TITUS
Black Yajur-Veda: Maitrayani-Samhita
Part No. 26
Previous part

Prapathaka: 2  
Anuvaka: 1  
Pada: a     dr̥śānó rukmá uruyā́ víbʰātī́ti rukmáṃ prátimuñcate \

Pada: b     amŕ̥tam̐ vaí híraṇyam \

Line : 6  Pada: c     mr̥tyór etád rūpám̐ yád agnís \

Pada: d     yát pā́śas \

Pada: e     amŕ̥tenaivá mr̥tyúm antárdʰatte \

Pada: f     átʰaité nirbādʰā́s \

Line : 7  Pada: g     devā́ś ca vā́ ásurāś cāspardʰanta

Pada: h     té devā́ etā́n nirbādʰā́n apaśyan \

Line : 8  Pada: i     taír ásurān ebʰyó lokébʰyo nírabādʰanta

Pada: j     tán nirbādʰā́nāṃ nirbādʰatvám \

Pada: k     tád etaír evá nirbādʰaír yájamāno bʰrā́tr̥vyam ebʰyó lokébʰyo nírbādʰate \

Line : 9  Pada: l     ékavim̐śatinirbādʰo bʰavati

Line : 10  Pada: m     prátiṣṭʰityai \

Pada: n     upáriṣṭān nirbādʰáṃ bibʰarti \

Pada: o     adʰástān nirbādʰám̐ sādayati

Line : 11  Pada: p     bʰrā́tr̥vyasya vínuttyai

Pada: q     náktoṣā́sā sámanasā vírūpā íti \

Line : 12  Pada: r     ahorātrā́bʰyām evā́gním ā́dʰatte

Pada: s     dʰāpáyete śíśum ékam̐ samīcī́ íti \

Pada: t     etám̐ hy èté dʰāpáyete śíśum ékam̐ samīcī́

Line : 13  Pada: u     dyā́vākṣā́mā rukmó antár víbʰātī́ti \

Line : 14  Pada: v     eṣá hy ètáyo rukmò 'ntár víbʰāti

Pada: w     devā́ agníṃ dʰārayan draviṇodā́ íti

Line : 15  Pada: x     prāṇā́ vaí devā́ draviṇodā́ḥ

Pada: y     prāṇaír evā́gním údyacʰate

Pada: z     víśvā rūpā́ṇi prátimuñcate kavír íti

Page: 15  
Line : 1  Pada: aa     víśvā hí rūpā́ṇy agníḥ

Pada: ab     prā́sāvīd bʰadráṃ dvipáde cátuṣpadā íty āha

Line : 2  Pada: ac     prásūtyā evá

Pada: ad     ví nā́kam akśat savitā́ váreṇyā íti

Line : 3  Pada: ae     savitŕ̥prasūta evā́gníṃ bibʰarti \

Pada: af     ánu prayā́ṇam uṣáso vírājatī́ti

Pada: ag     tásmād uṣáso vyùṣṭim ánv agnír ā́dʰīyate

Line : 4  Pada: ah     suparṇò 'si garútmān \

Pada: ai     trivŕ̥t te śíras \

Line : 5  Pada: aj     gāyatráṃ cákṣur íti \

Pada: ak     agnér vā́ eṣā́ sáṃbʰr̥tis \

Pada: al     agním etát sáṃbʰarati

Pada: am     tásmāt sáṃbʰarati

Line : 6  Pada: an     tásmāt sárvair áṅgaiḥ paśúr jāyate

Pada: ao     paśúr hy àgnís \

Pada: ap     dívaṃ gacʰa svàḥ patéty āha

Pada: aq     svargásya lokásya sámaṣṭyai \

Line : 7  Pada: ar     átʰaité krámās \

Pada: as     devā́ś ca vā́ ásurāś cāspardʰanta

Line : 8  Pada: at     té devā́ etā́n krámān apaśyan \

Pada: au     taír ásurān ebʰyó lokébʰyaḥ prā́ṇudanta

Pada: av     tā́n anapajayyám ajayan \

Line : 9  Pada: aw     tád etaír evá krámair yájamāno bʰrā́tr̥vyam ebʰyó lokébʰyaḥ práṇudate \

Line : 10  Pada: ax     anapajayyám̐ ha jayati

Pada: ay     ṣáḍudyāvam̐ śikyàṃ bʰavati

Pada: az     ṣáḍ vā́ r̥távas \

Pada: ba     r̥túbʰir evā́gníṃ párigr̥hṇāti \

Line : 11  Pada: bb     uparinābʰí bibʰarti \

Pada: bc     uparinābʰí hy ā̀tmánaḥ sádevam \

Line : 12  Pada: bd     sádeva evá devátā ātmán bibʰarti

Pada: be     yád adʰonābʰí bibʰr̥yā́d yóniṃ nírdahet \

Pada: bf     átʰo 'vádʰainaṃ gʰā́tukam̐ syāt

Line : 13  Pada: bg     prákrāmati

Pada: bh     tásmād grāmyā́ḥ paśávaḥ prérate \

Pada: bi     átʰa yát púnar abʰyāvártate

Line : 14  Pada: bj     tásmāt púnaḥ samā́vartante \

Pada: bk     ūrjā́ vā́ eṣá paśúbʰir utkrā́mant sahótkrāmati

Line : 15  Pada: bl     púnar ūrjā́ nívartasvéti

Pada: bm     tád ū́rjam evá paśū́n púnar ávarunddʰe

Line : 16  Pada: bn     púnarvatīr bʰavanti

Pada: bo     sámr̥ddʰyai

Pada: bp     catasŕ̥bʰir abʰyā́vartate

Pada: bq     cátuṣpādo vaí paśávaḥ

Line : 17  Pada: br     paśū́n evā́varunddʰe \

Pada: bs     ittʰáṃ paryā́vartate \

Pada: bt     evám̐ hí yajñáḥ paryāvártate \

Pada: bu     átʰo amúṣya vā́ etád ādityásyāvŕ̥tam ánu paryā́vartate \

Line : 18  Pada: bv     ā́ tvāhārṣam antár abʰūr íti \

Pada: bw     antár hy èṣá etárhi \

Line : 19  Pada: bx     úd uttamám̐ varuṇa pā́śam asmád íti

Pada: by     varuṇapāśám evónmuñcate \

Pada: bz     ātmánó 'him̐sāyai \

Line : 20  Pada: ca     ágre * br̥hánn uṣásām ūrdʰvó astʰād íti
      FN emended. Ed.: ágne. cf. 2.7.8:85.14

Pada: cb     jyótiṣaivaínam̐ sámardʰayati


Page: 16  
Line : 1  Pada: cc     ham̐sáḥ śuciṣád vásur antarikṣasád íti sādayati

Pada: cd     saptá evaínam̐ hótrāsu prátiṣṭʰāpayati \

Line : 2  Pada: ce     átʰo saptá vā́ eténa sā́ptāny agnér r̥dʰnoti \

Pada: cf     ā́ saptamā́t púruṣād annādó bʰavati

Line : 3  Pada: cg     réto vā́ agnís \

Pada: ch     antárikṣam̐ vaí rétó 'nuṣicyate

Line : 4  Pada: ci     yád adʰó nidadʰyā́d ádʰr̥tāḥ paśūnā́ṃ gárbʰāḥ prapā́dukāḥ syus \

Pada: cj     átʰa yád upári sādáyati \

Line : 5  Pada: ck     antarikṣasádam evaínam akar

Pada: cl     gárbʰāṇāṃ dʰŕ̥tyai

Pada: cm     sūyáte vā́ eṣò 'gnīnā́m̐ yáś cīyáte

Line : 6  Pada: cn     tásmād eṣá āsandīsát

Pada: co     sī́da tváṃ mātúr asyā́ upástʰā íti \

Pada: cp     iyám̐ vā́ agnér yóniḥ

Line : 7  Pada: cq     svá evaínam̐ yónau sám̐veśayati

Pada: cr     tisŕ̥bʰir upatiṣṭʰate

Pada: cs     trivŕ̥d dʰy àgníḥ //


Anuvaka: 2  
Line : 9  Pada: a     átʰaitád vātsaprám

Pada: b     eténa vaí vatsaprī́r bʰālandanò 'gnéḥ priyáṃ dʰā́mārādʰnot

Line : 10  Pada: c     tád agnér evaíténa priyáṃ dʰā́ma rādʰnoti \

Pada: d     āgā́mukam enaṃ priyáṃ bʰavati

Pada: e     vatsapríyam̐ vaí bʰālandanám ā́śayó 'dʰyavadan \

Line : 11  Pada: f     sténā íti

Pada: g     sá etát sūktám apaśyat

Pada: h     té nādʰivādám ápājayat

Line : 12  Pada: i     ténā́pacitim agacʰat

Pada: j     tád adʰivādam evaíténā́pajayati \

Pada: k     ápacitim evá gacʰati

Line : 13  Pada: l     dvādaśábʰir úpatiṣṭʰate

Pada: m     dvā́daśa mā́sāḥ sam̐vatsaráḥ

Pada: n     sam̐vatsarám evā́ptvā́varunddʰe

Line : 14  Pada: o     triṣṭúbʰo bʰavanti \

Pada: p     indriyásyā́varuddʰyai \

Pada: q     anyedyúḥ prakrā́mayaty anyedyúr úpatiṣṭʰate

Line : 15  Pada: r     yogakṣemám̐ vā́ etát prajā́nāṃ dādʰāra

Pada: s     tásmād yāyāvarā́ anyā́ḥ prajā́ḥ kṣemyā́ anyā́s \

Line : 16  Pada: t     átʰa yát prakrámyopatíṣṭʰate

Pada: u     tásmād yāyāvaráḥ kṣemyám abʰipráyāti

Line : 17  Pada: v     tásmād yāyāvarásya kṣemyó 'nnaṃ babʰūva


Page: 17  
Line : 1  Pada: w     yád áhaś ceṣyámāṇaḥ syā́t tád áhar ubʰáyam̐ sámasyet

Pada: x     prá ca krā́med úpa ca tiṣṭʰeta

Pada: y     yogakṣemám̐ vā́ etád annā́dyam̐ yájamāno bʰrā́tr̥vyasya vr̥ṅkte \

Pada: z     úd u tvā víśve devā́ íti

Line : 3  Pada: aa     víśve hī̀dáṃ devā́ḥ smo yán manuṣyā̀s \

Pada: ab     ágne bʰárantu * cíttibʰir íti
      FN emended. Ed.: bʰáranta. cf. 2.7.10:87.9, 3.3.8:40.14

Line : 4  Pada: ac     yásmā evá cittā́yāgnír ādʰīyáte ténainaṃ citténa sámardʰayati

Line : 5  Pada: ad     préd agne jyótiṣmān yāhī́ti

Pada: ae     jyótiṣaivaínam̐ samardʰayitvā́ právāpayati \

Pada: af     ákrandad agníḥ stanáyann iva dyaúr íty ánubrūyād yády * ákṣa utkṣvédet \
      FN emended. Ed.: yád dʰy. cf. KS.19.12:14.18

Line : 6  Pada: ag     īśvaró vā́ eṣá utkṣvédan yájamānasya prajā́ṃ paśū́n nikṣvádas

Line : 7  Pada: ah     tát kraditám evā́syākar

Pada: ai     átʰo śamayitvaívā́śiṣam ā́śāste

Line : 8  Pada: aj     samídʰāgníṃ duvasyatéti gāyatryā́ brāhmaṇásyā́dadʰyāt \

Line : 9  Pada: ak     gāyatró hí brāhmaṇás

Pada: al     triṣṭúbʰā rājanyàsya

Pada: am     traíṣṭubʰo hí rājanyàs \

Pada: an     dvā́bʰyāṃ gāyatrī́bʰyām̐ vaíśyasya

Line : 10  Pada: ao     yé hí dvé gāyatryaù sā́ jágatī \

Pada: ap     átʰo bráhmaṇe vā́ etád víśam ánnaṃ karoti

Line : 11  Pada: aq     yádi bʰásma pratipū́ryetāpsú práveśayet \

Pada: ar     ā́po vā́ agnér yóniḥ

Line : 12  Pada: as     svá evaínad yónau dadʰāti

Pada: at     púrīṣaṃ kuryāt paśúkāmasya

Pada: au     paśávo vaí púrīṣam \

Line : 13  Pada: av     paśumā́n bʰavati \

Pada: aw     íṣṭakā vā sám̐yuyāt

Pada: ax     ténāsya sárvā āgneyī́r íṣṭakā bʰavanti \

Line : 14  Pada: ay     ūrjā́ vā́ eṣá paśúbʰir utsī́dant sahótsīdati

Pada: az     púnar ūrjā́ nívartasvéti

Line : 15  Pada: ba     tád ū́rjam evá paśū́n púnar ávarunddʰe

Pada: bb     bódʰā me asyá vácaso yaviṣṭʰéti bódʰadvatībʰyām úpatiṣṭʰate

Line : 16  Pada: bc     tásmāt prajā́ḥ suptvā́ púnaḥ prábudʰyante

Pada: bd     dvā́bʰyām úpatiṣṭʰate

Line : 17  Pada: be     dvipā́d yájamānaḥ

Pada: bf     prátiṣṭʰityai //


Anuvaka: 3  
Page: 18  
Line : 1  Pada: a     ápeta vī̀ta ví ca sarpatā́tā íty āha

Pada: b     yamadevatyò vā́ ayáṃ lokás \

Line : 2  Pada: c     yamò 'múṣya lokásyā́dʰipatyam ānaśa

Pada: d     yád yamā́d devayájanam ániryācyāgníṃ cinvītā́yamadevatyó 'syāgníḥ syād ásvargyas \

Line : 3  Pada: e     yád ā́ha \

Pada: f     ádād idám̐ yamò 'vasā́naṃ pr̥tʰivyā́ ákrann imáṃ pitáro lokám asā íti

Line : 4  Pada: g     yamā́d vā́ eténāsyā́ devayájanaṃ nírayāciṣṭa

Line : 5  Pada: h     smr̥té devayájane 'gníṃ cinuté yamadevatyó 'syāgnír bʰavati svargé \

Line : 6  Pada: i     úd u gʰnanti

Pada: j     yád evā́syā ayajñiyám amedʰyáṃ tád údgʰnanti

Line : 7  Pada: k     vyāmamātrám údgʰnanti \

Pada: l     etā́vad vaí púruṣe vīryàm \

Pada: m     vīryàsammite cīyate \

Pada: n     átʰo etā́vān vaí púruṣe mahimā́

Line : 8  Pada: o     mahimnó 'varuddʰyai \

Pada: p     ávokṣati

Pada: q     yád evā́syā udgʰnántaḥ krūrám akram̐s tád ákrūram akas

Line : 9  Pada: r     táñ śamayati \

Pada: s     átʰo ā́po vā́ agnér yóniḥ

Line : 10  Pada: t     svá evá yónau cīyate \

Pada: u     agnér bʰásmāsy agnéḥ púrīṣam asī́ti síkatā nívapati \

Line : 11  Pada: v     agnér vā́ etád vaiśvānarásya bʰásma yát síkatā

Pada: w     svá evá bʰásmam̐ś cīyate

Line : 12  Pada: x     yónir vaí síkatā

Pada: y     rétā ū́ṣās \

Pada: z     yát síkatā nyúpyóṣān nivápati

Pada: aa     yónau vā́ etád réto dadʰāti

Line : 13  Pada: ab     tásmād yónau réto hitám \

Pada: ac     tásmād yóne rétaḥ prájāyate

Line : 14  Pada: ad     prajā́patiḥ prajā́ asr̥jata

Pada: ae     tā́ vā́ ū́ṣebʰya evá yóner asr̥jata

Line : 15  Pada: af     prajánanam̐ vā́ ū́ṣāḥ

Pada: ag     prajánane vā́ etád agníś cīyate \

Pada: ah     imé vaí sahā́stām \

Line : 16  Pada: ai     té viyatī́ abrūtām

Pada: aj     ástu nau priyáṃ dʰā́ma sahéti \

Pada: ak     ā́po vā́ asyā́ yajñíyā médʰyās

Line : 17  Pada: al     tā́ amū́s \

Pada: am     ū́ṣā amúṣyā yajñíyā médʰyās

Pada: an     tá imé

Pada: ao     yád ā́paś cóṣāś ca bʰávanti

Line : 18  Pada: ap     yád evaínayor yajñíyaṃ médʰyaṃ tád ávarunddʰe \

Pada: aq     átʰo anáyor evaínaṃ priyé dʰā́man nídʰatte

Line : 19  Pada: ar     saṃjñā́nam̐ vā́ ū́ṣās \

Pada: as     ubʰáye vā́ etā́n paśávo 'bʰisáṃjānate yé grāmyā́ḥ paśávo yé cāraṇyā́s \

Line : 20  Pada: at     ubʰáye hainaṃ paśávo 'bʰisáṃjānate

Pada: au     cátasraḥ prā́cīḥ sādayati

Page: 19  
Line : 1  Pada: av     catvā́ri vaí cʰándām̐si

Pada: aw     cʰándobʰir vaí devā́ḥ svargáṃ lokám āyan \

Line : 2  Pada: ax     té díśā ā́kramanta

Pada: ay     tā́ avlīyanta

Pada: az     tā́ etā́bʰir adr̥m̐han

Pada: ba     yád etā́ upadʰīyánte

Line : 3  Pada: bb     diśā́ṃ dʰŕ̥tyai

Pada: bc     paśávo vā́ íṣṭakās \

Pada: bd     gā́rhapatyam̐ vaí paśávo 'nū́patiṣṭʰante

Line : 4  Pada: be     dvé samī́cī purástād upadádʰāti dvé samī́cī paścā́t \

Pada: bf     ubʰayáta evā́smai samī́caḥ paśū́n úpadadʰāti

Line : 5  Pada: bg     paśūnā́ṃ párigr̥hītyai \

Pada: bh     aṣṭópadadʰāti \

Pada: bi     aṣṭā́kṣarā gāyatrī́

Line : 6  Pada: bj     gāyatrò 'gnís \

Pada: bk     yā́vān evā́gnís táṃ cinute \

Pada: bl     ékavim̐śatiḥ kāryā̀

Line : 7  Pada: bm     prátiṣṭʰityai

Pada: bn     pratiṣṭʰā́ hy èkavim̐śás \

Pada: bo     átʰo ékavim̐śatividʰo hí gā́rhapatyas

Line : 8  Pada: bp     trícitikaḥ kāryàs

Pada: bq     tráyo vā́ imé lokā́s \

Pada: br     imā́n evá lokā́n āpnoti

Line : 9  Pada: bs     páñcacitikaḥ kāryàḥ

Pada: bt     pā́ṅkto yajñás \

Pada: bu     yā́vān evá yajñás tám ā́labdʰa

Line : 10  Pada: bv     catúrbʰiḥ saṃnívapati

Pada: bw     catvā́ri vaí cʰándām̐si

Pada: bx     cʰándobʰir evá saṃnívapati \

Line : 11  Pada: by     átʰo bráhma vaí cʰándām̐si

Pada: bz     bráhmaṇaivá saṃnívapati

Pada: ca     kṣatrám̐ vā́ eṣò 'gnīnām̐ yáś cīyáte

Line : 12  Pada: cb     kṣatrám̐ yá úkʰyas \

Pada: cc     bráhma yájus \

Pada: cd     yád yájuṣā saṃnivápati

Line : 13  Pada: ce     bráhmaṇā vā́ etát kṣatrám̐ sáṃnayati

Pada: cf     tásmād bráhmaṇā kṣatrám̐ sáṃ caiti ví ca

Line : 14  Pada: cg     dvaú vā́ etaú vyāgʰraú sáṃ padyete

Pada: ch     tā́ īśvarā́ áśāntau yájamānam̐ hím̐sitos \

Line : 15  Pada: ci     yád ā́ha

Pada: cj     bʰávataṃ naḥ sámanasau sámokasau sácetasā arepásā íti

Line : 16  Pada: ck     śamáyaty evá

Pada: cl     śāntá evá nyùpyate

Pada: cm     yájamānasyā́him̐sāyai \

Pada: cn     r̥túbʰir vaí pr̥tʰivyā́ vīryàm údyatam \

Line : 17  Pada: co     tád r̥túbʰiḥ púnar vímucyate

Pada: cp     yád ā́ha

Pada: cq     prajā́patir viśvákarmā vímuñcatv íti

Line : 18  Pada: cr     prajā́patir evaínām̐ viśvákarmā vímuñcati //


Anuvaka: 4  
Line : 19  Pada: a     átʰaitā́ nairr̥tī́s

Pada: b     tisrás túṣapakvā bʰavanti \

Pada: c     etád vaí nairr̥tám ánnasya yát túṣāḥ

Line : 20  Pada: d     kr̥ṣṇā́ bʰavanti \

Pada: e     etád dʰí nírr̥tyā rūpám

Pada: f     etā́ṃ díśam̐ haranti \

Pada: g     eṣā́ hí nírr̥tyā dík

Line : 21  Pada: h     tā́ḥ svákr̥tā íriṇe párācīr nídadʰāti \

Pada: i     etád vaí nírr̥tigr̥hītaṃ pr̥tʰivyā́s \

Page: 20  
Line : 1  Pada: j     nírr̥tigr̥hīta evá nírr̥tiṃ nirávadayate

Pada: k     prāṇám evā́sya pratʰamáyā muñcati \

Line : 2  Pada: l     apānáṃ dvitī́yayā

Pada: m     vyānáṃ tr̥tī́yayā \

Pada: n     átʰo tryàkṣaro vaí púruṣas \

Pada: o     yā́vān evá púruṣas táṃ nírr̥tyāḥ pāpmáno muñcati

Line : 3  Pada: p     nírr̥tir vaí kármaṇa upadráṣṭrikā

Line : 4  Pada: q     tā́m̐ vā́ etát svéna bʰāgadʰéyena śamayitvā́tʰa savitŕ̥prasūto 'gníṃ cinute

Line : 5  Pada: r     yáṃ te devī́ nírr̥tir ābabándʰéti jā́lam íṣṭakāsv ádʰyasyati

Pada: s     nirr̥tipāśám evónmuñcate \

Line : 6  Pada: t     ātmánó 'him̐sāyai //

Line : 7  Pada: u     yád asyá pāré rájaso maháś citráṃ jyótir ájātaya /

Line : 8  Pada: v     tán naḥ parṣad * áti dvíṣó 'gne vaiśvānaráḥ // svā́héty apáḥ pariṣiñcán páryeti
      FN Correcturen und Conjecturen zu dem ganzen Werk.

Line : 9  Pada: w     nírr̥tyā ánanvavāyāya

Pada: x     bʰū́tyai námā íty uktvā́vartate

Line : 10  Pada: y     bʰū́tir evá bʰūtvā́vartate \

Pada: z     ātmánó 'him̐sāyai \

Pada: aa     ánapekṣamāṇā ā́yanti

Line : 11  Pada: ab     nírr̥tyā ánanvavāyāya

Pada: ac     parogoṣṭʰáṃ mārjayante

Pada: ad     parogoṣṭʰám evá nírr̥tiṃ nirávadayante \

Line : 12  Pada: ae     indriyéna vā́ eṣá vīryèṇa vyr̥̀dʰyate yó nairr̥tī́r upadʰatté

Line : 13  Pada: af     nivéśanaḥ saṃgámano vásūnām íty aindryā́ gā́rhapatyam úpatiṣṭʰate \

Pada: ag     indriyéṇaivā́tmā́nam̐ sámardʰayati

Line : 14  Pada: ah     triṣṭúbʰópatiṣṭʰate \

Pada: ai     ójo vaí vīryàṃ triṣṭúp \

Line : 15  Pada: aj     ójasy evá vīryè prátitiṣṭʰati

Pada: ak     gā́rhapatyó 'gre cīyate

Pada: al     prátiṣṭʰityai

Pada: am     gā́rhapatye vaí devā́ḥ pratiṣṭʰā́ya prā́ñcaḥ svargáṃ lokám abʰijáyanta āyan

Line : 16  Pada: an     yā́vān púruṣa ūrdʰvábāhus tā́vatā véṇunā vímimīte \

Line : 17  Pada: ao     etā́vad vaí púruṣe vīryàm \

Line : 18  Pada: ap     vīryèṇaivá vímimīte \

Pada: aq     átʰo etā́vān vaí púruṣe mahimā́

Pada: ar     mahimnó 'varuddʰyai

Line : 19  Pada: as     yó vaí vánaspátīnāṃ pʰalagráhitamaḥ sá eṣām̐ vīryàvattamas \

Pada: at     vénur vaí vánaspátīnāṃ pʰalagráhitamaḥ

Line : 20  Pada: au     sá eṣām̐ vīryàvattamas \

Pada: av     ánnam̐ vaí pʰálam

Pada: aw     ánnam arkás \

Line : 21  Pada: ax     arkò 'gnís \

Pada: ay     arkéṇa vā́ etád ánnam arkám agním̐ vímimīte

Pada: az     saptá púruṣān prámimīte

Page: 21  
Line : 1  Pada: ba     saptábʰya evá púruṣebʰyo lokám̐ vindati \

Pada: bb     ā́ saptamā́t púruṣād annādó bʰavati \

Line : 2  Pada: bc     aratnimātráṃ pakṣáyor atyúpadadʰāti

Pada: bd     pakṣáṃbr̥had dʰí váyaḥ

Pada: be     ṣaḍbʰíḥ kr̥ṣati

Line : 3  Pada: bf     ṣāḍ vā́ r̥távas \

Pada: bg     r̥túbʰir evá kr̥ṣati \

Pada: bh     ittʰám abʰyā́vartanta

Pada: bi     kr̥ṣati \

Pada: bj     eṣā́ hí devā́nām āvŕ̥t \

Line : 4  Pada: bk     átʰo amúṣya vā́ etád ādityásyāvŕ̥tam anuparyā́vartante

Pada: bl     tisrástisraḥ sī́tāḥ sáṃpādayati

Line : 5  Pada: bm     trivŕ̥d dʰy àgnís \

Pada: bn     dvā́daśa sī́tā bʰavanti

Pada: bo     dvā́daśa mā́sāḥ sam̐vatsaráḥ

Line : 6  Pada: bp     sam̐vatsarásya vā́ eṣá vidʰā́m anuvídʰīyate \

Pada: bq     iyám̐ vā́ ábibʰet \

Line : 7  Pada: br     agnír mā́tidʰakṣyatī́ti

Pada: bs     yát kr̥ṣáti \

Pada: bt     asyā́ vā́ etád dviguṇáṃ kriyate \

Pada: bu     ánatidāhāya \

Line : 8  Pada: bv     átʰo pr̥tʰivyā́ vā́ etád dviguṇénāgnér vīryàm údyacʰante \

Pada: bw     etā́ṃ díśam útsr̥janti \

Line : 9  Pada: bx     eṣā́ hí devā́nāṃ dík \

Pada: by     átʰo svargám evaínāṃ lokám anū́tsr̥janti //


Anuvaka: 5  
Line : 11  Pada: a     kr̥ṣṭé vapati

Pada: b     kr̥ṣṭé hy óṣadʰayaḥ kṣépiṣṭʰaṃ pratitíṣṭʰanti \

Pada: c     ánnasyānnasya vapaty óṣadʰīnām r̥gbʰis \

Line : 12  Pada: d     bráhma vā́ ŕ̥k \

Pada: e     bráhmaṇaivā́smā annā́dyam ávarunddʰe

Line : 13  Pada: f     caturdaśábʰir vapati

Pada: g     dvā́daśa mā́sāḥ sam̐vatsarás \

Pada: h     átʰa yá eté caturdaśé ahorātré evaíté

Line : 14  Pada: i     tát sam̐vatsaréṇa ca vā́vā́smā etád ahorātrā́bʰyāṃ cānnā́dyam ávarunddʰe \

Line : 15  Pada: j     ánnam̐ vaí pʰálam

Pada: k     ánnam arkás \

Pada: l     arkò 'gnís \

Pada: m     arkéṇa vā́ etád ánnam arkám agním̐ vapati

Line : 16  Pada: n     yásyā́nnasya nivápati yát tásyāśnīyā́d yā́ny ávaruddʰāni taír vyàdʰyeta \

Line : 17  Pada: o     idʰmé tásyā́pikuryāt \

Pada: p     átʰo tán mánasā dʰyāyet

Pada: q     ténaivá tád ávarunddʰe

Pada: r     yádi sárvaṃ ná sam̐vindéd yávān madʰūdyutā́n vapet \

Line : 18  Pada: s     yád yávā grāmyáṃ ténānnā́dyam ávarunddʰe

Line : 19  Pada: t     yán mádʰv āraṇyáṃ téna

Pada: u     ténaivá tád ubʰáyam ávarunddʰe \

Pada: v     átʰaité saṃbʰārā́s \

Pada: w     digbʰyó vā́ etát pr̥tʰivyā́ ū́rjam̐ sáṃbʰarati \

Page: 22  
Line : 1  Pada: x     ūrjy àgníś cīyate

Pada: y     yā́ṃ janátāṃ kāmáyeta kṣódʰukā syād íti \ íṣam ū́rjam ahám itá ā́dī́ti tásyā árdʰād ā́dadīta

Line : 2  Pada: z     kṣódʰukā ha sā́ janátā bʰavati

Line : 3  Pada: aa     kā́maṃ kāmadugʰe dʰukṣva \ íty abʰímr̥śati

Pada: ab     ténāsya sárvā íṣṭakāḥ kāmadúgʰā bʰavanti \

Line : 4  Pada: ac     uttaravedíṃ nívapati \

Pada: ad     uttaravedím íty evā́syāgníś cīyate \

Line : 5  Pada: ae     átʰo yajñaparúṣó 'nantarhityai \

Pada: af     agnír vā́ eṣá nyùpyate yád uttaravedís \

Line : 6  Pada: ag     yád uttaravedíṃ nyúpyāgníṃ cinóti \

Pada: ah     agnaú vā́ etád agníś cīyate \

Pada: ai     ágne táva śrávo vápā íti síkatā nívapati \

Line : 7  Pada: aj     etā́ vaí vaiśvānarī́r íṣṭakā áparimitās \

Line : 8  Pada: ak     etád agnér áparimitaṃ cīyate \

Pada: al     agnér vā́ etád vaiśvānarásya sūktám

Pada: am     eṣā́ vā́ agnéḥ priyā́ tanū́r yad vaíśvānaráḥ

Line : 9  Pada: an     priyā́yām̐ vā́ etát tanvā̀m agníś cīyate

Pada: ao     sátanūr arkó nídʰīyate

Line : 10  Pada: ap     lomaśám̐ vā́ etác cʰándaḥ paśavyàm ūnātiriktám \

Pada: aq     prajánanāya \

Pada: ar     aśītyàkṣaram

Line : 11  Pada: as     eténa vaí devā́ḥ svargáṃ lokám āyan \

Pada: at     tád asyāśītyakṣaratvám \

Pada: au     samudrám̐ vā́ etác cʰándas \

Line : 12  Pada: av     yóniḥ samudráḥ

Pada: aw     sómo retodʰā́s \

Pada: ax     yát saumī́bʰyām̐ vyū́hati

Line : 13  Pada: ay     yónau vā́ etád réto dadʰāti

Pada: az     tásmād yónau réto hitám

Pada: ba     āpyā́navatī bʰavatas

Line : 14  Pada: bb     tásmād yónau rétā ā́pyāyate

Pada: bc     cʰándobʰir vā́ agnír uttaravedím abʰipráhriyate

Line : 15  Pada: bd     yā́ agnaú prahriyámāṇe 'nvāhús tā́ṃ tárhi mánasā dʰyāyet \

Pada: be     cʰándobʰir evaínam uttaravedím abʰipráharati

Line : 16  Pada: bf     mánasā́nvāha \

Pada: bg     ániruktam iva hy ètád ávyāvr̥ttam \

Line : 17  Pada: bh     vyāvŕ̥taṃ pāpmánā bʰrā́tr̥vyeṇa gacʰati \

Pada: bi     áśvaṃ purástān nayanti

Pada: bj     rákṣasām ápahatyai \

Line : 18  Pada: bk     ā́kramayanti

Pada: bl     yá evaínena bʰrā́tr̥vyaḥ sadŕ̥ṅ tám̐ vájreṇā́vabādʰante

Line : 19  Pada: bm     prā́ñcaṃ prákramayanti

Pada: bn     yá evaínaṃ bʰrā́tr̥vyó 'ti tám̐ vájreṇa práṇudate

Pada: bo     pratyáñcam abʰyā́vartayanti

Line : 20  Pada: bp     yá evaínaṃ bʰrā́tr̥vyó 'nu tám̐ vájreṇa prátinudate

Pada: bq     tád bʰrā́tr̥vyasya vā́ eṣá vinodáḥ


Page: 23  
Line : 1  Pada: br     kŕ̥ṣṇo vaí bʰūtvā́gnír áśvaṃ prā́viśat

Pada: bs     sá etád agacʰad yátra mr̥gaśapʰás \

Line : 2  Pada: bt     yád áśvam ākramáyanti

Pada: bu     yád evā́trāgnér nyàktaṃ tásyā́varuddʰyai //


Anuvaka: 6  
Line : 3  Pada: a     tápo yónir asī́ti puṣkaraparṇám úpadadʰāti

Pada: b     yónir vā́ eṣò 'gnér yát puṣkaraparṇám \

Line : 4  Pada: c     nā́bʰir vádʰakaḥ

Pada: d     sáyonir evá sánābʰiś cīyate \

Pada: e     iyám̐ vā́ abibʰet \

Pada: f     agnír mā́tidʰakṣyatī́ti

Line : 5  Pada: g     yát puṣkaraparṇám upadádʰāti \

Pada: h     asyā́ ánatidāhāya \

Pada: i     adʰástānnābʰi sādayati \

Line : 6  Pada: j     óṣadʰīnāṃ prátiṣṭʰityai \

Pada: k     átʰo yè 'psv àgnáyas tā́n evā́varunddʰe

Line : 7  Pada: l     prajā́patiḥ prajā́ ásr̥jata

Pada: m     yā́ḥ purā́ bráhmaṇó 'sr̥jata tā́bʰir nā́rādʰnot \

Line : 8  Pada: n     átʰa yā́ bráhmamukʰā ásr̥jata tā́bʰir arādʰnot \

Pada: o     yád bráhma jajñānáṃ pratʰamám̐ purástād íti rukmám upadádʰāti \

Line : 9  Pada: p     ŕ̥ddʰyai \

Pada: q     r̥dʰnóty evá \

Pada: r     átʰo mitʰunatvā́ya

Pada: s     ná pr̥tʰivyā́m agníś cetavyò nā́ntárikṣe ná divī́ty āhus \

Line : 10  Pada: t     amŕ̥tam̐ vaí híraṇyam

Pada: u     amŕ̥te vā́ etád agníś cīyate

Line : 11  Pada: v     śmaśānacíto vā́ eté cīyante

Pada: w     cítyāṃcityām̐ hiraṇyaśakalám úpāsyati

Line : 12  Pada: x     téna vā́ eṣó 'śmaśānacit

Pada: y     téna svargás \

Pada: z     átʰaiṣá púruṣo hiraṇyáyas \

Line : 13  Pada: aa     yajamānalokám evaíṣá dādʰāra \

Pada: ab     eṣá ha tv èvá yájamāno 'gnínāmúṣmiṃl loké samyáṅ yásyaiṣá upadʰīyáte \

Line : 14  Pada: ac     átʰo mádʰye jyótir evá cīyate

Line : 15  Pada: ad     drapsáś caskanda pr̥tʰivī́m ánu dyā́m íty abʰímr̥śati

Pada: ae     hótrāsv evaínaṃ prátiṣṭʰāpayati \

Line : 16  Pada: af     átʰaitā́ni sarpanāmā́ni

Pada: ag     mr̥tyúr vaí sarpanāmā́ni

Pada: ah     yád upadadʰyā́t pramā́yukaḥ syāt

Line : 17  Pada: ai     tásmād ánudiśati

Pada: aj     sóme vā́ ékā tvíṣis \

Pada: ak     vyāgʰrá ékā

Line : 18  Pada: al     sarpá ekā

Pada: am     tā́ evā́varunddʰe

Pada: an     vāmádevasya rākṣogʰnéna vyā́gʰārayati \

Pada: ao     eténa vaí vāmádevaḥ kusitā́yyāḥ śírā ā́dīpayat \

Page: 24  
Line : 1  Pada: ap     rákṣasām ápahatyai

Pada: aq     pañcábʰir vyā́gʰārayati

Line : 2  Pada: ar     pā́ṅkto yajñás \

Pada: as     yā́vān evá yajñás tám ā́labdʰa \

Pada: at     átʰo yā́vān evá yajñás tásmād rákṣām̐sy ápahanti \

Line : 3  Pada: au     átʰaité srúcau

Pada: av     kārṣmaryamayī́ṃ dakṣiṇatáḥ sādáyati

Pada: aw     rákṣasām ápahatyai

Line : 4  Pada: ax     dakṣiṇató vaí devā́nām̐ yajñám̐ rákṣām̐sy ajigʰām̐san \

Pada: ay     tā́ni kārṣmaryèṇaivā́pāgʰnata

Line : 5  Pada: az     yát kārṣmaryamáyīṃ dakṣiṇatáḥ sādáyati

Pada: ba     rákṣasāmápahatyai

Line : 6  Pada: bb     gʰr̥tásya pūrṇā́ bʰavati \

Pada: bc     eṣā́ vā́ agnéḥ priyā́ tanū́r yád gʰr̥tám \

Pada: bd     priyáyaivaínaṃ tanvā̀ sámardʰayati

Line : 7  Pada: be     gāyatryā́ sādayati

Pada: bf     téjo vaí gāyatrī́ brahmavarcasám \

Line : 8  Pada: bg     téja evá brahmavarcasám ávarunddʰe \

Pada: bh     aúdumbarīm uttaratáḥ sādáyati dadʰnáḥ pūrṇā́m

Line : 9  Pada: bi     ū́rg vā́ udumbáras \

Pada: bj     ánnaṃ dádʰi \

Pada: bk     ūrjy èvā́syā́nnaṃ dadʰāti

Pada: bl     triṣṭúbʰā sādayati \

Pada: bm     ójo vaí vīryàṃ triṣṭúp \

Line : 10  Pada: bn     ója evá vīryàm ávarunddʰe

Pada: bo     pūrṇé sādayati \

Pada: bp     ákṣite yajamānalokám úpatiṣṭʰete

Line : 11  Pada: bq     mūrdʰanvátībʰyām̐ sādayati

Pada: br     mūrdʰanyò 'sānī́ti

Pada: bs     virā́jy agníś cetavyā̀ íty āhuḥ

Line : 12  Pada: bt     srúcau vaí virā́jau

Pada: bu     yát srúcā upadádʰāti

Pada: bv     virā́ji vā́ etád agníś cīyate \

Line : 13  Pada: bw     átʰaiṣā́ svayamātr̥ṇṇā́ \

Pada: bx     iyám̐ vaí pratʰamā́ svayamātr̥ṇṇā́ \

Line : 14  Pada: by     antárikṣaṃ dvitī́yā \

Pada: bz     asaú tr̥tīyā \

Pada: ca     imā́n evá lokā́n úpadʰatte \

Pada: cb     áśvam upagʰrā́yya sādayati

Line : 15  Pada: cc     prajā́paticita evā́sya bʰavati \

Pada: cd     átʰo prāṇā́nām útsr̥ṣṭyai

Pada: ce     bʰū́r asī́ti prā́cīm údūhed yády enaṃ bʰrā́tr̥vyó 'tīva syā́t \

Line : 16  Pada: cf     bʰū́mir asī́ti pratī́cīm̐ yády ánu \

Line : 17  Pada: cg     áditir asi bʰū́mir asī́ti tiráścīm̐ yádi sadŕ̥ṅ \

Pada: ch     iyám̐ vā́ áditis \

Pada: ci     anáyā vā́ etád yájamāno bʰrā́tr̥vyaṃ prábʰūtaṃ práṇudate \

Line : 18  Pada: cj     anáyā prátinudate \

Line : 19  Pada: ck     anáyā vínudate

Pada: cl     tád bʰrā́tr̥vyasya vā́ eṣá vinodáḥ

Pada: cm     kā́ṇḍātkāṇḍāt praróhantī́ti dūrveṣṭakā́m úpadadʰāti \

Line : 20  Pada: cn     óṣadʰīnāṃ prátiṣṭʰityai

Pada: co     kā́ṇḍātkāṇḍād dʰy èṣā́ pratitíṣṭʰati *
      FN emended. Ed.: pratítíṣṭʰatīti


Page: 25  
Line : 1  Pada: cp     paśávo vā́ íṣṭakās \

Pada: cq     ná vaí paśávā ā́yavase ramante

Line : 2  Pada: cr     yád dūrveṣṭakā́m upadádʰāti \

Pada: cs     āyátanam iva vā́ etát kriyate

Pada: ct     paśūnā́m̐ yátyai \

Pada: cu     átʰaiṣā́ vāmabʰŕ̥d dvíryajus \

Line : 3  Pada: cv     yajamānalokám anyéna dādʰā́ra bʰrātr̥vyalokám anyéna vr̥ṅkte \

Line : 4  Pada: cw     etáyā vaí devā́ ásurāṇām̐ vāmáṃ paśū́n avr̥ñjata

Pada: cx     tád vāmabʰŕ̥to vāmabʰr̥ttvám \

Pada: cy     cʰándām̐si vaí devā́nām̐ vāmáṃ paśávas \

Line : 5  Pada: cz     cʰándām̐sy evaítáyā vāmáṃ paśū́n yájamāno bʰrā́tr̥vyasya vr̥ṅkte \

Line : 6  Pada: da     átʰaité retaḥsícau \

Pada: db     iyám̐ virā́ṭ \

Pada: dc     asú svarā́ṭ \

Pada: dd     asā́ evá rétaḥ siñcáti \

Line : 7  Pada: de     iyáṃ prájanayati \

Pada: df     agnír atyannādó bʰavati yásyaité upadʰīyéte

Line : 8  Pada: dg     yádi putrī́ cinvītá pratʰamā́yāṃ cítyām anyā́m upadadʰyā́t \

Pada: dh     uttamā́yām anyā́m \

Line : 9  Pada: di     rétasaḥ siktásya párigr̥hītyai

Pada: dj     yády aputráḥ pratʰamā́yāṃ cítyām ubʰé upadʰéye

Line : 10  Pada: dk     samyáñcau hí bʰūtvā́ rétaḥ siñcátaḥ //


Anuvaka: 7  
Line : 11  Pada: a     átʰaitā́ viśvájyotiṣas \

Pada: b     eṣú vā́ etál * lokéṣu jyótiṣmantam agníṃ nídʰatte \
      FN emended. Ed.: etáṃl

Line : 12  Pada: c     átʰo prāṇā́nām̐ vídʰr̥tyai \

Pada: d     átʰaiṣā́ tryālikʰitā́ \

Pada: e     imé vaí lokā́s tryālikʰitā́ \

Line : 13  Pada: f     imā́n evá lokā́n úpādʰatte \

Pada: g     ubʰáye vā́ etā́m úpādadʰata devā́ś ca vā́ ásurāś ca \

Line : 14  Pada: h     upáriṣṭāllakṣmāṇaṃ devā́ upā́dadʰata \

Pada: i     adʰástāllakṣmāṇam ásurās

Pada: j     táto devā́ ábʰavan

Line : 15  Pada: k     párā́surās \

Pada: l     upáriṣṭāllakṣmāṇam úpadadʰīta bʰrā́tr̥vyavān yó vā́sya priyáḥ syā́t

Line : 16  Pada: m     tásya bʰávaty ātmánā párāsya bʰrā́tr̥vyo bʰavati \

Pada: n     eṣá vā́ asapatnéṣṭakā \

Line : 17  Pada: o     asapatnó bʰavati yá etā́m upadʰatte \

Pada: p     átʰo devalakṣmám̐ vā́ eṣā́

Pada: q     devalakṣmám evópadʰatte

Line : 18  Pada: r     yā́ sókʰā́yā ádʰi mŕ̥d uñśiṣyáte tásyā etā́ṃ kuryā́t

Page: 26  
Line : 1  Pada: s     ténāsya sárvā āgneyī́r íṣṭakā bʰavanti \

Pada: t     átʰaiṣá kūrmáḥ

Pada: u     śmaśānacíto vā́ eté cīyante

Line : 2  Pada: v     jīváḥ kūrmá upadʰéyas

Pada: w     téna vā́ eṣó 'śmaśānacit

Pada: x     ténotpātī́

Line : 3  Pada: y     paśūnā́m̐ vā́ eṣá médʰas \

Pada: z     etám̐ vaí médʰaṃ páśyanta enaṃ paśávo 'múṣmiṃl loká úpatiṣṭʰante

Line : 4  Pada: aa     pratyáñcam̐ sādayati

Pada: ab     pratyáñco hí paśávo médʰam upatíṣṭʰate

Line : 5  Pada: ac     dyāvāpr̥tʰivī́yayā sādayati

Pada: ad     dyā́vāpr̥tʰivī́ hí paśávo 'nūpatíṣṭʰante

Line : 6  Pada: ae     paśúbʰir evaínam̐ samyáñcaṃ dadʰāti

Pada: af     víṣṇor nā́bʰyām agníś cetavyā̀ íty āhuḥ

Line : 7  Pada: ag     prādeśamātrám ulū́kʰalaṃ kāryàm

Pada: ah     etā́vān vaí víṣṇus \

Pada: ai     víṣṇor vā́ etán nā́bʰyām agnís cīyate \

Line : 8  Pada: aj     ūrjy àgníś cetavyā̀ íty āhus \

Pada: ak     ū́rg vā́ udumbarás \

Line : 9  Pada: al     yád aúdumbaram ulū́kʰalaṃ bʰávati \

Pada: am     ūrjí vā́ etád agníś cīyate

Pada: an     vaiṣṇavyā́ sādayati

Line : 10  Pada: ao     vaiṣṇavám̐ hy ùlū́kʰalam \

Pada: ap     sváyaivá devátayā \

Pada: aq     átʰaiṣókʰā́

Pada: ar     pr̥tʰivyā́ vā́ etád ójo vīryàm̐ sáṃbʰriyate \

Line : 11  Pada: as     ójo vā́ etád vīryàṃ madʰyatò 'gnér dʰīyate \

Pada: at     átʰo mádʰye jyótir evá cīyate

Line : 12  Pada: au     yád riktā́m avékṣeta kṣódʰuko yájamānaḥ syāt \

Pada: av     átʰa yát pūrṇām avékṣate

Line : 13  Pada: aw     tátʰā hā́kṣodʰuko bʰavati

Pada: ax     síkatābʰiḥ pūrayitavyā̀ \

Pada: ay     agnér vā́ etád vaiśvānarásya bʰásma yát síkatāḥ

Line : 14  Pada: az     svénaivaínāṃ bʰásmanā prīṇāti

Line : 15  Pada: ba     dadʰnáḥ pūrayitavyā̀ \

Pada: bb     ū́rg vaí dadʰí \

Pada: bc     ūrjám evā́varunddʰe

Pada: bd     hr̥tásya pūrayitavyā̀ \

Pada: be     eṣā́ vā́ agnéḥ priyā́ tanū́r yád gʰr̥tám \

Line : 16  Pada: bf     priyáyaivaínaṃ tanvā̀ sámardʰayati

Pada: bg     mádʰoḥ pūrayitavyā̀ \

Pada: bh     ā́ hāsya prajā́yāṃ madʰavyò jāyate

Line : 17  Pada: bi     vyr̥̀dʰyaindriyā́ṇi vaí paśuśīrṣā́ṇy ayajñiyā́ny amedʰyā́ni

Line : 18  Pada: bj     yác cʰidréṣu hiraṇyaśakalā́ny apy ásyati \

Pada: bk     indriyéṇaivaínāni vīryèṇa sámardʰayati

Line : 19  Pada: bl     médʰyāny enāni yajñíyāni karoti \

Pada: bm     ardʰám̐ vaí púruṣaḥ sahásrasya

Page: 27  
Line : 1  Pada: bn     yácʰanty ardʰám ítare paśávas

Pada: bo     tásmād etán madʰyatá úpadadʰāti \

Pada: bp     abʰítā ítarāṇi

Line : 2  Pada: bq     paśóḥ savīryatvā́ya \

Pada: br     átʰo sāyatanatvā́ya

Pada: bs     yáṃ kāmáyeta paśumā́nt syād íti tásya samīcī́nāni paśuśīrṣā́ṇy úpadadʰyāt

Line : 3  Pada: bt     samī́ca evā́smai paśū́n úpadadʰāti

Line : 4  Pada: bu     paśumā́n bʰavaty

Pada: bv     átʰa yáṃ kāmáyeta \ apaśúḥ syād íti tásya viṣūcī́nāni paśuśīrṣā́ṇy úpadadʰyāt \

Line : 5  Pada: bw     viṣū́ca evā́smai paśū́n úpadadʰāti \

Pada: bx     apaśúr bʰavati \

Line : 6  Pada: by     etā́ vaí sāhasrī́r íṣṭakāḥ paśviṣṭakā́s

Pada: bz     tā́ḥ somadakṣáḥ kauśreyó vidā́ṃcakāra

Line : 7  Pada: ca     tā́ḥ śyā́parṇāyópadadʰau

Pada: cb     sá sahásraṃ paśū́n prā́pa

Pada: cc     prá sahásraṃ paśū́n āpnoti yásyaitā́ upadʰīyánte

Line : 8  Pada: cd     yáviṣṭʰo vaí nā́maiṣò 'gnís

Pada: ce     tásmāc cinvīta * \
      FN emended. Ed.: cinvata

Pada: cf     antarā́ ná vyètavaí

Line : 9  Pada: cg     yád vīyā́t prāṇā́n asya yuveta \

Pada: ch     utsargaír úpatiṣṭʰate \

Pada: ci     āraṇyā́n evá paśū́ñ śúcam anū́tsr̥jati //


Anuvaka: 8  
Line : 11  Pada: a     puruṣaśīrṣám úpadadʰāti \

Pada: b     eṣá hí paśūnā́m̐ vīryávattamas \

Pada: c     vīryàm asmin dadʰāti \

Line : 12  Pada: d     ékam úpadadʰāti \

Pada: e     ekadʰā́smin vīryàṃ dadʰāti

Pada: f     sauryā́ puruṣaśīrṣám abʰíjuhoti

Line : 13  Pada: g     svargásya lokásya sámaṣṭyai

Pada: h     saurī́ vā́ eṣā́ satī́ maitrāvaruṇī́ \

Pada: i     áhar vaí mitrás \

Line : 14  Pada: j     rā́trir váruṇas \

Pada: k     ahorātráyor evá prátitiṣṭʰati \

Pada: l     ardʰar̥cā́bʰyāṃ juhoti \

Pada: m     iyám̐ vā́ ardʰar̥cás \

Line : 15  Pada: n     asā́ ardʰar̥cás \

Pada: o     anáyor evá prátitiṣṭʰati \

Pada: p     átʰa yád ekaya r̥cā́ dvír juhóti

Line : 16  Pada: q     tásmād ékaḥ sán púruṣo dvipā́t \

Pada: r     yád vā́ etát kíṃcā́kar yónim̐ vā́ etád vyàkar

Line : 17  Pada: s     yád etā́ apasyā̀ḥ sādáyati

Pada: t     tásminn evá yónau réto dadʰāti \

Pada: u     iyám̐ vā́ abibʰet \

Page: 28  
Line : 1  Pada: v     agnír mā́tidʰakṣyatī́ti

Pada: w     saítā́ íṣṭakā apaśyat \

Pada: x     átʰo āhuḥ

Line : 2  Pada: y     prajā́patir apaśyad íti

Pada: z     tā́ upādʰatte

Pada: aa     yád etā́ upadʰīyánte \

Pada: ab     asyā́ ánatidāhāya

Line : 3  Pada: ac     yád íd ánnam íti hovāceyáṃ yá etā́ upadádʰātā íti \

Pada: ad     annādó bʰavati yásyaitā́ upadʰīyánte

Line : 4  Pada: ae     tásmād rétasaḥ siktā́d eṣá paśúḥ sáṃbʰavati yád etā́ś cʰandasyā̀ḥ

Line : 5  Pada: af     paśávo vaí cʰándām̐si

Pada: ag     yád dakṣiṇatá upadadʰyā́d abʰīpatáḥ prajā́ váruṇo gr̥hṇīyāt \

Line : 6  Pada: ah     átʰa yád uttaratá upadádʰāti \

Pada: ai     apavāhatá evá \

Pada: aj     átʰaitā́ḥ prāṇabʰŕ̥tas

Line : 7  Pada: ak     tásmin paśaú sáṃbʰūte prāṇáṃ cákṣuḥ śrótram̐ vā́caṃ tā́ni dadʰāti \

Pada: al     akṣṇayā́ sādayati

Line : 8  Pada: am     paśúm̐ vā́ etád ā́kramayati

Pada: an     tásmāt paśávo 'kṣṇayā́ṅgāni praháranto yanti

Line : 9  Pada: ao     daśábʰirdaśabʰir vā́ átā íṣṭakābʰir ŕ̥ṣaya ārdʰnuvan \

Line : 10  Pada: ap     tā́ ŕ̥ddʰīr r̥dʰnoti yásyaitā́ upadʰīyánte \

Pada: aq     átʰaitā́ḥ sam̐yátas \

Pada: ar     réto vā́ etát sicyate yád agníś cīyáte

Line : 11  Pada: as     yád etā́ upadʰīyánte

Pada: at     rétasaḥ siktásya sám̐yatyai

Line : 12  Pada: au     lokáṃ pr̥ṇa cʰidráṃ pr̥ṇéti \

Pada: av     eṣā́ vā́ acʰidreṣṭakā́s \

Pada: aw     ácʰidrā vā́ etáyā cítayaś cīyante \

Line : 13  Pada: ax     indrāgnī́ tvā bŕ̥haspátir íti \

Pada: ay     ójo vaí vīryàm indrāgnī́

Line : 14  Pada: az     ójasā vā́ etád vīryèṇāgníś cīyate

Pada: ba     tā́ asya sū́dadohasā íti

Pada: bb     páruṣiparuṣy evá rásaṃ dadʰāti

Line : 15  Pada: bc     sómam̐ śrīṇanti pŕ̥śnayā íti \

Pada: bd     ánnam̐ vaí pŕ̥śnī \

Pada: be     ánnam evā́varunddʰe

Line : 16  Pada: bf     jánman devā́nām̐ víśā íty āha

Pada: bg     prájātyā evá

Pada: bh     triṣv ā́ rocané divá íti

Line : 17  Pada: bi     sávanāni vaí tŕ̥ṇi rocanā́ni

Pada: bj     savanacítam evaínam akar

Pada: bk     anuṣṭúb vā́ eṣā́

Line : 18  Pada: bl     vā́g vā́ anuṣṭúp

Pada: bm     prāṇó vaí vā́k \

Pada: bn     yád eṣā́ sárvā íṣṭakā anusáṃcarati

Line : 19  Pada: bo     tásmāt prāṇáḥ sárvāṇy áṅgāny anusáṃcarati \

Pada: bp     āgneyī́ vā́ eṣā́ várṇena

Page: 29  
Line : 1  Pada: bq     svéna vā́ etác cʰándasāgníś cīyate

Pada: br     nā́dʰvaryúḥ sán nā́rttim ā́rcʰati yá evám̐ véda //


Anuvaka: 9  
Line : 3  Pada: a     utsannayajñó vā́ eṣá yád agníś cítyaḥ

Pada: b     kó ha tád véda yád etásya kriyáte yán ná \

Line : 4  Pada: c     aśvínau vaí devā́nāṃ bʰiṣájā ákl̥ptasya kalpayitā́rau

Pada: d     yád etā́ āśvinī́r upadʰīyánte \

Line : 5  Pada: e     ákl̥ptasya kŀ̥ptyai

Pada: f     páñcópadadʰāti

Pada: g     pā́ṅkto yajñás \

Pada: h     yā́vān evá yajñás tám ā́labdʰa \

Line : 6  Pada: i     átʰo yā́vān evá yajñás tám acīkl̥pat \

Pada: j     átʰaitā́ āśvinī́r r̥távyā anū́padʰīyante

Line : 7  Pada: k     rétase vā́ etát siktā́ya r̥tū́n úpādʰāt

Pada: l     tásmāt sárveṣv r̥túṣu réto hitám \

Line : 8  Pada: m     tásmāt sárvān r̥tū́n réto 'nuprájāyate \

Pada: n     átʰaitā́ r̥távyā vāyavyā̀ anū́padʰīyante

Line : 9  Pada: o     tásmāt sárvān r̥tū́n vāyúr anvā́varīvarti \

Pada: p     átʰaitā́ vāyavyā̀ ápasyā̀ anū́padʰīyante

Line : 10  Pada: q     tásmāt paśávo nā́nāvratāḥ sánto 'pá evā́bʰí sávratās \

Line : 11  Pada: r     cátasraḥ purástād úpadadʰāti

Pada: s     cáturvidʰam̐ hí śíraḥ

Pada: t     prāṇáś cákṣuḥ śrótram̐ vā́k \

Line : 12  Pada: u     mūrdʰanvátībʰiḥ sādayati

Pada: v     mūrdʰanyò 'sānī́ti

Pada: w     páñcapañcābʰítā úpadadʰāti

Line : 13  Pada: x     paśóḥ savīryatvā́ya \

Pada: y     átʰo sāyatanatvā́ya

Pada: z     tásmāt paśúḥ paścā́d várīyāñ śróṇimattaras

Line : 14  Pada: aa     tásmād u prā́ṅ sám̐hānas \

Pada: ab     índrāgnī ávyatʰamānām íṣṭakāṃ dr̥m̐hatam̐ yuvám íti \

Line : 15  Pada: ac     antárikṣam̐ vā́ eṣā́ cítis \

Pada: ad     antárikṣam imā́ḥ prajā́s \

Line : 16  Pada: ae     indrāgnī́ vaí devā́nām ojobʰŕ̥tau \

Pada: af     ójo vīryàm indrāgnī́

Pada: ag     ójo vā́ etád vīryàṃ madʰyatáḥ prajā́nāṃ dʰīyate \

Line : 17  Pada: ah     átʰaitā́ díśyās \

Pada: ai     devā́ vaí svargáṃ lokám āyan \

Line : 18  Pada: aj     té díśā ā́kramanta

Pada: ak     tā́ avlīyanta

Pada: al     tā́ etā́bʰir adr̥m̐han

Pada: am     yád etā́ upadʰīyánte

Line : 19  Pada: an     diśā́ṃ dʰŕ̥tyai

Pada: ao     páñcópadadʰāti

Pada: ap     pā́ṅkto yajñás \

Pada: aq     yā́vān evá yajñás tám ā́labdʰa

Line : 20  Pada: ar     dáśaitā́ḥ purástāt sādayati

Pada: as     dáśākṣarā virā́ṭ \

Pada: at     virā́ṭ kʰálu vaí cákṣur jyótiś cʰándasām \

Page: 30  
Line : 1  Pada: au     cákṣur vā́ etáj jyótiḥ purástāt paśór dadʰāti

Pada: av     tásmād idáṃ purástāc cákṣus \

Line : 2  Pada: aw     átʰo ánnam̐ vaí virāṭ \

Pada: ax     ánnam̐ vā́ etán mukʰató dadʰāti

Line : 3  Pada: ay     mā́ cʰándaḥ

Pada: az     pramā́ cʰándaḥ

Pada: ba     pratimā́ cʰándā íti \

Pada: bb     iyám̐ vaí mā́ \

Pada: bc     antárikṣaṃ pramā́ \

Pada: bd     asaú pratimā́ \

Line : 4  Pada: be     imā́n evá lokā́n úpadʰatte \

Pada: bf     átʰo devacʰandasā́ni vā́ etā́ni

Pada: bg     devácʰandasā́ny evópadʰatte

Line : 5  Pada: bh     dvā́daśadvādaśābʰítā úpadadʰāti

Pada: bi     tát ṣáṭtrim̐śat

Pada: bj     ṣáṭtrim̐śadakṣarā br̥hatī́

Line : 6  Pada: bk     br̥hatī́ kʰálu vaí cʰándasām̐ svā́rājyam ānaśe

Pada: bl     gácʰati svā́rājyam̐ yásyaitā́ upadʰīyánte

Line : 7  Pada: bm     paśávo vaí br̥hatī́

Pada: bn     paśávo madʰyamā́ cítis

Line : 8  Pada: bo     tásmād etásyāṃ cítyām etā́ úpadʰīyante \

Pada: bp     ādityádʰāmāno vā́ úttare prāṇā́s \

Line : 9  Pada: bq     áṅgirodʰāmānó 'dʰare

Pada: br     mūrdʰā́si rā́ḍ íti

Pada: bs     yá úttare prāṇā́s tā́n etā́bʰir dādʰāra

Line : 10  Pada: bt     yántrī rā́ḍ íti

Pada: bu     yé 'dʰare prāṇā́s tā́n etā́bʰir dādʰāra

Pada: bv     tád eṣā́m̐ vā́vaítā́ḥ prāṇā́nām̐ vídʰr̥tyai

Line : 11  Pada: bw     samāvadbʰā́jaḥ sādayati

Pada: bx     samāvadbʰā́jo hī̀mé prāṇā́ḥ

Line : 12  Pada: by     prāṇā́nām̐ vídʰr̥tyai

Pada: bz     yáṃ dviṣyā́t tásyākṣṇayā́ sādayet

Pada: ca     prāṇā́n asya mohayati

Line : 13  Pada: cb     pramā́yuko bʰavati

Pada: cc     mūrdʰanvátībʰiḥ sādayati

Pada: cd     mūrdʰanyò 'sānī́ti //


Anuvaka: 10  
Line : 15  Pada: a     trivŕ̥dvatīṃ purástāt sādayati

Pada: b     trivŕ̥d vaí yajñamukʰám \

Pada: c     mukʰató vā́ etád yajñamukʰáṃ dadāti

Line : 16  Pada: d     saptadaśávatīṃ dakṣiṇatás \

Pada: e     ánnam̐ vaí saptadaśás \

Pada: f     ánnam̐ vā́ etád dakṣiṇató dadʰāti

Line : 17  Pada: g     tásmād dákṣiṇena hástenā́nnam adyate

Pada: h     tásmād dákṣiṇó 'rdʰa ātmáno vīryàvattaras

Line : 18  Pada: i     tásmād dákṣiṇam árdʰam̐ váyām̐sy ánuparyā́vartante

Pada: j     pañcadaśávatīm uttaratás \

Line : 19  Pada: k     ójo vaí pañcadaśás \

Pada: l     ójo vā́ etád uttarató dadʰāti \

Pada: m     ekavim̐śávatīṃ paścā́t

Line : 20  Pada: n     prátiṣṭʰityai

Pada: o     trivŕ̥dvatīṃ purástāt sādayati

Pada: p     trivŕ̥d vaí yajñamukʰám \

Line : 21  Pada: q     mukʰató vā́ etád yajñamukʰáṃ dadʰāti

Pada: r     pañcadaśávatīṃ dakṣiṇatáḥ sādáyati

Line : 22  Pada: s     saptadaśávatīm uttaratáḥ

Pada: t     pakṣáyoḥ savīryatvā́ya \

Pada: u     átʰo sāyatanatvā́ya

Page: 31  
Line : 1  Pada: v     tásmād ubʰā́bʰyām̐ hástābʰyām ánnam adyate \

Pada: w     átʰo vájro vaí pañcadaśás \

Pada: x     vájreṇa vā́ etád yájamāno bʰrā́tr̥vyam ubʰayáto nírbʰajati \

Line : 2  Pada: y     ekavim̐śávatīṃ paścā́t

Pada: z     prátiṣṭʰityai

Line : 3  Pada: aa     pratiṣṭʰā́ hy èkavim̐śás \

Pada: ab     arkásya vā́ eṣá vidʰā́m anuvídʰīyate \

Line : 4  Pada: ac     ánnam akrás \

Pada: ad     annādó bʰavati yásyaitā́ upadʰīyánte \

Pada: ae     agnér bʰāgò 'si dīkṣā́yā ā́dʰipatyam \

Line : 5  Pada: af     bráhma spr̥tám \

Pada: ag     trivŕ̥t stómā íti

Pada: ah     spŕ̥to vaí nā́maitā́ íṣṭakās \

Line : 6  Pada: ai     etā́bʰir vaí prajā́patir yádyad ákāmayata táttad aspr̥ṇot \

Pada: aj     yádyad evaítā́bʰir yájamānaḥ kāmáyate táttat spr̥ṇoti \

Line : 7  Pada: ak     ékayāstuvata

Pada: al     prajā́ adʰīyantéti

Pada: am     sŕ̥ṣṭayo vaí nā́maitā́ íṣṭakās \

Line : 8  Pada: an     etā́bʰir vaí prajā́patir yádyad ákāmayata táttad asr̥jata

Pada: ao     yádyad evaítā́bʰir yájamānaḥ kāmáyate táttat sr̥jate

Line : 9  Pada: ap     ágne jātā́n práṇudā naḥ sapátnān íti purástāt sādayati

Line : 10  Pada: aq     yá evá jātā́ḥ sapátnās tā́n etáyā práṇudate

Line : 11  Pada: ar     práty ájātān jātavedo nudasvéti paścā́t \

Pada: as     yá evá jātā́ḥ sapátnās tā́n etáyā prátinudate

Line : 12  Pada: at     tád bʰrā́tr̥vyasya vā́ eṣá vinodás \

Pada: au     catuścatvārim̐śī́ stómo várco dráviṇam íti dakṣiṇatáḥ sādayati

Line : 13  Pada: av     ṣoḍaśī́ stómā ójo dráviṇam íty uttaratás \

Line : 14  Pada: aw     cátuścatvārim̐śadakṣarā vaí triṣṭúp \

Pada: ax     vájras triṣṭúp \

Pada: ay     vájraḥ ṣoḍaśī́

Pada: az     savyā́pagrahaṇo vaí vájro dakṣiṇā́praharaṇaḥ

Line : 15  Pada: ba     savyā́pagrahaṇam̐ vā́ etád vájraṃ dakṣiṇā́praharaṇam̐ yájamāno bʰrā́tr̥vyāya práharati

Line : 16  Pada: bb     púrīṣavatīṃ madʰyatáḥ sādayati

Line : 17  Pada: bc     púrīṣam iva hī̀dáṃ madʰyatáḥ paśóḥ

Pada: bd     púrīṣaṃ mádʰyam ātmánaḥ

Pada: be     sā́tmānam evā́gníṃ cinute \

Line : 18  Pada: bf     átʰaitā́ virā́jas \

Pada: bg     vā́g vaí virā́ṭ

Pada: bh     paśávo vā́ etā́ íṣṭakāḥ

Line : 19  Pada: bi     paśúṣu vā́ etád uttamā́m̐ vā́caṃ dadʰāti

Pada: bj     tásmāt paśumā́n uttamā́m̐ vā́cam̐ vadati //

Line : 21  Pada: bk     ity uparikāṇḍe dr̥ṣāno nāma dvitīyaḥ prapāṭʰakaḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.