TITUS
Black Yajur-Veda: Maitrayani-Samhita
Part No. 49
Previous part

Prapathaka: 9  
Anuvaka: 1  
Line : 3  Pada: a     yuñjáte mána utá yuñjate dʰíyo víprā víprasya br̥ható vipaścítaḥ /

Line : 4  Pada: b     ví hótrā dadʰe vayunāvíd ékā ín mahī́ devásya savitúḥ páriṣṭutiḥ //

Line : 5  Pada: c     devásya tvā savitúḥ prasavè 'śvínor bāhúbʰyāṃ pūṣṇó hástābʰyām ā́dade //

Line : 6  Pada: d     ábʰrir asi

Pada: e     nā́rir asi //

Line : 7  Pada: f     úttiṣṭʰa brahmaṇaspate devayántas tvemahe /

Line : 8  Pada: g     úpa práyantu marútaḥ sudā́navā índra prāśū́r bʰavā sácā //

Line : 9  Pada: h     praítu bráhmaṇaspátiḥ prá devy ètu sūnŕ̥tā /

Line : 10  Pada: i     ácʰā vīráṃ náryaṃ paṅktírādʰasaṃ devā́ yajñáṃ nayantu naḥ //

Page: 121  
Line : 1  Pada: j     dévī dyāvāpr̥tʰivī ánu me 'mam̐sātʰām

Pada: k     r̥dʰyā́sam adyá makʰásya śíraḥ //

Line : 2  Pada: l     makʰā́ya tvā //

Pada: m     makʰásya tvā śīrṣṇé

Pada: n     dévīr vamrīr asyá bʰúvanasya pratʰamajā́ r̥tā́varīs \

Line : 3  Pada: o     r̥dʰyā́sam adyá makʰásya śíraḥ //

Pada: p     makʰā́ya tvā //

Pada: q     makʰásya tvā śīrṣṇé //

Line : 4  Pada: r     íyaty ágra āsīt \

Pada: s     áto devī́ \

Pada: t     r̥dʰyā́sam adyá makʰásya śíraḥ //

Pada: u     makʰā́ya tvā //

Line : 5  Pada: v     makʰásya tvā śīrṣṇé //

Pada: w     índrasyaújo 'si prajā́pate rétaḥ //

Pada: x     r̥dʰyā́sam adyá makʰásya śíraḥ //

Line : 6  Pada: y     makʰā́ya tvā //

Pada: z     makʰásya tvā śīrṣṇé //

Pada: aa     mádʰu tvā mádʰulā kr̥ṇotu //

Line : 7  Pada: ab     makʰásya śíro 'si //

Pada: ac     yajñásya padé stʰaḥ //

Pada: ad     gāyatrò 'si //

Line : 8  Pada: ae     traíṣṭubʰo 'si //

Pada: af     jā́gato 'si //

Pada: ag     makʰásya rā́snāsi //

Pada: ah     sū́ryasya rásā ā́śrayasva //

Line : 9  Pada: ai     vŕ̥ṣṇo áśvasya níṣpad asi

Pada: aj     vŕ̥ṣṇas tvā́śvasya níṣpadā dʰūpayāmasi //

Line : 10  Pada: ak     váruṇas tvā dʰr̥távrato dʰūpayatu mitrā́váruṇau dʰruvéṇa dʰármaṇā //

Line : 11  Pada: al     áditiṣ ṭvā devī́ viśvádevyavatī pr̥tʰivyā́ḥ sadʰástʰe aṅgirasvát kʰanatv avaṭa

Line : 12  Pada: am     devā́nāṃ tvā pátnīr devī́r viśvádevyavatīḥ pr̥tʰivyā́ḥ sadʰástʰe aṅgirasvád dadʰatu mahāvīrā́n //

Line : 14  Pada: an     árciṣe tvā

Pada: ao     śóciṣe tvā

Pada: ap     jyótiṣe tvā

Pada: aq     hárase tvā /

Line : 15  Pada: ar     abʰī́mā́n mahinā́ divó mitró babʰūva sápratʰāḥ //

Line : 16  Pada: as     utá śrávasa ā́ pr̥tʰivī́m //

Line : 17  Pada: at     mitrásya carṣaṇīdʰŕ̥taḥ śrávo devásya sānasí /

Line : 18  Pada: au     dyumnáṃ citráśravastamam //

Page: 122  
Line : 1  Pada: av     devás tvā savitódvapatu supāṇíḥ svaṅguríḥ /

Line : 2  Pada: aw     subāhúr utá śaktyā //

Line : 3  Pada: ax     ŕ̥jave tvā

Pada: ay     sādʰáve tvā

Pada: az     súkṣityai tvā //

Pada: ba     idám ahám amúm āmuṣyāyaṇáṃ téjasā brahmavarcaséna páryūhāmi //

Line : 4  Pada: bb     idám ahám amúm āmuṣyāyāṇám̐ viśā́ kṣatréṇa páryūhāmi //

Line : 5  Pada: bc     idám ahám amúm āmuṣyāyaṇáṃ prajáyā paśúbʰiḥ páryūhāmi //

Pada: bd     cʰr̥ṇáttu tvā vā́k

Line : 6  Pada: be     cʰr̥ṇáttu tvórk

Pada: bf     cʰr̥ṇáttu tvā havíḥ //

Pada: bg     devapúraś carasa *
      FN < carase

Pada: bh     r̥dʰyā́saṃ tvā //


Anuvaka: 2  
Line : 8  Pada: a     námo vācé

Pada: b     námo vācáspátaye

Pada: c     yā́ coditā́ yā́ ca nóditā́ tásyai vācé námas \

Line : 9  Pada: d     námā ŕ̥ṣibʰyo mantrakŕ̥dbʰyo mantravídbʰyo mantrápatibʰyas \

Pada: e     mā́ mā́m ŕ̥ṣayo mantrakŕ̥to mantravídaḥ prā́dus \

Line : 10  Pada: f     daívīm̐ vā́cam údyāsaṃ júṣṭāṃ devébʰyaḥ svadʰā́varīṃ pitŕ̥bʰyó 'numatān manuṣyèbʰyas

Line : 11  Pada: g     tán mā devā́ avantu śóbʰāyi

Line : 12  Pada: h     pitáró 'numadantu //

Pada: i     gāyatrī́ṃ cʰándaḥ prápadye

Pada: j     triṣṭúbʰaṃ cʰándaḥ prápadye

Pada: k     jágatīṃ cʰándaḥ prápadye \

Line : 13  Pada: l     anuṣṭúbʰaṃ cʰándaḥ prápadye

Pada: m     paṅktíṃ cʰándaḥ prápadye

Pada: n     cʰándām̐si cʰándaḥ prápadye //

Line : 14  Pada: o     tā́ni no 'vantu

Pada: p     tā́ni naḥ pālayantu

Pada: q     tā́ni sā́ r̥cʰatu yó asmā́n dvéṣṭi yáṃ ca vayáṃ dviṣmáḥ //

Line : 15  Pada: r     bráhman pravargyèṇa prácariṣyāmas \

Pada: s     hótar gʰarmám abʰíṣṭuhi \

Page: 123  
Line : 1  Pada: t     ágnīd rajanarohiṇaú puroḍā́śāv ádʰiśraya

Pada: u     prátiprastʰātar víhara

Line : 2  Pada: v     prástotaḥ sā́māni gāya //

Line : 3  Pada: w     yájur yuktám̐ sā́mabʰir r̥ktakʰáṃtā víśvābʰir dʰībʰíḥ sáṃbʰr̥taṃ dákṣiṇābʰiḥ /

Line : 4  Pada: x     prátataṃ pārayiṣṇúm̐ stubʰó vahantu sumanasyámānāḥ //

Line : 5  Pada: y     bʰū́r bʰúvaḥ svàr

Pada: z     devásya savitúḥ prasavé br̥haspatiprasūtā́ * //
      FN H, Bb: bŕ̥haspátiḥ prasūtā́

Line : 6  Pada: aa     óm indravantaḥ prácarata //


Anuvaka: 3  
Line : 7  Pada: a     yamā́ya tvā //

Pada: b     makʰā́ya tvā //

Pada: c     sū́ryasya hárase tvā //

Pada: d     devás tvā savitā́ mádʰvānaktu //

Line : 8  Pada: e     pr̥tʰivyā́ḥ saṃpŕ̥cas pāhi //

Pada: f     arcíṣe tvā

Pada: g     śocíṣe tvā

Pada: h     jyótiṣe tvā

Line : 9  Pada: i     tápase tvā //

Pada: j     arcír asi

Pada: k     śocír asi

Pada: l     jyótir asi

Pada: m     tápo 'si

Line : 10  Pada: n     sū́ryasya tápas tápaḥ //

Line : 11  Pada: o     sám̐sīdasva maháṃ asi śócasva devavī́tamaḥ /

Line : 12  Pada: p     ví dʰūmám agne aruṣáṃ medʰya sr̥já praśasta darśatam //

Line : 13  Pada: q     añjánti yáṃ pratʰáyanto ná víprā vapā́vanto nā́gnínā tápantaḥ /

Line : 14  Pada: r     pitúr na putrá upási préṣṭʰā ā́ gʰarmó agnír amŕ̥to ná sādi //

Page: 124  
Line : 1  Pada: s     ánādʰr̥ṣṭāsi purástād agnér ā́dʰipatyā ā́yur me dāḥ

Pada: t     putrávatī dakṣiṇatá índrasyā́dʰipatye prajā́ṃ me dāḥ //

Line : 2  Pada: u     suṣádā paścāt savitúr ā́dʰipatye cákṣur me dāḥ //

Line : 3  Pada: v     ā́śrutir uttarató mitrā́váruṇayor ā́dʰipatye śrótraṃ me dāḥ //

Pada: w     vídʰr̥tir upáriṣṭād bŕ̥haspáter ā́dʰipatye vā́caṃ me dāḥ //

Line : 4  Pada: x     bráhma me dāḥ

Pada: y     kṣatráṃ me dāḥ

Line : 5  Pada: z     páyo me dāḥ //

Pada: aa     mánor áśvāsi bʰū́riputrā sūpasádanā

Pada: ab     víśvābʰyo mā dam̐ṣṭrā́bʰyas pāhi //


Anuvaka: 4  
Line : 7  Pada: a     cíd asi //

Pada: b     svā́hā marúdbʰyaḥ páriśrayasva //

Pada: c     mā́si //

Pada: d     pramā́si //

Pada: e     pratimā́si //

Line : 8  Pada: f     vimā́si //

Pada: g     saṃmā́si //

Pada: h     unmā́si //

Pada: i     antárikṣasyāntardʰír asi //

Line : 9  Pada: j     diváḥ saṃpŕ̥cas pāhi //

Line : 10  Pada: k     árhan bibʰarṣi sāyakā́ni dʰanvā́ /

Pada: l     árhan niṣkám̐ yajatám̐ viśvarūpám /

Line : 12  Pada: m     árhann idáṃ dayase víśvam ā́ dʰanvā́ /

Pada: n     ójīyo rudrás tád asti //

Page: 125  
Line : 1  Pada: o     gāyatrò 'si //

Pada: p     traíṣṭubʰo 'si //

Pada: q     jā́gatam asi //

Pada: r     mádʰu / mádʰu / mádʰu //

Line : 2  Pada: s     rucitó gʰarmáḥ //


Anuvaka: 5  
Line : 3  Pada: a     dáśa prā́cīr dáśa bʰāsi dakṣiṇā́s \

Pada: b     dáśa pratī́cīr dáśa bʰāsy údīcīs \

Pada: c     dáśordʰvā́ bʰāsi sumanasyámānaḥ //

Line : 4  Pada: d     sā́ naḥ prajā́ṃ paśū́n pāhy àraṇīyámānaḥ //

Pada: e     agníṣ ṭvā vásubʰiḥ purástād rocayatu

Line : 5  Pada: f     sá mā rucitó rocaya //

Pada: g     pitáras tvā yamárājānaḥ pitŕ̥bʰir dakṣiṇató rocayantu

Line : 6  Pada: h     sá mā rucitó rocaya //

Pada: i     savitā́ tvādityaíḥ paścā́d rocayatu

Line : 7  Pada: j     sá mā rucitó rocaya //

Pada: k     mitrā́váruṇau tvottarató marudbʰī rocayetām \

Line : 8  Pada: l     sá mā rucitó rocaya //

Pada: m     bŕ̥haspátiṣ ṭvā víśvair devaír upáriṣṭād rocayatu

Line : 9  Pada: n     sá mā rucitó rocaya //

Pada: o     déva gʰarma rucitás tváṃ devéṣv ā́

Line : 10  Pada: p     surucitáṃ mā́ṃ devamanuṣyèṣu kuru

Pada: q     rúcaṃ máyi dʰehi

Line : 11  Pada: r     rucír asi

Pada: s     rucò 'si

Pada: t     sá yatʰā tvám̐ rucyā́ rócasa evám ahám̐ rucyā́ rociṣīya

Line : 12  Pada: u     táveva me rócamānasya róco bʰūyāsus \

Pada: v     dʰrājír asi

Line : 13  Pada: w     dʰrājò 'si

Pada: x     sá yatʰā tváṃ dʰrājyā́ dʰrā́jasa evám aháṃ dʰrājyā́ dʰrājiṣīya

Line : 14  Pada: y     táveva me dʰrā́jamānasya dʰrā́jo bʰūyāsus \

Pada: z     bʰrājír asi

Pada: aa     bʰrājò 'si

Page: 126  
Line : 1  Pada: ab     sá yatʰā tváṃ bʰrājyā́ bʰrā́jasa evám aháṃ bʰrājyā́ bʰrājiṣīya

Pada: ac     táveva me bʰrā́jamānasya bʰrā́jo bʰūyāsuḥ //



Anuvaka: 6  
Line : 3  Pada: a     ápaśyaṃ gopā́m ánipadyamānam ā́ ca párā ca patʰíbʰiś cárantam /

Line : 4  Pada: b     sá sadʰrī́cīḥ sá víṣūcīr vásānā ā́varīvarti bʰúvaneṣv antáḥ //

Line : 5  Pada: c     gárbʰo devā́nāṃ janitā́ matīnā́ṃ mátiḥ kavīnā́ṃ pátiḥ prajā́nāṃ dʰartā́ kṣatrásya //

Line : 6  Pada: d     sáṃ devó devéna savitrā́ yajatra

Pada: e     sám̐ sū́ryeṇa rocate //

Pada: f     hr̥dé tvā

Line : 7  Pada: g     mánase tvā

Pada: h     divé tvā

Pada: i     sū́ryāya tvā //

Pada: j     ūrdʰvám imám adʰvaráṃ diví devéṣu hótrā yacʰa //

Line : 8  Pada: k     dʰartā́ divó rajasó víbʰāti dʰartā́

Pada: l     pr̥tʰivyā́ dʰartórór antárikṣasya dʰartā́ //

Line : 9  Pada: m     devó devā́nām ámartyas tapojā́ apsú prāvī́ḥ //

Pada: n     víśvāsāṃ bʰúvāṃ pate

Line : 10  Pada: o     víśvasya bʰúvanaspate

Pada: p     víśvasya mánasaspate

Pada: q     víśvasya vácasaspate

Line : 11  Pada: r     víśvasya bráhmaṇaspate //

Pada: s     devaśrút tváṃ deva gʰarma devā́n pāhi tapojā́n //

Line : 12  Pada: t     vājám asmin nídʰehi devāyúvam //

Pada: u     mádʰu mādʰvī́bʰyām \

Pada: v     mádʰu mādʰūcī́bʰyām \

Line : 13  Pada: w     mádʰumān devávītaye //

Pada: x     sám agnír agnínāgata

Pada: y     sáṃ devó devéna savitrā́ yajatra

Line : 14  Pada: z     sám̐ sū́ryeṇārociṣṭa svā́hā //

Pada: aa     sám agnís tápasāgata

Pada: ab     sáṃ devó devéna savitrā́ yajatra

Page: 127  
Line : 1  Pada: ac     sám̐ sū́ryeṇāyukta \

Pada: ad     āyurdā́s tvám asmábʰyaṃ gʰarma varcodā́ asi

Line : 2  Pada: ae     pitā́si pitā́ no bodʰiṣīmahi tvā

Pada: af     námas te astu

Pada: ag     mā́ mā him̐sīḥ //

Line : 3  Pada: ah     tváṣṭrimantas tvā sapema //


Anuvaka: 7  
Line : 4  Pada: a     devásya tvā savitúḥ prasavè 'śvínor bāhúbʰyāṃ pūṣṇó hástābʰyām ā́dade //

Line : 5  Pada: b     ádityā rā́snāsi //

Pada: c     íḍā éhi \

Pada: d     áditā éhi \

Pada: e     ásāv éhi

Pada: f     sárasvaty éhi \

Pada: g     ásāv éhi //

Line : 7  Pada: h     yás te stánaḥ śaśayó yó mayobʰū́r yéna víśvā púṣyasi vā́ryāṇi //

Line : 8  Pada: i     ádityā uṣṇī́ṣam asi //

Pada: j     pūṣā́ tvopā́vasīdatu //

Pada: k     vāyúr asi \

Pada: l     aśvíbʰyāṃ prádʰāpaya //

Line : 9  Pada: m     gʰarmā́ya śáṃkṣva //

Pada: n     bŕ̥haspátiṣ ṭvópasīdatu //

Pada: o     dānávaḥ stʰa //

Line : 10  Pada: p     prerávaḥ stʰa //

Pada: q     aśvíbʰyāṃ pinvasva //

Pada: r     sárasvatyai pinvasva \

Pada: s     índrāya pinvasva \

Pada: t     índrāya pinvasva //

Line : 11  Pada: u     úpa mehi sahórjó bʰā́gena //

Pada: v     mádʰuhavir asi

Pada: w     svā́hā tvā vā́tāya sū́ryasya * raśmáye sitā́ vr̥ṣṭisánaye sáṃjuhomi svā́hā //
      FN emended. Ed.: súryasya.

Page: 128  
Line : 1  Pada: x     índrāśvinā mádʰunaḥ sāragʰásya gʰarmáṃ pāta vasavo yajatrā véṭ //

Pada: y     gāyatrám asi //

Line : 2  Pada: z     traíṣṭubʰam asi //

Pada: aa     jā́gatāsi //

Pada: ab     dyā́vāpr̥tʰivī́bʰyāṃ tvā párigr̥hṇāmi //

Line : 3  Pada: ac     antárikṣeṇópayacʰāmi //

Pada: ad     divispŕ̥ṅ mā́ mā him̐sīḥ //

Line : 4  Pada: ae     antarikṣaspŕ̥ṅ mā́ mā him̐sīḥ //

Pada: af     pr̥tʰivīspŕ̥ṅ mā́ mā him̐sīḥ //

Line : 5  Pada: ag     téjo 'si

Pada: ah     téjo 'nupréhi //


Anuvaka: 8  
Line : 6  Pada: a     salilā́ya tvā vātā́ya svā́hā \

Pada: b     arṇavā́ya tvā vātā́ya svā́hā

Pada: c     síndʰave tvā vātā́ya svā́hā

Line : 7  Pada: d     samudrā́ya tvā vātā́ya svā́hā

Pada: e     śímidvate tvā vātā́ya svā́hā

Line : 8  Pada: f     kúmudvate tvā vātā́ya svā́hā \

Pada: g     avásyave tvā vātā́ya svā́hā

Line : 9  Pada: h     dúvasyave tvā vātā́ya svā́hā \

Pada: i     anādʰr̥ṣyā́ya tvā vātā́ya svā́hā \

Pada: j     apratidʰr̥ṣyā́ya tvā vātā́ya svā́hā \

Line : 10  Pada: k     agnáye tvā vásumate svā́hā

Pada: l     sómāya tvā rudrávate svā́hā \

Line : 11  Pada: m     índrāya tvā marútvate svā́hā

Pada: n     yamā́ya tvā pitr̥máté 'ṅgirasvate svā́hā //

Line : 12  Pada: o     savitré tvarbʰūmáte vibʰūmáte vājaváte br̥haspativáte viśvádevyāvate svā́hā //

Line : 13  Pada: p     áhaḥ ketúnā juṣatām \

Pada: q     svarjyótir juṣatām̐ svā́hā //

Line : 14  Pada: r     rā́triḥ ketúnā juṣatām \

Pada: s     svarjyótir juṣatām̐ svā́hā //


Anuvaka: 9  
Page: 129  
Line : 1  Pada: a     diví dʰā imám̐ yajñám

Pada: b     imám̐ yajñáṃ diví dʰāḥ

Pada: c     svastí gʰarmā́ya

Pada: d     savatí gʰarmapitvé //

Line : 2  Pada: e     víśvā ā́śā dakṣiṇasád víśvān devā́n ayāḍ ihá //

Pada: f     óṃ śrāvaya //

Line : 3  Pada: g     ástu śraúṣaṭ //

Pada: h     gʰarmásya yaja //

Pada: i     áśvinā gʰarmáṃ píbatam̐ hā́rdrānum

Line : 4  Pada: j     ánu mā́ṃ dyā́vāpr̥tʰivī́ ánu me 'mam̐sātām

Pada: k     ihaívá rātáyaḥ sánti sám̐ yájurbʰiḥ

Line : 5  Pada: l     svā́héndrāya

Pada: m     svā́héndrāya váṭ //

Pada: n     svā́hākr̥tasya gʰarmásya mádʰoḥ pibatam aśvinā

Line : 6  Pada: o     gʰarmám ápātam aśvínā

Pada: p     váhad divyā́bʰir ūtíbʰiḥ sváṃ pedrávam̐ yátʰā * véṭ //
      FN emended. Ed.: yatʰā.

Line : 7  Pada: q     iṣé pipīhi //

Pada: r     ūrjé pipīhi //

Pada: s     asmaí bráhmaṇe pipīhi //

Line : 8  Pada: t     asmaí kṣatrā́ya pipīhi //

Pada: u     iṣá ūrjé pipīhi //

Pada: v     subʰūtā́ya pipīhi //

Line : 9  Pada: w     brahmavarcasā́ya pipīhi //

Pada: x     asyaí viśé máhyaṃ jyaíṣṭʰyāya pipīhi //

Line : 10  Pada: y     gʰarmó 'si

Pada: z     gʰarmám émi \

Pada: aa     asmé bráhmāṇi dʰāraya //

Pada: ab     kṣatráṃ dʰāraya //

Line : 11  Pada: ac     víśaṃ dʰāraya //

Pada: ad     pūṣṇé śárasi svā́hā //

Pada: ae     grā́vabʰyaḥ svā́hā //

Pada: af     pratiravébʰyaḥ svā́hā //

Line : 12  Pada: ag     dyā́vāpr̥tʰivī́bʰyām̐ svā́hā

Pada: ah     pitŕ̥bʰyo gʰarmapébʰyaḥ svā́hā //

Page: 130  
Line : 1  Pada: ai     rudrā́ya rudráhotre svā́hā //

Pada: aj     hutám̐ havír mádʰuhavir asi \

Pada: ak     índratame 'gnaú svā́hā //

Line : 2  Pada: al     aśyā́ma te deva gʰarma r̥bʰūmáto vibʰūmáto vājaváto br̥haspativáto viśvádevyāvataḥ pitr̥mátó 'ṅgirasvatas \

Line : 3  Pada: am     uśīmáhi tvā

Line : 4  Pada: an     námas te astu

Pada: ao     mā́ mā him̐sīḥ //

Pada: ap     sam̐sā́dyamānāyā́nubrūhi //

Pada: aq     áhne svā́hā //

Line : 5  Pada: ar     rā́tryai svā́hā //


Anuvaka: 10  
Line : 8  Pada: a     paśūnā́ṃ jyótir asi víbʰr̥taṃ devatrā́

Pada: b     jyótir bʰā́ asi //

Pada: c     vánaspátīnām apā́m óṣadʰīnām̐ rásas \

Line : 9  Pada: d     vājínaṃ tvā vājíny ávanayāmi \

Pada: e     ūrdʰváṃ mánaḥ svargyàm //

Line : 10  Pada: f     páyo 'si

Pada: g     payasvī́ bʰūyāsam //

Pada: h     gʰárma yā́ te diví śúg yā́ diví yā́ br̥háti yā́ stanayitnaú yā́ jā́gate cʰándasīyáṃ te tā́m ávayaje

Line : 12  Pada: i     tásyai te svā́hā //

Pada: j     gʰárma yā́ te 'ntárikṣe śug yā́ntárikṣe yā́ vā́te yā́ vāmadevyé yā́ traíṣṭubʰe cʰándasīyáṃ te tā́m ávayaje

Line : 13  Pada: k     tásyai te svā́hā //

Pada: l     gʰárma yā́ te pr̥tʰivyā́m̐ śúg yā́ pr̥tʰivyā́m̐ yā́gnaú yā́ ratʰantaré yā́ gāyatré cʰándasīyáṃ te tā́m ávayaje

Line : 15  Pada: m     tásyai te svā́hā //

Pada: n     prástotaḥ sā́ma gāya //

Pada: o     ánv adyá na íty eṣā́

Pada: p     bráhmaṇas tvā paráspāya kṣatrásya tanvàs pāhi //

Line : 16  Pada: q     víśas tvā dʰármaṇā vayám ánu párikrāmāma suvitā́ya návyase //

Page: 131  
Line : 1  Pada: r     prástotaḥ sā́ma gāya //

Pada: s     ánv adyá na íty eṣā́

Line : 2  Pada: t     prāṇásya tvā paráspāya cákṣuṣas tanvàs pāhi //

Pada: u     śrótrasya tvā dʰármaṇā vayám ánu párikrāmāma suvitā́ya návyase //

Line : 3  Pada: v     prástotaḥ sā́ma gāya //

Pada: w     ánv adyá na íty eṣā́

Line : 4  Pada: x     divás tvā paráspāya // antárikṣasya tanvàs pāhi //

Line : 5  Pada: y     pr̥tʰivyā́s tvā dʰármaṇā vayám ánu párikrāmāma suvitā́ya návyase

Pada: z     cátuḥsraktir r̥tásya nā́bʰiḥ sádo gʰarmó viśvā́yuḥ śárma saprátʰāḥ //

Line : 6  Pada: aa     ápa dvéṣo ápa hváro anyávratasya saścima

Line : 7  Pada: ab     valgúr asi śam̐yordʰāyā́ḥ //

Pada: ac     śiśur janadʰāyā́ḥ //

Line : 8  Pada: ad     śáṃ ca vakṣi //

Pada: ae     pári ca vakṣi //

Pada: af     gʰármaitát té 'nnam etát púrīṣam //

Pada: ag     téna vardʰasva cā́pyāyasva

Line : 9  Pada: ah     vardʰiṣīmáhi ca vayámā́ ca pyāyiṣīmahi ca

Line : 10  Pada: ai     vy àsaú * yó asmā́n dvéṣṭi yáṃ ca vayáṃ dviṣmáḥ //
      FN emended. Ed.: àsau.


Anuvaka: 11  
Line : 11  Pada: a     rántir nā́māsi divyó gandʰarvás

Pada: b     tásya te padvád dʰavirdʰā́nam

Pada: c     agnír adʰyakṣás \

Line : 12  Pada: d     rudró ádʰipatis \

Pada: e     viśvā́vasum̐ soma gandʰarvám ā́po dadr̥śúṣīs tád r̥ténānvávāyan \

Page: 132  
Line : 1  Pada: f     tád índrasya vaí rudró rārahāṇá āsāṃ pári sū́ryasya paridʰī́m̐r áporṇú

Line : 2  Pada: g     vīrébʰir ádʰi tán no gr̥ṇānó rájaso vimā́no yád vā gʰā satyám utá yán ná vidmá //

Line : 3  Pada: h     dʰíya invānó dʰíya ín no avyāt //

Pada: i     sásnim avindac cáraṇe nadī́nām ápāvr̥ṇod dúro asmadratʰānām //

Line : 4  Pada: j     prā́sāṃ gandʰarvó amŕ̥tāni vocat //

Line : 5  Pada: k     índuṃ dákṣaṃ páridadād ahī́nām //

Pada: l     vārṣāharám̐ sā́ma gāya //

Line : 6  Pada: m     cíd asi samudrayóniḥ //

Line : 7  Pada: n     índur dákṣaḥ śyená r̥tā́vā

Pada: o     híraṇyapakṣaḥ śakunó bʰuraṇyúḥ /

Line : 8  Pada: p     mahā́nt sadʰástʰe dʰruvá ā́ níṣattas \

Pada: q     námas te astu

Pada: r     mā́ mā him̐sīḥ //

Line : 9  Pada: s     sómapītʰā́nu mehi //

Pada: t     iṣṭāhotrī́yam̐ sā́ma gāya

Pada: u     púnar ūrjā́

Pada: v     sahá rayyā́ \

Pada: w     íty éke

Line : 10  Pada: x     śyaítam̐ sā́ma gāya //

Pada: y     úd u tyám \

Pada: z     citrám

Pada: aa     íty éke //

Pada: ab     vāmadevyám̐ sā́ma gāya //

Line : 11  Pada: ac     imám u ṣú tvám asmā́kam̐ saníṃ gāyatráṃ návyām̐sam //

Pada: ad     agnír devéṣu prá voca //

Line : 12  Pada: ae     bʰū́ḥ svā́hā //


Anuvaka: 12  
Page: 133  
Line : 1  Pada: a     mā́ no gʰarma vyatʰitó vívyadʰīn mā́ na ā́yuḥ parám ávaraṃ mā́nadonaíḥ /

Line : 3  Pada: b     mó ṣvátvam asmān tarā́dʰān mā́ rudríyāso abʰí gulbadʰānáḥ //

Line : 4  Pada: c     mā́ naḥ kratúbʰir hī́ḍiṣebʰir asmáddviṣaḥ súnītʰo mā́ párā daiḥ /

Line : 5  Pada: d     mā́ no agníṃ nírr̥tir mā́ na āṣṭā́n mā́ no dyā́vāpr̥tʰivī́ hīḍiṣetʰām //

Line : 7  Pada: e     utā́ no mitrā́váruṇā ihā́gataṃ mánmā dīdʰyā́nā utā́ naḥ sákʰāyā /

Line : 9  Pada: f     ādityā́nāṃ prásr̥tir hetír ugrā́ śarā́ vāṣṭā́d dʰavíṣā vārṇáḥ //

Line : 10  Pada: g     vidʰúṃ dadrāṇám̐ sámane bahūnā́m̐ yúvānam̐ sántaṃ palitó jagāra * /
      FN P. Ed.: jagāda.

Line : 11  Pada: h     devásya paśya kā́vyaṃ mahitvā́dyā́ mamā́ra sáhyaḥ sámānaḥ //

Line : 12  Pada: i     jári cétī́d abʰiśíṣaḥ purā́ cakŕ̥bʰyā ā́tr̥da /

Page: 134  
Line : 1  Pada: j     saṃdʰātā́ saṃdʰír magʰávā puruvásur níṣkartā víhrutaṃ púnaḥ //

Line : 2  Pada: k     úd u tiṣṭʰa svadʰvarás * \
      FN Pada. Ed.: ... svadʰvará ūrdʰvá ...

Pada: l     ūrdʰvá ū ṣú ṇas \

Pada: m     íty éke //

Pada: n     púnar ūrjā́

Pada: o     sahá rayyā́ \

Pada: p     íty éke //

Line : 3  Pada: q     úd u tyám \

Pada: r     citrám

Pada: s     íty éke //

Pada: t     bʰū́ḥ svā́hā //

Pada: u     bʰúvaḥ svā́hā //

Pada: v     svàḥ svā́hā //

Line : 4  Pada: w     bʰū́r bʰúvaḥ svàḥ svā́hā //



Anuvaka: 13  
Line : 5  Pada: a     bʰū́r bʰúvaḥ svàr

Pada: b     máyi tád indriyám̐ vīryàm \

Pada: c     máyi rā́yas \

Pada: d     máyi rákṣas \

Pada: e     máyi dákṣas \

Line : 6  Pada: f     máyi krátus \

Pada: g     máyi dʰehi suvī́ryam //

Line : 7  Pada: h     tisŕ̥bʰir gʰarmó víbʰāty ākū́tyā mánasā sahá

Pada: i     virā́jā jyótiṣā sahá tápasā bráhmaṇā sahá

Line : 8  Pada: j     tásya dóham aśīmahi

Pada: k     tásya bʰákṣam aśīmahi

Line : 9  Pada: l     tásya tā úpahūtā úpahūtasya bʰakṣayāmi //


Anuvaka: 14  
Line : 10  Pada: a     úd asya śúṣmād bʰānór nāvyā́ bibʰárti * bʰāráṃ pr̥tʰivī́ ná bʰūmī́ḥ //
      FN emended. Ed.: bibʰarti

Line : 11  Pada: b     prá śukraítu devī́ manīṣā́ asmát sútaṣṭo * rátʰo ná vā́ṇīḥ //
      FN Pada. Ed.: sutaṣṭo.



Anuvaka: 15  
Line : 12  Pada: a     cíd asi //

Pada: b     bŕ̥haspátiṣ ṭvā sādayatu pr̥tʰivyā́ḥ pr̥ṣṭʰé

Pada: c     téna r̥ṣiṇā téna vidʰínā téna cʰándasā téna bráhmaṇā táyā devátayāṅgirasvád dʰruvā́ sīda //


Anuvaka: 16  
Page: 135  
Line : 3  Pada: a     prajā́patiṣ ṭvā sādayatu pr̥tʰivyā́ḥ pr̥ṣṭʰé

Pada: b     téna ŕ̥ṣiṇā téna vidʰínā téna cʰándasā téna bráhmaṇā táyā devátayāṅgirasvád dʰruvā́ sīda //


Anuvaka: 17  
Line : 5  Pada: a     ugráś ca bʰīmáś ca

Pada: b     dʰvā́ntaś ca dʰanávām̐ś ca

Pada: c     sáhasāvām̐ś ca sáhīyasaḥ //

Pada: d     víkṣipaḥ //

Line : 6  Pada: e     vijyé vivyé víkṣipet //


Anuvaka: 18  
Line : 7  Pada: a     sam̐vatsaró 'si

Pada: b     parivatsaró 'si \

Pada: c     idāvatsaró 'si \

Pada: d     udvatsaró 'si

Pada: e     vatsaró 'si //

Line : 8  Pada: f     tásya te vasantáḥ śíras \

Pada: g     grīṣmó dákṣiṇaṃ pakśám \

Pada: h     varṣā́ úttaram \

Line : 9  Pada: i     śarát pucʰám //

Pada: j     hemantó mádʰyam \

Pada: k     śíśiraṃ pratiṣṭʰā́nam \

Pada: l     tásya te māsā́ś cārdʰamāsā́ś ca r̥távaḥ parivatsarā́ḥ //

Line : 10  Pada: m     ahorātré te kalpetām

Pada: n     éhi

Pada: o     préhi

Pada: p     vī̀hi

Line : 11  Pada: q     sámihy udī́cī //


Anuvaka: 19  
Page: 136  
Line : 1  Pada: a     ásr̥ṅmukʰo rúdʰireṇābʰyàkto yamásya dūtaś ca vā́g vídʰāvati //

Pada: b     gr̥dʰráḥ suparṇáḥ kúṇapaṃ níṣevati yámasya dūtáḥ prahitá eṣá eti

Line : 2  Pada: c     vy àsaú yó asmā́n dvéṣṭi yáṃ ca vayáṃ dviṣmáḥ //


Anuvaka: 20  
Line : 4  Pada: a     tác cákṣur deváhitaṃ purástāñ śukrám úccarat //

Pada: b     páśyema śrádaḥ śatáṃ jī́vema śarádaḥ śatám \

Line : 5  Pada: c     prábruvāma śarádaḥ śatám̐ śr̥ṇuyā́ma śarádaḥ śatám //


Anuvaka: 21  
Line : 6  Pada: a     nidʰā́yo vā́3 nidʰā́yo vā́3 nidʰā́yo vā́3

Pada: b     oṃ vā́3 oṃ vā́3 oṃ vā́3 e ai oṃ svarṇájyotiḥ //


Anuvaka: 22  
Line : 8  Pada: a     br̥hádbʰā3 br̥hádbʰā3 br̥hádbʰā3 br̥hádbʰā ím br̥hádbʰā ím br̥hádbʰā ím //

Line : 9  Pada: b     ím ím ím svarṇájyotiḥ //



Anuvaka: 23  
Line : 10  Pada: a     pr̥tʰivī́ samít

Pada: b     tā́m agníḥ sáminddʰe

Pada: c     sā́gním̐ sáminddʰe

Pada: d     tā́m ahám̐ sámindʰe

Line : 11  Pada: e     sā́ mā sámiddʰā súsamiddʰā téjasā brahmavarcaséna sámindʰatām̐ svā́hā //

Page: 137  
Line : 1  Pada: f     antárikṣam̐ samít

Pada: g     tā́m̐ vāyúḥ sáminddʰe

Pada: h     sā́ vāyúm̐ sáminddʰe

Line : 2  Pada: i     tā́m ahám̐ sámindʰe

Pada: j     sā́ mā sámiddʰā súsamiddʰā téjasā brahmavarcaséna sámindʰatām̐ svā́hā //

Line : 3  Pada: k     dyaúḥ samít

Pada: l     tā́m ādityáḥ sáminddʰe

Pada: m     sā́dityám̐ sáminddʰe

Line : 4  Pada: n     tā́m ahám̐ sámindʰe

Pada: o     sā́ mā sámiddʰā súsamiddʰā téjasā brahmavarcaséna sámindʰatām̐ svā́hā //

Line : 5  Pada: p     díśaḥ samít

Pada: q     tā́ṃ prajā́patiḥ sáminddʰe

Pada: r     sā́ prajā́patim̐ sáminddʰe

Line : 6  Pada: s     tā́m ahám̐ sámindʰe

Pada: t     sā́ mā sámiddʰā súsamiddʰā téjasā brahmavarcaséna sámindʰatām̐ svā́hā //


Anuvaka: 24  
Line : 8  Pada: a     ágne vratapate vratáṃ cariṣyāmi

Pada: b     tát te prábravīmi

Pada: c     tán me gopāya

Pada: d     táñ śakeyam \

Line : 9  Pada: e     téna śakeyam \

Pada: f     téna rādʰyāsam //

Pada: g     vā́yo vratapate vratáṃ cariṣyāmi

Line : 10  Pada: h     tát te prábravīmi

Pada: i     tán me gopāya

Pada: j     táñ śakeyam \

Pada: k     téna śakeyam \

Pada: l     téna rādʰyāsam //

Line : 11  Pada: m     sū́rya vratapate vratáṃ cariṣyāmi

Pada: n     tát te prabravīmi

Pada: o     tán me gopāya

Pada: p     táñ śakeyam \

Line : 12  Pada: q     téna śakeyam \

Pada: r     téna rādʰyāsam //

Pada: s     vratā́nām̐ vratapate vratáṃ cariṣyāmi

Pada: t     tát te prabravīmi

Line : 13  Pada: u     tán me gopāya

Pada: v     táñ śakeyam \

Pada: w     téna rādʰyāsam //


Anuvaka: 25  
Line : 14  Pada: a     pr̥tʰivī́ samít

Pada: b     tā́m agníḥ sámindʰiṣṭa

Pada: c     sā́gním̐ sámindʰiṣṭa

Pada: d     tā́m ahám̐ sámindʰiṣṭa

Line : 15  Pada: e     sā́ mā sámiddʰā súsamiddʰā téjasā brahmavarcaséna sámindʰiṣatām̐ svā́hā //

Line : 16  Pada: f     antárikṣam̐ samít

Pada: g     tā́m̐ vāyúḥ sámindʰiṣṭa

Pada: h     sā́ vayúm̐ sámindʰiṣṭa

Line : 17  Pada: i     tā́m ahám̐ sámindʰiṣṭa

Pada: j     sā́ mā sámiddʰā súsamiddʰā téjasā brahmavarcaséna sámindʰiṣatām̐ svā́hā //

Line : 18  Pada: k     dyaúḥ samít

Pada: l     tā́m ādityáḥ sámindʰiṣṭa

Page: 138  
Line : 1  Pada: m     sā́dityám̐ sámindʰiṣṭa

Pada: n     tā́m ahám̐ sámindʰiṣṭa

Pada: o     sā́ mā sámiddʰā súsamiddʰā téjasā brahmavarcaséna sámindʰiṣatām̐ svā́hā //

Line : 2  Pada: p     díśaḥ samít

Pada: q     tā́ṃ prajā́patiḥ sámindʰiṣṭa

Line : 3  Pada: r     sā́ prajā́patim̐ sámindʰiṣṭa

Pada: s     tā́m ahám̐ sámindʰiṣṭa

Pada: t     sā́ mā sámiddʰā súsamiddʰā téjasā brahmavarcaséna sámindʰiṣatām̐ svā́hā //


Anuvaka: 26  
Line : 5  Pada: a     ágne vratapate vratám acārṣam \

Pada: b     tát te prā́vocam \

Pada: c     tád aśakam \

Pada: d     ténāśakam \

Pada: e     ténārātsyam //

Line : 6  Pada: f     vā́yo vratapate vratám acārṣam \

Pada: g     tát te prā́vocam \

Pada: h     tád aśakam \

Pada: i     ténāśakam \

Line : 7  Pada: j     ténārātsyam //

Pada: k     sū́rya vratapate vratám acārṣam \

Pada: l     tát te prā́vocam \

Pada: m     tád aśakam \

Pada: n     ténāśakam \

Line : 8  Pada: o     ténārātsyam //

Pada: p     vratā́nām̐ vratapate vratám acārṣam \

Pada: q     tát te prā́vocam \

Pada: r     tád aśakam \

Line : 9  Pada: s     ténāśakam \

Pada: t     ténārātsyam //


Anuvaka: 27  
Line : 10  Pada: a     śáṃ no vā́to 'bʰívātu śáṃ nas tapatu sū́ryaḥ //

Line : 11  Pada: b     áhāni śáṃ bʰavantu naḥ śám̐ rā́trī prátidʰīyatām //

Line : 12  Pada: c     pr̥tʰivī́ śā́ntiḥ

Pada: d     saúṣadʰībʰiḥ śā́ntis \

Pada: e     antárikṣam̐ śā́ntis

Pada: f     tád vāyúnā śā́ntis \

Line : 13  Pada: g     dyaúḥ śā́ntiḥ

Pada: h     sā́ vŕ̥ṣṭyā śā́ntis \

Pada: i     ā́paḥ śā́ntis \

Pada: j     óṣadʰayaḥ śā́ntis \

Line : 14  Pada: k     vánaspátayaḥ śā́ntis \

Pada: l     víśve devā́ḥ śā́ntis \

Pada: m     bráhma śā́ntis \

Pada: n     brāhmaṇā́ḥ śā́ntiḥ

Line : 15  Pada: o     śā́ntiḥ sárvaśāntis

Pada: p     tváyāhám̐ śāntyā sárvaśāntyā máhyaṃ dvipáde ca cátuṣpade ca śā́ntiṃ karomi

Page: 139  
Line : 1  Pada: q     śā́ntir babʰūva

Pada: r     śā́ntir asi

Pada: s     śā́ntir no astu \

Pada: t     ábʰayaṃ no astu //

Line : 3  Pada: u     ā́po hí ṣṭʰā́ mayobʰúvas tā́ na ūrjé dadʰātana /

Line : 4  Pada: v     mahé ráṇāya cákṣase //

Line : 5  Pada: w     yó vaḥ śivátamo rásas tásya bʰājayatehá naḥ /

Line : 6  Pada: x     uśatī́r iva mātáraḥ //

Line : 7  Pada: y     tásmā áraṃ gamāma vo yásya kṣáyāya jínvatʰa /

Line : 8  Pada: z     ā́po janáyatʰā ca naḥ //

Line : 9  Pada: aa     ī́śānā vā́ryāṇāṃ kṣáyantīś carṣaṇīnā́m /

Line : 10  Pada: ab     apó yātā́m abʰeṣajáṃ tā́ naḥ kr̥ṇvántu bʰeṣajám //

Line : 11  Pada: ac     káyā naś citrá ā́bʰuvad ūtī́ sadā́vr̥dʰaḥ sákʰā /

Line : 12  Pada: ad     káyā śáciṣṭʰayā vr̥tā́ //

Line : 13  Pada: ae     kás tvā satyó mádānāṃ mám̐hiṣṭʰo matsad ándʰasaḥ /

Line : 14  Pada: af     dr̥ḍʰā́ cid ārúje vásu //

Line : 15  Pada: ag     abʰī́ ṣú ṇaḥ sákʰīnām avitā́ jaritr̥̄ṇā́m /

Line : 16  Pada: ah     śatáṃ bʰavāsy ūtíbʰiḥ //

Line : 17  Pada: ai     trātā́ram índram avitā́ram índram̐ hávehave suhávam̐ śū́ram índram /

Line : 18  Pada: aj     huvé nú śakráṃ puruhūtám índram̐ svastí no magʰávā dʰātv índraḥ //

Page: 140  
Line : 1  Pada: ak     svastí nā índro vr̥ddʰáśravāḥ svastí naḥ pūṣā́ viśvávedāḥ /

Line : 2  Pada: al     svastí nas tā́rkṣyo áriṣṭanemiḥ svastí no bŕ̥haspátir dadʰātu //

Line : 3  Pada: am     yátʰādityā́ am̐śúm āpyāyáyanti yátʰā́kṣitim ákṣitayaḥ píbanti /

Line : 4  Pada: an     evā́smā́n índro váruṇo bŕ̥haspátir ā́pyāyayantu bʰúvanasya gopā́ḥ //

Line : 5  Pada: ao     úd vayáṃ támasas pári jyótiḥ páśyantā úttaram /

Line : 6  Pada: ap     deváṃ devatrā́ sū́ryam áganma jyótir uttamám //

Line : 7  Pada: aq     mitrásya vaś cákṣuṣā sámīkṣāmahe //

Pada: ar     mitrásya vaś cákṣuṣā sámīkṣadʰvam //

Line : 8  Pada: as     bráhmaṇa upastáraṇam asi

Pada: at     bráhmaṇe tvópastr̥ṇāmi //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.