TITUS
Black Yajur-Veda: Maitrayani-Samhita
Part No. 22
Previous part

Prapathaka: 11  
Anuvaka: 1  
Page: 140  
Line : 1  Pada: a     śukrájyotiś ca citrájyotiś ca

Pada: b     satyájyotiś ca jyótiṣmām̐ś ca

Pada: c     satyáś ca r̥tapā́ś cā́tyam̐hās \

Line : 2  Pada: d     r̥tajíc ca satyajíc ca

Pada: e     senajíc ca suṣéṇaś ca \

Pada: f     ántimitraś ca dūré'mitraś ca gaṇás \

Line : 3  Pada: g     r̥táś ca satyáś ca

Pada: h     dʰruváś ca dʰarúṇaś ca

Pada: i     dʰartā́ ca vidʰartā́ ca vidʰārayás \

Line : 4  Pada: j     īḍŕ̥ṅ caitādŕ̥ṅ ca

Pada: k     sadŕ̥ṅ ca prátisadr̥ṅ ca

Pada: l     mitáś ca sáṃmitaś ca sábʰarās \

Line : 5  Pada: m     īdŕ̥kṣāsa etādŕ̥kṣāsa ū ṣú ṇaḥ

Pada: n     sadŕ̥kṣāsaḥ prátisadr̥kṣāsā étana

Line : 6  Pada: o     mitā́saś ca sáṃmitāso na ūtáye sábʰaraso maruto yajñé asmín \

Line : 7  Pada: p     índraṃ daívīr víśo marútó 'nuvartmānas \

Pada: q     yátʰéndraṃ daívīr víśo marútó 'nuvartmānó 'bʰavann evám imám̐ yájamānaṃ daívīś ca víśo mā́nuṣīś cā́nuvartmāno bʰavantu //


Anuvaka: 2  
Line : 10  Pada: a     vā́jaś ca me prasaváś ca me

Pada: b     práyatiś ca me prásr̥tiś ca me

Pada: c     dʰītíś ca me krátuś ca me

Line : 11  Pada: d     sváraś ca me ślókaś ca me

Pada: e     śrāváś ca me śrútiś ca me

Pada: f     jyótiś ca me svàś ca me

Line : 12  Pada: g     prāṇáś ca me 'pānáś ca me

Pada: h     vyānáś ca mé 'suś ca me

Pada: i     cittáṃ ca mā ā́dʰītaṃ ca me

Line : 13  Pada: j     vā́k ca me mánaś ca me

Pada: k     cákṣuś ca me śrótraṃ ca me

Pada: l     dákṣaś ca me bálaṃ ca me \

Line : 14  Pada: m     ójaś ca me sáhaś ca me \

Pada: n     ā́yuś ca me jarā́ ca me \

Pada: o     ātmā́ ca me tanū́ś ca me

Line : 15  Pada: p     śárma ca me várma ca me \

Pada: q     áṅgāni ca me 'stʰā́ni ca me

Line : 16  Pada: r     párūm̐ṣi ca me śárīrāṇi ca me

Pada: s     jyaíṣṭʰyaṃ ca mā ā́dʰipatyaṃ ca me

Page: 141  
Line : 1  Pada: t     manyúś ca me bʰā́maś ca me \

Pada: u     ámaś ca mé 'mbʰaś ca me

Pada: v     jemā́ ca me mahimā́ ca me

Line : 2  Pada: w     varimā́ ca me pratʰimā́ ca me

Pada: x     varṣmā́ ca me drāgʰmā́ ca me

Pada: y     vr̥ddʰáṃ ca me vŕ̥ddʰiś ca me //


Anuvaka: 3  
Line : 4  Pada: a     satyáṃ ca me śraddʰā́ ca me

Pada: b     jágac ca me dʰánaṃ ca me

Pada: c     váśaś ca me tvíṣiś ca me

Line : 5  Pada: d     krīḍā́ ca me módaś ca me

Pada: e     sūktáṃ ca me sukr̥táṃ ca me

Pada: f     jātáṃ ca me janiṣyámāṇaṃ ca me

Line : 6  Pada: g     vittáṃ ca me védyaṃ ca me

Pada: h     bʰūtáṃ ca me bʰávyaṃ ca me \

Line : 7  Pada: i     r̥ddʰáṃ ca mā ŕ̥ddʰiś ca me

Pada: j     sugáṃ ca me supatʰáṃ ca me

Pada: k     kl̥ptáṃ ca me krŀ̥ptiś ca me

Line : 8  Pada: l     matíś ca me sumatíś ca me

Pada: m     śáṃ ca me máyaś ca me

Pada: n     priyáṃ ca me 'nukāmaś ca me

Line : 9  Pada: o     kā́maś ca me saumanasáś ca me

Pada: p     bʰágaś ca me dráviṇaṃ ca me

Line : 10  Pada: q     bʰadráṃ ca me śréyaś ca me

Pada: r     vásīyaś ca me yáśaś ca me \

Pada: s     r̥táṃ ca me 'mŕ̥taṃ ca me \

Line : 11  Pada: t     ayakṣmáṃ ca mé 'nāmayac ca me

Pada: u     jīvā́tuś ca me dīrgʰāyutváṃ ca me \

Line : 12  Pada: v     anamitráṃ ca mé 'bʰayaṃ ca me

Pada: w     sukʰáṃ ca me śáyanaṃ ca me

Pada: x     sūṣā́ś ca me sudínaṃ ca me //



Anuvaka: 4  
Line : 14  Pada: a     yantā́ ca me dʰartā́ ca me

Pada: b     kṣémaśca me dʰŕ̥tiś ca me

Pada: c     víśvaṃ ca me máhaś ca me

Line : 15  Pada: d     sam̐víc ca me jñā́traṃ ca me

Pada: e     sū́ś ca me prasū́ś ca me

Pada: f     sī́raṃ ca me layúś ca me \

Line : 16  Pada: g     ū́rk ca me sūnŕ̥tā ca me

Pada: h     páyaś ca me rásaś ca me

Line : 17  Pada: i     gʰr̥táṃ ca me mádʰu ca me

Pada: j     ságdʰiś ca me sápītiś ca me

Pada: k     kr̥ṣíś ca me vr̥ṣṭíś ca me

Line : 18  Pada: l     jaítraṃ ca mā aúdbʰetraṃ ca me

Pada: m     rayíś ca me rā́yaś ca me

Pada: n     puṣṭáṃ ca me púṣṭiś ca me

Page: 142  
Line : 1  Pada: o     vibʰú ca me prabʰú ca me

Pada: p     pūrṇáṃ ca me pūrṇátaraṃ ca me

Pada: q     kúyavaṃ ca mé 'kṣitiś ca me \

Line : 2  Pada: r     ákṣuc ca mé 'nnaṃ ca me

Pada: s     vrīháyaś ca me yávāś ca me

Pada: t     mā́ṣāś ca me tílāś ca me \

Line : 3  Pada: u     áṇavaś ca me priyáṅgavaś ca me

Pada: v     śyāmā́kāś ca me nīvā́rāś ca me

Line : 4  Pada: w     godʰū́māś ca me masū́rāś ca me

Pada: x     mudgā́ś ca me kʰárvāś ca me //



Anuvaka: 5  
Line : 5  Pada: a     párvatāś ca me giráyaś ca me

Pada: b     síkatāś ca me vánaspátayaś ca me \

Pada: c     áśmā ca me amŕ̥ttikā ca me

Line : 6  Pada: d     híraṇyaṃ ca mé 'yaś ca me

Pada: e     sī́saṃ ca me trápu ca me

Line : 7  Pada: f     śyāmáṃ ca me lohitāyasáṃ ca me \

Pada: g     agníś ca mā ā́paś ca me \

Pada: h     óṣadʰayaś ca me vī́rudʰaś ca me

Line : 8  Pada: i     kr̥ṣṭapacyā́ś ca me 'kr̥ṣṭapacyā́ś ca me

Pada: j     grāmyā́ś ca me paśáva āraṇyā́ś ca yajñéna kalpantām \

Line : 9  Pada: k     vittáṃ ca me víttiś ca me

Pada: l     bʰūtáṃ ca me bʰū́tiś ca me \

Line : 10  Pada: m     ártʰaś ca mā éma ca me \

Pada: n     ityā́ ca me gátiś ca me

Pada: o     kárma ca me śáktiś ca me

Line : 11  Pada: p     vásu ca me vasatíś ca me \

Pada: q     agníś ca mā índraś ca me

Pada: r     sómaś ca mā índraś ca me

Line : 12  Pada: s     savitā́ ca mā índraś ca me

Pada: t     sárasvatī ca mā índraś ca me

Line : 13  Pada: u     pūṣā́ ca mā índraś ca me \

Pada: v     áditiś ca mā índraś ca me

Pada: w     dʰātā́ ca mā índraś ca me

Line : 14  Pada: x     tváṣṭā ca mā índraś ca me

Pada: y     mitráś ca mā índraś ca me

Pada: z     váruṇaś ca mā índraś ca me

Line : 15  Pada: aa     víṣṇuś ca mā índraś ca me

Pada: ab     bŕ̥haspátiś ca mā índraś ca me

Pada: ac     vásavaś ca mā índraś ca me

Line : 16  Pada: ad     rudrā́ś ca mā índraś ca me \

Pada: ae     ādityā́ś ca mā índraś ca me

Pada: af     marútaś ca mā índraś ca me

Line : 17  Pada: ag     pr̥tʰivī́ ca mā índraś ca me \

Pada: ah     antárikṣaṃ ca mā índraś ca me

Line : 18  Pada: ai     dyaúś ca mā índraś ca me

Pada: aj     nákṣatrāṇi ca mā índraś ca me

Pada: ak     sámā ca mā índraś ca me

Page: 143  
Line : 1  Pada: al     kr̥ṣíś ca mā índraś ca me

Pada: am     vr̥ṣṭíś ca mā índraś ca me

Pada: an     díśaś ca mā índraś ca me

Line : 2  Pada: ao     víśve ca me devā́ índraś ca me \

Pada: ap     am̐śúś ca me raśmíś ca me \

Pada: aq     ádʰipatiś ca mé 'dābʰyaś ca me \

Line : 3  Pada: ar     upām̐śúś ca me 'ntaryāmáś ca me \

Pada: as     aindravāyaváś ca me maitrāvaruṇáś ca me \

Line : 4  Pada: at     āśvináś ca me pratiprastʰā́naś ca me

Pada: au     śukráś ca me mantʰī́ ca me \

Line : 5  Pada: av     āgrāyaṇáś ca me vaiśvadeváś ca me \

Pada: aw     aindrāgnáś ca me kṣullakávaiśvadevaś ca me

Line : 6  Pada: ax     dʰruváś ca me vaiśvānaráś ca me

Pada: ay     marutvatī́yāś ca me níṣkevalyaś ca me

Pada: az     sāvitráś ca me sārasvatáś ca me

Line : 7  Pada: ba     pātnīvatáś ca me hāriyojanáś ca me

Pada: bb     srúcaś ca me camasā́ś ca me

Line : 8  Pada: bc     vāyavyā̀ni ca me droṇakalaśáś ca me \

Pada: bd     adʰiṣávaṇe ca me grā́vāṇaś ca me

Line : 9  Pada: be     pūtabʰŕ̥c ca mé 'pūtabʰr̥c ca me

Pada: bf     barhíś ca me védiś ca me \

Pada: bg     avabʰr̥tʰáś ca me svagākāraś ca me //


Anuvaka: 6  
Line : 11  Pada: a     agníś ca gʰarmáś ca \

Pada: b     arkáś ca sū́ryaś ca

Pada: c     prāṇáś cāśvamedʰáś ca \

Pada: d     áditiś ca pr̥tʰivī́ ca

Line : 12  Pada: e     dítiś ca dyaúś ca

Pada: f     śákvarīr aṅgúlayo díśaś ca me yajñéna kalpantām

Pada: g     r̥túś ca vratáṃ ca

Line : 13  Pada: h     sam̐vatsaráś ca tápaś ca \

Pada: i     ahorātré ūrvaṣṭīvé br̥hadratʰantaré ca me yajñéna kalpetām

Line : 14  Pada: j     ékā ca tisráś cā́ tráyastrim̐śatas \

Pada: k     cátasraś cāṣṭaú cā́ṣṭā́catvārim̐śatas

Pada: l     tryavíś ca tryavī́ ca

Line : 15  Pada: m     dityavā́ṭ ca dityauhī́ ca

Pada: n     páñcāviś ca pañcávī́ ca

Line : 16  Pada: o     trivatsáś ca trivatsā́ ca

Pada: p     turyavā́ṭ ca turyauhī́ ca

Pada: q     paṣṭʰavā́ṭ ca paṣṭʰauhī́ ca \

Line : 17  Pada: r     ukṣā́ ca vaśā́ ca

Pada: s     r̥ṣabʰáś ca vehác ca

Pada: t     dʰenúś cānaḍvā́m̐ś ca

Pada: u     stómaś ca yájuś ca \ *
      FN cā ŕ̥k

Page: 144  
Line : 1  Pada: v     ŕ̥k ca sā́ma ca

Pada: w     dīkṣā́ ca tápaś ca

Pada: x     br̥hác ca ratʰantaráṃ ca \

Pada: y     óṣadʰayo vánaspátayo díśaś ca me yajñéna kalpantām

Line : 2  Pada: z     ánnāya tvā

Pada: aa     vā́jāya tvā

Pada: ab     vājajityā́yai tvā \

Line : 3  Pada: ac     iṣé tvā \

Pada: ad     ūrjé tvā

Pada: ae     rayyaí tvā

Pada: af     póṣāya tvā //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.