TITUS
Black Yajur-Veda: Maitrayani-Samhita
Part No. 24
Previous part

Prapathaka: 13  
Anuvaka: 1  
Line : 3  Pada: a     sám anyā́ yánty úpayanty anyā́ḥ samānám ūrváṃ nadyàḥ pr̥ṇanti /

Line : 4  Pada: b     tám u śúcim̐ śúcayo dīdivā́m̐sam apā́ṃ nápātaṃ páritastʰur ā́paḥ //

Line : 5  Pada: c     híraṇyavarṇaḥ sá híraṇyasaṃdr̥g apā́ṃ nápāt séd u híraṇyavarṇaḥ /

Line : 6  Pada: d     hiraṇyáyāt pári yóner niṣádya hiraṇyadā́ dadaty ánnam asmai //

Line : 7  Pada: e     híraṇyavarṇāḥ śúcayaḥ pāvakā́ yā́su jātáḥ kaśyápo yā́sv índraḥ /

Line : 9  Pada: f     agním̐ yā́ gárbʰaṃ dadʰiré vírūpās tā́ nā ā́paḥ śám̐ syonā́ bʰavantu //

Line : 11  Pada: g     yā́sām̐ rā́jā váruṇo yā́ti mádʰye satyānr̥té avapáśyan jánānām /

Line : 13  Pada: h     madʰuścútaḥ śúcayo yā́ḥ pāvakā́s tā́ nā ā́paḥ śám̐ syonā́ bʰavantu //

Page: 152  
Line : 1  Pada: i     yā́sāṃ devā́ diví kr̥ṇvánti bʰakṣám̐ yā́ antárikṣe bahudʰā́ bʰávanti /

Line : 3  Pada: j     yā́ḥ pr̥tʰivī́ṃ páyasondánti śukrā́s tā́ nā ā́paḥ śám̐ syonā́ bʰavanta //

Line : 5  Pada: k     śivéna mā cákṣuṣā paśyatāpaḥ śiváyā tanvópaspŕ̥śata tvácaṃ me /

Line : 6  Pada: l     sárvaṃ agnī́m̐r apsuṣádo huve máyi várco bálam ójo nídʰatta //

Line : 7  Pada: m     yád adáḥ saṃprayatī́r áhā ánadatā haté /

Line : 8  Pada: n     tásmād ā́ nadyò nā́ma stʰa tā́ vo nā́māni sindʰavaḥ //

Line : 9  Pada: o     saṃprácyutā váruṇena yáñ śī́bʰam̐ samávalgata /

Line : 10  Pada: p     tád āpnod índro vo yatī́s tásmād ā́po ánuṣṭʰana //

Line : 11  Pada: q     apakāmám̐ syándamānā ávīvarata vo hí kam /

Line : 12  Pada: r     índro vaḥ śáktibʰir devīs tásmād vā́r nā́ma vo hitám //

Line : 13  Pada: s     éko vo devó ápyatiṣṭʰat syándamānā yatʰāvaśám /

Line : 14  Pada: t     údāniṣur mahī́r íti tásmād udakám ucyate //

Line : 15  Pada: u     ā́d ít paśyāmy utá vā śr̥ṇomy ā́ mā gʰóṣo gacʰati vā́r nv āsām /

Line : 17  Pada: v     tīvró ráso madʰupŕ̥cām araṃgamá ā́ mā prāṇéna sahá várcasāgan //

Page: 153  
Line : 1  Pada: w     ā́po devī́r gʰr̥taminvā́ ū ā́po agnī́ṣómau bibʰraty ā́pā ít tā́ḥ /

Line : 3  Pada: x     mánye bʰejānó amŕ̥tasya tárhi híraṇyavarṇā átr̥pam̐ yadā́ vaḥ //

Line : 4  Pada: y     ā́po hí ṣṭʰéti tisráḥ //

Pada: z     diví śrayasva \

Pada: aa     antárikṣe yatasva

Pada: ab     pr̥tʰivyā́ḥ sáṃbʰava

Line : 5  Pada: ac     bʰrā́jaṃ gacʰa //


Anuvaka: 2  
Line : 6  Pada: a     tápo yónir asi

Pada: b     víśvābʰis tvā dʰībʰír ácʰidrām úpadadʰāmi \

Pada: c     r̥tám̐ yóniḥ

Line : 7  Pada: d     satyám̐ yónis \

Pada: e     bráhma yóniḥ

Pada: f     kṣatrám̐ yóniḥ

Pada: g     pr̥tʰivī́ yónis \

Pada: h     antárikṣam̐ yónis \

Line : 8  Pada: i     dyaúr yónis \

Pada: j     díśo yóniḥ //


Anuvaka: 3  
Line : 9  Pada: a     prāṇā́d apānám̐ sáṃtanu \

Pada: b     apānā́d vyānám̐ sáṃtanu

Pada: c     vyānā́c cákṣuḥ sáṃtanu

Pada: d     cákṣuṣaḥ śrótram̐ sáṃtanu

Line : 10  Pada: e     śrótrāt pr̥tʰivī́m̐ sáṃtanu

Pada: f     pr̥tʰivyā́ antárikṣam̐ sáṃtanu \

Pada: g     antárikṣād dívam̐ sáṃtanu

Line : 11  Pada: h     divó díśaḥ sáṃtanu

Pada: i     digbʰyáḥ svargáṃ lokám anusáṃtanu //


Anuvaka: 4  
Line : 13  Pada: a     r̥cā́ tvā cʰándasā sādayāmi

Pada: b     vaṣaṭkāréṇa tvā cʰándasā sādayāmi

Line : 14  Pada: c     hiṃkāréṇa tvā cʰándasā sādayāmi

Pada: d     prastāvéna tvā cʰándasā sādayāmi \

Pada: e     udgītʰéna tvā cʰándasā sādayāmi

Line : 15  Pada: f     pratihāréṇa tvā cʰándasā sādayāmi

Line : 16  Pada: g     stuténa tvā cʰándasā sādayāmi

Pada: h     nidʰánena tvā cʰándasā sādayāmi //


Anuvaka: 5  
Line : 17  Pada: a     dūtám̐ vo viśvádevasam̐ havyavā́ham ámartyam /

Line : 18  Pada: b     yájiṣṭʰam r̥ñjase girā́ //

Page: 154  
Line : 1  Pada: c     áganma mahā́ námasā yáviṣṭʰam̐ yó dīdā́ya sámiddʰaḥ své duroṇé /

Line : 2  Pada: d     citrábʰānum̐ ródasī antár urvī́ svā̀hutam̐ viśvátaḥ pratyáñcam //

Line : 3  Pada: e     ayám ihá //

Line : 4  Pada: f     dadʰanvé vā yád īm ánu vócad bráhmāṇi vér u tát /

Line : 5  Pada: g     pári víśvāni kā́vyā nemíś cakrám ivābʰuvat //

Line : 6  Pada: h     óbʰé suścandra viśpate dárvī śrīṇīṣa āsáni /

Line : 7  Pada: i     utó nā út pupūryā uktʰéṣu śavasaspate \

Pada: j     íṣam̐ stotr̥bʰyā ā́bʰara //


Anuvaka: 6  
Line : 9  Pada: a     índro dadʰīcó astʰábʰir vr̥trā́ṇy ápratiṣkutaḥ /

Line : 10  Pada: b     jagʰā́na navatī́r náva //

Line : 11  Pada: c     átrā́ha gór amanvata nā́ma tváṣṭur apīcyàm /

Line : 12  Pada: d     ittʰā́ candrámaso gr̥hé //

Line : 13  Pada: e     icʰánn áśvasya yáñ śíraḥ párvateṣv ápaśritam /

Line : 14  Pada: f     ávindañ śaryaṇā́vati //

Line : 15  Pada: g     índram íd gātʰíno br̥hád índram arkébʰir arkíṇaḥ /

Line : 16  Pada: h     índram̐ vā́ṇīr anūṣata //

Page: 155  
Line : 1  Pada: i     índro dīrgʰā́ya cákṣasā ā́ sū́ryam̐ rohayad diví /

Line : 2  Pada: j     ví góbʰir ádrim airayat //

Line : 3  Pada: k     índrā íd dʰáryoḥ sácā sáṃmiślā ā́ vacoyújā /

Line : 4  Pada: l     índro varjī́ hiraṇyáyaḥ //

Line : 5  Pada: m     índra vā́jeṣu no 'va sahásrapradʰaneṣu ca /

Line : 6  Pada: n     ugrá ugrā́bʰir ūtíbʰiḥ //

Line : 7  Pada: o     tám índram̐ vājayāmasi mahé vr̥trā́ya hántave /

Line : 8  Pada: p     sá vŕ̥ṣā vr̥ṣabʰó bʰuvat //

Line : 9  Pada: q     índraḥ sá dā́mane kr̥tá ójiṣṭʰaḥ sá bále hitáḥ /

Line : 10  Pada: r     dyumnī́ ślokī́ sá somyáḥ //

Line : 11  Pada: s     girā́ vájro ná sáṃbʰr̥taḥ sábalo ánapacyutaḥ /

Line : 12  Pada: t     vavakṣá ugró ástr̥taḥ //


Anuvaka: 7  
Line : 13  Pada: a     ayám agníḥ sahasríṇas \

Pada: b     agnír mūrdʰā́

Pada: c     tvā́m agne púṣkarād ádʰi //

Line : 14  Pada: d     ábodʰy agníḥ samídʰā jánānāṃ práti dʰenúm ivāyatī́m uṣā́sam /

Line : 15  Pada: e     yahvā́ iva prá vayā́m ujjíhānāḥ prá bʰānávaḥ sisrate nā́kam ácʰa //

Line : 16  Pada: f     ávocāma kaváye médʰyāya váco vandā́ru vr̥ṣabʰā́ya vŕ̥ṣṇe /

Line : 17  Pada: g     gáviṣṭʰiro námasā stómam agnaú divī̀va rukmám uruvyáñcam aśret //

Line : 18  Pada: h     ábodʰi hótā yajátʰāya devā́n ūrdʰvó agníḥ sumánāḥ prātár astʰāt /

Page: 156  
Line : 1  Pada: i     sámiddʰasya rúśad adarśi pā́jo mahā́n devás támaso níramoci //

Line : 2  Pada: j     jánasya gopā́ ajaniṣṭa jā́gr̥vir agníḥ sudákṣaḥ suvitā́ya návyase /

Line : 3  Pada: k     gʰr̥tápratīko br̥hatā́ divispŕ̥śā dyumád víbʰāti bʰaratébʰyaḥ śúciḥ //

Line : 4  Pada: l     tvā́m agne áṅgiraso gúhā hitám ánvavindañ śiśriyāṇám̐ vánevane /

Line : 5  Pada: m     sá jāyase matʰyámānaḥ sáho mahát tvā́m āhuḥ sáhasas putrám aṅgiraḥ //

Line : 6  Pada: n     túbʰyedám agne mádʰumattamam̐ vácas túbʰyaṃ manīṣā́ iyám astu śám̐ hr̥dé /

Line : 7  Pada: o     tvā́ṃ gíraḥ síndʰum ivāvánīr mahī́r ā́pr̥ṇanti śávasā vardʰáyanti ca //

Line : 8  Pada: p     sám̐sam íd yuvase vr̥ṣann ágne víśvāny aryá ā́ /

Line : 9  Pada: q     iḍaspadé sámidʰyase sá no vásūny ā́bʰara //

Line : 10  Pada: r     agním̐ vaḥ pūrvyáṃ girā́ devám īḍe vásūnām /

Line : 11  Pada: s     saparyávaḥ purupriyáṃ mitráṃ ná kṣetrasā́dʰasam //

Line : 12  Pada: t     tvā́ṃ citraśravastama hávante vikṣú jantávaḥ /

Line : 13  Pada: u     śocíṣkeśaṃ purupriyā́gne havyā́ya vóḍʰave //

Line : 14  Pada: v     ā́ te agna idʰīmahi dyumántaṃ devājáram /

Line : 15  Pada: w     yád dʰa syā́ te pánīyasī samíd dīdáyati dyávi \

Pada: x     íṣam̐ stotŕ̥bʰyā ā́bʰara //

Line : 17  Pada: y     agníṃ táṃ manye yó vásur ástam̐ yam̐ yánti dʰenávaḥ /

Line : 18  Pada: z     ástam árvanta āśávó 'staṃ nítyāso vājínas \

Pada: aa     íṣam̐ stotŕ̥bʰyā ā́bʰāra //

Line : 20  Pada: ab     só agnír yó vásur gr̥ṇé sám̐ yám āyánti dʰenávaḥ /

Page: 157  
Line : 1  Pada: ac     sám árvanto ragʰudrúvaḥ sám̐ sujātā́saḥ sūráyas \

Pada: ad     íṣam̐ stotŕ̥bʰyā ā́bʰara //


Anuvaka: 8  
Line : 3  Pada: a     enā́ vo agníṃ námasorjó nápātam ā́huve /

Line : 4  Pada: b     priyáṃ cétiṣṭʰam aratím̐ svadʰvarám̐ víśvasya dūtám amŕ̥tam //

Line : 5  Pada: c     tvám agne gr̥hápatis tvám̐ hótā no adʰvaré /

Line : 6  Pada: d     tváṃ pótā viśvavāra prácetā yákṣi véṣi ca vā́ryam //

Line : 7  Pada: e     devó vo draviṇodā́ḥ pūrṇā́m̐ vivaṣṭy āsícam /

Line : 8  Pada: f     úd vā siñcádʰvam úpa vā pr̥ṇadʰvam ā́d íd vo devá ohate /

Line : 9  Pada: g     ágne vā́jasya gómatā ī́śānaḥ sahaso yaho /

Line : 10  Pada: h     asmé dʰehi jātavedo máhi śrávaḥ //

Line : 11  Pada: i     sá idʰānó vásuḥ kavír agnír īḍényo girā́ /

Line : 12  Pada: j     revád asmábʰyaṃ purvaṇīka dīdihi //

Line : 13  Pada: k     kṣapó rājann utá tmánā́gne vástor utóṣásaḥ /

Line : 14  Pada: l     sá tigmajambʰa rakṣáso daha práti //

Line : 15  Pada: m     ágne tám adyā́śvaṃ ná stómaiḥ krátuṃ ná bʰadrám̐ hr̥dispŕ̥śam /

Line : 16  Pada: n     r̥dʰyā́mā tā óhaiḥ //

Line : 17  Pada: o     ádʰā hy àgne krátor bʰadrásya

Pada: p     dákṣasya sādʰóḥ / ratʰī́r r̥tásya br̥ható babʰū́tʰa //

Line : 19  Pada: q     ābʰíṣ ṭe adyá gīrbʰír gr̥ṇántas \

Pada: r     ágne dāśema / prá te divó na stanayanta śúṣmaiḥ /

Page: 158  
Line : 2  Pada: s     agním̐ hótāraṃ manye dā́svantam̐ vásum̐ sūnúm̐ sáhaso jātávedasam̐

Line : 3  Pada: t     vípraṃ ná jātávedasam / yá ūrdʰváyā svadʰvarás \

Line : 4  Pada: u     devā́cyā kr̥pā́ / gʰr̥tásya víbʰrāṣṭim ánu śukraśocíṣaḥ //

Line : 6  Pada: v     ājúhvānasya sarpíṣaḥ //

Pada: w     ham̐sáḥ śuciṣat \

Pada: x     abʰí tyáṃ devám̐ savitā́ram

Pada: y     ágne tváṃ no ántamaḥ //

Line : 7  Pada: z     ádʰā hy àgne \

Pada: aa     evā́ hy àgne //


Anuvaka: 9  
Line : 8  Pada: a     ā́yāhi suṣumā́ hí tā índra sómaṃ píbā imám /

Line : 9  Pada: b     édáṃ barhíḥ sado máma //

Line : 10  Pada: c     ā́ tvā brahmayújā hárī váhatām indra keśínā /

Line : 11  Pada: d     úpa bráhmāṇi naḥ śr̥ṇu //

Line : 12  Pada: e     brahmā́ṇas tvā vayám̐ yujā́ somapā́m indra somínaḥ /

Line : 13  Pada: f     sutā́vanto havāmahe //

Line : 14  Pada: g     abʰí tvā śūra nonumó 'dugdʰā iva dʰenávaḥ /

Line : 15  Pada: h     ī́śānam asyá jágataḥ svardŕ̥śam ī́śānam indra tastʰúṣaḥ /

Line : 16  Pada: i     ná tvā́vaṃ anyó divyó ná pā́rtʰivo ná jātó ná janiṣyate /

Line : 17  Pada: j     aśvāyánto magʰavann indra vājíno gavyántas tvā havāmahe //

Line : 18  Pada: k     tvā́m íd dʰí hávāmahe sātā́ vā́jasya kārávaḥ /

Page: 159  
Line : 1  Pada: l     tvā́m̐ vr̥tréṣv indra sátpatiṃ náras tvā́ṃ kā́ṣṭʰāsv árvataḥ //

Line : 2  Pada: m     sá tváṃ naś citra vajrahasta dʰr̥ṣṇuyā́ maháḥ stavānó adrivaḥ /

Line : 3  Pada: n     gā́m áśvam̐ ratʰyàm indra sáṃkira satrā́ vā́jaṃ ná jigyúṣe //

Line : 4  Pada: o     káyā naś citrá ā́bʰuvad ūtī́ sadā́vr̥dʰaḥ sákʰā /

Line : 5  Pada: p     káyā śáciṣṭʰayā vr̥tā́ //

Line : 6  Pada: q     kás tvā satyó mádānāṃ mám̐hiṣṭʰo matsad ándʰasaḥ /

Line : 7  Pada: r     dr̥ḍʰā́ cid ārúje vásu //

Line : 8  Pada: s     abʰī́ ṣú ṇaḥ sákʰīnām avitā́ jaritr̥̄ṇā́m /

Line : 9  Pada: t     śatáṃ bʰavāsy ūtíbʰiḥ //

Line : 10  Pada: u     yajñā́yajñā vo agnáye girā́girā ca dákṣase /

Line : 11  Pada: v     prápra vayám amŕ̥taṃ jātávedasaṃ priyáṃ mitráṃ ná śam̐siṣam //

Line : 12  Pada: w     ūrjó nápātam̐ sá hinā́yám asmayúr dā́śema havyádātaye /

Line : 13  Pada: x     bʰúvad vā́jeṣv avitā́ bʰúvad vr̥dʰá utá trātā́ tanū́nām //


Anuvaka: 10  
Line : 14  Pada: a     r̥tūnā́ṃ pátnī pratʰaméyám ā́gād áhnāṃ netrī́ janitry ùtá prajā́nām /

Line : 15  Pada: b     ékā satī́ bahudʰóṣo vyùcʰā́jīrṇā tváṃ jaraya sárvam anyát //

Line : 16  Pada: c     kó virā́jo mitʰunatváṃ práveda r̥tū́n kó asyāḥ ká u veda rūpám /

Line : 17  Pada: d     dóhān kó veda katidʰā́ vídugdʰāḥ káti dʰā́māni káti yé vivāsā́ḥ //

Page: 160  
Line : 1  Pada: e     iyám evá sā́ yā́ pratʰamā́ vyaúcʰat sā́psv àntáś carati práviṣṭā /

Line : 2  Pada: f     vadʰū́r mimāya navagáj jánitrī tráya enāṃ mahimā́naḥ sacante //

Line : 3  Pada: g     cʰándasvatī uṣásau pépiśāne samānám̐ yónim anusáṃcarete /

Line : 4  Pada: h     sū́ryapatnī vícarataḥ prajānatī́ ketumátī ajáre bʰū́riretasau //

Line : 5  Pada: i     r̥tásya pántʰām ánu tisrá ā́gus tráyo gʰarmā́so ánu rétasā́guḥ /

Line : 6  Pada: j     prajā́m ékā jínvaty ū́rjam ékā kṣatrám ékā rakṣati devayūnā́m //

Line : 7  Pada: k     catuṣṭomám adadʰād yā́ turī́yā yajñásya pakṣā́ r̥ṣayo bʰávantī /

Line : 8  Pada: l     gāyatrī́ṃ triṣṭúbʰaṃ jágatīm̐ virā́jam arkám̐ yuñjānā́ḥ svàr ā́bʰarann idám //

Line : 10  Pada: m     pañcábʰir dʰātā́ vídadʰā idáṃ tā́sām̐ svàr ajanan páñcapañca /

Line : 11  Pada: n     tā́sām u yanti prayavéṇa páñca nā́nā rūpā́ṇi krátavo vásānāḥ //

Line : 12  Pada: o     r̥tásya dʰā́man pratʰamā́ vyūṣúṣy apā́m ékā mahimā́naṃ bibʰarti /

Line : 13  Pada: p     sū́ryasyaíkā carati niṣkr̥tā́ni gʰarmásyaíkā savitaíkāṃ níyacʰate //

Line : 14  Pada: q     idám̐ śréyo mányamāno vā ā́gām ahám̐ vo asmi sakʰyā́ya śévaḥ /

Line : 16  Pada: r     samānájanmā krátur asty ékaḥ sárvaḥ sárvā vícaratu prajānán //

Page: 161  
Line : 1  Pada: s     bʰūyā́sma te sumataú viśvavedā ā́ṣṭʰāḥ pratiṣṭʰā́m ávido hí gādʰám /

Line : 2  Pada: t     satyám̐ vádantīr mahimā́nam āpānyā́ vo anyā́m áti mā práyukta //

Line : 3  Pada: u     rúśadvidʰānā samanā́ purástāt prajānatī́ yā́mam uṣā́ ayāsīt /

Line : 4  Pada: v     brahmadvíṣas támasā deváśatrūn abʰiváhantī viśvávārā vyàvāṭ //

Line : 5  Pada: w     páñca vyùṣṭīr ánu páñca dóhā gā́ṃ páñcanāmnīm r̥távó 'nu páñca /

Line : 6  Pada: x     páñca díśaḥ pañcadaśéna kl̥ptā́ḥ samānámūrdʰnīr abʰí lokám ékam //

Line : 7  Pada: y     trim̐śát svásārā úpayanti niṣkr̥tám̐ samānáṃ ketúṃ pratimuñcámānāḥ /

Line : 9  Pada: z     r̥tū́m̐s tanvate kaváyaḥ prajānatī́r mádʰye cʰandasaḥ páriyanti bʰā́svatīḥ //

Line : 10  Pada: aa     jyótiṣmatīḥ prátimuñcate nábʰo devī́ rā́trī sū́ryasya vratā́ni /

Line : 11  Pada: ab     vípaśyanti paśávo jā́yamānā nā́nārūpā mātúr asyā́ upástʰe //

Line : 12  Pada: ac     pratʰamā́ ha vyùvāsa sā́ dʰenúr abʰavad yamé /

Line : 13  Pada: ad     sā́ naḥ páyasvatī duhā úttarāmuttarām̐ sámām //


Anuvaka: 11  
Line : 14  Pada: a     pr̥ṣṭó diví pr̥ṣṭó agníḥ pr̥tʰivyā́ṃ pr̥ṣṭó víśvā óṣadʰīr ā́viveśa /

Line : 16  Pada: b     vaiśvānaráḥ sáhasā pr̥ṣṭó agníḥ sá no dívā sá riṣás pātu náktam //

Page: 162  
Line : 1  Pada: c     tvám̐ yaviṣṭʰa dāśúṣo nŕ̥̄m̐ṣ pāhi śr̥ṇudʰī́ gíraḥ /

Line : 2  Pada: d     rákṣā tokám utá tmánā //

Line : 3  Pada: e     ágne dʰā́māni táva jātavedo déva svadʰāvo 'mŕ̥tasya nā́ma /

Line : 4  Pada: f     yā́ś ca māyā́ māyínām̐ viśvaminva tvé pūrvī́ḥ saṃdadʰúḥ pr̥ṣṭabandʰo //


Anuvaka: 12  
Line : 6  Pada: a     yávā áyavā ū́mā évā ábdaḥ ságaraḥ sumékas \

Pada: b     ágne kahya \

Pada: c     ágne kim̐śila \

Line : 7  Pada: d     ágne dudʰra \

Pada: e     ágne vanya \

Pada: f     ágne kakṣya

Pada: g     yā́ tā íṣur yuvā́ nā́ma táyā vidʰema

Line : 8  Pada: h     tásyai te námas

Pada: i     tásyās tā úpa patsutó jīvā́ bʰūyāsma

Pada: j     té yáṃ dviṣmó yáś ca no dvéṣṭi tám asyā jámbʰe dadʰmaḥ //


Anuvaka: 13  
Line : 10  Pada: a     yó apsv àntár agnír yó vr̥tré yáḥ púruṣe yó áśmani /

Line : 11  Pada: b     yá āvivéśaúṣadʰīr yó vánaspátīm̐s tébʰyo agníbʰyo hutám astv etát //

Line : 12  Pada: c     yáḥ sóme antár yó góṣv antár váyām̐si yá āvivéśa yó mr̥géṣu /

Line : 13  Pada: d     yá āvivéśa dvipádo yáś cátuṣpadas tébʰyo agníbʰyo hutám astv etát //

Line : 14  Pada: e     yénéndrasya rátʰam̐ saṃbabʰūvúr yó vaiśvānará utá viśvadāvyàḥ /

Page: 163  
Line : 1  Pada: f     dʰī́ro yáḥ śakráḥ paribʰū́r ádābʰyas tébʰyo agníbʰyo hutám astv etát //

Line : 2  Pada: g     viśvā́dam agním̐ yám u kā́mam āhúr yáṃ dātā́raṃ pratigrahītā́ram āhúḥ /

Line : 3  Pada: h     yáṃ jóhavīmi pŕ̥tanāsu sāsahíṃ tébʰyo agníbʰyo hutám astv etát //

Line : 4  Pada: i     ukṣā́nnāya vaśā́nnāya sómapr̥ṣṭʰāya vedʰáse /

Line : 5  Pada: j     stómair vidʰemāgnáye //

Line : 6  Pada: k     vaiśvānarájyeṣṭʰebʰyas tébʰyo agníbʰyo hutám astv etát //


Anuvaka: 14  
Line : 7  Pada: a     mā́ cʰándas

Pada: b     tát pr̥tʰivī́ \

Pada: c     agnír devátā

Pada: d     téna cʰándasā téna bráhmaṇā táyā devátayāṅgirasvád dʰruvā́ sīda //

Line : 8  Pada: e     pramā́ cʰándas

Pada: f     tád antárikṣam \

Pada: g     vāyúr devátā

Line : 9  Pada: h     pratimā́ cʰándas

Pada: i     tád dyaúḥ

Pada: j     sū́ryo devátā \

Pada: k     asrīvī́ś cʰándas

Pada: l     tád díśaḥ

Pada: m     sómo devátā

Line : 10  Pada: n     gāyatrī́ cʰándas

Pada: o     tád ajā́

Pada: p     bŕ̥haspátir devátā

Pada: q     triṣṭúp cʰándas

Pada: r     tád dʰíraṇyam

Pada: s     índro devátā

Line : 11  Pada: t     jágatī cʰándas

Pada: u     tád gaúḥ

Pada: v     prajā́patir devátā \

Pada: w     anuṣṭúp cʰándas

Pada: x     tád ā́yus \

Pada: y     mitró devátā \

Line : 12  Pada: z     uṣṇík cʰándas

Pada: aa     tác cákṣuḥ

Pada: ab     pūṣā́ devátā

Pada: ac     virā́ṭ cʰándas

Pada: ad     tád áśvas \

Pada: ae     váruṇo devátā

Line : 13  Pada: af     br̥hatī́ cʰándas

Pada: ag     tát kr̥ṣíḥ

Pada: ah     parjányo devátā

Pada: ai     paṅktíś cʰándas

Pada: aj     tát púruṣaḥ

Line : 14  Pada: ak     parameṣṭʰī́ devátā

Pada: al     téna cʰándasā téna bráhmaṇā táyā devátayāṅgirasvád dʰruvā́ sīda //


Anuvaka: 15  
Line : 16  Pada: a     pr̥tʰivy àsi jánmanā vaśā́

Pada: b     sā́gníṃ gárbʰam adʰattʰāḥ

Pada: c     sā́ máyā sáṃbʰava \

Pada: d     antárikṣam asi jánmanā vaśā́

Line : 17  Pada: e     sā́ vāyúṃ gárbʰam adʰattʰāḥ

Pada: f     sā́ máyā sáṃbʰava

Page: 164  
Line : 1  Pada: g     dyaúr asi jánmanā vaśā́

Pada: h     sā́dityáṃ gárbʰam adʰattʰāḥ

Pada: i     sā́ máyā sáṃbʰava

Pada: j     nákṣatrāṇy asi jánmanā vaśā́

Line : 2  Pada: k     sā́ candrámasaṃ gárbʰam adʰattʰāḥ

Pada: l     sā́ máyā sáṃbʰava

Line : 3  Pada: m     ŕ̥g asi jánmanā vaśā́

Pada: n     sā́ sā́ma gárbʰam adʰattʰāḥ

Pada: o     sā́ máyā sáṃbʰava

Line : 4  Pada: p     víḍ asi jánmanā vaśā́

Pada: q     sā́ rā́jānaṃ gárbʰam adʰattʰāḥ

Pada: r     sā́ máyā sáṃbʰava

Line : 5  Pada: s     vā́g asi jánmanā vaśā́

Pada: t     sā́ prāṇáṃ gárbʰam adʰattʰāḥ

Pada: u     sā́ máyā sáṃbʰava \

Pada: v     ā́po 'si jánmanā vaśā́

Line : 6  Pada: w     sā́ yajñáṃ gárbʰam adʰattʰāḥ

Pada: x     sā́ máyā sáṃbʰava //


Anuvaka: 16  
Line : 7  Pada: a     yā́ devy ásīṣṭake kumāry ùpaśī́varī sā́ mópaśeṣva jāyéva sádam ít pátim \

Line : 8  Pada: b     yā́ devy ásīṣṭake prapʰarvy ùpaśī́varī sā́ mópaśeṣva jāyéva sádam ít pátim \

Line : 9  Pada: c     yā́ devy ásīṣṭake yuvatír upaśī́varī sā́ mópaśeṣva jāyéva sádam ít pátim \

Line : 10  Pada: d     yā́ devy ásīṣṭaka āyurdā́ḥ prāṇadā́ apānadā́ vyānadā́ś cakṣurdā́ḥ śrotradā́ḥ pr̥tʰivyā́m antárikṣe diváḥ pr̥ṣṭʰá upaśī́varī sā́ mópaśeṣva jāyéva sádam ít pátim \

Line : 12  Pada: e     yā́ devī́ḥ stʰéṣṭakāḥ suśévā upaśī́varīs tā́ mópaśedʰvaṃ jāyā́ iva sádam ít pátim //


Anuvaka: 17  
Line : 14  Pada: a     sávayase tvā \

Pada: b     abʰívayase tvā \

Pada: c     ūrdʰvávayase tvā

Pada: d     br̥hádvayase tvā

Pada: e     sáhīyase tvā

Line : 15  Pada: f     sáhamānāya tvā

Pada: g     sāsaháye tvā

Pada: h     sáhasvate tvā \

Pada: i     abʰīṣā́he tvā \

Pada: j     abʰibʰvè tvā \

Pada: k     abʰimātiṣā́he tvā \

Line : 16  Pada: l     abʰimātigʰné tvā //


Anuvaka: 18  
Line : 17  Pada: a     bʰūyaskŕ̥d asi

Pada: b     varivaskŕ̥d asi

Pada: c     prā́cy asi \

Pada: d     ūrdʰvā́si \

Pada: e     antárikṣam asi \

Pada: f     ojódāṃ tvaújasi sādayāmi

Line : 18  Pada: g     payodā́ṃ tvā páyasi sādayāmi

Pada: h     tejodā́ṃ tvā téjasi sādayāmi

Page: 165  
Line : 1  Pada: i     yaśodā́ṃ tvā yáśasi sādayāmi

Pada: j     varcodā́ṃ tvā várcasi sādayāmi

Line : 2  Pada: k     pr̥tʰivyā́s tvā dráviṇe sādayāmi \

Pada: l     antárikṣasya tvā dráviṇe sādayāmi

Line : 3  Pada: m     divás tvā dráviṇe sādayāmi

Pada: n     diśā́ṃ tvā dráviṇe sādayāmi

Line : 4  Pada: o     draviṇodā́ṃ tvā dráviṇe sādayāmi \

Pada: p     apsuṣád asi

Pada: q     gr̥dʰrasád asi

Pada: r     śyenasád asi

Line : 5  Pada: s     suparṇasád asi

Pada: t     nākasád asi //


Anuvaka: 19  
Line : 6  Pada: a     jyótiṣmatīṃ tvā sādayāmi

Pada: b     jyotiṣkŕ̥taṃ tvā sādayāmi

Pada: c     jyotirvídaṃ tvā sādayāmi \

Line : 7  Pada: d     ūrdʰvájyotiṣaṃ tvā sādayāmi

Pada: e     br̥hájjyotiṣaṃ tvā sādayāmi

Line : 8  Pada: f     viśvájyotiṣaṃ tvā sādayāmi \

Pada: g     ájasrāṃ tvā sādayāmi

Pada: h     bʰā́svatīṃ tvā sādayāmi

Line : 9  Pada: i     dī́pyamānāṃ tvā sādayāmi

Pada: j     rócamānāṃ tvā sādayāmi

Line : 10  Pada: k     jválantīṃ tvā sādayāmi

Pada: l     malmalābʰávantīṃ tvā sādayāmi

Pada: m     jā́gratīṃ tvā sādayāmi

Line : 11  Pada: n     bodʰáyantīṃ tvā sādayāmi //


Anuvaka: 20  
Line : 12  Pada: a     kŕ̥ttikā nákṣatram

Pada: b     agnír devátā \

Pada: c     agné rúcaḥ stʰa

Pada: d     prajā́pateḥ sómasya dʰātús \

Line : 13  Pada: e     r̥cé tvā

Pada: f     rucé tvā

Pada: g     bʰāsé tvā

Pada: h     jyótiṣe tvā

Pada: i     téna cʰándasā téna bráhmaṇā táyā devátayāṅgirasvád dʰruvā́ sīda

Line : 14  Pada: j     rohiṇī́ nákṣatram \

Pada: k     prajā́patir devátā \

Pada: l     invagā́ nákṣatram \

Line : 15  Pada: m     marúto devátā

Pada: n     bāhúr nákṣatram \

Pada: o     rudró devátā

Pada: p     púnarvasur nákṣatram

Line : 16  Pada: q     áditir devátā

Pada: r     tíṣyo nákṣatram \

Pada: s     bŕ̥haspátir devátā \

Pada: t     aśleṣā́ nákṣatram \

Pada: u     sarpā́ devátā

Line : 17  Pada: v     magʰā́ nákṣatram \

Pada: w     pitáro devátā

Pada: x     pʰálgunīr nákṣatram \

Pada: y     bʰágo devátā

Pada: z     pʰálgunīr nákṣatram

Page: 166  
Line : 1  Pada: aa     aryamā́ devátā

Pada: ab     hásto nákṣatram \

Pada: ac     savitā́ devátā

Pada: ad     citrā́ nákṣatram \

Line : 2  Pada: ae     tváṣṭā devátā

Pada: af     níṣṭyaṃ nákṣatram \

Pada: ag     vāyúr devátā

Pada: ah     víśākʰaṃ nákṣatram

Pada: ai     indrāgnī́ devátā \

Line : 3  Pada: aj     anūrādʰā́ nákṣatram \

Pada: ak     mitró devátā

Pada: al     jyeṣṭʰā́ nákṣatram \

Pada: am     váruṇo devátā

Line : 4  Pada: an     mū́laṃ nákṣatram \

Pada: ao     nírr̥tir devátā \

Pada: ap     aṣāḍʰā́ nákṣatram

Pada: aq     ā́po devátā \

Pada: ar     aṣāḍʰā́ nákṣatram \

Line : 5  Pada: as     víśve devā́ devátā \

Pada: at     abʰijín nákṣatram \

Pada: au     brahmā́ devátā

Pada: av     śroṇā́ nákṣatram \

Line : 6  Pada: aw     víṣṇur devátā

Pada: ax     śráviṣṭʰā nákṣatram \

Pada: ay     vásavo devátā

Pada: az     śatábʰiṣaṃ * nákṣatram
      < śatábʰiṣaj

Line : 7  Pada: ba     índro devátā

Pada: bb     proṣṭʰapadā́ nákṣatram

Pada: bc     áhir budʰnyò devátā

Pada: bd     proṣṭʰapadā́ nákṣatram

Line : 8  Pada: be     ajá ékapād devátā

Pada: bf     revátī nákṣatram \

Pada: bg     pūṣā́ devátā \

Pada: bh     aśvayújau nákṣatram

Pada: bi     aśvínau devátā

Line : 9  Pada: bj     bʰáraṇīr nákṣatram \

Pada: bk     yamó devátā

Pada: bl     brāhmaṇó nákṣatram \

Pada: bm     sómo devátā \

Line : 10  Pada: bn     agné rúcaḥ stʰa

Pada: bo     prajā́pateḥ sómasya dʰātus \

Pada: bp     r̥cé tvā

Pada: bq     rucé tvā

Pada: br     bʰāsé tvā

Line : 11  Pada: bs     jyótiṣe tvā

Pada: bt     téna cʰándasā téna bráhmaṇā táyā devátayāṅgirasvád dʰruvā́ sīda //


Anuvaka: 21  
Line : 13  Pada: a     samī́cī nā́māsi

Pada: b     prā́cī dík

Pada: c     tásyās te 'gnír ádʰipatis \

Pada: d     asitó rakṣitā́

Line : 14  Pada: e     yáś ca té 'dʰipatir yáś ca rakṣitā́ tā́bʰyāṃ námo astu

Pada: f     taú no mr̥ḍatām \

Pada: g     té yáṃ dviṣmó yáś ca no dvéṣṭi tám enayor jámbʰe dadʰmas \

Line : 15  Pada: h     ojasyā̀ nā́māsi

Line : 16  Pada: i     dákṣiṇā dík

Pada: j     tásyās tā índró 'dʰipatis

Pada: k     tiraścī́narājī rakṣitā́

Page: 167  
Line : 1  Pada: l     yáś ca té 'dʰipatir yáś ca rakṣitā́ tā́bʰyāṃ námo astu

Pada: m     taú no mr̥ḍatām \

Pada: n     té yáṃ dviṣmó yáś ca no dvéṣṭi tám enayor jámbʰe dadʰmaḥ

Line : 2  Pada: o     prā́cī nā́māsi

Pada: p     pratī́cī dík

Line : 3  Pada: q     tásyās te sómó 'dʰipatiḥ

Pada: r     svajó rakṣitā́

Pada: s     yáś ca té 'dʰipatir yáś ca rakṣitā́ tā́bʰyāṃ námo astu

Line : 4  Pada: t     taú no mr̥ḍatām \

Pada: u     té yáṃ dviṣmó yáś ca no dvéṣṭi tám enayor jámbʰe dadʰmaḥ

Line : 5  Pada: v     suṣádā nā́māsi \

Pada: w     údīcī dík

Pada: x     tásyās te váruṇó 'dʰipatiḥ

Line : 6  Pada: y     sŕ̥dāgū rakṣitā́

Pada: z     yáś ca té 'dʰipatir yáś ca rakṣitā́ tā́bʰyāṃ námo astu

Line : 7  Pada: aa     taú no mr̥ḍatām \

Pada: ab     té yáṃ dviṣmó yáś ca no dvéṣṭi tám enayor jámbʰe dadʰmas \

Line : 8  Pada: ac     avastʰā́ nā́māsi \

Pada: ad     ávācī dík

Pada: ae     tásyās te víṣṇur ádʰipatiḥ

Line : 9  Pada: af     kalmā́ṣagrīvo rakṣitā́

Pada: ag     yáś ca té 'dʰipatir yáś ca rakṣitā́ tā́bʰyāṃ námo astu

Line : 10  Pada: ah     taú no mr̥ḍatām \

Pada: ai     té yáṃ dviṣmó yáś ca no dvéṣṭi tám enayor jámbʰe dadʰmas \

Line : 11  Pada: aj     ádʰipatnī nā́māsi \

Pada: ak     ūrdʰvā́ dík

Pada: al     tásyāste bŕ̥haspátir ádʰipatis \

Pada: am     citró rakṣitā́

Line : 12  Pada: an     yáś ca té 'dʰipatir yáś ca rakṣitā́ tā́bʰyāṃ námo astu

Pada: ao     taú no mr̥ḍatām \

Pada: ap     té yáṃ dviṣmó yáś ca no dvéṣṭi tám enayor jámbʰe dadʰmaḥ //


Anuvaka: 22  
Line : 14  Pada: a     svayáṃ kr̥ṇvānáḥ sugám áprayāvaṃ tigmáśr̥ṅgo vr̥ṣabʰáḥ śośucānaḥ /

Line : 15  Pada: b     pratnám̐ sadʰástʰam anupáśyamānā ā́ tántum agnír divyáṃ tatāna //

Line : 16  Pada: c     tváṃ tántur utá sétur agne tváṃ pántʰā bʰavasi devayā́naḥ /

Line : 17  Pada: d     tváyāgne pr̥ṣṭʰám̐ vayám ā́ruhema yátra devaíḥ sadʰamā́daṃ mádema //

Line : 18  Pada: e     atisargáṃ dádato mānavā́yordʰváṃ pántʰām anupáśyamānāḥ /

Line : 19  Pada: f     ájuṣanta marúto yajñám etám̐ vr̥ṣṭídyāvānam amŕ̥tam̐ svarvídam //

Line : 20  Pada: g     āvártamāno bʰúvanasya mádʰye prajā́ḥ kr̥ṇván janáyan vírūpāḥ /

Page: 168  
Line : 1  Pada: h     sam̐vatsaráḥ parameṣṭʰī́ dʰr̥távrato yajñáṃ naḥ pātu rájasaḥ párasmāt //

Line : 2  Pada: i     prajā́ṃ dadātu parivatsaró no dʰātā́ dadʰātu sumanasyámānaḥ /

Line : 3  Pada: j     bahvī́ḥ sākáṃ bahudʰā́ viśvárūpā ékavratā mā́m abʰisám̐viśantu //


Anuvaka: 23  
Line : 5  Pada: a     hiraṇyagarbʰáḥ sámavartatāgre bʰūtásya jātáḥ pátir éka āsīt /

Line : 6  Pada: b     sá dādʰāra pr̥tʰivī́ṃ dyā́m utémā́ṃ kásmai devā́ya havíṣā vidʰema //

Line : 7  Pada: c     yáḥ prāṇató nimiṣatáś ca rā́jā pátir víśvasya jágato babʰū́va /

Line : 8  Pada: d     ī́śe yó asyá dvipádaś cátuṣpadaḥ kásmai devā́ya havíṣā vidʰema //

Line : 9  Pada: e     yá ojodā́ baladā́ yásya víśva upā́sate praśíṣam̐ yásya devā́ḥ /

Line : 10  Pada: f     yásya cʰāyā́mŕ̥tam̐ yásya mr̥tyúḥ kásmai devā́ya havíṣā vidʰema //

Line : 11  Pada: g     yásyemé víśve giráyo mahitvā́ samudrám̐ yásya rasáyā sahā́húḥ /

Line : 12  Pada: h     díśo yásya pradíśaḥ páñca devī́ḥ kásmai devā́ya havíṣā vidʰema //

Line : 14  Pada: i     yéna dyaúr ugrā́ pr̥tʰivī́ ca dr̥ḍʰā́ yéna svàḥ stabʰitám̐ yéna nā́kaḥ /

Line : 15  Pada: j     yó antárikṣam̐ vimamé várīyaḥ kásmai devā́ya havíṣā vidʰema //

Line : 16  Pada: k     yá imé dyā́vāpr̥tʰivī́ tastabʰāné ádʰārayad ródasī réjamāne /

Page: 169  
Line : 1  Pada: l     yásminn ádʰi vítataḥ sū́rā éti kásmai devā́ya havíṣā vidʰema /

Line : 2  Pada: m     ā́po ha yán mahatī́r víśvam ā́yan gárbʰaṃ dádʰānā janáyantīr agním /

Line : 3  Pada: n     táto devā́nāṃ níravartatā́suḥ kásmai devā́ya havíṣā vidʰema //

Line : 4  Pada: o     ā́ naḥ prajā́ṃ janayatu prajā́patir dʰātā́ dadʰātu sumanasyámānaḥ /

Line : 5  Pada: p     saṃvatsará r̥túbʰiḥ sam̐vidānó máyi púṣṭiṃ puṣṭipátir dadʰātu //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.