TITUS
Black Yajur-Veda: Maitrayani-Samhita
Part No. 27
Previous part

Prapathaka: 3  
Anuvaka: 1  
Page: 32  
Line : 1  Pada: a     átʰaitā́ḥ stómabʰāgās \

Pada: b     etā́m̐ vaí bŕ̥haspátir ásurebʰyó 'dʰi yajñásya pratiṣṭʰā́m ā́harat \

Line : 2  Pada: c     yád etā́ upadʰīyánte

Pada: d     yajñásya prátiṣṭʰityai

Pada: e     yajñó vaí devā́nām apadyata

Line : 3  Pada: f     táṃ devā́ḥ stómabʰāgābʰiḥ pratyúdastabʰnuvan

Pada: g     yád etā́ upadʰīyánte

Line : 4  Pada: h     yajñásyóttabdʰyai

Pada: i     prajā́patir vā́ etát pr̥tʰivyā́ agnés téjaḥ sámabʰarat

Pada: j     tád agnér evaítát téjaḥ sáṃbʰriyate \

Line : 5  Pada: k     átʰaitā́ nākasádas \

Pada: l     nā́kam̐ ha vā́ asmā́ agníṃ cikyānā́ya bʰavati

Line : 6  Pada: m     ná vaí tátra kíṃ caná jagmúṣe kam \

Pada: n     tásmān nākasádas \

Line : 7  Pada: o     nākasátsu páñcacūḍā adʰyúpadadʰāti

Pada: p     svargásya lokásya sámaṣṭyai \

Line : 8  Pada: q     eṣá ha tv èvá yájamānaḥ pátnībʰir agnínāmúṣmiṃl loké samyáṅ yásyaitā́ upadʰīyánte \

Line : 9  Pada: r     átʰo mádʰye jyótir evá cīyate \

Pada: s     etā́ vā́ amúṣmiṃl loké yájamānasya pátnīs

Line : 10  Pada: t     tásmād agnicítā strī́ nópetyā́ \

Pada: u     īrṣyā́ hí sā́

Line : 11  Pada: v     paścā́t prā́cīm uttamā́m úpadadʰāti

Pada: w     paścā́d dʰy ètáṃ prā́cī pátny anvā́ste \

Line : 12  Pada: x     átʰaitā́ḥ kŀ̥ptayaḥ

Pada: y     prajā́patiḥ prajā́ asr̥jata

Pada: z     tā́ enam̐ sr̥ṣṭā́ átyamanyanta

Line : 13  Pada: aa     sá prajā́patir etā́ íṣṭakā apaśyat

Pada: ab     tā́ úpādʰatta

Pada: ac     táto vā́ akalpata

Pada: ad     yád etā́ upadʰīyánte

Line : 14  Pada: ae     prajā́nāṃ kŀ̥ptyai \

Pada: af     átʰaitā́ vr̥ṣṭisánayas \

Pada: ag     vŕ̥ṣṭir vaí devébʰyo 'nnā́dyam ápākrāmat

Line : 15  Pada: ah     táta idám̐ sárvam aśuṣyat

Pada: ai     té devā́ḥ prajā́patim evópādʰāvan \

Pada: aj     sá prajā́patir etā́ íṣṭakā apaśyat

Line : 16  Pada: ak     tā́ úpādʰatta

Pada: al     tébʰyo vŕ̥ṣṭim annā́dyam ávārunddʰa

Line : 17  Pada: am     yád etā́ upadʰīyánte

Pada: an     vŕ̥ṣṭyā annā́dyasyā́varuddʰyai \

Pada: ao     āvápanam̐ vā́ uttamā́ cítis \

Line : 18  Pada: ap     anyā́anyā íṣṭakā úpadadʰāti \

Pada: aq     anyā́nanyān evā́smai paśū́n prájanayati

Line : 19  Pada: ar     prāṇó vaí svayamātr̥ṇṇā́yur vāyavyā̀

Pada: as     samī́cī úpadadʰāti \

Pada: at     ā́yuś caivá prāṇáṃ ca sayújā akar

Page: 33  
Line : 1  Pada: au     átʰo samīcī́nābʰyām̐ hy ā́yuṣā ca prāṇéna ca bʰuñjáte

Pada: av     prāṇó vaí svayamātr̥ṇṇā́

Line : 2  Pada: aw     tā́m uttamā́m úpadadʰāti \

Pada: ax     uttamám̐ hy ā́yus \

Pada: ay     yád anyā́m úttarām upadadʰyā́t prāṇám asyā́pidadʰyāt pramā́yukaḥ syāt

Line : 3  Pada: az     tásmāt tā́m uttamā́m úpadadʰāti \

Pada: ba     uttamám̐ hy ā́yuḥ //


Anuvaka: 2  
Line : 5  Pada: a     átʰaiṣā́ cʰandaścitís \

Pada: b     cʰándām̐si vaí devā́nām̐ vāmáṃ paśávas \

Pada: c     cʰándām̐sy evaítáyā vāmáṃ paśū́n yájamānó 'varunddʰe \

Line : 6  Pada: d     etā́m̐ vaí yajñásenaś caitrá úpadadʰe

Line : 7  Pada: e     sá ānardʰa

Pada: f     r̥dʰnóti yá etā́m upadʰatté

Pada: g     gāyatrī́bʰiḥ purástāt sādayati

Line : 8  Pada: h     téjo vaí gāyatrī́ brahmavarcasám \

Pada: i     téja evá brahmavarcasám ávarunddʰe

Line : 9  Pada: j     tisrá úpadadʰāti

Pada: k     trivŕ̥d dʰy àgnís \

Pada: l     mūrdʰanvátībʰiḥ sādayati

Pada: m     mūrdʰanyò 'sānī́ti

Line : 10  Pada: n     triṣṭúbbʰir dakṣiṇatás \

Pada: o     ójo vaí vīryàṃ triṣṭúp \

Pada: p     ója evá vīryàm ávarunddʰe

Line : 11  Pada: q     jágatībʰiḥ paścā́t \

Pada: r     jā́gatāḥ paśávaḥ

Pada: s     paśū́n evā́varunddʰe \

Pada: t     anuṣṭúbbʰir uttaratás \

Line : 12  Pada: u     anuṣṭúb vaí sárvāṇi cʰándām̐si

Pada: v     sárvāṇy evā́sya cʰándām̐sy úpahitāni bʰavanti \

Line : 13  Pada: w     átʰa paṅktī́s \

Pada: x     átʰa br̥hatī́s \

Pada: y     átʰoṣṇíhas \

Pada: z     átʰa kakúbʰas \

Pada: aa     átʰa virā́jas \

Line : 14  Pada: ab     evám asya yatʰāpū́rvaṃ cʰándām̐sy úpahitāni bʰavanti

Pada: ac     dvipadā́ uttamā́ḥ sādayati

Line : 15  Pada: ad     dvipā́d yájamānaḥ

Pada: ae     prátiṣṭʰityai

Pada: af     cʰándām̐si vaí devā́nām̐ vāmáṃ paśávas \

Line : 16  Pada: ag     yajamānāyatanám̐ vā́ āhavanī́yas \

Pada: ah     bʰrātr̥vyāyatanáṃ dʰíṣṇyās \

Line : 17  Pada: ai     yát paścópadadʰyā́d bʰrātr̥vyāyatané vāmáṃ paśū́n dadʰyāt \

Pada: aj     átʰa yát purá upadádʰāti

Line : 18  Pada: ak     yajamānāyatané vā́ etád vāmáṃ paśū́n dadʰāti \

Pada: al     aṣṭópadadʰāti \

Pada: am     aṣṭā́kṣarā gāyatrī́

Line : 19  Pada: an     gāyatrò 'gnís \

Pada: ao     yā́vān evā́gnís táṃ cinute \

Pada: ap     aṣṭaú gāyatrī́bʰiḥ purástād bahiḥpavamānásyópadadʰyād yády enaṃ bʰrā́tr̥vyó 'tīva syā́t \

Page: 34  
Line : 1  Pada: aq     ékādaśa triṣṭúbbʰiḥ purástān mā́dʰyaṃdinasya pávamānasya

Line : 2  Pada: ar     dvā́daśa jágatībʰiḥ purástād ā́rbʰavasya pávamānasya \

Line : 3  Pada: as     etā́ evá paścā́t pávāmanānām úpadadʰyād yády enaṃ bʰrā́tr̥vyó 'tīva syā́t

Line : 4  Pada: at     prāṇó vaí pávāmānas \

Pada: au     agnés téjaḥ pávamānas

Pada: av     téjasā vā́ etád yájamāno bʰrā́tr̥vyaṃ prábʰūtaṃ práṇudate

Line : 5  Pada: aw     téjasā prátinudate

Pada: ax     téjasā vínudate

Pada: ay     tád bʰrā́tr̥vyasya vā́ eṣá vinodás \

Line : 6  Pada: az     jānudagʰnáṃ pratʰamáṃ cinvānáś cinvīta gāyatrīcítam \

Line : 7  Pada: ba     nābʰidagʰnáṃ dvitī́yaṃ cinvānáś cinvīta triṣṭupcítam \

Pada: bb     cubukadagʰnáṃ tr̥tī́yaṃ cinvānáś cinvīta jagaccítam \

Line : 8  Pada: bc     yáj jyā́yām̐saṃ citvā́ kánīyām̐saṃ cinvītá kánīyām̐sam̐ yajñakratúm upeyāt

Line : 9  Pada: bd     kánīyasīṃ prajā́m \

Pada: be     kánīyasaḥ paśū́n

Line : 10  Pada: bf     kánīyo 'nnā́dyam \

Pada: bg     pā́pīyānt syāt \

Pada: bh     átʰa yát kánīyām̐saṃ citvā́ jyā́yām̐saṃ cinuté

Line : 11  Pada: bi     jyā́yām̐sam evá yajñakratúm úpaiti

Pada: bj     bʰū́yasīṃ prajā́m \

Pada: bk     bʰū́yasaḥ paśū́n bʰū́yo 'nnā́dyam \

Line : 12  Pada: bl     vásīyān bʰavati \

Pada: bm     eṣā́ vā́ agnér uttarávatī nā́ma cítis \

Pada: bn     úttaramuttaram̐ śváḥśvaḥ śréyān bʰavati yá evám̐ véda //


Anuvaka: 3  
Line : 14  Pada: a     páñcacitikaḥ kāryàḥ

Pada: b     pā́ṅkto yajñáḥ

Pada: c     pā́ṅktāḥ paśávas

Pada: d     tásmāt páñcacitikaḥ

Line : 15  Pada: e     páñca cítayaḥ

Pada: f     páñca púrīṣāṇi

Pada: g     tád virā́jam̐ saṃpádyate

Pada: h     tád yád virā́jam̐ saṃpádyate tád agnéḥ stotráṃ kāryàm \

Line : 16  Pada: i     yát páñcacitikaḥ syā́d iyā́d virā́jas \

Pada: j     yád dáśacitika iyā́d yajñā́c ca paśúbʰyaś ca

Line : 17  Pada: k     yát páñcacitikas

Pada: l     téna yajñā́c ca paśúbʰyaś ca naíti \

Line : 18  Pada: m     átʰa yát páñca cítayaḥ páñca púrīṣāṇi

Pada: n     téna virā́jo naíti

Pada: o     tád ubʰā́bʰyām̐ vā́vā́smā etád varṇā́bʰyāṃ paśū́n ávarunddʰe

Line : 19  Pada: p     yád eṣāṃ pā́ṅktam̐ yác ca vairājám \

Line : 20  Pada: q     dvyàkṣaraṃ lóma

Pada: r     dvyàkṣarā tvák \

Pada: s     dvyàkṣaraṃ mām̐sám \

Pada: t     dvyàkṣaram ástʰi

Pada: u     dvyàkṣaro majjā́

Line : 21  Pada: v     tád dáśa

Pada: w     dáśākṣarā virā́ṭ \

Pada: x     vairājā́ḥ paśávaḥ

Pada: y     paśū́n evā́varunddʰe

Pada: z     páñcacitikaḥ kāryàs \

Page: 35  
Line : 1  Pada: aa     imé vaí lokā́s tisráś cítayas \

Pada: ab     yájamāno dvé

Pada: ac     yájamānam̐ vā́ etád eṣú lokéṣu pratiṣṭʰāpayā́m akaḥ

Line : 2  Pada: ad     kā́ pratʰamā́ cítiḥ kíṃ púrīṣam íty āhus \

Line : 3  Pada: ae     iyám̐ vā́vá pratʰamā́ cítir óṣadʰayaḥ púrīṣam \

Pada: af     kā́ dvitī́yā cítiḥ kíṃ púrīṣam íty āhus \

Line : 4  Pada: ag     antárikṣam̐ vā́vá dvitī́yā cítir váyām̐si púrīṣam \

Line : 5  Pada: ah     kā́ tr̥tī́yā cítiḥ kíṃ púrīṣam íty āhus \

Pada: ai     asaú vā́vá tr̥tī́yā cítir nákṣatrāṇi púrīṣam \

Line : 6  Pada: aj     kā́ caturtʰī́ cítiḥ kíṃ púrīṣam íty āhus \

Pada: ak     yajñó vā́vá caturtʰī́ cítir dákṣiṇā púrīṣam \

Line : 7  Pada: al     kā́ pañcamī́ cítiḥ kíṃ púrīṣam íty āhus \

Line : 8  Pada: am     yájamāno vā́vá pañcamī́ cítiḥ prajā́ púrīṣam

Pada: an     etā́vad vā́ asti

Pada: ao     yā́vad evā́sti tát spr̥ṇoti

Line : 9  Pada: ap     tád ávarunddʰe \

Pada: aq     átʰaitā́ r̥távyāḥ

Pada: ar     sam̐vatsaró vā́ agnír vaiśvānarás \

Line : 10  Pada: as     eṣā́ vā́ agnéḥ priyā́ tanū́r yád vaiśvānarás

Pada: at     tásya vā́ ahorātrā́ṇy evéṣṭakā úpadʰīyante

Line : 11  Pada: au     dvédve úpadadʰāti

Pada: av     prátiṣṭʰityai \

Pada: aw     ávakām upā́sya sādayati

Line : 12  Pada: ax     śā́ntyā ánirdāhāya

Pada: ay     cátasro madʰyamā́yāṃ cítyām úpadadʰāti \

Pada: az     ápratiṣṭʰitam iva hy àntárikṣam \

Line : 13  Pada: ba     prátiṣṭʰityai

Pada: bb     dvā́daśópadadʰāti

Pada: bc     dvā́daśa mā́sāḥ sam̐vatsaráḥ

Line : 14  Pada: bd     sam̐vatsaró vā́ agnír vaiśvānarás \

Pada: be     eṣā́ vā́ agnéḥ priyā́ tanū́r yád vaiśvānaráḥ

Line : 15  Pada: bf     priyā́yām̐ vā́ etát tanvā́m agníś cīyate

Pada: bg     sátanūr arkó nídʰīyate \

Line : 16  Pada: bh     agnér antaḥśleṣò 'sī́ti \

Pada: bi     etásya ha tv èvā́gníḥ sám̐śliṣṭo yásyaitā́ upadʰīyánte

Line : 17  Pada: bj     sám̐śliṣṭo vā́ etásyāgnír yásyaitā́ upadʰīyánte

Pada: bk     kálpetāṃ dyā́vāpr̥tʰivī́ íti

Line : 18  Pada: bl     kálpate ha vā́ asmā agníṃ cikyānā́ya

Pada: bm     prá samānā́nāṃ jyaíṣṭʰyam āpnoti yá evám̐ véda

Line : 19  Pada: bn     sáṃ vā́ etád agním inddʰe yác cinóti

Pada: bo     táṃ dīpáyaty evá r̥távyābʰiḥ //


Anuvaka: 4  
Line : 21  Pada: a     támo vaí svargáṃ lokám antarā́ tiṣṭʰati \

Pada: b     etā́ vaí jyótiṣmatīr íṣṭakās \

Pada: c     yád dʰiraṇyaśakalaíḥ prokṣáti

Line : 22  Pada: d     vívāsayati vā́ etád yájamānāya

Pada: e     jyótir asmin dadʰāti


Page: 36  
Line : 1  Pada: f     sahásraṃ bʰavanti

Pada: g     sāhasró vaí prajā́patiḥ

Pada: h     prajā́patim evā́pnoti

Line : 2  Pada: i     yā́vad vaí sahásraṃ tā́vad itò 'saú lokáḥ

Pada: j     svargásya lokásya sámaṣṭyai \

Pada: k     imā́ me agnā íṣṭakā dʰenávaḥ santv íti

Line : 3  Pada: l     dʰenávo vaí nā́maitā́ íṣṭakās \

Pada: m     etā́bʰir vaí prajā́patir yádyad ákāmayata tátad áduha

Line : 4  Pada: n     yádyad evaítā́bʰir yájamānaḥ kāmáyate táttad duhé \

Line : 5  Pada: o     r̥tuṣṭʰā́ḥ stʰa r̥tāvŕ̥dʰā íti \

Pada: p     r̥tuṣṭʰā́ evaínā akr̥ta r̥tāvŕ̥dʰas \

Pada: q     gʰr̥taścyúto madʰuścyútā íti

Line : 6  Pada: r     gʰr̥taścyúta evaínā akr̥ta madʰuścyútas \

Pada: s     ū́rjasvatīḥ payasvatīr íti \

Line : 7  Pada: t     ū́rjasvatīr evaínā akr̥ta páyasvatīḥ

Pada: u     svadʰāyínīḥ kulāyínīr íti

Line : 8  Pada: v     kulāyínīr hy ètā́s \

Pada: w     virā́jo nā́ma kāmadúgʰā íti

Pada: x     yátra vā́ adó devébʰyaḥ kāmadúgʰāḥ kā́mam áduhra tád etā́ ápi duduhre

Line : 9  Pada: y     tát púṣṭim evaítā́bʰir ávarunddʰe \

Line : 10  Pada: z     amútrāmúṣmiṃl loká íti \

Pada: aa     amúṣmai hí lokā́yāgníś cīyáte

Line : 11  Pada: ab     rudrám̐ vaí devā́ yajñā́d antárāyan \

Pada: ac     tā́n ā́yatayābʰiparyā́vartata

Pada: ad     tásmād vā́ abibʰayus

Line : 12  Pada: ae     té devā́ḥ prajā́patim evópādʰāvan \

Pada: af     sá prajā́patir etáñ śatarudríyam apaśyat

Line : 13  Pada: ag     ténainam aśamayat

Pada: ah     tád yá evám̐ véda védāha vā́ enaṃ prajā́patis \

Pada: ai     naínam eṣá devó hinasti

Line : 14  Pada: aj     yátra rudráḥ prajā́ḥ śamāyéta tád údaṅ parétyetád evá vádam̐ś cakramyeta

Line : 15  Pada: ak     svā́yām̐ vā́ etád diśí svéna bʰāgadʰéyena rudrám̐ śamayati

Pada: al     jānudagʰné pratʰamáṃ juhoti \

Line : 16  Pada: am     asyā́ evaínaṃ téna śamayati

Pada: an     nābʰidagʰné dvitī́yam

Pada: ao     antárikṣāt téna

Pada: ap     cʰubukadagʰné tr̥tī́yam \

Line : 17  Pada: aq     divás téna

Pada: ar     trír juhoti

Pada: as     tráyo vā́ imé lokā́s \

Pada: at     ebʰyó vā́ etál * lokébʰyo rudrám̐ śamayati
      FN emended. Ed.: etáṃ

Line : 18  Pada: au     trír amútaḥ púnaḥ pratyavahā́raṃ juhoti

Line : 19  Pada: av     yā́n evétó rudrā́n yajati tā́n amútó 'vayajati

Pada: aw     trír itó juhóti trír amútas

Line : 20  Pada: ax     tát ṣáṭ

Pada: ay     ṣáḍ vā́ r̥távas

Pada: az     r̥túbʰyo vā́ etád rudrám ávayajati

Pada: ba     samāvañśó vibʰā́jaṃ juhoti *
      FN emended. Ed.: juhóti

Line : 21  Pada: bb     samāvadbʰā́jo hí rudrā́ṇāṃ bʰāgā́s \

Pada: bc     dvāsā́hāni juhoti

Page: 37  
Line : 1  Pada: bd     dvāsā́hair vaí sá tám aśamayat \

Pada: be     dvāsā́hair evaínam̐ śamayati \

Pada: bf     arkaparṇéna juhoti \

Line : 2  Pada: bg     dvāsā́hair vaí sá tám aśamayat \

Pada: bh     dvāsā́hair evaínam̐ śamayati \

Pada: bi     arkaparṇéna juhoti \

Line : 3  Pada: bj     arkéṇa vā́ etád arkám ávayajati

Pada: bk     yát pā́treṇa juhuyā́d rudráṃ prajā́sv anvávanayet

Pada: bl     tásmād āraṇyéna juhoti

Pada: bm     paśúr vā́ agníḥ

Pada: bn     sá vaí tárhy evá jāyate yárhi cīyáte

Line : 4  Pada: bo     sá bʰāgadʰéyam icʰati

Pada: bp     yátʰā vatsó jātáḥ stánam icʰáti sò 'dʰvaryúṃ ca yájamānáṃ ca prékṣate

Line : 5  Pada: bq     yáñ śatarudríyaṃ juhóti

Pada: br     svénaivaínaṃ bʰāgadʰéyena śamayati

Line : 6  Pada: bs     yā́sā́ uttarārdʰé jagʰanārdʰé śróṇis tásyām̐ hotavyàm \

Line : 7  Pada: bt     svā́yām̐ vā́ etád diśí svéna bʰāgadʰéyena pratihŕ̥tya rudrám̐ śamayati \ *
      FN va Pattern (P) gerundive, (R) vā́ etát

Pada: bu     áṅgiraso vaí svaryánto 'jā́yāṃ gʰarmáṃ prā́siñcan \

Line : 8  Pada: bv     sā́ śócantī parṇáṃ párāmr̥śat

Pada: bw     sò 'rkò * 'bʰavat \
      FN emended. Ed.: 'rkó.

Line : 9  Pada: bx     yád arkaparṇéna juhóti \

Pada: by     arkéṇa vā́ etád arkám ávayajati

Pada: bz     yáṃ dviṣyā́t tásya paśūnā́m̐ saṃcaré nyàsyet \

Line : 10  Pada: ca     yáḥ pratʰamá ākrámati sá ā́rtim ā́rcʰati //


Anuvaka: 5  
Line : 11  Pada: a     áśmann ū́rjaṃ párvate śiśriyāṇā́m íty apáḥ pariṣiñcán páryeti

Pada: b     prajā́pater vā́ eṣá rásaḥ

Line : 12  Pada: c     prajā́pater evá rásena páriṣiñcati \

Pada: d     áśmam̐s te kṣúd íti \

Pada: e     áśmānam evá kṣudʰā́rpayati

Line : 13  Pada: f     máyi tā ū́rg íti \

Pada: g     ātmánn evórjaṃ dʰatte

Pada: h     yáṃ dviṣmás táṃ te śúg r̥cʰatv íti

Line : 14  Pada: i     yám evá dvéṣṭi tám agnéḥ śucā́rpayati

Pada: j     tríḥ pariṣiñcán páryeti

Line : 15  Pada: k     tráyo vā́ imé lokā́s \

Pada: l     ebʰyó vā́ etál * lokébʰyo 'gnéḥ śúcam̐ śamayati
      FN emended. Ed.: etáṃ

Line : 16  Pada: m     tríḥ pariṣiñcán páryeti

Pada: n     trír apariṣiñcán \

Pada: o     tát ṣáṭ

Pada: p     ṣáḍ vā́ r̥távas \

Pada: q     r̥túbʰyo vā́ etád agnéḥ śúcam̐ śamayati

Line : 17  Pada: r     yády abʰicáred etád evá yájur vádann ápariṣiñcan púnaḥ párīyāt \

Line : 18  Pada: s     yaívā́gnéḥ śúk táyainam arpayati

Pada: t     yády abʰicáret // idám ahám amúṣyāmuṣyāyaṇám amúṣmāt putrám amúṣyām̐ diśí prákṣiṇāmi // íti kumbʰáṃ jagʰányāyām̐ śróṇyāṃ prákṣiṇīyāt \

Page: 38  
Line : 2  Pada: u     yát prakṣiṇā́ti

Pada: v     tásyaivā́rtim ánv ā́rtim ā́rcʰati \

Pada: w     átʰa yán nā́ma gr̥hṇā́ti \

Line : 3  Pada: x     āyátanam evā́sya cʰinatti \

Pada: y     āgneyapāvamānyā́ṃ gāyatráṃ gāyate

Pada: z     prāṇó vaí pávamānaḥ

Line : 4  Pada: aa     śíro gāyatrī́

Pada: ab     yád āgneyapāvamānyā́ṃ gāyatráṃ gā́yate

Pada: ac     śīrṣán vā́ etát prāṇā́n dadʰāti \

Line : 5  Pada: ad     iyám̐ vaí ratʰantarám

Pada: ae     antárikṣam̐ vāmadevyám

Pada: af     asaú br̥hát

Line : 6  Pada: ag     tridʰā́tur vā́ etád arkó nídʰīyate \

Pada: ah     ātmā́ vaí vāmadevyám \

Pada: ai     pratiṣṭʰā́ yajñāyajñíyam \

Line : 7  Pada: aj     br̥hadratʰantaré pakṣaú

Pada: ak     yád br̥hadratʰantaré abʰíto gā́yate \

Pada: al     ātmánn evá pakṣaú dʰatte

Line : 8  Pada: am     yajñám̐ vaí devā́nām̐ rákṣām̐sy ajigʰām̐san \

Pada: an     tā́ni br̥hadratʰantarā́bʰyām evā́pāgʰnata

Line : 9  Pada: ao     yád br̥hadratʰantaré abʰíto gā́yate

Pada: ap     rákṣasām ápahatyai

Pada: aq     prajā́pater hŕ̥dayam apipakṣé gāyate

Line : 10  Pada: ar     tásmād idám apipakṣá ātmáno hŕ̥dayam anr̥cáṃ gāyate

Line : 11  Pada: as     tásmād anástʰakam̐ hŕ̥dayam

Pada: at     arkyaìḥ sā́mabʰir arkáṃ páriṣṭuvanti

Pada: au     sátanūr arkó nídʰīyate //


Anuvaka: 6  
Line : 13  Pada: a     varuṇamenír vā́ eṣá etárhy ābʰī̀ddʰas tiṣṭʰati

Pada: b     sá enaṃ tárhy adʰīyā́t

Pada: c     tásya prāṇéna vī́yāt \

Line : 14  Pada: d     máṇḍūkenā́dʰyeti

Pada: e     tásyaivá prāṇéna vyèti

Pada: f     ná grāmyā́n paśū́n hinásti nā́raṇyā́n

Line : 15  Pada: g     ávakayā víkarṣati \

Pada: h     apā́m̐ vā́ eṣā́ yónir yád ávakā \

Pada: i     apā́m̐ vā́ etád yónināgnéḥ śúcam̐ śamayati \

Line : 16  Pada: j     apā́m̐ vā́ etád rūpám̐ yád ávakā \

Pada: k     apā́m̐ vā́ etád rūpéṇāgnéḥ śúcam̐ śamáyati

Line : 17  Pada: l     vetasénā́dʰyeti \

Pada: m     apā́m̐ vā́ etát púṣpam̐ yád vetasás \

Pada: n     apā́m̐ vā́ etát púṣpeṇāgnéḥ śúcam̐ śamáyati

Line : 18  Pada: o     saptábʰir víkarṣati

Pada: p     saptá vaí cʰándām̐si

Line : 19  Pada: q     cʰándobʰir vā́ etád agnéḥ śúcam̐ śamayati * \
      FN emended. Ed.: śamamati.

Pada: r     átʰo bráhma vaí cʰándām̐si

Pada: s     bráhmaṇā vā́ etád agnéḥ śúcam̐ śamayati \

Line : 20  Pada: t     agnír vaí sr̥ṣṭó bʰāgadʰéyam aicʰat

Pada: u     sá prajā́patim evópādʰāvat

Pada: v     tásmā ánnaṃ prā́yacʰat kaṃtvā́ya

Page: 39  
Line : 1  Pada: w     tád asmai kám abʰavat \

Pada: x     ánnam̐ vaí kám

Pada: y     ánnena vā́ etád agním úpacarati

Line : 2  Pada: z     kaṃtvā́ya

Pada: aa     kám̐ hā́smā agníṃ cikyānā́ya bʰavati

Pada: ab     párāñcam ádʰyeti

Line : 3  Pada: ac     párāṅ hí paśúḥ śāntó rátʰe *
      FN Correcturen und Conjecturen zu dem ganzen Werk.

Pada: ad     párāṅ hí paśúḥ réto dádʰāti \

Pada: ae     anyā́m̐s te asmát tapantu hetáyaḥ pāvakó asmábʰyam̐ śivó bʰavéti \

Line : 4  Pada: af     ánnam̐ vaí pāvakám

Pada: ag     ánnena vā́ etád agnéḥ śúcam antárdʰatte

Line : 5  Pada: ah     hiraṇyaśakalaír vyā́gʰārayati \

Pada: ai     amŕ̥tam̐ vaí híraṇyam \

Line : 6  Pada: aj     téjo 'gnís \

Pada: ak     amŕ̥tena vā́ etát téjo vyā́gʰārayati

Pada: al     pañcábʰir vyā́gʰārayati

Line : 7  Pada: am     pā́ṅkto yajñás \

Pada: an     yā́vān evá yajñás tám ā́labdʰa

Pada: ao     dvayā́ vaí devā́ yájamānasya gr̥hám ā́gacʰanti

Line : 8  Pada: ap     yád dadʰnā́ madʰusam̐śliṣṭéna vyavókṣati

Pada: aq     tā́n evá prīṇāti

Line : 9  Pada: ar     sárvam ánu vyávokṣati

Pada: as     sárvān evaínān prīṇāti

Pada: at     tisŕ̥bʰir vyávokṣati

Pada: au     trivŕ̥d dʰy àgnís

Line : 10  Pada: av     triṣṭúbbʰir vyávokṣati \

Pada: aw     indriyásyā́varuddʰyai \

Pada: ax     ánnavatībʰir vyávokṣati \

Pada: ay     annā́dyasyā́varuddʰyai

Line : 11  Pada: az     darbʰagurumuṣṭínā vyávokṣati

Pada: ba     sám̐ hí prājāpatyáḥ

Pada: bb     prāṇaír vā́ eṣá vyr̥̀dʰyate 'gním adʰyéti

Line : 12  Pada: bc     yád ā́ha

Pada: bd     prāṇadā́ apānadā́ íti

Pada: be     prāṇā́n evā́tmán dʰatte

Line : 13  Pada: bf     prajáyā ca vā́ eṣá paśúbʰiś ca vyr̥̀dʰyate yò 'gním adʰyéti

Line : 14  Pada: bg     prajā́ vaí várcaḥ

Pada: bh     paśávo várivas \

Pada: bi     yád ā́ha

Pada: bj     varcodʰā́ varivodʰā́ íti

Pada: bk     prajā́ṃ caivá paśū́m̐ś cātmán dʰitvā́varohati //


Anuvaka: 7  
Line : 16  Pada: a     índro vaí vr̥trám ahan \

Pada: b     sá prā́ṅ apadyata

Pada: c     sá pádyamānā índram̐ ṣoḍaśábʰir bʰogaíḥ páryagr̥hṇāt

Line : 17  Pada: d     sá vā́ agnínaivá vr̥trásya bʰogā́n apidáhya vaiśvakarmaṇā́bʰyāṃ pāpmánas támaso níramucyata \

Line : 18  Pada: e     agnís tigména śocíṣéti yáj juhóti \

Pada: f     agnínā vā́ etát pāpmáno bʰogā́n apidáhya vaiśvakarmaṇā́bʰyāṃ pāpmánas támaso nírmucyate

Line : 20  Pada: g     nā́nā juhoti

Pada: h     sūktáyor nānāvīryatvā́ya

Pada: i     ṣoḍaśagr̥hīténa juhoti

Page: 40  
Line : 1  Pada: j     ṣoḍaśábʰir hí sá táṃ bʰogaíḥ páryagr̥hṇāt \

Pada: k     eténa vaí sá vr̥trásya bʰogébʰyo níramucyata

Line : 2  Pada: l     tát pāpmána evaíténa bʰogébʰyo nírmucyate \

Pada: m     átʰaitád ápratiratʰam

Pada: n     eténa vaí devā́ ásurān pratyàjayan \

Line : 3  Pada: o     tád ápratiratʰasyā́pratiratʰatvam \

Pada: p     tád apraty èvaíténa yájamāno bʰrā́tr̥vyaṃ jayati \

Line : 4  Pada: q     eténaivá yājayet saṃgrāmé

Pada: r     jáyati * saṃgrāmám
      FN emended. Ed.: jayati. cf. 4.3.4:43.3

Pada: s     eténaivá yājayed bʰrā́tr̥vyavantam̐ yó vā́sya priyáḥ syā́t tám \

Line : 5  Pada: t     bʰávaty ātmánā

Pada: u     párāsya bʰrā́tr̥vyo bʰavati \

Line : 6  Pada: v     eténa vaí bʰarádvājaḥ pratárdanaṃ daívodāsim̐ sámanahyat

Pada: w     sá rāṣṭrám ábʰavat \

Line : 7  Pada: x     yáṃ kāmáyeta rāṣṭríyam ayám̐ rāṣṭrám̐ syād íti tám eténa sáṃnahyet \

Pada: y     rāṣṭrám̐ ha bʰavati \

Line : 8  Pada: z     eténa vaí devā́ virā́jam abʰyàjayan

Pada: aa     dáśā́nvāha

Pada: ab     dáśākṣarā virā́ṭ \

Line : 9  Pada: ac     virā́jam evaíténābʰíjayati

Pada: ad     dakṣiṇató vaí devā́nām̐ yajñám̐ rákṣām̐sy ajigʰām̐san \

Line : 10  Pada: ae     tā́ni vā́ ápratiratʰenaivā́pāgʰnata

Pada: af     yád brahmā́pratiratʰaṃ dakṣiṇató vádann éti

Line : 11  Pada: ag     rákṣasām ápahatyai //


Anuvaka: 8  
Line : 12  Pada: a     úd enam uttaráṃ nayéti samídʰā ā́dadʰāti

Pada: b     prahriyámāṇāyaivā́smai bʰāgám akas

Line : 13  Pada: c     tisrá ā́dadʰāti

Pada: d     trivŕ̥d dʰy àgnís \

Pada: e     úd u tvā víśve devā́ íti

Pada: f     víśve hī̀dáṃ devā́ḥ smó * yán manuṣyā̀s \
      FN Corrigenda. Ed.: smo.

Line : 14  Pada: g     ágne bʰárantu * cíttibʰir íti
      FN emended. Ed.: bʰáranta. H, Bb: bʰáraṃta. B: bʰaraṃtu. cf. 2.7.10:87.9

Pada: h     yásmā evá cittā́yāgnír ādʰīyáte ténainaṃ citténa sámardʰayati

Line : 15  Pada: i     páñca díśo daívīr yajñám avantu devī́r íti \

Line : 16  Pada: j     imā́ evaínaṃ páñca díśó 'nu tejasvínaṃ karoti \

Pada: k     uktʰápatrā * ī́ḍyo gr̥bʰītá íti \
      FN emended. Ed.: uttʰápatrā. 2.10.5:136.17: uktʰápatrā

Line : 17  Pada: l     uttʰápatro hy èṣá

Pada: m     parigŕ̥hya yajñám āyann íti

Pada: n     parigŕ̥hya hy ètám̐ yanti

Line : 18  Pada: o     hárikeśaḥ sū́ryaraśmiḥ purástād íti \

Pada: p     asaú vā́ ādityó hárikeśaḥ sū́ryaraśmiḥ purástāt

Line : 19  Pada: q     savitā́ jyótir údayam̐ ájasram íty āha

Pada: r     prásūtyā evá


Page: 41  
Line : 1  Pada: s     tásya pūṣā́ prasavé yāti vidvā́n íti

Pada: t     paśávo vaí pūṣā́

Pada: u     paśū́n evā́varunddʰe

Line : 2  Pada: v     táto vākā́ āśíṣo no juṣantām íti \

Pada: w     āśíṣām̐ vā́ eṣá dóhas \

Line : 3  Pada: x     āśíṣa evá duhe \

Pada: y     índram̐ víśvā avīvr̥dʰann íti vŕ̥dʰadvatyā yanti

Line : 4  Pada: z     vŕ̥ddʰim evópayanti \

Pada: aa     anuṣṭúbʰā yanti

Pada: ab     vā́g vā́ anuṣṭúp \

Pada: ac     vaiśvadevī́ vā́k \

Pada: ad     vaiśvadevò 'gnís

Line : 5  Pada: ae     tásmād anuṣṭúbʰā yanti

Pada: af     ṣaḍbʰír ā́gnīdʰrād yanti

Pada: ag     ṣáḍ vā́ r̥távas \

Pada: ah     r̥túbʰir evá yanti

Line : 6  Pada: ai     vimā́na eṣá divó mádʰya āstā íty áśmānam̐ sādayati

Line : 7  Pada: aj     vimā́no hy àsā́ ādityáḥ svargásya lokásya

Pada: ak     sumnahū́r yajñá ā́ ca vakṣad yákṣad agnír devó devám̐ ā́ ca vakṣad íti \

Line : 8  Pada: al     āśī́r evaíṣá

Pada: am     devahū́r yajñá ā́ ca vakṣad yákṣad agnír devó devám̐ ā́ ca vakṣad íti \

Line : 9  Pada: an     āśíṣa evaíṣá parigrahás \

Pada: ao     vā́jasya mā prasavénodgrābʰéṇódajigrabʰad íti \

Line : 10  Pada: ap     asaú vā́ ādityá udgrābʰás \

Pada: aq     eṣá nigrābʰás \

Line : 11  Pada: ar     udyán vā́ etád yájamānam udgr̥hṇā́ti

Pada: as     nimrócann asya bʰrā́tr̥vyaṃ nígr̥hṇāti \

Line : 12  Pada: at     udgrābʰáś ca nigrābʰáś céti

Pada: au     bráhma vā́ udgrābʰás \

Pada: av     bráhma nigrābʰás \

Pada: aw     bráhmaṇā vā́ etád yájamānam udgr̥hṇā́ti

Line : 13  Pada: ax     bráhmaṇāsya bʰrā́tr̥vyaṃ nígr̥hṇāti \

Pada: ay     átʰā sapátnān indrāgnī́ me viṣū́cīnān vyàsyatām íti \

Line : 14  Pada: az     ójo vaí vīryàm indrāgnī́

Pada: ba     ójasā vā́ etád vīryèṇa yájamāno bʰrā́tr̥vyam̐ víṣvañcam̐ vínudate

Line : 15  Pada: bb     catúrbʰir ā́havanī́yād yanti

Line : 16  Pada: bc     catvā́ri vaí cʰándām̐si

Pada: bd     cʰándobʰir evá yanti \

Pada: be     átʰo bráhma vaí cʰándām̐si

Line : 17  Pada: bf     bráhmaṇaivá yanti //


Anuvaka: 9  
Line : 18  Pada: a     krámadʰvam agnínā nā́kam íty āha

Pada: b     svargásya lokásya sámaṣṭyai

Pada: c     diváḥ pr̥ṣṭʰám̐ svàr gatvéti

Line : 19  Pada: d     pr̥ṣṭʰéna hí yánti \

Pada: e     ū́rjaṃ no dʰehi dvipáde cátuṣpadā íti

Pada: f     dvipā́tsu caivá cátuṣpātsu ca paśúṣū́rjaṃ dadʰāti \

Line : 20  Pada: g     iyakṣamāṇā bʰŕ̥gubʰiḥ sahéti

Pada: h     bʰŕ̥gavo hy ágre yajñénā́rdʰnuvann

Page: 42  
Line : 1  Pada: i     ŕ̥ddʰyai

Pada: j     pr̥tʰivyā́ ahám úd antárikṣam ā́ruham

Pada: k     antárikṣād dívam ā́ruham íti \

Line : 2  Pada: l     eṣā́m̐ vā́ eṣá lokā́nām̐ samāroháḥ

Pada: m     pañcábʰir ā́kramate

Line : 3  Pada: n     pā́ṅkto yajñás \

Pada: o     yajñéna vā́ etád yajñám abʰyā́rohati \

Pada: p     ápratinodāya

Pada: q     kr̥ṣṇā́yāḥ śvetávatsāyāḥ páyasā juhoti \

Line : 4  Pada: r     áhar vaí vatsás \

Pada: s     rā́trir mātā́ \

Pada: t     áhne vā́ etád rā́trīṃ prádāpayati

Line : 5  Pada: u     prátte ha vā́ ahorātré duhe yá evám̐ véda

Pada: v     sárve vaí paśávo nā́nārūpāḥ sántaḥ páya evá práty ékarūpā * * \
      FN < ékarūpās
      FN Corrigenda. Ed.: ekarūpā.

Line : 6  Pada: w     yád evá prátyekarūpās tád enān práty ávarunddʰe

Line : 7  Pada: x     náktoṣā́sā \

Pada: y     ágne sahasrākṣa

Pada: z     suparṇò 'si garútmān

Pada: aa     pr̥ṣṭʰé pr̥tʰivyā́ḥ sīdéti \

Line : 8  Pada: ab     eṣá vā́ etál * lokéṣu jyótiṣmantam agníṃ nidʰatté \
      FN emended. Ed.: etáṃ

Pada: ac     átʰo prāṇā́nām̐ vídʰr̥tyai

Line : 9  Pada: ad     dvā́bʰyām̐ sādayati

Pada: ae     dvipā́d yájamānaḥ

Pada: af     prátiṣṭʰityai \

Pada: ag     ā́juhvānaḥ suprátīkaḥ purástād íty āha

Line : 10  Pada: ah     svargásya lokásya sámaṣṭyai

Pada: ai     tā́m̐ savitúr váreṇyasya citrā́m íti \

Line : 11  Pada: aj     etám̐ vaí káṇvaḥ śrāvayasò 'gnér dóham̐ vidā́ṃcakāra \

Pada: ak     agnér vā́ eṣá dóhas \

Line : 12  Pada: al     agním̐ vā́ eténāgnicíd duhe

Pada: am     sárvān ha vā́ asmā agnír dóhānt sárvān kā́mān duhe ya evám̐ véda

Line : 13  Pada: an     vidʰéma te paramé jánmann agnā íty āha

Line : 14  Pada: ao     ŕ̥ddʰyā evá

Pada: ap     préddʰo agne dīdihi puró nā íti \

Pada: aq     eṣā́ vaí kárṇakavatī sūrmy ájasraṃ jyótis \

Line : 15  Pada: ar     ájasram̐ vā́vā́smā etáj jyótir ápyadʰāt \

Pada: as     etā́m̐ vaí vāsiṣṭʰáḥ sātyahavyáḥ sattríṇā ā́sīnān papracʰa

Line : 16  Pada: at     vidá kárṇakavatīm̐ sūrmī́m íti

Line : 17  Pada: au     vidméti hocur * yā́ váneṣu tā́m̐ vidméti
      FN Corrigenda. Ed.: hotur.

Pada: av     paśávo vā́ etásyāḥ kárṇāḥ

Line : 18  Pada: aw     paśumā́n bʰavati \

Pada: ax     etā́m̐ vaí vájram̐ śatagʰnī́m̐ vigʰnī́ṃ devā́ ásurebʰya upaprā́vartayan \

Line : 19  Pada: ay     téṣām̐ śatatárham atr̥m̐han * \
      FN Correcturen und Conjecturen zu dem ganzen Werk.

Pada: az     tád etā́m evá vájram̐ śatagʰnī́m̐ vigʰnī́m̐ yájamāno bʰrā́tr̥vyāyopaprā́vartayati

Line : 20  Pada: ba     śatatárham̐ ha tr̥m̐hati * \
      FN Correcturen und Conjecturen zu dem ganzen Werk.

Pada: bb     ágne tám adyéti paṅktyā́ juhoti

Line : 21  Pada: bc     yájamāno vaí paṅktís \

Pada: bd     yájamānam̐ vā́ etád virā́ji pratiṣṭʰāpayā́m akar

Line : 22  Pada: be     átʰo paṅktyaívā́hutyā yajñám ā́labʰate

Pada: bf     saptá te agne samídʰaḥ saptá jihvā́ íti \

Page: 43  
Line : 1  Pada: bg     etā́vatīr vā́ agnés tanvàḥ ṣoḍʰā́ saptásapta

Pada: bh     yó vā́ asyaitā́ agníṃ cikyānó vitarṣayati ví ha tr̥ṣyati

Line : 2  Pada: bi     tā́ evā́sya tarpayati

Line : 3  Pada: bj     cítiṃ juhomi mánaséti \

Pada: bk     eṣā́ vā́ agnér ádābʰyā́hutir vaiśvakarmaṇī́

Pada: bl     naínaṃ bʰrā́tr̥vyo dabʰnoti \

Line : 4  Pada: bm     agníṃ cikyānáṃ prá samānā́nā jyaíṣṭʰyam āpnoti yá evám̐ véda \

Line : 5  Pada: bn     agnír vā́ amanyata

Pada: bo     ná vā́ ahám idám abʰāgadʰeyás

Pada: bp     téjo yam̐syāmī́ti

Line : 6  Pada: bq     tád eténa bʰāgadʰéyenāyacʰat \

Pada: br     etád vā́ agnír agnihotrám

Pada: bs     agním̐ vā́ eténāgnicíd yacʰati

Line : 7  Pada: bt     sárvān ha vā́ asmā agnír dóhānt sárvān kā́mān duhe yá evám̐ véda

Line : 8  Pada: bu     sám̐ vā́ etád agním inddʰe yác cinóti

Pada: bv     táṃ dīpáyaty evā́gnír agnihotréṇa //


Anuvaka: 10  
Line : 9  Pada: a     átʰaiṣò 'gnáye vaiśvānarā́ya dvā́daśakapālaḥ

Pada: b     sam̐vatsaró vā́ agnír vaiśvānaráḥ

Line : 10  Pada: c     sam̐vatsarám evá prīṇāti \

Pada: d     átʰo prā́hr̥tāyaivā́smai bʰāgám akar

Pada: e     ā́hutīnām̐ vaí prátiṣṭʰityā yájamānaḥ prátitiṣṭʰati \

Line : 11  Pada: f     ā́hutīnām ápratiṣṭʰityā ná prátitiṣṭʰati

Line : 12  Pada: g     yád etáṃ juhoti \

Pada: h     ā́hutīnāṃ prátiṣṭʰityai

Pada: i     tā́ḥ pratitíṣṭʰantīr yajñò 'nuprátitiṣṭʰati

Line : 13  Pada: j     yajñám̐ yájamānas \

Pada: k     átʰo kā́mo vaí vaiśvānarás \

Pada: l     yátkāmo bʰávati sám̐ hāsmai sá kā́mo namati

Line : 14  Pada: m     yát prā́ṅ paryāvárteta daívīr víśo muhyéyus \

Line : 15  Pada: n     yád dakṣiṇā́ yamadevatyā̀ syāt \

Pada: o     yát pratyáṅ sauryàs \

Pada: p     yád údaṅ raudras \

Pada: q     r̥jú hotavyàḥ

Line : 16  Pada: r     prátiṣṭʰityai

Pada: s     sarvahútaṃ karoti

Pada: t     prátiṣṭʰityai

Pada: u     kṣatrám̐ vaí vaiśvānarás \

Line : 17  Pada: v     víṇ mārutā́s \

Pada: w     yád etám̐ hutvā́ mārutā́n juhóti

Pada: x     víśam̐ vā́ etát kṣatrā́ya níyunakti \

Line : 18  Pada: y     átʰo víśam evá kṣatrā́yā́nukāṃ karoti \

Pada: z     agnímukʰān vaí prajā́patiḥ paśū́n asr̥jata

Line : 19  Pada: aa     paśávo mārutā́s \

Pada: ab     yád etám̐ hutvā́ mārutā́n juhóti \

Pada: ac     agnímukʰān evā́smai prajā́patiḥ paśū́n prájanayati


Page: 44  
Line : 1  Pada: ad     saptákapālā bʰavanti

Pada: ae     saptásapta mārutā́ gaṇā́s

Line : 2  Pada: af     tásmāt saptákapālās \

Pada: ag     gaṇénagaṇena juhóti

Pada: ah     gaṇaśá evá marútaḥ prīṇāti

Line : 3  Pada: ai     yò 'raṇye 'nuvākyò gaṇás tán madʰyató juhuyāt

Pada: aj     kṣatrám̐ vā́ eṣá

Line : 4  Pada: ak     marútām̐ víḍ ítare

Pada: al     viśó vā́ etát kṣatráṃ madʰyaméṣṭʰáṃ karoti

Pada: am     yádi kāmáyeta viśā́ kṣatrám̐ hanyām íti yò 'raṇye 'nuvākyò gaṇás tám ítarair gaṇaír mohayet \

Line : 6  Pada: an     víśā́ vā́ etát kṣatrám̐ hanti

Pada: ao     yádi kāmáyeta kṣatréṇa víśam̐ hanyām íti yò 'raṇye 'nuvākyò gaṇás ténétarān gaṇā́n mohayet

Line : 7  Pada: ap     kṣatréṇa vā́ etád víśam̐ hanti

Line : 8  Pada: aq     tásya triṣṭúbʰau yājyānuvākyè syātām

Pada: ar     ójo vaí vīryàṃ triṣṭup \

Line : 9  Pada: as     ójo vā́ etád vīryàm̐ viśá ādā́ya kṣatrā́yā́pidadʰāti

Pada: at     yádi kāmáyeta kṣatréṇāsya kṣatrám̐ hanyāṃ prá svā́d āyátanāc cyavetéti yò 'raṇyé 'nuvākyò gaṇás ténāgniṣṭʰám̐ ratʰavā́hanam̐ vyàṅgayet

Line : 11  Pada: au     kṣatrám̐ vā́ eṣá marútām agniṣṭʰám̐ ratʰavā́hanam \

Line : 12  Pada: av     kṣatríyasya kṣatráṃ bibʰarti

Pada: aw     kṣatréṇaivā́sya kṣatrám̐ hanti

Line : 13  Pada: ax     prá svā́d āyátanāc cyavate \

Pada: ay     índraṃ daívīr víśo marútó 'nuvartmānā íti \

Line : 14  Pada: az     etád vaí devā́nām ánuvartma

Pada: ba     daívīṃ ca vā́vā́smā etád víśaṃ mānuṣī́ṃ cā́nuvartmānau karoti

Line : 15  Pada: bb     sám̐ vā́ etád agním inddʰe yác cinóti

Pada: bc     táṃ dīpáyaty evá mārutaíḥ //

Line : 17  Pada: bd     ity uparikāṇḍe stomabʰāgo nāma tr̥tīyaḥ prapāṭʰakaḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.