TITUS
Black Yajur-Veda: Maitrayani-Samhita
Part No. 43
Previous part

Prapathaka: 3  
Anuvaka: 1  
Page: 39  
Line : 1  Pada: a     arātīyánti vā́ anyé púruṣāya nā́nyé

Pada: b     yè 'rātīyánti sā́ nírr̥tis \

Line : 2  Pada: c     yé nā́rātīyánti sā́numatis

Pada: d     tébʰya ubʰáyebʰyaḥ sahá nírvapanti \

Pada: e     ubʰaú sahá śr̥taú kurvanti

Line : 3  Pada: f     nairr̥téna pū́rveṇa prácaranti dakṣiṇā́ parétya svákr̥tā íriṇe \

Line : 4  Pada: g     etád vaí nírr̥tigr̥hītaṃ pr̥tʰivyā́s \

Pada: h     nírr̥tigr̥hīta evá nírr̥tiṃ nirávadayate \

Line : 5  Pada: i     ekolmukáṃ nidʰā́ya visrám̐sikāyāḥ kā́ṇḍābʰyāṃ juhoti

Pada: j     juṣāṇā́ nírr̥tir vetu svā́hā

Line : 6  Pada: k     vā́saḥ kr̥ṣṇáṃ bʰinnā́ntaṃ dákṣiṇéti \

Pada: l     etád dʰí nírr̥tyā rūpám

Line : 7  Pada: m     ardʰám̐ vaí púruṣasya nírr̥tigr̥hītam

Pada: n     ardʰám ánirr̥tigr̥hītam \

Pada: o     yán nírr̥tigr̥hītaṃ tád evā́smāt téna nirávadayate

Line : 8  Pada: p     púnar étyā́numatyā aṣṭā́kapālena prácaranti

Line : 9  Pada: q     nírr̥tim evá niravadā́ya \

Pada: r     iyám̐ vā́ ánumatir vā́g vaí * \
      FN emended. Ed.: vā

Pada: s     ánumatam evaínam̐ savám ā́kramayati \

Line : 10  Pada: t     aṣṭā́kapālo bʰavati

Pada: u     gāyatrī́ hī̀yáṃ gāyatrī́ vā́k \

Pada: v     dʰenúr dákṣiṇā \

Line : 11  Pada: w     etád dʰy ánumatyā rūpám

Pada: x     átʰa yá údañcaḥ śámyām atiśī́yante tā́n údaṅ parétya valmīkavapā́m udrújya juhuyāt \

Line : 12  Pada: y     idám amúṣyāmuṣyāyaṇásya kṣetriyám ávayajā íti

Line : 13  Pada: z     tát púnar ápidadʰāti \

Pada: aa     idám ahám amúṣyāmuṣyāyaṇásya kṣetriyám ápidadʰāmī́ti

Line : 14  Pada: ab     kṣetriyám̐ vā́ etáṃ gr̥hṇāti yé cainam ánu \

Pada: ac     iyáṃ kṣétrasya pátnī \

Pada: ad     asyā́m evá kṣetriyám avayájyā́tʰainam̐ savám ā́kramayati

Line : 15  Pada: ae     śvó bʰūtá ādityébʰyo bʰúvadvadbʰyo gʰr̥té carúr íti \

Line : 16  Pada: af     ādityā́ vā́ itá uttamā́ḥ svargáṃ lokám āyan \

Pada: ag     tébʰya evá prócya svargáṃ lokám eti \

Line : 17  Pada: ah     ādityā́ vā́ asmíṃl loká r̥ddʰā́ ādityā́ amúṣmin \

Line : 18  Pada: ai     ubʰáyor evá lokáyor r̥dʰnoti

Pada: aj     váro dákṣiṇā

Pada: ak     váreṇaivá svargáṃ lokám abʰyā́rohati

Line : 19  Pada: al     śvó bʰūtá āgnāvaiṣṇavá ékādaśakapālā íti \

Pada: am     agnír vaí sárvā devátās \

Page: 40  
Line : 1  Pada: an     víṣṇur yajñás \

Pada: ao     devátāś caivá yajñáṃ cā́labdʰa \

Pada: ap     agnír vaí yajñásyā́nto 'vástāt \

Line : 2  Pada: aq     víṣṇuḥ parástāt \

Pada: ar     ubʰayáta evá yajñásyā́ntā údagrahīt \

Pada: as     ubʰayáta evá yajñásyā́ntā udgŕ̥hya yátʰotsaṅgá āvápeta \

Line : 3  Pada: at     evám̐ vā́ etád yajñám ā́vapate

Pada: au     tásya yatʰākā́maṃ nirvápamāṇa eti \

Line : 4  Pada: av     anaḍvā́n vāmanó dákṣiṇā

Pada: aw     yád vahī́ ténāgneyás \

Pada: ax     yád vāmanás téna vaiṣṇavás \

Line : 5  Pada: ay     rūpéṇaivaínam̐ sámardʰayati

Pada: az     śvó bʰūté 'gnīṣomī́yā ékādaśakapālā íti \

Line : 6  Pada: ba     agnī́ṣómābʰyām̐ vaí vīryèṇéndro vr̥trám ahan

Pada: bb     vr̥tráṃ kʰálu vā́ eṣá hanti yó rājasū́yenābʰiṣiñcáte

Line : 7  Pada: bc     tád vā́rtragʰnam evaítát \

Pada: bd     dʰíraṇyaṃ dákṣiṇā

Pada: be     satyám̐ vaí híraṇyam \

Line : 8  Pada: bf     satyénaivá hanti

Pada: bg     śvó bʰūtá aindrāgná ékādaśakapālā íti \

Pada: bh     agnī́ṣómābʰyām̐ vaí vīryèṇéndro vr̥trám ahan \

Line : 9  Pada: bi     sá ójasā vīryèṇa vyā̀rdʰyata

Pada: bj     sá etám aindrāgnám apaśyat

Line : 10  Pada: bk     ténaújo vīryàm ātmánn adʰatta \

Pada: bl     ójasā vā́ eṣá vīryèṇa vyr̥̀dʰyate yó rājasū́yenābʰiṣiñcáte \

Line : 11  Pada: bm     ójo vīryàm indrāgnī́

Pada: bn     ójasaivaínam̐ vīryèṇa sámardʰayatas \

Line : 12  Pada: bo     anaḍvā́n r̥ṣabʰó dákṣiṇā

Pada: bp     yád vahī́ ténāgneyás \

Pada: bq     yán muṣkarás ténaindrás \

Pada: br     rūpéṇaivaínam̐ sámardʰayati

Line : 13  Pada: bs     śvó bʰūtá āgneyò 'ṣṭā́kapālo māhendráṃ dádʰī́ti \

Pada: bt     ŕ̥ddʰyā evā́gneyás \

Line : 14  Pada: bu     índro vaí vr̥trám ahan \

Pada: bv     sò 'nyā́n devā́n átyamanyata

Pada: bw     sá mahendrò 'bʰavat

Line : 15  Pada: bx     sá etám uddʰārám údaharad vr̥trám̐ hatvā́

Pada: by     tád uddʰārá evā́sya \

Pada: bz     eṣá bʰāgá evá

Pada: ca     tásmād rā́jā saṃgrāmáṃ jitvódājám údajayat

Line : 16  Pada: cb     páyasā vā́ eṣá vīryèṇa vyr̥̀dʰyate yó rājasū́yenābʰiṣiñcáte

Line : 17  Pada: cc     yát páyaḥ

Pada: cd     páyasaivaínam̐ sámardʰayati \

Pada: ce     indriyéṇa vā́ eṣá vīryèṇa vyr̥̀dʰyate yó rājasū́yenābʰiṣiñcáte

Line : 18  Pada: cf     yád aindrám

Pada: cg     indriyéṇaivaínam̐ vīryèṇa sámardʰayati

Line : 19  Pada: ch     devátābʰir vā́ eṣá vyr̥̀dʰyate yó rājasū́yenābʰiṣiñcáte

Line : 20  Pada: ci     sarvadevatyàm̐ vaí vā́sas \

Pada: cj     yád vā́saḥ kṣaúmaṃ dákṣiṇā

Pada: ck     devátābʰir evaínam̐ sámardʰayati //


Anuvaka: 2  
Page: 41  
Line : 1  Pada: a     devā́ óṣadʰīṣu pakvā́sv ājím ayuḥ

Pada: b     sá índro 'vet \

Pada: c     agnír vā́vémā́ḥ pratʰamá újjeṣyatī́ti

Line : 2  Pada: d     sò 'bravīt \

Pada: e     yataró nau pū́rva ujjáyet tán nau sahéti

Pada: f     tā́ agnír údajayat

Line : 3  Pada: g     tád índro 'nū́dajayat

Pada: h     tásmād aindrāgnám

Pada: i     átʰo āhus \

Pada: j     āgnendráṃ kāryàm íti \

Pada: k     agnír hí tā́ ágra udájayat

Line : 4  Pada: l     tád újjityā evá \

Pada: m     āgrāyaṇó dvā́daśakapālo bʰavati

Pada: n     dvā́daśa mā́sāḥ sam̐vatsaráḥ

Line : 5  Pada: o     sam̐vatsarā́d dʰí tád ádʰy ábʰavat

Pada: p     saptádaśa sāmidʰenī́ḥ kāryā̀ḥ

Line : 6  Pada: q     páñca r̥távo dvā́daśa mā́sā eṣá sam̐vatsaráḥ

Pada: r     sam̐vatsarā́d dʰí tád ádʰi bʰávati \

Line : 7  Pada: s     ékā vaí tárhi yávasya múṣṭir ā́sīd ékā vrīhér ékā mā́ṣasyaíkā tílasya

Line : 8  Pada: t     tád víśve devā́ abruvan

Pada: u     vayám̐ va etát pratʰayiṣyāmas \

Pada: v     bʰāgó no 'stv íti

Pada: w     tád víśve devā́ apratʰayan \

Line : 9  Pada: x     tád bʰūmná evá vaiśvadevás \

Pada: y     átʰo pratʰáyaty evaíténa

Pada: z     páyasi syād vaiśvadevás \

Line : 10  Pada: aa     vaiśvadevám̐ hí páyas \

Pada: ab     átʰa vā́ iyám abravīt \

Pada: ac     máyi vā́ etád ádʰy asaú vŕ̥ṣṭyā pacati

Line : 11  Pada: ad     naítád itó 'dʰy újjeṣyatʰa

Pada: ae     bʰāgó nā astv íti

Pada: af     tád ābʰyām̐ vā́vaíṣá bʰāgáḥ kriyate \

Line : 12  Pada: ag     újjityai \

Pada: ah     átʰo prátiṣṭʰityā evá

Pada: ai     yád dyāvāpr̥tʰivī́yaḥ

Line : 13  Pada: aj     saumī́r vā́ óṣadʰayaḥ

Pada: ak     sómā óṣadʰīnām adʰirājás

Pada: al     tásya vā́ eṣá bʰāgó yád akr̥ṣṭapacyám \

Line : 14  Pada: am     tád uddʰārá evā́sya \

Pada: an     eṣá bʰāgá evá

Pada: ao     tásmād rā́jā saṃgrāmáṃ jitvódājám údajate

Line : 15  Pada: ap     grāmyā́ vā́ anyā́ óṣadʰaya āraṇyā́ anyā́s

Line : 16  Pada: aq     tā́ evā́syaiténobʰáyīr áveṣṭā bʰavanti

Pada: ar     yā́ḥ pʰā́lakr̥ṣṭās tā́sām eténāgrāyaṇáṃ karóti yā́ āraṇyā́s tā́sām úttareṇa \

Line : 17  Pada: as     ā́nīto vā́ eṣá devā́nām̐ yá ā́hitāgnis \

Line : 18  Pada: at     yád ákr̥tvāgrāyaṇáṃ návasyāśnīyā́d devā́nāṃ bʰāgáṃ prátikl̥ptam aśnīyād ā́rtim ā́rcʰet

Line : 19  Pada: au     sárvebʰyo vā́ eṣó 'nyebʰyo 'bʰíṣicyate yó rājasū́ya āgrāyaṇás \

Line : 20  Pada: av     annā́dyasyā́varuddʰyai

Pada: aw     vatsáḥ pratʰamajó dákṣiṇā

Pada: ax     réta iva hy èṣó 'prajātaḥ

Pada: ay     prájātyai //


Anuvaka: 3  
Page: 42  
Line : 1  Pada: a     átʰaitā́ni cāturmāsyā́ni

Pada: b     sam̐vatsarám̐ vaí cāturmāsyā́ni párījyante

Line : 2  Pada: c     sam̐vatsarā́d evaínāny ádʰy āptvā́varunddʰe \

Pada: d     utsannayajñó vā́ eṣá

Pada: e     sam̐vatsarā́d vā́ ádʰy utsannayajñó 'varudʰyate

Line : 3  Pada: f     sam̐vatsarā́d evaínam ádʰy āptvā́varunddʰe

Pada: g     paśávo vā́ eté cāturmāsyébʰyó 'dʰy átiricyate

Line : 4  Pada: h     yáñ śunāsīryàm \

Pada: i     tā́n evā́pnoti

Pada: j     varṣyà udaké yajeta \

Line : 5  Pada: k     etád dʰí paśūnā́ṃ nédiṣṭʰam

Pada: l     átʰaitā́ni páñca havī́m̐ṣi

Pada: m     sáṃtatyai

Pada: n     grā́makāmo yajeta

Line : 6  Pada: o     vāyúr vā́ imā́ḥ prajā́ nasyotā́ ittʰáṃ cettʰáṃ ca nenīyate

Line : 7  Pada: p     yád vāyáve

Pada: q     vāyúr evā́smai nasyotā́m̐ víśaṃ nínayati \

Pada: r     ánnakāmo yajeta

Pada: s     sam̐vatsaró vā́ índraḥ śunāsīráḥ

Line : 8  Pada: t     sam̐vatsarò 'nnā́dyasya pradātā́

Pada: u     tám evá bʰāgadʰéyenópāsarat

Line : 9  Pada: v     sò 'smā annā́dyaṃ práyacʰati

Pada: w     varṣyà udake yajeta \

Pada: x     etád dʰy ànnā́dyasya nédiṣṭam \

Line : 10  Pada: y     vŕ̥ṣṭikāmo yajeta

Pada: z     vāyúr vā́ imé sámīrayati

Pada: aa     sá ā́pyāyayati

Line : 11  Pada: ab     táto varṣati

Pada: ac     sam̐vatsaró vā́ índraḥ śunāsīráḥ

Pada: ad     sam̐vatsarám ánuvarṣati //


Anuvaka: 4  
Line : 13  Pada: a     devā́ś ca vā́ ásurāś cāspardʰanta

Pada: b     sá vr̥trá índram abravīt

Pada: c     tváṃ devā́nām̐ śréṣṭʰo 'si \

Line : 14  Pada: d     ahám ásurāṇām̐ * *
      < ásurāṇām
      FN emended. Ed.: ásurāṇam̐.

Pada: e     sám̐śaknavāva

Pada: f     mā́ nā anyò 'nyám̐ vadʰīd * íti
      FN emended. Ed.: 'vadʰīd.

Pada: g     taú vaí sámāmetām ánabʰidrohāya

Line : 15  Pada: h     té devā́ vr̥trám amanyanta \

Pada: i     ayám̐ vā́védáṃ bʰaviṣyatī́ti

Line : 16  Pada: j     tá índra aicʰan

Pada: k     hánāmemám íti

Pada: l     sò 'bravīt

Pada: m     saṃdʰā́ vaí me sám̐hitā́n abʰidrohāyéti

Line : 17  Pada: n     tám agnír abravīt \

Pada: o     ahám evá tvetáḥ pāsyā́mī́ti pr̥tʰivyā́s \

Pada: p     ahám antárikṣād íti váruṇas \

Line : 18  Pada: q     aháṃ divá íti rudrás

Pada: r     táto vaí devā́ vr̥trám agʰnan

Pada: s     vr̥tráṃ kʰálu vā́ eṣá hanti yó rājasū́yenābʰiṣiñcáte

Line : 19  Pada: t     tád vā́rtragʰnam evaítát \

Pada: u     devā́ś ca vā́ ásurāś ca sámayatanta

Line : 20  Pada: v     tā́n agnís tredʰā́tmā́naṃ kr̥tvā́ prátyayatata

Pada: w     agnír evā́smíṃl loké bʰūtvā́ váruṇo 'ntárikṣe rudró diví

Page: 43  
Line : 1  Pada: x     sá índro 'manyata \

Pada: y     ayám̐ vā́védáṃ bʰaviṣyatī́ti

Line : 2  Pada: z     sò 'bravīt \

Pada: aa     ahám̐ víśvābʰyā ā́śābʰyā íti

Pada: ab     táto vā́ ajayan \

Line : 3  Pada: ac     táj jítyā evaítát \

Pada: ad     eténaivá yājayet saṃgrāmé

Pada: ae     jáyati saṃgrāmám

Pada: af     eténaivá yājayed bʰrā́tr̥vyavantam̐ yó vāsya priyáḥ syāt tám \

Line : 4  Pada: ag     bʰávaty ātmánā

Pada: ah     párāsya bʰrā́tr̥vyo bʰavati

Line : 5  Pada: ai     yád vaí tád índras turī́ya upasamápadyata

Pada: aj     tásmād indraturīyám \

Pada: ak     dʰenúr anaḍvāhī́ dákṣiṇā

Line : 6  Pada: al     yád vahínī ténāgneyī́

Pada: am     yád dʰenúḥ satī́ dāntā́ téna vāruṇī́

Pada: an     yád gaús téna raudrī́

Line : 7  Pada: ao     yát páyas ténaindrī́

Pada: ap     rūpaír evaínām̐ sámardʰayati \

Pada: aq     índro vaí námuciṃ nā́labʰata

Line : 8  Pada: ar     sá raśmī́n kulā́yaṃ kr̥tvā́nvā́rohad amúm ādityám \

Pada: as     tám̐ vā́ ánvamantrayata

Line : 9  Pada: at     sákʰāyā asāvéti

Pada: au     sò 'bravīt \

Pada: av     nā́hám̐ haniṣyā́mī́ti

Pada: aw     sò 'bravīt

Pada: ax     saṃdʰā́ṃ te sáṃdadʰai yátʰā tvā ná dívā hánāni ná náktaṃ ná śúṣkeṇa nā́rdréṇéti

Line : 10  Pada: ay     tásya vā́ úpodaye sū́ryasya nīhārám̐ saṃtátyāpā́ṃ pʰénena śíro 'cʰinat

Line : 11  Pada: az     tád vā́ enam ánvavartata

Line : 12  Pada: ba     mitradrúg asī́ti

Pada: bb     pāpmā́ vaí námuceḥ śíraḥ

Pada: bc     pāpmā́ vā́ enaṃ tád ánvavartata

Line : 13  Pada: bd     pāpmā́nam̐ vaí sá ténā́pāhata

Pada: be     tát pāpmā́nam evaíténā́pahate \

Pada: bf     apā́ṃ nyáyanād apāmārgā́n ā́haranti \

Line : 14  Pada: bg     ā́po vaí rakṣogʰnī́s \

Pada: bh     apó rákṣām̐si ná taranti

Pada: bi     rákṣasām ápahatyai

Line : 15  Pada: bj     váro dákṣiṇā

Pada: bk     váreṇaivá váram̐ spr̥ṇoti \

Pada: bl     ātmā́ hí váras \

Pada: bm     ātmā́nam̐ hí tásya tád anvávartata

Line : 16  Pada: bn     yé devā́ḥ puraḥsádo agnínetrā rakṣoháṇas té no 'vantu té naḥ pāntu tébʰyaḥ svā́héti \

Line : 17  Pada: bo     etaddevatyā̀ vā́ imā́ díśas \

Pada: bp     yatʰādevatám̐ vā́ etád ābʰyó digbʰyó 'dʰi rákṣām̐sy ápahanti \

Line : 18  Pada: bq     anuparikrā́maṃ juhoti

Pada: br     sárvābʰya evá digbʰyó 'dʰi rákṣām̐sy ápahanti \

Line : 19  Pada: bs     idám ahám̐ rákṣobʰiḥ sámūhāmi \

Pada: bt     ágne sáṃdaha rákṣaḥ

Line : 20  Pada: bu     sáṃdagdʰam̐ rákṣā íty āha

Pada: bv     rákṣasāṃ dʰvarā́yai rákṣasām antárityai \

Pada: bw     átʰa yát púnaḥ samū́hya juhóti

Page: 44  
Line : 1  Pada: bx     yā́bʰya evá digbʰyó 'dʰi rákṣām̐sy apā́vadʰīt tā́ bʰāgínīḥ karoti \

Line : 2  Pada: by     ahim̐sāyai

Pada: bz     rátʰaḥ pañcavāhī́ dákṣiṇā

Pada: ca     páñca díśaḥ páñca devátāḥ

Pada: cb     sámr̥ddʰyai //


Anuvaka: 5  
Line : 4  Pada: a     sómenejānam̐ yājayet

Pada: b     sam̐vatsarám̐ vā́ etásya cʰándām̐si yātáyāmāni bʰavanti yáḥ sómena yájate

Line : 5  Pada: c     cʰándām̐si vaí dévikās \

Pada: d     cʰándām̐si vā́vā́smā etád áyātayāmāni púnaryāmāṇi karoti

Line : 6  Pada: e     rājasū́yenābʰiṣiṣicānám̐ yājayet

Line : 7  Pada: f     paṣṭʰauhī́ dákṣiṇā \

Pada: g     āśā́m̐ vā́ eṣá upābʰíṣiñcate \

Pada: h     āśā́ paṣṭʰauhī́ \

Pada: i     āśā́m evā́smā akaḥ

Line : 8  Pada: j     paśúkāmam̐ yājayet \

Pada: k     cʰándām̐si vaí dévikāḥ

Pada: l     paśávaś cʰándām̐si

Line : 9  Pada: m     gāyatry ánumatis \

Pada: n     triṣṭúb rākā́

Pada: o     jágatī sinīvālī́

Pada: p     kuhū́r anuṣṭub

Pada: q     dʰātā́ vaṣaṭkārás \

Line : 10  Pada: r     yā́ pū́rvā paurṇamāsī́ sā́numatis \

Pada: s     yóttarā sā́ rākā́

Pada: t     yā́ pū́rvāmāvāsyā̀ sā́ sinīvālī́

Line : 11  Pada: u     yóttarā sā́ kuhū́s \

Pada: v     candrámā evá dʰātā́

Pada: w     yád dvé ávare dvé páre tán mitʰunám \

Line : 12  Pada: x     yát pūryáte 'nyā́ṃ nā́nyā́ṃ tán mitʰunám \

Pada: y     yát páśyanty anyā́ṃ nā́nyā́ṃ tán mitʰunám \

Line : 13  Pada: z     yád amāvāsyā̀yā ádʰi candrámāḥ prajā́yate tán mitʰunám \

Line : 14  Pada: aa     tásmād evā́smai mitʰunā́t paśū́n prájanayati

Pada: ab     prajā́kāmam̐ yājayet \

Pada: ac     dʰātā́ram uttamáṃ kuryāt

Line : 15  Pada: ad     stríyo vaí dévikāḥ

Pada: ae     púmān dʰātā́

Pada: af     párācīr vaí prajā́ réto dadʰate

Pada: ag     párācīṣv evā́su réto dadʰāti

Line : 16  Pada: ah     tád āhus \

Pada: ai     ná vaí téna párādʰatte yád ántarā pravīyátā íti

Line : 17  Pada: aj     vyávadadʰyād dʰātā́raṃ madʰyatáḥ

Pada: ak     sárvā evaínā vr̥ṣamodínīḥ karoti

Pada: al     tád āhus \

Pada: am     jā́yata evá

Line : 18  Pada: an     paścāccará iva tú bʰavati

Pada: ao     strībʰyó hy ènaṃ paścā́t pariṇáyantī́ti

Pada: ap     sá yadā́ jā́yetā́tʰa dʰātré purástān nírvapet \

Line : 19  Pada: aq     ágram̐ vaí dʰātā́ \

Pada: ar     ágram evaínaṃ páriṇayati //


Anuvaka: 6  
Page: 45  
Line : 1  Pada: a     āmayāvínam̐ yājayet \

Pada: b     dʰātā́raṃ madʰyatáḥ kuryāt

Pada: c     sam̐vatsaró vaí dʰātā́

Line : 2  Pada: d     sam̐vatsaró hí vā́ etásya mugdʰás \

Pada: e     átʰaitásyāmayati

Pada: f     sam̐vatsarám̐ vā́vā́smā etán madʰyatò 'cīkl̥pat \

Line : 3  Pada: g     átʰainam etásmān mitʰunā́t prájanayati \

Pada: h     īśvarā́ṇi vā́ etám etā́ni cʰándām̐sy r̥té paśór áśāntāni nirmŕ̥jaḥ

Line : 4  Pada: i     paśúr ápy ālábʰyaḥ

Pada: j     śā́ntyā ánirmārgāya \

Line : 5  Pada: k     eté vaí paśávo yád vrīháyaś ca yávāś ca

Pada: l     yád vrīhimáyaḥ puroḍā́śo bʰávati

Line : 6  Pada: m     ténaivá paśúr ā́labʰyate

Pada: n     śā́ntyā ánirmārgāya

Pada: o     vīrastʰā́ vā́ anyé paśávó 'vīrastʰā anyé

Line : 7  Pada: p     yé purástātpuroḍāśās té vīrastʰā́s \

Pada: q     yé paścā́tpuroḍāśās té 'vīrastʰās \

Line : 8  Pada: r     yé purástātpuroḍāśā bʰuñjátas tá úpatiṣṭʰante

Pada: s     prajā́patim̐ hy èté pratiṣṭʰā́m abʰyásr̥jyanta

Line : 9  Pada: t     yé paścā́tpuroḍāśāḥ párā té bʰavanti

Pada: u     yā́su stʰālī́ṣu sómāḥ syús té carávaḥ syuḥ

Line : 10  Pada: v     sómo vaí retodʰā́ḥ

Pada: w     prajánanāya

Pada: x     sarvavedasénejānám̐ yājayet

Line : 11  Pada: y     paśúbʰir vā́ eṣá vyr̥̀dʰyate yáḥ sárvaṃ dádāti \

Pada: z     átra vā́ eṣá jagʰányaṃ paśū́n paśyati yátrainān vibʰájati

Line : 12  Pada: aa     yátraivaínān vibʰájati táta enān púnar ávarunddʰe

Line : 13  Pada: ab     yá evá káś ca sómena yájeta tám̐ yājayet

Pada: ac     sam̐vatsarám̐ vā́ etásya cʰándām̐si yātáyāmāni bʰavanti yáḥ sómena yájate

Line : 14  Pada: ad     cʰándām̐si vaí dévikās \

Line : 15  Pada: ae     cʰándām̐si vā́vā́smā etád áyātayāmāni púnaryāmāṇi karoti //


Anuvaka: 7  
Line : 17  Pada: a     átʰaitát triṣam̐yuktám \

Pada: b     yát pū́rvaṃ triṣam̐yuktám

Pada: c     itá evā́smai ténordʰvā́n imā́ṃl lokā́n dādʰāra

Line : 18  Pada: d     yád úttaraṃ triṣam̐yuktám

Pada: e     amúta evā́smai ténārvā́ca imā́ṃl lokā́n dādʰāra

Line : 19  Pada: f     tád eṣā́m̐ vā́vaíté lokā́nām̐ vídʰr̥tyai

Pada: g     yát pū́rvaṃ triṣam̐yuktám̐ vīrajánanaṃ tát \

Line : 20  Pada: h     yád úttaraṃ paśujánanaṃ tát \

Pada: i     yát pū́rvaṃ triṣam̐yuktám \

Pada: j     vīrā́n evā́smai téna janáyati

Page: 46  
Line : 1  Pada: k     yád úttaram \

Pada: l     paśū́m̐s téna

Pada: m     yát pū́rvaṃ triṣam̐yuktám \

Pada: n     réta evá téna dádʰāti

Line : 2  Pada: o     yád úttaram \

Pada: p     prá téna janayati

Pada: q     yát pū́rvaṃ triṣam̐yuktáṃ téna yajñákāmo yajeta \

Pada: r     agnír vaí sárvā devátās \

Line : 3  Pada: s     víṣṇur yajñás \

Pada: t     devátāś caivá yajñáṃ cā́labdʰa \

Pada: u     aindró vaí yajñás \

Line : 4  Pada: v     víṣṇur yajñás

Pada: w     tád yajñásyaivaíṣá ārambʰás \

Pada: x     átʰa yád vaiṣṇavás \

Pada: y     víṣṇur vaí yajñás \

Pada: z     yajñá evá prátitiṣṭʰati

Line : 5  Pada: aa     yád úttaraṃ triṣam̐yuktáṃ téna paśúkāmo yajeta

Pada: ab     sómo vaí retodʰā́ḥ

Line : 6  Pada: ac     pūṣā́ paśūnā́ṃ prajanayitā́

Pada: ad     sóma evā́smai réto dádʰāti

Pada: ae     pūṣā́ paśū́n prájanayati \

Line : 7  Pada: af     indriyéṇa vaí paśávaḥ prájāyante

Pada: ag     pūṣā́ prájanayati \

Pada: ah     indriyéṇaivā́smai pūṣā́ paśū́n prájanayati \

Line : 8  Pada: ai     átʰa yát pauṣṇáḥ

Pada: aj     paśávo vaí pūṣā́

Pada: ak     paśúṣv evá prátitiṣṭʰati \

Line : 9  Pada: al     átʰaitád vaiśvānaravāruṇám \

Pada: am     sam̐vatsaró vā́ agnír vaiśvānarás

Pada: an     tásya vā́ eté svā́ yád r̥távas

Line : 10  Pada: ao     téṣām̐ vā́ eṣò 'bʰíṣikto rā́jā \

Pada: ap     abʰíṣikto vaí devā́nām̐ váruṇas \

Line : 11  Pada: aq     etaú vaí devā́nām̐ sūtaú \

Pada: ar     etaú savápatī

Pada: as     etaú savásyeśāte

Line : 12  Pada: at     tā́ enam̐ suvāte

Pada: au     yā́vanto vā́ etásya svā́ ánukā vaí tá etám

Pada: av     ánukā devā́ váruṇam \

Line : 13  Pada: aw     yā́vanta evā́sya svā́s tā́n asmā ánukān ávivādinaḥ karoti \

Line : 14  Pada: ax     iyā́m̐ś carúr bʰávati \

Pada: ay     etā́vān vā́ ātmā́

Pada: az     yā́vān evā́syātmā́ tám̐ váruṇān muktvā́

Line : 15  Pada: ba     sam̐vatsaró vā́ agnír vaiśvānaráḥ

Pada: bb     sam̐vatsará evaínaṃ prátiṣṭʰāpayati

Line : 16  Pada: bc     sam̐vatsarā́yuṣam enaṃ karoti

Pada: bd     tásmād rājasū́yābʰiṣiktasya jarásā dántā ávaśīyante

Line : 17  Pada: be     sam̐vatsaré hy ènaṃ pratiṣṭʰāpáyati

Pada: bf     sam̐vatsarā́yuṣam enaṃ karoti

Line : 18  Pada: bg     yó jyógāmayāvī syā́t tám eténa yājayet \

Pada: bh     váruṇena hí vā́ eṣá pāpmánā gr̥hītás \

Line : 19  Pada: bi     átʰaitásya jyóg āmayati

Pada: bj     yád vāruṇás \

Pada: bk     váruṇād evaínaṃ téna muñcati \

Pada: bl     íyām̐ś carúr bʰávati \

Pada: bm     etā́vān vā́ ātmā́

Pada: bn     yā́vān evā́syātmā́ tám̐ váruṇān muktvā́

Page: 47  
Line : 1  Pada: bo     sam̐vatsaró vā́ agnír vaiśvānaráḥ

Pada: bp     sam̐vatsará evaínaṃ prátiṣṭʰāpayati

Pada: bq     sam̐vatsarā́yuṣam enaṃ karoti //


Anuvaka: 8  
Line : 3  Pada: a     átʰaité ratnínaḥ

Pada: b     kṣatrásya vā́ etā́ny áṅgāni

Pada: c     yásya vā́ etā́ny ojasvī́ni bʰávanti tád rāṣṭrám ojasvī́ bʰavati

Line : 4  Pada: d     tā́ny evā́syaujasvī́ni karoti

Pada: e     kṣatrásya vā́ etā́ny áṅgāni

Line : 5  Pada: f     yásya vā́ etā́ni tejasvī́ni bʰávanti tád rāṣṭráṃ tejasvī́ bʰavati

Line : 6  Pada: g     tā́ny evā́sya bráhmaṇā tejasvī́ni karoti

Pada: h     bārhaspatyáś carúr brahmáṇo gr̥há íti

Line : 7  Pada: i     bráhma vaí bŕ̥haspátis \

Pada: j     bŕ̥haspatipurohita kʰálu vaí rāṣṭrám r̥dʰnoti

Line : 8  Pada: k     bráhma vā́ etát purástād rāṣṭrásyā́tyauhīt \

Pada: l     átʰo bráhmaṇa evá rāṣṭrám ánukaṃ karoti \

Line : 9  Pada: m     aindrá ékādaśakapālo rā́jño gr̥há íti \

Pada: n     indriyám̐ vā́ índras \

Pada: o     indriyá evá prátitiṣṭʰati \

Line : 10  Pada: p     ādityáś carúr máhiṣyā gr̥há íti \

Pada: q     iyám̐ vā́ áditis \

Pada: r     asyā́ evaínaṃ mā́trāṃ gamayati \

Line : 11  Pada: s     imā́m evaínaṃ prajā́bʰya upajīvanī́yaṃ karoti

Pada: t     dʰenúr dákṣiṇā \

Pada: u     etád dʰy ádityā rūpám \

Line : 12  Pada: v     nairr̥táś carúr nakʰā́vapūtānāṃ parivr̥ktyā́ gr̥há íti

Pada: w     nírr̥tigr̥hītā hí vā́ eṣā́ \

Line : 13  Pada: x     átʰaitā́ṃ párivr̥ñjanti nírr̥tim evá niravadā́ya \

Pada: y     iyám̐ vā́ ánumatis \

Line : 14  Pada: z     asyā́ evaínaṃ mā́trāṃ gamayati \

Pada: aa     imā́m evaínaṃ prajā́bʰya upajīvanī́yaṃ karoti

Line : 15  Pada: ab     śyénī vaṇḍā́paspʰurā dákṣiṇā \

Pada: ac     etád dʰí nírr̥tyā rūpám

Pada: ad     āgneyò 'ṣṭā́kapālaḥ senānyò gr̥há íti \

Line : 16  Pada: ae     agnír vaí sárvā devátās \

Pada: af     devátābʰir evā́sya senāmukʰáṃ jítyai sam̐śyati

Line : 17  Pada: ag     híraṇyaṃ dákṣiṇā

Pada: ah     satyám̐ vaí híraṇyam \

Pada: ai     satyénaivá jayati \

Line : 18  Pada: aj     āśvinó dvíkapālaḥ saṃgrahītúr gr̥há íti

Pada: ak     ratʰareṣám evā́smāt téna nirávadayate

Line : 19  Pada: al     savatyaù dákṣiṇéti

Pada: am     savatyā̀ iva hí savyastʰasāratʰī́ rátʰam abʰí


Page: 48  
Line : 1  Pada: an     sāvitrò 'ṣṭā́kapālaḥ kṣattúr gr̥hé

Pada: ao     prásūtyai \

Pada: ap     átʰo savitéva hy èṣá prajā́bʰyaḥ prasuváti

Line : 2  Pada: aq     vāruṇó yavamáyo dáśakapālaḥ sūtásya gr̥hé

Pada: ar     mārutáḥ saptákapālo vaíśyasya grāmaṇyò gr̥há íti

Line : 3  Pada: as     sūtámukʰā vaí víṭ kṣatrám úpatiṣṭʰate

Line : 4  Pada: at     sūtámukʰām̐ vā́vā́smā etád víśaṃ mukʰatò 'nnā́dyāyópadadʰāti

Pada: au     pauṣṇáś carúr bʰāgadugʰásya gr̥há íti

Line : 5  Pada: av     púṣṭir vaí pūṣā́

Pada: aw     púṣṭim evā́sya bʰāgé dadʰāti

Pada: ax     vaiṣṇavás tríkapālas takṣaratʰakāráyor gr̥há íti

Line : 6  Pada: ay     víṣṇur vaí yajñás \

Pada: az     yajñá evá prátitiṣṭʰati

Line : 7  Pada: ba     raudró gāvīdʰukáś carúr akṣāvāpásya gr̥hé govikartasya céti \

Pada: bb     antatá evā́smāt téna rudráṃ nirávadayate \

Line : 8  Pada: bc     átʰo rudrá iva hy ètaú paśū́ abʰimányate *
      FN Correcturen und Conjecturen zu dem ganzen Werk.

Line : 9  Pada: bd     ékādaśa vā́ etā́ni havī́m̐ṣi \

Pada: be     ékādaśākṣarā triṣṭúb

Pada: bf     vīryàṃ triṣṭúb

Pada: bg     vīryà evá prátitiṣṭʰati

Line : 10  Pada: bh     nā́nā vā́ etá etéṣām āśíṣó 'varundʰate

Pada: bi     yát sahá nirvápeyur áratninaḥ syus \

Line : 11  Pada: bj     aindrá ékādaśakapālo rā́jño gr̥há íti \

Pada: bk     indriyám̐ vā́ índras \

Line : 12  Pada: bl     ekadʰā́ vā́ etád yájamāne yajñásyāśī́ḥ prátitiṣṭʰati \

Pada: bm     aindró hí yájamānaḥ //


Anuvaka: 9  
Line : 13  Pada: a     índrāyām̐homúcā ékādaśakapālaṃ nírvapet \

Pada: b     yád evá kíṃcārvācī́naṃ jánitor énaḥ karóti táta enam am̐homúṅ muñcati \

Line : 14  Pada: c     índrāya sutrā́mṇā ékādaśakapālam \

Line : 15  Pada: d     yá evópavādī́ yò 'bʰidā́sati táta enam̐ sutrā́mā trāyate \

Line : 16  Pada: e     átʰaitán maitrābārhaspatyám \

Pada: f     satyám̐ vaí mitrás \

Pada: g     bráhma bŕ̥haspátiḥ

Pada: h     satyáṃ caivá bráhma cālábʰya dīkṣate

Line : 17  Pada: i     kṣatrám̐ vaí mitrás \

Pada: j     bráhma bŕ̥haspátiḥ

Pada: k     kṣatráṃ caivá bráhma cālábʰya dīkṣate

Line : 18  Pada: l     yásya rāṣṭrám̐ śitʰirám iva syā́t tám eténa yājayen maitrābārhaspatyéna

Line : 19  Pada: m     kṣatrám̐ vaí mitrás \

Pada: n     bráhma bŕ̥haspátir

Pada: o     bráhmaṇi vā́ etát kṣatráṃ prátiṣṭʰāpayati

Line : 20  Pada: p     draḍʰimné 'śitʰiratvāya \

Pada: q     átʰaité devasvàs \

Pada: r     eté vaí devā́nām̐ sūtā́s \

Pada: s     eté savápatayas \

Page: 49  
Line : 1  Pada: t     eté savásyeśate

Pada: u     tá enam̐ suvate

Pada: v     tásmād vā́ etám āhuḥ

Pada: w     pūrvedyúr vā́ eṣá sūyáte 'bʰítaś ca sicyatā íti \

Line : 2  Pada: x     átʰaiṣá mārutá ékavim̐śatikapālas

Line : 3  Pada: y     trír vaí saptásapta marútas \

Pada: z     víṇ marútas \

Pada: aa     viśó vā́ etán madʰyatáḥ sūyate

Line : 4  Pada: ab     tásmād vā́ eṣá viśáḥ priyás \

Pada: ac     viśó hí madʰyatáḥ sūyáte

Pada: ad     váruṇasya vā́ abʰiṣicyámānasyendriyám̐ vīryàm ápākrāmat

Line : 5  Pada: ae     tát tredʰā́bʰavat \

Pada: af     bʰŕ̥gus tŕ̥tīyam ábʰavat \

Line : 6  Pada: ag     śrāyantī́yaṃ tŕ̥tīyam \

Pada: ah     sárasvatīṃ tŕ̥tīyaṃ prā́viśat \

Pada: ai     yád bʰārgavó hótā bʰávati

Line : 7  Pada: aj     śrāyantī́yaṃ brahmasāmám̐ sārasvatī́r ā́pas

Pada: ak     tád evéndriyám̐ vīryàṃ téja āpnoti

Line : 8  Pada: al     vācā́ vā́ etám abʰíṣiñcanti yám abʰiṣiñcánti

Pada: am     vā́k sárasvatī

Pada: an     sārasvatī́r ā́pas \

Line : 9  Pada: ao     yát sārasvatī́bʰiḥ sūyáte

Pada: ap     yā́vaty evá vā́k táyā sūyate //


Anuvaka: 10  
Line : 10  Pada: a     apā́m̐ vā́ etā́ni citrā́ṇi \

Pada: b     apā́m̐ vā́ etác citrā́ṇi sáṃbʰaranti \

Pada: c     apā́m enaṃ citraír abʰíṣiñcanti

Line : 11  Pada: d     citrám asmin dadʰati

Pada: e     tásmād vā́ eṣò 'bʰíṣiktaś citrám̐ rā́jéti śrūyate \

Line : 12  Pada: f     apā́m̐ hy ènaṃ citraír abʰíṣiñcanti

Pada: g     citrám asmin dadʰati

Pada: h     yátʰā vā́ idáṃ madʰukŕ̥to mádʰu saṃbʰáranty evám̐ vā́ etád apā́m óṣadʰīnām̐ rásam̐ sam̐bʰaranti \

Line : 13  Pada: i     apā́m enam óṣadʰīnām̐ rásenābʰíṣiñcanti

Line : 14  Pada: j     rásam asmin dadʰati

Pada: k     tásmād vā́ etám āhus \

Pada: l     asī́ rā́jā púṇyā íti \

Line : 15  Pada: m     apā́m̐ hy ènam óṣadʰīnām̐ rásenābʰíṣiñcanti

Pada: n     rásam asmin dádʰati

Line : 16  Pada: o     varuṇasavó vā́ eṣá

Pada: p     vāruṇī́r ā́pas \

Pada: q     yád adbʰír abʰiṣiñcáti

Pada: r     váruṇam evaínam akar

Line : 17  Pada: s     viṣuvā́n vaí sárasvatī

Pada: t     sārasvatī́r ā́pas \

Pada: u     yát sārasvatī́bʰiḥ sūyáte

Page: 50  
Line : 1  Pada: v     viṣuvā́n bʰavati

Pada: w     ṣóḍaśa gráhā gr̥hyánte ṣóḍaśa hómā hūyante

Pada: x     tád dvā́trim̐śat \

Line : 2  Pada: y     dvā́trim̐śadakṣarānuṣṭúb

Pada: z     yā́vaty evá vā́k táyā sūyate //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.