TITUS
Black Yajur-Veda: Maitrayani-Samhita
Part No. 42
Previous part

Prapathaka: 2  
Anuvaka: 1  
Line : 13  Pada: a     prajā́patir vā́ éka āsīt

Pada: b     sò 'kāmayata

Pada: c     bahúḥ syāṃ prájāyeyéti

Line : 14  Pada: d     sá mánasātmā́nam adʰyāyat

Pada: e     sò 'ntárvāṇ abʰavat

Pada: f     sá vijā́yamāno gárbʰeṇātāmyat

Page: 21  
Line : 1  Pada: g     sá tāntáḥ kr̥ṣṇáḥ śyāvò 'bʰavat

Pada: h     tásmāt tāntáḥ kr̥ṣṇáḥ śyāvá iva bʰavati

Line : 2  Pada: i     tásya vā́ ásur evā́jīvat

Pada: j     ténā́sunā́surān asr̥jata

Line : 3  Pada: k     tád ásurāṇām asuratvám \

Pada: l     sá yás tád ásurāṇām asuratvám̐ védā́sumān ha bʰávati naínam ásur jahāti

Line : 4  Pada: m     só 'surānt sr̥ṣṭvā́ pitévāmanyata

Pada: n     téna pitŕ̥̄n asr̥jata

Line : 5  Pada: o     tát pitr̥̄ṇā́ṃ pitr̥tvám \

Pada: p     sá yás tát pitr̥̄ṇā́ṃ pitr̥tvám̐ véda pitéva ha samānā́nāṃ bʰávati yánty asya pitáro hávam \

Line : 6  Pada: q     tásmai pitŕ̥̄nt sasr̥jānā́ya dívābʰavat

Pada: r     téna devā́n asr̥jata

Line : 7  Pada: s     tád devā́nāṃ devatvám \

Pada: t     sá yás tád devā́nāṃ devatvám̐ véda dívā ha vā́ asmai devatrā́ bʰávati yánty asya devā́ deváhūtim \

Line : 8  Pada: u     sá devā́nt sr̥ṣṭvā́manasyateva

Line : 9  Pada: v     téna manuṣyā̀n asr̥jata

Pada: w     tán manuṣyā̀ṇāṃ manuṣyatvám \

Pada: x     sá yás tán manuṣyā̀ṇāṃ manuṣyatvám̐ véda mánasvān ha bʰávati naínaṃ máno jahāti \

Line : 10  Pada: y     utá yád átīva vádaty áti vā cárati tíṣṭʰante 'sya manuṣyā̀ mánuṣe *
      FN Correcturen und Conjecturen zu dem ganzen Werk.

Line : 11  Pada: z     táto yā́ yónir udáśiṣyata sā́ gaúr abʰavat \

Line : 12  Pada: aa     yónir vaí nā́maiṣā́ \

Pada: ab     etád vā́ asyāḥ pratyákṣaṃ nā́ma \

Pada: ac     átʰo āhuḥ

Pada: ad     parókṣam íti

Line : 13  Pada: ae     prá sahásraṃ paśū́n āpnoti yá evám̐ véda

Pada: af     tásyām̐ vaí páyaḥ páryapaśyan \

Line : 14  Pada: ag     tā́ṃ devā́ aduhra háritena pā́treṇāmŕ̥tam \

Pada: ah     duhè 'mŕ̥tam̐ yá evám̐ véda \

Pada: ai     átʰa pitáro 'duhra rajaténa pā́treṇa svadʰā́m \

Line : 15  Pada: aj     duhé svadʰā́m̐ yá evám̐ véda \

Pada: ak     átʰa manuṣyā̀ aduhra dārupātréṇā́nnam̐ vavŕ̥

Line : 16  Pada: al     duhé 'nnam̐ vavŕ̥ yá evám̐ véda \

Pada: am     átʰā́surā aduhrāyaspātréṇa snávatā súrām \

Line : 17  Pada: an     tè 'sravan \

Pada: ao     srávaty asya bʰrā́tr̥vyo yá evám̐ véda

Line : 18  Pada: ap     tásmāt srávatā ná hástā ávanenijīta

Pada: aq     ná pibet \

Pada: ar     eté vā́ asyā dóhāḥ

Line : 19  Pada: as     sárvair evā́syā dóhaiḥ sárvaiḥ kā́mair bʰuṅkte yá evám̐ véda

Pada: at     catvā́ri vaí nábʰām̐si devā́ḥ pitáro manuṣyā̀ ásurāḥ

Page: 22  
Line : 1  Pada: au     sárveṣu ha vā́ etéṣv ámbʰo nábʰa iva bʰavati yá evám̐ véda

Line : 2  Pada: av     tā́m̐ vā́ akāmayanta

Pada: aw     máyi syān máyi syād íti

Pada: ax     tā́ṃ devā́ḥ kā́mye // íty ā́hvayan \

Line : 3  Pada: ay     sā́ vā́ enān abʰyàkāmayata \

Pada: az     ubʰáye ha vā́ enaṃ devamanuṣyā̀ abʰíkāmayante vā́rukā enam ā́rtvijye bʰavanti yá evám̐ véda //

Line : 5  Pada: ba     śrávye // íti manuṣyā̀ḥ

Pada: bb     sā́ vā́ enān aśuśrūṣata \

Pada: bc     ubʰáye ha vā́ enaṃ devamanuṣyā́ḥ śuśrūṣante pū́rvāsya janátām āyatáḥ kīrtír ā́gacʰati yá evám̐ véda //

Line : 7  Pada: bd     ílānde // íti pitáras

Pada: be     tébʰyo vā́ atiṣṭʰata

Pada: bf     tíṣṭʰanty asmin paśávo yá evám̐ véda \

Line : 8  Pada: bg     átʰa yátʰā́surā ā́hvayam̐s tébʰyo vā́ atrasat \

Pada: bh     yáṃ dviṣyā́t tásya tátʰā goṣṭʰá ā́hvayet

Line : 9  Pada: bi     trásanty * asmāt paśávas \
      FN Correcturen und Conjecturen zu dem ganzen Werk.

Pada: bj     etaír evá juhuyāt // gonāmaíḥ sam̐śr̥ṅgyā́ gór mūrdʰán paśúkāmaḥ //

Line : 10  Pada: bk     kā́myāyai svā́hā śrávyāyai svā́hélāndāyai svā́hā // íti

Line : 11  Pada: bl     goṣṭʰó vaí nā́maiṣá lakṣmī́ḥ

Pada: bm     své vā́ etád goṣṭʰé yájamāno bʰrā́tr̥vyasya paśū́n vr̥ṅkte \

Line : 12  Pada: bn     etaír vaí té tā́ avr̥ñjata

Pada: bo     taír evaínā vr̥ṅkte

Line : 13  Pada: bp     sam̐śr̥ṅgī́ bʰavati

Pada: bq     paśūnā́ṃ párigr̥hītyai

Pada: br     yó vaí cákṣuṣo víbʰaktim̐ véda cákṣuṣmān ha bʰávati naínaṃ cákṣur jahāti

Line : 14  Pada: bs     yád dívā páśyāmas tád devā́nāṃ cákṣuṣā paśyāmas \

Line : 15  Pada: bt     asaú vā́ ādityó devā́nāṃ cákṣuḥ

Pada: bu     páśyan ha vaí devatrā́ karóti prá devayā́naṃ pántʰāṃ jānāti yá evám̐ véda

Line : 16  Pada: bv     yáj jyótsnāyāṃ páśyāmas tát pitr̥̄ṇā́ṃ cákṣuṣā paśyāmas \

Line : 17  Pada: bw     candrámā vaí pitr̥̄ṇā́ṃ cákṣus \

Pada: bx     ná ha vā́ enam amúṣmiṃl loké cákṣur jahāti

Line : 18  Pada: by     prá pitr̥yā́ṇaṃ pántʰāṃ jānāti yá evám̐ véda

Line : 19  Pada: bz     yát támisnāyāṃ páśyāmas tán manuṣyā̀ṇāṃ cákṣuṣā paśyāmas \

Pada: ca     etā́vad vā́vá naḥ sváṃ cákṣus \

Line : 20  Pada: cb     ná ha vā́ enam asmíṃl loké cákṣur jahāti

Pada: cc     sárvam ā́yur eti yá evám̐ véda


Page: 23  
Line : 1  Pada: cd     yád agnér ánte páśyāmas tád ásurāṇāṃ cákṣuṣā paśyāmas \

Pada: ce     úc ca vā́ eṣá dī́pyate nísvariṣyati *
      FN Correcturen und Conjecturen zu dem ganzen Werk. Ed.: ní ca riṣyati.

Line : 2  Pada: cf     dī́pyamānaṃ bʰrā́tr̥vyasya gr̥hā́d dʰaret \

Pada: cg     rayím evā́sya púṣṭim̐ harati \

Line : 3  Pada: ch     ā́ tú sū́ryasyódetor jāgr̥yāt \

Pada: ci     yát svapnā́d * ā́rtim ā́rcʰet táj jāgaritavyám \
      FN Correcturen und Conjecturen zu dem ganzen Werk.

Line : 4  Pada: cj     rayím evá púṣṭim ánujāgarti //


Anuvaka: 2  
Line : 5  Pada: a     yó vā́ íḍāṃ dʰenúm̐ véda sárvā ha vā́ asmai díśo dʰenávo bʰávanti sárve pratijanā́ dánakāmās

Line : 6  Pada: b     tā́m íṣvāśanīr ā́mitraśocanir vidā́ṃcakāra

Line : 7  Pada: c     tásmai sárvā díśo dʰenávó 'bʰavant sárve pratijanā́ dā́nakāmās

Pada: d     tásmāt sá sárvaiḥ pratijanaír vyavahatopajanánt sánt

Line : 8  Pada: e     sárvā hy àsmai díśo dʰenávó 'bʰavant sárve pratijanā́ dā́nakāmās

Line : 9  Pada: f     tád yá evám̐ véda sárvā evā́smai díśo dʰenávo bʰávanti sárve pratijanā́ dā́nakāmās

Line : 10  Pada: g     tásyā vā́ iyám evá pā́das \

Line : 11  Pada: h     antárikṣaṃ pā́das \

Pada: i     dyaúḥ pā́daḥ

Pada: j     sámā pā́das \

Pada: k     átʰo āhuḥ

Pada: l     kr̥ṣíḥ pā́dā íti

Line : 12  Pada: m     téna práti tvadānīṃ tíṣṭʰati ná tvadānīm \

Pada: n     yadā́ susasyáṃ bʰávaty átʰa prátitiṣṭʰati

Line : 13  Pada: o     yadā́ ná sasyáṃ bʰávaty átʰa ná prátitiṣṭʰati

Pada: p     bʰávati ha vā́ asya sasyáṃ násya sasyám̐ vyr̥̀dʰyate yá evám̐ véda

Line : 14  Pada: q     tásyā vā́ adá evá pr̥ṣṭʰám

Line : 15  Pada: r     antárikṣam ātmā́ \

Pada: s     iyám úras \

Pada: t     díśaḥ pārśvé

Pada: u     samudraú kukṣī́

Pada: v     asā́ ādityáḥ śíras \

Line : 16  Pada: w     agnír āsyàm \

Pada: x     vā́taḥ prāṇás \

Pada: y     gāyatry àbʰidʰā́nī

Pada: z     sárvam ā́yur eti yá eváṃ véda \

Line : 17  Pada: aa     ū́dʰar uttaravedíḥ

Pada: ab     pávamāno vatsás \

Pada: ac     eṣá vā́ enāṃ prástauti

Page: 24  
Line : 1  Pada: ad     práttān ha vā́ imā́ṃl lokā́n duhe yá evám̐ véda

Pada: ae     br̥hadratʰantaré dvaú stánau

Pada: af     vāmadevyáṃ ca yajñāyajñíyaṃ ca dvaú \

Line : 2  Pada: ag     óṣadʰīr evá devébʰyo ratʰantaréṇāduha

Line : 3  Pada: ah     paśū́n br̥hatā \

Pada: ai     apó vāmadevyéna

Pada: aj     yajñám̐ yajñāyajñíyena

Pada: ak     tád yá evám̐ védaúṣadʰīr evā́smai ratʰantaréṇa duhe

Line : 4  Pada: al     paśū́n br̥hatā \

Pada: am     apó vāmadevyéna

Pada: an     yajñám̐ yajñāyajñíyena \

Line : 5  Pada: ao     íḍā vā́ idám̐ sárvam \

Pada: ap     sá sahásraṃ paśū́n prā́pa

Pada: aq     prá sahásraṃ paśū́n āpnoti yá evám̐ véda //


Anuvaka: 3  
Line : 7  Pada: a     yátra prācī́napravaṇam̐ sámūlaṃ bʰū́myā syā́t tád úpodaye sū́ryasya hástā avaníjya darbʰastambá udaśarāváṃ nínayet

Line : 8  Pada: b     kā́maṃkāmaṃ mā ā́vartaya // íti

Line : 9  Pada: c     kā́menaivā́smai kā́mam ā́vartayati yátkāmo bʰávati

Pada: d     yó vaí kā́mam̐ sākṣā́d véda tājág gʰa vā́ enam̐ sá kā́mā ā́gacʰati yátkāmo bʰávati

Line : 10  Pada: e     paśúṣu vā́ asmā́kaṃ kā́maḥ

Line : 11  Pada: f     paśūnā́m óṣadʰīṣu \

Pada: g     óṣadʰīnām apsú \

Pada: h     óṣadʰīr evá kāména sámasrāṭ

Line : 12  Pada: i     tā́ asmai kā́mam̐ sámardʰayanti yátkāmo bʰávaty ā́pa evá \

Pada: j     asyā́ vā́ eṣá vavrír útsr̥ṣṭaś carati lomaśó lomaśāyās

Line : 13  Pada: k     tásmād eṣā́ * śā́śvasaty éti \
      FN Ed.: erṣā́.

Line : 14  Pada: l     agnír hy àsyā́ āsyàm̐ vā́taḥ prāṇás \

Pada: m     yátra góbʰiḥ saṃgácʰeta tád brūyāt //

Line : 15  Pada: n     práśastāḥ stʰa kalyāṇyàḥ // íti \

Pada: o     iyám̐ vā́ eṣā́ \

Pada: p     imā́m̐ vā́ etát sábʰāgayati \

Line : 16  Pada: q     átrāsukā asmāt paśávo bʰavanti yá evám̐ véda

Pada: r     devā́ś ca vā́ ásurāś cāspardʰanta \

Line : 17  Pada: s     áditir devéṣv ā́sīt kustā́sureṣu

Pada: t     té devā́ amanyanta yády abʰijeṣyā́maḥ kústāyāḥ śírā ā́haniṣyāmā íti

Page: 25  
Line : 1  Pada: u     yády abʰijeṣyā́mā íty ásurā amanyantā́dityāḥ śirā ā́haniṣyāmā íti

Line : 2  Pada: v     tā́ṃ devā́ abʰijítyāgʰnata

Line : 3  Pada: w     yásya vaí jítam̐ yásya víjitaṃ tásyaiṣā́ gr̥hé hanyate \

Pada: x     eṣā́ vaí kṣút

Line : 4  Pada: y     kṣúdʰam̐ vā́ etád dʰate

Pada: z     tád yá evám̐ vidvā́n ekāṣṭakā́yāṃ gā́m̐ haté sam̐vatsarā́yaivá kṣúdʰam̐ hate

Line : 5  Pada: aa     prajā́patir vā́ éka āsīt

Pada: ab     sò 'kāmayata

Pada: ac     bahúm ánu syāṃ prájāyeyéti

Line : 6  Pada: ad     sá ātmā́nam aiṭṭa

Pada: ae     sá máno 'sr̥jata

Pada: af     tán mána ekadʰā́sīt

Line : 7  Pada: ag     tád ātmā́nam aiṭṭa

Pada: ah     tád vā́cam asr̥jata

Pada: ai     sā́ vā́g ekadʰā́sīt

Pada: aj     sā́tmā́nam aiṭṭa

Pada: ak     sā́ virā́jam asr̥jata

Line : 8  Pada: al     sā́ virā́ḍ ekadʰā́sīt

Pada: am     sā́tmā́nam aiṭṭa

Pada: an     sā́ gā́m asr̥jata

Pada: ao     sā́ gaúr ekadʰā́sīt

Line : 9  Pada: ap     sā́tmā́nam aiṭṭa

Pada: aq     séḍām asr̥jata

Pada: ar     séḍaikadʰā́sīt

Pada: as     sā́tmā́nam aiṭṭa

Pada: at     sémā́n bʰógān asr̥jata

Line : 10  Pada: au     yaír asyā idáṃ manuṣyā̀ bʰuñjáta eté vā́ asyā bʰógāḥ

Line : 11  Pada: av     sárvair ekā́syā bʰógaiḥ sárvaiḥ kā́mair bʰuṅkte yá evám̐ véda

Pada: aw     gaúr vaí vā́k \

Pada: ax     gaúr virā́ṭ \

Line : 12  Pada: ay     gaúr íḍā

Pada: az     gaúḥ kʰálv evá gaús \

Pada: ba     gaúr idám̐ sárvam \

Pada: bb     sárvā ha vā́ enam etā́ḥ śrayante yá evám̐ véda

Line : 13  Pada: bc     yád vaí tád ātmā́nam aíṭṭa séḍābʰavat

Pada: bd     tád íḍāyā idā́tvám \

Pada: be     sá yás tád íḍāyā iḍātvám̐ védeṭṭe ha vaí svám ātmā́nam \

Line : 14  Pada: bf     bʰū́tyai //


Anuvaka: 4  
Line : 15  Pada: a     yā́ róhiṇī tā́m aruṇā

Pada: b     tā́ṃ gaurī́

Pada: c     tā́ṃ babʰrū́ḥ //

Pada: d     tád índrā údājata vásur nā́ma rūpáṃ paśūnā́m //

Line : 16  Pada: e     vindáte vásu ná vásu ruṇaddʰi yá evám̐ véda

Line : 17  Pada: f     yā́ śitipr̥ṣṭʰā́ tā́ṃ mandís

Pada: g     tā́ṃ ménī

Pada: h     tā́m̐ śábalī

Pada: i     tā́m̐ śitibāhús

Pada: j     tā́m̐ śuddʰavālā́ //

Line : 18  Pada: k     tád bŕ̥haspátir údājatéḍā nā́ma rūpáṃ paśūnā́m //

Pada: l     bahvī́r ha vā́ enam íḍāḥ śrayante yá evám̐ véda

Line : 19  Pada: m     yā́ pŕ̥ṣatī tā́ṃ piśáṅgī

Pada: n     tā́m̐ sāraṅgī́

Page: 26  
Line : 1  Pada: o     tā́ṃ kalmāṣī́

Pada: p     tā́ṃ pŕ̥śnis

Pada: q     tā́m̐ śvetā́ //

Pada: r     tán marútā údājanta jyótir nā́ma rūpáṃ paśūnā́m //

Line : 2  Pada: s     jyótiṣmān bʰavati yá evám̐ véda

Pada: t     yā́ surūpā́ tā́m̐ śyātā́

Line : 3  Pada: u     tā́m̐ śyénī

Pada: v     tā́ṃ kr̥ṣṇā́ //

Pada: w     tát prajā́patir údājatā́yur nā́ma rūpáṃ paśūnā́m //

Line : 4  Pada: x     ā́yuṣmān bʰavati yá evám̐ véda

Pada: y     cátasraḥ pratʰamā́s \

Pada: z     cátasra uttamā́s \

Line : 5  Pada: aa     dvíḥ ṣáṇ madʰyatás

Pada: ab     tā́ dvír dáśa

Pada: ac     dáśākṣarā virā́ṭ \

Pada: ad     vairājā́ḥ paśávaḥ

Pada: ae     paśū́n evā́varunddʰe //

Line : 6  Pada: af     vásvyai híṃkuru

Pada: ag     tásyai prástuhi

Pada: ah     tásyai mé 'varuddʰyai // íti purástād bahiḥpavamānásya vadet //

Line : 7  Pada: ai     íḍāyai híṃkuru

Pada: aj     tásyai prástuhi

Pada: ak     tásyai mé 'varuddʰyai // íti purástād ā́jyānām̐ vadet //

Line : 8  Pada: al     jyótiṣe híṃkuru

Pada: am     tásyai prástuhi

Line : 9  Pada: an     tásyai mé 'varuddʰyai // íti purástān mā́dʰyaṃdinasya pávamānasya vadet //

Pada: ao     ā́yuṣe híṃkuru

Line : 10  Pada: ap     tásyai prástuhi

Pada: aq     tásyai mé 'varuddʰyai // íti purástād ā́rbʰavasya pávamānasya vadet //

Line : 11  Pada: ar     yajñó vaí paśūnā́m āyátanam \

Pada: as     své vā́ etád āyátane yájamāno bʰrā́tr̥vyasya paśū́n vr̥ṅkte \

Line : 12  Pada: at     anapakrāmukā́ asmāt paśávo bʰavanti //


Anuvaka: 5  
Line : 13  Pada: a     vásīyasy éhi

Pada: b     śréyasy éhi

Pada: c     bʰū́yasy éhi

Pada: d     cíttā éhi

Pada: e     dádʰr̥ṣy éhi \

Pada: f     íḍā éhi

Line : 14  Pada: g     sū́nr̥tā éhi

Pada: h     cíd asi

Pada: i     manā́si

Pada: j     dʰī́r asi vásvī rántiḥ sumánāḥ //

Pada: k     sū́nari víśvā tvā bʰūtā́nuprā́ṇantu

Line : 15  Pada: l     víśvā tváṃ bʰūtā́nuprā́ṇa

Pada: m     bʰū́yasy ā́yur asi \

Pada: n     íṣṭir asi

Line : 16  Pada: o     sárūpavarṣā éhi //

Line : 17  Pada: p     émā́m ánu sarpatemaú bʰadraú dʰúryā abʰí /

Line : 18  Pada: q     nī̀va śīrṣā́ṇi mr̥ḍʰvam //

Line : 19  Pada: r     sā́ naḥ suprátūrtiḥ priyā́ naḥ suhā́r ṇaḥ priyavánir magʰavánir ántā éhi

Page: 27  
Line : 1  Pada: s     júṣṭā éhi \

Pada: t     ídā éhi \

Pada: u     áditā éhi \

Pada: v     úpahūta upahaváṃ te 'śīya

Pada: w     suhávā nā éhi sahá rāyáspóṣeṇa

Line : 2  Pada: x     dévīrdevīr abʰí mā nívartadʰvam //

Line : 3  Pada: y     syonā́ syonéna gʰr̥téna mā sámukṣata //

Line : 4  Pada: z     náme tád úpadambʰiṣar dʰŕ̥ṣir brahmā́ yád dadaú /

Line : 5  Pada: aa     samudrā́d udájani vaḥ srucā́ //

Line : 6  Pada: ab     vā́r ágre víprasya tiṣṭʰati śŕ̥ṅgebʰir daśábʰir diśám //


Anuvaka: 6  
Line : 7  Pada: a     vásīyasy éhī́ti

Pada: b     bráhma vaí vásīyas \

Pada: c     bráhma vā́ etád atyā́hvayati

Pada: d     śréyasy éhī́ti

Line : 8  Pada: e     kṣatrám̐ vaí śréyaḥ

Pada: f     kṣatrám̐ vā́ etád atyā́hvayati

Pada: g     bʰū́yasy éhī́ti

Pada: h     víḍ vaí bʰū́yasī

Line : 9  Pada: i     víśam̐ vā́ etád atyā́hvayati

Pada: j     cíttā éhī́ti

Pada: k     máno vaí cittám \

Pada: l     máno vā́ etád atyā́hvayati

Line : 10  Pada: m     dádʰr̥ṣy éhī́ti

Pada: n     vā́g vaí dádʰr̥ṣi

Pada: o     vā́cam̐ vā́ etád atyā́hvayati \

Pada: p     íḍā éhī́ti

Line : 11  Pada: q     paśávo vā́ íḍā

Pada: r     paśū́n vā́ etád atyā́hvayati

Pada: s     sū́nr̥tā éhī́ti \

Pada: t     ánnam̐ vaí sūnŕ̥tā \

Line : 12  Pada: u     ánnam̐ vā́ etád atyā́hvayati \

Pada: v     etā́ vaí saptá devagavyàs

Pada: w     tā́ḥ krī́to vaitahotró vidā́ṃcakāra

Line : 13  Pada: x     tā́bʰir adáḥ kúrūṇāṃ kaunté paśū́n atyā́hvayat

Pada: y     tā́ḥ kúravo brāhmaṇéṣv ánvaicʰan \

Line : 14  Pada: z     tā́ḥ kumā́ravatyā́śvadakṣiṇā avindan \

Pada: aa     sò 'bravīt \

Pada: ab     mā́ sū́rkṣyata \

Line : 15  Pada: ac     etā́bʰir vā́ ahám etā́ atyāhvayiṣyā́mī́tarābʰir ítarās \

Pada: ad     yā́ni kʰálu vā́ etā́sāṃ priyā́ṇi dʰā́māni tā́ni krītó ná vedéti

Line : 16  Pada: ae     sá sám̐yatte saṃgrāmé cʰadirdarśas \

Line : 17  Pada: af     etā́bʰir evaítā́ atyāhvayiṣyā́mī́tarābʰir ítarās \

Pada: ag     yatarátra kʰálu vā́ etā́ atyāhūyánte tát paśávo 'bʰisáṃkrāmanti

Line : 18  Pada: ah     yátra paśávas tád devā́s \

Page: 28  
Line : 1  Pada: ai     yátra devā́s tád índras \

Pada: aj     yatarā́n vā́ etè 'bʰisaṃkrā́manti té jayanti

Pada: ak     jáyati saṃgrāmám //


Anuvaka: 7  
Line : 3  Pada: a     sā́ vaí sr̥ṣṭóbʰáyān devamanuṣyā́n átyamanyata

Pada: b     tā́ṃ devā́ darśapūrṇamāsā́bʰyām upaprā́str̥ṇata

Line : 4  Pada: c     tā́m̐ vā́ etád āpnuvan yád íḍām \

Pada: d     tā́m̐ vā́ etád āptvā́ háranto manyante yád íḍām upahváyante

Line : 5  Pada: e     yárhi tūṣṇī́m upahváyeta tárhy etā́ḥ saptá vadet \

Pada: f     yárhy uccaís tárhy úttarāḥ saptá

Line : 6  Pada: g     dʰā́madʰām āsām̐ várṇam̐varṇam úpagacʰati \

Pada: h     ā́ ha vā́ enam ápratikśātaṃ gacʰati yá evám̐ véda

Line : 7  Pada: i     yátra sámūlā * óṣadʰīr upagácʰet paśū́n vā tád etā́ evá saptá vadet \
      FN emended. Ed.: sá mū́lā

Line : 8  Pada: j     dʰā́madʰām āsām̐ várṇam̐varṇam úpagacʰati \

Pada: k     ā́ ha vā́ enam ápratikśātaṃ gacʰati yá evám̐ véda

Line : 9  Pada: l     saptá stʰāvīryèṇa * yājayed yásya saptá stʰávirāś caramā́ * antamā́ syus \
      FN Correcturen und Conjecturen zu dem ganzen Werk.
      FN Correcturen und Conjecturen zu dem ganzen Werk.

Line : 10  Pada: m     vásīyasy éhi

Pada: n     śréyasy éhī́ti \

Pada: o     etádetad evā́smā atyā́hvayati

Line : 11  Pada: p     yó vaiśyáḥ śūdró vā bahupuṣṭáḥ syāt tásya gávām̐ sā́ṇḍam̐ vatsatarám ápagamayeta * //
      FN emended. Ed.: ápamayeta. cf. MānŚS.9.5.5.21.

Line : 12  Pada: q     ílāndāḥ stʰa // íti

Pada: r     ílāndā hí paśávaḥ

Pada: s     pūṣṇó nákṣatraṃ poṣayiṣṇú // íti

Line : 13  Pada: t     viśyèṣu vā́ etác carati pūṣṇó nákṣatraṃ poṣayiṣṇú

Line : 14  Pada: u     tád evā́padʰāpayate

Pada: v     tám apā́kurvīta //

Pada: w     ā́yur me dās \

Pada: x     várco me dās \

Pada: y     rayíṃ me dāḥ

Line : 15  Pada: z     púṣṭiṃ me dāḥ // íti

Pada: aa     rayím evā́sya púṣṭim̐ harati

Pada: ab     tám itò 'bʰisŕ̥jyā́tʰetò 'tyā́hvayet \

Line : 16  Pada: ac     vásīyasy éhi

Pada: ad     śréyasy éhī́ti \

Pada: ae     etádetad evā́syā atyā́hvayati

Page: 29  
Line : 1  Pada: af     nā́sya kíṃcanódaśiṣat \

Pada: ag     grā́makāmam̐ yājayet sā́rasvata r̥gbʰyā́m \

Line : 2  Pada: ah     sam̐vatsaró vaí sárasvān \

Pada: ai     sam̐vatsaréṇaivā́smai grā́maṃ cyāvayati

Pada: aj     vásīyasy éhi

Line : 3  Pada: ak     śréyasy éhī́ti \

Pada: al     etádetad evā́syā atyā́hvayati

Pada: am     paśúkāmam̐ yājayet sā́rasvata r̥gbʰyā́m \

Line : 4  Pada: an     sam̐vatsaró vaí sárasvān \

Pada: ao     sam̐vatsaréṇaivā́smai paśū́m̐ś cyāvayati

Line : 5  Pada: ap     vásīyasy éhi

Pada: aq     śréyasy éhī́ti \

Pada: ar     etádetad evā́smā atyā́hvayati

Pada: as     sárvāsāṃ dugdʰé cátuḥśarāvam odanáṃ paced brāhmaṇébʰyaḥ paśúkāmas \

Line : 6  Pada: at     yác cátuḥśarāvas \

Line : 7  Pada: au     digbʰyá evā́smai téna paśū́n ávarunddʰe

Pada: av     yád brāhmaṇébʰyas \

Pada: aw     bráhmaṇas téna

Pada: ax     ná cʰinnáṃ déyam \

Line : 8  Pada: ay     paśúkāma iva hy èṣá

Pada: az     vā́so híraṇyam̐ vā déyam

Pada: ba     ījānásyāsya paśávo bʰū́yām̐so bʰavanti //


Anuvaka: 8  
Line : 10  Pada: a     prajā́patir vaí ná vyā́harat

Pada: b     sá ātmány evá púṇyam ā́yacʰat \

Pada: c     ātmánaḥ púṇyaṃ ná níravadat \

Line : 11  Pada: d     etád vaí tád yájur vádan nā́nyátʰā brūyāt //

Pada: e     púṇyaṃ práśastam // íti brūyāt \

Line : 12  Pada: f     ātmány evá púṇyam̐ yácʰati \

Pada: g     ātmánaḥ púṇyaṃ ná nírvadati

Pada: h     yā́m adānīyā́ya dádāti tā́m asya paśávo 'nvápakrāmanti

Line : 13  Pada: i     yádi mányeta \ adānīyā́yādām íty etád evá yájur vadet \

Line : 14  Pada: j     náme tád úpadambʰiṣar dʰŕ̥ṣir brahmā́ yád dadā́ íti

Pada: k     tád evaíténā́pūrayati

Line : 15  Pada: l     tád ā́pyāyayati

Pada: m     samudrá iva ha vā́ asya vyacyá mā́no * ná kṣīyate yá evám̐ véda //
      FN Correcturen und Conjecturen zu dem ganzen Werk.

Line : 16  Pada: n     vīrávatīr bʰūyāsta yā́ no vīrávató 'karta // íti púmām̐saṃ jātám abʰímantrayeta //

Line : 17  Pada: o     bʰū́yasīr bʰūyāsta yā́ no bʰū́yasó 'karta // íti stríyaṃ jātā́m //

Pada: p     annādā́ bʰūyāsta yé no 'nnādā́n akarta // íti balihŕ̥to 'bʰímantrayeta //

Page: 30  
Line : 1  Pada: q     bʰū́yām̐so bʰūyāsta yé no bʰū́yasó 'karta // íti sabʰāsádaḥ

Line : 2  Pada: r     pā́dau pratyávaharet \

Pada: s     eté vaí paśávas \

Pada: t     úpopa ha vā́ enaṃ paśávo yanti nā́payanti yá evám̐ véda //

Line : 3  Pada: u     púṇyā púṇyam asūt \

Pada: v     citrā́ citrám asūt \

Line : 4  Pada: w     aiḍó * me bʰagavo 'janiṣṭʰā maitrāvaruṇás \
      FN emended. Ed.: daiḍó

Pada: x     ūrjā́ me bʰagavaḥ sahá janiṣṭʰāḥ

Line : 5  Pada: y     sam̐vídaṃ me vinda // íti púmām̐saṃ jātám abʰímantrayeta \

Pada: z     ūrjaívā́smai sahá jā́yate

Line : 6  Pada: aa     gácʰati paśūnā́m̐ sam̐vídam //

Pada: ab     púṇyā púṇyām asūt \

Pada: ac     citrā́ citrā́m asūt \

Line : 7  Pada: ad     aiḍī́ * me bʰagavaty ajaniṣṭʰā maitrāvaruṇī
      FN emended. Ed.: daiḍī́

Pada: ae     rāyáspóṣeṇa me bʰagávatī sahá janiṣṭʰās \

Line : 8  Pada: af     jñā́traṃ me vinda // íti stríyaṃ jātā́m \

Pada: ag     rāyáspóṣeṇaivā́smai sahá jā́yate

Line : 9  Pada: ah     gácʰati paśūnā́ṃ jñātram \

Pada: ai     yé prācī́nam ekāṣṭakā́yā jā́yante pū́rvasya té sasyásyottamā́s \

Line : 10  Pada: aj     yé pratīcī́nam áparasya té sasyásya pratʰamā́s

Pada: ak     tā́n ubʰáyānt sahā́bʰímantrayeta \

Line : 11  Pada: al     ubʰáyān enānt sahā́varunddʰe //


Anuvaka: 9  
Line : 12  Pada: a     yó vaí śaktím̐ véda sá táñ śaknoti yáñ śíkṣati \

Pada: b     iyám̐ vaí śaktis \

Pada: c     yó vā́ asyā́ bʰūyiṣṭʰabʰā́g bʰávati sá táñ śaknoti yáñ śikṣati

Line : 13  Pada: d     bʰūyiṣṭʰabʰā́g gʰa vā́ asyā́ bʰavati yá evám̐ véda

Line : 14  Pada: e     paśávo vaí śaktis \

Pada: f     yó vaí paśūnā́ṃ bʰūyiṣṭʰabʰā́g bʰávati sá táñ śaknoti yáñ śíkṣati

Line : 15  Pada: g     bʰūyiṣṭʰabʰā́g gʰa vaí paśumā́n bʰavati yá evám̐ véda


Page: 31  
Line : 1  Pada: h     tásyā vratáṃ ná hatéti brūyāt //

Pada: i     kurutá íti brūyāt \

Line : 2  Pada: j     nā́ntárvatnī́ti brūyā́t \

Pada: k     vijányā íti brūyāt \

Pada: l     bʰúvanam asi sahásram índrāya tvā sŕ̥mo 'dadāt // íti

Line : 3  Pada: m     sŕ̥mo vaí nā́māsurá āsīt

Pada: n     tásyeyáṃ pr̥tʰivī́ paśúbʰiḥ pūrṇāsīt

Line : 4  Pada: o     tā́n índro 'vr̥ṅkta

Pada: p     tásmād āhus \

Pada: q     aindrā́ḥ paśávā íti

Pada: r     yā́vatīnām idáṃ karómi bʰū́yasīnām úttarām̐ sámāṃ kriyāsam // íti gávāṃ lákṣma kuryāt \

Line : 6  Pada: s     bʰū́yasīnām evóttarām̐ sámāṃ karoti

Pada: t     paśávo vaí sr̥ṣṭā́ ékaikaṃ nákṣatram úpātiṣṭʰanta

Line : 7  Pada: u     téna prā́jāyanta

Pada: v     ná bʰūmā́nam agacʰan \

Pada: w     tásmād yát kíṃca paśūnā́ṃ kurvītá tád revátyāṃ kurvīta \

Line : 9  Pada: x     úpa hy ènaṃ paśávas tíṣṭʰanti

Pada: y     prā́sya paśávo bʰavanti yá evám̐ véda

Line : 10  Pada: z     yásya dakṣiṇatáḥ prátibʰinnaṃ dakṣiṇatá úpāścarat tát tváṣṭur lákṣma devalakṣmám̐ yajñíyam̐ yajñákāmaḥ kurvīta \

Line : 11  Pada: aa     úpa hy ènam̐ yajñó námati

Line : 12  Pada: ab     yásyobʰayátaḥ prátibʰinnam ubʰayáta úpāścarat tád gāyatráṃ lákṣma paśavyàṃ paśúkāmaḥ kurvīta

Line : 13  Pada: ac     paśumā́n bʰavati

Pada: ad     yásyobʰayátaḥ prátibʰinnam ubʰayáta úpāścarat tát traíṣṭubʰaṃ lákṣma pūtásya rūpáṃ pratiṣṭʰā́kāmaḥ kurvīta

Line : 14  Pada: ae     gácʰati pratiṣṭʰā́m \

Line : 15  Pada: af     vásiṣṭʰasya stʰūṇākarṇyàs \

Pada: ag     vásiṣṭʰo vaí rayím apaśyat

Pada: ah     tā́m ātmánn adʰatta

Pada: ai     yát stʰūṇākarṇī́ḥ kuruté

Line : 16  Pada: aj     paśúṣv evá rayíṃ dʰatte

Pada: ak     jamádagneḥ karkarikarṇyàs \

Pada: al     jamádagnir vaí púṣṭim apaśyat

Line : 17  Pada: am     tā́m ātmánn adʰatta

Pada: an     yát karkarikarṇī́ḥ kuruté

Pada: ao     paśúṣv evá púṣṭiṃ dʰatte \

Line : 18  Pada: ap     ásurāṇām̐ sāsnākr̥tyáḥ

Pada: aq     kṣipráṃ bahvī́r bʰávanti kṣipráṃ párābʰavanti \

Pada: ar     amedʰyā́ḥ karṇā́ḥ

Page: 32  
Line : 1  Pada: as     kṣipráṃ bahvī́r bʰávanti yajñás tv ènān ánūpanamatīva

Pada: at     nírr̥tyāḥ cʰidrakarṇyàs \

Line : 2  Pada: au     yác cʰidrakarṇī́ḥ kurvītá nírr̥tir asya paśór nígr̥hṇīyāt \

Pada: av     ná pracʰindyā karṇyàḥ kāryā̀ ná dātrākarṇyàḥ

Line : 3  Pada: aw     parācī́nam iva hí tán nívr̥ttam

Pada: ax     agástyasya viṣṭyakarṇyàḥ

Line : 4  Pada: ay     kaśyápasya kambunyuddʰatā́s * \
      FN Correcturen und Conjecturen zu dem ganzen Werk.

Pada: az     índrasyā́klastās \

Pada: ba     átʰo āhuḥ

Pada: bb     prajā́pater íti \

Line : 5  Pada: bc     ubʰáyaṃ jyeṣṭʰalakṣmáṃ jyaíṣṭʰyakāmaḥ kurvīta

Pada: bd     prá samānā́nāṃ jyaíṣṭʰyam āpnoti

Line : 6  Pada: be     prajā́patiḥ paśū́n asr̥jata

Pada: bf     sá vā́ ásr̥g evá nā́sr̥jata \

Pada: bg     ásr̥ṣṭam̐ vā́ etát

Line : 7  Pada: bh     tád asnò 'sr̥ktvám \

Pada: bi     krūráṃ paśūnā́ṃ kārṣyā íti vaí só 'sr̥g nā́sr̥jata

Pada: bj     krūráṃ vā́ eṣá paśūnā́ṃ kurute yò 'kṣṇuté

Line : 8  Pada: bk     yád akṣitā́s

Pada: bl     ténākṣitā́s \

Pada: bm     átʰa yád ánakṣitā íti śrūyánte

Line : 9  Pada: bn     ténākṣitā́s

Pada: bo     tád āhus \

Pada: bp     ná vā́ etám etā́ amútrā́gacʰanti yā́ ánakṣitā íti

Line : 10  Pada: bq     tásmād akṣitavyā̀s \

Pada: br     ná tejanénākṣṇuyāt \

Pada: bs     vájro vaí tejanám \

Pada: bt     yát tejanénākṣṇuyā́d vájreṇa paśū́n arpayet \

Line : 11  Pada: bu     ná śyā́menā́yasā

Pada: bv     krūráṃ tád áśāntam

Pada: bw     ikṣukāṇḍám apsú vāsayitvā́ ténākṣitavyās

Line : 12  Pada: bx     tád dʰí śiváṃ táñ śāntam

Pada: by     átʰo āhus \

Line : 13  Pada: bz     lóhitenā́yaséti

Pada: ca     tád dʰí śiváṃ táñ śāntám //


Anuvaka: 10  
Line : 14  Pada: a     ihá prajā́ viśvárūpā ramantām asmín goṣṭʰé viśvabʰŕ̥to jánitrīḥ /

Line : 15  Pada: b     agníṃ kulā́yam abʰí sam̐viśántīḥ sámāsr̥jantu páyasā gʰr̥téna //

Line : 16  Pada: c     íti gā́ḥ sāyám āyatī́r abʰímantrayeta \

Pada: d     agnír vā́ etā́sām̐ yónis \

Pada: e     agníḥ kulā́yam \

Line : 17  Pada: f     svá evaínā yónau své kulā́ye sám̐veśayati

Pada: g     nā́sya paśávo náktam ā́rtim ā́rcʰanti yá evám̐ veda //


Page: 33  
Line : 1  Pada: h     sám̐ vaḥ sr̥jatv aryamā́ sáṃ pūṣā́ * sáṃ bŕ̥haspátiḥ /
      FN emended. Ed.: poṣā́.

Line : 2  Pada: i     sám índro yó dʰanaṃjayáḥ /

Line : 3  Pada: j     saṃjagmānā́ ávihrutā asmín goṣṭʰé purīṣíṇīḥ /

Line : 4  Pada: k     svāveśā́ nā ā́gata //

Line : 5  Pada: l     íti gā́ḥ sám̐sr̥jed yā́ asya purā́ syúr yā́ś cānyáto vindéta

Pada: m     paśávo vaí gʰr̥tám

Line : 6  Pada: n     agnī́ rudrás \

Pada: o     yáj juhuyā́d rudrā́yāsya paśū́n ápidadʰyāt

Pada: p     tát sam̐sŕ̥jyā evá \

Pada: q     ubʰáyīr ha bʰū́yasīr bʰavanti

Line : 7  Pada: r     sam̐ vaḥ sr̥jatv aryaméti

Pada: s     yajñó vā́ aryamā́

Pada: t     yajñénaivaínāḥ sám̐sr̥jati

Line : 8  Pada: u     sáṃ pūṣéti

Pada: v     púṣṭir vaí pūṣā́

Pada: w     púṣṭyaivaínāḥ sám̐sr̥jati

Pada: x     sáṃ bŕ̥haspátir íti

Line : 9  Pada: y     bráhma vaí bŕ̥haspátis \

Pada: z     bráhmaṇaivaínāḥ sám̐sr̥jati

Pada: aa     sám índro yó dʰanaṃjayá íti \

Line : 10  Pada: ab     indriyám̐ vā́ índras \

Pada: ac     indriyéṇaivaínāḥ sám̐sr̥jati

Pada: ad     revátī tantíḥ pr̥tʰivī́ mātā́

Line : 11  Pada: ae     revátīr ā́pā óṣadʰayaḥ //

Pada: af     tā́ no hinvantu sātáye dʰiyé juṣé //

Line : 12  Pada: ag     íti tantím̐ vítanuyāt

Pada: ah     tā́m ánumr̥jyāt // rayyā́ tvā púṣṭyā́numārjmi // íti

Line : 13  Pada: ai     rayyaívaínāṃ púṣṭyā́numārṣṭi

Pada: aj     tásyā vratáṃ ná riktā́ syāt \

Pada: ak     nópáryupari sáṃcareyus \

Line : 14  Pada: al     nā́bʰivárṣen nā́bʰítapet \

Pada: am     etád vaí bastó rāmakāyanó vidā́ṃcakāra tantyā́ vitánanam \

Line : 15  Pada: an     sá sahásraṃ paśū́n prā́pa

Pada: ao     prá sahásraṃ paśū́n āpnoti yá evám̐ véda //

Line : 17  Pada: ap     pitā́ vatsā́nāṃ pátir agʰnyā́nām utā́yáṃ pitā́ mahatā́ṃ gárgarāṇām /

Line : 18  Pada: aq     retodʰā́ṃ tvā yaśodʰā́m̐ rāyáspóṣāyótsr̥jet //

Line : 19  Pada: ar     íty r̥ṣabʰásya kárṇa utsr̥jámāno vadet \

Pada: as     retodʰā́m evaínam̐ yaśodʰā́m̐ rāyáspóṣāyótsr̥jate


Page: 34  
Line : 1  Pada: at     yó vaíśyaḥ śūdró vā bahupuṣṭáḥ syā́t tásya gávāṃ goṣṭʰā́d ekavim̐śatim̐ śakā́ny āhŕ̥tyaíkavim̐śatim ā́hutīr juhuyāt \

Line : 2  Pada: au     ékavim̐śatir vaí manuṣyalokā́s \

Line : 3  Pada: av     manuṣyalokébʰya evā́smai paśū́n ávarunddʰe \

Pada: aw     etaír evá juhuyāt gonāmaír agrétvaryā górbʰasádi paśúkāmas \

Line : 4  Pada: ax     múkʰam̐ vā́ eṣá paśūnā́m \

Pada: ay     mukʰatá evā́smai paśū́n nínayati //


Anuvaka: 11  
Line : 6  Pada: a     yā́sām índra udā́jata vásu nā́ma rūpáṃ paśūnā́m uṣásaṃ dʰā́ma páśyamānaḥ // tā́sām ayám̐ yónir ayáṃ goṣṭʰá ihá rayíḥ púṣṭiḥ // svā́hā // íti juhuyāt //

Line : 8  Pada: b     yā́sāṃ bŕ̥haspátir udā́jatéḍā nā́ma rūpáṃ paśūnā́m̐ saṃgaváṃ dʰā́ma páśyamānaḥ // tā́sām ayám̐ yónir ayáṃ goṣṭʰá ihá rayíḥ púṣṭiḥ // svā́hā // íti juhuyāt //

Line : 10  Pada: c     yā́sāṃ marúta udā́janta jyótir nā́ma rūpáṃ paśūnā́ṃ madʰyándinaṃ dʰā́ma páśyamānāḥ // tā́sām ayám̐ yónir ayáṃ goṣṭʰá ihá rayíḥ púṣṭiḥ // svā́hā // íti juhuyāt //

Line : 12  Pada: d     yā́sāṃ prajā́patir udā́jatā́yur nā́ma rūpáṃ paśūnā́m aparāhṇáṃ dʰā́ma páśyamānaḥ // tā́sām ayám̐ yónir ayáṃ goṣṭʰá ihá rayíḥ púṣṭiḥ // svā́hā // íti juhuyāt \

Line : 14  Pada: e     etā́ni vā́ áhno rūpā́ṇi \

Pada: f     etéṣu vā́ áhno rūpéṣu devā́ḥ paśūnā́m̐ rūpā́ṇy avr̥ñjata

Line : 15  Pada: g     tád etéṣv evā́hno rūpéṣu yájamāno bʰrā́tr̥vyasya paśū́n vr̥ṅkte

Line : 16  Pada: h     gʰr̥téna juhoti

Pada: i     paśávo vaí gʰr̥tám \

Pada: j     paśúbʰir evá paśū́n vr̥ṅkte

Line : 17  Pada: k     tán ná sū́rkṣyam \

Pada: l     prā́tar evā́ntárgoṣṭʰāsu góṣu hotavyàm \

Pada: m     sárvā enāḥ sahā́varunddʰe \

Line : 18  Pada: n     etair evá juhuyād góṣv ā́kr̥tāsu

Pada: o     yonitó vā́ etát paśū́n agrahīt \

Pada: p     ápihīnāḥ pariparíṇas kr̥ṇvanti \

Line : 19  Pada: q     etaír evá juhuyāt saṃgrāmé \

Pada: r     átʰā́śvān abʰímantrayeta //

Pada: s     mítrabʰr̥taḥ kṣátrabʰr̥tā ójobʰr̥to bálabʰr̥tas \

Line : 20  Pada: t     vayáṃ jayema

Pada: u     vayám̐ sahema

Pada: v     vayáṃ bʰavema

Page: 35  
Line : 1  Pada: w     vayáṃ puṣema //

Pada: x     íti

Pada: y     jáyati saṃgrāmám //

Pada: z     róhiṇīr vo vr̥ñje gāyatréṇa cʰándasā \

Line : 2  Pada: aa     aruṇā́ vo vr̥ñje traíṣṭbʰena cʰándasā

Pada: ab     gaurī́r vo vr̥ñje jā́gatena cʰándasā

Line : 3  Pada: ac     babʰrúvo vo vr̥ñjā ā́nuṣṭubʰena cʰándasā

Pada: ad     gárbʰān vo vr̥ñje vr̥ñje pā́ṅktena cʰándasā

Line : 4  Pada: ae     rūpā́ṇi vo vr̥ñje śākvaréṇa cʰándasā

Pada: af     sárvān vo vr̥ñjé 'nāptena cʰándasā

Line : 5  Pada: ag     tát saptá

Pada: ah     saptápadā śákvarī

Pada: ai     śākvarā́ḥ paśávaḥ

Pada: aj     paśū́n evā́varunddʰe

Pada: ak     gāyatrī́ pratʰamā́

Line : 6  Pada: al     gāyatry ùttamā́

Pada: am     téjo vaí gāyatrī́ brahmavarcasám \

Pada: an     téjasā ca vā́vā́smā etád brahmavarcaséna cobʰayátaḥ paśū́n párigr̥hṇāti //


Anuvaka: 12  
Line : 8  Pada: a     prajā́patir vaí trī́n mahimnò 'sr̥jatāgním̐ vāyúm̐ sū́ryam \

Pada: b     té catvā́raḥ pitāputrā́ḥ sattrám āsata

Line : 9  Pada: c     té svédam̐ samávaukṣan \

Pada: d     tád ábʰavat

Pada: e     tád vā́ asyaitán nā́mābʰūd íti

Line : 10  Pada: f     sárvam abʰūd íti

Pada: g     tád vā́ asyaité nā́manī krūré áśānte

Pada: h     tásmād eté ná grahītavyè

Line : 11  Pada: i     krūré hy èté áśānte

Pada: j     prajā́patir vaí svā́ṃ duhitáram abʰyàkāmayatoṣásam \

Line : 12  Pada: k     sā́ rohíd abʰavat

Pada: l     tā́m ŕ̥śyo bʰūtvā́dʰyait

Pada: m     tásmā ápavratam acʰadayat

Pada: n     tám ā́yatayābʰiparyā́vartata

Line : 13  Pada: o     tásmād vā́ ábibʰet

Pada: p     sò 'bravīt

Pada: q     paśūnā́ṃ tvā pátiṃ karomi \

Line : 14  Pada: r     átʰa me mā́ stʰā íti

Pada: s     tád vā́ asyaitán nā́ma paśupátir íti

Pada: t     tám abʰyāyátyāvidʰyat

Line : 15  Pada: u     sò 'rodīt

Pada: v     tád vā́ asyaitán nā́ma rudrá íti

Pada: w     té vā́ asyaité nā́manī śivé śānté

Line : 16  Pada: x     tásmād eté kā́maṃ grahītavyè

Pada: y     śivé hy èté śānté

Pada: z     táto yát pratʰamám̐ rétaḥ parā́patat tád agnínā páryainddʰa

Line : 17  Pada: aa     tád āsām agʰnyātvám \

Pada: ab     táto yád atyásravat tád bŕ̥haspátir úpāgr̥hṇāt

Line : 18  Pada: ac     tád āsām usriyātvám

Pada: ad     áśakāméti

Pada: ae     tád āsām̐ śakvarītvám \

Line : 19  Pada: af     gātúm avidāméti

Pada: ag     tád āsāṃ gotvám

Pada: ah     etā́ni vā́ āsāṃ nā́māni

Line : 20  Pada: ai     sárvair evā́sāṃ nā́mabʰiḥ sárvaiḥ kā́mair bʰuṅkte yá evám̐ véda

Pada: aj     paśávo vaí sr̥ṣṭā́ etā́ni nákṣatrāṇy anvápākrāman paurṇamāsī́m áṣṭakām amāvāsyā́ṃ citrā́m aśvattʰám \

Page: 36  
Line : 1  Pada: ak     tásmāt téṣu gaúr nā́pākŕ̥tyā

Pada: al     yā́m apākuryā́t tā́m asya paśávo 'nvápakrāmeyuḥ //


Anuvaka: 13  
Line : 3  Pada: a     devā́ vaí sárve sahā́ntárvanto 'bʰavan \

Pada: b     té sárve sahá vyàjāyanta

Pada: c     tád ekavŕ̥d aśayat sám̐vr̥ttam \

Line : 4  Pada: d     tád devā́ ittʰáṃ cettʰáṃ ca vyátyacaran \

Pada: e     tán mitrā́váruṇā acāyatām \

Line : 5  Pada: f     syā́d vaí yá enad vikuryā́d íti

Pada: g     tád gā́ṃ dvipádīm akurutām \

Pada: h     sā́ ná prátyatiṣṭʰat

Line : 6  Pada: i     tásyā anyáta āhŕ̥tyermaú prátyadʰattām \

Pada: j     tásmād etā́ ábaddʰā astʰán \

Line : 7  Pada: k     sā́ cátuṣpadī bʰūtvā́ prátyatiṣṭʰat

Pada: l     práti prajáyā ca paśúbʰiś ca tiṣṭʰati yá evám̐ véda

Line : 8  Pada: m     tásyām̐ vaí páyaḥ páryapaśyan \

Pada: n     tā́ṃ devā́ aduhra háritena pā́treṇa yajñáṃ cāmŕ̥taṃ ca

Line : 9  Pada: o     duhé yajñáṃ cāmŕ̥taṃ ca yá evám̐ véda \

Pada: p     átʰa pitáro 'duhra rajaténa pā́treṇórjaṃ ca svadʰā́ṃ ca

Line : 10  Pada: q     duhá ū́rjaṃ ca svadʰā́ṃ ca yá evám̐ véda \

Pada: r     átʰa manuṣyā̀ aduhra dārupātréṇā́nnaṃ ca prajā́ṃ ca

Line : 11  Pada: s     duhé 'nnaṃ ca prajā́ṃ ca yá evám̐ véda \

Line : 12  Pada: t     átʰā ŕ̥ṣayo 'duhra camaséna cʰándām̐si ca paśū́m̐s ca

Pada: u     duhé cʰándām̐si ca paśū́m̐śca yá evám̐ véda \

Line : 13  Pada: v     átʰa gandʰarvāpsaráso 'duhra puṣkaraparṇéna púṇyaṃ gandʰám \

Line : 14  Pada: w     duhé púṇyaṃ gandʰám̐ yá evám̐ véda \

Pada: x     átʰa sarpā́ aduhrālā́punā viṣám \

Pada: y     duhé bʰrā́tr̥vyāya viṣám̐ yá evám̐ véda \

Line : 15  Pada: z     átʰā́surā aduhrāyaspātréṇa srávatā bʰū́tiṃ ca párābʰūtiṃ ca

Line : 16  Pada: aa     duhé bʰrā́tr̥vyāyā́bʰūtiṃ ca párābʰūtiṃ ca yá evám̐ véda

Pada: ab     tā́m̐ vā́ índro 'náyaivópāsīdata \

Line : 17  Pada: ac     idám̐ sárvam aduhad yád idáṃ kíṃca

Pada: ad     tā́ṃ dugdʰvā́ prátyanudata

Line : 18  Pada: ae     sā́ prátinuttā kúmanā atiṣṭʰad dʰyā́yantī

Pada: af     tā́ṃ prajā́patir acāyat \

Line : 19  Pada: ag     dʰyā́yati vā́ íti

Pada: ah     sò 'bravīt

Pada: ai     kíṃ dʰyāyasī́ti

Pada: aj     sā́bravīt \

Pada: ak     yé mā́dʰukṣata té mā prátyanudantéti

Page: 37  
Line : 1  Pada: al     sò 'bravīt \

Pada: am     mā́ sū́rkṣas

Pada: an     tátʰā vaí tvā karṣyāmi yátʰobʰáyeṣāṃ devamanuṣyā́ṇāṃ priyā́ bʰaviṣyásī́ti

Line : 2  Pada: ao     tásyā gʰr̥táṃ padbʰyò 'kṣarat

Pada: ap     tásya gʰr̥tásyādā́ya múkʰam̐ vyàmārṭ //

Line : 3  Pada: aq     ubʰáyeṣāṃ tvā devamanuṣyā́ṇāṃ priyā́ṃ karomi // íti

Line : 4  Pada: ar     tásmād eṣóbʰáyeṣāṃ devamanuṣyā́ṇāṃ priyā́ \

Pada: as     eténaivá śrótriyasya múkʰam̐ vímr̥jyāt \

Line : 5  Pada: at     ubʰáye hy ètáṃ devamanuṣyā́ vidús \

Pada: au     eténa kumāryā̀s \

Pada: av     eténa pátikāmāyās \

Line : 6  Pada: aw     etád vaí govarcasám \

Pada: ax     ná sárvasmā iva kuryāt \

Pada: ay     yásmai tú kuryā́t tejasvī́ syāt //


Anuvaka: 14  
Line : 8  Pada: a     yó lalā́maḥ śitipā́ñ śítikakuñ śítibʰasañ śitivā́laḥ sā́śāriḥ sā́maktāṣṭáyūtʰā

Line : 9  Pada: b     prā́ṣṭau yūtʰā́ny āpnoti yásya tādŕ̥ṅṅ r̥ṣabʰó bʰávati

Line : 10  Pada: c     yásya vālatuṣáḥ prátiṣṭʰitaḥ sā́ prátiṣṭʰitā

Pada: d     práti prajáyā ca paśúbʰiś ca tiṣṭʰati yásya tādŕ̥ṅṅ r̥ṣabʰó bʰávati

Line : 11  Pada: e     yáḥ samantáḥ śitibāhúḥ sā́ sámantā

Line : 12  Pada: f     sámantaḥ prajáyā ca paśúbʰiś ca bʰavati yásya tādŕ̥ṅṅ r̥ṣabʰó bʰávati

Pada: g     yáḥ śitipr̥ṣṭʰáḥ sā́ tantiḥ

Line : 13  Pada: h     paśumā́n bʰavati yásya tādŕ̥ṅṅ r̥ṣabʰó bʰávati \

Pada: i     átʰa yásyaíkarūpasya sató lákṣma bʰávati sā́dārasŕ̥t \

Line : 14  Pada: j     nā́syāmitró gā́ vídʰāvati yásya tādŕ̥ṅṅ r̥ṣabʰó bʰávati

Line : 15  Pada: k     yā́jálomnī sā́ poṣayiṣṇús \

Pada: l     ajā́ iva prájāyante yásya tādŕ̥ṅṅ r̥ṣabʰó bʰávati

Line : 16  Pada: m     yā́ śyāmā́ sā́ poṣayiṣṇúḥ

Pada: n     kṣipráṃ bahvī́r bʰávanty apaniṣā́dukās tú

Line : 17  Pada: o     yā́ruṇā́ sā́ poṣayiṣṇúḥ

Pada: p     kṣipráṃ bahvī́r bʰávanti himerávas tú

Line : 18  Pada: q     yā́ śvetā́ sā́ poṣayiṣṇúḥ

Pada: r     kṣipráṃ bahvī́r bʰávanti duścármāṇas tú

Pada: s     nā́ñjíḥ kāryò ná pŕ̥śnis \

Page: 38  
Line : 1  Pada: t     ámitʰunaṃ tát \

Pada: u     átʰo vyāgʰrarūpám̐ vaí pŕ̥śnis \

Pada: v     bíbʰyaty asmāt paśávaḥ

Line : 2  Pada: w     kánīyām̐so 'sya paśávo bʰavanti yásya tādŕ̥ṅṅ r̥ṣabʰó bʰávati

Pada: x     tád āhus \

Line : 3  Pada: y     bī́jam evótsr̥jyam íti \

Pada: z     etád vā́ āsāṃ bī́jam̐ yád róhitam̐ rūpám \

Pada: aa     paśumā́n bʰavati yásya tādŕ̥ṅṅ r̥ṣabʰó bʰávati

Line : 4  Pada: ab     yó dʰūmrás tāmrádʰūmraḥ sá prajā́patiḥ

Pada: ac     prá prajáyā ca paśúbʰiś ca jāyate yásya tādŕ̥ṅṅ r̥ṣabʰó bʰávati

Line : 5  Pada: ad     yásya lomaśā́ kakút sá stambī́

Line : 6  Pada: ae     stambī́va prajáyā ca paśúbʰiś ca bʰavati yásya tādŕ̥ṅṅ r̥ṣabʰó bʰávati

Line : 7  Pada: af     yásyordʰvā́ kakút tā́ ūrdʰvā́ ā́pyāyante \

Pada: ag     ūrdʰvā́ asya paśávā ā́pyāyante yásya tādŕ̥ṅṅ r̥ṣabʰó bʰávati

Line : 8  Pada: ah     yásya dakṣiṇatáḥ pannám̐ sā́ pāpī́ sā́ srávanti \

Line : 9  Pada: ai     átʰa yásya savyatá únnatam̐ sā́ púṇyā sópāhárantī

Pada: aj     yā́ útpr̥ṣṭis tā́ ūrdʰvā́ ā́pyāyante \

Line : 10  Pada: ak     ūrdʰvā́ asya paśávā ā́pyāyante yásya tādŕ̥ṅṅ r̥ṣabʰó bʰávati

Line : 11  Pada: al     yásya savyatáḥ pannám̐ sā́ pāpī́ sā́ srávanti \

Pada: am     átʰa yásya dakṣiṇatá únnatam̐ sā́ púṇyā sópāhárantī

Line : 12  Pada: an     yā́ savyásācinī sā́ púṇyā sópāhárantī

Line : 13  Pada: ao     yā́ sam̐śr̥ṅgī́ sā́ goṣṭʰás

Pada: ap     tā́ṃ ná prácʰindyāt \

Pada: aq     anusr̥ṣṭásya góṣu syātām

Line : 14  Pada: ar     etaú vaí paśūnā́m áskannam̐ havís \

Pada: as     áskannam asya havír bʰavati yásyānusr̥ṣṭír góṣu bʰávati \

Line : 15  Pada: at     ukṣā́ cāsya vehác ca góṣu syātām

Pada: au     etaú vaí paśūnā́m ū́rjaṃ bibʰr̥tas \

Line : 16  Pada: av     ákṣodʰukā asya paśávo bʰavanti yásyokṣā́ ca vehác ca góṣu bʰávataḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.