TITUS
Black Yajur-Veda: Maitrayani-Samhita
Part No. 50
Previous part

Prapathaka: 10  
Anuvaka: 1  
Line : 9  Pada: a     agnír vr̥trā́ṇi jaṅgʰanad draviṇasyúr vipanyáyā /

Line : 10  Pada: b     sámiddʰaḥ śukrá ā́hutaḥ //

Line : 11  Pada: c     tvám̐ somāsi sátpatis tvám̐ rā́jotá vr̥trahā́ /

Line : 12  Pada: d     tváṃ bʰadró asi krátuḥ //

Page: 141  
Line : 1  Pada: e     agnír mūrdʰā

Pada: f     bʰúvo yajñásya //

Line : 2  Pada: g     piprīhí deváṃ uśató yaviṣṭʰa vidváṃ r̥tū́m̐r r̥tupate yajehá /

Line : 3  Pada: h     yé daívyā r̥tvíjas tébʰir agne tvám̐ hótr̥̄ṇām asy ā́yajiṣṭʰaḥ //

Line : 4  Pada: i     ágne yád adyá viśó adʰvarasya hotaḥ pā́vakaśoce véṣ ṭvám̐ hí yájvā /

Line : 5  Pada: j     r̥tā́ yajāsi mahinā́ ví yád bʰū́r havyā́ vaha yaviṣṭʰa yā́ te adyá //

Line : 6  Pada: k     pr̥tʰupā́jā ámartyo gʰr̥tánirṇik svā̀hutaḥ /

Line : 7  Pada: l     agnír yajñásya havyavā́ṭ //

Line : 8  Pada: m     tám̐ sabā́dʰo yatásruca ittʰā́ dʰiyā́ yajñávantaḥ /

Line : 9  Pada: n     ā́cakrur agním ūtáye //

Line : 10  Pada: o     ágne rákṣā ṇo ám̐hasaḥ práti ṣma deva rī́ṣataḥ /

Line : 11  Pada: p     tápiṣṭʰair ajáro daha //

Line : 12  Pada: q     tváṃ naḥ soma viśváto rákṣā rājann agʰāyatáḥ /

Line : 13  Pada: r     ná riṣyet tvā́vataḥ sákʰā //

Line : 14  Pada: s     vaiśvānaró na ūtyā́

Pada: t     pr̥ṣṭó diví //

Line : 15  Pada: u     víśvāni no durgáhā jātavedaḥ síndʰuṃ ná nāvā́ duritā́ni parṣi /

Line : 16  Pada: v     ágne atriván námasā gr̥ṇānò 'smā́kaṃ bodʰy avitā́ tanū́nām //

Page: 142  
Line : 1  Pada: w     ágne tváṃ pārayā návyo asmā́nt svastíbʰir áti durgā́ṇi víśvā /

Line : 2  Pada: x     pū́ś ca pr̥tʰvī́ bahulā́ na urvī́ bʰávā tokā́ya tánayāya śám̐ yóḥ //

Line : 3  Pada: y     ágnāviṣṇū sajóṣasemā́ vardʰantu vā́ṃ gíraḥ /

Line : 4  Pada: z     dyumnaír vā́jebʰir ā́gatam //

Line : 5  Pada: aa     ágnāviṣṇū máhi dʰā́ma priyám̐ vāṃ pātʰó gʰr̥tásya gúhyāni nā́ma /

Line : 6  Pada: ab     dámedame saptá rátnā dádʰānā práti vāṃ jihvā́ gʰr̥tám úccaraṇyat //

Line : 7  Pada: ac     pāvakā́ naḥ sárasvatī vā́jebʰir vājínīvatī /

Line : 8  Pada: ad     yajñám̐ vaṣṭu dʰiyā́vasuḥ //

Line : 9  Pada: ae     ā́ no divó br̥hataḥ párvatād ā́ * sárasvatī yajatā́ gantu yajñám /
      FN emended. Ed.: ā.

Line : 10  Pada: af     hávaṃ devī́ jujuṣāṇā́ gʰr̥tā́cī śagmā́ṃ no vā́cam uśatī́ śr̥ṇotu //

Line : 11  Pada: ag     yé te sarasva ūrmáyo mádʰumanto gʰr̥taścútaḥ /

Line : 12  Pada: ah     téṣāṃ te sumnám īmahe //

Line : 13  Pada: ai     yásya vratáṃ paśávo yánti sárve yásya vratám upatíṣṭʰantā ā́paḥ /

Line : 14  Pada: aj     yásya vraté puṣṭipátir níviṣṭas tám̐ sárasvantam ávase huvema //

Line : 15  Pada: ak     agníḥ pratnéna mánmanā śúmbʰānas tanvàm̐ svā́m /

Line : 16  Pada: al     kavír vípreṇa vāvr̥dʰe //

Line : 17  Pada: am     sóma gīrbʰíṣ ṭvā vayám̐ vardʰáyāmo vacovídaḥ /

Line : 18  Pada: an     sumr̥ḍīkó nā ā́viśa //

Page: 143  
Line : 1  Pada: ao     tvám agne vīrávad yáśo deváś ca savitā́ bʰágaḥ /

Line : 2  Pada: ap     dítiś ca dāti vā́ryam //

Line : 3  Pada: aq     tváṃ bʰágo nā ā́ hí rátnam iṣé párijmeva kṣayasi dasmávarcāḥ /

Line : 4  Pada: ar     ágne mitró ná br̥hatá r̥tásyā́si kṣattā́ vāmásya deva bʰū́reḥ //

Line : 5  Pada: as     préddʰo agne //

Line : 6  Pada: at     imó agne vītátamāni havyā́jasro vakṣi devátātim ácʰa /

Line : 7  Pada: au     práti na īm̐ surabʰī́ṇi vyantu //

Line : 8  Pada: av     ágnā ā́yūm̐ṣi pavase \

Pada: aw     agnír ŕ̥ṣiḥ //

Line : 9  Pada: ax     tám̐ hí śásvantā ī́ḍate srucā́ deváṃ gʰr̥taścútā /

Line : 10  Pada: ay     agním̐ havyā́ya vóḍʰave //

Line : 11  Pada: az     agnímagnim̐ hávīmabʰiḥ sádā havanta viśpátim /

Line : 12  Pada: ba     havyavā́haṃ purupriyám //

Line : 13  Pada: bb     ágne pāvaka rocíṣā

Pada: bc     sá naḥ pāvaka dīdivas \

Pada: bd     agníḥ śúcivratatamas \

Line : 14  Pada: be     úd agne śúcayas táva //

Line : 15  Pada: bf     sá havyavā́ḍ ámartya uśig dūtáś cánohitaḥ /

Page: 144  
Line : 1  Pada: bg     agnír dʰiyā́ sámr̥ṇvati //

Line : 2  Pada: bh     agním̐ stómena bodʰaya samidʰānó ámartyam /

Line : 3  Pada: bi     havyā́ devéṣu no dadʰat //

Line : 4  Pada: bj     kím ít te viṣṇo paricákṣyaṃ bʰūt prá yád vavakṣé śipiviṣṭó asmi /

Line : 5  Pada: bk     mā́ várpo asmád ápagūha etád yád anyárūpaḥ samitʰé babʰū́tʰa //

Line : 6  Pada: bl     prá tát te adyá śipiviṣṭa nā́māryáḥ śam̐sāmi vayúnāni vidvā́n /

Line : 7  Pada: bm     táṃ tvā gr̥ṇāmi tavásam átavyān kṣáyantam asyá rájasaḥ parāké //

Line : 8  Pada: bn     sutrā́māṇaṃ pr̥tʰivī́ṃ dyā́m anehásam̐ suśármāṇam áditim̐ supráṇītim /

Line : 9  Pada: bo     daívīṃ nā́vam̐ svaritrā́m ánāgasam ásravantīm ā́ruhemā svastáye //

Line : 10  Pada: bp     mahī́m ū ṣú mātáram̐ suvratā́nām r̥tásya pátnīm ávase huvema /

Line : 11  Pada: bq     tuvikṣatrā́m ajárantīm urūcī́m̐ suśármāṇam áditim̐ supráṇītim //

Line : 12  Pada: br     ágnīṣomā sávedasā sáhūtī vanataṃ gíraḥ /

Line : 13  Pada: bs     sáṃ devatrā́ babʰūvatʰuḥ //

Line : 14  Pada: bt     yuvám etā́ni diví rocanā́ny agníś ca soma sákratū adʰattam /

Line : 15  Pada: bu     yuvám̐ síndʰū́m̐r abʰíśaster avadyā́d ágnīṣomā ámuñcataṃ gr̥bʰītā́n //


Anuvaka: 2  
Page: 145  
Line : 1  Pada: a     ágnā ā́yāhi vītáye gr̥ṇānó havyádātaye /

Line : 2  Pada: b     ní hótā satsi barhíṣi //

Line : 3  Pada: c     agníṃ dūtám̐ vr̥ṇīmahe hótāram̐ viśvávedasam /

Line : 4  Pada: d     asyá yajñásya sukrátum //

Line : 5  Pada: e     agnínāgníḥ sámidʰyate kavír gr̥hápatir yúvā /

Line : 6  Pada: f     havyavā́ḍ juhvā̀syaḥ //

Line : 7  Pada: g     agnír vr̥trā́ṇi jaṅgʰanat \

Pada: h     agním̐ stómena bodʰaya \

Pada: i     ágnā āyūm̐ṣi pavase \

Pada: j     ágne tám adyá

Line : 8  Pada: k     ābʰíṣ ṭe adyá //

Line : 9  Pada: l     ebʰír no arkaír bʰávā no arvā́ṅ svàr ṇá jyótiḥ * /
      FN Pada: svàr / ná / jyótiḥ. Ed.: svarṇájyotiḥ

Line : 10  Pada: m     ágne víśvebʰiḥ sumánā ánīkaiḥ //

Line : 11  Pada: n     ádʰā hy àgne //

Line : 12  Pada: o     agnéḥ stómaṃ manāmahe sidʰrám adyá divispŕ̥śaḥ /

Line : 13  Pada: p     devásya draviṇasyávaḥ //

Line : 14  Pada: q     ágnā yó mártyo dúvo dʰíyaṃ jujóṣa dʰītíbʰiḥ /

Line : 15  Pada: r     bʰásan nú ṣá prá pūrvyá íṣam̐ vurītā́vase //

Page: 146  
Line : 1  Pada: s     tvám agne saprátʰā asi júṣṭo hótā váreṇyaḥ /

Line : 2  Pada: t     tváyā yajñám̐ vítanvate //

Line : 3  Pada: u     vŕ̥ṣā soma dyumáṃ asi vŕ̥ṣā deva vŕ̥ṣavrataḥ /

Line : 4  Pada: v     vŕ̥ṣā dʰármāṇi dadʰiṣe //

Line : 5  Pada: w     agnír jātó arocata gʰnán dásyūn jyótiṣā támaḥ /

Line : 6  Pada: x     ávindad gā́ apáḥ svàḥ //

Line : 7  Pada: y     ágre * br̥hán //
      FN emended. Ed.: ágne. cf. 2.7.8:85.14

Line : 8  Pada: z     imáṃ me varuṇa śrudʰī * hávam adyā́ ca mr̥ḍaya /
      FN Pada: śrudʰi

Line : 9  Pada: aa     tvā́m avasyúr ā́cake //

Line : 10  Pada: ab     tát tvā yāmi \

Pada: ac     agnínāgníḥ //

Line : 11  Pada: ad     tvám̐ hy àgne agnínā vípro vípreṇa sánt satā́ /

Line : 12  Pada: ae     sákʰā sákʰyā samidʰyáse //

Line : 13  Pada: af     prá sá mitra márto astu práyasvān yás ta āditya śíkṣati vraténa /

Line : 14  Pada: ag     ná hanyate ná jīyate tvóto naínam ám̐ho aśnoty ántito ná dūrā́t //

Line : 15  Pada: ah     anamīvā́sā * ī́ḍayā mádanto mitájñavo várimann ā́ pr̥tʰivyā́ḥ /
      FN emended. Ed.: anamīmā́sā. cf. 4.12.6:197.8

Line : 16  Pada: ai     ādityásya vratám upakṣiyánto vayáṃ mitrásya sumataú syāma //

Page: 147  
Line : 1  Pada: aj     tát sū́ryasya devatváṃ tán mahitváṃ madʰyā́ kártor vítatam̐ sáṃjabʰāra * /
      FN emended. Ed.: sájabʰāra.

Line : 2  Pada: ak     yadéd áyukta harítaḥ sadʰástʰād ā́d rā́trī vā́sas tanute simásmai //

Line : 3  Pada: al     bʰadrā́ áśvā harítaḥ sū́ryasya citrā́ étagvā anumā́dyāsaḥ /

Line : 4  Pada: am     namasyánto divá ā́ pr̥ṣṭʰám astʰuḥ pári dyā́vāpr̥tʰivī́ yanti sadyáḥ //

Line : 5  Pada: an     tvám agne vratapā́ asi //

Line : 6  Pada: ao     yád vo vayáṃ praminā́ma vratā́ni vidúṣāṃ devā áviduṣṭarāsaḥ /

Line : 7  Pada: ap     agníṣ ṭád víśvam ā́pr̥ṇāti vidvā́n yébʰir deváṃ r̥túbʰiḥ kalpáyāti //

Line : 8  Pada: aq     ágne náya //

Line : 9  Pada: ar     ā́ devā́nām ápi pántʰām aganma yáñ śaknávāma tád ánu právoḍʰum /

Line : 10  Pada: as     agnír vidvā́nt sá yajāt séd u hótā só adʰvarā́nt sá r̥tū́n kalpayāti //

Line : 12  Pada: at     agníḥ śúcivratatamas \

Pada: au     úd agne śúcayas táva \

Pada: av     ákrandad agnís \

Pada: aw     náktoṣā́sā //

Line : 13  Pada: ax     ā́yāhi tápasā jániṣvā́gne pāvakó arcíṣā /

Line : 14  Pada: ay     úpemā́m̐ suṣṭutíṃ máma //

Line : 15  Pada: az     ā́ no yāhi tápasā jániṣvā́gne pāvaka dīdyat /

Line : 16  Pada: ba     havyā́ devéṣu no dádʰat //


Anuvaka: 3  
Page: 148  
Line : 1  Pada: a     abʰí tvā deva savitar ī́śānam̐ vā́ryāṇām /

Line : 2  Pada: b     sádāvan bʰāgám īmahe //

Line : 3  Pada: c     mahī́ dyaúḥ pr̥tʰivī́ ca nas

Pada: d     tvā́m agne púṣkarād ádʰi

Pada: e     tám u tvā dadʰyáṅṅ ŕ̥ṣis

Pada: f     tám u tvā pātʰyó vŕ̥ṣā //

Line : 5  Pada: g     utá bruvantu jantávā úd agnír vr̥trahā́jani /

Line : 6  Pada: h     dʰanaṃjayó ráṇeraṇe //

Line : 7  Pada: i     ā́ yám̐ háste ná kʰādínam̐ śíśuṃ jātáṃ ná bíbʰrati /

Line : 8  Pada: j     viśā́m agním̐ svadʰvarám //

Line : 9  Pada: k     prá deváṃ devávītaye bʰáratā vasuvíttamam /

Line : 10  Pada: l     ā́ své yónau níṣīdatu //

Line : 11  Pada: m     ā́ jātáṃ jātávedasi priyám̐ śiśītā́titʰim /

Line : 12  Pada: n     syoná ā́ gr̥hápatim //

Line : 13  Pada: o     agnínāgnís

Pada: p     tvám̐ hy àgne agnínā //

Line : 14  Pada: q     táṃ marjayanta sukrátuṃ puroyā́vānam ājíṣu /

Line : 15  Pada: r     svéṣu kṣáyeṣu vājínam //

Line : 16  Pada: s     yajñéna yajñám ayajanta devā́s tā́ni dʰármāṇi pratʰamā́ny āsan /

Page: 149  
Line : 1  Pada: t     té ha nā́kaṃ mihimā́naḥ sacanta yátra pū́rve sādʰyā́ḥ sánti devā́ḥ //

Line : 2  Pada: u     samídʰo agnā ā́jyasya vyantu

Pada: v     tánūnápād agnā ā́jyasya vetu \

Pada: w     íḍo agnā ā́jyasya vyantu

Line : 3  Pada: x     barhír agnā ā́jyasya vetu

Pada: y     dúro agnā ā́jyasya vyantu \

Pada: z     uṣā́sānáktāgnā ā́jyasya vītām \

Line : 4  Pada: aa     daívyā hótārāgnā ā́jyasya vītām \

Line : 5  Pada: ab     tisró devī́r agnā ā́jyasya vyantu svā́hā \

Pada: ac     agním̐ svā́hā

Pada: ad     sómam̐ svā́hā \

Pada: ae     agním̐ svā́hā \

Line : 6  Pada: af     agním̐ hotrā́t svā́hā

Pada: ag     devā́ ājyapā́ juṣāṇā́ agnā ā́jyasya vyantu //

Line : 7  Pada: ah     ágne yám̐ yajñám adʰvarám̐ viśvátaḥ paribʰū́r ási /

Line : 8  Pada: ai     sá íd devéṣu gacʰati //

Line : 9  Pada: aj     tváṃ naḥ soma viśvátas \

Pada: ak     agnír mūrdʰā́

Pada: al     bʰúvo yajñásya //

Line : 10  Pada: am     sóma yā́s te mayobʰúva ūtáyaḥ sánti dāśúṣe /

Line : 11  Pada: an     tā́bʰir no 'vitā́ bʰava //

Line : 12  Pada: ao     yā́ te dʰā́māni diví yā́ pr̥tʰivyā́m̐ yā́ párvateṣv óṣadʰīṣv apsú /

Line : 13  Pada: ap     tébʰir no víśvaiḥ sumánā áheḍan rā́jant soma práti havyā́ gr̥bʰāya //

Line : 14  Pada: aq     tát savitúr váreṇyaṃ bʰárgo devásya dʰīmahi /

Line : 15  Pada: ar     dʰíyo yó naḥ pracodáyāt //

Line : 16  Pada: as     ácittī yác cakr̥mā́ daívye jáne dīnaír dákṣaiḥ prábʰūtī puruṣatvátā /

Line : 17  Pada: at     devéṣu ca savitar mā́nuṣeṣu ca tváṃ no átra suvatād ánāgasaḥ //

Page: 150  
Line : 1  Pada: au     pāvakā́ naḥ sárasvatī \

Pada: av     ā́ no diváḥ //

Line : 2  Pada: aw     pūṣā́ gā́ ánvetu naḥ pūṣā́ rakṣatv árvataḥ /

Line : 3  Pada: ax     pūṣā́ vā́jam̐ sanotu naḥ //

Line : 4  Pada: ay     śukráṃ te anyád yajatáṃ te anyád víṣurūpe áhanī dyaúr ivāsi /

Line : 5  Pada: az     víśvā hí māyā́ ávasi svadʰāvo bʰadrā́ te pūṣann ihá rātír astu //

Line : 6  Pada: ba     ihéha vaḥ svatavasaḥ kávayaḥ sū́ryatvacaḥ /

Line : 7  Pada: bb     yajñáṃ marutā ā́vr̥ṇe //

Line : 8  Pada: bc     prá citrám arkáṃ gr̥ṇaté turā́ya mā́rutāya svátavase bʰaradʰvam /

Line : 9  Pada: bd     yé sáhām̐si sáhasā sáhante réjate agne pr̥tʰivī́ makʰébʰyaḥ //

Line : 10  Pada: be     víśve devā́ r̥tāvŕ̥dʰa r̥túbʰir havanaśrútaḥ /

Line : 11  Pada: bf     juṣántām̐ yújyaṃ páyaḥ //

Line : 12  Pada: bg     víśve devā́so asrídʰā éhimāyāso adrúhaḥ /

Line : 13  Pada: bh     médʰaṃ juṣanta váhnayaḥ //

Line : 14  Pada: bi     dyā́vā naḥ pr̥tʰivī́ imám̐ sidʰrám adyá divispŕ̥śam /

Line : 15  Pada: bj     yajñáṃ devéṣu yacʰatām //

Line : 16  Pada: bk     prá pūrvajé pitárā návyasībʰir gīrbʰíḥ kr̥ṇudʰvam̐ sádane r̥tásya /

Line : 17  Pada: bl     ā́ no dyāvāpr̥tʰivī daívyena jánena yātaṃ máhi vām̐ várūtʰam //

Page: 151  
Line : 1  Pada: bm     sá havyavā́ṭ \

Pada: bn     agním̐ stómena //

Line : 2  Pada: bo     deváṃ barhír

Pada: bp     vasuváne vasudʰéyasya vetu

Pada: bq     devī́r dvā́ras \

Pada: br     vasuváne vasudʰéyasya vyantu

Line : 3  Pada: bs     devī uṣā́sānáktā

Pada: bt     vasuváne vasudʰéyasya vītām \

Pada: bu     devī́ jóṣṭrī

Pada: bv     vasuváne vasudʰéyasya vītām \

Line : 4  Pada: bw     devī́ ūrjā́hutī

Pada: bx     vasuváne vasudʰéyasya vītām \

Pada: by     devā́ daívyā hótārā

Line : 5  Pada: bz     vasuváne vasudʰéyasya vītām \

Pada: ca     devī́s tisrás tisró devī́r

Pada: cb     vasuváne vasudʰéyasya vyantu

Line : 6  Pada: cc     devó nárāśám̐sas \

Pada: cd     vasuváne vasudʰéyasya vetu

Pada: ce     devó agníḥ sviṣṭakŕ̥t sudráviṇā mandráḥ kavíḥ

Line : 7  Pada: cf     satyámanmāyajī́ hótā hóturhotur ā́yajīyān

Line : 8  Pada: cg     ágne yā́n devā́n áyāḍ yáṃ ápiprer yé te hotré ámatsata tā́m̐ sasanúṣīm̐ hótrāṃ devaṃgamā́ṃ diví deveṣu yajñám érayemám \

Line : 9  Pada: ch     sviṣṭakŕ̥c cāgne hótābʰūr

Line : 10  Pada: ci     vasuváne vasudʰéyasya namovāké vīhi //

Pada: cj     vā́jevāje

Pada: ck     śáṃ no bʰavantu //


Anuvaka: 4  
Line : 12  Pada: a     prá deváṃ devyā́ dʰiyā́ bʰáratā jātávedasam /

Line : 13  Pada: b     havyā́ no vakṣad ānuṣák //

Line : 14  Pada: c     ayám u ṣyá prá devayúr hótā yajñā́ya nīyate /

Line : 15  Pada: d     rátʰo ná yór abʰī́vr̥to gʰŕ̥ṇīvāñ cetati tmánā //

Page: 152  
Line : 1  Pada: e     ayám agnír uruṣyaty amŕ̥tād iva jánmanaḥ /

Line : 2  Pada: f     sáhasaś cit sáhīyān devó jīvā́tave kr̥táḥ //

Line : 3  Pada: g     íḍāyās tvā padé vayám //

Line : 4  Pada: h     ágne víśvebʰiḥ svanīka devaír ū́rṇāvantaṃ pratʰamáḥ sīda yónim /

Line : 5  Pada: i     kulāyínaṃ gʰr̥távantam̐ savitré yajñáṃ naya yájamānāya sādʰú //

Line : 6  Pada: j     sī́da hotar

Pada: k     ní hótā //

Line : 7  Pada: l     tváṃ dūtás tvám u naḥ paraspā́s tvám̐ vásyā ā́ vr̥ṣabʰa praṇetā́ /

Line : 8  Pada: m     ágne tokásya nas táne tanū́nām áprayucʰan dī́dyad bodʰi gopā́ḥ //

Line : 9  Pada: n     agnínā rayím aśnavat póṣam evá divédive /

Line : 10  Pada: o     yaśásam̐ vīrávattamam //

Line : 11  Pada: p     gayaspʰā́no amīvahā́ vasuvít puṣṭivárdʰanaḥ /

Line : 12  Pada: q     sumitráḥ soma no bʰava //

Line : 13  Pada: r     índrāgnī rocanā́ diváḥ pári vā́jeṣu bʰūṣatʰaḥ /

Line : 14  Pada: s     tád vāṃ ceti prá vīryàm //

Line : 15  Pada: t     prá carṣaṇíbʰyaḥ pr̥tanāháveṣu prá pr̥tʰivyā́ riricātʰe diváś ca /

Line : 16  Pada: u     prá síndʰubʰyaḥ prá giríbʰyo mahitvā́ préndrāgnī víśvā bʰúvanā́ty anyā́ //

Page: 153  
Line : 1  Pada: v     máruto yád dʰa vo diváḥ sumnāyánto hávāmahe /

Line : 2  Pada: w     ā́ tū́ nā úpagantana //

Line : 3  Pada: x     yā́ vaḥ śárma śaśamānā́ya sánti tridʰā́tūni dāśúṣe yacʰatā́dʰi /

Line : 4  Pada: y     asmábʰyaṃ tā́ni maruto víyanta rayíṃ no dʰatta vr̥ṣaṇaḥ suvī́ram //

Line : 5  Pada: z     imáṃ me varuṇa

Pada: aa     tát tvā yāmi

Pada: ab     káyā naḥ

Pada: ac     kó adyá

Pada: ad     piprīhí devā́n

Pada: ae     ágne yád adyá \

Line : 6  Pada: af     apsv àgne sádʰiṣ ṭáva //

Line : 7  Pada: ag     apsú me sómo abravīd antár víśvāni bʰeṣajā́ /

Line : 8  Pada: ah     ā́paś ca viśváśaṃbʰuvaḥ //

Line : 9  Pada: ai     úd uttamám̐ varuṇa pā́śam asmát //

Line : 10  Pada: aj     áva te héḍo varuṇa námobʰir áva yajñébʰir īmahe havírbʰiḥ /

Line : 11  Pada: ak     kṣáyann asmábʰyam asura pracetā rā́jann énām̐si śiśratʰaḥ kr̥tā́ni //

Line : 12  Pada: al     tváṃ no agne váruṇasya vidvā́n devásya héḍó 'vayāsisīṣṭʰāḥ /

Line : 13  Pada: am     yájiṣṭʰo váhnitamaḥ śóśucāno víśvā dvéṣām̐si prámumugdʰy asmát //

Line : 14  Pada: an     sá tváṃ no agne 'avamó bʰavotī́ nédiṣṭʰo asyā́ uṣáso vyùṣṭau /

Line : 15  Pada: ao     ávayakṣva no váruṇam̐ rárāṇo vīhí mr̥ḍīkám̐ suhávo na edʰi //


Anuvaka: 5  
Page: 154  
Line : 1  Pada: a     agnír vr̥trā́ṇi jaṅgʰanat

Pada: b     tvám̐ somāsi sátpatiḥ //

Line : 2  Pada: c     ánīkair dvéṣo ardayā́gne víśvābʰir ūtíbʰiḥ /

Line : 3  Pada: d     rayíṃ no dʰehi yajñíyam //

Line : 4  Pada: e     saínānīkena suvidátro asmé yáṣṭā deváṃ ā́yajiṣṭʰaḥ svastí /

Line : 5  Pada: f     ádabdʰo gopā́ utá naḥ paraspā́ ágne dyumád utá revád didīhi //

Line : 6  Pada: g     piprīhí devā́n

Pada: h     ā́ devā́nām //

Line : 7  Pada: i     sā́ṃtapanā idám̐ havír márutas táj jujuṣṭana /

Line : 8  Pada: j     yuṣmā́kotī́ riśādasaḥ //

Line : 9  Pada: k     yó no maruto abʰí durhr̥ṇāyús tiráś cittā́ni vasavo jígʰām̐sati /

Line : 10  Pada: l     druháḥ * pā́śān práti sá mucīṣṭa tápiṣṭʰena hánmanā hantanā tám //
      FN emended. Ed.: draháḥ.

Line : 11  Pada: m     agníḥ pratnéna mánmanā

Pada: n     sóma gīrbʰíṣ ṭvā vayám //

Line : 12  Pada: o     gŕ̥hamedʰāsā ā́gata máruto mā́pabʰūtana /

Line : 13  Pada: p     imā́ havyā́ jujuṣṭana //

Line : 14  Pada: q     prá budʰnyā̀ va īrate máhām̐si prá nā́māni prayajyavas tiradʰvam /

Line : 15  Pada: r     sahasríyaṃ dámyaṃ bʰāgám etáṃ gr̥hamedʰī́yaṃ maruto juṣadʰvam //

Line : 16  Pada: s     préddʰo agne \

Pada: t     imó agne //

Page: 155  
Line : 1  Pada: u     agním īḍe puróhitam̐ yajñásya devám r̥tvíjam /

Line : 2  Pada: v     hótāram̐ ratnadʰā́tamam //

Line : 3  Pada: w     vŕ̥ṣā soma dyumáṃ asi //

Line : 4  Pada: x     krīḍám̐ vaḥ śardʰo mā́rutam anarvā́ṇam̐ ratʰeśúbʰam /

Line : 5  Pada: y     káṇvā abʰí prágāyata //

Line : 6  Pada: z     átyāso ná yé marútaḥ sváñco yakṣadr̥śo ná śubʰáyanta máryāḥ /

Line : 7  Pada: aa     té harmyeṣṭʰā́ḥ śiśavo ná śubʰrā́ vatsā́so ná prakrīḍínaḥ payodʰā́ḥ //

Line : 8  Pada: ab     tám̐ hí śáśvantas \

Pada: ac     agnímagnim //

Line : 9  Pada: ad     índrāgnī navatíṃ púro dāsápatnīr adʰūnutam /

Line : 10  Pada: ae     sākám ékena kármaṇā //

Line : 11  Pada: af     śnátʰad vr̥trám utá sanoti vā́jam índrā yó agnī́ sáhurī saparyā́t /

Line : 12  Pada: ag     irajyántā vasavyàsya bʰū́reḥ sáhastamā sáhasā vājayántā //

Line : 13  Pada: ah     tám índram̐ vājayāmasi //

Line : 14  Pada: ai     yujé rátʰaṃ gāéṣaṇam̐ * háribʰyām úpa bráhmāṇi jujuṣāṇám astʰuḥ /
      FN R̥V.7.23.3 gavéṣaṇaṃ.

Line : 15  Pada: aj     víbādʰiṣṭa sya ródasī mahitvéndro vr̥trā́ṇy apratī́ jagʰanvā́n //

Line : 16  Pada: ak     víśvakarman

Pada: al     vācáspátim //


Anuvaka: 6  
Page: 156  
Line : 1  Pada: a     uśántas tvā havāmahe //

Line : 2  Pada: b     ā́ no agne sucetúnā rayím̐ viśvā́yupoṣasam /

Line : 3  Pada: c     mārḍīkáṃ dʰehi jīváse //

Line : 4  Pada: d     tvám̐ soma mahé bʰágaṃ tvám̐ yū́na r̥tāyate /

Line : 5  Pada: e     dákṣaṃ dadʰāsi jīváse //

Line : 6  Pada: f     tvám̐ soma prácikito manīṣā́ tvám̐ rájiṣṭʰam ánu neṣi pántʰām /

Line : 7  Pada: g     táva práṇītī pitáro na indo devéṣu rátnam abʰajanta dʰī́rāḥ //

Line : 8  Pada: h     tváyā hí naḥ pitáraḥ soma pū́rve kármāṇi cakrúḥ pavamāna dʰī́rāḥ /

Line : 9  Pada: i     vanvánn ávātaḥ paridʰī́m̐r áporṇu vīrébʰir áśvair magʰávā bʰavā naḥ //

Line : 10  Pada: j     tvám̐ soma pitŕ̥bʰiḥ sam̐vidānó 'nu dyā́vāpr̥tʰivī́ ā́tatantʰa /

Line : 11  Pada: k     tásmai ta indo havíṣā vidʰema vayám̐ syāma pátayo rayīṇā́m //

Line : 12  Pada: l     bárhiṣadaḥ pitara ūty àrvā́g imā́ vo havyā́ cakr̥mā juṣádʰvam /

Line : 13  Pada: m     tá ā́gatā́vasā śáṃtamenā́tʰā naḥ śám̐ yór arapó dadʰātana //

Line : 14  Pada: n     úpahūtāḥ pitáraḥ somyā́so barhiṣyèṣu nidʰíṣu priyéṣu /

Line : 15  Pada: o     tá ā́gamantu tá ihá śruvantv ádʰibruvantu tè 'vantv asmā́n //

Line : 16  Pada: p     ā́háṃ pitŕ̥̄nt suvidátraṃ avitsi nápātaṃ ca vikrámaṇaṃ ca víṣṇoḥ /

Page: 157  
Line : 1  Pada: q     barhiṣádaḥ svadʰáyā yé sutásya bʰájanta pitvás tá ihā́gamiṣṭʰāḥ //

Line : 2  Pada: r     idáṃ pitŕ̥bʰyo námo astv adyá yé pū́rvāso yá úparāsa īyúḥ /

Line : 3  Pada: s     yé pā́rtʰive rájasy ā́ níṣattā yé vā nūnám̐ suvr̥jánāsu vikṣú //

Line : 4  Pada: t     údīratām ávarā út párāsā ún madʰyamā́ḥ pitáraḥ somyā́saḥ /

Line : 5  Pada: u     ásum̐ ya īyúr avr̥kā́ r̥tajñā́s té no 'vantu pitáro háveṣu //

Line : 6  Pada: v     ágniṣvāttā r̥tāvr̥dʰaḥ pítaro mr̥ḍátā sú naḥ /

Line : 7  Pada: w     dīrgʰāyutvā́ya jīváse //

Line : 8  Pada: x     agniṣvāttā́n r̥tumáto havāmahe nárāśám̐se somapītʰám̐ yá āśúḥ /

Line : 9  Pada: y     té no víprāsaḥ suhávā mr̥ḍantu śáṃ no bʰavantu dvipáde śáṃ cátuṣpade //

Line : 10  Pada: z     ágniṣvāttāḥ pitarā éhá gacʰata sádaḥsadaḥ sadata supraṇītayaḥ /

Line : 11  Pada: aa     attā́ havī́m̐ṣi práyatāni barhíṣy átʰā rayím̐ sárvavīraṃ dadʰātana //

Line : 12  Pada: ab     sá pratnátʰā sáhasā jā́yamānaḥ sadyáḥ kā́vyāni báḍ adʰatta víśvā /

Line : 13  Pada: ac     ā́paś ca mitráṃ dʰiṣáṇā ca sādʰan devā́ agníṃ dʰārayan draviṇodā́m //

Line : 14  Pada: ad     sá * pū́rvayā nivídā kavyátāyór imā́ḥ prajā́ ajanayan mánūnām /
      FN emended. Ed.: sa.

Line : 15  Pada: ae     vivásvatā cákṣasā dyā́m apáś ca devā́ agníṃ dʰārayan draviṇodā́m //

Line : 16  Pada: af     yé tātr̥ṣúr devatrā́ jéhamānā hotrāvídaḥ stómataṣṭāso arkaíḥ /

Page: 158  
Line : 1  Pada: ag     ā́gne yāhi suvidátrebʰir arvā́k satyaíḥ kavyaíḥ pitŕ̥bʰir gʰarmasádbʰiḥ //

Line : 2  Pada: ah     prá vāyúm ácʰā br̥hatī́ manīṣā́ br̥hádrayim̐ viśvávāram̐ ratʰaprā́m /

Line : 3  Pada: ai     dyutádyāmā niyútaḥ pátyamānaḥ kavíḥ kavím iyakṣasi prayajyo //

Line : 4  Pada: aj     prá yā́bʰir yā́si dāśvā́m̐sam ácʰā niyúdbʰir vāya iṣṭáye duroṇé /

Line : 5  Pada: ak     ní no rayím̐ subʰójasam̐ yuvasva ní vīráṃ gávyam áśvyaṃ ca rā́dʰaḥ //

Line : 6  Pada: al     índram̐ vayám̐ śunāsīrám asmín yajñé havāmahe /

Line : 7  Pada: am     sá naḥ parṣad áti dvíṣaḥ //

Line : 8  Pada: an     sò 'horātraíḥ sò 'rdʰamāsaíḥ sá mā́saiḥ sá r̥túbʰiḥ pári yajñáṃ babʰūva /

Line : 9  Pada: ao     sam̐vatsarásya mahimā́nam etám̐ śunāsīrám índram adyā́huvema //

Line : 10  Pada: ap     saptá tvā haríto rátʰe váhanti deva sūrya /

Line : 11  Pada: aq     śocíḥkeśaṃ purupriya //

Line : 12  Pada: ar     taráṇir viśvádarśato jyotiṣkŕ̥d asi sūrya /

Line : 13  Pada: as     víśvam ā́bʰāsi rocanám //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.