TITUS
Black Yajur-Veda: Maitrayani-Samhita
Part No. 25
Previous part

Kanda: 3  
Prapathaka: 1  
Anuvaka: 1  
Page: 1  
Line : 1  Pada: a     juhū́m ágre sáṃmārṣṭi

Pada: b     juhū́r vaí yajñamukʰám \

Pada: c     mukʰató vā́ etád yajñám ā́labdʰa

Line : 2  Pada: d     juhvā̀ vaí devā́ virā́jam ahvayanta

Pada: e     táj juhvā̀ juhūtvám

Pada: f     ánnam̐ vaí virā́ṭ \

Pada: g     ánnaṃ juhū́s \

Line : 3  Pada: h     arkò 'gnís \

Pada: i     yáj juhvā̀ juhóti \

Pada: j     ánnasya cārkásya cā́varuddʰyai \

Pada: k     aṣṭaú kŕ̥tvo juhvā̀ṃ gr̥hṇā́ti \

Line : 4  Pada: l     aṣṭā́kṣarā gāyatrī́

Pada: m     gāyatrī́ yajñamukʰám \

Pada: n     yajñamukʰám evā́labdʰa

Line : 5  Pada: o     yát sāvitrā́ṇi hūyánte

Pada: p     prásūtyai \

Pada: q     átʰo yájuṣām evá nānāvīryatvā́ya \

Pada: r     agnír vaí yátrayatrā́gacʰat tám̐ savitā́nvapaśyat \

Line : 6  Pada: s     yát sāvitrā́ṇi hūyánte \

Pada: t     agnér evā́nukśātyai \

Line : 7  Pada: u     agníṃ jyótir nicā́yya pr̥tʰivyā́ ádʰyā́bʰarad íti

Pada: v     savitā́ vā́ etád ágre jyótiḥ pr̥tʰivyā́ḥ sámabʰarat

Line : 8  Pada: w     tásmād evám āha


Pada: x     yúktimanti ca juhoti mánasvatī ca

Line : 9  Pada: y     yukténa hí mánasā yajñás tāyáte

Pada: z     ṣáḍ ŕ̥gmāṇi bʰavanti

Line : 10  Pada: aa     ṣáḍ vā́ r̥távas \

Pada: ab     r̥túṣv evá prátitiṣṭʰai \

Pada: ac     éti vā́ eṣá yajñamukʰā́d yò 'nyā́m āgneyyā́ ágre devátām upaíti

Line : 11  Pada: ad     yát sāvitrā́ṇi ná syúr iyā́t sāvitrā́t prasavā́t \

Line : 12  Pada: ae     aṣṭaú vā́ etā́ni yájūm̐ṣi \

Pada: af     aṣṭā́kṣarā gāyatrī́

Pada: ag     gāyatrī́ yajñamukʰám \

Pada: ah     téna yajñamukʰā́n naíti

Line : 13  Pada: ai     yád u sāvitrā́ṇi

Pada: aj     téna sāvitrā́t prasavā́n naíti

Pada: ak     cʰándobʰir juhoti

Line : 14  Pada: al     cʰándobʰir vā́ etád agnáye balím̐ hārayati

Pada: am     bahávo hāsya balihŕ̥to bʰavanti \

Line : 15  Pada: an     ŕ̥g vaí yajñásya nédīyas \

Pada: ao     yájur yájamānasya

Pada: ap     yádi kāmáyeta yajñám̐ yajñayaśasénārpayeyam íty ŕ̥guttamāni kuryāt \

Line : 16  Pada: aq     yajñám̐ vā́ etád yajñayaśasénārpayati


Page: 2  
Line : 1  Pada: ar     yádi kāmáyeta yájamānam̐ yajñayaśasénārpayeyam íti yájuruttamāni kuryāt \

Line : 2  Pada: as     yájamānam̐ vā́ etád yajñayaśasénārpayati \

Pada: at     ā́hutīnām̐ vā́ abʰíkrāntyā yájamāna r̥dʰnoti

Line : 3  Pada: au     yáṃ kāmáyeta r̥dʰnuyā́d íti tásya sakŕ̥t sárvāṇy anudrútya juhuyāt \

Line : 4  Pada: av     r̥dʰnóti \

Pada: aw     átʰa yáṃ kāmáyeta pā́pīyānt syād íti tásya nā́nā juhuyāt

Line : 5  Pada: ax     pā́pīyān bʰavati \

Pada: ay     r̥cā́ stómam̐ sámardʰayéty āha

Pada: az     sámr̥ddʰyā evá

Line : 6  Pada: ba     gāyatréṇa ratʰantarám íti \

Pada: bb     iyám̐ vaí gāyatrī́ \

Pada: bc     iyám̐ ratʰantarám

Pada: bd     asaú br̥hát \

Pada: be     anáyor vā́ eṣá lokáyor vyā̀ptyā antatáḥ kriyate \

Line : 7  Pada: bf     aṣṭaú vā́ etā́ni yájūm̐ṣi \

Pada: bg     aṣṭā́kṣarā gāyatrī́ \

Line : 8  Pada: bh     akṣaraśó vā́ etád gāyatrī́ṃ prīṇāti \

Pada: bi     átʰa yád ā́hutir navamī́

Pada: bj     téna trivŕ̥to yajñamukʰā́n naíti \

Line : 9  Pada: bk     átʰa yád ékām ā́hutim aṣṭābʰír yájurbʰir juhóti

Pada: bl     tásmād ékasmai saté bahávo balím̐ haranti

Line : 10  Pada: bm     bahávo hāsya balihŕ̥to bʰavanti

Line : 11  Pada: bn     yájuruttamāni bʰavanti

Pada: bo     bráhma vaí yájus \

Pada: bp     bráhmaṇi vā́ etád antató yajñásya yájamānaḥ prátitiṣṭʰati //


Anuvaka: 2  
Line : 13  Pada: a     sāvitraír ábʰrim ādatte

Pada: b     prásūtyai

Pada: c     catúrbʰir ā́datte

Pada: d     catvā́ri vaí cʰándām̐si

Pada: e     cʰándobʰir evā́datte \

Line : 14  Pada: f     átʰo bráhma vaí cʰándām̐si

Pada: g     bráhmaṇaivā́datte \

Pada: h     iyám̐ vaí gāyatrī́ \

Line : 15  Pada: i     antárikṣaṃ triṣṭúb

Pada: j     dyaúr jágatī

Pada: k     díśo 'nuṣṭúp

Pada: l     savitŕ̥prasūto vā́ etád ebʰyó lokébʰyaś cʰándobʰir digbʰyáś cāgním̐ sám̐bʰarati

Line : 16  Pada: m     yátra vā́ adò 'gnír hotrā́d bʰīṣā́pākrāmat sá sárveṣu bʰutéṣv avasat \

Line : 17  Pada: n     yā́m̐ vánaspátiṣv ávasat tā́m̐ véṇā avasat

Line : 18  Pada: o     sá yátra nirádahat tā́ni kalmā́ṣāṇy abʰavan

Pada: p     yéna samácarat tát suṣirám \

Pada: q     yátrā́vasat tát párva

Line : 19  Pada: r     yád vaíṇavy ábʰrir bʰávati

Pada: s     svénaivaínam̐ yóninā sáṃbʰarati

Pada: t     yó vaí vánaspátīnāṃ pʰalagráhitamaḥ sá eṣām̐ vīryàvattamas \

Line : 20  Pada: u     véṇur vaí vánaspátīnāṃ pʰalagráhitamaḥ

Line : 21  Pada: v     sá eṣām̐ vīryàvattamas \

Pada: w     ánnam̐ vaí pʰálam

Pada: x     ánnam arkás \

Pada: y     arkò 'gnís \

Page: 3  
Line : 1  Pada: z     arkéṇa vā́ etád ánnam arkám agním̐ sáṃbʰarati

Pada: aa     vyāmamātrī́ kāryā̀ \

Pada: ab     etā́vad vaí púruṣe vīryàm \

Line : 2  Pada: ac     vīryàsaṃmitā kriyate \

Pada: ad     átʰo etā́vān vaí púruṣe mahimā́

Pada: ae     mahimnó 'varuddʰyai \

Line : 3  Pada: af     aratnimātrī́ kāryā̀

Pada: ag     yajñapuruṣāsáṃmitā

Pada: ah     prādeśamātrī́ kāryā̀

Line : 4  Pada: ai     víṣṇunā yajñéna sáṃmitā \

Pada: aj     ubʰyataḥkṣṇút kāryā̀ \

Pada: ak     ubʰayasyānnā́dyasyā́varuddʰyai \

Line : 5  Pada: al     anyataḥkṣṇút kāryā̀

Pada: am     anyataḥkṣṇúd dʰí pʰā́las

Pada: an     tā́vantam arkáṃ karoti \

Line : 6  Pada: ao     ánnam̐ vā́ arkás \

Pada: ap     annā́dyasyā́varuddʰyai \

Pada: aq     aúdumbarī kāryā̀ \

Pada: ar     ūrg vā́ udumbáras \

Line : 7  Pada: as     ūrjó 'varuddʰyai \

Pada: at     áparimitā kāryā̀ \

Pada: au     áparimitasyā́varuddʰyai

Pada: av     yá evá káśca vr̥kṣáḥ pʰalagráhis tásya kāryā̀ \

Line : 8  Pada: aw     annā́dyasyā́varuddʰyai //


Anuvaka: 3  
Line : 9  Pada: a     áśvena vaí devā́ ágre víjitimm̐ vyàjayanta

Pada: b     yád áśvena yánti

Pada: c     víjityai \

Line : 10  Pada: d     agnír vaí yátrayatrā́gacʰat táṃ prajā́patir ánvapaśyat

Pada: e     prājāpatyó 'śvas \

Pada: f     yád áśvena yánti \

Line : 11  Pada: g     agnér evā́nukśātyai

Pada: h     prajā́ptir vā́ agním̐ saṃbʰariṣyánt sá ebʰyó lokébʰyó 'śvaṃ nirmā́ya digbʰyáś cāgním̐ sámabʰarat \

Line : 12  Pada: i     yád ā́ha

Pada: j     diví te jánma paramám antárikṣe táva nā́bʰiḥ pr̥tʰivyā́m ádʰi yónir íd íti

Line : 13  Pada: k     yatʰādevatám̐ vā́ etád ebʰyó lokébʰyó 'śvaṃ nirmā́ya digbʰyáś cāgním̐ sáṃbʰarati

Line : 14  Pada: l     yuñjā́tʰām̐ rā́sabʰam̐ yuvám íty āha

Line : 15  Pada: m     yúktyā evá

Pada: n     gardabʰéna sáṃbʰarati \

Pada: o     eṣá hí paśūnā́m anupajīvanītátamas \

Line : 16  Pada: p     agnír vā́ etásyā́gre sr̥ṣṭásya yóne réto níradahat

Pada: q     tásmād eṣá samā́vad anyaíḥ paśúbʰī réto dʰatté 'tʰa kániṣṭʰas \

Line : 17  Pada: r     áśvaṃ pū́rvaṃ náyanti gardabʰám áparam \

Line : 18  Pada: s     pāpavasīyasásya vyā́vr̥ttyai

Pada: t     tásmāñ śréyām̐saṃ pū́rvam̐ yántaṃ pā́pīyān paścā́d ánveti

Line : 19  Pada: u     yádi kāmáyeta pāpavasīyasám̐ syād íti gardabʰáṃ pū́rvaṃ náyeyur áparam áśvam

Line : 20  Pada: v     eténa vaí vipū́janaḥ saúrākiḥ pāpavasīyasáṃ cakāra

Pada: w     tát pāpavasīyasám evaíténa karoti

Line : 21  Pada: x     yógeyoge tavástaram íty ūtimátyā vā́javatyā yanti \

Page: 4  
Line : 1  Pada: y     ánnam̐ vaí vā́jas \

Pada: z     gātúr ūtís \

Pada: aa     ánnāya ca kʰálu vaí gātáve cāgníś cīyate

Line : 2  Pada: ab     yád ūtimatyā vā́javatyā yánti

Pada: ac     ánnasya ca gātóś cā́varuddʰyai

Pada: ad     bʰávati vā́ eṣá yò 'gníṃ cinuté

Line : 3  Pada: ae     sárvo vaí bʰávata irasyati

Pada: af     vajrī́ vā́ eṣá prājāpatyó yád áśvas \

Line : 4  Pada: ag     yád ā́ha

Pada: ah     pratū́rvann éhy avakrā́mann áśastīr íti

Pada: ai     vájreṇa vā́ etád áśastīr arātīyántam ávakrāmati

Line : 5  Pada: aj     raudrā́ vaí paśávas \

Pada: ak     agnī́ rudrás \

Pada: al     yád rudrā́t paśū́n ániryācyāgníṃ cinvītá rudrò 'sya paśū́n abʰimā́nukaḥ syāt \

Line : 6  Pada: am     yád ā́ha

Line : 7  Pada: an     rudrásya gā́ṇapatyān mayobʰū́r éhī́ti

Pada: ao     rudrā́d vā́ etát paśū́n niryā́cyāgníṃ cinute \

Line : 8  Pada: ap     ágʰātuko 'sya paśupátiḥ paśū́n bʰavati \

Pada: aq     urv àntárikṣam̐ vī̀hī́ty * āha \
      FN emended. Ed.: vīhī́ty. cf. 2.7.2:75.8

Pada: ar     eṣā́ṃ lokā́nām̐ vidʰr̥tyai

Line : 9  Pada: as     rákṣām̐si vā́ etaú jigʰām̐santy agním̐ saṃbʰariṣyántau

Line : 10  Pada: at     yád ā́ha

Pada: au     svastígavyūtir ábʰayāni kr̥ṇvánn íti

Pada: av     svastím evā́bʰyāmakaḥ

Pada: aw     púrīṣam̐ vā́ agnér āyátanam

Line : 11  Pada: ax     áṅgirasa etám ágre sámabʰarat \

Pada: ay     yád ā́ha \

Pada: az     agníṃ purīṣyàm aṅgirasvád ā́bʰaréti

Line : 12  Pada: ba     sā́yatanam evaínaṃ devátābʰiḥ sáṃbʰarati

Pada: bb     yéna púruṣeṇa saṃgácʰeta tám abʰímantrayeta \

Line : 13  Pada: bc     agníṃ purīṣyàm aṅgirasvád ácʰemā íti

Pada: bd     vā́jam evá téna tásmād vr̥ṅkte

Line : 14  Pada: be     prajā́pataye prócyāgníś cetavyā̀ íty āhus \

Pada: bf     yátaḥ sū́ryasyodáyanaṃ táto valmīkavapā́m apagʰnán brūyāt \

Line : 15  Pada: bg     agníṃ purīṣyàm aṅgirasvád bʰariṣyāmā íti \

Pada: bh     iyám̐ vaí prajā́patis

Line : 16  Pada: bi     tásyā eṣá kárṇo yád valmī́kas

Pada: bj     tásmā evá prócyāgníṃ cinute

Line : 17  Pada: bk     śr̥ṇvánti hainam agníṃ cikyānám asā́ agním aceṣṭéti

Pada: bl     tásmāt pā́pīyāñ śréyasaḥ kárṇa āha

Line : 18  Pada: bm     kárṇaḥ kárṇāyāha //


Anuvaka: 4  
Page: 5  
Line : 1  Pada: a     ánv agnír uṣásām ágram akśad íty āha \

Pada: b     ánukśātyā evá \

Pada: c     ā́gatya vājy ádʰvānam̐ sárvā mŕ̥dʰo vídʰūnutā íti

Line : 2  Pada: d     mŕ̥dʰa evá vyā̀stʰata \

Pada: e     aícʰad vā́ etáṃ prajā́patiḥ pū́rvayarcā́ \

Line : 3  Pada: f     ávindad úttarayā \

Pada: g     aíṣīd evaínaṃ pū́rvayarcā́ \

Pada: h     ávidad * úttarayā
      FN Corrigenda. Ed.: ávindad.

Pada: i     dyaús te pr̥ṣṭʰáṃ pr̥tʰivī́ sadʰástʰam íti

Line : 4  Pada: j     dyaúr hy ètásya pr̥ṣṭʰám \

Pada: k     pr̥tʰivī́ sadʰástʰam ātmā́ntárikṣam̐ samudró yónir íti \

Line : 5  Pada: l     ātmā́ hy ètásyāntárikṣam \

Pada: m     samudró yónis \

Line : 6  Pada: n     vikśā́ya cákṣuṣā tvám abʰítiṣṭʰa pr̥tanyatá íti

Pada: o     pr̥tanyántam evā́bʰítiṣṭʰati

Line : 7  Pada: p     yáṃ dviṣyā́t táṃ brūyāt // amúm abʰítiṣṭʰa // íti

Pada: q     tám evā́bʰítiṣṭʰati \

Pada: r     útkrāméty āha \

Line : 8  Pada: s     útkrāntyā evá

Pada: t     yátra vaí yajñásyā́nurūpaṃ kriyáte tád yájamāna r̥dʰnoti \

Pada: u     útkrāmódakramīd íti \

Line : 9  Pada: v     ánurūpam̐ vā́ etát kriyate

Pada: w     yajñásyā́varuddʰyai

Pada: x     kŕ̥ṣṇo vaí bʰūtvā́gnír áśvaṃ prā́viśat

Line : 10  Pada: y     sá etád agacʰad yátra mr̥gaśapʰás \

Pada: z     yád áśvasya padé juhóti \

Line : 11  Pada: aa     agnimáty evá juhoty āyátanavati \

Pada: ab     andʰò 'dʰvaryúḥ syād yád anāyatané juhuyāt \

Pada: ac     etád vaí tád yád āhús \

Line : 12  Pada: ad     mr̥gaśapʰám arénvarāḍ íti

Pada: ae     mánasvatībʰyāṃ juhoti

Pada: af     mánasā hy ā́hutīr āpyánte

Line : 13  Pada: ag     triṣṭúbbʰyāṃ juhoti \

Pada: ah     indriyásyā́varuddʰyai \

Pada: ai     ánnavatībʰyāṃ juhoti \

Pada: aj     annā́dyasyā́varuddʰyai

Line : 14  Pada: ak     gāyatryā́ párilikʰati \

Pada: al     asyā́ evaínaṃ téna párigr̥hṇāti

Pada: am     triṣṭúbʰā \

Line : 15  Pada: an     antárikṣāt téna \

Pada: ao     anuṣṭúbʰā párilikʰati \

Pada: ap     anuṣṭúb vaí sárvāṇi cʰándām̐si paribʰū́s

Line : 16  Pada: aq     tásmād anuṣṭúbʰā párilikʰati

Pada: ar     sāvitraír ábʰrim ā́datte

Pada: as     prásūtyai

Pada: at     dvā́bʰyāṃ kʰanati

Line : 17  Pada: au     dvipā́d yájamānaḥ

Pada: av     prátiṣṭʰityai

Pada: aw     śúg vā́ átra prajā́ r̥cʰati yátrāgníḥ kʰāyáte cīyáte vā

Line : 18  Pada: ax     yád ā́ha

Pada: ay     śiváṃ prajā́bʰyó 'him̐santam íti

Pada: az     prajā́bʰya evaínam̐ śivám akaḥ //


Anuvaka: 5  
Page: 6  
Line : 1  Pada: a     apā́ṃ pr̥ṣṭʰám asī́ty āha \

Pada: b     apā́m̐ hy ètát pr̥ṣṭʰám \

Pada: c     pr̥ṣṭʰénaivaínat pr̥ṣṭʰám akar

Pada: d     yónir agnér íti

Line : 2  Pada: e     yónir vā́ eṣò 'gnér yát puṣkaraparṇám \

Pada: f     nā́bʰir vádʰakaḥ

Pada: g     sáyonir evá sánābʰiḥ sáṃbʰriyate

Line : 3  Pada: h     divó mā́trayā variṇā́ pratʰasvéti \

Pada: i     anáyor evaínam mā́trayā variṇā́ pratʰayati

Line : 4  Pada: j     śárma ca stʰo várma ca stʰā íti kr̥ṣṇājináṃ ca puṣkaraparṇáṃ ca sám̐str̥ṇāti \

Line : 5  Pada: k     imé evā́smā etád dyā́vāpr̥tʰivī́ sám̐str̥ṇāti

Line : 6  Pada: l     vyácasvatī sám̐vasetʰām íti

Pada: m     ná vā́ etán manuṣyā̀ yántum arhanti \

Pada: n     ābʰyā́m evaínaṃ párigr̥hṇāti

Line : 7  Pada: o     kr̥ṣṇājinéna sáṃbʰarati \

Pada: p     eṣá hí paśūnā́m anupajīvanīyátamas \

Line : 8  Pada: q     átʰo āraṇyā́n evá paśū́ñ śucā́rpayati

Pada: r     lomatáḥ sáṃbʰarati \

Pada: s     áto vaí kr̥ṣṇājinásya sádevam \

Line : 9  Pada: t     yajñénaivá yajñám̐ sáṃbʰarati

Pada: u     puṣkaraparṇéna sáṃbʰarati

Line : 10  Pada: v     yónir vā́ eṣò 'gnér yát puṣkaraparṇám \

Pada: w     svénaivaínam̐ yóninā sáṃbʰarati

Pada: x     gāyatrī́bʰir brāhmaṇásya sáṃbʰarati

Line : 11  Pada: y     gāyatró hí brāhmaṇás

Pada: z     triṣṭúbʰā rājanyàsya

Pada: aa     traíṣṭubʰo hí rājanyàs \

Line : 12  Pada: ab     jágatībʰir vaíśyasya

Pada: ac     jā́gato hí vaíśyas

Pada: ad     yáṃ kāmáyeta r̥dʰnuyā́d íti tásya gāyatrī́bʰiś ca triṣṭúbbʰiś ca sáṃbʰaret \

Line : 13  Pada: ae     r̥dʰnóti

Pada: af     purīṣyò 'si viśváṃbʰarā átʰarvā tvā pratʰamó níramantʰad agnā íti

Line : 14  Pada: ag     prajā́patir vā́ átʰarvā

Line : 15  Pada: ah     sá etám ágre 'mantʰat

Pada: ai     sò 'janayat

Pada: aj     svá evaínaṃ mántʰati

Pada: ak     sá janayati

Line : 16  Pada: al     tisŕ̥bʰiḥ sáṃbʰarati

Pada: am     tráyo vā́ imé lokā́s \

Pada: an     ebʰyá evaínaṃ lokébʰyaḥ sáṃbʰarati

Line : 17  Pada: ao     yájus turī́yam \

Pada: ap     digbʰyá evaínaṃ téna sáṃbʰarati

Pada: aq     purovātám̐ vaí vā́tam̐ varṣám anuprátitiṣṭʰati

Line : 18  Pada: ar     varṣám ánv óṣadʰayās \

Pada: as     óṣadʰīr ánu paśávaḥ

Pada: at     paśūn ánu manuṣyā̀s \

Line : 19  Pada: au     etā́ vaí pratiṣṭʰā́s

Pada: av     tā́ yájamānó 'varunddʰe \

Pada: aw     apó devī́r úpasr̥jā mádʰumatīr íty āha \

Line : 20  Pada: ax     óṣadʰīnāṃ prátiṣṭʰityai

Pada: ay     tā́sām āstʰā́nād újjihatām óṣadʰayaḥ supippalā́ íti

Line : 21  Pada: az     tásmād etā́sām āstʰā́nād újjihatām óṣadʰayaḥ supippalā́ḥ

Line : 22  Pada: ba     sáṃ te vāyúr mātaríśvā dadʰātv íti

Pada: bb     tásmād etásyā yát kr̥ṣyáte yát kʰāyáte tát sáṃdʰīyate


Page: 7  
Line : 1  Pada: bc     yád gʰr̥téna juhuyā́ñ śucémā́m arpayet \

Pada: bd     átʰa yád apá upasr̥játi

Line : 2  Pada: be     śamáyaty evá

Pada: bf     yó devā́nāṃ cárasi prāṇátʰena kásmai deva váṣaḍ astu túbʰyam íti

Line : 3  Pada: bg     ṣáḍ vā́ r̥távas \

Pada: bh     r̥túṣu vā́ etád vŕ̥ṣṭiṃ prátiṣṭʰāpayati

Pada: bi     tásmāt sárva r̥távo vŕ̥ṣṭimantaḥ

Line : 4  Pada: bj     sújāto jyótiṣéti

Pada: bk     svargyàm evaínam akar

Pada: bl     vā́so agne viśvárūpam̐ sám̐vyayasva vibʰāvasā íti

Line : 5  Pada: bm     cʰándām̐si vā́ agnér vā́sas \

Pada: bn     cʰándām̐sy eṣá vaste

Line : 6  Pada: bo     cʰándobʰir evaínaṃ páridadāti \

Pada: bp     āgā́mukam enam asmíṃl loké vā́so bʰávaty ánagno 'múṣmiṃl loké bʰavati yá evám̐ véda

Line : 7  Pada: bq     varuṇamenír vā́ eṣá etárhi \

Pada: br     úd u tiṣṭʰa svadʰvaréti \

Line : 8  Pada: bs     ūrdʰvā́m evá varuṇamením útsr̥jati

Pada: bt     dvā́bʰyām útsr̥jati

Pada: bu     dvipā́d yájamānaḥ

Line : 9  Pada: bv     prátiṣṭʰityai

Pada: bw     sá jātó gárbʰo asi ródasyor íti \

Pada: bx     anáyor vā́ eṣá gárbʰas \

Line : 10  Pada: by     ābʰyā́m eṣó 'dʰijāyate \

Pada: bz     ābʰyā́m evaínam ádʰijanayati \

Pada: ca     ágne cā́rur víbʰr̥tā óṣadʰīṣv íti

Line : 11  Pada: cb     tásmāt sárvāsv óṣadʰīṣv agníḥ

Pada: cc     prá mātŕ̥bʰyo ádʰi kánikradad gā íti \

Line : 12  Pada: cd     óṣadʰayo vā́ etásya mātáras

Pada: ce     tā́bʰyā evaínam ádʰi prácyāvayata \

Pada: cf     aícʰad vā́ etáṃ prajā́patiḥ pū́rveṇārdʰar̥céna \

Line : 13  Pada: cg     ánū́ttareṇātiṣṭʰata \

Pada: ch     aíṣīd evaínaṃ pū́rveṇārdʰar̥céna \

Line : 14  Pada: ci     ánū́ttareṇāstʰita //


Anuvaka: 6  
Line : 15  Pada: a     stʰiró bʰava vīḍvàṅgā íti gardabʰá ā́dadʰāti

Pada: b     vīryàm asmin dadʰāti

Line : 16  Pada: c     tásmāt sárveṣāṃ paśūnā́ṃ gardabʰó vīryàvattamas \

Pada: d     vīryàm̐ hy àsmin dádʰāti \

Pada: e     īśvaró vā́ eṣò 'ntarikṣasád bʰūtvā́ prajā́ him̐sitos \

Line : 17  Pada: f     yád ā́ha

Pada: g     śivó bʰava prajā́bʰyā íti

Line : 18  Pada: h     prajā́bʰya evaínam̐ śivám akar

Pada: i     mā́ pādy ā́yuṣaḥ puréti \

Pada: j     ā́yur evā́smindadʰāti

Line : 19  Pada: k     sámaṣṭyai

Pada: l     vŕ̥ṣāgním̐ vŕ̥ṣaṇaṃ bʰárann íti

Pada: m     vŕ̥ṣā hy èṣá vŕ̥ṣaṇaṃ bʰáran \


Page: 8  
Line : 1  Pada: n     apā́ṃ gárbʰam̐ samudríyam íti \

Pada: o     apā́m̐ hy èṣá gárbʰaḥ samudríyas \

Pada: p     ágnā ā́yāhi vītáyā íti \

Line : 2  Pada: q     agnínā vaí múkʰena devā́ imā́ṃl lokā́n abʰyàjayan \

Pada: r     agnínā vā́ etán múkʰena yájamāna imā́ṃl lokā́n abʰíjayati \

Line : 3  Pada: s     r̥tám̐ satyám r̥tám̐ satyám *
      FN probably satyám íti

Pada: t     r̥té caivá satyé ca prátitiṣṭʰati \

Line : 4  Pada: u     iyám̐ vā́ r̥tám

Pada: v     asaú satyám

Pada: w     anáyor evá prátitiṣṭʰati \

Line : 5  Pada: x     áhar vā́ r̥tám \

Pada: y     rā́triḥ satyám

Pada: z     ahorātráyor evá prátitiṣṭʰati \

Pada: aa     óṣadʰayaḥ prátigr̥bʰṇītāgním etám íti \

Line : 6  Pada: ab     óṣadʰīr evaínam̐ samyáñcaṃ dadʰāti

Pada: ac     púṣpavatīḥ supippalā́ íti \

Line : 7  Pada: ad     óṣadʰīr evá pʰálaṃ grāhayati

Pada: ae     tásmād óṣadʰayaḥ śīrṣán pʰálaṃ gr̥hṇanti *
      FN Corrigenda. Ed.: gr̥hṇā́ti.

Line : 8  Pada: af     varuṇamenír vā́ eṣá etárhy úpanaddʰas \

Pada: ag     ví pā́jasā pr̥tʰúnā śóśucānā íti \

Line : 9  Pada: ah     ánurūpeṇaivá varuṇamením̐ víṣyati

Pada: ai     dvā́bʰyām̐ víṣyati

Pada: aj     dvipā́d yájamānaḥ

Line : 10  Pada: ak     prátiṣṭʰityai \

Pada: al     ā́po hí ṣṭʰā́ mayobʰúvā íty apá úpasr̥jati \

Pada: am     ā́po vā́ áśāntasya śámayitrikās

Line : 11  Pada: an     tásmād apá úpasr̥jati

Pada: ao     śā́ntyai

Pada: ap     tisŕ̥bʰir úpasr̥jati

Line : 12  Pada: aq     trivŕ̥d dʰy àgnís \

Pada: ar     varuṇamenír vā́ eṣá etárhi

Pada: as     mitráḥ sam̐sŕ̥jyā pr̥tʰivī́m íti

Line : 13  Pada: at     mitréṇaivá varuṇamením̐ sám̐sr̥jati

Pada: au     rudrā́ḥ sam̐sŕ̥jyā pr̥tʰivī́m íti \

Pada: av     etā́ vā́ etā́m ágre devátāḥ prajā́pataye sámasr̥jan \

Line : 14  Pada: aw     tā́bʰir evaínām̐ sám̐sr̥jati

Line : 15  Pada: ax     pañcábʰiḥ sám̐sr̥jati

Pada: ay     pā́ṅkto yajñás \

Pada: az     yā́vān evá yajñás tám ā́labdʰa //


Anuvaka: 7  
Line : 16  Pada: a     makʰásya śiro 'sī́ty āha

Pada: b     yajñó vaí makʰás

Pada: c     tásya vā́ etáñ śíro yád ukʰā́

Line : 17  Pada: d     mukʰató vā́ etád yajñám ā́labdʰa

Pada: e     vásavas tvā kr̥ṇvantu gāyatréṇa cʰándaséti

Line : 18  Pada: f     cʰándobʰiś ca vā́ eṣā́ devátābʰiś ca kriyate

Pada: g     cʰándobʰiś caivaínāṃ devátābʰiś ca karoti

Line : 19  Pada: h     dʰruvā́si pr̥tʰivy àsī́ti

Pada: i     cʰándasām evaíṣā́śīs \

Pada: j     ádityā rā́snāsy aditiṣ ṭe bílaṃ gr̥bʰṇātv íti yájuṣā karoti \

Line : 20  Pada: k     ayajúṣā hí manuṣyā̀ḥ kurvánti

Page: 9  
Line : 1  Pada: l     vyā́vr̥ttyai

Pada: m     tā́ṃ putrébʰyaḥ prā́yacʰad áditiḥ śrapáyān íti \

Pada: n     ādityā́ vā́ idám̐ smo yán manuṣyā̀n \

Line : 2  Pada: o     tébʰya evaínām̐ saṃprā́dāt

Pada: p     tryùddʰiḥ kāryā̀

Pada: q     tráyo vā́ imé lokā́s \

Line : 3  Pada: r     eṣā́m̐ vā́ eṣā́ lokā́nām ukʰā́ pratimā́ kriyate \

Pada: s     aṣṭastanā́ kāryā̀

Line : 4  Pada: t     gāyatryā́ rūpám \

Pada: u     catustanā́ kāryā̀ \

Pada: v     ádityā dóhāya

Pada: w     dvistanā́ kāryā̀ \

Line : 5  Pada: x     antárikṣam̐ vā́ ukʰā́ \

Pada: y     imaú lokaú stánau

Pada: z     práttau ha vā́ imaú lokau duhe yá evám̐ véda

Line : 6  Pada: aa     vyāmamātrī́ kāryā̀ \

Pada: ab     etā́vad vaí púruṣe vīryàm \

Pada: ac     vīryàsaṃmitā kriyate \

Line : 7  Pada: ad     átʰo etā́vān vaí púruṣe mahimā

Pada: ae     mahimnó 'varuddʰayai \

Pada: af     aratnimātrī́ kāryā̀

Line : 8  Pada: ag     yajñapuruṣāsáṃmitā

Pada: ah     prādeśamātrī́ kāryā̀

Pada: ai     víṣṇunā yajñéna sáṃmitā \

Line : 9  Pada: aj     átʰo prajā́pater evā́nátivādāya

Pada: ak     saptábʰir dʰūpayati

Pada: al     saptá vaí śīrṣán prāṇā́ḥ

Line : 10  Pada: am     śíra etád yajñásya yájuṣā

Pada: an     śīrṣan vā́ etát prāṇā́n dadʰāti

Pada: ao     saptábʰir dʰūpayati

Line : 11  Pada: ap     saptá vaí cʰándasām̐si

Pada: aq     cʰándobʰir evaínāṃ dʰūpayati \

Pada: ar     átʰo bráhma vaí cʰándām̐si

Line : 12  Pada: as     bráhmaṇaivaínāṃ dʰūpayati

Pada: at     vaiṣṇavám̐ vā́ etát pā́tram \

Pada: au     tát sváyā devátayā vyàrdʰayati yád anyā́bʰir devátābʰir dʰūpáyati

Line : 13  Pada: av     yád ā́ha

Pada: aw     víṣṇus tvā dʰūpayatv aṅgirasvád íti

Line : 14  Pada: ax     sváyaivaínaṃ devátayā sámardʰayati \

Pada: ay     ásvaśakéna dʰūpayati

Pada: az     vŕ̥ṣā hy áśvo vŕ̥ṣāgníḥ sámr̥ddʰyai \

Line : 15  Pada: ba     átʰo prājāpatyó vā́ áśvaḥ

Pada: bb     prājāpatyò 'gnís

Pada: bc     tásmād aśvaśakéna dʰūpayati

Line : 16  Pada: bd     sayonitvā́ya //


Anuvaka: 8  
Line : 17  Pada: a     prajā́patir vā́ amanyata

Pada: b     yó vā́ asyā́ ágre vikʰaniṣyáty ā́rtim̐ sá ā́riṣyatī́ti

Line : 18  Pada: c     sá etád yájur apaśyat \

Pada: d     áditiṣ ṭvā devī́ viśvádevyavatī pr̥tʰivyā́ḥ sadʰástʰe aṅgirasvát kʰanatv avaṭéti \

Line : 19  Pada: e     iyám̐ vā́ áditir devī́ viśvádevyavatī \

Pada: f     anáyā vaí sá tád asyā́m akʰanad áhim̐sāyai

Page: 10  
Line : 1  Pada: g     ná hí sváḥ svám̐ hinásti

Pada: h     devā́nāṃ tvā pátnīr devī́r viśvádevyavatīḥ pr̥tʰivyā́ḥ sadʰástʰe aṅgirasvád dadʰatūkʰā íti \

Line : 2  Pada: i     óṣadʰayo vaí devā́nāṃ pátnīr devī́r viśvádevyavatīr

Line : 3  Pada: j     óṣadʰīṣv evaínāṃ prátiṣṭʰāpayati

Line : 4  Pada: k     dʰiṣáṇā tvā devī́ viśvádevyavatī pr̥tʰivyā́ḥ sadʰástʰe aṅgirasvád abʰī̀ndʰātām ukʰā íti

Line : 5  Pada: l     vā́g vaí dʰiṣáṇā devī́ viśvádevyavatī

Pada: m     vācaívaínām abʰī̀nddʰe

Line : 6  Pada: n     gnā́s tvā devī́r viśvádevyavatīḥ pr̥tʰivyā́ḥ sadʰástʰe aṅgirasváñ śrapayantūkʰā íti

Line : 7  Pada: o     cʰándām̐si vaí gnā́ devī́r viśvádevyavatīs \

Pada: p     cʰándobʰirevaínām̐ śrapayati

Line : 8  Pada: q     várūtrī tvā devī́ viśvádevyavatī pr̥tʰivyā́ḥ sadʰástʰe aṅgirasvát pacatām ukʰā íti \

Line : 9  Pada: r     ahorātré vaí várūtrī devī́ viśvádevyavatī

Pada: s     ahorātrā́bʰyām evaínāṃ pacati

Line : 10  Pada: t     jánayas tvā́cʰinnapatrā devī́r viśvádevyavatīḥ pr̥tʰivyā́ḥ sadʰástʰe aṅgirasvát pacantūkʰā íti

Line : 11  Pada: u     nákṣatrāṇi vaí jánayó 'cʰinnapatrā devī́r viśvádevyavatīs \

Line : 12  Pada: v     nákṣatrair evaínāṃ pacati \

Pada: w     etā́ vā́ etā́m ágre devátāḥ prajā́pataye 'pacan \

Line : 13  Pada: x     tásmād etā́ni páṅktimanti yájūm̐ṣi

Pada: y     taír evaínāṃ pacati

Pada: z     dvā́bʰyāṃ pacati

Line : 14  Pada: aa     dvipā́d yájamānaḥ

Pada: ab     prátiṣṭʰityai

Pada: ac     varuṇamenír vā́ eṣá etárhy abʰī̀ddʰas \

Pada: ad     mitrásya carṣaṇīdʰŕ̥tā íti

Line : 15  Pada: ae     mitréṇaivá varuṇamením úpaiti

Pada: af     devás tvā savitódvapatu supāṇíḥ svaṅgurír íti

Line : 16  Pada: ag     savitŕ̥prasūta evaínām údvapati \

Pada: ah     ātmánó 'him̐sāyai \

Line : 17  Pada: ai     úttiṣṭʰa br̥hatī́ bʰavéty ā́ha

Pada: aj     dʰŕ̥tyā eva \

Pada: ak     ávyatʰamānā pr̥tʰivyā́m ā́śā díśā ā́pr̥ṇéti

Line : 18  Pada: al     tásmād agníḥ sárvā díśā ā́bʰāti //

Pada: am     mítraitā́ṃ ta ukʰā́ṃ páridadāmy ábʰittyai \

Page: 11  
Line : 1  Pada: an     eṣā́ mā́ bʰedi // íti

Pada: ao     mitrā́yaivaínāṃ páridadāti \

Line : 2  Pada: ap     ábʰittyai

Pada: aq     yád dʰí mitrā́yā́parittā bʰidyéta púnaḥ kāryā̀ syāt \

Pada: ar     vásavas tvā́cʰr̥ndantu gāyatréṇa cʰándaséti

Line : 3  Pada: as     cʰándobʰiś ca vā́ eṣā́ devátābʰiś ca kriyate

Line : 4  Pada: at     cʰándobʰiś caivaínāṃ devátābʰiś cācʰr̥ṇatti

Pada: au     svénāyátanenājakṣīréṇā́cʰr̥ṇatti \

Pada: av     āgneyám̐ vā́ etát páyo yád ajakṣīrám

Line : 5  Pada: aw     āgneyám etát pā́tram̐ yád ukʰā́

Pada: ax     svéna vā́ etát páyasā sváṃ pā́tram ā́cʰr̥ṇatti

Line : 6  Pada: ay     paramám̐ vā́ etát páyo yád ajakṣīrám \

Pada: az     paramám etát pā́tram̐ yád ukʰā́

Line : 7  Pada: ba     paraméṇa vā́ etát páyasā paramáṃ pā́tram ā́cʰr̥ṇatti //


Anuvaka: 9  
Line : 8  Pada: a     ṣáḍ etā́ny ādʰītayajū́m̐ṣi juhoti

Pada: b     ṣáḍ vā́ r̥távas \

Pada: c     r̥túbʰir vā́ etát pr̥tʰivyā́ vīryàm údyacʰate

Line : 9  Pada: d     nā́nā juhoti

Pada: e     nā́nāvīryā hī̀mé prāṇā́ḥ

Pada: f     prāṇā́nām̐ vídʰr̥tyai

Line : 10  Pada: g     yáṃ kāmáyeta badʰiráḥ syād íti tásya sakŕ̥t sárvāṇy anudrútya juhuyāt

Line : 11  Pada: h     prāṇā́n asya sáṃbʰinatti

Pada: i     badʰiró bʰavati

Pada: j     tásmād badʰiró vācā́ vádati ná śr̥ṇoti

Line : 12  Pada: k     vā́cam̐ hy àsyendriyám anupádyate

Pada: l     prāṇā́ vā́ etā́nī́tarāṇi cʰándām̐si

Line : 13  Pada: m     vā́g anuṣṭúb

Pada: n     yád anuṣṭúbʰā saptamáṃ juhóti

Pada: o     vā́cam̐ vā́ etát prāṇéṣūpasáṃdadʰāti

Line : 14  Pada: p     tásmād iyám̐ vā́k saptamī́ prāṇā́nām \

Pada: q     mā́ sú bʰittʰā mā́ sú riṣā íti právr̥ṇakti \

Line : 15  Pada: r     asuramāyā́ vā́ eṣā́sīt

Pada: s     tā́ṃ devā́ eténa yájuṣāvr̥ñjatāsurī́ māyā́ svadʰáyā kr̥tā́sī́ti

Line : 16  Pada: t     tán māyā́m evaíténa yájamāno bʰrā́tr̥vyasya vr̥ṅkte

Line : 17  Pada: u     dvā́bʰyāṃ právr̥ṇakti

Pada: v     dvipā́d yájamānaḥ

Pada: w     prátiṣṭʰityai

Pada: x     právr̥ñjyād bʰū́tikāmasya

Line : 18  Pada: y     bʰaviṣyád vā́ idám úpajīvāmas \

Pada: z     bʰaviṣyád evópaiti

Pada: aa     śváḥśvaḥ śréyān bʰavati

Line : 19  Pada: ab     jātám ávadadʰyād gatáśrīs \

Pada: ac     jātó vā́ eṣá yó gatáśrīs \

Pada: ad     jāténaivaínaṃ janayati

Line : 20  Pada: ae     bʰráṣṭrād ā́hared yáṃ kāmáyetānnādáḥ syād iti \

Pada: af     eṣá vā́ agnīnā́m annādás \

Line : 21  Pada: ag     annakáraṇaṃ bʰráṣṭram

Pada: ah     annā́dyam asmā ávarunddʰe

Pada: ai     pradāvā́d ā́hared yáṃ kāmáyeta prasenénāsya rāṣṭráṃ jā́yukam̐ syād íti

Page: 12  
Line : 1  Pada: aj     prasenénāsya rāṣṭráṃ jā́yukaṃ bʰavati

Line : 2  Pada: ak     yátaḥ kútaścāhŕ̥tyā́vadadʰyād yáṃ kāmáyeta \ asya pāpmā́ bʰrā́tr̥vyo dvitī́yo jāyetéti \

Line : 3  Pada: al     etád vaí yájamānasyāyátanam \

Pada: am     své vā́vā́smā etád āyátane pāpmā́naṃ bʰrā́tr̥vyaṃ dvitī́yaṃ janayati

Line : 4  Pada: an     drvànnaḥ sarpírāsutir íti krumukáṃ gʰr̥tānvaktám ā́dadʰāti \

Line : 5  Pada: ao     eṣā́ vā́ agnéḥ priyā́ tanū́r yát krumukás

Pada: ap     téjo gʰr̥tám \

Pada: aq     priyáyaivaínaṃ tanvā̀ téjasā ca sámardʰayati

Line : 6  Pada: ar     párasyā ádʰi sam̐vátā íty aúdumbarīm \

Pada: as     devā́ yátrórjam̐ vyábʰajanta táta udumbárā udatiṣṭʰat \

Line : 7  Pada: at     yád aúdumbarī \

Pada: au     ū́rjam evā́varunddʰe

Pada: av     paramásyāḥ parāvátā íti vaíkaṅkatīm

Line : 8  Pada: aw     agnér vaí sr̥ṣṭásya bʰā́ ápākrāmat

Pada: ax     tád víkaṅkataṃ prā́viśat \

Line : 9  Pada: ay     yád vaíkaṅkatī

Pada: az     bʰā́ evā́varunddʰe

Pada: ba     yád agne yā́ni kā́ni céti śamīmáyīm \

Line : 10  Pada: bb     śā́ntyai \

Pada: bc     agnáye vaí ná kíṃcanā́paraśuvr̥kṇam ásvadanta

Pada: bd     tásmai vā́ etáyāsaṅgáḥ prā́yogiḥ * sárvam asvadayat \
      FN Correcturen und Conjecturen zu dem ganzen Werk.

Line : 11  Pada: be     yád agne yā́ni kā́ni céti

Pada: bf     tád agnáya evaítáyā sárvam̐ svadayati

Line : 12  Pada: bg     sárvam asmai svaditáṃ bʰavati

Pada: bh     rā́trīm̐rātrīm áprayāvaṃ bʰárantā íti \

Line : 13  Pada: bi     āśíṣam evā́śāste

Pada: bj     nā́bʰā pr̥tʰivyā́ḥ samidʰānó agním íti

Line : 14  Pada: bk     pr̥tanājítam evaínam akar

Pada: bl     agním̐ vaí sr̥ṣṭám̐ rákṣām̐sy ajigʰām̐san \

Line : 15  Pada: bm     tā́ni vā́ etā́bʰir evā́pāhata

Pada: bn     yā́ḥ sénā abʰī́tvarīr íti

Pada: bo     tád agnér evaítā́bʰī rákṣām̐sy ápahanti \

Line : 16  Pada: bp     etā́ evá samídʰā ā́dadʰyād yátra rákṣobʰyo bibʰīyā́t \

Line : 17  Pada: bq     rákṣasām ápahatyai \

Pada: br     átʰo grā́hukā ha tā́m̐ sámām̐ stenā́n bʰavanti

Pada: bs     tailvakī́m abʰicárann ā́dadʰyāt \

Line : 18  Pada: bt     eṣá vaí vánaspátīnām̐ vájras

Pada: bu     tājág gʰa prámīyate

Pada: bv     yáṃ dviṣyā́t táṃ tárhi mánasā dʰyāyet \

Line : 19  Pada: bw     máno vā́ ā́śīs \

Pada: bx     yó vācá ā́hutim evaínaṃ bʰūtám agnáyé 'pidadʰāti

Line : 20  Pada: by     yó asmábʰyam arātīyā́d yáś ca no dvéṣate jánā íti

Line : 21  Pada: bz     tásmād agnicíto 'ślīláṃ ná kīrtayitavyàm \

Pada: ca     nó agnivídaḥ

Pada: cb     sám̐śitaṃ me bráhma sám̐śitam̐ vīryàṃ bálam íti

Line : 22  Pada: cc     bráhmaṇā vā́ etát kṣatrám̐ sám̐śyati

Page: 13  
Line : 1  Pada: cd     kṣatréṇa bráhmā́tʰo bráhma caívá kṣatráṃ ca sayújā akar

Pada: ce     etád vā́ eṣā́bʰyánūktā //

Line : 2  Pada: cf     bráhma kṣatrám̐ sayújā ná vyatʰete íti

Pada: cg     bráhmā́ha kṣatráṃ jínvati kṣatríyasya /

Line : 4  Pada: ch     kṣatráṃ bráhma jinvati brāhmaṇásya yát samīcī́ kr̥ṇutó vīryā̀ṇi //


Anuvaka: 10  
Line : 5  Pada: a     agníbʰyaḥ // íti kā́māyā́labʰyante

Pada: b     yátkāmo bʰávati sám̐ hāsmai sá kā́mo namati \

Line : 6  Pada: c     ā́prīṇanti

Pada: d     yajñíyān evaínān médʰyān kurvanti

Pada: e     páryagnikr̥tān útsr̥janti \

Line : 7  Pada: f     áyātayāmatvāya \

Pada: g     ékena sám̐stʰāpayanti

Pada: h     yajñásya sáṃtatyā ávicʰedāya

Line : 8  Pada: i     puṣkarā́ bʰavanti

Pada: j     sendriyatvā́ya

Pada: k     triṣṭúbʰo yājyānuvākyā̀ bʰavanti \

Pada: l     indriyásyā́varuddʰyai \

Line : 9  Pada: m     átʰaiṣò 'gnáye vaiśvānarā́ya dvā́daśakapālaḥ

Pada: n     sam̐vatsaró vā́ agnír vaiśvānarás \

Line : 10  Pada: o     eṣā́ vā́ agnéḥ priyā́ tanū́r yád vaiśvānaráḥ

Pada: p     priyáyaivaínaṃ tanvā̀ sámardʰayati \

Line : 11  Pada: q     átʰo áyātayāmatvāyaivá \

Pada: r     áyātayāmā hí vaiśvānaráḥ

Pada: s     śvetám̐ vāyáve niyútvatā ā́labʰeta téjaskāmas \

Line : 12  Pada: t     vāyúr vā́ agnés téjas

Pada: u     tásmād vāyúm agnír ánveti

Line : 13  Pada: v     yád vāyáve \

Pada: w     agnéḥ satejastvā́ya

Pada: x     yád vāyáva ekadʰā́ syā́d unmā́duko yájamānaḥ syāt \

Line : 14  Pada: y     yán niyútvate

Pada: z     dvitīyatvā́ya \

Pada: aa     átʰo dʰŕ̥tyā ánunmādāya

Pada: ab     sárveṣām̐ vā́ eṣá paśūnā́m̐ rūpā́ṇi práti

Line : 15  Pada: ac     yád vāyáva ekadʰā́ syā́d unmā́duko yájamānaḥ syāt \ yád eṣá prājāpatyó dvā́daśakapālas \

Line : 16  Pada: ad     dvitīyatvā́ya \

Pada: ae     átʰo dʰŕ̥tyā ánunmādāya \

Line : 17  Pada: af     átʰaiṣá āgnāvaiṣṇavá ékādaśakapālas \

Pada: ag     agnír vaí sárvā devátās \

Line : 18  Pada: ah     víṣṇur yajñás \

Pada: ai     devátāś caivá yajñáṃ cā́labdʰa \

Pada: aj     átʰaiṣá ādityó gʰr̥té carús \

Pada: ak     ādityā́ vā́ itá uttamā́ḥ svargáṃ lokám āyan \

Line : 19  Pada: al     tébʰya evá prócya svargáṃ lokám eti \

Pada: am     ādityā́ vā́ asmíṃl loká r̥ddʰā́s \

Line : 20  Pada: an     ādityā́ amúṣmin

Pada: ao     puroḍā́śena vaí devā́ asmíṃl loká ā́rdʰnuvan \

Page: 14  
Line : 1  Pada: ap     carúṇāmúṣmin \

Pada: aq     asmínn evá loké puroḍā́śena r̥dʰnóti

Line : 2  Pada: ar     carúṇāmúṣmin \

Pada: as     átʰaiṣò 'gnáye vaiśvānarā́ya dvā́daśakapālas \

Pada: at     devāyatanám̐ vā́ agnír vaiśvānarás \

Line : 3  Pada: au     devāyataná evá pratiṣṭʰā́pyāgníṃ bibʰarti \

Pada: av     átʰo kā́mo vaí vaiśvānarás \

Line : 4  Pada: aw     yátkāmo bʰávati sám̐ hāsmai sá kā́mo namati //

Line : 5  Pada: ax     ity uparikāṇḍe juhūmagrīyaḥ pratʰamaḥ prapāṭʰakaḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.