TITUS
Black Yajur-Veda: Maitrayani-Samhita
Part No. 29
Previous part

Prapathaka: 5  
Anuvaka: 1  
Page: 58  
Line : 1  Pada: a     ā́ vā́ eṣá prajā́pataye vr̥ścate yáḥ śíra upadádʰāti nétarāṇy áṅgāni \

Pada: b     astʰicíd asya śmaśānacíd bʰavati

Line : 2  Pada: c     yád etā́ṃ púruṣacitim upadádʰāti

Pada: d     ná prajā́patayā ā́vr̥ścate \

Line : 3  Pada: e     ánastʰicid asyā́śmaśānacid bʰavati

Pada: f     ṣáṭtrim̐śatam etā́ úpadadʰāti

Line : 4  Pada: g     ṣáṭtrim̐śadakṣarā br̥hatī́

Pada: h     bā́rhatāḥ paśávas \

Pada: i     bā́rhataḥ púruṣaḥ

Line : 5  Pada: j     púruṣasya pratimópadʰīyate

Pada: k     sá hy èṣá dʰīyáte \

Pada: l     eṣá ha tv èvá yájamāno 'múṃ lokáṃ nā́ti prámīyate yásyaitā́ upadʰīyánte //


Anuvaka: 2  
Line : 7  Pada: a     átʰaitā́ḥ pañcāpañcī́nāḥ

Pada: b     śitʰirá iva vā́ agníś cítyas \

Pada: c     yát pañcāpañcī́nā upadádʰāti \

Line : 8  Pada: d     agnér dʰŕ̥tyā áśitʰiratvāya

Pada: e     páñcópadadʰāti

Pada: f     pā́ṅkto yajñás \

Line : 9  Pada: g     yā́vān evá yajñás tám ā́labdʰa

Pada: h     bʰūyaskŕ̥d asi

Pada: i     varivaskŕ̥d asī́ti \

Pada: j     agnā́ evá bʰūmā́naṃ dadʰāti

Line : 10  Pada: k     bʰū́yān prajáyā paśúbʰir bʰavati \

Pada: l     apsuṣád asi

Pada: m     gr̥dʰrasád asī́ti

Pada: n     váyo vā́ agníḥ

Line : 11  Pada: o     samíkṣyam evaínam̐ váyaḥ karoti

Pada: p     váyo bʰūtvā́ svargáṃ lokám eti yásyaitā́ upadʰīyánte //


Anuvaka: 3  
Line : 13  Pada: a     cítaḥ stʰa paricítaḥ stʰéti śárkarāḥ páriśrayati

Pada: b     yáñ śárkarā ápariśritya síkatā niváped rétaḥ siktáṃ párāsicyeta \

Line : 14  Pada: c     átʰa yáñ śárkarā ápariśritya síkatā nivápati

Line : 15  Pada: d     rétasaḥ siktásya párigr̥hītyai //


Anuvaka: 4  
Line : 16  Pada: a     ví vā́ eṣá yajñáś cʰidyate yád ásam̐stʰitaṃ paśúm utsr̥jánti

Pada: b     sám̐ ha sma vā́ etám āśokeyáḥ stʰāpayati \

Line : 17  Pada: c     ā́jyena sam̐stʰā́pyam \

Pada: d     yajñásya sáṃtatyā ávicʰedāya //


Anuvaka: 5  
Page: 59  
Line : 1  Pada: a     svargám̐ vā́ eṣá lokám anvā́rohati yò 'gníṃ cinuté

Pada: b     yád anvārohā́n juhóti

Line : 2  Pada: c     svargám evaínaṃ lokáṃ gamayitvā́tʰa kā́maṃ carati //

Line : 3  Pada: d     ity uparikāṇḍe pañcamaḥ prapāṭʰakaḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.