TITUS
Black Yajur-Veda: Maitrayani-Samhita
Part No. 28
Previous part

Prapathaka: 4  
Anuvaka: 1  
Page: 45  
Line : 1  Pada: a     vásor dʰā́rāṃ juhoti \

Pada: b     ákl̥ptasya kŀ̥ptyā áśāntasya śā́ntyā ánabʰijitasyābʰíjityā ánavaruddʰasyā́varuddʰyai

Line : 2  Pada: c     sáṃtataṃ juhoti

Pada: d     prāṇā́nām̐ sáṃtatyā eṣā́ṃ lokā́nām̐ sáṃtatyā annā́dyasya sáṃtatyai \

Line : 3  Pada: e     ávicʰinnaṃ juhoti \

Pada: f     annā́dyasyā́vicʰedāya

Line : 4  Pada: g     yád vicʰindyā́t prāṇā́n vicʰindyā́t \

Pada: h     yáṃ dviṣyā́t tásya vícʰindyāt \

Line : 5  Pada: i     annā́dyam asya vícʰinatti \

Pada: j     ákṣuc cā́nnaṃ céti \

Pada: k     etā́ni vā́ ánnasya rūpā́ṇi

Pada: l     rūpaír evā́nnam ávarunddʰe \

Line : 6  Pada: m     agníś cā́paś céti \

Pada: n     eṣā́ vā́ ánnasya yóniḥ

Pada: o     sáyony evā́nnam ávarunddʰe

Line : 7  Pada: p     vásor me dʰā́rāsad íti vásordʰā́rāṃ juhoti

Pada: q     gʰr̥tásya vā́ eṣā́ dʰā́rā

Line : 8  Pada: r     yájamānam amúṣmiṃl loká úpatiṣṭʰante

Pada: s     dvā́daśa dvā́daśā́ti juhoti

Pada: t     dvā́daśa mā́sāḥ sam̐vatsaráḥ

Line : 9  Pada: u     sam̐vatsarám evā́varunddʰe \

Pada: v     ardʰendrā́ṇi juhoti \

Pada: w     ardʰendraír vaí devā́ indriyám̐ vīryàm ásurāṇām avr̥ñjata \

Line : 10  Pada: x     indriyám evaítaír vīryàm̐ yájamāno bʰrā́tr̥vyasya vr̥ṅkte

Line : 11  Pada: y     devā́ś ca vā́ ásurāś cāspardʰanta

Pada: z     té devā́ índram abruvan \

Pada: aa     tváyā múkʰenemā́n jayāméti

Line : 12  Pada: ab     sò 'bravīt \

Pada: ac     bʰāgó me 'stv íti

Pada: ad     vr̥ṇīṣvéti \

Pada: ae     abruvan \

Pada: af     sò 'bravīt \

Line : 13  Pada: ag     ardʰyò vā́ aháṃ devátānām asānī́ti

Pada: ah     táto vā́ ajayan \

Pada: ai     tásmād eṣò 'rdʰabʰā́g devátānām \

Line : 14  Pada: aj     yád ardʰendrā́ṇi hūyánte

Pada: ak     víjityai \

Pada: al     índrottamāni bʰavanti \

Line : 15  Pada: am     indriyám̐ vaí vīryàm índras \

Pada: an     indriyé vā́ etád vīryè tató yajñásya yájamānaḥ prátitiṣṭʰati \

Line : 16  Pada: ao     am̐śúś ca raśmíś céti

Pada: ap     yajñamukʰám̐ vā́ am̐śúś ca raśmíś ca

Line : 17  Pada: aq     yajñamukʰám evāvarunddʰe \

Pada: ar     ádʰipatiś cā́dābʰyaś céti

Pada: as     naínaṃ bʰrā́tr̥vyo dabʰnoty agníṃ cikyānám \

Line : 18  Pada: at     prá samānā́nāṃ jyaíṣṭʰyam āpnoti yá evám̐ véda \

Pada: au     eté gráhā bʰavanti \

Line : 19  Pada: av     etā́ni vaí yajñásya rūpā́ṇi

Pada: aw     rūpaír evá yajñám ávarunddʰe

Pada: ax     srúcaś ca cámasāś céti yajñāyudʰā́ni sáṃbʰarati

Line : 20  Pada: ay     yajñāyudʰā́ny evá saṃbʰŕ̥tya yajñáṃ práyuṅkte


Page: 46  
Line : 1  Pada: az     pā́trāṇi juhoti

Pada: ba     pā́trair vā́ ánnam adyate \

Pada: bb     ánurūpeṇaivā́nnā́dyam ávarunddʰe

Pada: bc     barhíś ca védiś céti \

Line : 2  Pada: bd     āśī́r evaíṣā \

Pada: be     avabʰr̥tʰáś ca svagākāraś céti

Pada: bf     prátiṣṭʰityai //


Anuvaka: 2  
Line : 3  Pada: a     agníś ca gʰarmáś céti \

Pada: b     etád vā́ agnér brahmavarcasyàm \

Pada: c     rúcaṃ caivaíténa brahmavarcasáṃ cā́varunddʰe

Line : 4  Pada: d     téjasvī́ brahmavarcasī́ bʰavati \

Pada: e     r̥túś ca vratáṃ céti \

Pada: f     ahorātré vā́ r̥túś ca vratáṃ ca \

Line : 5  Pada: g     ahorātré evā́syaiténābʰī̀ṣṭe prīté bʰavatas \

Pada: h     ékā ca tisráś céti

Line : 6  Pada: i     devacʰandasám̐ vā́ ékā ca tisráś ca

Pada: j     devacʰandasám evā́varunddʰe

Pada: k     cátasraś cāṣṭaú céti

Line : 7  Pada: l     manuṣyacʰandasám̐ vaí cátasraś cāṣṭaú ca

Pada: m     manuṣyacʰandasám evā́varunddʰe

Line : 8  Pada: n     devaloká evá devacʰandaséna r̥dʰnóti

Pada: o     manuṣyaloké manuṣyacʰandaséna \

Pada: p     ékā ca tisráś ca cátasraś cāṣṭaú céti

Line : 9  Pada: q     róho vā́ eṣá eṣā́ṃ lokā́nām \

Pada: r     sáṃkrāntiḥ svargásya lokásya

Line : 10  Pada: s     dvyuttaréṇa vaí stómenā́dityāḥ svargáṃ lokám āyan \

Pada: t     caturuttaréṇā́ṅgirasau

Line : 11  Pada: u     yád etaú stómau juhóti

Pada: v     svargásya lokásya sámaṣṭyai

Line : 12  Pada: w     yúgmadayujaú vā́ etaú sómau mitʰunaú

Pada: x     prajánanāya

Pada: y     réta evá dvyuttaréṇa dadʰāti

Line : 13  Pada: z     réto hitáṃ caturuttaréṇa prájanayati \

Pada: aa     ékā ca tisráś céti \

Pada: ab     ā́ tráyastrim̐śatas tráyastrim̐śad devátās

Line : 14  Pada: ac     tā́ evā́syaiténābʰī̀ṣṭāḥ pītā́ bʰavanti

Pada: ad     cátasraś cāṣṭaú céti \

Line : 15  Pada: ae     aṣṭā́catvārim̐śatas \

Pada: af     aṣṭā́catvārim̐śadakṣarā jágatī

Pada: ag     jā́gatāḥ paśávaḥ

Line : 16  Pada: ah     paśū́n evā́varunddʰe

Pada: ai     tryavíś ca tryavī́ céti \

Pada: aj     etā́ni vaí váyām̐si paśūnā́m \

Line : 17  Pada: ak     paśáva evá paśū́n ávarunddʰe \

Pada: al     ā́yur yajñéna kalpate

Pada: am     prāṇó yajñéna kalpatā íti

Line : 18  Pada: an     yajñásya vā́ eṣā́ kŀ̥ptis \

Pada: ao     yajñám evaítád acīkl̥pat * \
      FN emended. Ed.: ácīkl̥pat

Pada: ap     vā́jāya svā́hā

Pada: aq     prasavā́ya svā́héti

Line : 19  Pada: ar     tráyodaśa vā́ etā́ ā́hutayas

Pada: as     tráyodaśa mā́sāḥ sam̐vatsaráḥ

Pada: at     sam̐vatsarám̐ vā́vā́smā etád úpadadʰāti svargé loké

Line : 20  Pada: au     tásminn evá prátitiṣṭʰati

Line : 21  Pada: av     stómaś ca yájuś céti \

Pada: aw     ánnam̐ vaí stómaś ca yájuś ca \

Pada: ax     ánnam̐ vā́ etád ātmán dʰitvā́nnā́do bʰūtvā́ devakṣetrám antatáḥ prā́vasati \


Page: 47  
Line : 1  Pada: ay     agnír vaí vásus

Pada: az     tásya vā́ eṣā́ dʰā́rā

Pada: ba     sárvān ha vā́ asmā agnír dóhānt sárvān kā́mān duhe yá evám̐ véda

Line : 2  Pada: bb     sám̐ vā́ etád agnír annā́dyam inddʰe yác cinóti

Line : 3  Pada: bc     táṃ dīpáyaty evá vásor dʰā́rayā //


Anuvaka: 3  
Line : 4  Pada: a     vājaprasavyàṃ juhoti

Pada: b     vā́jam̐ vā́ eténāgnír annā́dyam údajayat \

Pada: c     vā́jam evaíténānnā́dyam̐ yájamānā újjayati \

Line : 5  Pada: d     ánnasyānnasya juhoti vājaprasavyā̀bʰis \

Pada: e     ánnam̐ vaí vā́jas \

Line : 6  Pada: f     annā́dyasyā́varuddʰyai \

Pada: g     ubʰáyaṃ grāmyáṃ cāraṇyáṃ ca juhoti \

Pada: h     ubʰáyasyānnā́dyasyā́varuddʰayai \

Line : 7  Pada: i     aúdumbareṇa sruvéṇa juhoti \

Pada: j     ū́rg vā́ udumbáras \

Pada: k     ūrjó 'varuddʰyai \

Line : 8  Pada: l     devásya tvā savitúḥ prasavè 'śvínor bāhúbʰyāṃ pūṣṇó hástābʰyām̐ sárasvatyā vācā́ yantúr yantréṇa bŕ̥haspátim̐ sā́mrājyāyābʰíṣiñcāmī́ty abʰíṣiñced yádi brāhmaṇó yájeta

Line : 10  Pada: m     br̥haspatisavó hy èṣá

Pada: n     índram̐ sā́mrājyāyābʰíṣiñcāmī́ty abʰíśiñced yádi rājanyò yájeta \

Line : 11  Pada: o     indrasavó hy èṣá

Pada: p     kr̥ṣṇājiné brahmavarcasákāmam abʰíṣiñcet \

Line : 12  Pada: q     bráhmaṇo vā́ etád r̥ksāmáyo rūpám

Pada: r     r̥ksāmé brahmavarcasám \

Line : 13  Pada: s     brahmavarcasám evā́varunddʰe

Pada: t     bastājiné paśúkāmam \

Pada: u     paśávo vaí bastājinám \

Line : 14  Pada: v     paśū́n evā́varunddʰe

Pada: w     sūyáte vā́ eṣò 'gnīnā́m̐ yáś cīyáte

Pada: x     svénaivaínam̐ savéna sámardʰayati

Line : 15  Pada: y     devā́ óṣadʰīṣu pakvā́sv ājī́m ayus

Pada: z     tā́ agnír údajayat \

Line : 16  Pada: aa     agnér vā́ eṣò 'bʰiṣekás \

Pada: ab     ánnasya vā́ etát sūyate

Pada: ac     savā́nām̐ vā́ eṣá ékas \

Line : 17  Pada: ad     br̥haspatisavó vā́ eṣá

Pada: ae     bārhaspatyó brāhmaṇó devátayā

Pada: af     svénaivá savéna sūyate

Line : 18  Pada: ag     tád āhus \

Pada: ah     hotavyàm evá ná hí suṣuvāṇáḥ káṃ caná prátyavaróhatī́ti

Line : 19  Pada: ai     suṣuvāṇó vā́ eṣá devátayā yò 'gnicít \

Pada: aj     r̥távo vaí suṣuvāṇásya rāṣṭrám ánubibʰrati

Page: 48  
Line : 1  Pada: ak     ṣáḍ vā́ r̥távas \

Pada: al     r̥távo rāṣṭrabʰŕ̥tas \

Pada: am     yát ṣaḍbʰír juhóti \

Pada: an     r̥túṣv evā́sya rāṣṭráṃ prátiṣṭʰāpayati

Line : 2  Pada: ao     tè 'smai rāṣṭrám ánubibʰrati

Pada: ap     dvādaśagr̥hīténa juhoti

Line : 3  Pada: aq     dvā́daśa mā́sāḥ sam̐vatsaráḥ

Pada: ar     sam̐vatsarám evā́ptvā́varunddʰe

Pada: as     mitʰunā́ vā́ etā́ ā́hutayas

Line : 4  Pada: at     tásmai svā́hā váṭ

Pada: au     tā́bʰyaḥ svā́hā váḍ íti

Pada: av     tásminn evá mitʰuné réto dadʰāti

Line : 5  Pada: aw     ratʰaśīrṣé saptamáṃ juhóti

Pada: ax     diśā́m abʰíjityai

Line : 6  Pada: ay     díśa evā́bʰíjitā rátʰena jīyante \

Pada: az     átʰaité vātahomā́s \

Pada: ba     agnicíto vā́ amútrāhorātré

Line : 7  Pada: bb     agnicíte 'yám̐ vāyúḥ pavate

Pada: bc     prāṇó vaí vāyúḥ

Pada: bd     prāṇám evā́varunddʰe \

Line : 8  Pada: be     añjalínā juhoti

Pada: bf     ná hy ètásyāvadā́nam ásti \

Pada: bg     átʰo párigr̥hītyā evá

Line : 9  Pada: bh     prāṇó vaí vāyús \

Pada: bi     hástaḥ prāṇā́yópakl̥ptatamas

Pada: bj     tásmād añjalínā juhoti

Line : 10  Pada: bk     trír juhoti

Pada: bl     tráyo vā́ imé lokā́s \

Pada: bm     imá evā́smai lokā́ vā́taṃ dʰunvanti

Line : 11  Pada: bn     samudrò 'si nábʰasvān ārdrádānur íti \

Pada: bo     etā́ni vaí vāyó rūpā́ṇi

Line : 12  Pada: bp     rūpaír evá vāyúm ávarunddʰe

Pada: bq     mārutò 'si marútāṃ gaṇá íti

Pada: br     mārutó hí vāyúḥ

Line : 13  Pada: bs     sám̐ vā́ etád agním inddʰe yác cinóti

Pada: bt     táṃ dīpáyaty evá vātahomaíḥ


Anuvaka: 4  
Line : 15  Pada: a     prāṇó vaí gāyatrī́

Pada: b     gāyatrám̐ havirdʰā́nam

Pada: c     apānó jágatī

Pada: d     jā́gatam̐ sádas \

Pada: e     vyānás triṣṭúp

Line : 16  Pada: f     traíṣṭubʰam ā́gnīdʰram

Pada: g     ásuḥ pŕ̥śnis \

Pada: h     mádʰye divyó níhitaḥ pŕ̥śnir áśméti

Pada: i     amúm̐ vā́vā́syaitán madʰyatáḥ prāṇāpānā́nām̐ vyávadadʰāti

Line : 17  Pada: j     prāṇā́nāṃ dʰŕ̥tyai \

Pada: k     áśmanavamā ā́gnīdʰre sādayati

Line : 18  Pada: l     náva vaí prāṇā́ḥ

Pada: m     prāṇā́n vā́vā́syaitád yajamānaloké dadʰāti \

Line : 19  Pada: n     ékavim̐śatim̐ hotríye

Pada: o     prátiṣṭʰityai

Pada: p     pratiṣṭʰā́ hy èkavim̐śás \

Pada: q     ékādaśa brāhmaṇāñśám̐sye \

Page: 49  
Line : 1  Pada: r     ékādaśākṣarā triṣṭúp \

Pada: s     vīryàṃ tirṣṭúp \

Pada: t     vīryà evá prátitiṣṭʰati \

Line : 2  Pada: u     aṣṭā́ṣṭā ítareṣu \

Pada: v     aṣṭā́kṣarā gāyatrī́

Pada: w     bráhma gāyatrī́

Pada: x     bráhmaṇy evá prátitiṣṭʰati

Line : 3  Pada: y     ṣáṇ mārjālī́ye

Pada: z     ṣáḍ vā́ r̥távas \

Pada: aa     r̥távo vā́ etáṃ dakṣiṇatáḥ páryaharanta

Line : 4  Pada: ab     pitáro vā́ r̥távas \

Pada: ac     átʰo ṣáḍ vaí cʰándām̐si

Pada: ad     cʰándām̐si vā́vā́syaitád yajñamukʰé yunakti

Line : 5  Pada: ae     sajū́r ábdo ā́yavobʰir íti \

Pada: af     etā́ vā́ agnér devátāḥ purástādbʰāgās

Line : 6  Pada: ag     tā́ evá prīṇāti \

Pada: ah     átʰo átra vaí devā́nāṃ priyā́s tanvàs

Pada: ai     tā́ evā́varunddʰe

Line : 7  Pada: aj     sajū́r ábdo ā́yavobʰir íti

Pada: ak     sam̐vatsaró vā́ ábdas \

Pada: al     r̥távā ā́yavānaḥ

Line : 8  Pada: am     sam̐vatsará evā́syaiténā r̥távo 'bʰī̀ṣṭāḥ prītā́ bʰavanti

Line : 9  Pada: an     sajū́r uṣā́ ā́ruṇībʰir íti \

Pada: ao     uṣásam evá prīṇāti

Pada: ap     sajóṣā aśvínā dám̐sobʰir íti \

Line : 10  Pada: aq     ahorātré vā́ aśvínā \

Pada: ar     ahorātré evā́syaiténābʰī̀ṣṭe prīté bʰavataḥ

Line : 11  Pada: as     sajū́ḥ sū́rā étaśenéti

Pada: at     sū́ryam evá prīṇāti

Pada: au     sajū́r vaiśvānará íḍayā gʰr̥téna svā́héti

Line : 12  Pada: av     sam̐vatsaró vaí vaiśvānaráḥ

Pada: aw     paśávā íḍā

Pada: ax     paśávo gʰr̥tám \

Pada: ay     sam̐vatsarā́ evā́syaiténa paśávo 'bʰī̀ṣṭāḥ prītā́ bʰavanti

Line : 13  Pada: az     darbʰastambé juhoti \

Pada: ba     eṣā́ vā́ asyā́mr̥tacít tanū́s \

Line : 14  Pada: bb     amŕ̥te vā́ etád agníś cīyate

Pada: bc     híraṇyaṃ nidʰā́ya juhoti \

Line : 15  Pada: bd     agnimáty evá juhoty āyátanavati \

Pada: be     andʰò 'dʰvaryúḥ syād yád anāyatané juhuyā́t

Pada: bf     svargā́ya vaí lokā́ya devarahátʰo yujyáte kā́māya manuṣyaratʰás \

Line : 16  Pada: bg     agním̐ yunajmi śávasā gʰr̥ténéti \

Line : 17  Pada: bh     agním̐ vā́ etád yunakti

Pada: bi     téna yukténa svargáṃ lokáṃ gacʰati

Line : 18  Pada: bj     yát sárvābʰir yuñjyā́d yuktò 'sya yajñáḥ syā́d ápratiṣṭʰitā ā́hutayas \

Pada: bk     dvā́bʰyāṃ nā́piyunakti \

Line : 19  Pada: bl     ā́hutīnāṃ prátiṣṭʰityai

Pada: bm     tā́ḥ pratitíṣṭʰantīr yajñò 'nuprátitiṣṭʰati

Line : 20  Pada: bn     yajñám̐ yájamānas tisŕ̥bʰir yunakti

Pada: bo     trivŕ̥d dʰy àgnís \

Pada: bp     yā́vān evā́gnís tám̐ yunakti

Page: 50  
Line : 1  Pada: bq     tásmin yukté sárvam̐ havyám̐ samā́dʰīyate

Pada: br     pañcábʰir yunakti

Pada: bs     pā́ṅkto yajñás \

Line : 2  Pada: bt     yā́vān evá yajñás tám ā́labdʰa

Pada: bu     sám̐ vā́ etám etaú tapato yáś cīyáte yáś ca vaiśvānarás \

Line : 3  Pada: bv     yád apsumátībʰyāṃ purástād yajñāyajñíyasya sáṃmr̥śati

Pada: bw     śā́ntyai \

Line : 4  Pada: bx     eṣā́ vaí yajñásya mā́trā yád agniṣṭomás \

Pada: by     bʰū́ma tv evā́syā́ta ūrdʰváṃ kriyate //


Anuvaka: 5  
Line : 6  Pada: a     yó vā́ agním̐ yógā ā́gate ná yuṅkté ná yuñjānéṣu yuṅkte \

Pada: b     ágne yukṣvā́ hí yé távéti \

Line : 7  Pada: c     agním̐ vā́ etád yógā ā́gate yuṅkté yuṅkté yuñjānéṣu

Pada: d     yó vā́ agním̐ vimoká ā́gate ná vimuñcáte ná vimuñcámāneṣu vímuñcate

Line : 8  Pada: e     ví te muñcāmi raśanā́m̐ ví raśmī́n íti \

Line : 9  Pada: f     agním̐ vā́ etád vimoká ā́gate vímuñcate

Pada: g     ví muñcámāneṣu muñcate

Line : 10  Pada: h     yátʰā vaí punarādʰéyam eváṃ punaścitís \

Pada: i     yó vā́ ādʰéyena r̥dʰnóti púnaḥ sá ā́dʰatte

Line : 11  Pada: j     yò 'gníṃ cikyānó mányeta ví syā́ r̥dʰyatā íti sá etā́ṃ punaścitím úpadahīta \

Line : 12  Pada: k     ápi pratʰamáṃ cinvānáś cinvītā *
      FN < cinvīta

Pada: l     ŕ̥ddʰyai \

Line : 13  Pada: m     r̥dʰnóty evá \

Pada: n     átʰo mitʰunatvā́ya

Pada: o     yā́m̐ vā́ agnicíd aniṣṭakā́ ā́hutiṃ juhóti srávati sā́

Line : 14  Pada: p     tā́m̐ srávantīm̐ yajñó 'nusravati

Pada: q     yajñám̐ yájamānas \

Line : 15  Pada: r     yád etā́ṃ punaścitím upadádʰāti \

Pada: s     ā́hutīnāṃ prátiṣṭʰityai

Pada: t     tā́ḥ pratitíṣṭʰantīr yajñó 'nu prátitiṣṭʰati

Line : 16  Pada: u     yajñám̐ yájamānas \

Pada: v     aṣṭópadadʰāti \

Pada: w     aṣṭā́kṣarā gāyatrī́

Pada: x     gāyatrò 'gnís \

Line : 17  Pada: y     yā́vān evā́gnís táṃ cinute \

Pada: z     aṣṭaú lokaṃpr̥ṇā́ upadʰā́ya púrīṣeṇābʰyū̀hati \

Line : 18  Pada: aa     aṣṭā́kṣarā gāyatrī́

Pada: ab     bráhma gāyatrī

Pada: ac     gāyatryaívaínaṃ cʰándasā bráhmaṇā cinute \

Line : 19  Pada: ad     ékādaśa lokaṃpr̥ṇā́ upadʰā́ya púrīṣeṇābʰyū̀hati \

Pada: ae     ékādaśākṣarā triṣṭúbvīryàm \

Page: 51  
Line : 1  Pada: af     triṣṭúbʰaivaínaṃ cʰándasā vīryèṇa cinute

Pada: ag     dvā́daśa lokaṃpr̥ṇā́ upadʰā́ya púrīṣeṇābʰyū̀hati

Line : 2  Pada: ah     dvā́daśākṣarā jágatī

Pada: ai     jā́gatāḥ paśávas \

Pada: aj     jágatyaivaínaṃ cʰándasā paśúbʰiś cinute \

Line : 3  Pada: ak     eṣā́ vā́ agnér uttaravedís \

Pada: al     etád agnír uttaravedimā́m̐ś cīyate

Line : 4  Pada: am     yò 'syāgníḥ purā́ citáḥ syā́t tám anvavasā́ya yajeta

Line : 5  Pada: an     yátʰā vā́ idáṃ dī́pyamāne bʰū́yo 'bʰyādádʰāty evám̐ vā́vā́sminn etád abʰipūrváṃ bʰū́yas téjo dadʰāti

Line : 6  Pada: ao     tád āhuḥ

Pada: ap     káḥ śréyām̐sam̐ víṣuptaṃ bodʰayiṣyatī́ti

Pada: aq     yád yájatā ā́hutyaivaínam̐ vyàrdʰayati

Line : 7  Pada: ar     gr̥hā́n vā́ eṣá kurute yò 'gníṃ cinuté

Line : 8  Pada: as     yád vā́ anyáto vindáte gr̥hā́m̐s tád ā́harati

Pada: at     yá íṣṭyā vā paśúnā vā sómena vā yájeta yò 'syāgníḥ purā́ citáḥ syā́t tám anvavasā́ya yajeta

Line : 9  Pada: au     yátʰā vā́ idám anyáto vittvā́ gr̥hā́n āháraty eváṃ tát

Line : 10  Pada: av     tád āhuḥ

Pada: aw     púnar vā sruvā́ etád yajñé kriyate

Line : 11  Pada: ax     yátraivá kvà ca yájeta tád etā́ ékavim̐śatim upadʰā́ya yajeta prátiṣṭʰityai

Line : 12  Pada: ay     pratiṣṭʰā́ hy èkavim̐śá íti //


Anuvaka: 6  
Line : 13  Pada: a     sámās tvāgnā r̥távo vardʰayantv íti

Pada: b     sámābʰiś caivaínam r̥túbʰiś ca sáminddʰe

Line : 14  Pada: c     sáṃ divyéna dīdihi rocanénéti

Pada: d     jyótiṣmantam evaínaṃ cinute

Pada: e     víśvā ā́bʰāhi pradíśaś cátasrā íti

Line : 15  Pada: f     tásmād agníḥ sárvā díśā ā́bʰāti \

Pada: g     amutrabʰū́yād ádʰa yád yamásya bŕ̥haspate abʰíśaster ámuñcā íty āmayāvínaḥ kuryāt \

Line : 17  Pada: h     mr̥tyúr vaí yamás \

Pada: i     bráhma bŕ̥haspátis \

Pada: j     yā́vad evá bráhma ténainaṃ bʰiṣajyati

Pada: k     prátyūhatām aśvínā mr̥tyúm asmād íti \

Line : 18  Pada: l     aśvínau vaí devā́nāṃ bʰiṣájau

Pada: m     tā́ asmān mr̥tyúṃ prátyūhatas \

Line : 19  Pada: n     úd vayáṃ támasas párī́ti

Pada: o     pāpmā́nam evá támo 'pahátya svargáṃ lokám abʰyā́rohati \

Line : 20  Pada: p     āhr̥tó vaí haitanāmanáḥ sarvatér ā́pāṣṭʰer agnéś cítyasya hótāsīt

Page: 52  
Line : 1  Pada: q     tám abruvan

Pada: r     yā́ apsumátīs tā́ icʰéti

Pada: s     tásmai vā́ etā́ gandʰarvāpsarásaḥ prā́bruvan

Line : 2  Pada: t     yád apsumátīḥ sāmidʰenī́r bʰávanti

Pada: u     śā́ntyai

Pada: v     cáturvim̐śatim ánvāha

Line : 3  Pada: w     cáturvim̐śatyakṣarā vaí gāyatrī́

Pada: x     gāyatrī́ yajñamukʰám \

Pada: y     yajñamukʰám evā́labdʰa \

Pada: z     átʰo cáturvim̐śatir vā́ ardʰamāsā́ḥ sam̐vatsarás \

Line : 4  Pada: aa     eṣá vā́ astʰitā́ śrī́r yát sam̐vatsarás \

Line : 5  Pada: ab     ná vā́ eṣá śriyélayati

Pada: ac     ná hāsya śrī́r ilayati

Pada: ad     gāyatrī́r ánvāha

Line : 6  Pada: ae     téjo vaí gāyatrī́ brahmavarcasám \

Pada: af     téja evá brahmavarcasám ávarunddʰe

Pada: ag     triṣṭúbʰó 'nvāha \

Line : 7  Pada: ah     ójo vaí vīryàṃ triṣṭúbʰ \

Pada: ai     ója evá vīryàm ávarunddʰe

Pada: aj     yád gāyatryàś ca triṣṭúbʰaś ca bʰávanti

Line : 8  Pada: ak     ténaivá tád ubʰáyam ávarunddʰe

Pada: al     yā́ āgneyī́r ániruktās tā́ḥ kāryā̀s \

Line : 9  Pada: am     ániruktam iva hy ètád ávyāvr̥ttam \

Pada: an     vyāvŕ̥taṃ pāpmánā bʰrā́tr̥vyeṇa gacʰati

Line : 10  Pada: ao     tā́ agnīṣomī́yasya paśóḥ kuryāt

Pada: ap     kó hí devakṣetráṃ dvír abʰyārokṣyátī́ti

Line : 11  Pada: aq     tisró rā́trīr bʰr̥tvā́gníś cetavyā̀ íty āhus

Pada: ar     trípadā virā́ṭ \

Pada: as     virā́jam evā́pnoti

Line : 12  Pada: at     ṣaḍ rā́trīr bʰr̥tvā́gníś cetavyā̀ íty āhuḥ

Pada: au     ṣáḍ vā́ * r̥távaḥ sam̐vatsaráḥ
      FN emended. Ed.: ā́.

Line : 13  Pada: av     sam̐vatsarám ánu virā́ḍ ā́yattā

Pada: aw     virā́jam evā́pnoti

Pada: ax     dáśa rā́trīr bʰr̥tvā́gníś cetavyā̀ íty āhus \

Line : 14  Pada: ay     dáśākṣarā virā́ṭ \

Pada: az     virā́jam evā́pnoti

Pada: ba     dvā́daśa rā́trīr bʰr̥tvā́gníś cetavyā̀ íty āhus \

Line : 15  Pada: bb     dvā́daśa mā́sāḥ sam̐vatsaráḥ

Pada: bc     sam̐vatsarám ánu virā́ḍ ā́yattā

Line : 16  Pada: bd     virā́jam evā́pnoti

Pada: be     cáturvim̐śatim̐ rā́trīr bʰr̥tvā́gníś cetavyā̀ íty āhus \

Line : 17  Pada: bf     cáturvim̐śatir vā́ ardʰamāsā́ḥ sam̐vatsaráḥ

Pada: bg     sam̐vatsarám ánu virā́ḍ ā́yattā

Line : 18  Pada: bh     virā́jam evā́pnoti

Pada: bi     mā́saṃ bʰr̥tvā́gníś cetavyā̀ íty āhus \

Pada: bj     māsaśá evá sam̐vatsarám āpnoti \

Line : 19  Pada: bk     aṣṭaú vā́ etán māsó vásavo 'bibʰrus

Pada: bl     tá imáṃ lokám ā́jayan gāyatrī́ṃ cʰándas \

Line : 20  Pada: bm     ékādaśa rudrā́s

Pada: bn     tè 'ntárikṣaṃ lokám ā́jayam̐s triṣṭúbʰaṃ cʰándas \

Page: 53  
Line : 1  Pada: bo     dvā́daśādityā́s

Pada: bp     tè 'múṃ lokám ā́jayan jágatīṃ cʰándas

Pada: bq     tá ārdʰnuvan \

Line : 2  Pada: br     r̥dʰnóti yá evám̐ vidvā́nt sam̐vatsarám agníṃ bibʰárti

Pada: bs     tásmād āhuḥ

Line : 3  Pada: bt     sam̐vatsarábʰr̥ta evā́gnír íti \

Pada: bu     átʰaitā́ āpríyaḥ

Pada: bv     prajā́patiḥ prajā́ḥ sr̥ṣṭvā́ riricānò 'manyata

Line : 4  Pada: bw     sá etā́ āprī́r apaśyat

Pada: bx     tā́bʰir ātmā́nam ā́prīṇīta \

Pada: by     agnír vaí prajā́patis \

Line : 5  Pada: bz     yád etā́ āpríyo bʰávanti \

Pada: ca     agním evaítā́bʰir yájamānā ā́prīṇīte

Line : 6  Pada: cb     lomaśám̐ vā́ etác cʰándaḥ paśavyàm ūnātiriktám \

Pada: cc     prajánanāya

Pada: cd     virā́jo bʰavanti

Line : 7  Pada: ce     virā́ḍ vaí sárvāṇi cʰándām̐si

Pada: cf     sárvāṇy evā́sya cʰándām̐sy úpahitāni bʰavanti

Line : 8  Pada: cg     tā́ viśvacítaḥ kuryāt

Pada: ch     prāṇā́ vā́ etā́ jyā́yasīr iva ca kánīyasīr iva ca bʰavanti

Line : 9  Pada: ci     jyā́yām̐sa iva ca hī̀mé kánīyām̐sa iva ca prāṇā́ḥ

Pada: cj     prāṇā́n evā́tmán dʰatte //


Anuvaka: 7  
Line : 11  Pada: a     yásyāgnír úkʰyo 'nugácʰati yátʰā putró jātáḥ pramīyáta eváṃ tát \

Pada: b     yády anugácʰet tā́m evókʰā́ṃ púnaḥ párīndʰīta \

Line : 12  Pada: c     eṣā́ vā́ agnér yóniḥ

Pada: d     svā́d evaínām̐ yóneḥ prájanayati \

Line : 13  Pada: e     īśvaró vā́ eṣó prájanitor yò 'gníṃ cinuté //

Line : 14  Pada: f     yā́s te agna ārdrā́ yónayo yā́ḥ kulāyínīr yé te agnā índavo yā́ u nā́bʰayaḥ /

Line : 16  Pada: g     tā́bʰiṣ ṭvám ubʰáyībʰiḥ sam̐vidānáḥ prajānám̐s tanvèhá níṣīda //

Line : 17  Pada: h     íti

Pada: i     yád eṣā́rdrā́ yónimati

Pada: j     śā́ntyai

Pada: k     prajā́ vaí kulā́yam \

Pada: l     paśávaḥ kulā́yam \

Line : 18  Pada: m     yát kulāyínīḥ

Pada: n     prájātyai

Pada: o     havírbʰūto vā́ eṣá yò 'gníṃ cinuté

Pada: p     yò 'gníṃ citvā́n yásya stríyam upaíti yátʰā havíḥ skannám evám̐ syāt \

Line : 19  Pada: q     yátʰā havíṣe skannā́ya prā́yaścittim icʰánty evám asmai prā́yaścittim icʰeyus \

Page: 54  
Line : 1  Pada: r     yády upeyā́n maítrāvaruṇyāmíkṣayā yajeta

Line : 2  Pada: s     maitrāvaruṇatām evópaiti \

Pada: t     ātmánó 'skannatvāya

Pada: u     paśúr vā́ agnís \

Line : 3  Pada: v     yó vaí paśúṃ purástād upacárati hinásti vā́ enam̐ sá

Pada: w     tásmāt purástāt pratyáñcaṃ nā́krāmati

Line : 4  Pada: x     tásmād u paścā́t prā́ñcam úpacarati \

Pada: y     ātmánó 'him̐sāyai

Line : 5  Pada: z     yó vaí yatʰāvr̥ttám agníṃ cinuté yatʰārūpáṃ prajā́ś ca r̥távaś ca kalpante

Line : 6  Pada: aa     yā́ dakṣiṇāvŕ̥tas tā́ dakṣiṇatá upadádʰāti yā́ḥ savyāvŕ̥tas tā́ uttaratás

Line : 7  Pada: ab     tryālikʰitā́ḥ paścā́t prā́cīr úpadadʰāti

Pada: ac     yatʰāvr̥ttám̐ vā́ etád agníṃ cinuté yatʰārūpáṃ prajā́ś ca r̥távaś ca kalpante

Line : 8  Pada: ad     sásatyo 'gníś cetavyā̀ íty āhuḥ //

Line : 9  Pada: ae     bʰū́r bʰúvaḥ svàḥ // íti purástāt svayamātr̥ṇṇā́

Pada: af     yā́vad etád vaí vācáḥ satyám \

Line : 10  Pada: ag     sásatyam evā́gníṃ cinute

Pada: ah     prāṇó vaí svayamātr̥ṇṇā́ \

Pada: ai     amŕ̥tam̐ híraṇyam \

Line : 11  Pada: aj     yád dʰiraṇyeṣṭakā́m upadʰā́ya svayamātr̥ṇṇā́m upadádʰāti \

Pada: ak     amŕ̥ta evā́sya prāṇā́n dadʰāti

Line : 12  Pada: al     téjo 'si téjo me yacʰéti hiraṇyeṣṭakā́ úpadadʰāti \

Pada: am     etā́bʰir vā́ imé lokā́ vídʰr̥tās \

Line : 13  Pada: an     átʰo etā́bʰir evā́gníṃ cinute \

Pada: ao     imé lokā́ḥ prábʰānti

Line : 14  Pada: ap     devā́ ásurān hatvā́ mr̥tyór ábibʰayus

Pada: aq     té cʰándām̐sy apaśyan \

Pada: ar     tā́ni prā́viśan \

Line : 15  Pada: as     tébʰyo yádyad ácʰadayat ténātmā́nam acʰādayanta

Pada: at     tác cʰándasāṃ cʰandastvám \

Pada: au     cítiṃcitim upadʰā́yāgneyyā́ dʰā́ma cʰándo 'bʰímr̥śati

Line : 16  Pada: av     svā́m evá devátām upapráviśati \

Line : 17  Pada: aw     ātmánó 'him̐sāyai //

Pada: ax     śyenacítiṃ cinvīta svargákāmaḥ

Line : 18  Pada: ay     śyenó vaí bʰūtvā́ gāyatry àmúṃ lokám ápatat

Pada: az     svargásya lokásya sámaṣṭyai

Pada: ba     ratʰacakracítiṃ cinvīta bʰrā́tr̥vyavān

Line : 19  Pada: bb     ratʰacakrám̐ vaí vájraṃ kr̥tvā́ devā́ ásurebʰya upaprā́vartayan \

Line : 20  Pada: bc     téṣām̐ śatatárham atr̥m̐han * \
      FN Correcturen und Conjecturen zu dem ganzen Werk.

Pada: bd     tád etā́m evá vájraṃ kr̥tvā́ yájamāno bʰrā́tr̥vyāyopaprávartayati

Line : 21  Pada: be     śatatárham̐ ha dr̥m̐hati

Pada: bf     praugacítiṃ * cinvīta bʰrā́tr̥vyavān
      FN Correcturen und Conjecturen zu dem ganzen Werk.

Page: 55  
Line : 1  Pada: bg     ubʰayáto vaí devā́n ásurāḥ párīyattā āsan purástād anyé paścā́d anyé

Line : 2  Pada: bh     tā́n vā́ eténa vyànudanta

Pada: bi     tád bʰrā́tr̥vyasya vā́ eṣá vinodás \

Pada: bj     droṇacítiṃ cinvītā́nnakāmas \

Line : 3  Pada: bk     dróṇena vā́ ánnam adyate \

Pada: bl     ánurūpeṇaivā́nnā́dyam ávarunddʰe

Line : 4  Pada: bm     paścā́ccarur bʰavati \

Pada: bn     anurūpatvā́ya

Pada: bo     śmaśānacítiṃ cinvīta yáḥ kāmáyetā́ñjasā pitr̥lokám úpeyām íti \

Line : 5  Pada: bp     áñjasā pitr̥lokám úpaiti \

Pada: bq     úpa cānyáṃ cinvīta grā́makāmas \

Line : 6  Pada: br     yátʰaivaítám upacinóty evám asmai grā́mam úpacinoti

Pada: bs     samūhyàṃ cinvīta paśúkāmas \

Line : 7  Pada: bt     yátʰaivaítám̐ samū́haty evám asmai digbʰyáḥ paśū́nt sámūhati //


Anuvaka: 8  
Line : 8  Pada: a     prajā́patir vā́ etám ágre 'gním ácinuta r̥túbʰiḥ sam̐vatsarám \

Pada: b     vasanténa purástād ácinuta grīṣméṇa dákṣiṇaṃ pakṣám̐ varṣā́bʰir úttaram̐ śarádā púcʰam̐ hemanténa mádʰyam \

Line : 10  Pada: c     bráhmaṇaivá purástād acinuta kṣatréṇa dákṣiṇaṃ pakṣám̐ viśóttaraṃ paśúbʰiḥ púcʰam āśáyā mádʰyam

Line : 11  Pada: d     etā́vad vā́ asti

Pada: e     yā́vad evā́sti tát spr̥ṇoti

Line : 12  Pada: f     tád ávarunddʰe

Pada: g     svargā́ya vaí lokā́yāgníś cīyáte vájra ekādaśínī

Line : 13  Pada: h     yád ekādaśínīṃ minuyā́d vájraḥ purástād ávagr̥hṇīyāt \

Pada: i     ásvargyaḥ syāt \

Line : 14  Pada: j     yán ná minuyā́d apaśúḥ syāt \

Pada: k     ekayūpá ékādaśa paśávo niyújyās

Pada: l     téna paśavyā̀s

Line : 15  Pada: m     téna svargás \

Pada: n     yát pakṣásaṃmitāṃ minuyā́t kánīyām̐sam̐ yajñakratúm upeyā́t kánīyasīṃ prajā́ṃ kánīyasaḥ paśū́n kánīyo 'nnā́dyaṃ pā́pīyānt syāt \

Line : 16  Pada: o     átʰa yád védisaṃmitāṃ minóti jyā́yām̐saṃ cinuté jyā́yām̐sam evá yajñakratúm úpaiti bʰū́yasīṃ prajā́ṃ bʰū́yasaḥ paśū́n bʰū́yo 'nnā́dyam̐ vásīyān bʰavati \

Line : 18  Pada: p     eṣā́ vā́ agnér uttarávatī nā́ma cítis \

Line : 19  Pada: q     uttarámuttaram̐ śváḥśvaḥ śréyān bʰavati yá evám̐ véda


Page: 56  
Line : 1  Pada: r     dvedʰā́ vā́ agníṃ cikyānásya yáśa indriyáṃ gácʰaty agním̐ vā gacʰaty ātmā́nam̐ vā //

Line : 3  Pada: s     rúcaṃ no dʰehi brāhmaṇéṣu rúcam̐ rā́jasu dʰāraya /

Line : 4  Pada: t     rúcam̐ viśyèṣu śūdréṣu máyi dʰehi rucā́ rúcam //

Line : 5  Pada: u     íti yáj juhóti \

Pada: v     ātmā́nam̐ vā́ etád agnér yáśasārpayati \

Pada: w     īśvaró vā́ eṣá duścármā bʰávitor yò 'gním adʰyéti //

Line : 7  Pada: x     tát tvā yāmi bráhmaṇā vándamānas tád ā́śāste yájamāno havírbʰiḥ /

Line : 8  Pada: y     áheḍamāno varuṇehá bodʰy úruśam̐sam ā́ nā ā́yuḥ prá moṣīḥ //

Line : 9  Pada: z     íti yáj juhóti

Pada: aa     śā́ntir vā́ eṣā́gnér gúptir ātmánas \

Pada: ab     váyo vā́ agnís

Pada: ac     tásmād agnicítā pakṣíṇo nā́śitavyàṃ nó agnivídā

Line : 10  Pada: ad     yád aśnīyā́t tám evā́śnīyāt

Line : 11  Pada: ae     sá enam ā́rtiṃ nínayet

Pada: af     prajā́patir vā́ etám ágre 'gním acinuta jyaíṣṭʰyakāmaḥ

Line : 12  Pada: ag     sá jyaíṣṭʰyaṃ mahimā́nam agacʰat \

Pada: ah     jyaíṣṭʰyaṃ mahimā́naṃ gacʰati yá evám̐ vidvā́n agníṃ cinuté

Line : 13  Pada: ai     prajā́patiḥ prajā́ḥ sr̥ṣṭvā́ tā́ anuprā́viśat

Pada: aj     sò 'bravīt \

Line : 14  Pada: ak     yó metáḥ saṃcinávadardʰnuvat sá íti

Pada: al     táṃ devā́ḥ sámacinvan \

Pada: am     tá ārdʰnuvan \

Pada: an     tác cítyasya cityatvám \

Line : 15  Pada: ao     tád yá evám̐ vidvā́n agníṃ cinóti prajā́patim evá sáṃcinoti \

Line : 16  Pada: ap     r̥dʰnóti

Pada: aq     tásmād āhuḥ

Pada: ar     prajā́paticita evā́gnír íti //


Anuvaka: 9  
Line : 17  Pada: a     devébʰyo vā́ agníṃ cikyānébʰyo ná vyaùcʰat

Pada: b     tè 'gnā́ ā́hutim ajuhavus

Line : 18  Pada: c     túbʰyam ágre vyùcʰa tátʰāsmábʰyam̐ vivatsyatī́ti

Pada: d     táyāgnáye vyaùcʰat \

Pada: e     vy àgnáyā aúcʰat \

Line : 19  Pada: f     nā́hutyai vyaùcʰat

Pada: g     tásyā ā́hutyai yajñéna vyaùcʰat \

Pada: h     vy ā̀hutyā aucʰat \

Pada: i     ná yajñā́ya vyaùcʰat

Line : 20  Pada: j     tásmai yajñā́ya dákṣiṇayā vyaùcʰat \

Pada: k     ví yajñā́yaucʰat \

Pada: l     ná dákṣiṇāyai vyaùcʰat

Page: 57  
Line : 1  Pada: m     tásyai dákṣiṇāyai brāhmaṇéna vyaùcʰat \

Pada: n     ví dákṣiṇāyā aúcʰan ná brāhmaṇā́ya vyaùcʰat

Line : 2  Pada: o     tásmai brāhmaṇā́ya bráhmaṇā vyaùcʰat \

Pada: p     ví brāhmaṇā́yaucʰat \

Pada: q     ná bráhmaṇe vyaùcʰat

Line : 3  Pada: r     tásmai bráhmaṇe tápasā vyaùcʰat \

Pada: s     etā́ vaí tápaḥparārdʰā vyùṣṭayaḥ

Pada: t     śvovasīyasy àsmai vyùcʰati yá evám̐ vidvā́n vyùṣṭīr upadʰatté

Line : 4  Pada: u     yó vaí yatʰāpūrvám̐ vyùṣṭīr véda yatʰāpūrvám asmai vyùcʰati \

Line : 5  Pada: v     auṣasī́ vā́vá pratʰamā́ vyùṣṭir vyávāḍ íti vā́ āhús \

Line : 6  Pada: w     yád aúṣasy udéti

Pada: x     yád vyucʰáti

Pada: y     yád agnír ādʰīyáte

Pada: z     yát sū́rya udéti

Pada: aa     yád dʰástā avanénikte

Line : 7  Pada: ab     yád aśnā́ti

Pada: ac     yát píbati \

Pada: ad     etā́ vaí yatʰāpūrvám̐ vyùṣṭayas \

Pada: ae     yátʰāpūrvám asmai vyùcʰati yá evám̐ vidvā́n vyùṣṭīr upadʰatté //


Anuvaka: 10  
Line : 9  Pada: a     yó vā́ agním ayoním anāyatanáṃ cinutè 'yonír anāyatanó bʰavati \

Pada: b     ā́po vā́ agnér yónis \

Line : 10  Pada: c     yát kumbʰeṣṭakā́ upadádʰāti

Pada: d     yónimantam evā́yátanavantam agníṃ cinuté yónimān āyátanavān bʰavati \

Line : 11  Pada: e     ádʰarasapatno 'gníś cetavyā̀ íty āhus \

Line : 12  Pada: f     ā́po vā́ agnéḥ sapátnas \

Pada: g     yát kumbʰeṣṭakā́ upadádʰāti \

Pada: h     ádʰarasapatnam evā́gníṃ cinuté 'dʰaro 'smāt pāpmā́ bʰavaty ádʰaraḥ sapátnaḥ

Line : 13  Pada: i     śúg vā́ agnís \

Pada: j     ā́paḥ śā́ntis \

Line : 14  Pada: k     yát kumbʰeṣṭakā́ upadádʰāti

Pada: l     śā́ntyai

Pada: m     yát kumbʰā́ś ca kumbʰyàś ca tán mitʰunám \

Line : 15  Pada: n     yád dvandvám \

Pada: o     prájātyai

Pada: p     dvā́daśópadadʰāti

Pada: q     dvā́daśa mā́sāḥ sam̐vatsaráḥ

Pada: r     sam̐vatsarám evā́ptvā́varunddʰe

Line : 16  Pada: s     naivāráś carús trayódaśo bʰavati \

Pada: t     ásti mā́sas trayodaśás

Line : 17  Pada: u     tám evaíténāptvā́varunddʰe

Pada: v     páyasi bʰavati

Pada: w     yát páyas \

Pada: x     grāmyáṃ ténānnā́dyam ávarunddʰe

Line : 18  Pada: y     yán nīvā́rās \

Pada: z     āraṇyáṃ téna

Pada: aa     ténaivá tád ubʰáyam ávarunddʰe //

Line : 19  Pada: ab     ity uparikāṇḍe vasordʰārīyaḥ caturtʰaḥ prapāṭʰakaḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.