyāya ca vidyutyā̀ya ca

Pada: g     námo várṣyāya cāvarṣyā́ya ca

Line : 14  Pada: h     námo vī́dʰriyāya cātapyā̀ya ca

Pada: i     námo vā́tyāya ca reṣmaṇyā̀ya ca

Page: 126  
Line : 1  Pada: j     námo vāstavyā̀ya ca vāstupā́ya ca

Pada: k     námaḥ sómāya ca rudrā́ya ca

Line : 2  Pada: l     námas tāmrā́ya cāruṇā́ya ca

Pada: m     námaḥ śaṃgáve ca paśupátaye ca

Line : 3  Pada: n     náma ugrā́ya ca bʰīmā́ya ca

Pada: o     námo 'grevadʰā́ya ca dūrevadʰā́ya ca

Pada: p     námo hantré ca hánīyase ca

Line : 4  Pada: q     námo vr̥kṣébʰyo hárikeśébʰyas \

Pada: r     námas tārā́ya

Pada: s     námaḥ śaṃbʰáve ca mayobʰáve ca

Line : 5  Pada: t     námaḥ śaṃkarā́ya ca mayaskarā́ya ca

Pada: u     námaḥ śivā́ya ca śivátarāya ca //


Anuvaka: 8  
Line : 7  Pada: a     námaḥ śikʰaṇḍíne ca pulastíne ca

Pada: b     námaḥ kim̐śilā́ya ca kṣeṇā́ya ca

Line : 8  Pada: c     náma iriṇyā̀ya ca prapatʰyā̀ya ca

Pada: d     námo gŕ̥hyāya ca góṣṭʰyāya ca

Line : 9  Pada: e     námo géhyāya ca tálpyāya ca

Pada: f     námaḥ kū́lyāya ca tī́rtʰyāya ca

Pada: g     námaḥ pā́ryāya cāvāryā́ya ca

Line : 10  Pada: h     námaḥ pratáraṇāya cottáraṇāya ca

Pada: i     námaḥ pravāhyā̀ya ca sikatyā̀ya ca

Line : 11  Pada: j     námaḥ pʰényāya ca śáṣpyāya ca

Pada: k     námo nīveṣyā̀ya ca hŕ̥dyāya ca

Line : 12  Pada: l     námaḥ kā́ṭyāya ca gahvareṣṭʰyā́ya ca

Pada: m     námaḥ śúṣyāya ca harityā̀ya ca

Line : 13  Pada: n     námaḥ pām̐savyā̀ya ca rajasyā̀ya ca

Pada: o     námo lópyāya colapā́ya ca

Page: 127  
Line : 1  Pada: p     námā ū́rmyāya ca sū́rmyāya ca

Pada: q     námaḥ parṇā́ya ca parṇaśādā́ya ca

Line : 2  Pada: r     námo 'pagurásāṇāya cābʰigʰnaté ca

Pada: s     náma ākʰidaté ca prakʰidaté ca

Line : 3  Pada: t     náma ākʰidā́ya ca prakʰidā́ya ca //


Anuvaka: 9  
Line : 4  Pada: a     námo girikébʰyo devā́nām̐ hŕ̥dayebʰyas \

Pada: b     námo vicinvatkébʰyas \

Pada: c     náma ākṣiṇakébʰyas \

Line : 5  Pada: d     náma ānr̥hatébʰyaḥ //

Line : 6  Pada: e     drā́pe ándʰasaspate dáridra nī́lalohita /

Line : 7  Pada: f     eṣā́ṃ paśūnā́m āsā́ṃ prajā́nāṃ mā́ bʰair mā́ ruṅ mó ca naḥ kíṃ canā́mamat //

Line : 9  Pada: g     imā́ rudrā́ya taváse kapardíne kṣayádvīrāya prábʰarāmahe matī́ḥ /

Line : 10  Pada: h     yátʰā naḥ śám ásad dvipáde cátuṣpade víśvaṃ puṣṭáṃ grā́me asmínn anāturám //

Line : 11  Pada: i     yā́ te rudra śivā́ tanū́ḥ śivā́ viśvā́ha bʰeṣajā́ /

Line : 12  Pada: j     śivā́ rutásya bʰeṣajā́ táyā no mr̥ḍa jīváse //

Line : 13  Pada: k     pári no rudrásya hetír vr̥ṇaktu pári tveṣásya durmatír agʰāyóḥ /

Line : 14  Pada: l     áva stʰirā́ magʰávadbʰyas tanuṣva mī́ḍʰvas tokā́ya tánayāya mr̥ḍa //

Line : 15  Pada: m     mī́ḍʰuṣṭama śívatama śivó na edʰi sumánā bʰava /

Page: 128  
Line : 1  Pada: n     avatátya dʰánuṣ ṭvám ákruddʰaḥ sumánā bʰava /

Line : 2  Pada: o     pínākaṃ bíbʰrad ā́gahi kŕ̥ttim̐ vásānā úccara //

Line : 3  Pada: p     vyákr̥ḍa vílohita námas te astu bʰagavaḥ /

Line : 4  Pada: q     yā́s te sahásram̐ hetáyo 'nyā́m̐s te asmán nívapantu tā́ḥ //

Line : 5  Pada: r     sahásrāṇi sahasraśó hetáyas táva bāhvóḥ /

Line : 6  Pada: s     tā́sām ī́śāno magʰavan parācī́nā múkʰā kr̥dʰi //

Line : 7  Pada: t     ásaṃkʰyātā sahásrāṇi yé rudrā́ ádʰi bʰū́myām /

Line : 8  Pada: u     téṣām̐ sahasrayojané 'va dʰánvāni tanmasi //

Line : 9  Pada: v     yé asmín mahaty àrṇavé antárikṣe bʰavā́ ádʰi /

Line : 10  Pada: w     téṣām̐ sahasrayojané 'va dʰánvāni tanmasi //

Line : 11  Pada: x     yé nī́lagrīvāḥ śitikáṇṭʰā dívam̐ rudrā́ úpaśritāḥ /

Line : 12  Pada: y     téṣām̐ sahasrayojané 'va dʰánvāni tanmasi //

Line : 13  Pada: z     yé nī́lagrīvāḥ śitikáṇṭʰāḥ śarvā́ adʰáḥ kṣāmācarā́ḥ /

Line : 14  Pada: aa     téṣām̐ sahasrayojané 'va dʰánvāni tanmasi //

Line : 15  Pada: ab     yé vr̥kṣéṣu śaṣpíñjarā nī́lagrīvā vílohitāḥ /

Line : 16  Pada: ac     téṣām̐ sahasrayojané 'va dʰánvāni tanmasi //

Line : 17  Pada: ad     yé bʰūtā́nām ádʰipatayo viśikʰā́saḥ kapardínaḥ /

Line : 18  Pada: ae     téṣām̐ sahasrayojané 'va dʰánvāni tanmasi //

Page: 129  
Line : 1  Pada: af     yé patʰā́ṃ patʰirákṣaya ailamr̥ḍā́ vo yúdʰaḥ /

Line : 2  Pada: ag     téṣām̐ sahasrayojané 'va dʰánvāni tanmasi //

Line : 3  Pada: ah     yé tīrtʰā́ni pracáranti sr̥gávanto niṣaṅgíṇaḥ //

Line : 4  Pada: ai     téṣām̐ sahasrayojané 'va dʰánvāni tanmasi //

Line : 5  Pada: aj     yé ánneṣu vivídʰyanti pā́treṣu píbato jánān /

Line : 6  Pada: ak     téṣām̐ sahasrayojané 'va dʰánvāni tanmasi //

Line : 7  Pada: al     yá etā́vanto vā bʰū́yām̐so vā díśo rudrā́ vitastʰiré /

Line : 8  Pada: am     téṣām̐ sahasrayojané 'va dʰánvāni tanmasi //

Line : 9  Pada: an     námo astu rudrébʰyo yé diví yéṣām̐ varṣám íṣavas

Pada: ao     tébʰyo dáśa prā́cīr dáśa dakṣiṇā́ dáśa pratī́cīr dáśódīcīr dáśordʰvā́s

Line : 10  Pada: ap     tébʰyo námo astu

Pada: aq     té no mr̥ḍantu

Line : 11  Pada: ar     té yáṃ dviṣmó yáś ca no dvéṣṭi tám eṣāṃ jámbʰe dadʰmas \

Pada: as     námo astu rudrébʰyo yé antárikṣe yéṣām̐ vā́tā íṣavas

Line : 12  Pada: at     tébʰyo dáśa prā́cīrdáśa dakṣiṇā́ dáśa pratī́cīr dáśodīcīr dáśordʰvā́s

Line : 13  Pada: au     tébʰyo námo astu

Pada: av     té no mr̥ḍantu

Line : 14  Pada: aw     té yáṃ dviṣmó yáś ca no dvéṣṭi tám eṣāṃ jámbʰe dadʰmas \

Pada: ax     námo astu rudrébʰyo yé pr̥tʰivyā́m̐ yéṣām ánnam íṣavas

Line : 15  Pada: ay     tébʰyo dáśa prā́cīr dáśa dakṣiṇā́ dáśa pratī́cīr dáśódīcīr dáśordʰvā́s

Line : 16  Pada: az     tébʰyo námo astu

Pada: ba     té no mr̥ḍantu

Pada: bb     té yáṃ dviṣmó yáś ca no dvéṣṭi tám eṣāṃ jámbʰe dadʰmaḥ //


Anuvaka: 10  
Page: 130  
Line : 1  Pada: a     ágʰorebʰyo átʰa gʰorébʰyo agʰoragʰoratarébʰyaś ca /

Line : 2  Pada: b     sarvátaḥ śarvaśarvébʰyo námas te rudra rūpébʰyo námaḥ //

Line : 3  Pada: c     yáḥ patʰáḥ samanuyā́ti svargáṃ lokáṃ gā́m iva supráṇītau /

Line : 4  Pada: d     téna tváṃ bʰágavān yāhi patʰā́ //

Line : 5  Pada: e     imé híraṇyavarṇāḥ svám̐ yónim āviśantau //

Line : 6  Pada: f     gácʰa tváṃ bʰágavān púnarāgamanāya púnardarśanāya sáhadevyāya sáhavr̥ṣāya sáhagaṇāya sáhapārṣadāya yátʰāhutāya námonamāya námaḥśivāya

Line : 8  Pada: g     námas te astu

Pada: h     mā́ mā him̐sīḥ //

Pada: i     ā́vāhitam ā́vāhita

Pada: j     námaskr̥taṃ námaskr̥ta

Line : 9  Pada: k     vísarjitam̐ vísarjita

Pada: l     pátʰaṃ gacʰa pátʰaṃ gacʰa

Pada: m     dívaṃ gacʰa dívaṃ gacʰa

Line : 10  Pada: n     svàr gacʰa svàr gacʰa

Pada: o     jyótir gacʰa jyótir gacʰa

Pada: p     námas te astu

Pada: q     mā́ mā him̐sīḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.