TITUS
Black Yajur-Veda: Maitrayani-Samhita
Part No. 46
Previous part

Prapathaka: 6  
Anuvaka: 1  
Page: 78  
Line : 1  Pada: a     návaité prātár * gráhā gr̥hyante \
      FN Correcturen und Conjecturen zu dem ganzen Werk.

Pada: b     imé vā́ eté gr̥hyante náva prāṇā́s \

Pada: c     āśvinó daśamó gr̥hyate

Line : 2  Pada: d     vyānó vā́ eṣá gr̥hyate

Pada: e     nā́bʰir evá daśamó gr̥hyáte

Pada: f     tr̥tī́yo hūyate

Line : 3  Pada: g     tr̥tī́yo hy àyáṃ prāṇáḥ

Pada: h     prāṇā́nām̐ sáṃtatyai

Pada: i     sárve vā́ eté gráhāḥ stotrávantaḥ śastrávanto nidā́navantas \

Line : 4  Pada: j     nidā́navān bʰavati yá evám̐ véda

Line : 5  Pada: k     hótā vā́ adyá prātár upām̐śúm ayajat

Pada: l     ténaitá uktʰávantas \

Pada: m     átʰa yám̐ hótā tūṣṇīm̐śam̐sám̐ śám̐sati ténaivaítá uktʰávantas \

Line : 6  Pada: n     návaité prātár gráhā gr̥hyánte navábʰir bahiṣpavamāné stuvate

Line : 7  Pada: o     taír eté sā́manvantas \

Pada: p     hiṃkāréṇāśvináḥ sā́manvān

Line : 8  Pada: q     aindravāyavéṇaindravāyavás \

Pada: r     maitrāvaruṇéna maitrāvaruṇás \

Pada: s     aindréṇa śukrā́mantʰínau

Line : 9  Pada: t     vaiśvadevénāgrayaṇás \

Pada: u     uktʰā́yoktʰyò gr̥hyáte \

Pada: v     uktʰā́ya dʰruváḥ

Line : 10  Pada: w     sáṃtatyā aindrāgnáḥ

Pada: x     sáṃtatyai mrutvatī́yās \

Pada: y     adʰvaryúr juhóti hótā váṣaṭkaroti

Line : 11  Pada: z     prāṇā́n vā́ etát prádʰattas \

Pada: aa     yéna mántreṇādʰvaryúḥ prayácʰati téna hótā prátigr̥hṇāti

Line : 12  Pada: ab     prāṇā́nāṃ gopītʰā́ya

Pada: ac     prajā́patir vaí svayám̐ hótāsīt

Pada: ad     sò 'tāmyat

Line : 13  Pada: ae     táṃ devā́ dvidevatyaìr abʰyàdʰāvan

Pada: af     prāṇā́ vaí dvidevatyā̀s \

Pada: ag     yád adʰvaryúr dvidevatyā̀n hutvā́ kṣiprám̐ hótāram abʰyādrávati

Line : 14  Pada: ah     prāṇaír vā́ etád dʰótāram abʰídʰinoti

Line : 15  Pada: ai     vaṣaṭkārévaṣaṭkāre vaí hótā prāṇásyā́ntaṃ gacʰati

Pada: aj     prāṇā́ vaí dvidevatyā̀s \

Line : 16  Pada: ak     yád adʰvaryúr dvidevatyā̀n hutvā́ kṣiprám̐ hótāram abʰyādrávati

Pada: al     prāṇaír vā́ etád dʰótāram abʰídʰinoti

Line : 17  Pada: am     prāṇā́ vaí dvidevatyā̀ḥ

Pada: an     paśávā íḍā

Pada: ao     yád dvidevatyā̀n ábʰakṣayitvéḍām upahváyeta paśúbʰiḥ prāṇā́n antáriyāt \

Line : 18  Pada: ap     átʰa yád dvidevatyā̀n bʰakṣayitvéḍām upahváyate

Line : 19  Pada: aq     prāṇā́n vā́ etád ātmán dʰitvā́tʰa paśū́n úpahvayate \

Pada: ar     indriyám̐ vaí sómaḥ

Line : 20  Pada: as     paśáva indriyám \

Pada: at     yát sómaṃ bʰakṣáyati \

Pada: au     indriyám evā́tmándʰatte

Pada: av     sarváta āśvináṃ parihā́raṃ bʰakṣayati

Line : 21  Pada: aw     tásmāt sárvā díśaḥ śr̥ṇoti //



Anuvaka: 2  
Page: 79  
Line : 1  Pada: a     yád vaí pā́tram̐ riktám ánunmuktaṃ tád ánu rákṣām̐si yajñám ávayanti

Pada: b     yád aindravāyavé puroḍā́śam avadádʰāti maitrāvaruṇé payasyā̀m āśviné dʰānā́m

Line : 2  Pada: c     áriktatvāya

Line : 3  Pada: d     ví vā́ etád yajñáś cʰidyate yát sávanāni saṃtíṣṭʰate

Pada: e     yád etā́ni pā́trāṇy ā́ tr̥tī́yāt sávanāt pariśére

Line : 4  Pada: f     yajñásya sáṃtatyā ávicʰedāya

Pada: g     vāyavyā̀yām̐ śasyámānāyāṃ pā́trāṇi vímuñcati

Line : 5  Pada: h     prāṇó vaí vāyúḥ

Pada: i     prāṇéna yajñáḥ sáṃtataḥ

Line : 6  Pada: j     prāṇénaivá yajñám̐ sáṃtanoti //

Pada: k     ékayā ca daśábʰiś ca svabʰūté dvā́bʰyām iṣṭáye vim̐śatyā́ ca

Line : 7  Pada: l     tisŕ̥bʰiś ca váhase trim̐śátā ca niyúdbʰir vāya ihá tā́ vímuñca // íty āha

Line : 8  Pada: m     vímuktyā evá \

Pada: n     ávagatam̐ vā́ adʰvaryupātrám \

Pada: o     niruddʰáṃ pratiprastʰā́nam \

Line : 9  Pada: p     yádi kāmáyeta yó bahís táṃ grā́me kuryā́ṃ yó grā́me táṃ bahír íti // idám ahám amúm āmuṣyāyaṇám amúṣyāḥ putrám amúṣyā viśó nírūhāmi // íty adʰvaryupātráṃ nirúhya // idám ahám amúm āmuṣyāyaṇám amúṣyāḥ putrám amúṣyām̐ viśí sādayāmi // íti prātiprastʰā́nam̐ sādayet \

Line : 12  Pada: q     yó bahís táṃ grā́me karóti yó grā́me táṃ bahís \

Line : 13  Pada: r     adʰvaryupātrám̐ vaí yájamānasya pā́tram \

Pada: s     pratiprastʰā́naṃ bʰrā́tr̥vyasya

Line : 14  Pada: t     yádi kāmáyeta samā́vadvīryam enaṃ bʰrā́tr̥vyeṇa kuryām íti prabā́hug gr̥hṇīyā́tāṃ prabā́huk sādayetāṃ prabā́hug juhuyātām \

Line : 15  Pada: u     samā́vadvīryam evaínaṃ bʰrā́tr̥vyeṇa karoti \

Line : 16  Pada: v     adʰvaryupātrám̐ vaí pā́tram \

Pada: w     pā́pīyaḥ pratiprastʰā́nam \

Line : 17  Pada: x     yádi kāmáyeta pāpavasīyasám̐ syād íti pū́rvo gr̥hṇīyā́t pū́rvaḥ sādayet pū́rvo juhuyāt \

Line : 18  Pada: y     eténa vaí vipū́janaḥ saúrākiḥ pāpavasīyasáṃ cakāra

Line : 19  Pada: z     tát pāpavasīyasám evaíténa karoti

Pada: aa     yajñásya vaí sr̥ṣṭásya śíro 'cʰidyata

Pada: ab     tásmai devā́ḥ prā́yaścittim aicʰan \

Line : 20  Pada: ac     átʰa vā́ etaú tárhi devā́nāṃ bʰiṣájā āstām aśvínā ásomapau

Page: 80  
Line : 1  Pada: ad     tā́ úpādʰāvan

Pada: ae     yátʰā bʰiṣájam upadʰā́vanty evám idám̐ yajñásya śíraḥ prátidʰattam íti

Line : 2  Pada: af     tā́ abrūtām \

Pada: ag     bʰāgó nā astv íti

Pada: ah     vr̥ṇā́tʰām íty abruvan \

Line : 3  Pada: ai     tā́ abrūtām \

Pada: aj     gráhaṃ nau gr̥hṇantu

Pada: ak     somapītʰám áśnavāvahā íti

Line : 4  Pada: al     tád vā́ aśvínau prátyadʰattām \

Pada: am     tásmād āśvinī́bʰir abʰíṣṭuvanti \

Pada: an     aśvínau hí pratyádʰattām \

Line : 5  Pada: ao     taú vaí bahiṣpavamānénaivá pāvayitvā́ tā́bʰyāṃ pūtā́bʰyām̐ yajñíyābʰyāṃ bʰūtā́bʰyāṃ gráham agr̥hṇan \

Line : 6  Pada: ap     tásmād bahiṣpavamāné stutá āśvinaú gr̥hyete

Line : 7  Pada: aq     tásmād brāhmaṇéna bahiṣpavamānám abʰisŕ̥pyam \

Pada: ar     pavítram̐ hí tát

Pada: as     tásmād yáṃ dviṣyā́t táṃ páribādʰeta

Line : 8  Pada: at     tád vaí bʰeṣajáṃ tredʰā́ vinyàdadʰus \

Pada: au     agnaú tŕ̥tīyam \

Pada: av     brāhmaṇé tŕ̥tīyam

Line : 9  Pada: aw     apsú tŕ̥tīyam \

Pada: ax     tád yá evám̐ vidvā́n agnér ánte brāhmaṇā́ya prócyāpsú bʰeṣajáṃ karóti samárdʰukam̐ ha bʰavati

Line : 10  Pada: ay     yā́vad dʰí bʰeṣajáṃ tát kriyáte

Pada: az     vāstuhā́ni vā́ etát pā́trāṇi bʰavanti yád gráhān gr̥hītvā́ bahiṣpavamānám̐ sárpanti

Line : 11  Pada: ba     vaiṣṇavyá r̥cā́ púnar étya sáṃmr̥śati

Line : 12  Pada: bb     víṣṇur vaí yajñás \

Pada: bc     víṣṇunaivaínāni yajñéna svargáṃ lokám̐ samā́rohayati //


Anuvaka: 3  
Line : 14  Pada: a     prajā́pater vā́ eté cákṣuṣī yáñ śukrā́mantʰínau \

Pada: b     asā́ ādityáḥ śukrás \

Pada: c     candrámā mantʰī́

Line : 15  Pada: d     tásya vaí prajā́pateḥ savyáṃ cakṣur aśvayat

Pada: e     táto yé stokā́ avā́padyanta taír idám̐ varṣati \

Line : 16  Pada: f     ékavim̐śatir vaí té 'vapedus

Pada: g     tā́n vāyúr amúto vísr̥jati prajā́nāṃ kŀ̥ptyai

Line : 17  Pada: h     tásya yā́ kanī́nikā parā́patat sá yávo 'bʰavat \

Pada: i     yán mantʰínam̐ sáktubʰiḥ śrīṇā́ti

Line : 18  Pada: j     cákṣur evā́sya sáṃbʰāvayati

Pada: k     mitʰunám̐ vaí sómaś ca sáktavaś ca

Line : 19  Pada: l     yán mantʰínam̐ sáktubʰiḥ śrīṇā́ti

Pada: m     mitʰunatvā́ya \

Pada: n     ā́rtam̐ vā́ etát pā́tram̐ yán mantʰipātrám \

Line : 20  Pada: o     yáṃ dviṣyā́d r̥tvíjāṃ tásmai haret \

Pada: p     ā́rtim ā́rcʰati

Pada: q     ṣáṇḍāmárkau vā́ ásurāṇāṃ puróhitā āstām \

Page: 81  
Line : 1  Pada: r     tā́n devā́ nā́śaknuvan hántum \

Line : 2  Pada: s     brāhmaṇávanto hy ā́san \

Pada: t     taú devā́ ápāśāsus \

Pada: u     úpa nā ā́vartetʰām íti

Pada: v     tā́ abrūtām \

Line : 3  Pada: w     bʰāgó nā astv íti

Pada: x     vr̥ṇā́tʰām íty abruvan \

Pada: y     tā́ etaú śukrā́mantʰínā avr̥ṇātām \

Line : 4  Pada: z     té devā́ amanyanta

Pada: aa     yád imā́ asuryaù sómau hoṣyā́mas

Line : 5  Pada: ab     tád ánv ásurā ā́bʰaviṣyanti

Pada: ac     yán ná hoṣyā́mas tád ánv ā́bʰaviṣyantī́ti

Pada: ad     tā́ apanúdyā́tʰéndrāyājuhuvus

Line : 6  Pada: ae     tásmād etā́ anyadevatyaù gr̥hyéte átʰéndrāya hūyete

Line : 7  Pada: af     ápanuttau ṣáṇḍāmárkau sahá téna yáṃ dviṣmá íti

Pada: ag     ṣáṇḍāmárkayor evaínam̐ sahā́panodénā́panudate //

Line : 8  Pada: ah     ā́yuḥ pāhi prajā́ṃ pāhy amúṣya vīrátāṃ pāhi // íti sādayed yò 'sya priyáḥ syā́t tásya

Line : 9  Pada: ai     śukrám̐ vaí práti rāṣṭráṃ mantʰínaṃ niruddʰáṃ matʰyátā íti hy ètád rāṣṭrám āhúr yán niruddʰáṃ bʰávati

Line : 10  Pada: aj     yádi kāmáyeta yó bahís táṃ grā́me kuryā́ṃ yó grā́me táṃ bahír íti // idám ahám amúm āmuṣyāyaṇám amúṣyāḥ putrám amúṣyā viśó nírūhāmi // íti śukrapātráṃ nirúhya // idám ahám amúm āmuṣyāyaṇám amúṣyāḥ putrám amúṣyām̐ viśí sādayāmi // íti mantʰipātrám̐ sādayet \

Line : 14  Pada: ak     yó bahís táṃ grā́me karóti yó grā́me táṃ bahís \

Pada: al     ārtám̐ vā́ etát pā́tram̐ yán mantʰipātrám \

Line : 15  Pada: am     yáñ śukrapātráṃ púnaḥ prayujyáte

Pada: an     tásmād imé samā́vadvīrye

Line : 16  Pada: ao     tásmād ābʰyā́m̐ samā́vat paśyati \

Pada: ap     asaú vā́ ādityáḥ śukráś candrámā mantʰī́

Line : 17  Pada: aq     yád apidʰā́ya prā́ñcā itás

Pada: ar     tásmād etaú prā́ñcau yántau ná paśyanti \

Pada: as     átʰa yád ánapidʰāya pratyáñcau tíṣṭʰantau juhutás

Line : 18  Pada: at     tásmāt pratyáñcau yántau paśyanti

Line : 19  Pada: au     yád apidʰā́ya prā́ñcā itás

Pada: av     tásmāt párāṅ prāṇás \

Pada: aw     átʰa yád ánapidʰāya pratyáñcau tíṣṭʰantu juhutás

Line : 20  Pada: ax     tásmāt púnar apānás \

Pada: ay     yád apidʰā́ya prā́ñcā itás

Pada: az     tásmāt párāñco gárbʰā dʰīyante \


Page: 82  
Line : 1  Pada: ba     átʰa yád ánapidʰāya pratyáñcau tíṣṭʰantau juhutás

Pada: bb     tásmāt pratyáñcaḥ prájāyante

Line : 2  Pada: bc     cákṣuṣī vaí śukrā́mantʰínau

Pada: bd     nā́sikottaravedís \

Pada: be     yád aṅguṣṭʰā́bʰyām ākrámete

Line : 3  Pada: bf     cákṣuṣī vā́ etát prádʰattas \

Pada: bg     átʰa yád upáriṣṭād ākrámete

Line : 4  Pada: bh     tásmād imé upáriṣṭāc cákṣuṣī

Pada: bi     tutʰó 'si jánadʰāyās \

Pada: bj     devā́s tvā śukrapā́ḥ práṇayantv íti

Line : 5  Pada: bk     yā́ atrī́ḥ prajā́s tā́sām eṣá yónis

Pada: bl     tā́ etám anuprájāyante

Line : 6  Pada: bm     tutʰò 'si jánadʰāyās \

Pada: bn     devā́s tvā mantʰipā́ḥ práṇayantv íti

Pada: bo     yā́ ādyā̀ḥ prajā́s tā́sām eṣá yónis

Line : 7  Pada: bp     tā́ etám anuprájāyante \

Pada: bq     ubʰáyīr evá prajā́ḥ prájanayaty atrī́ś cādyā̀ś ca

Line : 8  Pada: br     śukrám anvā́rabʰante

Pada: bs     téjo vaí śukró brahmavarcasám \

Pada: bt     téja evá brahmavarcasám anvā́rabʰante \

Line : 9  Pada: bu     índreṇa manyúnā yujéti śukréṇa páriyanti

Pada: bv     manyúnā vaí yujéndró 'surān ávābādʰata

Line : 10  Pada: bw     manyúnā vā́ etád yujā́ yájamāno bʰrā́tr̥vyam ávabādʰate

Line : 11  Pada: bx     saṃjagmānaú divā́ pr̥tʰivyéty aratnī́ sáṃdʰatte \

Pada: by     imā́ni vā́ etát sáṃdʰatte yát pā́tre saṃdadʰyā́tām \

Line : 12  Pada: bz     nédám antarā́ syā́t \

Pada: ca     átʰa yád aratnī́ saṃdʰattás

Pada: cb     tásmād idám antarā́ cákṣuṣor

Line : 13  Pada: cc     vídʰr̥tyai

Pada: cd     púmām̐saṃ gárbʰam ā́dʰattaṃ gavīnyòr íti

Pada: ce     tád ánu strīṣvò yájamānasya gā́vo bʰávanti vīráṃ pátnī janayati

Line : 14  Pada: cf     śukrásyādʰiṣṭʰā́nam asi

Line : 15  Pada: cg     mantʰíno 'dʰiṣṭʰā́nam asī́ti śakalau prā́syataḥ

Pada: ch     samíd vā́ eṣaítáyos \

Line : 16  Pada: ci     átʰo ā́hutīnāṃ prátiṣṭʰityai

Pada: cj     nírastaḥ ṣáṇḍas \

Pada: ck     nírasto márkaḥ sahá téna yáṃ dviṣmá íti śakalau nírasyatas \

Line : 17  Pada: cl     etā́vāṃl lokó yā́vad úddʰatam \

Line : 18  Pada: cm     yā́vān evá lokás tásmād yájamāno bʰrā́tr̥vyaṃ nírbʰajati

Pada: cn     śrīṇánty anyā́nt sómā́n nā́nyān \

Line : 19  Pada: co     tát sómānāṃ mitʰunám \

Pada: cp     yā́ñ śrīṇánti tā́n ánuvarṣati

Pada: cq     yā́n ná śrīṇánti tā́n anuvī́dʰrati


Page: 83  
Line : 1  Pada: cr     dārumáyāny anyā́ni pā́trāṇi mr̥nmáyāny anyā́ni

Line : 2  Pada: cs     tát pā́trāṇāṃ mitʰunám \

Pada: ct     yó vaí sómasya ca pā́trāṇāṃ ca mitʰunám̐ véda mitʰunā́ enaṃ paśávā úpatiṣṭʰante //



Anuvaka: 4  
Line : 4  Pada: a     prajā́patir vā́ āgrāyaṇás \

Pada: b     yé devā divy ékādaśa stʰéti \

Pada: c     etā́vanto vaí devā́ * *
      FN < devā́s
      FN emended. Ed.: davā́.

Line : 5  Pada: d     yā́vanta evá devā́s tébʰyo gr̥hyate \

Pada: e     āgrāyaṇám̐ vaí gr̥hītvā́ devā́ḥ svargáṃ lokám āyan \

Line : 6  Pada: f     ápā́surā abʰram̐śanta

Pada: g     táto devā́ ábʰavan párā́surās

Pada: h     tád yá evám̐ vidvā́n āgrāyaṇáṃ gr̥hṇīté bʰávaty ātmánā párāsya bʰrā́tr̥vyo bʰavati

Line : 7  Pada: i     yá ānujāvaráḥ syā́t sá āgrāyaṇā́grān gráhān gr̥hṇīta \

Line : 8  Pada: j     ágram̐ hy ā̀grāyaṇás \

Pada: k     yády abʰicáret //

Line : 10  Pada: l     vidád yádi sarámā rugṇám * ádrer máhi pā́tʰaḥ pūrvyám̐ sadʰryàk kaḥ /
      FN Correcturen und Conjecturen zu dem ganzen Werk.

Line : 11  Pada: m     ágraṃ nayat supády ákṣarāṇām ácʰā rávaṃ prahamā́ jānatī́ gāt //

Line : 12  Pada: n     íti purorúcaṃ kuryāt \

Pada: o     rujáti haivá \

Pada: p     átʰo vā́g vaí sarámā

Pada: q     vā́cam evaíṣām̐ vr̥ṅkte

Line : 13  Pada: r     sarā́ * vā́ eṣā́ yajñásya
      FN Correcturen und Conjecturen zu dem ganzen Werk.

Pada: s     tásmād yát kíṃca prācī́nam āgrāyaṇā́t tád upām̐śú caranti \

Line : 14  Pada: t     átʰa vā́ etád āgrāyaṇáṃ práti vā́cam̐ vísr̥jante

Pada: u     yajñám evā́ptvā́ vácam̐ vísr̥jante

Line : 15  Pada: v     vā́g vaí devébʰyó 'pākrāmat

Pada: w     té devā́s tūṣṇī́m̐ yajñám atanvata

Pada: x     sā́ vā́g amanyata \

Line : 16  Pada: y     antár vaí mā yajñā́d yantī́ti

Pada: z     sā́grāyaṇáṃ práti nyā́dravat

Pada: aa     tásmād āgrāyaṇáṃ práti vā́cam̐ vísr̥jante

Line : 17  Pada: ab     hiṃkŕ̥tya vā́cam̐ vísr̥jante

Pada: ac     prāṇó vaí hiṃkārás \

Line : 18  Pada: ad     vā́k prāṇás

Pada: ae     tád vācá evaíṣá yúktis

Pada: af     trír híṃkaroti

Pada: ag     tredʰā́ hī̀yám̐ vā́g vádati śanaír uccaír átʰa sū́ccais \

Line : 19  Pada: ah     yā́vaty evá vā́k sā́sya yujyate

Pada: ai     tráyo vaí prājāpatyā́ r̥tvíja udgātā́ prastotā́ pratihartā́

Page: 84  
Line : 1  Pada: aj     té vā́ asyaitárhy ávr̥ttā áyuktās \

Line : 2  Pada: ak     yád dʰiṃkaróti

Pada: al     ténaivā́sya té vr̥ttā́ yuktā́ bʰavanti

Pada: am     vā́k ca mánaś cāvadetām

Line : 3  Pada: an     ahám̐ śréyān asmy ahám̐ śréyān asmī́ti

Pada: ao     taú prajā́patiṃ praśnám aitām \

Line : 4  Pada: ap     sā́ vā́g abravīt \

Pada: aq     naívá máyā kíṃ canā́nabʰyuditaṃ kriyatā íti \

Pada: ar     átʰa máno 'bravīt \

Line : 5  Pada: as     naívá máyā kíṃ canā́nabʰigataṃ kriyatā íti

Pada: at     sá mánasé 'nvabravīt

Pada: au     sā́ vā́g abravīt \

Line : 6  Pada: av     áhavyavāḍ evā́háṃ túbʰyam asānī́ti

Pada: aw     tásmād eṣā́ prajā́patayé 'havyavāṭ

Line : 7  Pada: ax     tásmād yát kíṃcopām̐śú kriyáte tád āhuḥ kr̥tám etát kriyatā íti

Pada: ay     prajā́pataye hí kriyáte

Line : 8  Pada: az     dvā́bʰyāṃ dʰā́rābʰyāṃ prātaḥsavané gr̥hṇāti

Pada: ba     tisŕ̥bʰyo mā́dʰyaṃdine sávane

Line : 9  Pada: bb     catasŕ̥bʰyas tr̥tīyasavané

Pada: bc     tán náva

Pada: bd     náva prāṇā́s \

Pada: be     ātmā́grāyaṇáḥ

Line : 10  Pada: bf     prāṇā́n evā́tmán dʰatte

Pada: bg     ví vā́ etád yajñáś cʰidyate yát sávanāni saṃtíṣṭʰante

Pada: bh     yé devā divy ékādaśa stʰá pr̥tʰivyā́m ádʰy ékādaśa stʰā́psukṣíto mahinaíkādaśa stʰéti

Line : 12  Pada: bi     devátābʰir vaí yajñáḥ sáṃtatas \

Pada: bj     devátābʰir evá yajñám̐ sáṃtanoti

Pada: bk     prajā́patir vā́ āgrāyaṇás \

Line : 13  Pada: bl     yát sárveṣu sávaneṣv abʰipraskandáyati

Pada: bm     prajā́patir vā́ etát prajā́ abʰíjigʰrati

Line : 14  Pada: bn     prajā́patir vā́ āgrāyaṇás \

Pada: bo     yát sárveṣu sávaneṣu gr̥hṇā́ty ātmánaivá yajñám̐ sáṃtanoti

Line : 15  Pada: bp     prajā́patir vā́ āgrāyaṇás \

Pada: bq     yád eṣò 'tiricyáte

Pada: br     tásmāt púruṣaḥ paśūnā́ṃ dáviṣṭʰam eti \

Line : 16  Pada: bs     āgrāyaṇó vaí gāyatryā́ vatsarás

Pada: bt     tám̐ vā́ etád ā́ tr̥tī́yāt sávanād abʰiprátidʰāvati

Line : 17  Pada: bu     gāyatryā́ vā́ eté loké sárve sómā gr̥hyante

Line : 18  Pada: bv     tā́m̐ vā́ etát sárvāṇi sávanāny abʰiprátidʰāvanti \

Pada: bw     átʰa yát stʰālyā́ gr̥hītó vijñātastʰālyā́ hóṣyantī́3 dārumáyeṇā́3 íti

Line : 19  Pada: bx     tásmād ávijñātena gárbʰeṇa bʰrūṇahā́ \


Page: 85  
Line : 1  Pada: by     átʰa yát stʰālī́m̐ riñcánti ná dārumáyam \

Pada: bz     tásmāt púmān dāyādáḥ stry ádāyāt * \
      FN ádāyādā?

Line : 2  Pada: ca     átʰa yát stʰālī́ṃ parā́syanti ná dārumáyam \

Pada: cb     tásmāt stríyaṃ jātā́ṃ parā́syanti ná púmām̐sam

Line : 3  Pada: cc     átʰa stríya evā́tiricyante //


Anuvaka: 5  
Line : 4  Pada: a     índro vaí vr̥trā́ya vájram údayacʰat

Pada: b     sá vájram údyataṃ dr̥ṣṭvā́bibʰet

Pada: c     sò 'bravīt \

Pada: d     ásti vā́ idáṃ tyásminn antár vīryàm \

Line : 5  Pada: e     tát te prádāsyāmi

Pada: f     mā́ mā vadʰīr íti

Line : 6  Pada: g     tád vā́ asmai prā́yacʰat \

Pada: h     yajñám̐ vā́ asmai tát prā́yacʰat paśū́n uktʰyàm evá

Pada: i     yád uktʰyò gr̥hyáte

Line : 7  Pada: j     yajñásya ca paśūnā́ṃ cā́varuddʰyai \

Pada: k     etā́vān vaí yajñó yā́vān uktʰyàs \

Line : 8  Pada: l     antaḥśléṣaṇam evā́nyé gráhāḥ

Pada: m     plavó vā́ eṣá yajñásya yád uktʰyàs \

Pada: n     yátʰā vā́ idáṃ plavám̐ saṃnáhya prasnā́ty evám̐ vā́ etád uktʰyàm ālábʰya prásnāti

Line : 9  Pada: o     sá enam ā́ yajñásyodŕ̥caḥ sáṃpārayati \

Line : 10  Pada: p     áṅgāni vā́ uktʰyàs \

Pada: q     yajñásya sáṃtatyai gr̥hyate

Pada: r     tásmai tvā víṣṇave tvéti

Line : 11  Pada: s     víṣṇur vaí yajñás \

Pada: t     víṣṇunā yajñáḥ sáṃtatas \

Pada: u     víṣṇunaivá yajñéna yajñám̐ sáṃtanoti \

Line : 12  Pada: v     eténa vā́ idám uktʰā́ni sáṃtatāni

Pada: w     tásmāt púruṣaḥ snā́vabʰir anusáṃtataḥ

Line : 13  Pada: x     sáda ālábʰyā́vanayati

Pada: y     yajñám̐ vā́ etát saṃtátya saṃprā́pyā́vanayati

Line : 14  Pada: z     cákṣur vaí śukrás \

Pada: aa     cákṣur uktʰyàs \

Pada: ab     cákṣur vā́ etát purástād dʰriyate \

Pada: ac     átʰo yátʰedáṃ purástāt paścā́t páśyann anvéty éváṃ tát \


Line : 15  Pada: ad     átʰa yád ékaḥ sám̐s tredʰā́ kriyáte

Pada: ae     tásmād ékaḥ śréṣṭʰaḥ pūrvārdʰé 'vasyati

Line : 16  Pada: af     yád etaú gráhau bʰū́yiṣṭʰāḥ sómā ánu hūyánte

Line : 17  Pada: ag     pāpavasīyasásya vyā́vr̥ttyai

Pada: ah     yád etát pā́traṃ bʰū́yiṣṭʰā́ḥ sómā anvāyánti

Pada: ai     tásmād ékam̐ śréṣṭʰam̐ yántaṃ bahávaḥ paścā́d ánuyanti

Line : 18  Pada: aj     pā́trāṇi vā́ adʰvaryúṃ puró viduhré \

Line : 19  Pada: ak     uktʰāmadā́ni * paścā́ \
      FN VWC. Ed.: uktʰā́madā́ni.

Pada: al     aindryā́ sádā úpacarati \

Pada: am     āgneyyā́gnīdʰram \

Pada: an     vaiṣṇavyā́ havirdʰā́nam \

Page: 86  
Line : 1  Pada: ao     yatʰādevatám evaínāny úpacarati

Pada: ap     tátʰā hainaṃ ná víduhre \

Pada: aq     antarā́havanī́yaṃ ca havirdʰā́naṃ cādʰvaryór lokás \

Line : 2  Pada: ar     antarā́ havirdʰā́naṃ ca sádaś ca yájamānasya

Line : 3  Pada: as     sádaḥ sadasyā̀nām \

Pada: at     yádi kāmáyeta \ adʰvaryúm̐ yáśa r̥cʰed íti \ antarā́havanī́yaṃ ca havirdʰā́naṃ cā́vanayet

Line : 4  Pada: au     sómo vaí yáśas \

Pada: av     eṣò 'dʰvaryór lokás \

Pada: aw     adʰvaryúm evá yáśasārpayati

Line : 5  Pada: ax     yádi kāmáyeta yájamānam̐ yáśa r̥cʰed íti \ antarā́ havirdʰā́naṃ ca sádaś cā́vanayet

Line : 6  Pada: ay     sómo vaí yáśas \

Pada: az     eṣá yájamānasya lokás \

Pada: ba     yájamānam evá yáśasārpayati

Line : 7  Pada: bb     yádi kāmáyeta sadasyā̀n yáśa r̥cʰed íti \ antáḥ sádasyā́vanayet

Line : 8  Pada: bc     sómo vaí yáśas \

Pada: bd     eṣá sadasyā̀nāṃ lokáḥ

Pada: be     sadayā̀n evá yáśasārpayati

Line : 9  Pada: bf     sáda ālábʰyā́vanayati \

Pada: bg     aindrám̐ vaí sádas \

Pada: bh     aindrā́ṇy uktʰā́ni \

Pada: bi     uktʰā́nām̐ sáṃtatyai \

Line : 10  Pada: bj     uktʰā́nām ánapacʰedāya //

Pada: bk     upayāmágr̥hīto 'si

Pada: bl     mitrā́váruṇābʰyāṃ tvā //

Line : 11  Pada: bm     íti gr̥hṇāti prātaḥsavané maitrāvaruṇā́ya //

Pada: bn     índrāya tvā //

Pada: bo     íti brāhmaṇāñśam̐síne //

Line : 12  Pada: bp     indrāgníbʰyāṃ tvā //

Pada: bq     íty acʰāvākā́ya //

Pada: br     upayāmágr̥hīto 'si \

Line : 13  Pada: bs     índrāya tvéndrāya tvā //

Pada: bt     íti gr̥hṇāti sárvebʰyo mā́dʰyaṃdine sávané //

Line : 14  Pada: bu     upayāmágr̥hīto 'si \

Pada: bv     índrāváruṇābʰyāṃ tvā //

Pada: bw     íti gr̥hṇāti tr̥tīyasavané maitrāvaruṇā́ya //

Line : 15  Pada: bx     indrābŕ̥haspátibʰyāṃ tvā //

Pada: by     íti brāhmaṇāñśam̐síne //

Line : 16  Pada: bz     indrāvíṣṇubʰyāṃ tvā íty acʰāvākā́ya \

Pada: ca     evám asya yatʰoktʰám̐ yatʰādevatáṃ gr̥hītā́ bʰavanti //


Anuvaka: 6  
Line : 18  Pada: a     ā́yur vaí dʰruvás

Pada: b     tám uttamáṃ gr̥hṇāti \

Pada: c     uttamám̐ hy ā́yuḥ

Pada: d     stʰālyā́ gr̥hṇāti \

Pada: e     ā́yuṣo dʰŕ̥tyai

Line : 19  Pada: f     pūrṇáṃ gr̥hṇāti

Pada: g     sárvam ā́yur eti

Pada: h     prāṇó vaí gāyatrī́ \

Pada: i     ā́yur dʰruvás \

Pada: j     yád eṣá ā́ tr̥tī́yāt sávanāt pariśáye *
      FN emended. Ed.: pariśáyet

Page: 87  
Line : 1  Pada: k     tásmād yā́vad ā́yus tā́vān prāṇás \

Pada: l     ā́yur vaí dʰruvás \

Pada: m     yád agniṣṭomám ā́ste \

Line : 2  Pada: n     ā́yur evā́ptvā́ níḥsarpati \

Pada: o     ā́yur vaí dʰruvás \

Pada: p     yát kévalaṃ juhuyā́d ā́yuḥ prajā́nāṃ prádadʰyāt

Line : 3  Pada: q     paridʰānī́yāyām̐ śasyámānāyām ávanayati

Pada: r     sá hy ántas \

Pada: s     hótuś camasé 'vanayati

Line : 4  Pada: t     vaiśvadevó vaí hótā

Pada: u     vaiśvadevī́r imā́ḥ prajā́ḥ

Pada: v     sárvāsu vā́ etát prajā́sv ā́yur dadʰāti

Line : 5  Pada: w     jánānām íty āhuḥ

Pada: x     sárvāsām̐ vā́ etát prajā́nām ā́yuḥ sárvābʰyaḥ prajā́bʰyo gr̥hyate \

Line : 6  Pada: y     ubʰayátovaiśvānaro gr̥hyate \

Pada: z     ubʰayátovaiśvānaro hy àyáṃ prāṇás \

Line : 7  Pada: aa     ayám̐ vā́vá vaiśvānaró yò 'yám ávāṅ prāṇás \

Pada: ab     yád eṣá kévalā úttare havirdʰā́ne sādyáte

Line : 8  Pada: ac     tásmād eṣò 'rdʰabʰā́k prāṇā́nām ardʰabʰā́jā ítare

Line : 9  Pada: ad     híraṇyé 'dʰi sādayed ā́yuḥkāmasya \

Pada: ae     amŕ̥tam̐ vaí híraṇyam

Pada: af     ā́yur dʰruvás \

Line : 10  Pada: ag     amŕ̥ta evā́syā́yur dadʰāti \

Pada: ah     úpopte 'nyé gráhāḥ sādyánté 'nupopte dʰruvás

Pada: ai     tásmād astʰnā́nyé paśávaḥ pratitíṣṭʰanti mām̐séna púruṣaḥ

Line : 11  Pada: aj     prāṇā́ vā́ uparavā́s \

Line : 12  Pada: ak     yád etá úpopte gráhāḥ sādyánte

Pada: al     své vā́ etád yónau sādyante

Pada: am     pūrvārdʰé vā́ imé múkʰasya prāṇā́s \

Line : 13  Pada: an     etát kʰálu vaí havirdʰā́nasya pūrvārdʰám̐ yád dákṣiṇam̐ havirdʰā́nam \

Line : 14  Pada: ao     tásmād dákṣiṇe havirdʰā́ne

Pada: ap     prāṇā́ vā́ etá ítare gráhās \

Pada: aq     ā́yur dʰruvás \

Line : 15  Pada: ar     náva vaí prāṇā́s \

Pada: as     ā́yur daśamám \

Pada: at     tásmād eṣá daśamó gr̥hyate

Pada: au     daśamám̐ hy ā́yus \

Pada: av     rājaputró dʰruváṃ gopāyati

Line : 16  Pada: aw     sárvāsām̐ vā́ etát prajā́nām ā́yur gopāyati

Pada: ax     tásmād rājaputró vīryàvattamas \

Line : 17  Pada: ay     yády abʰicáreta //

Pada: az     idám ahám amúṣyāmuṣyāyaṇásyā́yuḥ právartayāmi // íti dʰruváṃ právartayet \

Line : 18  Pada: ba     ā́yur evā́sya právartayati

Pada: bb     yát pravartáyet sárvāsāṃ prajā́nām ā́yuḥ právartayet \

Line : 19  Pada: bc     śúk prajā́ r̥cʰet \

Pada: bd     ávartir yájamānaṃ gr̥hṇīyāt

Line : 20  Pada: be     kṣódʰuko 'dʰvaryúḥ syāt

Pada: bf     tád vyáṅgya evá //

Pada: bg     dʰruváṃ tvā dʰruvákṣitim amúm āstʰā́nāc cyāvayāmi // íti \

Page: 88  
Line : 1  Pada: bh     āstʰā́nād evaínaṃ cyāvayati

Pada: bi     pramā́yuko bʰavati

Line : 2  Pada: bj     dʰruvám̐ vaí pracyávamānam̐ víśvā bʰūtā́nu prácyavante

Pada: bk     prá yájamāna āstʰā́nāc cyavate

Line : 3  Pada: bl     tád abʰimŕ̥śyas \

Pada: bm     diví divyā́n dŕ̥m̐hāntárikṣe antarikṣyā̀n pr̥tʰivyā́ṃ pā́rtʰivān íti

Line : 4  Pada: bn     yatʰāstʰāmá vā́ etát prajā́ dr̥m̐hati

Pada: bo     svá āyátane yájamānam

Line : 5  Pada: bp     ā́yuṣā vā́ eṣá vīryèṇa vyr̥̀dʰyate yásya dʰruváḥ skándati \

Pada: bq     ā́yur vīryàṃ dʰruvás

Line : 6  Pada: br     tád abʰimŕ̥śyaḥ //

Pada: bs     āyurdʰā́ asi dʰruva \

Pada: bt     ā́yur me dʰehi // íti \

Pada: bu     ā́yur evā́smin dadʰāti

Line : 7  Pada: bv     váro dákṣiṇā

Pada: bw     váreṇaivá váram̐ spr̥ṇoti \

Pada: bx     ātmā́ hí váraḥ

Pada: by     putrásenasya ha vaí bʰaímasene dʰruvá úpadadāsa

Line : 8  Pada: bz     tám̐ śr̥ṇvānáḥ stʰairabrahmaṇá r̥ténaibʰyó lokébʰya āpyāyayā́ṃcakāra //

Line : 9  Pada: ca     svā́hā divá ā́pyāyasva // íti

Pada: cb     sá tŕ̥tīyaṃ babʰūva //

Line : 10  Pada: cc     svā́hāntárikṣād ā́pyāyasva // íti

Pada: cd     sá dvíbʰāgaṃ babʰūva //

Pada: ce     svā́hā pr̥tʰivyā́ ā́pyāyasva // íti

Line : 11  Pada: cf     sá pupūre

Pada: cg     tád r̥ténaivaíbʰyo lokébʰyo dʰruvá āpyāyayitavyàs \


Line : 12  Pada: ch     dvādaśé stotré 'vanayati //

Pada: ci     dvā́daśa mā́sāḥ sam̐vatsaráḥ

Line : 13  Pada: cj     sam̐vatsaró yajñás \

Pada: ck     yajñáḥ prajā́patiḥ

Pada: cl     prājāpatyáḥ púruṣas \

Pada: cm     yā́vān evá púruṣas tásminn ā́yur dadʰāti

Line : 14  Pada: cn     yát stūyámāne 'vanáyed gárbʰāḥ prapā́dukāḥ syus \

Pada: co     yáñ śasyámāne yúvānaḥ prámīyeran

Line : 15  Pada: cp     yáñ śasté bahíḥ prāṇā́n dadʰyāt

Pada: cq     sakŕ̥ñ śastā́yāṃ madʰyatò 'vanī́yas \

Line : 16  Pada: cr     madʰyató vā́ etát prajā́nām ā́yur dadʰāti //

Pada: cs     svayaṃbʰūr asi śréṣṭʰo raśmíḥ priyó devā́nām̐ sam̐sadanī́yaḥ //

Line : 17  Pada: ct     táṃ tvā subʰava devā́ abʰisám̐viśantu //

Line : 18  Pada: cu     āyurdʰā́ asi dʰruva \

Pada: cv     ā́yur me dʰehi //

Pada: cw     íti \

Pada: cx     ā́yur evā́smin dadʰāti //

Line : 19  Pada: cy     varcodʰā́ asi dʰruva

Pada: cz     várco me dʰehi //

Pada: da     íti

Pada: db     várca evā́smin dadʰāti //

Line : 20  Pada: dc     iṣò 'si

Pada: dd     tveṣò 'si

Pada: de     nr̥mṇò 'si

Pada: df     vratò 'si

Pada: dg     dákṣo 'si

Pada: dh     tásya ta iṣásya tveṣásya nr̥mṇásya vratásya dákṣasya bʰakṣīya

Page: 89  
Line : 1  Pada: di     svásya cā́raṇasya ca śūdrásya cā́ryasya ca

Line : 2  Pada: dj     yátʰā tvám̐ sūryā́si viśvádarśata evám ahám̐ viśvádarśato bʰūyāsam //

Line : 3  Pada: dk     íti

Pada: dl     viśvádarśato ha bʰavati \

Pada: dm     asaú vā́ ādityáḥ svayaṃbʰū́ḥ śréṣṭʰo raśmís \

Line : 4  Pada: dn     yátʰaiṣá svayám ábʰavad evám̐ svayáṃ bʰavati yá evám̐ véda //


Anuvaka: 7  
Line : 5  Pada: a     átʰaitá r̥tugrahā́ḥ

Pada: b     sam̐vatsarásya vā́ eté vídʰr̥tyai gr̥hyante

Pada: c     dvā́daśa mā́sāḥ sam̐vatsarás

Line : 6  Pada: d     tásmād dvā́daśa r̥tugrahā́s \

Pada: e     mádʰuś ca mā́dʰavaś ca vā́santikā r̥tū́

Line : 7  Pada: f     ásannā hūyante \

Pada: g     ásannā hī̀má r̥távas \

Pada: h     nā́nyò'nyám * abʰiprápadyate
      FN emended. Ed.: nā́nyo'nyám

Pada: i     yád anyò'nyám abʰiprapádyeta * r̥tā́ r̥túr abʰī̀yāt \
      FN M. Ed.: abʰiprapádyata

Line : 8  Pada: j     átʰa yád anyò'nyáḥ * prapádyate
      FN H. and Bb. Ed.: anyò'nyaḥ

Line : 9  Pada: k     tásmād idám r̥tā́ r̥túr anuníhitāḥ páriplavante \

Pada: l     ubʰayátomukʰam r̥tupātrám

Pada: m     ubʰayátomukʰā hī̀má r̥távas \

Line : 10  Pada: n     ná vaí tád vidma yáta r̥tūnā́ṃ múkʰam \

Pada: o     sahá pratʰamáṃ gr̥hṇā́te sahóttamám \

Line : 11  Pada: p     sahá yujyéte sahá vímucyete

Pada: q     cáturdaśa vā́ etát kurutas \

Line : 12  Pada: r     áti vā́ etád recayatas \

Pada: s     ásti mā́sas trayodaśás

Pada: t     tám evaíténāptvā́varunddʰe \

Pada: u     r̥túbʰyo vaí prajā́ḥ prájāyante

Line : 13  Pada: v     yát ṣáḍ r̥túnā catúr r̥túbʰis \

Pada: w     r̥túbʰyo vā́vā́smā etác cátuṣpadaḥ paśū́n prájanayatas \

Line : 14  Pada: x     átʰa yác catúr r̥túbʰir dvír r̥túnā \

Pada: y     r̥túbʰyo vā́vā́smā etád dvipádaḥ paśū́n prájanayatas \

Line : 15  Pada: z     yád dvír r̥túnā

Pada: aa     dvaú hī̀mā́ r̥tū́

Pada: ab     átʰa yád dvé r̥tupātré

Line : 16  Pada: ac     dvaúdvau hī̀má r̥távas \

Pada: ad     nā́nuyajati

Pada: ae     vaiśvānaró vaṣaṭkārás \

Pada: af     yád anuyájed vaiśvānarám r̥túṣv anvávasr̥jet \

Line : 17  Pada: ag     ándʰo vā́ idám āsīd ávyāvr̥ttam

Pada: ah     áhar ā́sīn ná rā́tris

Line : 18  Pada: ai     tád devā́ r̥tugrahaír vyā́vartayan

Pada: aj     yád r̥tugrahā́ gr̥hyánte \

Pada: ak     ahorātráyor vyā́vr̥ttyai


Page: 90  
Line : 1  Pada: al     sam̐vatsaró vaí svargó lokás

Pada: am     tásya vā́ etá ākramā́ yád r̥tugrahā́s \

Pada: an     yád r̥tugrahā́ gr̥hyánte

Line : 2  Pada: ao     svargásya lokásyā́krāntyai //


Anuvaka: 8  
Line : 3  Pada: a     ādityā́ vā́ itá uttamā́ḥ svargáṃ lokám āyan \

Pada: b     té vā́ itáḥ pratisám̐hitāḥ purástād evā́nyát sárvam \

Line : 4  Pada: c     sam̐vatsaró vaí svargó lokáḥ

Pada: d     sam̐vatsarám etaú kálpayituṃ plā́yete yád adʰvaryū́

Line : 5  Pada: e     yád aindrāgnám r̥tupātréṇa gr̥hṇā́ti

Pada: f     sam̐vatsarám̐ vā́ etád anvā́rabʰate svargā́ya lokā́ya \

Line : 6  Pada: g     átʰo jyótir upáriṣṭād dadʰāti

Pada: h     svargásya lokásya sámaṣṭyai \

Line : 7  Pada: i     asaú vā́ ādityáḥ śukráḥ

Pada: j     púruṣo vaiśvadevás \

Pada: k     yáñ śukrapātréṇa vaiśvadeváṃ gr̥hṇā́ti

Line : 8  Pada: l     tásmāt púruṣa evā́múṃ pratyák

Pada: m     sárve 'nyé nyàñcaḥ paśávas \

Line : 9  Pada: n     devā́ś ca vā́ ásurāś cāspardʰanta

Pada: o     té devā́ḥ prātaḥsavané vaiśvadevé yajñám̐ sam̐stʰā́pyam apaśyan \

Line : 10  Pada: p     táṃ prātaḥsavané sámastʰāpayan

Pada: q     yád vaiśvadeváḥ prātaḥsavané gr̥hyáte

Line : 11  Pada: r     prātaḥsavané vā́ etád vaiśvadevé yajñám̐ sám̐stʰāpayati

Pada: s     téna sám̐stʰitenā́riṣṭena bʰūténa prácaranti

Line : 12  Pada: t     devā́ vaí sárve prātaḥsavanám abʰyā́yacʰan

Pada: u     nóttarābʰyām̐ sávanābʰyām atiṣṭʰanta

Line : 13  Pada: v     yád vaiśvadeváḥ prātaḥsavané hūyáte

Pada: w     prātaḥsavané vā́ * etád vaiśvadevé devátās tarpayanti
      FN emended. Ed.: vā.

Line : 14  Pada: x     tā́s tr̥ptā́ úttare sávane abʰisr̥jyámānā yanti

Line : 15  Pada: y     vájro vaí marutvatī́yās \

Pada: z     vájra evá pratʰamás \

Pada: aa     ápagūrtir dvitī́yaḥ

Pada: ab     stŕ̥tir uttamás \

Pada: ac     vájro vaí dʰánus \

Line : 16  Pada: ad     dʰánur evá pratʰamáḥ

Pada: ae     prátihitir dvitī́yas \

Pada: af     vísr̥ṣṭas tr̥tī́yas \

Pada: ag     cakríyau vā́ eté yajñásya yán marutvatī́yās \

Line : 17  Pada: ah     ákṣo madʰyamáḥ

Pada: ai     pákṣasī abʰítas \

Pada: aj     marúdbʰir vaí vīryèṇéndro vr̥trám ahan

Line : 18  Pada: ak     ná r̥té marúdbʰyo 'śaknod vīryàṃ kártum \

Pada: al     yán marutvatī́yo gráho gr̥hyáte marutvatī́yam̐ śasyáte

Line : 19  Pada: am     téna mā́dʰyaṃdinam̐ sávanam̐ vīryàvat

Pada: an     katʰám̐ sávanāny r̥tumánti vettʰéti * pr̥cʰet \
      FN Correcturen und Conjecturen zu dem ganzen Werk.

Page: 91  
Line : 1  Pada: ao     r̥tugrahaíḥ prātaḥsavanám r̥tumát \

Pada: ap     marutvatī́yair mā́dʰyaṃdinam̐ sávanam \

Line : 2  Pada: aq     sāvitréṇa tr̥tīyasavanám \

Pada: ar     marutvatī́yayoḥ sannáyor dákṣiṇā dīyante

Line : 3  Pada: as     své vā́ etád yónau dákṣiṇā dīyante

Pada: at     paridʰáyo vā́ eté yajñásya yán marutvatī́yās

Line : 4  Pada: au     tásmān marutvatī́yān dákṣiṇā nā́tidīyante

Pada: av     yád atidadyā́d yátʰā bahiṣparidʰí skannám evám̐ syāt \

Line : 5  Pada: aw     yádi kāmáyeta víḍ ójīyasī syā́d ábalīyaḥ kṣatrám íti yásyā marutvatī́yaḥ pū́rvo 'rdʰar̥cás tā́ṃ purorúcaṃ kuryāt \

Line : 7  Pada: ax     víśam̐ vā́ etád ójīyasīm ákar ábalīyaḥ kṣatrám \

Pada: ay     yádi kāmáyeta kṣatrám ójīyaḥ syā́d ábalīyasī víḍ íti yásyā aindráḥ pū́rvo 'rdʰar̥cás tā́ṃ purorúcaṃ kuryāt

Line : 9  Pada: az     kṣatrám̐ vā́ etád ójīyó 'kar ábalīyasīm̐ víśam \

Pada: ba     jāmí vā́ etád yajñé kriyate yán marutvatī́yo gráho gr̥hyáte marutvatī́yam̐ śasyáte

Line : 11  Pada: bb     paśávo vaí marútas \

Pada: bc     ájāmi paśávas

Pada: bd     téna tád ájāmy r̥tupātrám ālábʰya prátigr̥hṇāti \

Line : 12  Pada: be     r̥távo vaí marútaḥ

Pada: bf     sam̐vatsará r̥távas \

Pada: bg     ā́yuḥ sam̐vatsarás \

Pada: bh     ā́yuṣi vā́ etád adʰvaryúḥ śrayate

Line : 13  Pada: bi     vr̥trám̐ vā́ eṣá hanti yó marutvatī́yān gráhān gr̥hṇīté

Line : 14  Pada: bj     māhendré sárve kā́māḥ

Pada: bk     sárvān vā́ etát kā́mān āpnóti sárvān vyàśnoti \

Pada: bl     índro vaí vr̥trám ahan \

Line : 15  Pada: bm     sò 'nyā́n devā́n átyamanyata

Pada: bn     sá mahendrò 'bʰavat

Pada: bo     sá etám uddʰārám údaharata vr̥trám̐ hatvā́

Line : 16  Pada: bp     tád uddʰārá evá \

Pada: bq     ásyaiṣá bʰāgá evá

Pada: br     tásmād rā́jā saṃgrāmáṃ jitvódājám údajate

Line : 17  Pada: bs     śukrapātréṇa māhendráṃ gr̥hṇāti

Pada: bt     vádanti grā́vāṇas \

Line : 18  Pada: bu     vádanty aulūkʰalā́s \

Pada: bv     mántʰanty āśíram

Pada: bw     índre vā́ etád ágrā ā́gate gʰóṣam akurvata \

Line : 19  Pada: bx     átʰo yájamāna evá téjo dadʰati //


Anuvaka: 9  
Page: 92  
Line : 1  Pada: a     etád vā́ eṣā́bʰyánūktā //

Line : 2  Pada: b     aṣṭaú putrā́so áditer yé jātā́s tanvàs pári /

Line : 3  Pada: c     deváṃ úpa praít saptábʰiḥ párā mārtāṇḍám āsyat //

Line : 4  Pada: d     íti \

Pada: e     eṣá vā́vá sá upām̐śusávano grā́vā

Pada: f     tásya vā́ eṣá somapītʰó yád ādityáṃ mekṣáyanti //

Line : 5  Pada: g     vívasvann ādityaiṣá te somapītʰáḥ // íti

Pada: h     somapītʰénaivaínam̐ sámardʰayati

Line : 6  Pada: i     vyānó vā́ upām̐śusávanaḥ

Pada: j     prajā́ ādityás \

Pada: k     vyānám̐ vā́ etát prajā́su dadʰāti

Line : 7  Pada: l     paśávo vā́ ādityás \

Pada: m     yád dadʰnā́ madʰyatáḥ śrīṇā́ti

Pada: n     madʰyató vā́ etát paśūnā́ṃ páyo dadʰāti \

Line : 8  Pada: o     átʰa yát taptātaṅkyàm \

Pada: p     tásmād āmā́ satī́ pakváṃ duhe

Line : 9  Pada: q     yádi kāmáyeta várṣet parjányā íti // yā́ divyā́ vr̥ṣṭís táyā tvā śrīṇāmi // íti dadʰnópáriṣṭād ādityám̐ śrīṇīyāt

Line : 10  Pada: r     paśávo vā́ ādityáḥ

Pada: s     paśúbʰya eṣò 'múto varṣati

Line : 11  Pada: t     paśū́n evá vŕ̥ṣṭyābʰíjigʰarti

Pada: u     yádi kāmáyeta gárbʰāḥ śrīvyeyur íti \ udgŕ̥hyādityám ávekṣeta

Line : 12  Pada: v     gárbʰā ha śrévukā bʰavanti

Pada: w     śukrávatī * vaí pū́rve sávane
      FN emended. Ed.: śukrávatīr

Line : 13  Pada: x     aśukráṃ * tr̥tī́yam̐ sávanam \
      FN emended. Ed.: aśakráṃ. cf. MS.3.8.10:110.11.

Pada: y     yád dvidevatyā̀nā́m̐ sam̐sravā́n avanáyaty āgrāyaṇám abʰipraskandáyati

Line : 14  Pada: z     téna tr̥tīyasavanám̐ śukrávat \

Pada: aa     devā́ ásurān hatvā́ mr̥tyór abibʰayus

Line : 15  Pada: ab     té nātʰaiṣíṇo * nyañcanaiṣíṇa etā́ devátā bʰū́yiṣṭʰāḥ prā́viśan
      FN Correcturen und Conjecturen zu dem ganzen Werk.

Line : 16  Pada: ac     yád dvidevatyā̀n \

Pada: ad     tásmād dvidevatyèbʰya ādityó nírgr̥hyate

Pada: ae     br̥hatī́bʰyāṃ gr̥hṇāti

Line : 17  Pada: af     paśávo vaí br̥hatī́ḥ

Pada: ag     prajā́ ādityás \

Pada: ah     etā́vāṃl lokó yā́vad úddʰatam \

Line : 18  Pada: ai     yát saṃprasārayitvā́ gr̥hṇā́ti

Pada: aj     lokám̐ vā́ etád annā́dyaṃ yájamāno bʰrā́tr̥vyasya vr̥ṅkte \

Line : 19  Pada: ak     átʰo imā́ evá prajā́ annā́dyāyā́varunddʰe

Pada: al     yády asya bʰrā́tr̥vyo yájeta bahirvedí tiṣṭʰet

Line : 20  Pada: am     tátʰā hainaṃ nā́varunddʰe

Pada: an     paśávo vā́ ādityás \

Pada: ao     agnī́ rudrás \

Page: 93  
Line : 1  Pada: ap     agnér etā́s tanvò yád dʰíṣṇyās \

Pada: aq     yát saṃprasārayitvā́ gr̥hṇā́ti

Pada: ar     rudrā́d vā́ etát paśū́n antárdadʰāti \

Line : 2  Pada: as     apidʰā́yópa níṣkrāmati

Pada: at     paśūnā́ṃ gopītʰā́ya \

Pada: au     ādityó vaí dvidevatyā̀nām anuyājás

Line : 3  Pada: av     tásmāt tā́n nā́nuyajati

Pada: aw     dvidevatyā̀ vā́ ādityásya prayājā́s

Line : 4  Pada: ax     tásmāt tā́n nā́nuyajati

Pada: ay     paśávo vā́ ādityás \

Pada: az     agnī́ rudrás \

Pada: ba     brāhmaṇá upadraṣṭā́

Line : 5  Pada: bb     yád ī́kṣamāṇo juhuyā́t pradʰīyámānānām eṣām upadraṣṭā́ syā́t \

Pada: bc     anyátrékṣamāṇena hotavyàm

Line : 6  Pada: bd     ánupadraṣṭaiṣāṃ bʰavati //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.