TITUS
Black Yajur-Veda: Maitrayani-Samhita
Part No. 23
Previous part

Prapathaka: 12  
Anuvaka: 1  
Line : 4  Pada: a     víśve no adyá marúto víśva ūtī́ víśve bʰavantv agnáyaḥ sámiddʰāḥ /

Line : 5  Pada: b     víśve no devā́ avasā́gamann ihá víśvam astu dráviṇam̐ vā́jo asmé //

Line : 6  Pada: c     vā́jo me saptá pradíśaś cátasro vā parāvátaḥ /

Line : 7  Pada: d     vā́jo mā víśvair devaír dʰánasātā ihā́vatu //

Line : 8  Pada: e     vā́jaḥ purástād utá madʰyató no vā́jo devā́n r̥túbʰiḥ kalpayāti /

Line : 9  Pada: f     vā́jasya hí prasavé nánnamīti víśva ā́śā vā́japatir bʰaveyam //

Line : 10  Pada: g     vā́jo me adyá prásuvāti dā́nam̐ vā́jo devā́n havíṣā vardʰayāti /

Line : 11  Pada: h     vā́jo hí mā sárvavīraṃ cakā́ra sárvā ā́śā vā́japatir jayeyam //

Line : 12  Pada: i     sáṃ mā sr̥jāmi páyasā pr̥tʰivyā́ḥ sáṃ mā sr̥jāmy adbʰír óṣadʰībʰiḥ /

Line : 13  Pada: j     so 'hám̐ vā́jam̐ saneyam agne //

Line : 14  Pada: k     páyaḥ pr̥tʰivyā́ṃ páyā óṣadʰīṣu páyo divy àntárikṣe páyo dʰāḥ /

Line : 15  Pada: l     páyasvatīḥ pradíśaḥ santu máhyam //


Anuvaka: 2  
Page: 145  
Line : 1  Pada: a     r̥tāṣā́ḍ r̥tádʰāmāgnír gandʰarvás

Pada: b     tásyaúṣadʰayo 'psaráso mudā́ nā́ma

Pada: c     sá na idáṃ bráhma kṣatráṃ pātu

Line : 2  Pada: d     tā́ na idáṃ bráhma kṣatráṃ pāntu

Pada: e     tásmai svā́hā váṭ

Line : 3  Pada: f     tā́bʰyaḥ svā́hā váṭ

Pada: g     sam̐hitó viśvásāmā sū́ryo gandʰarvás

Pada: h     tásya márīcayo 'psarása āyúvo nā́ma

Line : 4  Pada: i     suṣumṇáḥ sū́ryaraśmiś candrámā gandʰarvás

Pada: j     tásya nákṣatrāṇy apsaráso békurayo nā́ma \

Line : 5  Pada: k     iṣiró viśvávyacā vā́to gandʰarvás

Pada: l     tásyā́po 'psarásā ū́rjo nā́ma

Line : 6  Pada: m     bʰujī́ suparṇó yajñó gandʰarvás

Pada: n     tásya dákṣiṇā apsarásā éṣṭayo nā́ma

Line : 7  Pada: o     bŕ̥haspátir viśvákarméndro gandʰarvás

Pada: p     tásya marúto 'psarásā ójo nā́ma

Line : 8  Pada: q     prajā́patiḥ parameṣṭʰī́ máno gandʰarvás

Pada: r     tásya r̥ksāmā́ṇy apsarásaḥ stavā́ nā́ma \

Line : 9  Pada: s     amr̥ḍayó dūréhetir mr̥tyúr gandʰarvás

Pada: t     tásya prajā́ apsaráso bʰīrávo nā́ma

Line : 10  Pada: u     sá no bʰuvanasya pate yásya ta upári gr̥hā́ virāṭpate 'smaí bráhmaṇe 'smaí kṣatrā́ya máhi śárma yacʰa

Line : 11  Pada: v     yásya te víśvā ā́śā apsarásaḥ plīyā́ nā́ma sá na idáṃ bráhma kṣatráṃ pātu

Line : 12  Pada: w     tā́ na idáṃ bráhma kṣatráṃ pāntu

Line : 13  Pada: x     tásmai svā́hā váṭ

Pada: y     tā́bʰyaḥ svā́hā váṭ //


Anuvaka: 3  
Line : 14  Pada: a     samudrò 'si nábʰasvān ārdrádānuḥ

Pada: b     śaṃbʰū́r mayobʰū́r abʰí mā vāhi svā́hā \

Pada: c     avasyúr asi dúvasvān \

Page: 146  
Line : 1  Pada: d     śaṃbʰū́r mayobʰū́r abʰí mā vāhi svā́hā

Pada: e     mārutò 'si marútāṃ gaṇáḥ

Line : 2  Pada: f     śaṃbʰū́r mayobʰū́r abʰí mā vāhi svā́hā

Pada: g     sajū́r ábdā ā́yavabʰiḥ

Pada: h     sajū́r uṣā́ ā́ruṇībʰiḥ

Line : 3  Pada: i     sajóṣā aśvínā dám̐sobʰiḥ

Pada: j     sajū́ḥ sū́rā étaśena

Pada: k     sajū́r vaiśvānará íḍayā * gʰr̥téna svā́hā //
      FN emended. Ed.: ī́ḍayā. cf. 3.4.4:49.11

Line : 5  Pada: l     agním̐ yunajmi śávasā gʰr̥téna divyám̐ suparṇáṃ vayasáṃ br̥hántam /

Line : 6  Pada: m     téna vayáṃ patema bradʰnásya viṣṭápam̐ svò rúhāṇā ádʰi nā́ka uttamé //

Line : 8  Pada: n     imaú te pakṣā́ ajárau patatríṇau yā́bʰyām̐ rákṣām̐sy apahám̐sy agne /

Line : 10  Pada: o     tā́bʰyām̐ vayáṃ patema sukŕ̥tām ulokám̐ yátrā ŕ̥ṣayo jagmúḥ pratʰamā́ yé purāṇā́ḥ //

Line : 12  Pada: p     índur dákṣaḥ śyená r̥tā́vā híraṇyapakṣaḥ śakunó bʰuraṇyúḥ /

Line : 13  Pada: q     mahā́nt sadʰástʰe dʰruvá ā́ níṣattas \

Pada: r     námas te astu

Pada: s     mā́ mā him̐sīḥ //

Line : 15  Pada: t     divó mūrdʰā́si nā́bʰiḥ pr̥tʰivyā́ ū́rg apā́m óṣadʰīnām /

Line : 16  Pada: u     viśvā́yuḥ śárma saprátʰā námas patʰé víśvasya mūrdʰánn ádʰitiṣṭʰasi śritáḥ //

Line : 18  Pada: v     samudré te hŕ̥dayam antár ā́yur apó dattodadʰíṃ bʰinta /

Line : 19  Pada: w     diváḥ parjányād antárikṣāt pr̥tʰivyā́s táto no vr̥ṣṭyā́vata //

Page: 147  
Line : 1  Pada: x     ví te muñcāmi raśanā́m̐ ví raśmī́n ví yóktrāṇi paricártanāni /

Line : 2  Pada: y     dʰattā́d asmábʰyaṃ dráviṇehá bʰadráṃ prá mā brūtād bʰāgadā́ṃ devátāsu //

Line : 3  Pada: z     iṣṭó yajñó bʰŕ̥gubʰir draviṇodā́ yáttibʰir * āśīrdā́ vásubʰiḥ /
      FN 1.4.1:48.4: yátibʰir

Line : 4  Pada: aa     iṣṭó agnír ā́hutaḥ pipartu na iṣṭám̐ havíḥ

Pada: ab     svagédáṃ devébʰyo námaḥ //


Anuvaka: 4  
Line : 6  Pada: a     yénā ŕ̥ṣayas tápasā satrám ā́saténdʰānā agním̐ svàr * ābʰárantaḥ /
      FN emended. Ed.: svar.

Line : 7  Pada: b     yám āhúr mánavaḥ stīrṇabarhiṣáṃ tásminn aháṃ nídadʰe nā́ke agním //

Line : 8  Pada: c     táṃ pátnībʰir ánugacʰema devāḥ putraír bʰrā́tr̥bʰir utá vā híraṇyaiḥ /

Line : 9  Pada: d     nā́kaṃ gr̥bʰṇānā́ḥ sukr̥tásya loké tr̥tī́ye pr̥ṣṭʰé ádʰi rocané diváḥ //

Line : 11  Pada: e     ā́ vācó mádʰyam aruhad bʰuraṇyúr ayám agníḥ sátpatiś cékitānaḥ /

Line : 12  Pada: f     pr̥ṣṭʰé pr̥tʰivyā́ níhito dávidyutad adʰaspadáṃ kr̥ṇutām̐ yé pr̥tanyávaḥ //

Line : 13  Pada: g     ayám agnír vīrátamo vayodʰā́ḥ sahasrī́yo jyotatām áprayucʰan /

Line : 14  Pada: h     vibʰrā́jamānaḥ salilásya mádʰyā úpa práyāhi divyā́ni dʰā́man //

Page: 148  
Line : 1  Pada: i     ágne cyávasva sám ánu práyāhy āvíṣ patʰó devayā́nān kr̥ṇuṣva /

Line : 2  Pada: j     idámidam̐ sukr̥tám ā́rabʰasva yátrā ŕ̥ṣayo jagmúḥ pratʰamā́ yé purāṇā́ḥ //

Line : 4  Pada: k     saṃprácyavadʰvam úpa sáṃ práyātāvíṣ patʰó devayā́nān kr̥ṇudʰvam /

Line : 5  Pada: l     ebʰíḥ sukr̥taír ánugacʰema devā yátra naḥ pū́rve pitáraḥ páretāḥ //

Line : 6  Pada: m     údbudʰyasvāgne prátijāgr̥hy enam iṣṭāpūrté sám̐sr̥jetʰām ayáṃ ca /

Line : 7  Pada: n     púnaḥ kr̥ṇvántaḥ pitáro yúvāno 'nvā́tām̐sus táva tántum etám //

Line : 8  Pada: o     yéna váhasi sahásram̐ yénāgne sarvavedasám /

Line : 9  Pada: p     ténemám̐ yajñáṃ no vaha svàr devéṣu gántave //

Line : 10  Pada: q     ayáṃ te //


Anuvaka: 5  
Line : 11  Pada: a     sámās tvāgna r̥távo vardʰayantu sam̐vatsarā́ ŕ̥ṣayo yā́ni satyā́ /

Line : 12  Pada: b     sáṃ divyéna dīdihi rocanéna víśvā ā́bʰāhi pradíśaś cátasraḥ //

Line : 13  Pada: c     sáṃ cedʰyásvāgne prá ca bodʰayainam úc ca tiṣṭʰa mahaté saúbʰagāya /

Line : 14  Pada: d     mā́ ca riṣad upasattā́ te agne brahmā́ṇas te yaśásaḥ santu mā́nyé //

Line : 15  Pada: e     tvā́m agne vr̥ṇate brāhmaṇā́ imé śivó agne sam̐váraṇe bʰavā naḥ /

Line : 16  Pada: f     sapatnahā́gne abʰimātijíd bʰava své gáye jāgr̥hy áprayucʰan //

Line : 17  Pada: g     ihaívā́gne ádʰidʰārayā rayíṃ mā́ tvā níkran pūrvácittau nikāríṇaḥ /

Page: 149  
Line : 1  Pada: h     kṣatrám agne suyámam astu túbʰyam upasattā́ vardʰatāṃ te ániṣṭr̥taḥ //

Line : 2  Pada: i     kṣatréṇāgne svéna sám̐rabʰasva mitréṇāgne mitradʰéye yatasva /

Line : 3  Pada: j     sajātā́nāṃ madʰyameṣṭʰéyāya rā́jñām agne vihaṣyò dīdihīhá //

Line : 4  Pada: k     áti ního áti sŕ̥dʰo áty ácittim áti nírr̥tim adyá /

Line : 5  Pada: l     víśvā hy àgne duritā́ tára tvám átʰāsmábʰyam̐ sahávīram̐ rayíṃ dāḥ //

Line : 6  Pada: m     anādʰr̥ṣyó jātávedā ániṣṭr̥to virā́ḍ agne kṣatrabʰŕ̥d dīdihīhá /

Line : 7  Pada: n     vy ámīvāḥ pramuñcán mā́nuṣāṇām̐ śivébʰir adyá páripāhi no vr̥dʰé //

Line : 8  Pada: o     bŕ̥haspate savitar bodʰáyainam̐ sám̐śitaṃ cit saṃtarám̐ sám̐śiśādʰi /

Line : 9  Pada: p     vardʰáyainaṃ mahaté saúbʰagāya víśve cainam ánumadantu devā́ḥ //

Line : 10  Pada: q     amutrabʰū́yād ádʰa yád yamásya bŕ̥haspate abʰíśaster ámuñcaḥ /

Line : 11  Pada: r     prátyūhatām aśvínā mr̥tyúm asmād devā́nām agne bʰiṣájā śácībʰiḥ //

Line : 12  Pada: s     úd vayáṃ támasas pári jyótiḥ páśyantā úttaram /

Line : 13  Pada: t     deváṃ devatrā́ sū́ryam áganma jyótir uttamám //


Anuvaka: 6  
Line : 14  Pada: a     ūrdʰvā́ asya samídʰo bʰavanty ūrdʰvā́ śukrā́ śocī́m̐ṣy agnéḥ /

Line : 15  Pada: b     dyumáttamā suprátīkasya sūnóḥ //

Line : 16  Pada: c     tánūnápād ásuro viśvávedā devó devébʰyo devayā́nān

Pada: d     patʰó anaktu mádʰvā gʰr̥téna / mádʰvā yajñáṃ nakṣati prīṇānáḥ //

Page: 150  
Line : 1  Pada: e     nárāśám̐so agníḥ sukŕ̥d deváḥ savitā́ viśvávāraḥ /

Line : 2  Pada: f     ácʰāyám eti śávasā gʰr̥téna //

Line : 3  Pada: g     īḍānó váhnir námasāgním̐ srúco adʰvaréṣu prayátsu /

Line : 4  Pada: h     sá yakṣad asya mahimā́nam agnéḥ /

Line : 5  Pada: i     sá īṃ mandrā́ suprayásā stárīman / barhíṣo mitrámahāḥ /

Line : 7  Pada: j     vásuś cétiṣṭʰo vasudʰā́tamaś ca //

Line : 8  Pada: k     dvā́ro devī́r ánv asya víśvā vratā́ dadante agnéḥ /

Line : 9  Pada: l     uruvyácaso dʰā́mnā pátyamānāḥ //

Line : 10  Pada: m     té asya yóṣaṇe divyé ná yónā uṣā́sānáktā /

Line : 11  Pada: n     imám̐ yajñám avatām adʰvaráṃ naḥ //

Line : 12  Pada: o     daívyā hotārā ūrdʰvám imám adʰvaráṃ no 'gnér jihvā́bʰígr̥ṇītam /

Line : 13  Pada: p     kr̥ṇutáṃ naḥ svìṣṭam //

Line : 14  Pada: q     tisró devī́r barhír édám̐ syonám íḍā sárasvatī mahī́ /

Line : 15  Pada: r     bʰā́ratī gr̥ṇānā́ //

Line : 16  Pada: s     tán nas turī́pam ádbʰutaṃ purukṣú tváṣṭaḥ suvī́ryam /

Line : 17  Pada: t     rāyáspóṣam̐ víṣya nā́bʰim asmé //

Line : 18  Pada: u     vánaspaté 'vasr̥jā rarāṇas tmánā devébʰyaḥ /

Line : 19  Pada: v     agnír havyám̐ śamitā́ sūdayāti //

Page: 151  
Line : 1  Pada: w     ágne svā́hā kr̥ṇuhi jātavedā índrāya devébʰyaḥ /

Line : 2  Pada: x     víśve devā́ havír idáṃ juṣantām //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.