TITUS
Black Yajur-Veda: Maitrayani-Samhita
Part No. 48
Previous part

Prapathaka: 8  
Anuvaka: 1  
Line : 6  Pada: a     mánor vaí pā́trāṇy āsan \

Pada: b     téṣām̐ samāhanyámānānām̐ yā́vantó 'surā upā́śr̥ṇvam̐s tā́vantas tád áhar nā́bʰavan \

Line : 7  Pada: c     átʰa vā́ etaú tárhy ásurāṇāṃ brāhmaṇā́ ā́stāṃ tr̥ṣṭā́várutrī

Line : 8  Pada: d     tā́ abruvan \

Pada: e     cíkitsataṃ nā íti

Pada: f     tā́ abrūtām \

Line : 9  Pada: g     máno yájvā vaí śraddʰā́devo 'sīmā́ni nau pā́trāṇi dehī́ti

Pada: h     tā́ni vā́ ā́bʰyām adadāt

Line : 10  Pada: i     tā́ny agnínā sámakṣāpayatām \

Pada: j     tā́n jvālā́n r̥ṣabʰáḥ sámaleṭ

Line : 11  Pada: k     tám̐ sā́ menír ánvapadyata

Pada: l     tásya ruvató yā́vantó 'surā upā́śr̥ṇvam̐s tā́vantas tád áhar nā́bʰavan \

Line : 12  Pada: m     tā́ abrūtām \

Pada: n     máno yájvā vaí śraddʰā́devo 'sy anéna tva r̥ṣabʰéṇa yājayāvéti

Page: 107  
Line : 1  Pada: o     téna vā́ enam ayājayatām \

Pada: p     tásya śróṇim ánavattām̐ suparṇá údamatʰnāt

Line : 2  Pada: q     sā́ manā́yyā * upástʰam ā́padyata
      FN Correcturen und Conjecturen zu dem ganzen Werk.

Pada: r     tā́m̐ sā́ menír ánvapadyata

Line : 3  Pada: s     tásyā vádantyā yā́vantó 'surā upā́śr̥ṇvam̐s tā́vantas tád áhar nā́bʰavan \

Pada: t     tā́ abrūtām \

Line : 4  Pada: u     máno yájvā vaí śraddʰā́devo 'sy anáyā tvā pátnyā yājayāvéti

Line : 5  Pada: v     tā́ṃ prókṣya páryagniṃ kr̥tvédʰmā́barhír ácʰaitām \

Pada: w     sá índro 'vet \

Pada: x     imé vaí té asuramāyé mánuṃ pátnyā vyàrdʰayatā íti

Line : 6  Pada: y     tám índro brāhmaṇó bruvāṇá upaít

Pada: z     sò 'bravīt \

Line : 7  Pada: aa     máno yájvā vaí śraddʰā́devo 'si yājáyāni tvā

Pada: ab     katamás tvám asi brāhmaṇáḥ //

Line : 9  Pada: ac     kíṃ brāhmaṇásya pitáraṃ kím u pr̥cʰasi mātáram /

Line : 10  Pada: ad     śrutáṃ céd asmin védyam̐ sá pitā́ sá pitāmaháḥ //

Line : 11  Pada: ae     kénéti \

Pada: af     ābʰyā́ṃ brāhmaṇā́bʰyām íti \

Pada: ag     ī́śe 'háṃ brāhmaṇayor íti \

Pada: ah     ī́śiṣa hī́ty abravīt \

Line : 12  Pada: ai     átitʰipatir vā́vā́titʰīnām īṣṭā íti

Pada: aj     sá dvitī́yām̐ védim úddʰantum úpāpadyata

Line : 13  Pada: ak     tā́ idʰmā́barhír bíbʰratā aítām \

Pada: al     tā́ abrūtām \

Pada: am     kím idáṃ karoṣī́ti \

Pada: an     imáṃ manum̐ yājayiṣyāmī́ti

Line : 14  Pada: ao     kénéti

Pada: ap     yuvā́bʰyām íti

Pada: aq     tā́ avittām

Pada: ar     índro vā́véti

Line : 15  Pada: as     taú nyásyedʰmā́barhíḥ pálāyetām * \
      FN Correcturen und Conjecturen zu dem ganzen Werk.

Pada: at     taú yád ádʰāvatāṃ parástād evéndraḥ pratyaút //

Line : 16  Pada: au     taú vŕ̥śaś caívāṣaś cābʰavatām \

Pada: av     tád vŕ̥śasya caívāṣasya ca jánma

Page: 108  
Line : 1  Pada: aw     sá mánur índram abravīt

Pada: ax     sáṃ me yajñám̐ stʰāpaya

Pada: ay     mā́ me yajñó víkr̥ṣṭo bʰūd * íti
      FN Correcturen und Conjecturen zu dem ganzen Werk.

Line : 2  Pada: az     sò 'bravīt \

Pada: ba     yátkāma etā́m ā́labdʰāḥ sá te kā́maḥ sámr̥dʰyatām

Pada: bb     átʰótsr̥jéti

Line : 3  Pada: bc     tā́m̐ vā́ údasr̥jat

Pada: bd     tád ŕ̥ddʰyā evá

Pada: be     pātnīvatás tvāṣṭráḥ syāt

Pada: bf     tvāṣṭrā́ hí paśávas \

Line : 4  Pada: bg     avācī́naṃ nā́bʰyāḥ kāryàs \

Pada: bh     avācī́nam̐ hí nā́bʰyāḥ striyā́ vīryàvat \

Line : 5  Pada: bi     vyávavlināti vā́ ekādaśínī yajñám \

Pada: bj     yát pātnīvatáḥ

Pada: bk     pratyúttabdʰyai //


Anuvaka: 2  
Line : 6  Pada: a     amúṣmin vaí loké yájamāno bubʰūṣati \

Pada: b     amúṣya kʰálu vā́ ādityásyāsaú lokás \

Line : 7  Pada: c     yát saurī́bʰyāṃ juhóti \

Pada: d     amúṣmin vā́ etál loké yájamāno bʰavati

Line : 8  Pada: e     dvā́bʰyāṃ juhoti

Pada: f     dvipā́d yájamānaḥ

Pada: g     prátiṣṭʰityai

Pada: h     híraṇyam avadʰā́ya juhoti

Line : 9  Pada: i     híraṇyajyotiṣam evaínam̐ svargáṃ lokáṃ gamayati

Pada: j     baddʰéna juhoti

Pada: k     dákṣiṇānām̐ vā́ eṣò 'nvārambʰás \

Line : 10  Pada: l     dyā́ṃ gacʰa svàr gacʰéty úddʰarati

Pada: m     svargásya lokásya sámaṣṭyai

Line : 11  Pada: n     rūpám̐ vo rūpéṇābʰyèmī́ti

Pada: o     rūpám̐ híraṇyam̐

Pada: p     rūpáṃ paśávas

Pada: q     tutʰó vo viśvávedā víbʰajatv íti \

Line : 12  Pada: r     eṣá vaí tutʰó viśvávedā yád agnís \

Pada: s     eṣá vaí tám̐ veda yó dakṣiṇī́yo yò 'dakṣiṇīyás \

Line : 13  Pada: t     etát te agne rā́dʰa eti sómacyutam íti \

Pada: u     agnī́dʰe vā́ etád dīyáte

Line : 14  Pada: v     tát sómaś cyāvayati

Pada: w     tán mitrásya patʰā́ nayéti \

Pada: x     eṣá vaí mitrásya pántʰā yád yajñás \

Line : 15  Pada: y     āgneyyā́gnīdʰre juhoti \

Pada: z     āgneyám̐ hy ā́gnīdʰram \

Pada: aa     vāruṇyā́ dvitī́yayā yády áno vā rátʰo vā dīyáte

Line : 16  Pada: ab     vāruṇám̐ hí tát \

Pada: ac     r̥tásya patʰā́ prététi \

Line : 17  Pada: ad     eṣá vā́ r̥tásya pántʰā yád yajñás \

Pada: ae     candrádakṣiṇā íti

Pada: af     candrám̐ hí dīyáte

Line : 18  Pada: ag     brāhmaṇám adyá r̥dʰyāsaṃ pitr̥mántaṃ paitr̥matyám íti \

Pada: ah     eṣá vaí brāhmaṇáḥ pitr̥mā́n paitr̥matyó yá ārṣeyáḥ śuśruvā́n \

Line : 19  Pada: ai     sudʰā́tudakṣiṇam íti

Pada: aj     sudʰā́tv evā́sya yajñáṃ dadʰāti


Page: 109  
Line : 1  Pada: ak     ví svaḥ paśya vy àntárikṣam íti \

Pada: al     adá evá prā́pya vadati

Pada: am     yátasva sadasyaìr íti \

Line : 2  Pada: an     arātīyánti vā́ etá etásmai dádate \

Pada: ao     īśvarā́ brāhmaṇā́ḥ somapā́ś cákṣuṣā́pahantos

Line : 3  Pada: ap     tā́n evá śamayati \

Pada: aq     asmádrātā mádʰumatīr devatrā́ gacʰata pradātā́ram ā́viśatéti

Line : 4  Pada: ar     tátʰā hainam amútrā́gacʰanti

Pada: as     bahúrmaryā * yajñakuṇapī́ti ha smāha yajñávacā rājastambāyanáḥ
      FN Correcturen und Conjecturen zu dem ganzen Werk.

Line : 5  Pada: at     prá vā́ itó manuṣyā̀ dákṣiṇāś cyāváyanti

Line : 6  Pada: au     nā́mútra gacʰantī́ti

Pada: av     yád ā́ha \

Pada: aw     ánavahāyāsmā́n devayā́nena patʰā́ sukŕ̥tāṃ loké sīdata tán naḥ sam̐skr̥tám íti

Line : 7  Pada: ax     tátʰā hainam ihá cāmútra cā́gacʰanti //


Anuvaka: 3  
Line : 9  Pada: a     gʰnánti vā́ etát sómam̐ yád abʰiṣuṇvánti

Pada: b     yajñám̐ vā́ etád gʰnanti

Pada: c     yád dákṣiṇā dīyánte

Line : 10  Pada: d     yajñám̐ vā́ etád dakṣayanti

Pada: e     tád dákṣiṇānāṃ dakṣiṇātvám̐ yát tád dakṣáyanti

Line : 11  Pada: f     svargó vaí lokó mā́dʰyaṃdinam̐ sávanam \

Pada: g     yán mā́dʰyaṃdine sávane dákṣiṇā dīyánte

Line : 12  Pada: h     svargásya lokásyā́krāntyai

Pada: i     bahú déyam \

Pada: j     sétum̐ vā́ etát kurute

Line : 13  Pada: k     svargásya lokásya sámaṣṭyai

Pada: l     híraṇyam̐ háste bʰávaty átʰa nayati

Pada: m     satyám̐ vaí híraṇyam \

Line : 14  Pada: n     satyénaivaínā nayati \

Pada: o     ágreṇa gā́rhapatyam \

Pada: p     jagʰánena sádas

Pada: q     tā́ údīcīr útsr̥janty antarā́ cā́tvālaṃ cā́gnīdʰraṃ ca \

Line : 15  Pada: r     eténa vā́ áṅgirasaḥ svargáṃ lokám āyan \

Line : 16  Pada: s     tám evaínāḥ pántʰām ápinayati

Pada: t     dvā́bʰyāṃ gā́rhapatye juhoti \

Pada: u     imā́ṃ ténā́kramate \

Line : 17  Pada: v     āgneyyā́gnīdʰre \

Pada: w     antárikṣaṃ téna \

Pada: x     átʰa yád dákṣiṇā dīyánte

Pada: y     svargáṃ téna lokám

Line : 18  Pada: z     agnī́dʰé 'gre dadāti

Pada: aa     yajñamukʰám̐ vā́ agnī́t \

Pada: ab     yajñamukʰám evá nā́pārāṭ \

Pada: ac     átʰo agnír vaí sárvā devátās \

Line : 19  Pada: ad     devátā evā́sya táyābʰī̀ṣṭāḥ prītā́ bʰavanti

Pada: ae     brahmaṇé dadāti

Page: 110  
Line : 1  Pada: af     prājāpatyó vaí brahmā́

Pada: ag     prajā́patim evá táyā prīṇāti \

Pada: ah     r̥tvígbʰyo dadāti

Line : 2  Pada: ai     hótrā evá táyā prīṇāti

Pada: aj     yā́m̐ sadasyèbʰyo dádāti somapītʰáṃ táyā níṣkrīṇīte

Line : 3  Pada: ak     yā́m ārṣeyā́ya śuśruvúṣe dádāti cʰándām̐si táyā prīṇāti

Line : 4  Pada: al     ná hí tásmād árhanti somapītʰáṃ niṣkrī́yam \

Pada: am     yā́m ārṣeyā́ya śuśruvúṣe dádāti devaloké táyā r̥dʰnoti

Line : 5  Pada: an     yā́m ánārṣeyāya śuśruvúṣe manuṣyaloké táyā

Line : 6  Pada: ao     yā́m áprasr̥ptāya dádāti vánaspátayas táyā pratʰante

Pada: ap     yā́m̐ yā́camānāya dádāti bʰrā́tr̥vyaṃ táyā jinvati

Line : 7  Pada: aq     yā́ṃ bʰīṣā́ kṣatráṃ táyā bráhmātti

Line : 8  Pada: ar     yā́ṃ pratinudáte sā́ vyāgʰrī́ dákṣiṇā

Pada: as     yát tā́ṃ púnaḥ pratigr̥hṇīyā́d vyāgʰry ènaṃ bʰūtā́ právlinīyāt \

Line : 9  Pada: at     anyáyā sahá pratigŕ̥hyā

Pada: au     tátʰā hainaṃ ná právlināti

Line : 10  Pada: av     yád ajáṃ dádāti \

Pada: aw     āgneyó vā́ ajás \

Pada: ax     agnér evá téna priyáṃ dʰā́mópaiti

Line : 11  Pada: ay     yád áviṃ dádāti \

Pada: az     āvyàn * ténā́pajayati
      FN Correcturen und Conjecturen zu dem ganzen Werk.

Pada: ba     yád gā́ṃ dádāti

Pada: bb     vaiśvadevī́ gaús \

Pada: bc     víśveṣāṃ devā́nāṃ táyā priyáṃ dʰā́mópaiti

Line : 12  Pada: bd     yád vā́so dádāti

Pada: be     sarvadevatyàm̐ vaí vā́sas \

Line : 13  Pada: bf     devátā evā́sya ténābʰī̀ṣṭāḥ prītā́ bʰavanti

Pada: bg     yát kr̥tānnáṃ dádāti

Line : 14  Pada: bh     mām̐sáṃ téna níṣkrīṇīte

Pada: bi     yád áno vā rátʰam̐ vā

Pada: bj     śárīraṃ téna

Pada: bk     yád dʰíraṇyaṃ dádāti \

Line : 15  Pada: bl     ā́yus téna várṣīyaḥ kurute

Pada: bm     yád áśvaṃ dádāti

Pada: bn     prājāpatyó vā́ áśvaḥ

Pada: bo     prajā́pater evá téna priyáṃ dʰā́mopaiti \

Line : 16  Pada: bp     átʰo amúṣyādityásya lokáṃ jayati \

Pada: bq     antatáḥ pratihartré déyam \

Line : 17  Pada: br     raudró vaí pratihartā́

Pada: bs     yán madʰyatáḥ pratihartré dadyān madʰyató rudrám anvávanayet

Page: 111  
Line : 1  Pada: bt     tásmād antatáḥ praihartré déyam \

Pada: bu     svàrbʰānur vā́ āsuráḥ sū́ryaṃ támasāvidʰyat

Line : 2  Pada: bv     tám átrir ánvapaśyat \

Pada: bw     yád ātreyā́ya híraṇyaṃ dádāti

Pada: bx     táma evā́pahate \

Line : 3  Pada: by     átʰo jyótir upáriṣṭād dadʰāti

Pada: bz     svargásya lokásyā́nukśātyai //


Anuvaka: 4  
Line : 4  Pada: a     viśvárūpo vā́ etát tvāṣṭró yajñásya vyr̥̀ddʰam amanyata

Pada: b     yád r̥ksāmé vyuhyéte

Pada: c     sá etā́ny apaśyat \

Line : 5  Pada: d     yajñásya níṣkr̥tyai

Pada: e     yád evā́tra yajñásya vyr̥̀ddʰaṃ tásyaitā́ni níṣkr̥tyai hūyante

Line : 6  Pada: f     ṣáḍ ŕ̥gmyāṇi bʰavanti

Pada: g     ṣáḍ vā́ r̥távas \

Pada: h     r̥túṣv evá prátitiṣṭʰati

Pada: i     trī́ṇi yájūm̐ṣi

Line : 7  Pada: j     trīṇi vaí sávanāni

Pada: k     sávanāny evā́pnoti

Pada: l     návaitā́ni samiṣṭayajū́m̐ṣi juhoti

Line : 8  Pada: m     navábʰir bahiṣpavamāne stuvate

Pada: n     tán náva

Pada: o     náva prāṇā́ḥ

Pada: p     prāṇā́n evā́tmán dʰatte \

Line : 9  Pada: q     ūrdʰvás tíṣṭʰan juhoti \

Pada: r     ūrdʰvó hí tíṣṭʰan vīryàvattaras \

Pada: s     yáṃ dviṣyā́t tásya tūṣṇī́ṃ tíṣṭʰan juhuyāt

Line : 10  Pada: t     prāṇā́n asyāntáreti

Pada: u     sáṃtataṃ juhoti

Pada: v     prāṇā́nām̐ sáṃtatyai \

Line : 11  Pada: w     ávicʰindan juhoti

Pada: x     prāṇā́nām ávicʰedāya

Pada: y     yád vicʰindyā́t prāṇā́n vícʰindyāt \

Line : 12  Pada: z     yáṃ dviṣyā́t tásya vícʰindyāt

Pada: aa     prāṇā́n asya vícʰinatti

Pada: ab     samānéna vigrā́haṃ juhoti

Line : 13  Pada: ac     samānā́ hī̀mé prāṇā́s \

Pada: ad     yajñásya vā́ etā́ āṇī́

Pada: ae     etaú vaí viśvā́mitro yajñásyāṇī́ apaśyat

Line : 14  Pada: af     tád yajñásyaivaítā́ āṇī́ kriyete

Pada: ag     yáto yajñá ādīyáte tát púnar nidʰéyā íti ha smāha bʰarádvājas \

Line : 15  Pada: ah     yáto vā́ etád yajñá ādīyáte tát púnar nídʰīyate //


Anuvaka: 5  
Page: 112  
Line : 1  Pada: a     páñcasavano vaí yajñás

Pada: b     trī́ṇi sávanāni \

Pada: c     avabʰr̥tʰò 'nūbandʰyā̀ sávanānāṃ pañcamī́

Line : 2  Pada: d     pā́ṅkto yajñás \

Pada: e     yā́vān evá yajñás tám ā́labdʰa

Pada: f     yád vaí yajñásyātiricyáte tád váruṇo gr̥hṇāti \

Line : 3  Pada: g     átiriktam̐ vā́ etád yajñásya yád r̥jīṣás \

Pada: h     adʰiṣávaṇam adʰiṣávaṇe

Line : 4  Pada: i     tásmāt ténāvabʰr̥tʰám abʰyávayanti \

Pada: j     apò 'bʰyávayanti \

Pada: k     ā́po hí váruṇaḥ

Line : 5  Pada: l     stʰāvarā́ abʰyávayanti

Pada: m     tā́ hí sākṣā́d váruṇas \

Pada: n     yád váhantīr abʰyaveyúḥ paśū́n nírvaheyus \

Line : 6  Pada: o     átʰa yát stʰāvarā́ abʰyavayánti

Pada: p     paśūnā́m ánirvāhāya \

Pada: q     ā́po vaí váruṇas \

Line : 7  Pada: r     vā́to váruṇas \

Pada: s     yád údañco 'vabʰr̥tʰám abʰyaveyúr abʰīpatáḥ prajā́ váruṇo gr̥hṇīyāt \

Line : 8  Pada: t     átʰa yád dakṣiṇā́vabʰr̥tʰám abʰyavayánti

Pada: u     yájamānasya nirvaruṇatvā́ya \

Pada: v     urúm̐ hí rā́jā váruṇaś cakā́réti cā́tvālāt prayánto vadanti \

Line : 9  Pada: w     eṣá vā́ apariparáḥ pántʰā arakṣasyó yénāsā́ ādityá éti \

Line : 10  Pada: x     amúṣya vā́ etád ādityásya patʰá íti

Line : 11  Pada: y     śatáṃ te rājan bʰiṣájaḥ sahásram íty apáḥ parādŕ̥śya vadanti \

Pada: z     apó vā́ etád bʰūṣanti

Line : 12  Pada: aa     pūtā́bʰir ābʰiḥ pūtā́ś caranti \

Pada: ab     ékakapālā bʰavanti

Pada: ac     ná vaí púruṣaḥ kapā́lair ā́pyas \

Line : 13  Pada: ad     ekadʰaívaínam āpnoti \

Pada: ae     átʰo ékā vā́ iyám

Pada: af     asyā́m evá prátitiṣṭʰati

Line : 14  Pada: ag     tŕ̥ṇaṃ prā́sya juhoti \

Pada: ah     agnimáty evá juhoty āyátanavati \

Pada: ai     andʰò 'dʰvaryúḥ syād yád anāyatané juhuyā́t \

Line : 15  Pada: aj     ápabarhiṣaḥ prayājā́n yajati

Pada: ak     prajā́ vaí barhíḥ

Pada: al     prajā́ evá mr̥tyór útsr̥jati \

Line : 16  Pada: am     ā́jyabʰāgau yajati

Pada: an     yajñátāyai

Pada: ao     váruṇam̐ yajati

Pada: ap     nirvaruṇátāyai \

Line : 17  Pada: aq     agnīváruṇau yajati \

Pada: ar     ubʰayáta evaínam̐ váruṇān muñcati

Pada: as     nā́nuyājā́n yájati ná sám̐stʰāpayanti \

Line : 18  Pada: at     átiriktam iva hí tán mányante

Pada: au     samudré te hŕ̥dayam apsv àntár íti sahá srucópamārayati

Page: 113  
Line : 1  Pada: av     yád evā́tra krūráṃ kriyáte táñ śamayati \

Line : 2  Pada: aw     ávabʰr̥tʰa nícuṅkuṇéti \

Pada: ax     avabʰr̥tʰá evā́syaiṣá

Pada: ay     táto yá r̥jīṣá utplávate táṃ bʰakṣayanti

Line : 3  Pada: az     somapītʰám iva hí tán mányante

Pada: ba     váruṇo vā́ r̥jīṣás \

Pada: bb     yád bʰakṣáyed váruṇam ātmány añjīta

Line : 4  Pada: bc     tád āhus \

Pada: bd     bʰakṣayitavyàm evá

Pada: be     paśávo vā́ r̥jīṣáḥ

Line : 5  Pada: bf     paśū́n evā́tmány aṅktā íti

Pada: bg     vícr̥tto váruṇasya pā́śā íti

Pada: bh     varuṇapāśám evá víṣyati

Line : 6  Pada: bi     prátyasto váruṇasya pā́śā íti

Pada: bj     varuṇapāśám evá prátyasyati

Pada: bk     námo váruṇasya pā́śāyéti

Line : 7  Pada: bl     varuṇapāśā́yaivá námo 'kar

Pada: bm     áṅgiraso vā́ uttíṣṭʰato rákṣām̐sy anū́datiṣṭʰan \

Line : 8  Pada: bn     tā́n vā́ eténa bŕ̥haspátir anvávait

Pada: bo     ténaibʰyo rákṣām̐sy ápāhan

Line : 9  Pada: bp     yád eténānvavaíti

Pada: bq     rákṣasām ápahatyai

Pada: br     yád ūrdʰvástobʰam \

Pada: bs     téna bārhaspatyám

Line : 10  Pada: bt     átʰa yát trístobʰam \

Pada: bu     tráyo vā́ imé lokā́s \

Pada: bv     ebʰyó vā́ etál lokébʰyo yajñā́d rákṣām̐sy ápahanti

Line : 11  Pada: bw     yád áticʰandasā

Pada: bx     sárvāṇi vaí cʰándām̐sy áticʰandāḥ

Pada: by     sárvair vā́ etác cʰándobʰir yajñā́d rákṣām̐sy ápahanti

Line : 12  Pada: bz     yád āgneyyā́ \

Pada: ca     agnír vaí sárvā devátāḥ

Line : 13  Pada: cb     sárvābʰir vā́ etád devátābʰir yajñā́d rákṣām̐sy ápahanti \

Pada: cc     apò 'bʰyávayanti \

Pada: cd     ā́po vaí rakṣogʰnī́s \

Line : 14  Pada: ce     apó rákṣām̐si ná taranti

Pada: cf     rákṣasām ápahatyai \

Pada: cg     ánapekṣamāṇā ā́yanti

Line : 15  Pada: ch     váruṇasyā́nanvavāyāya

Pada: ci     parogoṣṭʰáṃ mārjayante

Pada: cj     parogoṣṭʰám evá váruṇaṃ nirávadayante \

Line : 16  Pada: ck     édʰo 'sy edʰiṣīmáhī́ti

Pada: cl     nirvaruṇā́ evá bʰūtvaídʰitúm úpayanti

Line : 17  Pada: cm     samíd asi sámedʰiṣīmahī́ti

Pada: cn     sámiddʰyā evá //


Anuvaka: 6  
Line : 18  Pada: a     yáḥ kāmáyeta sárvo me yajñáḥ syāt sárasā íti sá etā́s tisró vaśā́ ā́labʰeta

Line : 19  Pada: b     yajñásya sarvatvā́ya \

Pada: c     átʰo sarasatvā́ya

Pada: d     vaiśvadevī́ṃ madʰyatá ā́labʰeta

Line : 20  Pada: e     réto vā́ etán madʰyató dadʰāti

Pada: f     madʰyató hí réto 'niruktayā prácaranti \

Pada: g     ánirukam iva hí rétas \


Page: 114  
Line : 1  Pada: h     yā́tayāmam̐ vā́ etásya devátāś ca bráhma ca

Pada: i     yád vaiśvadevī́ ca bārhaspatyā́ ca vaśé bʰávatas \

Line : 2  Pada: j     devátānāṃ ca bráhmaṇaś cā́yātayāmatvāya

Line : 3  Pada: k     dugdʰā́ni vā́ etásya cʰándām̐si yātáyāmāni bʰavanti

Pada: l     cʰándasy evá rásaṃ dadʰāti

Line : 4  Pada: m     bārhaspatyā́m antatá ā́labʰeta

Pada: n     bráhma vaí bŕ̥haspátis \

Pada: o     bráhmaṇi vā́ etád antató yajñásya yájamānaḥ prátitiṣṭʰati

Line : 5  Pada: p     yád vaí yajñáḥ saṃtíṣṭʰate mitrò 'sya svìṣṭam̐ yuváte váruṇo dúriṣṭam \

Line : 6  Pada: q     yán maitrāvaruṇy ànūbandʰyā̀ bʰávati

Line : 7  Pada: r     mitréṇa vā́ etán mitrā́d yajñásya svìṣṭaṃ muñcáti váruṇena váruṇād dúriṣṭam

Line : 8  Pada: s     ubʰayáta enaṃ muktvā́ yájamānāya práyacʰati

Pada: t     yátʰā vaí lā́ṅgalenorvárāṃ prabʰindánty evám uktʰāmadā́ni yajñáṃ prábʰindanti

Line : 9  Pada: u     yátʰā matyàm anvavā́syaty evám eṣā́ yajñásya

Line : 10  Pada: v     yád dúṣṭutam̐ yád dúḥśastam̐ yád vílomaṃ tád etáyā kalpayati

Pada: w     vídevo vā́ ījānáḥ

Line : 11  Pada: x     sádevó 'nījānas \

Pada: y     ā́ hy ánījāne devátāḥ śám̐sante

Line : 12  Pada: z     yátʰā vā́ anadvā́n vímukto 'pakrā́maty evám ījānā́d devátā ápakrāmanti

Line : 13  Pada: aa     yád āgneyá udavasānī́yo bʰávati \

Pada: ab     agnír vaí sárvā devátās \

Pada: ac     devátā evá púnar ā́labʰate \

Line : 14  Pada: ad     aṣṭā́kapālo bʰavati

Pada: ae     gāyatró hy àgnír gāyatrácʰandāḥ

Pada: af     páñcakapālaḥ kāryàḥ

Line : 15  Pada: ag     pā́ṅkto yajñás \

Pada: ah     yā́vān evá yajñás tám ā́labdʰa

Pada: ai     yátra vā́ adò 'gnaú púruṣaṃ prámītam ādádʰati tád enam abʰí satyám \

Line : 16  Pada: aj     sárvā enam anyā́ devátā jáhati \

Line : 17  Pada: ak     agnír enaṃ devátānāṃ ná jahāti //


Anuvaka: 7  
Line : 18  Pada: a     prá vā́ r̥cā́ ha práyacʰati yájuṣā

Pada: b     gamáyati gráheṇa

Pada: c     stotrā́ya vā́ ŕ̥k śastrā́ya yájuḥ

Page: 115  
Line : 1  Pada: d     sáṃbaddʰe vaí stotráṃ ca śastráṃ ca

Pada: e     sáṃbaddʰe ŕ̥k ca yájuś ca \

Pada: f     uccaír r̥cā́ kriyáta uccaíḥ sā́mnopām̐śú yájuṣā

Line : 2  Pada: g     té devā́ amanyanta \

Pada: h     idám̐ yajñásya śitʰirám íti

Line : 3  Pada: i     tát purorúcam úpādadʰur áśitʰiratvāya

Pada: j     devátā vaí sárvā āśam̐sante gráhe gr̥hyámāṇe

Line : 4  Pada: k     máhyaṃ gr̥hṇāti máhyaṃ gr̥hṇātī́ti

Pada: l     yát purorúk \

Line : 5  Pada: m     devátānām̐ vyā́vr̥ttyai //

Pada: n     jīvā́ nā́ma stʰa

Pada: o     tā́ imáṃ jīvayata

Pada: p     jī́vikā nā́ma stʰa

Line : 6  Pada: q     tā́ imáṃ jīvayata

Pada: r     saṃjī́vā nā́ma stʰa

Pada: s     tā́ imám̐ sáṃjīvayata //

Line : 7  Pada: t     íti yávān ékavim̐śatiṃ darbʰapiñjūlā́ni cāvadʰā́ya páribrūyāt \

Pada: u     átʰābʰímantrayeta //

Line : 8  Pada: v     prāṇāpānaú ta upām̐śvantaryāmaú pātām \

Pada: w     vyānáṃ ta upām̐śusávanaḥ pātu

Line : 9  Pada: x     vā́caṃ ta aindravāyaváḥ pātu

Pada: y     dakṣakratú te maitrāvaruṇáḥ pātu

Line : 10  Pada: z     śrótraṃ ta āśvináḥ pātu

Pada: aa     cákṣuṣī te śukrā́mantʰínau pātām

Pada: ab     ātmā́naṃ ta āgrāyaṇáḥ pātu \

Line : 11  Pada: ac     áṅgāni ta uktʰyàḥ pātu \

Pada: ad     ā́yus te dʰruváḥ pātu

Pada: ae     stánau ta r̥tupātré pātām \

Line : 12  Pada: af     mūrdʰā́naṃ te droṇakalaśáḥ pātu

Pada: ag     kukṣī́ te kaláśau pātām \

Line : 13  Pada: ah     púṣṭapate cákṣuṣe cákṣuḥ smáne smā́nam̐ vācé vā́caṃ prāṇā́ya prāṇáṃ púnar dehy asmai svā́hā //

Line : 14  Pada: ai     íti juhuyāt \

Pada: aj     etád dʰa sma vā́ āha vāsiṣṭʰáḥ sātyahavyáḥ

Line : 15  Pada: ak     pā́treṣu vā́ aháṃ tád brā́hmaṇam̐ veda

Pada: al     yátʰā púruṣaḥ sakr̥dāhr̥tím āhr̥yáte sakŕ̥t tv èvá kuryān ná tátaḥ purás \

Line : 16  Pada: am     yát púnaḥ kuryā́t prámīyeta

Pada: an     yády abʰicáred etád evá yájur uditvā́tʰābʰímantrayeta //

Line : 17  Pada: ao     púnar itarátʰā //


Anuvaka: 8  
Page: 116  
Line : 1  Pada: a     púnar anyā́ni pā́trāṇi prayujyánte nā́nyā́ni

Pada: b     yā́ni púnaḥ prayujyánte tā́ny asmaí lokā́ya

Line : 2  Pada: c     yā́ni ná púnaḥ prayujyánte tā́ny amúṣmai kṣáyāya \

Pada: d     átʰaitád uktʰyapātráṃ púnaḥ práyujyate \

Line : 3  Pada: e     āraṇyā́n vā́ etát paśū́n práti \

Pada: f     āraṇyā́n evaíténa paśū́n dādʰāra

Line : 4  Pada: g     yád etát púnaḥ prayujyáte

Pada: h     tásmād etā́n páśyataḥ parī́tya gʰnanti \

Pada: i     átʰaitád r̥tupātráṃ púnaḥ práyujyate \

Line : 5  Pada: j     áśvam̐ vā́ etát práti \

Pada: k     áśvam evaíténa dādʰāra

Pada: l     yád etát púnaḥ prayujyáte

Line : 6  Pada: m     tásmād etásyā́śvasyevādʰástāñ śapʰás \

Pada: n     átʰaitád ādityapātráṃ púnaḥ práyujyate

Line : 7  Pada: o     gā́m̐ vā́ etát práti

Pada: p     gā́m evaíténa dādʰāra

Pada: q     yád bʰū́yiṣṭʰābʰir r̥gbʰír bʰū́yiṣṭʰaḥ sómo gr̥hyáte

Line : 8  Pada: r     tásmād gaúr hanyámānādyámānā paśūnā́ṃ bʰū́yiṣṭʰā \

Pada: s     átʰaitáñ śukrapātráṃ púnaḥ práyujyate

Line : 9  Pada: t     púruṣam̐ vā́ etát práti

Pada: u     púruṣam evaíténa dādʰāra \

Line : 10  Pada: v     asaú vā́ ādityáḥ śukrás \

Pada: w     raśmáya r̥távas \

Pada: x     ántaram r̥tupātrám \

Pada: y     śukrapātráṃ púnaḥ práyujyate \

Line : 11  Pada: z     ántare hy àmúṣmād ādityā́d raśmáyas \

Pada: aa     átʰaitád upām̐śupātráṃ púnaḥ práyujyate \

Line : 12  Pada: ab     ávim̐ vā́ etát práti \

Pada: ac     ávim evaíténa dādʰāra \

Pada: ad     átʰaitád antaryāmapātráṃ púnaḥ práyujyate \

Line : 13  Pada: ae     ajā́m̐ vā́ etát práti \

Pada: af     ajā́m evaíténa dādʰāra

Pada: ag     prajā́patir vā́ āgrāyaṇás \

Line : 14  Pada: ah     yád eṣá púnaḥ prayujyáte

Pada: ai     tásmāt prajā́patiḥ prajā́ veda

Pada: aj     prajā́pater vā́ etát pā́tram̐ yád droṇakalaśás \

Line : 15  Pada: ak     yád eṣá púnaḥ prayujyáte

Pada: al     tásmād ayáṃ kṣáyo 'sti

Line : 16  Pada: am     saptá vaí pā́trāṇi púnaḥ prayogám arhanti

Pada: an     tā́ni hí bándʰumanti

Pada: ao     saptá cʰándām̐si

Line : 17  Pada: ap     cʰándām̐si vā́g

Pada: aq     yā́vaty evá vā́k tā́m āpnoti

Pada: ar     saptá cʰándām̐si

Pada: as     saptá hótrāḥ

Line : 18  Pada: at     saptá grāmyā́ḥ paśávas

Pada: au     tā́n evā́varunddʰe

Pada: av     trī́ṇi vaí pā́trāṇi pratyákṣabandʰūni

Line : 19  Pada: aw     parókṣabandʰv evā́nyát sárvam \

Pada: ax     gāyatry aìndravāyavás

Pada: ay     triṣṭúp śukrás \

Pada: az     jágaty āgrāyaṇás \

Page: 117  
Line : 1  Pada: ba     ácʰinnam̐ srāvayitavyàḥ

Pada: bb     kā́mo hāsya samárdʰuko bʰavati \

Pada: bc     átʰo ájīmūtavarṣī parjányo bʰavati

Line : 2  Pada: bd     ná camasám abʰyupā́kuryāt \

Pada: be     yác camasám abʰyupākuryā́d garbʰamŕ̥taḥ prajā́ḥ syus \

Line : 3  Pada: bf     yénaivā́gre sárpanti téna púnaḥ sarpeyus \

Pada: bg     yád anyéna sárpeyur gárbʰā véṣṭukāḥ syus \

Line : 4  Pada: bh     yū́pena vā́ ā́hutayaḥ svargáṃ lokám̐ yánti \

Pada: bi     adʰvaryúṇā dákṣiṇās \

Line : 5  Pada: bj     ūrdʰvó yū́po mīyáta ūrdʰvás tíṣṭʰan prátigr̥ṇāti

Pada: bk     svargásya lokásya sámaṣṭyai //


Anuvaka: 9  
Line : 7  Pada: a     yó jyeṣṭʰábandʰuḥ syā́t sá aindravāyavā́grān gráhān gr̥hṇīta \

Pada: b     ágram̐ hy aìndravāyavás \

Line : 8  Pada: c     yá āmayāvī́ sá maitrāvaruṇā́grān

Pada: d     prāṇāpāṇau hí mitrā́váruṇau

Line : 9  Pada: e     yáḥ paścā́t somapītʰáḥ sá āśvinā́grān

Pada: f     paścéva hy ètaú somapītʰám ā́śnuvātām \

Line : 10  Pada: g     yó brahmavarcasákāmaḥ sá śukrā́grān \

Pada: h     téjo vaí śukró brahmavarcasám \

Line : 11  Pada: i     yò 'bʰicáret sá mantʰyàgrān

Pada: j     ā́rtam̐ vā́ etát pā́tram̐ yán mantʰipātrám \

Pada: k     yá ānujāvaráḥ sá āgrāyaṇā́grān

Line : 12  Pada: l     ágram̐ hy ā̀grāyaṇás \

Pada: m     éti vā́ eṣá yajñamukʰā́d yá aindravāyavā́grebʰyo gráhebʰyo 'nyā́grān gráhān gr̥hṇīté

Line : 13  Pada: n     dʰāráyeyus tám̐ yáṃ kā́māya gr̥hṇīyā́t \

Line : 14  Pada: o     átʰaindravāyavám̐ sādayet \

Pada: p     yatʰāpūrvám̐ vā́ etát kriyáte * ná yajñamukʰā́d eti *
      FN Ben. Ed.: kriyate
      FN emended. Ed.: éti

Line : 15  Pada: q     yády āgrāyaṇáḥ skánded úpa vā dásyed ítarebʰyo gráhebʰyo nírgr̥hṇīyāt \

Line : 16  Pada: r     yátʰā pitā́ putrā́n kṣitá upadʰā́vaty eváṃ tát

Pada: s     yádī́tare gráhāḥ skándeyur úpa vā dásyeyur āgrāyaṇā́n nírgr̥hṇīyāt \

Page: 118  
Line : 1  Pada: t     yátʰā putrā́ḥ pitáraṃ kṣitá upadʰā́vanty eváṃ tát

Line : 2  Pada: u     droṇakalaśā́n nírgr̥hyante \

Pada: v     eṣá vā́ etéṣām̐ yóniḥ

Pada: w     svā́d evá yóner nírgr̥hyante \

Line : 3  Pada: x     áskannatvāya

Pada: y     sómaḥ skantsyati

Pada: z     tám itó grahīṣyāmī́ti

Pada: aa     tásya vā́ eṣá páriśaye yadā́ vā́ etám avanáyati \

Line : 4  Pada: ab     átʰaiṣá ubʰayátaḥśukró 'tʰo sarvátaḥśukraḥ

Line : 5  Pada: ac     paśúbʰir vā́ eṣá vyr̥̀dʰyate yásya sómaḥ skándati vy àsya yajñáś cʰidyate

Line : 6  Pada: ad     paśávo vaí pr̥ṣadājyám \

Pada: ae     yát pr̥ṣadājyáṃ juhóti

Pada: af     paśúbʰir evaínam̐ samyañcaṃ dadʰāti

Line : 7  Pada: ag     máno jyótir juṣatām ā́jyasya vícʰinnam̐ yajñám̐ sám imáṃ dadʰātv íti

Line : 8  Pada: ah     yajñám evá sáṃdadʰāti //

Pada: ai     várdʰatāṃ bʰūtir dadʰnā́ gʰr̥téna muñcátu yajñám̐ yajñápatim ám̐hasaḥ // svā́hā //

Line : 9  Pada: aj     íti juhuyāt \

Pada: ak     iyám̐ vā́ etád yajñásya gr̥hṇāti yád ārcʰáti \

Line : 10  Pada: al     iyáṃ bʰūtís \

Pada: am     asyā́ evaínad ádʰi muñcati

Pada: an     drapsáś caskanda pr̥tʰivī́m ánu dyā́m íty abʰímr̥śati

Line : 11  Pada: ao     hótrāsv evaínat prátiṣṭʰāpayati

Pada: ap     tráyastrim̐śad apò 'nvátiṣiñcati \

Line : 12  Pada: aq     ā́po hí yajñás \

Pada: ar     yajñám̐ vā́ etásya vímatʰnate yásya paśúm̐ vimatʰnáte vy àsya yajñáś cʰidyate

Line : 13  Pada: as     yád avadā́naṃ ná vindét tád ā́jyasyā́vadyet

Pada: at     sárvā vā́ anyā́ devátā yātáyāmnīḥ

Line : 14  Pada: au     prajā́patir evā́yātayāmā

Pada: av     prājāpatyám ā́jyam \

Pada: aw     prājāpatyā́ devā́ḥ

Line : 15  Pada: ax     prajā́patihutam evā́sya bʰavati

Pada: ay     yádi kāmáyeta yé paśúm̐ vyámatʰiṣata tá ā́rtim ā́rcʰeyur íti kuvíd aṅgá yávamanto yávaṃ cid íti námauktimatya r̥cā́gnīdʰre juhuyāt \

Line : 17  Pada: az     námauktīr evaíṣām̐ vr̥ṅkte

Pada: ba     tājág ā́rtim ā́rcʰanti \

Line : 18  Pada: bb     átʰaiṣā́ṣṭā́padī

Pada: bc     yád gárbʰasyāvadyéd avadā́nāny átirecayet \

Pada: bd     yán nā́vadyét prókṣitasya havíṣo nā́vadyet \

Page: 119  
Line : 1  Pada: be     rásena juhoti \

Pada: bf     áva prókṣitasya havíṣo dyáti nā́vadā́nāny átirecayati //


Anuvaka: 10  
Line : 3  Pada: a     yátʰā vaí śālaivám̐ sam̐vatsarás

Pada: b     tásya yátʰā pákṣasī eváṃ pákṣasī

Pada: c     yátʰā madʰyamó vam̐śá eváṃ divākīrtyàm \

Line : 4  Pada: d     yátʰā vā́ idám̐ śā́lāyāḥ pákṣasī madʰyamám̐ vam̐śám abʰisamāgácʰanty evám̐ vā́ etát sam̐vatsarásya pákṣasī

Line : 5  Pada: e     divākīrtyàm abʰisáṃtanoti

Line : 6  Pada: f     yátʰā madʰyamó vam̐śá eváṃ divākīrtyàm \

Pada: g     yád eṣá śitʰiráḥ syā́d ávaśīryeta

Line : 7  Pada: h     yád etásminn áhany eté gráhā gr̥hyánte \

Pada: i     ahno draḍʰimné 'śitʰiratvāya

Line : 8  Pada: j     śukrā́grā etád áhar gráhā bʰavanti

Pada: k     traíṣṭubʰo vaí śukrás \

Pada: l     traíṣṭubʰam etád áhaḥ

Line : 9  Pada: m     pratyúttabdʰyai sayattvā́ya

Pada: n     sauryó gráho gr̥hyáte sauryáḥ paśúr ā́labʰyate \

Line : 10  Pada: o     asā́ ādityá etád áhas

Pada: p     tám̐ sākṣā́d r̥dʰnoti

Pada: q     ṣáḍ gráhā gr̥hyánte paśúḥ saptamá ā́labʰyate

Line : 11  Pada: r     saptá vaí śīrṣán prāṇā́s \

Pada: s     asā́ ādityáḥ śíraḥ

Pada: t     śīrṣán vā́ etát prāṇā́n dadʰāti \

Line : 12  Pada: u     índro vaí vr̥trám ahan \

Pada: v     sá imáṃ lokám abʰyàjayat \

Pada: w     amúṃ tú lokáṃ nā́bʰyàjayat

Line : 13  Pada: x     tám̐ viśvákarmā bʰūtvā́bʰyàjayat \

Pada: y     yád vaiśvakarmaṇó gráho gr̥hyáte \

Pada: z     amúṣya lokásyābʰíjityai

Line : 14  Pada: aa     yánti vā́ etè 'smā́l lokā́d yé vaiśvakarmaṇáṃ gráhaṃ gr̥hṇáte

Line : 15  Pada: ab     párāñco hí yánti \

Pada: ac     īśvarā́ḥ prámetoḥ

Pada: ad     śvo bʰūtá ādityáṃ gr̥hṇīran \

Pada: ae     iyám̐ vā́ áditir iyáṃ pratiṣṭʰā́

Line : 16  Pada: af     yád ādityás \

Pada: ag     asyā́m avá prátitiṣṭʰanti

Pada: ah     táyor anyámanyam ā́ parārdʰā́t pákṣaso gr̥hṇīran

Line : 17  Pada: ai     víśvam anyéna kárma kurvāṇā́ yánti \

Pada: aj     iyám̐ vā́ áditis \

Line : 18  Pada: ak     asyā́m anyéna prátitiṣṭʰanti *
      FN emended. Ed.: pratitiṣṭʰanti.

Pada: al     tā́ ubʰaú sahā́rke gr̥hṇīrann ántaṃ gatvā́ \

Page: 120  
Line : 1  Pada: am     ántam evá gatvóbʰáyor lokáyoḥ prátitiṣṭʰanti \

Pada: an     ādityénāsmíṃl loké vaiśvakarmaṇénāmúṣmin //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.