TITUS
Black Yajur-Veda: Maitrayani-Samhita
Part No. 47
Previous part

Prapathaka: 7  
Anuvaka: 1  
Line : 8  Pada: a     gāyatró vaí devā́nām̐ savitā́

Pada: b     gāyatryā́ eṣá loké sómo gr̥hyate

Line : 9  Pada: c     yád āgrayaṇás

Pada: d     tásmād āgrāyaṇā́t sāvitró nírgr̥hyate

Pada: e     sò 'dá ā́ tr̥tī́yāt sávanāt páriśaye *
      FN emended. Ed.: páriśayet

Line : 10  Pada: f     kriyámāṇasyakriyamāṇasya prasavā́ya \

Pada: g     antárikṣam̐ vā́ antaryāmás \

Line : 11  Pada: h     antárikṣam imā́ḥ prajā́s \

Pada: i     yád antaryāmapātréṇa sāvitráṃ gr̥hṇā́ti

Line : 12  Pada: j     savitā́ vā́ etát prajā́ḥ prásuvati

Pada: k     prajánanāya \

Pada: l     ásanno hūyate \

Pada: m     ásannā hī̀mā́ḥ prajā́ néláyanti

Line : 13  Pada: n     nā́nuyajati

Pada: o     yád anuyájet sŕ̥ṣṭiṃ prajā́nām̐ vícʰindyāt \

Page: 94  
Line : 1  Pada: p     átʰo samānápātrau hy ètaú sómau gr̥hyéte

Pada: q     tásmān nā́nuyajati

Pada: r     devā́ vaí tr̥tīyasavanám udyámaṃ nā́śaknuvan

Line : 2  Pada: s     prātaḥsavané tárhi savitā́sīt

Pada: t     táṃ devā́s tr̥tīyasavanám abʰipáryauhan \

Line : 3  Pada: u     téna tr̥tīyasavanám údayacʰanta

Pada: v     yát sāvitrás tr̥tīyasavané gr̥hyáte

Line : 4  Pada: w     savitŕ̥prasūtā vā́ etát tr̥tī́yam̐ sávanam udyacʰante

Pada: x     sāvitrásya sam̐sravé vaiśvadevám abʰígr̥hṇāti

Line : 5  Pada: y     vaiśvadevī́r imā́ḥ prajā́ḥ

Pada: z     savitŕ̥prasūtāḥ kʰálu vaí prajā́ḥ prájāyante

Line : 6  Pada: aa     máno vaí savitā

Pada: ab     vaiśvadevī́r imā́ḥ prajā́ḥ

Line : 7  Pada: ac     sárvāsu vā́ etát prajā́su máno dadʰāti \

Pada: ad     āśī́rmataḥ sávanasya gr̥hṇāti

Line : 8  Pada: ae     vaiśvadevatvā́ya

Pada: af     suśármāsi supratiṣṭʰāná íti

Pada: ag     yát svit sómaḥ sóme pratitíṣṭʰati

Line : 9  Pada: ah     br̥hadúkṣe námā íti

Pada: ai     yád br̥hád íti téna devébʰyas \

Pada: aj     yán námā íti téna pitŕ̥bʰyas \

Line : 10  Pada: ak     uktʰabʰā́jo vaí pitáró 'stomabʰājas \

Pada: al     uktʰā́yaiṣá * gr̥hyáte ná stotrā́ya
      FN emended. Ed.: ukā́yaiṣá

Line : 11  Pada: am     yátra gr̥hyáte táñ śasyate

Pada: an     svá āyátatne //


Anuvaka: 2  
Line : 12  Pada: a     gʰr̥tásya yajati \

Pada: b     eṣá vaí pratʰamó dʰíṣṇyānām̐ yád āhavanī́yas

Pada: c     tám̐ vā́ etád ágre vyā́gʰārayati \

Line : 13  Pada: d     āgnāvaiṣṇavyā́ vyā́gʰārayati

Pada: e     párāṅ vā́ etárhi yajñás \

Line : 14  Pada: f     agníḥ sárvā devátās \

Pada: g     víṣṇur yajñas \

Pada: h     devátāś caivá yajñáṃ cā́labdʰa

Pada: i     gʰnánti vā́ etát sómam̐ yád abʰiṣuṇvánti

Line : 15  Pada: j     yát saumyáḥ

Pada: k     sómam̐ vā́ etát sáṃbʰāvayanti

Pada: l     sómam ā́pāyayanti \

Line : 16  Pada: m     ávadʰiṣur vā́ etát sómam̐ yád abʰyàsuṣuvus \

Pada: n     anustáraṇī vā́ eṣā́ sómasya yát saumyáḥ

Line : 17  Pada: o     pitr̥̄ṇā́m anustáraṇī

Pada: p     tásmāt pitr̥mátyā yajati

Pada: q     dakṣiṇā́ tíṣṭʰan juhoti

Line : 18  Pada: r     dakṣiṇā́ hí pitr̥̄ṇā́m

Pada: s     upasádām̐ vā́ etè 'nuyājā́s \

Line : 19  Pada: t     āgnāvaiṣṇavyā́ gʰr̥tásya yájati saumyā́ sómasya

Pada: u     yā́ evā́dá upasátsu devátā áyākṣīt tā́ etát \


Page: 95  
Line : 1  Pada: v     amútra vā́ eṣá bʰūtā́ya kriyate

Pada: w     yád vā́ etásya vyā́rdʰi yát prā́māyi tád asyāmúṃ lokáṃ gacʰati \

Line : 2  Pada: x     átʰa pūtá evóñśiṣyate

Pada: y     pavítram̐ vaí saumyás \

Line : 3  Pada: z     yájamānam evaíténa punāti

Pada: aa     sāmadevatyò vaí sómaḥ

Line : 4  Pada: ab     sómasya kʰálu vaí saumyáḥ

Pada: ac     sā́mne vā́ etád dʰriyate //

Pada: ad     satrā́ tá etád yád u ta ihá // íti páripaśyati

Line : 5  Pada: ae     yó 'gatāsuḥ sá páripaśyati

Pada: af     yó gatā́sur ná sá páripaśyati

Line : 6  Pada: ag     yádi ná paripáśyed átʰa vadet //

Line : 7  Pada: ah     yán me máno yamáṃ gatám̐ yád vā me áparāgatam /

Line : 8  Pada: ai     rā́jñā sómena tád vayám asmā́su dʰārayāmasi //

Line : 9  Pada: aj     hr̥dispŕ̥k kratuspŕ̥g varcodʰā́ asi

Pada: ak     várco me dʰehi // íti

Pada: al     āśíṣam evā́śāste //


Anuvaka: 3  
Line : 11  Pada: a     átʰaitè 'tigrāhyā̀s \

Pada: b     devā́ vaí sómam agr̥hṇata \

Pada: c     átʰa vā́ etā́n índro 'gr̥hṇīta

Line : 12  Pada: d     sò 'vet \

Pada: e     ná vā́ ahám imā́n r̥té bráhmaṇaḥ saviṣyāmī́ti

Pada: f     sá bráhmópādʰāvat

Line : 13  Pada: g     tā́n bráhmaṇāsagʰnot \

Pada: h     bráhma vaí gāyatrī́

Pada: i     tásmād gāyatrī́bʰir gr̥hyante

Pada: j     yád evā́dáḥ páram annā́dyam ánavaruddʰaṃ tásyaité 'varuddʰyai gr̥hyante

Line : 14  Pada: k     yé vā́ amī́ vairājásya stóbʰā átiriktās taír eté sā́manvantaḥ

Line : 15  Pada: l     sárve vā́ etá aindrā́s \

Pada: m     yá aindrá aindráḥ sás \

Line : 16  Pada: n     asā́ ādityá índraḥ

Pada: o     samānám agníś cāsaú cādityás \

Pada: p     virā́jo vaí téja āgneyáḥ

Line : 17  Pada: q     śakvarīṇām aindrás \

Pada: r     revátīnām̐ sauryás \

Pada: s     yátra pr̥ṣṭʰā́ni yujyéram̐s tád etā́n juhuyāt

Line : 18  Pada: t     sā́mnām̐ satejastvā́ya

Pada: u     sám̐ vā́ etád yajñáḥ paścā́t stotréṇa ca śastréṇa cā́dʰīyate


Page: 96  
Line : 1  Pada: v     yád atigrāhyā̀ḥ

Pada: w     pratyúttabdʰyai

Pada: x     cakríyau vā́ eté yajñásya yát pr̥ṣṭʰā́ni \

Line : 2  Pada: y     upastámbʰanam atigrāhyā̀s

Pada: z     tásmāt prātaḥsavané gŕ̥hyāḥ

Line : 3  Pada: aa     pratyúttabdʰyai

Pada: ab     yád āgneyás téjas ténā́varunddʰe

Pada: ac     yád aindrá indriyáṃ téna

Pada: ad     yát sauryó rúcaṃ téna

Line : 4  Pada: ae     trivŕ̥d vā́vā́smā etát sámr̥ddʰaṃ brahmavarcasáṃ dadʰāti

Pada: af     téjo vā́ agnír indriyám índro brahmavarcasám asā́ ādityás

Line : 5  Pada: ag     téjasā ca vā́vā́smā etád brahmavárcaséna cobʰayáta indriyáṃ párigr̥hṇāti //

Line : 6  Pada: ah     agnéś ca tvā bráhmaṇaś ca téjasā juhomi tejodā́m \

Line : 7  Pada: ai     téjo mā mā́ hāsīt \

Pada: aj     mā́háṃ téjo hāsiṣam \

Pada: ak     svā́hā \

Pada: al     índrasya ca tvā kṣatrásya caújasā juhomy ojodā́m

Line : 8  Pada: am     ójo mā mā́ hāsīt \

Pada: an     mā́hám ójo hāsiṣam \

Line : 9  Pada: ao     svā́hā

Pada: ap     sū́ryasya ca tvaúṣadʰīnāṃ ca várcasā juhomi varcodā́m \

Line : 10  Pada: aq     várco mā mā́ hāsīt \

Pada: ar     mā́hám̐ várco hāsiṣam \

Pada: as     svā́hā \

Pada: at     ágna āyuḥkārā́yuṣmām̐s tváṃ téjasvān devéṣv edʰi \

Line : 11  Pada: au     ā́yuṣmantaṃ mā́ṃ téjasvantaṃ manuṣyèṣu kuru \

Pada: av     índraujaskāraújasvām̐s tvám̐ sáhasvān devéṣv edʰi \

Line : 12  Pada: aw     ójasvantaṃ mā́m̐ sáhasvantaṃ manuṣyèṣu kuru

Line : 13  Pada: ax     sū́rya bʰrājaskāra bʰrā́jasvām̐s tvám̐ várcasvān devéṣv edʰi

Pada: ay     bʰrā́jasvantaṃ mā́m̐ várcasvantaṃ manuṣyèṣu kuru //

Line : 14  Pada: az     eté hómā bʰakṣaṃkāráś ca bʰavanti \

Pada: ba     etéṣām̐ vaí vīryèṇa bambaviśvavayásā imā́ṃl lokā́n arvā́caś ca párācaś ca prā́jānītām \

Line : 16  Pada: bb     sám̐ ha vā́ asmā imé lokā́ arvā́ñcaś ca párāñcaś ca bʰā́nti yá evám̐ véda

Line : 17  Pada: bc     suprajñānā́ vā́ itá ittʰáṃ lokā́s \

Pada: bd     amútas tvā́ arvā́ñco duḥprajñānā́s \

Line : 18  Pada: be     eṣá ha tv èvā́múto 'rvā́ca imā́ṃl lokā́n prájānānti yásyaité hūyánte //


Anuvaka: 4  
Page: 97  
Line : 1  Pada: a     upām̐śupātréṇa pātnīvatáṃ gr̥hṇāti

Pada: b     prāṇó vā́ upām̐śúḥ

Pada: c     prāṇéna vā́ etát prayánti prāṇénódyanti \

Line : 2  Pada: d     átʰo prāṇā́nāṃ pratiprájñātyai \

Pada: e     átʰo yát pratʰamáṃ pā́tram̐ yujyáte tád uttamám̐ vímucyate

Line : 3  Pada: f     prāṇā́nāṃ gopītʰā́ya

Pada: g     hótā vā́ adyá prātár upām̐śúm ayajat \

Line : 4  Pada: h     yád etám̐ hótā vaṣaṭkuryā́d yát puró 'kas tát paścā́t páriharet pramā́yukaḥ syāt

Line : 5  Pada: i     tásmād etám agnī́d váṣaṭkaroti

Pada: j     puró hy àgnī́t

Pada: k     prāṇó vā́ upām̐śúḥ

Line : 6  Pada: l     prāṇā́d ádʰi prajā́ḥ prájāyante

Pada: m     yád upām̐śupātréṇa pātnīvatáṃ gr̥hṇā́ti

Line : 7  Pada: n     prajánanāya \

Pada: o     ásanno hūyate \

Pada: p     ásannā hí prajā́ḥ prajā́yante

Pada: q     nā́nuyajati

Pada: r     yád anuyájet prajánanam ápihanyāt \

Line : 8  Pada: s     átʰo samānápātrau hy ètaú sómau gr̥hyéte

Pada: t     tásmān nā́nuyajati

Line : 9  Pada: u     mitʰunám̐ vaí gʰr̥táṃ ca sómaś ca

Pada: v     yát pātnīvatáṃ gʰr̥téna śrīṇā́ti

Line : 10  Pada: w     mitʰunatvā́ya

Pada: x     bŕ̥haspátisutasya tā íti

Pada: y     bráhma vaí bŕ̥haspátis \

Pada: z     bráhmaṇo vaí yóneḥ prajā́patiḥ prajā́ asr̥jata

Line : 11  Pada: aa     bráhmaṇo vā́ etád yóner yájamānaḥ prájāyate \

Line : 12  Pada: ab     índa indriyā́vatā íti \

Pada: ac     indriyám̐ hí gárbʰás \

Pada: ad     ágnā́3i pátnīvā́3n íti

Line : 13  Pada: ae     mitʰunám̐ vā́ agnī́c ca pátnīś ca

Pada: af     sajū́s tváṣṭrā sómaṃ pibéti

Line : 14  Pada: ag     tváṣṭā hí rūpā́ṇi vikaróti

Pada: ah     gʰr̥tám̐ vaí devā́ vájraṃ kr̥tvā́ sómam agʰnan \

Pada: ai     abʰí kʰálu vā́ etáṃ gʰārayanti

Line : 15  Pada: aj     yát pātnīvatáṃ gʰr̥téna śrīṇā́ti \

Pada: ak     indriyéṇa vā́ etát pátnī vyàrdʰayati

Line : 16  Pada: al     tásmān nírindriyā strī́ púmān indriyávān \

Pada: am     tásmāt púmām̐saḥ sabʰā́m̐ yánti ná stríyas \

Line : 17  Pada: an     yád ítarānt sómāñ śrīṇīyúr ná pātnīvatám \

Line : 18  Pada: ao     stríyaḥ sabʰā́m īyúr ná púmām̐sas \

Pada: ap     índro vaí vr̥trám ahan \

Pada: aq     tásya yán mūrdʰā́nam udárujat sá droṇakalaśò 'bʰavat

Page: 98  
Line : 1  Pada: ar     táto yáḥ sómaḥ samásravat sá hāriyojanás

Line : 2  Pada: as     tásmād etáṃ droṇakalaśéna juhoti

Pada: at     yónir hy àsyaiṣás \

Pada: au     índro vr̥trám̐ hatvā́ tásya yát klomnó hŕ̥dayāt sómam̐ samásiñcat sá hāriyojanò 'bʰavat

Line : 3  Pada: av     sá índro 'manyata

Line : 4  Pada: aw     yád imám asuryàm̐ sómam̐ hoṣyā́mi tád ánv ásurā ā́bʰaviṣyanti

Line : 5  Pada: ax     yán ná hoṣyā́mi tád ánv ā́bʰaviṣyantī́ti *
      FN Correcturen und Conjecturen zu dem ganzen Werk.

Pada: ay     tám̐ sám̐stʰite práhr̥teṣu paridʰíṣv ajuhot \

Line : 6  Pada: az     yát sám̐stʰite práhr̥teṣu paridʰíṣu juhóti

Pada: ba     tát svid ubʰáyam akar

Pada: bb     juhóty áha

Pada: bc     sám̐stʰite juhoti \

Line : 7  Pada: bd     átirikto vā́ eṣá r̥tvíjām̐ yá unnetā́

Pada: be     tásmād etáṃ ná vr̥ṇáte ná váṣaṭkaroti \

Line : 8  Pada: bf     áty eṣá sómo 'reci

Pada: bg     sá vā́ unnetā́ram evā́bʰyátiricyate * \
      FN Correcturen und Conjecturen zu dem ganzen Werk.

Line : 9  Pada: bh     adʰvaryúr vaí pū́rvānt sómān juhoti

Pada: bi     yád etám adʰvaryúr juhuyā́d ā́hutīḥ sám̐sr̥jet

Line : 10  Pada: bj     samádaṃ kuryāt

Pada: bk     tásmād etám unnetā́ juhoti

Pada: bl     prajā́patir vā́ etám amanyata sómam̐ hoṣyán \

Line : 11  Pada: bm     tám agnír abravīt \

Pada: bn     ná máyi tvám etám asuryàm̐ sómam̐ hoṣyasy áśr̥tam advatīyám \

Line : 12  Pada: bo     dvitī́yam astv íti

Pada: bp     yád dʰānā́bʰiḥ śrīṇā́ti

Pada: bq     śr̥tatvā́ya \

Pada: br     átʰo dvitīyatvā́ya \

Line : 13  Pada: bs     átʰaitā́ dʰānā́s \

Pada: bt     yátra vā́ adó devébʰyaḥ kāmadúgʰāḥ kā́mam áduhra tád etā́ ápi duduhre *
      FN Correcturen und Conjecturen zu dem ganzen Werk.

Line : 14  Pada: bu     tát púṣṭim evaítā́bʰir ávarunddʰe

Pada: bv     prajā́patir vā́ āgrāyaṇás \

Line : 15  Pada: bw     yád eṣò 'tiricyáte

Pada: bx     tásmād ayám átiriktó 'parimita imā́ḥ prajā́ abʰípavate \

Line : 16  Pada: by     r̥ksāmé vā́ índrasya hárī

Pada: bz     táyoḥ paridʰáya ādʰā́nam \

Pada: ca     nírādʰānāya kʰálu vā́ áśvāya gʰāsám ápidadʰāti yát sám̐stʰite práhr̥teṣu paridʰíṣv ájuhot \

Line : 18  Pada: cb     yát sám̐stʰite práhr̥teṣu paridʰíṣu juhóti

Pada: cc     nírādʰānābʰyām evā́bʰyāṃ gʰāsám ápidadʰāti

Line : 19  Pada: cd     paśávo vaí dʰānā́s \

Pada: ce     yát saṃkʰā́det paśū́n him̐syāt \

Pada: cf     yán ná saṃkʰā́ded áyatāḥ syuḥ

Page: 99  
Line : 1  Pada: cg     saṃdŕ̥śya

Pada: ch     rayyaí tvā póṣāya tvéty úpavapati

Pada: ci     tát svid ubʰáyam akaḥ

Line : 2  Pada: cj     paśūnā́m̐ yátyai

Pada: ck     bʰuñjánta enaṃ paśávā úpatiṣṭʰante //


Anuvaka: 5  
Line : 3  Pada: a     yajñéna vaí devā́ḥ svargáṃ lokám āyan \

Pada: b     tè 'manyanta \

Pada: c     anéna vaí no 'nyé lokám anvā́rokṣyantī́ti

Line : 4  Pada: d     té cʰándām̐sy apaśyan \

Pada: e     tā́ni vyátyaṣajan \

Pada: f     svargásya lokásyā́nanukśātyai

Line : 5  Pada: g     yác cʰándām̐si vyatiṣájati

Pada: h     lokám̐ vā́ etác cʰándām̐si yájamāno bʰrā́tr̥vyasya mohayati

Line : 6  Pada: i     svargásya lokásyā́nanukśātyai

Line : 7  Pada: j     devéṣu vā́ anyā́ni cʰándām̐sy ā́sann ásureṣv anyā́ni

Pada: k     kánīyām̐si devéṣv ā́san jyā́yām̐sy ásureṣu

Line : 8  Pada: l     té devā́ḥ kánīyobʰiś cʰándobʰir jyā́yām̐si cʰándām̐sy ásurāṇām avr̥ñjata

Line : 9  Pada: m     yát kánīyobʰiś cʰándobʰir jyā́yām̐si cʰándām̐si viśám̐sati

Line : 10  Pada: n     lokám̐ vā́ etác cʰándām̐si yájamāno bʰrā́tr̥vyasya vr̥ṅkte

Pada: o     lokám enam acʰandáskam akar

Line : 11  Pada: p     anuṣṭúbʰam̐ sárvāṇi cʰándām̐sy abʰisám̐śam̐sati

Pada: q     vā́g vā́ anuṣṭúb

Line : 12  Pada: r     ā́nuṣṭubʰaḥ púruṣas

Pada: s     tásmāt púruṣaḥ sárvā vā́co vadati

Pada: t     paśávo vaí cʰándām̐si

Line : 13  Pada: u     vā́g anuṣṭúb

Pada: v     ā́nuṣṭubʰaḥ púruṣas \

Pada: w     yát sárvāṇi cʰándām̐si sam̐śásyānuṣṭúbʰam uttamā́m̐ śám̐sati tásmāt púruṣa upáriṣṭād ávācaḥ paśū́n atti

Line : 14  Pada: x     sárvāṇi * cʰándām̐si sam̐śám̐sati
      FN emended. Ed.: sarvāṇi.

Line : 15  Pada: y     pajā́patir vaí cʰándām̐si

Pada: z     prajā́patim evā́pnoti

Line : 16  Pada: aa     ṣáḍ akṣárāṇi stotrā́d átiricyante

Pada: ab     ṣáḍ vā́ r̥távas \

Pada: ac     r̥túṣv evá prátitiṣṭʰati

Pada: ad     tátaś catvā́ri śastráṃ púnar upā́vartante

Line : 17  Pada: ae     cátuṣpadas téna paśū́n ávarunddʰe \

Pada: af     átʰa dvé evā́tiricyete

Page: 100  
Line : 1  Pada: ag     dvé virā́jam áti satyáṃ cā́nr̥taṃ ca

Pada: ah     virā́jam evā́pnoti //



Anuvaka: 6  
Line : 3  Pada: a     prajā́patir vaí devébʰyo yajñā́n vyàkalpayat

Pada: b     sò 'manyata \

Pada: c     ātmā́nam antár agām íti

Line : 4  Pada: d     téṣām̐ vā́ indriyā́ṇi vīryā̀ṇi púnaḥ sámabr̥hat

Pada: e     sá ṣoḍaśy àbʰavat \

Pada: f     átʰa vaí tárhī́ndro devā́nām āsīd avamátamaḥ śitʰirátamas

Line : 5  Pada: g     tásmai vā́ etám̐ ṣoḍaśínaṃ prā́yacʰat

Line : 6  Pada: h     ténéndro 'bʰavat

Pada: i     táto devā́ ábʰavan párā́surās

Pada: j     tád yá evám̐ vidvā́n etám̐ ṣoḍaśínaṃ gr̥hṇīté bʰávaty ātmánā párāsya bʰrā́tr̥vyo bʰavati

Line : 7  Pada: k     prajā́patir vaí devébʰyas tanū́r vyàkalpayat

Line : 8  Pada: l     tā́sām̐ yā́ hárivaty ā́sīt tā́m ātmánn aśim̐ṣat preṇā́

Line : 9  Pada: m     yád dʰárivatī purorúg gráhasya bʰávati

Pada: n     yaívā́sya hárivatī priyā́ tanū́s tā́m āpnoti

Line : 10  Pada: o     ná ṣoḍásī́ nā́ma yajñò 'stī́ty āhus \

Pada: p     átʰa kásmāt ṣoḍaśī́ti

Line : 11  Pada: q     yát stotréṇa ca śastréṇa ca saṃpádyate tásmāt ṣoḍaśī́

Pada: r     yajñéna vaí devā́ḥ svargáṃ lokám āyan \

Line : 12  Pada: s     sá eṣāṃ ná prā́bʰavat

Pada: t     tásmin vā́ etám̐ ṣoḍaśínaṃ prátyagratʰnan \

Pada: u     ténāmúṃ lokám̐ vyā̀pnuvan \

Line : 13  Pada: v     tád amúṣya vā́vá lokásya vyā̀ptyai ṣoḍaśī́ gr̥hyáte 'múṣya lokásya sámaṣṭyai \

Line : 14  Pada: w     agniṣṭomé rājanyàsya gr̥hṇīyāt \

Pada: x     áśānta enam̐ vájro bʰū́tyā inddʰe \

Line : 15  Pada: y     atirātré brāhmaṇásya

Pada: z     vájro vaí ṣoḍaśī́śvaró 'śānto yájamānam̐ hím̐sitas \

Line : 16  Pada: aa     rā́trir evá vájram̐ śamayati

Pada: ab     prātaḥsavané gŕ̥hyas

Pada: ac     téjo vaí prātaḥsavanám \

Line : 17  Pada: ad     téjasa evá vájraṃ nírmimīte

Pada: ae     mā́dʰyaṃdine sávane gŕ̥hyas \

Line : 18  Pada: af     ójo vaí mā́dʰyaṃdinam̐ sávanam

Pada: ag     ójasa evá vájraṃ nírmimīte

Pada: ah     tr̥tīyasavané gr̥hyaḥ

Page: 101  
Line : 1  Pada: ai     paśávo vaí tr̥tīyasavanám \

Pada: aj     paśúbʰya evá vájraṃ nírmimīte

Line : 2  Pada: ak     yát prātaḥsavané gr̥hṇīyā́d vájrā úttare sávane abʰyátiricyeta *
      FN emended. Ed.: abʰyátiricyate

Pada: al     yán mā́dʰyaṃdine sávane madʰyató vájro níhanyāt

Line : 3  Pada: am     tr̥tīyasavané gŕ̥hyas

Pada: an     tát sárveṣu sávaneṣu gr̥hṇā́ti ná pū́rve sávane ā́rtiṃ nī̀taḥ

Line : 4  Pada: ao     pañcadaśáḥ kāryàs \

Pada: ap     vájro vaí pañcadaśás \

Line : 5  Pada: aq     vájram evā́smā ā́dʰāt

Pada: ar     téna víjitiṃ bʰū́tiṃ gacʰati

Pada: as     ṣoḍaśī́ kāryàs \

Line : 6  Pada: at     yájamāno vaí pañcadásó vájraḥ ṣoḍásī́

Pada: au     vájram evā́smā ā́dʰāt

Pada: av     sá enaṃ bʰū́tyai śremṇá inddʰe

Line : 7  Pada: aw     saptadaśáḥ kāryàḥ

Pada: ax     prajā́patir vaí saptadaśáḥ

Pada: ay     prājāpatyáḥ ṣoḍaśī́

Line : 8  Pada: az     svá evaínam̐ yónau dadʰāti \

Pada: ba     ékavim̐śáḥ kāryàs \

Pada: bb     ékavim̐śatidʰāmnī vā́ anuṣṭúb

Line : 9  Pada: bc     ā́nuṣṭubʰaḥ ṣoḍaśī́ \

Pada: bd     etád vā́ asyāyátanatamam \

Pada: be     tásmād ekavim̐śáḥ kāryàs \

Line : 10  Pada: bf     madʰyamé 'ham̐s trirātrásya gŕ̥hyas \

Pada: bg     madʰyamám̐ vā́ áhas trirātrásya śitʰirám

Line : 11  Pada: bh     áhno draḍʰimné 'śitʰiratvāya

Pada: bi     caturtʰé 'ham̐ś catūrātrásya gŕ̥hyas \

Pada: bj     caturtʰám̐ vā́ áhaś catūrātrásya śitʰirám

Line : 12  Pada: bk     áhno draḍʰimné 'śitʰiratvāya

Pada: bl     caturtʰécaturtʰé 'hann ahī́nasya gŕ̥hyas \

Line : 13  Pada: bm     caturtʰáṃcaturtʰam̐ vā́ áhar ahī́nasya śitʰirám

Pada: bn     áhno draḍʰimné 'śitʰiratvāya

Line : 14  Pada: bo     ná dvirātré 'vakalpate

Pada: bp     dvé vā́ eté cʰándasī gāyatráṃ ca traíṣṭubʰaṃ ca \

Line : 15  Pada: bq     acʰandáskam anāyatanáṃ gr̥hṇītè 'nāyatanó yájamāno bʰavati \

Pada: br     úttaré 'han dvirātrásya gŕ̥hyas \

Line : 16  Pada: bs     rā́trim evā́yátanam abʰyátiricyate //


Anuvaka: 7  
Line : 17  Pada: a     átʰaiṣó 'dābʰyas \

Pada: b     devā́ś ca vā́ ásurāś cāspardʰanta

Pada: c     té devā́ etám apaśyan \

Line : 18  Pada: d     tám agr̥hṇata

Pada: e     tā́n ásurā nā́dabʰnuvan \

Pada: f     tád ádābʰyasyādābʰyatvám \

Pada: g     naínaṃ bʰrā́tr̥vyo dabʰnoti yá etáṃ gr̥hṇīté

Line : 19  Pada: h     gʰnánti vā́ etát sómam̐ yád abʰiṣuṇvánti \

Pada: i     eṣā́ vaí sómasyātimokṣíṇī tanū́r yā́n etā́n am̐śū́n pravr̥hánti \

Page: 102  
Line : 1  Pada: j     evám̐ vā́ etáṃ lokám̐ yájamāno 'nvátimucyate

Line : 2  Pada: k     ví vā́ etád yajñáś cʰidyate yát sávanāni saṃtiṣṭʰante

Line : 3  Pada: l     yád etā́n am̐śū́n púnar apyásyati

Pada: m     yajñásya sáṃtatyā ávicʰedāya

Pada: n     vŕ̥ṣṭyai vā́ eṣá gr̥hyate

Line : 4  Pada: o     marunnāmā́ni hí

Pada: p     várṣati parjányo yátraiṣá gr̥hyáte \

Pada: q     agníḥ prātáḥsávanāt pātv asmā́n íti

Line : 5  Pada: r     sávanāni vā́ eténa devā́ ásurāṇām avr̥ñjata

Line : 6  Pada: s     sávanāny evaíténa yájamāno bʰrā́tr̥vyasya vr̥ṅkte \

Pada: t     agnáye tvā právr̥hāmi gāyatréṇa cʰándaséti

Line : 7  Pada: u     cʰándām̐si ca vā́ eténa devátāś ca devā́ ásurāṇām avr̥ñjata

Line : 8  Pada: v     cʰándām̐si caivaíténa devátāś ca yájamāno bʰrā́tr̥vyasya vr̥ṅkte

Pada: w     catúr ā́dʰūnoti

Line : 9  Pada: x     díśo vā́ eténa devā́ ásurāṇām avr̥ñjata

Pada: y     díśa evaíténa yájamāno bʰrā́tr̥vyasya vr̥ṅkte

Line : 10  Pada: z     jīvagrahó vā́ eṣá sómasya \

Pada: aa     áhutasya hy ánabʰiṣutasya gr̥hyáte

Line : 11  Pada: ab     yájuṣā ca vā́ ā́hutyā ca yajñáḥ sáṃtatas \

Pada: ac     yád yájur vádann ā́hutiṃ juhóti

Line : 12  Pada: ad     yájuṣā caivā́hutyā ca yajñám̐ sáṃtanoti

Pada: ae     devā́ vaí sómam agr̥hṇata

Pada: af     sá prajā́patir avet \

Line : 13  Pada: ag     yó vā́ ihá pratʰamáḥ sómaṃ grahīṣyáte sá idáṃ bʰaviṣyatī́ti

Pada: ah     sá etám agr̥hṇīta

Line : 14  Pada: ai     sò 'bʰavat \

Pada: aj     yó bʰū́tikāmaḥ syā́t sá etáṃ gr̥hṇīte

Pada: ak     bʰávati

Line : 15  Pada: al     yádi śaknóti gráhītum ubʰaú bʰavatas \

Pada: am     yádi ná śaknóti gráhītum ubʰaú ná bʰavataḥ

Line : 16  Pada: an     parācī́nena prāṇatā́ grahītavyàḥ

Pada: ao     párāṅ hí sá prāṇaíḥ śriyó 'ntam ágacʰat \

Line : 17  Pada: ap     apā́natā grahītavyàs \

Pada: aq     apānám̐ hí sá tám ágr̥hṇīta

Pada: ar     prā́ṇyāpā́nyā́vyavānatā grahītavyàs \

Line : 18  Pada: as     ávyavānám̐ hí sá tám ágr̥hṇīta

Pada: at     yád vyavā́net prāṇā́n vícʰindyāt \

Line : 19  Pada: au     yádi vyavā́ned dʰíraṇyenā́pidadʰyāt \

Pada: av     amŕ̥tam̐ vaí híraṇyam

Pada: aw     amŕ̥tenaivá prāṇā́nt sáṃdadʰāti

Line : 20  Pada: ax     sakŕ̥d abʰiṣuṇóti sakŕ̥d gr̥hṇāti \

Pada: ay     éko vaí prajā́patiḥ

Pada: az     prajā́patim evā́pnoti

Line : 21  Pada: ba     cátuḥsraktinā grahītavyàs \

Pada: bb     cátuḥsraktinā vā́ etáṃ prajā́patir agr̥hṇīta

Page: 103  
Line : 1  Pada: bc     sá sárvāsu dikṣv ā̀rdʰnot

Pada: bd     sá sárvāsu dikṣv r̥̀dʰnoti yá evám̐ vidvā́n etáṃ cátuḥsraktinā gr̥hṇīté \

Line : 2  Pada: be     apó vaí sómasya rásaḥ práviṣṭaḥ

Line : 3  Pada: bf     sómam apā́m̐ rásas \

Pada: bg     yátʰā vā́ idáṃ gā́vau saṃjagmāné anyā́nyā́m̐ hatá evám̐ vā́ etaú saṃjagmānā́ anyò 'nyásyendriyám̐ vīryàm̐ vinírhatas

Line : 5  Pada: bh     táyor vā́ eṣá ráso yád dádʰi

Pada: bi     yád dadʰnā́ juhóti

Pada: bj     svénaivaínau rásena śamayati //


Anuvaka: 8  
Line : 6  Pada: a     kr̥ṣṇáśīrṣāgneyás \

Pada: b     meṣī́ sārasvatī́

Pada: c     babʰrúḥ saumyáḥ

Pada: d     śyāmáḥ pauṣṇáḥ

Pada: e     śitipr̥ṣṭʰó bārhaspatyáḥ

Line : 7  Pada: f     piśáṅgo vaiśvadevás \

Pada: g     vr̥ṣṇír aindráḥ

Pada: h     kalmā́ṣo mārutáḥ

Line : 8  Pada: i     saṃhíta aindrāgnás \

Pada: j     adʰórāmaḥ sāvitráḥ

Pada: k     pétvo vāruṇáḥ

Pada: l     prajāpatiḥ prajā́ḥ sr̥ṣṭvā́ riricānò 'manyata

Line : 9  Pada: m     sá etā́m ekādaśinīm apaśyat

Pada: n     táyātmā́nam ā́prīṇīta

Line : 10  Pada: o     yajñó vaí prajā́patis

Pada: p     tád yá evám̐ vidvā́n etā́m ekādaśinīm̐ vibadʰnīté yád evā́syātmána ūnáṃ tád ā́prīṇīte

Line : 11  Pada: q     prajā́patiḥ prajā́ḥ sr̥ṣṭvā́ rirícānò 'manyata

Line : 12  Pada: r     sá etā́nīndriyā́ṇi vīryā̀ṇy apaśyat

Pada: s     tā́ni dvandvám ātmā́nam abʰisámabadʰnīta \

Line : 13  Pada: t     ātmā́gneyás \

Pada: u     vā́k sárasvatī \

Pada: v     indriyám̐ sómas \

Pada: w     vā́caṃ caivéndriyáṃ cātmā́nam abʰisámabadʰnīta

Line : 14  Pada: x     púṣṭiḥ pauṣṇás \

Pada: y     bráhma bŕ̥haspátiḥ

Pada: z     púṣṭiṃ caivá bráhma cātmā́nam abʰisámabadʰnīta

Line : 15  Pada: aa     bálam̐ víśve devā́s \

Pada: ab     vīryàm índras \

Line : 16  Pada: ac     bálaṃ caivá vīryàṃ cātmā́nam abʰisámabadʰnīta \

Pada: ad     ójo marútaḥ

Pada: ae     sáha indrāgnī́

Pada: af     ójaś caivá sáhasaś cātmā́nam abʰisámabadʰnīta

Line : 17  Pada: ag     prasavā́ya sāvitrás \

Pada: ah     nirvaruṇatvā́ya vāruṇás \

Line : 18  Pada: ai     āgneyā́ya sárvā úpabadʰyante \

Pada: aj     agnír vaí sárvā devátāḥ

Pada: ak     sárvābʰya evá devátābʰya úpabadʰyante

Line : 19  Pada: al     mitʰunatvā́yaivá sārasvatī́ \

Pada: am     átʰa yát saumyáḥ

Pada: an     sómo vaí retodʰā́

Page: 104  
Line : 1  Pada: ao     réto 'smin dadʰāti \

Pada: ap     átʰa yát pauṣṇáḥ

Pada: aq     prajánanam̐ vaí pūṣā́

Pada: ar     prajánanāya

Line : 2  Pada: as     bráhma bŕ̥haspátis \

Pada: at     vaiśvadevī́r imā́ḥ prajā́s \

Pada: au     bráhma vā́ etát purástād āsā́ṃ prajā́nām átyauhīt \

Line : 3  Pada: av     átʰo bráhmaṇa evémā́ḥ prajā́ ánukāḥ karoti

Line : 4  Pada: aw     víṇ marútas \

Pada: ax     víśam̐ vā́ etát kṣatrā́ya níyunakti \

Pada: ay     átʰo víśam evá kṣatrā́yā́nukāṃ karoti \

Line : 5  Pada: az     ójasā vā́ etád víśaṃ kṣatrā́ya párigr̥hṇāti \

Pada: ba     ā́labdʰa āgneyás \

Line : 6  Pada: bb     ā́labdʰa aindrás \

Pada: bc     átʰaiṣá aindrāgná ā́labʰyate

Pada: bd     bráhma caivá kṣatráṃ ca sayújā akar

Line : 7  Pada: be     yád agníś céndraś ca

Pada: bf     bʰūyiṣṭʰabʰā́jau devátānām \

Pada: bg     tásmād brāhmaṇáś ca rā́jā ca bʰūyiṣṭʰabʰā́jau manuṣyā̀ṇām \

Line : 8  Pada: bh     prasavā́ya sāvitrás \

Pada: bi     nirvaruṇatvā́ya vāruṇáḥ

Line : 9  Pada: bj     samudró vaí váruṇas \

Pada: bk     dakṣiṇā́ samudrás \

Pada: bl     yád vāruṇó dakṣiṇārdʰá ālabʰyáte

Line : 10  Pada: bm     yájamānasya nirvaruṇatvāya \

Pada: bn     etád vā́ eṣā́bʰyánūktā //

Line : 11  Pada: bo     sudevó asi varuṇa yásya te saptá síndʰavaḥ /

Line : 12  Pada: bp     anukṣáranti kākúdam̐ sūrmyàm̐ suṣirā́m iva //

Line : 13  Pada: bq     íti //


Anuvaka: 9  
Line : 14  Pada: a     yé devā́nāṃ bálapatayas tébʰyo dakṣiṇārdʰá ā́labʰyante

Pada: b     tásmāt prajā́ dakṣiṇā́bʰijáyantīr yanti

Line : 15  Pada: c     yád āgneyáḥ saumyó bārhaspatyás té sārdʰám ālabʰyánte \

Line : 16  Pada: d     ója evaítát sáṃdʰīyate

Pada: e     yád āgneyáś ca bārhaspatyáś ca saumyám abʰítas

Pada: f     téjasā ca vā́vā́smā etád brahmavarcaséna cobʰayáta indriyáṃ párigr̥hṇāti \

Line : 17  Pada: g     ékādaśa vā́ etéṣāṃ paśūnā́ṃ devátās \

Line : 18  Pada: h     meṣī́ sārasvatī́ devátānāṃ dvādaśī́

Pada: i     yád eṣā́tiricyáte

Line : 19  Pada: j     tásmāt stríyaḥ pum̐só 'tiricyante \

Pada: k     átʰa dvé ékasya raśané

Pada: l     dvé ékasya

Line : 20  Pada: m     tásmāt stríyaṃ jātā́ṃ parā́syanti

Pada: n     ná púmām̐sam

Pada: o     átʰa stríya evā́tiricyante *
      FN emended. Ed.: evā́tiracyante

Pada: p     yám̐ vā́ amúm índro vr̥trā́ya vájraṃ prā́harat sá tredʰā́bʰavat \

Page: 105  
Line : 1  Pada: q     yád ágraṃ téjā ā́sīt sá spʰyò 'bʰavat \

Line : 2  Pada: r     yán mádʰyam̐ sá rátʰas \

Pada: s     yájjagʰánam̐ sá yū́paḥ

Pada: t     spʰyéna párilikʰati

Line : 3  Pada: u     ratʰākṣéṇa vímimīte

Pada: v     yū́po bʰavati

Pada: w     vájra evaíṣá sáṃbʰriyate \

Pada: x     etā́vatī vā́ iyáṃ pr̥tʰivī́ yā́vatī védis \

Line : 4  Pada: y     vájra ekādaśínī

Pada: z     tiráścīṃ minoti

Pada: aa     vájreṇa vā́ etád imā́ṃ jayati

Line : 5  Pada: ab     dakṣiṇatá únnatā metavyā̀

Pada: ac     devayájanasya rūpám

Pada: ad     átʰo vájram̐ vā́ etád yájamāno bʰrā́tr̥vyāyóñśrayati

Line : 6  Pada: ae     tráyo madʰyatáḥ samā́ metavyāḥ

Line : 7  Pada: af     samatvā́ya

Pada: ag     samám̐ hí paśávo 'nūpatíṣṭʰante

Pada: ah     paśúbʰir evaínam̐ samyáñcaṃ dadʰāti

Line : 8  Pada: ai     yáṃ kāmáyeta pitr̥loká r̥dʰnuyād íti tásyóparasaṃmitāṃ minuyāt

Line : 9  Pada: aj     pitr̥loká evá r̥dʰnoti \

Pada: ak     átʰa yáṃ kāmáyeta manuṣyaloká r̥dʰnuyād íti tásya mádʰyasaṃmitāṃ minuyāt \

Line : 10  Pada: al     manuṣyaloká evá r̥dʰnoti \

Pada: am     átʰa yáṃ kāmáyeta devaloká r̥dʰnuyād íti tásya caṣā́lasaṃmitāṃ minuyāt \

Line : 11  Pada: an     devaloká evá r̥dʰnoti

Line : 12  Pada: ao     tā́sām̐ vā́ eṣā́ sámr̥ddʰatamā yā́ caṣā́lasaṃmitā

Pada: ap     tásmāc caṣā́lasaṃmitā metavyā̀

Line : 13  Pada: aq     samr̥ddʰatvā́ya

Pada: ar     yásya paścā́d upástʰaḥ purástān nírṇataṃ táṃ minuyād yáṃ kāmáyeta bʰrā́tr̥vyāya lokáṃ kuryā́d yájamānaṃ nírbādʰetéti

Line : 15  Pada: as     bʰrā́tr̥vyāyaivá lokáṃ karóti yájamānaṃ nírbādʰate \

Pada: at     átʰa yásya purástād upástʰaḥ paścā́n nírṇataṃ táṃ minuyād yáṃ kāmáyeta yájamānāya lokáṃ kuryā́d bʰrā́tr̥vyaṃ nírbādʰetéti

Line : 17  Pada: au     yájamānāyaivá lokáṃ karóti bʰrā́tr̥vyaṃ nírbādʰate

Line : 18  Pada: av     sárve 'gniṣṭʰā́ḥ kāryā̀s \

Pada: aw     yā́ agniṣṭʰā́ áśrayas tā́ agniṣṭʰā́ḥ kāryā̀s

Pada: ax     téna sárve 'gniṣṭʰā́s \

Line : 19  Pada: ay     átʰa yád agniṣṭʰā́d ádʰi raśanā́ vihriyánte

Pada: az     téna sárve 'gniṣṭʰā́s \

Line : 20  Pada: ba     nā́nā vā́ etéṣāṃ paśávas \

Pada: bb     nā́nā devátās \

Pada: bc     átʰa yá eṣá dvādaśó yájamāna evaításya paśús \

Page: 106  
Line : 1  Pada: bd     yád asmai paśúṃ ná nirdiśét tát pramā́yuko yájamānaḥ syāt \

Pada: be     yáṃ dviṣyā́t táṃ brūyāt //

Line : 2  Pada: bf     asaú te paśúḥ // íti

Pada: bg     tám evā́smai paśúṃ nírdiśati

Line : 3  Pada: bh     pramā́yuko bʰavati

Pada: bi     yády abʰicáret //

Pada: bj     idám ahám amúm āmuṣyāyaṇám amúṣyāḥ putrám indravajréṇābʰinídadʰāmi // íty abʰinídadʰyāt \

Line : 4  Pada: bk     indravajréṇaivaínam abʰinídadʰāti

Line : 5  Pada: bl     pramā́yuko bʰavati \

Pada: bm     átʰo dvādaśásyaivaíṣá māsás \

Pada: bn     ávaruddʰyai //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.