TITUS
Black Yajur-Veda: Maitrayani-Samhita
Part No. 41
Previous part

Kanda: 4  
Prapathaka: 1  
Anuvaka: 1  
Page: 1  
Line : 1  Pada: a     vánaspátīn vā́ ugró devá údauṣat

Pada: b     tám̐ śamyā́ ádʰyaśamayan \

Pada: c     táñ śamyā́ḥ śamītvám \

Line : 2  Pada: d     yáñ śamīśākʰáyā vatsā́n apākaróti

Pada: e     śā́ntyai

Pada: f     parṇávatī kāryā̀

Line : 3  Pada: g     paśūnā́m̐ vā́ etád rūpám \

Pada: h     paśumā́n bʰavati

Pada: i     yád aparṇā́ syā́d daṇḍásya tád rūpám̐ vájro daṇḍó vájreṇa paśū́n abʰiprávartayet

Line : 4  Pada: j     tr̥tī́yasyām̐ vaí diví sóma āsīt

Line : 5  Pada: k     táṃ gāyatrī́ śyenó bʰūtvā́harat

Pada: l     tásya parṇám acʰidyata

Pada: m     tátaḥ parṇó 'jāyata

Line : 6  Pada: n     tát parṇásya praṇatvám \

Pada: o     tásmāt sárve 'nyé vánaspátayaḥ parṇínas \

Pada: p     átʰaiṣá parṇá ucyate

Line : 7  Pada: q     yát parṇaśākʰáyā vatsā́n apākaróti

Pada: r     tám evá sómam ávarunddʰe

Pada: s     devā́ vaí bráhman * sámavadanta
      FN emended. Ed.: bráhma.

Line : 8  Pada: t     tát parṇá úpāśr̥ṇot

Pada: u     suśrávā vaí nā́maiṣá

Pada: v     ná badʰiró bʰavati yá evám̐ véda

Line : 9  Pada: w     bráhma vaí parṇás \

Pada: x     yát parṇaśākʰáyā prārpáyati

Pada: y     bráhmaṇaivaínāḥ prā́rpayati \

Line : 10  Pada: z     iṣé tvéti \

Pada: aa     íṣam ū́rjam̐ yajñé ca yajñápatau cādʰāt \

Pada: ab     vāyávaḥ stʰéti

Pada: ac     vāyúr vā́ antárikṣasyā́dʰyakṣas \

Line : 11  Pada: ad     antarikṣadevatyā̀ḥ paśávas \

Pada: ae     vāyúr evaínān antárikṣāya páridadāti

Line : 12  Pada: af     prá vā́ enān etád ā́karoti yád vāyávaḥ stʰéty ā́ha \

Pada: ag     ā́raṇyasyeva hí vāyús \

Line : 13  Pada: ah     devó vaḥ savitā́ prā́rpayatv íti

Pada: ai     savitŕ̥prasūta evaínāḥ prā́rpayati

Line : 14  Pada: aj     śréṣṭʰatamāya kármaṇā íti

Pada: ak     yajñó vaí śréṣṭʰatamas \

Pada: al     yajñā́yaivaínāḥ prā́rpayati \

Line : 15  Pada: am     ā́pyāyadʰvam agʰnyā devébʰyā íti

Pada: an     vatsébʰyaś ca vā́ etā́ manuṣyèbʰyaś ca purā́pyāyante \

Line : 16  Pada: ao     átʰaitárhi devébʰya evaínā ā́pyāyayati

Pada: ap     mā́ vaḥ stená īśata mā́gʰáśam̐sā íti \

Page: 2  
Line : 1  Pada: aq     āśíṣam evā́śāste

Pada: ar     dʰruvā́ asmín gópatau syāta bahvī́r íti

Line : 2  Pada: as     praívá janayati //

Line : 3  Pada: at     śuddʰā́ apáḥ suprapāṇé píbantīḥ // íti

Line : 4  Pada: au     punā́ty evaínāḥ //

Line : 5  Pada: av     rudrásya hetíḥ pári vo vr̥ṇaktu // íti

Line : 6  Pada: aw     rudrā́d evaínās trāyante //

Pada: ax     pūṣā́ vaḥ paraspā́ áditiḥ pretvarīyā́ índro vó 'dʰyakṣó 'naṣṭāḥ púnar éta // íti

Line : 7  Pada: ay     tráyo vā́ imé lokā́s \

Pada: az     ebʰyá evaínā lokébʰyaḥ púnar ā́vartayati

Line : 8  Pada: ba     yájamānasya paśū́n pāhī́ti

Pada: bb     yájamānasyaivá paśūnā́ṃ gopītʰā́yāhim̐sāyai //

Line : 9  Pada: bc     pratī́cīm̐ śā́kʰām úpagūhati

Pada: bd     tásmād grāmyā́ḥ paśávaḥ sāyám áraṇyād grā́mam ā́yanti

Line : 10  Pada: be     pratyáñca enaṃ paśávo bʰavanti yá evám̐ véda //


Anuvaka: 2  
Line : 12  Pada: a     devásya tvā savitúḥ prasavè 'śvínor bāhúbʰyāṃ pūṣṇó hastābʰyām ā́dadā íti

Line : 13  Pada: b     savitŕ̥prasūta evaínāṃ devátābʰir ā́datte

Pada: c     prajā́patir vā́ óṣadʰīḥ paruśśó veda

Line : 14  Pada: d     prājāpatyó 'śvas \

Pada: e     yád aśvaparaśvā barhír dā́ti \

Pada: f     óṣadʰīnām áhim̐sāyai

Line : 15  Pada: g     goṣád asī́ti

Pada: h     rayím̐ yájamāne dadʰāti

Pada: i     prátyuṣṭam̐ rákṣā íti

Pada: j     rákṣasām ápahatyai

Line : 16  Pada: k     préyám agād dʰiṣáṇā barhír ácʰéti

Pada: l     vidyā́ vaí dʰiṣáṇā

Pada: m     vidyáyaivaínad ácʰaiti

Line : 17  Pada: n     mánunā kr̥tā́ svadʰáyā vítaṣṭéti

Pada: o     mánunā hy èṣā́ kr̥tā́ svadʰáyā vítaṣṭā

Line : 18  Pada: p     táyā́vahante * kaváyaḥ purástād íti
      FN emended. Ed.: táyā vahante. cf. MS.1.1.2:1.7.

Pada: q     brāhmaṇā́ḥ kaváyas \

Pada: r     ŕ̥ṣayaḥ kaváyaḥ //


Page: 3  
Line : 1  Pada: s     devébʰyo júṣṭam ihá barhír āsáde // íti

Line : 2  Pada: t     devébʰya evaínaṃ júṣṭaṃ karoti

Pada: u     devā́nāṃ pariṣūtám ásīti

Pada: v     yád vā́ idáṃ kíṃca tád devā́nāṃ pariṣūtám \

Line : 3  Pada: w     yátʰā śréyase prócya kárma karóty evám̐ vā́ etád devébʰyaḥ prócya barhír dāti

Line : 4  Pada: x     yā́vat paridiśáti tát sárvaṃ dāti

Pada: y     yát tát sárvaṃ ná dā́ti yajñásya tád átirecayati

Line : 5  Pada: z     yád vaí yajñásyātiricyáte bʰrā́tr̥vyaṃ téna vardʰayati \

Pada: aa     ékam̐ stambáṃ páridiśati

Line : 6  Pada: ab     tám̐ sárvaṃ dāti

Pada: ac     yajñásyā́natirecāya

Pada: ad     víṣṇoḥ stupá íti

Line : 7  Pada: ae     víṣṇor vaí stupò 'cʰidyata

Pada: af     sá pr̥tʰivī́ṃ prā́viśat \

Pada: ag     yát pratʰamáṃ nótsr̥jed ā́rtim ā́rcʰet \

Line : 8  Pada: ah     devásya tvā savitúḥ prasavè 'śvínor bāhúbʰyāṃ pūṣṇó hástābʰyāṃ barhír devasádanaṃ dāmī́ti

Line : 9  Pada: ai     savitŕ̥prasūta evaínad devátābʰir dāti //

Pada: aj     mā́dʰó mópári párusta r̥dʰyāsam // íti \

Line : 10  Pada: ak     óṣadʰīnām áhim̐ṣāyai //

Pada: al     ācʰettā́ te mā́rṣam // íti

Line : 11  Pada: am     yā́vadyāvad evám ávidvān adʰvaryúr barhír dā́ti tā́vad asyātmáno mīyate

Line : 12  Pada: an     nā́syātmáno mīyate yá evám̐ véda \

Pada: ao     átas tváṃ brhiḥ śatávalśam̐ vírohéti \

Line : 13  Pada: ap     óṣadʰīṣv evá bʰūmā́naṃ dadʰāti

Pada: aq     sahásravalśā * ví vayám̐ ruheméti \
      FN emended. Ed.: sahásravaliśā. cf. MS.1.1.2:2.1.

Line : 14  Pada: ar     āśíṣam evā́śāste \

Pada: as     ádityā rā́snāsī́ti \

Pada: at     iyám̐ vā́ áditis \

Pada: au     asyā́ evaínad rā́snāṃ karoti \

Line : 15  Pada: av     indrāṇyā́ḥ saṃnáhanam íti \

Pada: aw     indrāṇī́ vā́ ágre devátānām̐ sámanahyatā ŕ̥ddʰikāmā

Line : 16  Pada: ax     sā́rdʰnot \

Pada: ay     ŕ̥ddʰyai \

Pada: az     r̥dʰnóti yá evám̐ véda

Pada: ba     barhíḥ sáṃnahyati

Line : 17  Pada: bb     prajā́ vaí barhíḥ

Pada: bc     prajā́nām̐ sáṃtatyai prajā́nām áparāvāpāya

Pada: bd     tásmāt snā́vnā prajā́ḥ sáṃtatāḥ

Line : 18  Pada: be     pūṣā́ te grantʰíṃ gratʰnātv íti

Pada: bf     púṣṭir vaí pūṣā́

Pada: bg     púṣṭim̐ yájamāne dadʰāti

Line : 19  Pada: bh     sá te mā́ stʰād íti

Pada: bi     yájamānasyā́him̐sāyai //

Line : 20  Pada: bj     ā́pas tvā́m aśvínau tvā́m ŕ̥ṣayaḥ saptá māmr̥juḥ /

Line : 21  Pada: bk     barhíḥ sū́ryasya raśmíbʰir uṣásāṃ ketúm ā́rabʰe // íti

Page: 4  
Line : 1  Pada: bl     aśvínau vaí devā́nāṃ bʰiṣájau

Pada: bm     tā́ enad bʰiṣajyate \

Pada: bn     índrasya tvā bāhúbʰyām údyacʰā íti \

Line : 2  Pada: bo     índrasyaivaínad bāhúbʰyām údyacʰate

Pada: bp     bŕ̥haspáter mūrdʰnā́harāmī́ti

Pada: bq     bráhma vaí bŕ̥haspátis \

Line : 3  Pada: br     bráhmaṇaivaínad dʰarati \

Pada: bs     urv àntárikṣam íti

Pada: bt     sámiṣṭʰyā evá \

Pada: bu     ádityās tvā pr̥ṣṭʰé sādayāmī́ti \

Line : 4  Pada: bv     iyám̐ vā́ áditis \

Pada: bw     asyā́m evaínad asīṣadat //

Pada: bx     barhír asi devaṃgamám // íty ā́sannam abʰímantrayate

Pada: by     bahú vā́ etásya pūrvedyúr āhriyámāṇasyehá cehá ca skandati \

Line : 6  Pada: bz     áskannam enad devátābʰyaḥ saṃprā́dāt \

Pada: ca     yájamānasyā́him̐sāyai //


Anuvaka: 3  
Line : 8  Pada: a     pūrvedyúr idʰmā́ barhíḥ kurvanti

Pada: b     yajñám evā́rábʰyópavasati

Pada: c     prajā́patiḥ prajā́ asr̥jata

Line : 9  Pada: d     tásyokʰé asram̐setām \

Pada: e     sá etā́bʰyām ukʰā́bʰyāṃ prátyadʰatta

Line : 10  Pada: f     yád eté ukʰé bʰávataḥ

Pada: g     prajā́pater evókʰé prátidadʰāti

Pada: h     śúndʰadʰvaṃ daivyāya kármaṇā íti

Line : 11  Pada: i     devébʰya evaínāni śundʰati

Pada: j     vásūnāṃ pavítram asī́ti

Pada: k     vásūnām̐ vā́ etád bʰāgadʰéyam \

Line : 12  Pada: l     tébʰya evaínat karoti

Pada: m     pavítram apidadʰāti \

Pada: n     óṣadʰīnāṃ ca paśūnā́ṃ ca páyaḥ sáṃsr̥jati

Line : 13  Pada: o     vā́cam̐ yacʰati

Pada: p     yajñásya dʰŕ̥tyai

Pada: q     dʰāráyann āste

Line : 14  Pada: r     dʰāráyanta iva hí duhánti

Pada: s     dyaúr asi pr̥tʰivy àsī́ti \

Pada: t     ābʰyā́m evaínāṃ právr̥ṇakti

Line : 15  Pada: u     mātariśvano gʰarmá íti \

Pada: v     antárikṣam̐ vaí mātaríśvano gʰarmás \

Pada: w     antárikṣasya dʰŕ̥tyai

Line : 16  Pada: x     kā́m adʰukṣaḥ

Pada: y     sā́ viśvā́yuḥ

Pada: z     sā́ viśvabʰū́ḥ

Pada: aa     sā́ viśvákarméti \

Pada: ab     asaú vā́vá viśvā́yus \

Line : 17  Pada: ac     antárikṣam̐ viśvabʰū́s \

Pada: ad     iyám̐ viśvákarmā \

Pada: ae     imā́n vā́ etál lokān yatʰāpūrváṃ prádāpayate \

Line : 18  Pada: af     imā́ṃl lokā́n yatʰāpūrváṃ práttān duhe yá evám̐ véda

Pada: ag     tisró yájuṣābʰímantrayate

Line : 19  Pada: ah     tráyo vā́ imé lokā́s \

Pada: ai     eṣú vā́ etál * lokéṣu rásaṃ dadʰāti
      FN emended. Ed.: etáṃ

Page: 5  
Line : 1  Pada: aj     tásmād imā́ṃl lokā́n prajā́ úpajīvanti

Pada: ak     hutáḥ stokó hutó drapsá íty abʰímantrayate

Line : 2  Pada: al     áskandāya //

Pada: am     índrāya devébʰyo havír bahú dugdʰi // íti trír údvadati

Line : 3  Pada: an     tríṣatyā hí devā́s \

Pada: ao     ná dārupātréṇa duhyāt \

Pada: ap     agnimád vaí dārupātrám \

Pada: aq     yātáyāmena havíṣā yajeta

Line : 4  Pada: ar     tád dʰa smāhur dātreyā́ḥ

Pada: as     puroḍā́śamukʰam̐ havís \

Pada: at     ná vā́ itáitaḥ puroḍā́śam̐ havíṣo yā́mo 'sti

Line : 5  Pada: au     dogdʰavyám evéti

Pada: av     ná śūdró duhyāt \

Line : 6  Pada: aw     ásato vā́ eṣá sáṃbʰūtas \

Pada: ax     ásant syāt \

Pada: ay     yád vaí pavítram atyéti tád dʰavís \

Pada: az     agnihotrám evá śūdró ná duhyāt

Line : 7  Pada: ba     tád dʰí nótpunánti //

Line : 8  Pada: bb     sáṃpr̥cyadʰvam r̥tāvarīr ūrmíṇā mádʰumattamāḥ /

Line : 9  Pada: bc     pr̥ñcatī́ḥ páyasā páyo mandrā́ dʰánasya sātáye //

Line : 10  Pada: bd     íti prátinayati

Pada: be     śr̥tatvā́ya

Pada: bf     śr̥tákāmā hí devā́s \

Pada: bg     índrāya tvā bʰāgám̐ sómenā́tanacmī́ti

Line : 11  Pada: bh     sómam evaínat karoti

Pada: bi     tásya ha tvaí somapītʰáḥ sáṃtato yá evám̐ vidvā́nt sānnāyyáṃ píbati //

Line : 12  Pada: bj     ádastam asi víṣṇave tvā // íti

Line : 13  Pada: bk     yajñó vaí víṣṇus \

Pada: bl     yajñā́yaivaínad ádastaṃ karoti

Pada: bm     víṣṇo havyám̐ rakṣasvéti

Line : 14  Pada: bn     yátʰāhaiṣá te bʰāgás tám̐ rakṣasvéty evám̐ vā́ etád víṣṇum āhaitát te havyáṃ tád rakṣasvéti

Line : 15  Pada: bo     ná mr̥tpātréṇā́pidadʰyāt

Pada: bp     pitr̥devatyàm̐ havíḥ syāt \

Pada: bq     dārupātréṇāpidadʰyāt \

Line : 16  Pada: br     agnimád vaí dārupātram

Pada: bs     agnír evá havyám̐ rakṣati \

Pada: bt     udanvát kāryàm

Pada: bu     ā́po vaí rakṣogʰnī́s \

Line : 17  Pada: bv     apó rákṣām̐si ná taranti

Pada: bw     rákṣasām ápahatyai //


Anuvaka: 4  
Line : 18  Pada: a     yó vaí śraddʰā́m ánālabʰya yajate nā́sya devamanuṣyā́ iṣṭā́ya śráddadʰati \

Pada: b     apáḥ práṇayati \


Page: 6  
Line : 1  Pada: c     ā́po vaí śraddʰā́

Pada: d     śraddʰā́m evā́lábʰya yajate \

Pada: e     ā́po yajñás \

Pada: f     yajñáṃ tátvā prácarati \

Line : 2  Pada: g     ā́po devā́nāṃ priyáṃ dʰā́ma

Pada: h     devā́nāṃ priyáṃ dʰā́ma praṇī́ya prácarati \

Pada: i     ā́paḥ satyám \

Line : 3  Pada: j     satyám evā́lábʰya yajate \

Pada: k     ā́po rakṣogʰnī́s \

Pada: l     rákṣasām ápahatyai \

Pada: m     ā́po vájras \

Line : 4  Pada: n     vájraṃ bʰrā́tr̥vyāya práharati

Pada: o     stŕ̥tyai \

Pada: p     ā́paḥ śraddʰā́

Pada: q     śrád dʰāsya devā́ḥ śrán manuṣyā̀ iṣṭā́ya dadʰate yásyaivám̐ vidúṣa evám̐ vidvā́n apáḥ prāṇáyati

Line : 6  Pada: r     dévīr āpo 'greguvā íti

Pada: s     yajñám evá práṇayati

Pada: t     devásya tvā savitúḥ prasavè 'śvínor bāhúbʰyāṃ pūṣṇó hástābʰyām ā́dadā íti

Line : 7  Pada: u     savitr̥prasūta evaínad devátābʰir ā́datte \

Line : 8  Pada: v     urv àntárikṣam íti

Pada: w     sámiṣṭyā evá

Pada: x     prátyuṣṭam̐ rákṣā íti

Pada: y     rákṣasām ápahatyai

Line : 9  Pada: z     dʰū́r asi dʰvára dʰvárantam íti

Pada: aa     dʰúryo vaí nā́maiṣò 'gnís \

Pada: ab     yád ánālabʰyātīyā́d yájamānam̐ śucā́rpayet \

Line : 10  Pada: ac     dvaú vā́vá púruṣasya bʰrā́tr̥vyau

Pada: ad     yáṃ dvéṣṭi yáś cainaṃ dvéṣṭi tā́ evá śucā́rpayati //


Anuvaka: 5  
Line : 12  Pada: a     devā́nām asi váhnitamam̐ sásnitamaṃ pápritamaṃ júṣṭatamaṃ devahū́tamam íti

Line : 13  Pada: b     devébʰya evaínad váhnitamam̐ sásnitamaṃ pipritamaṃ júṣṭatamaṃ devahū́tamaṃ karoti \

Pada: c     áhrutam asi havirdʰā́nam \

Line : 14  Pada: d     dr̥m̐hasva

Pada: e     mā́ hvār íti

Pada: f     dŕ̥m̐haty evaínat \

Pada: g     víṣṇoḥ krámo 'si \

Line : 15  Pada: h     úru vā́tāyéti

Pada: i     yád vaí kíṃca vā́to nā́bʰivā́ti tád váruṇasya \

Pada: j     avaruṇyám evaínat karoti

Line : 16  Pada: k     mitrásya vaś cákṣuṣā prékṣā íti

Pada: l     mitrám evaínān kurute //

Pada: m     ū́rjaṃ gr̥hṇīta // íti \

Line : 17  Pada: n     ū́rjam̐ yájamāne dadʰāti //

Pada: o     prábʰūtyai vaḥ // íti

Pada: p     praívaínān bʰāvayati

Line : 18  Pada: q     devásya vaḥ savitúḥ prasavè 'śvínor bāhúbʰyāṃ pūṣṇó hástābʰyām \

Page: 7  
Line : 1  Pada: r     yácʰantu páñca

Pada: s     gopītʰā́ya vo nārātaye \

Pada: t     agnáye vo júṣṭān nírvapāmī́ti

Line : 2  Pada: u     savitŕ̥prasūta evaínān devátābʰir nírvapati

Pada: v     yácʰantu páñcéti

Pada: w     páñca vā́ r̥távas \

Line : 3  Pada: x     r̥tū́n vā́ etát prīṇāti

Pada: y     tè 'smai prītā́ḥ kalpante

Pada: z     gopītʰā́ya vo nā́rātayā íti

Line : 4  Pada: aa     rákṣasām ápahatyai \

Pada: ab     agnáye vo júṣṭān íti \

Pada: ac     agnáya evaínān júṣṭān karoti \

Line : 5  Pada: ad     átʰo yásyai devátāyai nirvápati tásyā enān júṣṭān karoti \

Pada: ae     idáṃ devā́nām idám u naḥ sahéti

Line : 6  Pada: af     vyā́vr̥ttyai

Pada: ag     dŕ̥m̐hantāṃ dúryā íti

Pada: ah     havíṣo gr̥hītā́d imé lokā́ údavepanta

Line : 7  Pada: ai     tā́n devā́ eténa yájuṣādr̥m̐han

Pada: aj     yád etád yájur védaty eṣā́ṃ lokā́nāṃ dʰŕ̥tyai

Line : 8  Pada: ak     nír váruṇasya pā́śād amukṣī́ti

Pada: al     varuṇapāśā́d evá nírmucyate \

Line : 9  Pada: am     ātmánó 'him̐sāyai

Pada: an     svàr abʰivyàkśam íti

Pada: ao     táma iva vā́ eṣá prápadyate parīṇáham \

Line : 10  Pada: ap     svàr evā́bʰivípaśyati

Pada: aq     jyótir vaiśvānarám íti \

Pada: ar     asaú vā́ ādityó jyótir vaiśvānarám //

Line : 11  Pada: as     urv àntárikṣam ánvemi // íti

Pada: at     yád vī̀hī́ti brūyā́d vyā́yuko 'dʰvaryúḥ syāt //

Line : 12  Pada: au     urv àntárikṣam anvemi // íti \

Pada: av     ávyāyuko 'dʰvaryúr bʰavati \

Pada: aw     ádityā va upástʰe sādayāmī́ti \

Line : 13  Pada: ax     iyám̐ vā́ áditis \

Pada: ay     asyā́m evaínān asīṣadat //

Line : 14  Pada: az     ágne havyám̐ rakṣasva // íti purá úpasādayati \

Pada: ba     agnír evá havyám̐ rakṣate //


Anuvaka: 6  
Line : 15  Pada: a     víṣṇor mánasā pūté stʰaḥ // íti

Pada: b     yajñó vaí víṣṇus \

Pada: c     yajñā́yaivaíne punāti

Line : 16  Pada: d     devó vaḥ savitótpunātv íti

Pada: e     savitŕ̥prasūta evaínā útpunāti \

Pada: f     agnáye vo júṣṭān íti \

Line : 17  Pada: g     agnáya evaínān júṣṭān karoti \

Pada: h     átʰo yásyai devátāyai prokṣáti tásyā enān júṣṭān karoti

Line : 18  Pada: i     yád vó 'śuddʰa ālebʰé táñ śundʰadʰvam íti

Pada: j     śúndʰaty evaínāni \


Page: 8  
Line : 1  Pada: k     ádityās tvág asī́ti \

Pada: l     iyám̐ vā́ áditis \

Pada: m     asyā́ evaínat tvácaṃ karoti \

Pada: n     ávadʰūtam̐ rákṣā íti

Line : 2  Pada: o     rákṣasām ápahatyai

Pada: p     pratīcīnagrīvaṃ kr̥ṣṇājinám úpastr̥ṇāti

Pada: q     tásmāt pratyáñcaḥ paśávo médʰam úpatiṣṭʰante

Line : 3  Pada: r     pr̥tʰugrā́vāsi vānaspatyá íti

Pada: s     grā́vāṇam evaínat karoti \

Line : 4  Pada: t     agnér jihvā́si vācó visárjanam íti \

Pada: u     agnér hy èṣā́ jihvā́ vācó visárjanam \

Line : 5  Pada: v     yadā́ hí paśávā óṣadʰīnām aśnánty átʰa vā́cam̐ visr̥jánte \

Line : 6  Pada: w     ā́yuṣe vā íti \

Pada: x     ā́yur yájamāne dadʰāti

Pada: y     br̥hadgrā́vāsi vānaspatyá íti

Line : 7  Pada: z     grā́vāṇam evaínat karoti

Pada: aa     devébʰyo havyám̐ śamīṣvéti

Pada: ab     devébʰya evaínat karoti //

Line : 8  Pada: ac     ápahatam̐ rákṣaḥ // íti

Pada: ad     rákṣasām ápahatyai //

Pada: ae     háviṣkr̥d éhi // íti

Line : 9  Pada: af     yó devā́nām̐ haviṣkŕ̥t tám̐ hvayati

Pada: ag     trír hvayati

Pada: ah     tríṣatyā hí devā́s \

Line : 10  Pada: ai     mánor vaí śraddʰā́devasya yájamānasyāsuragʰnī́ vā́g yajñāyudʰā́ni práviṣṭāsīt

Line : 11  Pada: aj     tásyā vádantyā yā́vantó 'surā upā́śr̥ṇvam̐s tā́vantas tád áhar nā́bʰavan \

Line : 12  Pada: ak     evám̐ vidvā́n brāhmaṇó bʰrā́tr̥vyāṇāṃ mádʰye 'vasā́ya yajeta

Line : 13  Pada: al     yā́vanta evā́sya bʰrā́tr̥vyā yajñāyudʰā́nām upaśr̥ṇvánti téṣāṃ téja indriyám̐ vīryàm̐ vr̥ṅkte

Line : 14  Pada: am     kuṭárur asi mádʰujihvas tváyā vayám̐ saṃgʰātám̐saṃgʰātaṃ jeṣméti

Line : 15  Pada: an     saṃgʰātám̐saṃgʰātam̐ vā́vaíténa yájamāno bʰrā́tr̥vyaṃ jayati \

Pada: ao     íṣam ā́vadórjam ā́vada rāyáspóṣam ā́vadéti \

Line : 16  Pada: ap     āśíṣam evā́śāste //


Anuvaka: 7  
Line : 17  Pada: a     varṣávr̥ddʰam asi

Pada: b     práti tvā varṣavr̥ddʰam̐ vetv íti

Pada: c     prátiṣṭʰityai \

Pada: d     asnā́ vaí devā́ḥ paśúbʰyo rákṣām̐si niravā́dayanta túṣair óṣadʰībʰyas \

Line : 18  Pada: e     yád ā́ha párāpūtam̐ rákṣaḥ párāpūtā́rātir íti \

Page: 9  
Line : 1  Pada: f     etā́vataivá yajñásya rákṣām̐si nirávadayate //

Pada: g     devó vaḥ savitā́ vívinaktu // íti

Line : 2  Pada: h     savitŕ̥prasūta evaínān vívinakti //

Pada: i     suvícā vívicyadʰvam // íti \

Line : 3  Pada: j     āśíṣam evā́śāste

Pada: k     súpʰalīkr̥tān kuryāt \

Pada: l     médʰyān enān yajñíyān karoti

Line : 4  Pada: m     tríḥ pʰalī́karoti

Pada: n     tríṣatyā hí devā́s \

Pada: o     ádityās tvág asī́ti \

Line : 5  Pada: p     iyám̐ vā́ áditis \

Pada: q     asyā́ evaínat tvácaṃ karoti \

Pada: r     ávadʰūtam̐ rákṣā íti

Line : 6  Pada: s     rákṣasām ápahatyai

Pada: t     pratīcī́nagrīvaṃ kr̥ṣṇājinám úpastr̥ṇāti

Pada: u     tásmāt pratyáñcaḥ paśávo médʰam úpatiṣṭʰante \

Line : 7  Pada: v     ádityāḥ skambʰò 'sī́ti śámyām úpadadʰāti \

Pada: w     imé vaí sahā́stām \

Line : 8  Pada: x     té śamyāmātrám̐śamyāmātram̐ vyaìtām \

Pada: y     yáñ śámyām upadádʰāti \

Line : 9  Pada: z     anáyor evá vídʰr̥tyai

Pada: aa     dʰānyàm asi dʰinuhí devā́n íti \

Pada: ab     etásya vaí yájuṣo vīryèṇa yā́vad ékā devátā kāmáyate

Line : 10  Pada: ac     yā́vad ékā tā́vad asyā ā́hutiḥ pratʰate

Line : 11  Pada: ad     prátʰate prajáyā paśúbʰir yá evám̐ véda

Pada: ae     prāṇā́ya tvāpānā́ya tvā vyānā́ya tvéti

Line : 12  Pada: af     prāṇám apānám̐ vyānáṃ tā́n yájamāne dadʰāti

Pada: ag     dīrgʰā́m ánu prásr̥tim̐ sám̐spr̥śetʰām

Line : 13  Pada: ah     ā́yuṣe vā íti \

Pada: ai     ā́yur asmin dadʰāti

Pada: aj     mitrásya vaś cákṣuṣā́vekṣā íti

Line : 14  Pada: ak     mitrám evaínān kurute

Pada: al     devó vaḥ savitā́ híraṇyapāṇir úpagr̥hṇātv íti

Line : 15  Pada: am     savitŕ̥prasūta evaínān úpagr̥hṇāti //


Anuvaka: 8  
Line : 16  Pada: a     nírdagdʰam̐ rákṣā íti

Pada: b     rákṣasām ápahatyai

Pada: c     yád adʰástād áṅgāram upavartáyati \

Pada: d     asmím̐s téna loké jyótir dʰatte

Line : 17  Pada: e     yád upáriṣṭād antárikṣe téna \

Pada: f     asā́ asmā ādityò 'múṣmiṃl loké jyótir bʰavati \

Line : 18  Pada: g     átʰo dívaivā́smā amúṣmiṃl loké bʰávati sárve 'smā imé lokā́ jyótiṣmanto bʰavati yá evam̐ véda

Line : 19  Pada: h     trī́ṇi samīcī́nāny úpadadʰāti

Line : 20  Pada: i     tráyo vā́ imé lokā́s \

Pada: j     eṣā́ṃ lokā́nāṃ dʰr̥tyai \

Line : 21  Pada: k     ápāgne 'gním āmā́daṃ jahī́ti

Pada: l     yá āmā́t kravyā́t tám apahátya devayájane yajñíyā úpadadʰāti


Page: 10  
Line : 1  Pada: m     dʰruvám asi pr̥tʰivī́ṃ dr̥m̐héti

Pada: n     pr̥tʰivī́m evá dr̥m̐hati

Line : 2  Pada: o     dʰarúṇam asy antárikṣaṃ dr̥m̐héti \

Pada: p     antárikṣam evá dr̥m̐hati

Pada: q     dʰratrám asi dívaṃ dr̥m̐héti

Line : 3  Pada: r     dívam evá dr̥m̐hati

Pada: s     dʰármāsi víśvā víśvāni dr̥m̐héti

Pada: t     díśa evá dr̥m̐hati

Line : 4  Pada: u     prajā́patir vaí yát samábʰavat sá etāvañśá evá sámabʰavat \

Pada: v     ékam̐ vā́ ágre śīrṣṇáḥ kapā́lam̐ sáṃbʰavati \

Line : 5  Pada: w     átʰa dvitī́yam átʰa tr̥tī́yam átʰa caturtʰám átʰa pañcamám átʰa ṣaṣṭʰám átʰa saptamám átʰāṣṭamám \

Line : 6  Pada: x     yád aṣṭā́ upadádʰāti \

Pada: y     ātmā́nam̐ vā́ etád yájamānaḥ sám̐skurute

Line : 7  Pada: z     tám̐ sám̐skr̥tam amúṣmiṃl lokè 'nupáraiti

Pada: aa     yád aṣṭā́ upadádʰāti

Line : 8  Pada: ab     gāyatrī́ṃ téna cʰánda āpnoti

Pada: ac     yád ékādaśa

Pada: ad     triṣṭúbʰaṃ téna

Pada: ae     yád dvā́daśa

Pada: af     jágatīṃ téna \

Line : 9  Pada: ag     átʰo sárvāṇy evá cʰándaḥsaṃmitāny úpadadʰāti //

Pada: ah     cítaḥ stʰa paricítaḥ stʰa // íti

Line : 10  Pada: ai     yájuṣmanti karoti

Pada: aj     vásūnām̐ rudrā́ṇām ādityā́nāṃ bʰŕ̥gūṇām áṅgirasāṃ gʰarmásya tápasā tapyadʰvam íti

Line : 11  Pada: ak     etā́sām enāni devátānāṃ tápasā tapati //

Line : 13  Pada: al     yā́ni gʰarmé kapā́lāny upacinvánti vedʰásaḥ /

Line : 14  Pada: am     pūṣṇás tā́ny ápi vratá indravāyū́ vímuñcatām // íti

Line : 15  Pada: an     yájuṣaivá yujyánte yájuṣā vímucyante //


Anuvaka: 9  
Line : 16  Pada: a     devásya vaḥ savitúḥ prasavè 'śvínor bāhúbʰyāṃ pūṣṇó hástābʰyām̐ sám̐vapāmī́ti

Line : 17  Pada: b     savitŕ̥prasūta evaínāṃ devátābʰiḥ sám̐vapati

Pada: c     pavítravat sám̐vapati

Line : 18  Pada: d     havíḥ karoti

Pada: e     devó vaḥ savitótpunātv íti

Pada: f     savitŕ̥prasūta evaínā útpunāti \


Page: 11  
Line : 1  Pada: g     apá úpasr̥jati \

Pada: h     amŕ̥tam̐ vā́ ā́pas \

Pada: i     amŕ̥tam evá havíḥ karoti

Pada: j     sám ā́pā óṣadʰībʰir gácʰantām \

Line : 2  Pada: k     sám óṣadʰayo rásena

Pada: l     sám̐ revátīr jágatīr íti \

Pada: m     anyā́ vā́ etā́sām anyā́ jinvanti \

Line : 3  Pada: n     ā́pā óṣadʰīr jínvanti \

Pada: o     óṣadʰīr apáḥ

Pada: p     śivā́ḥ śivā́bʰiḥ sámasr̥kṣatā́pā íti \

Line : 4  Pada: q     ā́po vaí revátīs \

Pada: r     óṣadʰayo mádʰumatīḥ

Pada: s     paśávo jágatīs \

Line : 5  Pada: t     apá óṣadʰīḥ paśū́m̐s tā́n asmai sam̐sŕ̥jyaikadʰā́ mádʰumataḥ karoti //

Pada: u     makʰásya śíro 'si // íty āha

Line : 6  Pada: v     yajñó vaí makʰás

Pada: w     tásya vā́ etáñ śíraḥ krīyate

Line : 7  Pada: x     sī́dantu víśas \

Pada: y     jánayatyai tvéti

Pada: z     mitʰunám evá karoti

Pada: aa     gʰarmó 'si viśvā́yus \

Line : 8  Pada: ab     gʰárma gʰarmé śrayasva \

Pada: ac     urú pratʰasva \

Pada: ad     urú te yajñápatiḥ pratʰatām íti

Pada: ae     pratʰáyaty evaínaṃ //

Line : 9  Pada: af     práti pratʰasva pr̥tʰivī́m utá dyā́m // íti \

Pada: ag     imé evá pratʰayati

Pada: ah     gʰarmó vā́ eṣò 'rdʰamāsè'rdʰamāse právr̥jyate

Line : 10  Pada: ai     sá īśvaró 'śāntas téjasā yájamānasya paśū́n nirdáhas \

Line : 11  Pada: aj     yát páryagniṃ karóti

Pada: ak     paśúm evá karoti

Pada: al     śā́ntyā ánirdāhāya

Line : 12  Pada: am     tríḥ páryagniṃ karoti

Pada: an     tráyo vā́ imé lokā́s \

Pada: ao     ebʰyá evaínaṃ lokébʰyaḥ śamayati

Line : 13  Pada: ap     puroḍā́śam̐ * vā́ ádʰiśritam̐ rákṣām̐sy ajigʰām̐san \
      FN emended. Ed.: paroḍā́śam̐.

Pada: aq     sá nā́ko nā́ma diví rakṣohā́gníḥ

Line : 14  Pada: ar     sò 'smād rákṣām̐sy ápāhan

Pada: as     yád ā́ha

Pada: at     devás tvā savitā́ śrapayatu várṣiṣṭʰe ádʰi nā́ke pr̥tʰivyā́ íti

Line : 15  Pada: au     rákṣasām ápahatyai

Pada: av     śiro vā́ etád yajñásya yát puroḍā́śaḥ

Line : 16  Pada: aw     kéśā vedás \

Pada: ax     yátʰā śīrṣṇáḥ kapā́lāny eváṃ kapā́lāni

Line : 17  Pada: ay     yátʰā mastíṣka eváṃ puroḍā́śaḥ

Pada: az     súśr̥taḥ kāryàs \

Pada: ba     medʰyatvā́ya

Pada: bb     yát puroḍā́śaṃ nā́bʰivāsáyed āvír mastíṣkaḥ syāt \

Line : 18  Pada: bc     yád abʰivāsáyati

Pada: bd     tásmād gúhā mastíṣkas tvácaṃ grāhayati

Line : 19  Pada: be     tásmān mastíṣkaḥ páritato bʰásmanābʰyū̀hati

Pada: bf     tásmān mām̐sénā́stʰi cʰinnáṃ jvālaír abʰívāsayati

Line : 20  Pada: bg     tásmāt kéśaiḥ śíraś cʰinnám \

Pada: bh     yát tvácam ágrāhayitvā bʰásmanābʰivāsáyet * palitaṃbʰāvuko 'dʰvaryúḥ syāt \
      FN emended. Ed.: bʰasmanābʰivāsáyet.

Page: 12  
Line : 1  Pada: bi     jvālaír abʰívāsayati \

Line : 2  Pada: bj     ápalitaṃbʰāvuko 'dʰvaryúr bʰavati

Pada: bk     té vaí devā́s táṃ nā́vindan yásmin yajñásya krūrám ārkṣyā́mahā íti

Line : 3  Pada: bl     sò 'gnír abravīt \

Pada: bm     ahám̐ vastáṃ janayiṣyāmi yásmin yajñásya krūrám ārkṣádʰvā íti

Line : 4  Pada: bn     sò 'pó 'ṅgāreṇābʰyàpātayat

Pada: bo     táta ekatò 'jāyata

Line : 5  Pada: bp     dvitī́yam \

Pada: bq     táto dvitás

Pada: br     tr̥tī́yam \

Pada: bs     tátas tritás \

Pada: bt     yád adbʰyó 'dʰinirámimīta tád āpeyā́nām āpeyatvám \

Line : 6  Pada: bu     yád ātmánó 'dʰinirámimīta tád ātmeyā́nām ātmeyatvám

Line : 7  Pada: bv     antarvedí juhoti

Pada: bw     tád evā́varunddʰe \

Pada: bx     upáriṣṭād abʰígʰārayati

Pada: by     śr̥tatvā́ya

Line : 8  Pada: bz     śr̥tákāmā hí devā́s

Pada: ca     té devā́ atimr̥jānā́ āyan \

Pada: cb     sū́ryābʰyudite tè 'mr̥jata

Line : 9  Pada: cc     yám̐ suptám̐ sū́ryo 'bʰyudéti sū́ryābʰyuditaḥ

Pada: cd     sū́ryābʰinimrukté sū́ryābʰinimruktaḥ

Line : 10  Pada: ce     śyāvádati śyāvádan

Pada: cf     kunakʰíni kunakʰī́ \

Pada: cg     agredadʰúṣy agredadʰúḥ

Line : 11  Pada: ch     parivitté parivittáḥ

Pada: ci     parivividāné parivividānás \

Pada: cj     vīraháṇi vīrahā́

Line : 12  Pada: ck     bʰrūṇahánam éno nā́tyeti //


Anuvaka: 10  
Line : 13  Pada: a     devásya tvā savitúḥ prasavè 'śvínor bāhúbʰyāṃ pūṣṇó hástābʰyām ā́dadā íti

Line : 14  Pada: b     savitŕ̥prasūta evaínaṃ devátābʰir ā́datte

Pada: c     sahásrabʰr̥ṣṭiḥ śatátejā íti

Line : 15  Pada: d     vájram̐ vā́ etát sám̐śyati bʰrā́tr̥vyāya prahariṣyán

Pada: e     pŕ̥tʰivi devayajani mā́ him̐siṣaṃ tā óṣadʰīnāṃ mū́lam íti \

Line : 16  Pada: f     óṣadʰīnām áhim̐sāyai

Pada: g     vrajáṃ gacʰa gostʰā́nam íti

Page: 13  
Line : 1  Pada: h     cʰándām̐si vaí vrajó gostʰā́nas \

Pada: i     cʰándām̐sy evā́smai vrajáṃ gostʰā́naṃ karoti

Line : 2  Pada: j     várṣatu te parjányā íti

Pada: k     parjányād evá vŕ̥ṣṭim̐ vanute

Pada: l     badʰāná deva savitaḥ śaténa pā́śaiḥ paramásyāṃ parāvátī́ti

Line : 3  Pada: m     dvaú vā́vá púruṣasya bʰrā́tr̥vyau yáṃ dvéṣṭi yáś cainaṃ dvéṣṭi

Line : 4  Pada: n     tā́ evá badʰnāti paramásyāṃ parāváti

Pada: o     yó asmā́n dvéṣṭi yáṃ ca vayáṃ dviṣmás tám átra badʰāna

Line : 5  Pada: p     só 'to mā́ mocī́ti \

Pada: q     āśíṣam evā́śāste

Line : 6  Pada: r     drapsás te dívaṃ mā́ skān íti

Pada: s     yó vā́ asyā́ rásaḥ sá drapsás

Line : 7  Pada: t     tám imáṃ prajā́ úpajīvanti

Pada: u     tám asyā́m̐ yacʰati \

Pada: v     áskandāya //

Pada: w     arárus te dyā́ṃ mā́ paptat // íti \

Line : 8  Pada: x     arárur vaí nā́māsurá āsīt

Pada: y     sá pr̥tʰivī́m upamrúcyāśayat

Pada: z     tám índro 'cāyat

Line : 9  Pada: aa     tám ápāráruṃ pr̥tʰivyā́ ádevayajanam íty ápāhan \

Pada: ab     sá dívam apipatiṣat

Line : 10  Pada: ac     tám // arárus te dyā́ṃ mā́ paptat // íti diváḥ prátyanudata

Pada: ad     yá evám̐ vidvā́m̐ stambayajúr háraty ebʰyó vā́ etál lokébʰyo yájamāno bʰrā́tr̥vyaṃ nírbʰajati

Line : 12  Pada: ae     tríḥ kŕ̥tvo harati

Pada: af     tráyo vā́ imé lokā́s \

Pada: ag     ebʰyá evá lokébʰyo bʰrā́tr̥vyaṃ nírbʰajati

Line : 13  Pada: ah     tūṣṇī́ṃ caturtʰám̐ harati

Pada: ai     yó lokó niruktó 'parimitas tásmād bʰrā́tr̥vyaṃ nírbʰajati \

Line : 14  Pada: aj     ásurāṇām̐ vā́ iyáṃ pr̥tʰivy ā́sīt

Pada: ak     té devā́ abruvan

Line : 15  Pada: al     dattá no 'syā́ḥ pr̥tʰivyā́ íti

Pada: am     té vaí svayám evá brūdʰvam íti

Pada: an     táto vaí vásavaḥ prā́cīṃ díśam údajayan

Line : 16  Pada: ao     rudrā́ dákṣiṇām

Pada: ap     ādityā́ḥ pratīcī́m \

Pada: aq     marútā údīcīm \

Page: 14  
Line : 1  Pada: ar     táto vaí devā́ imā́m ásurāṇām avindanta

Pada: as     táto devā́ ásurān ebʰyó lokébʰyo nírabʰajan \

Line : 2  Pada: at     táto devā́ ábʰavan párā́surās \

Pada: au     yád evám etā́bʰir devátābʰir védiṃ parigr̥hṇā́ti \

Line : 3  Pada: av     imā́m̐ vā́ etád yájamāno bʰrā́tr̥vyasya vr̥ṅkte \

Line : 4  Pada: aw     asyā́ bʰrā́tr̥vyaṃ nírbʰajati

Pada: ax     bʰávaty ātmánā párāsya bʰrā́tr̥vyo bʰavati

Pada: ay     pr̥tʰivyā́ vaí médʰyaṃ cāmedʰyáṃ ca vyúdakrāmat

Line : 5  Pada: az     prācī́nam udīcī́naṃ médʰyam udákrāmat \

Pada: ba     dakṣiṇā́ pratīcī́nam amedʰyám \

Line : 6  Pada: bb     prā́cīm údīcīm̐ védiṃ pravaṇā́ṃ kuryāt \

Pada: bc     médʰyān enān yajñíyān karoti \

Line : 7  Pada: bd     átʰo yád evā́syā udgʰnántaḥ krūrám ákram̐s tád ákrūram akas

Pada: be     táñ śamayati \

Pada: bf     átʰo médʰyasya caivā́medʰyásya ca vyā́vr̥ttyai

Line : 8  Pada: bg     prā́ñcau bāhū́ nayati \

Pada: bh     āhavanī́yaṃ téna párigr̥hṇāti

Line : 9  Pada: bi     pratī́cī śróṇī

Pada: bj     gā́rhapatyaṃ párigr̥hṇāti

Pada: bk     mū́lam̐ vaí rákṣām̐sy ánū́tpibanti

Line : 10  Pada: bl     yán nakʰéna cʰindyā́t kunakʰī́ syāt

Pada: bm     spʰyéna cʰinatti

Line : 11  Pada: bn     vájro vaí spʰyás \

Pada: bo     vájreṇaivá rákṣām̐si hanti //


Anuvaka: 11  
Line : 12  Pada: a     yó vaí srucā́m̐ yógam ávidvān ádʰvaryā íti hūtáḥ pratiśr̥ṇóty ā́ devátābʰyo vr̥ścate 'paśúr bʰavati \

Line : 13  Pada: b     átʰa yáḥ srucā́m̐ yógam̐ vidvā́n ádʰvaryā íti hūtáḥ pratiśr̥ṇóti ná devátābʰyā ā́vr̥ścate paśumā́n bʰavati

Line : 14  Pada: c     dyaúr juhū́s \

Pada: d     antárikṣam upabʰŕ̥t

Line : 15  Pada: e     pr̥tʰivī́ dʰruvā́

Pada: f     díśa ājyadʰā́nī \

Pada: g     asā́ ādityáḥ sruváḥ

Pada: h     sá yát // óṃ śrāvaya // íty ā́ha juhvàṃ téna yunakti //

Line : 16  Pada: i     ástu śraúṣaṭ // íty upabʰŕ̥tam //

Line : 17  Pada: j     yája // íti dʰruvā́m //

Pada: k     yé yájāmahe // íty ājyadʰā́nīm \

Pada: l     vaṣaṭkāréṇa sruvám \

Line : 18  Pada: m     juhvā̀ ádʰi dʰruvā́m abʰigʰāráyati dʰruvā́yā ádʰi juhvàm

Pada: n     asaú hy àsyaí prayáccʰatīyám amúṣyai

Page: 15  
Line : 1  Pada: o     sáṃtatam asmā annā́dyam ávyavacʰinnaṃ prádīyate 'smím̐s ca lokè 'múṣmim̐ś ca

Line : 2  Pada: p     pū́rvāsya janátāmāyatáḥ kīrtír ā́gacʰati yá evám̐ véda //


Anuvaka: 12  
Line : 4  Pada: a     gʰr̥táṃ ca vaí mádʰu ca prajā́patir āsīt \

Pada: b     yáto mádʰv ā́sīt tátaḥ prajā́ asr̥jata

Line : 5  Pada: c     tásmān mádʰoḥ prajā́nanam asti

Pada: d     tásmān mádʰunā ná prácaranti

Pada: e     yātáyāmam̐ hí tát \

Line : 6  Pada: f     ā́jyena prácaranti \

Pada: g     áyātayāmam̐ vā́ etát prājāpatyáṃ gʰr̥tám

Pada: h     áyātayāmā devā́nāṃ prajā́patir

Line : 7  Pada: i     gā́rhapatyé 'dʰiśrayati

Pada: j     pátny ávekṣate \

Pada: k     anvārambʰó vā́ eṣá yajñásya pátnyās \

Line : 8  Pada: l     yajñám enām anvā́rambʰayati \

Pada: m     átʰo yát pátnī yajñé karóti mitʰunám̐ vā́ etát kriyate

Line : 9  Pada: n     prájātyai \

Pada: o     amedʰyám̐ vā́ etád ayajñiyám̐ yát pátny avékṣate \

Line : 10  Pada: p     āhavanī́yé 'dʰiśrayati

Pada: q     punā́ty evaínān

Pada: r     médʰyam enad yajñíyaṃ karoti

Line : 11  Pada: s     spʰyásya vártma sādayati

Pada: t     rákṣasām ápahatyai

Pada: u     devás tvā savitótpunātv íti

Pada: v     savitŕ̥prasūta evainad útpunāti

Line : 12  Pada: w     havír asi vaiśvānarám íti

Pada: x     dvā́daśaitā́ vyā́hr̥tayas \

Line : 13  Pada: y     dvā́daśa mā́sāḥ sam̐vatsaráḥ

Pada: z     sam̐vatsaréṇa vā́ etát téja indriyám̐ vīryàm̐ yájamāno bʰrā́tr̥vyasya vr̥ṅkte \

Line : 14  Pada: aa     ubʰayáto vaiśvānaráṃ bʰavati \

Pada: ab     ubʰayáto vaiśvānarám̐ hy ètát \

Line : 15  Pada: ac     níṣṭejā asya nírvīryo bʰrā́tr̥vyo jāyate \

Pada: ad     átʰo mr̥dʰrátara evá bʰavati

Line : 16  Pada: ae     devā́ś ca vā́ ásurāś ca sám̐yattā ā́san \

Pada: af     sá índra etám avakāśam apaśyat

Line : 17  Pada: ag     ténā́surān abʰyàbʰavat \

Pada: ah     abʰí bʰrā́tr̥vyam̐ yajñéna bʰavati yá evám̐ vidvā́n yájate \

Line : 18  Pada: ai     ā́jyenānyā́ni havī́m̐ṣy abʰigʰāráyanti kénā́jyam íti brahmavādíno vadanti

Page: 16  
Line : 1  Pada: aj     satyéna vā́ ā́jyam abʰígʰr̥tam \

Pada: ak     yád ā́ha

Pada: al     satyéna tvābʰígʰārayāmī́ti

Line : 2  Pada: am     cákṣur vaí satyám \

Pada: an     cákṣur yájamānaḥ prádadʰāti

Pada: ao     saṃmī́lyaitád yájur vadati

Pada: ap     ná cákṣuḥ prádadʰāti \

Line : 3  Pada: aq     ā́jyam̐ vaí yajñás \

Pada: ar     yajñás víṣṇuḥ //

Line : 4  Pada: as     idám̐ víṣṇur vícakrame tredʰā́ nídadʰe padā́ /

Line : 5  Pada: at     sámūḍʰam asya pām̐suré // íti

Line : 6  Pada: au     yád odanapácane 'dʰiśrítyā́tʰa gā́rhapatyé 'tʰāhavanī́ye 'dʰiśráyati \

Pada: av     etád vā́vá tát trír víṣṇur víkramate

Line : 7  Pada: aw     prátyuṣṭam̐ rákṣā íti

Pada: ax     rákṣasām ápahatyai

Pada: ay     srúcaḥ sáṃmārṣṭi

Line : 8  Pada: az     punā́ty evaínās \

Pada: ba     médʰyā enā yajñíyāḥ karoti //

Pada: bb     ániśitāḥ sapatnakṣáyaṇīḥ / íti \

Line : 9  Pada: bc     ániśitā hy ètā́ḥ sapatnakṣáyaṇīḥ

Pada: bd     sruvám̐ sáṃmārṣṭi

Line : 10  Pada: be     púmām̐sam̐ vā́ āsāṃ tád ágre sám̐śyati \

Pada: bf     átʰa juhvàm

Pada: bg     átʰopabʰŕ̥tam

Pada: bh     átʰa dʰruvā́m

Pada: bi     asā́ ādityáḥ sruvás \

Line : 11  Pada: bj     dyaúr juhū́s \

Pada: bk     antárikṣam upabʰŕ̥t

Pada: bl     pr̥tʰivī́ dʰruvā́ \

Pada: bm     imā́n vā́ etál lokā́n yatʰāpūrvám̐ sáṃmārṣṭi \

Line : 12  Pada: bn     ebʰyó lokébʰya ātmā́naṃ * páridatte \
      FN emended. Ed.: ātmā́na.

Pada: bo     áhim̐sāyai

Pada: bp     juhvàm ágre sáṃmārṣṭi \

Line : 13  Pada: bq     ātmā́ vaí juhū́s \

Pada: br     ātmā́nam evópaiti \

Pada: bs     átʰopabʰŕ̥tam \

Pada: bt     prajā́ vā́ upabʰŕ̥t

Line : 14  Pada: bu     prajā́m evópaiti

Pada: bv     páreva hy ā̀tmánaḥ prajā́ \

Pada: bw     átʰa dʰruvā́m \

Pada: bx     paśávo vaí dʰruvā́

Pada: by     paśū́n evópaiti

Line : 15  Pada: bz     pára iva hí prajā́yāḥ paśávas \

Pada: ca     yád uttānā́ḥ saṃmr̥jyā́d ápratiṣṭʰāyukam̐ rétaḥ syāt \

Line : 16  Pada: cb     yán nī́cīr ápratiṣṭʰāyukam̐ rétaḥ syāt

Pada: cc     tiráścīḥ sáṃmārṣṭi

Line : 17  Pada: cd     tiryág vaí rétaḥ sicyate

Pada: ce     pratiṣṭʰā́yukam̐ réto bʰavati

Pada: cf     yád ágreṇa múkʰaṃ daṇḍáṃ ca saṃmr̥jyā́d rákṣobʰyaś cā́bʰuvebʰyaś ca samádaṃ dadʰyāt \

Line : 18  Pada: cg     ágreṇa múkʰam̐ saṃmā́rṣṭi jagʰánena daṇḍám \

Line : 19  Pada: ch     ná rákṣobʰyaś cā́bʰuvebʰyaś ca samádaṃ dadʰāti \

Pada: ci     antarató juhvàṃ prā́cīm̐ saṃmā́rṣṭi bahíṣṭāt pratī́cīm \

Page: 17  
Line : 1  Pada: cj     bahíṣṭād upabʰŕ̥taṃ prā́cīm antaratáḥ pratī́cīm \

Line : 2  Pada: ck     sarvátaḥ samāhā́rya * dʰruvā́m \
      FN Correcturen und Conjecturen zu dem ganzen Werk.

Pada: cl     prāṇā́n evā́sya yatʰāpūrváṃ kalpayati

Pada: cm     yajamānadevatyā̀ vaí juhū́r bʰrātr̥vyadevatyòpabʰr̥t \

Line : 3  Pada: cn     catúr gr̥hṇáñ juhvā̀ṃ bʰū́yā ā́jyaṃ gr̥hṇā́ti \

Line : 4  Pada: co     aṣṭaú gr̥hṇánn upabʰŕ̥ti kánīyas \

Pada: cp     upastíṃ bʰrā́tr̥vyam akr̥ta //


Anuvaka: 13  
Line : 5  Pada: a     bahvī́r ā́sādayet \

Pada: b     yā́vatīr vaí prókṣaṇīr āsādáyati tā́vatīr asyāmúṣmiṃl loká ā́pas

Line : 6  Pada: c     tásmād bahvī́r āsā́dyās \

Pada: d     agnér médʰyó 'pākrāmat

Pada: e     sá kŕ̥ṣṇo bʰūtvā́ vánaspátīn prā́viśat \

Line : 7  Pada: f     yád ā́ha

Pada: g     kŕ̥ṣṇo 'sy ākʰareṣṭʰā́ agnáye gʰr̥táṃ bʰavéti

Pada: h     tám evá médʰam ávarunddʰe

Line : 8  Pada: i     védir asi barhíṣe tvā júṣṭaṃ prókṣāmī́ti

Pada: j     prajā́ vaí barhíḥ

Line : 9  Pada: k     pr̥tʰivī́ védis \

Pada: l     asyā́m̐ vā́ etát prajā́ svagā́karoti

Pada: m     yád upáriṣṭāt prókṣyādʰástāt prokṣáti

Line : 10  Pada: n     tásmād upáriṣṭād vr̥ṣṭā́d adʰástād óṣadʰayo jāyante /

Pada: o     ūrjā́ pr̥tʰivī́m̐ yacʰata / íti \

Line : 11  Pada: p     asyā́m ū́rjam adʰāt

Pada: q     tásmād imā́ṃ prajā́ úpajīvanti

Line : 12  Pada: r     víṣṇoḥ stupò 'sī́ti mukʰatáḥ prastaráṃ gr̥hṇāti

Pada: s     múkʰyam enaṃ téna śīrṣaṇyàṃ karoti

Line : 13  Pada: t     yā́vad dʰástena paryāpnuyā́t tā́vantaṃ gr̥hṇīyāt \

Pada: u     akṣodʰuko yájamāno bʰavati

Line : 14  Pada: v     nórdʰvam únmr̥jyāt \

Pada: w     yád asya vittám̐ védyaṃ tát prámr̥jyān nā́vācī́nam ávamr̥jyāt \

Line : 15  Pada: x     yád enam āgamiṣyát tát prátinudeta

Pada: y     ná vídʰūnuyāt

Pada: z     prajā́ṃ paśū́n vídʰūnuyāt \

Line : 16  Pada: aa     yád upatíṣṭʰet tád upasáṃgr̥hṇīyāt \

Pada: ab     yátʰā́śitāyopacinóty evám evá tád dakṣiṇatáḥ śúlbam̐ str̥ṇāti

Line : 17  Pada: ac     tásmād dakṣiṇató nīvī́s \

Pada: ad     urú pratʰasvórṇamradam íti

Line : 18  Pada: ae     pratʰáyaty evaínat

Pada: af     svāsastʰáṃ devébʰyā íti

Pada: ag     devébʰya evaínat karoti

Pada: ah     prastaráṃ dʰāráyan paridʰī́n páridadʰāti

Page: 18  
Line : 1  Pada: ai     svayám̐ vā́ etád yájamāna ātmā́naṃ páridʰatte \

Line : 2  Pada: aj     áhim̐sāyai

Pada: ak     ná purástāt páridadʰāti \

Pada: al     udyán vā́ asā́ ādityó rákṣām̐sy ápāhata \

Line : 3  Pada: am     udyánn evā́smā asā́ ādityó rákṣām̐sy ápahanti \

Pada: an     ūrdʰvé samídʰā ā́dadʰāti \

Line : 4  Pada: ao     upáriṣṭād asmāt téna rákṣām̐sy ápahanti

Pada: ap     dvé ā́dadʰāti

Pada: aq     mitʰunatvā́ya

Line : 5  Pada: ar     vídʰr̥tī stʰā íti

Pada: as     vídʰr̥tī evaíne karoti //

Pada: at     ádityās tvopástʰe sādayāmi // íti \

Line : 6  Pada: au     iyám̐ vā́ áditis \

Pada: av     asyā́m evaínam asīṣadat \

Pada: aw     vasūnām̐ rudrā́ṇām ādityā́nām̐ sádo 'sī́ti \

Line : 7  Pada: ax     etā́ vā́ etā́m ágre devátām abʰyàjayan \

Pada: ay     tā́bʰya evaínat sádaḥ karoti

Line : 8  Pada: az     dyaúr asi jánmanā juhū́r nā́ma priyā́ devā́nāṃ priyéṇa nā́mnā dʰruvé sádasi sīdéti \

Line : 9  Pada: ba     etád vā́ āsāṃ priyáṃ nā́ma yád gʰr̥távat

Pada: bb     tád evā́varunddʰe

Line : 10  Pada: bc     tā́ viṣṇo pāhi

Pada: bd     pāhí yajñám \

Pada: be     pāhí yajñápatim \

Pada: bf     pāhí mā́m̐ yajñanyàm íti

Line : 11  Pada: bg     yátʰā́haiṣá * te bʰāgás tám̐ rakṣasvéty evám̐ vā́ etád víṣṇum āhaitát tā ā́jyaṃ tád rakṣasvéti
      FN emended. Ed.: yátʰāhaiṣá.

Line : 12  Pada: bh     védir devébʰyó 'pākrāmat

Pada: bi     tā́ṃ devā́ vedénāvindan \

Line : 13  Pada: bj     tád vedásya vedatvám \

Pada: bk     strī́ védiḥ

Pada: bl     púmān vedás \

Pada: bm     yád vedéna védim̐ saṃmā́rṣṭi

Line : 14  Pada: bn     mitʰunatvā́ya

Pada: bo     sáṃtatam āhavanī́yāt str̥ṇánn eti

Pada: bp     yajñásya sáṃtatyai

Pada: bq     tám̐ sáṃtatam úttare 'rdʰamāsè 'bʰíyajate

Line : 15  Pada: br     vánaspátīnām̐ vā́ eṣá pariveṣṭā́ yád upaveṣás \

Line : 16  Pada: bs     r̥ddʰā́ asya veśā́ bʰavanti yá evám̐ véda

Pada: bt     purástāt pratyáñcam úpahanti

Line : 17  Pada: bu     tásmāt pratīcīnāvasitā́ veśā́ḥ

Pada: bv     stʰavimatá úpahanti \

Pada: bw     anativādina enam̐ veśā́ bʰavanti

Line : 18  Pada: bx     sárvasmai vaí yajñé krīyate

Pada: by     sarpó vā́ upaveṣás \

Pada: bz     valmī́ka utkarás \

Line : 19  Pada: ca     yád upaveṣám utkará upahánti

Pada: cb     tásmāt sarpā́ṇām̐ valmī́ko gr̥hā́ḥ //


Anuvaka: 14  
Page: 19  
Line : 1  Pada: a     bʰúvanam asi // íti

Pada: b     bʰū́tim āśāste //

Pada: c     vípratʰasva // íti

Pada: d     pratʰáyaty evaínat \

Pada: e     itá índras tíṣṭʰan vīryàm akr̥ṇod devátābʰiḥ samā́rabʰyéti \

Line : 2  Pada: f     áto hī́ndras tíṣṭʰan vīryàm ákr̥ṇod devátābʰiḥ samārábʰya //

Line : 3  Pada: g     júhv éhi \

Pada: h     agníṣ ṭvā hvayati

Pada: i     devā́n yakṣyāvo devayajyā́yai \

Line : 4  Pada: j     úpabʰr̥d éhi

Pada: k     devás tvā savitā́ hvayati

Pada: l     devā́n yakṣyāvo devayajyā́yai // íti

Line : 5  Pada: m     ná vā́ eté áviduṣā svādāné iva

Pada: n     varuṇapāśā́n hy ā̀krā́mati \

Line : 6  Pada: o     etā́bʰir ene devátābʰir ā́datte

Pada: p     varuṇapāśā́nām ánākramāya

Pada: q     víṣṇoḥ krámo 'sī́ty átikrāmati

Line : 7  Pada: r     yajñásyā́navakrāmāya \

Pada: s     ūrdʰvó adʰvaró divispŕ̥g áhruto yajñó yajñápater íty r̥júm ūrdʰvám āgʰārám ā́gʰārayati

Line : 8  Pada: t     yajñásyā́hūrcʰāya \

Pada: u     índravānt svávān íti

Line : 9  Pada: v     séndram̐ yajñám akr̥ta \

Pada: w     átʰo indriyáṃ ténāvarunddʰe //

Pada: x     vásumatas te cʰāyā́m úpastʰeṣam // íti \

Line : 10  Pada: y     agnír vaí vásumān

Pada: z     agnér evá cʰāyā́m úpatiṣṭʰate \

Pada: aa     r̥júm ūrdʰvám āgʰārám ā́gʰārayet

Line : 11  Pada: ab     prāṇó vā́ āgʰāráḥ

Pada: ac     sárvam ā́yur yájamāna eti

Pada: ad     yáṃ dviṣyā́t tásyāgʰā́rya kr̥dʰú cʰindyāt

Line : 12  Pada: ae     prāṇám asya cʰinatti

Pada: af     tāják prámīyate

Pada: ag     śíro vā́ etád yajñásya yád āgʰārás \

Line : 13  Pada: ah     ātmā́jyam \

Pada: ai     yád āgʰārám āgʰā́ryopabʰŕ̥tā samañjyā́ñ śíro yajñásya prácʰindyāt \

Line : 14  Pada: aj     ājyadʰā́nyā sámanakti // sámaktam agnínā havíḥ sámaktam̐ havíṣā gʰr̥tám // íti \

Line : 15  Pada: ak     ātmán yajñásya śíraḥ prátyadʰāt \

Line : 16  Pada: al     átʰo mána evá yajñé prátidadʰāti

Pada: am     stánam̐ stanínīḥ prajā́ upajī́vanti

Line : 17  Pada: an     kím astanā́ íti brahmavādíno vadanti \

Pada: ao     aptúbʰī ríhāṇā vyantu váyā íti \

Line : 18  Pada: ap     etád vā́vá tā́ úpajīvanti

Pada: aq     vaśā́ pŕ̥śnir bʰūtvā́ marúto gacʰéti

Pada: ar     marúto vaí vŕ̥ṣṭyā īśate

Line : 19  Pada: as     tè 'smai vŕ̥ṣṭiṃ nínayanti

Pada: at     táto no vr̥ṣṭyā́vatéti

Page: 20  
Line : 1  Pada: au     marúdbʰya evá vŕ̥ṣṭim̐ vanute

Pada: av     cakṣuṣpā́ agne 'si

Pada: aw     cákṣur me pāhī́ti

Pada: ax     cákṣur evā́sya pāti

Line : 2  Pada: ay     śrotrapā́ agne 'si

Pada: az     śrótraṃ me pāhī́ti

Pada: ba     śrótram evā́sya pāti

Line : 3  Pada: bb     tanūpā́ agne 'si

Pada: bc     tanvàṃ me pāhī́ti

Pada: bd     tanvàm evā́sya pāti

Pada: be     yán me agna ūnaṃ tanvàs tán mā ā́pr̥ṇéti \

Line : 4  Pada: bf     āśíṣam evā́śāste //

Line : 5  Pada: bg     yáṃ paridʰíṃ paryádʰattʰā ágne deva paṇíbʰir vīyámānaḥ /

Line : 6  Pada: bh     táṃ ta etám ánu jóṣaṃ bʰarāmi néd eṣá yuṣmád apacetáyātai // íti

Line : 7  Pada: bi     yájuṣaivá yujyánte yájuṣā vímucyante

Pada: bj     sam̐srāvábʰāgāḥ stʰeṣā́ br̥hántā íti paridʰī́n prahŕ̥tyābʰíjuhoti \

Line : 8  Pada: bk     agnáyo vā́ eté tā́n prīṇāti

Pada: bl     tā́ñ śamayati bʰāgadʰéyena

Line : 9  Pada: bm     brahmavādíno vadanti

Pada: bn     sá tvā́ adʰvaryúḥ syāt \

Pada: bo     yó yáto yajñáṃ prayuṅkté tát pratiṣṭʰāpáyatī́ti

Line : 10  Pada: bp     dévā gātuvido gātúm̐ vittvā́ gatúm ita

Line : 11  Pada: bq     mánasaspate sudʰā́tv imám̐ yajñáṃ diví devéṣu vā́te dʰāḥ svā́héti \

Pada: br     áto vā́ adʰvaryúr yajñáṃ práyuṅkte

Line : 12  Pada: bs     tád evaínaṃ prátiṣṭʰāpayati //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.