TITUS
Black Yajur-Veda: Maitrayani-Samhita
Part No. 51
Previous part

Prapathaka: 11  
Anuvaka: 1  
Page: 159  
Line : 1  Pada: a     índrāgnī rocanā́ diváḥ

Pada: b     prá carṣaṇíbʰyas \

Pada: c     índrāgnī navatíṃ púraḥ

Pada: d     śnátʰad vr̥trám //

Line : 3  Pada: e     júṣṭo dámūnā átitʰir duroṇá imáṃ no yajñám úpayāhi vidvā́n /

Line : 4  Pada: f     víśvā agne abʰiyújo vihátyā śatrūyatā́m ā́bʰarā bʰójanāni //

Line : 5  Pada: g     ágne śárdʰa mahaté saúbʰagāya táva dyumnā́ny uttamā́ni santu /

Line : 6  Pada: h     sáṃ jāspatyám̐ suyámam ā́kr̥ṇuṣva śatrūyatā́m abʰítiṣṭʰā máhām̐si //

Line : 7  Pada: i     prá vām arcanty uktʰíno nītʰāvído jaritā́raḥ /

Line : 8  Pada: j     índrāgnī íṣā ā́vr̥ṇe //

Line : 9  Pada: k     úpo ha yád vidátʰam̐ vājíno gúr dʰībʰír víprāḥ prámatim icʰámānāḥ /

Line : 10  Pada: l     árvanto na kā́ṣṭʰāṃ nákṣamāṇā indrāgnī́ jóhuvato náras té //

Line : 11  Pada: m     agnír dadāti sátpatim̐ sāsā́ha yó yudʰā́ nŕ̥bʰiḥ /

Line : 12  Pada: n     agnír átyam̐ ragʰuṣyádaṃ jétāram áparājitam //

Line : 13  Pada: o     agnís tuvíśravastamaṃ tuvíbrahmāṇam uttamám /

Line : 14  Pada: p     atū́rtam̐ śrāvayátpatiṃ putráṃ dadāti dāśúṣe //

Line : 15  Pada: q     yā́ vām̐ sánti puruspŕ̥ho niyúto dāśúṣe narā /

Line : 16  Pada: r     índrāgnī tā́bʰir ā́gatam //

Line : 17  Pada: s     śúciṃ nú stómaṃ návajātam adyéndrāgnī vr̥trahaṇā juṣétʰām /

Page: 160  
Line : 1  Pada: t     ubʰā́ hí vām̐ suhávā jóhavīmi tā́ vā́jam̐ sadyá uśaté dʰéṣṭʰā //

Line : 2  Pada: u     pūṣā́ gā́ ánvetu naḥ

Pada: v     śukráṃ te anyát //

Line : 3  Pada: w     kṣétrasya pátinā vayám̐ hiténeva jayāmasi /

Line : 4  Pada: x     gā́m áśvaṃ poṣayitnv ā́ sá no mr̥ḍātīdŕ̥śe //

Line : 5  Pada: y     mádʰumatīr óṣadʰīr dyā́vā ā́po mádʰuman no bʰavatv antárikṣam /

Line : 6  Pada: z     kṣétrasya pátir mádʰumān no astv áriṣyanto ánv enaṃ carema //

Line : 7  Pada: aa     sám̐sam ít //

Line : 8  Pada: ab     sákʰāyaḥ sám̐ vaḥ samyáñcam íṣam̐ stómaṃ cāgnáye /

Line : 9  Pada: ac     várṣiṣṭʰāya kṣitīnā́m ūrjò náptre sáhasvate //

Line : 10  Pada: ad     vaiśvānaró na ūtyā́

Pada: ae     pr̥ṣṭó diví //

Line : 11  Pada: af     r̥tā́vānam̐ vaiśvānarám r̥tásya jyótiṣas pátim /

Line : 12  Pada: ag     ájasraṃ gʰarmám īmahe //

Line : 13  Pada: ah     vaíśvānara táva dʰā́māny ā́cake yébʰiḥ svarvíd ábʰavo vicakṣaṇa /

Line : 14  Pada: ai     jātá ā́pr̥ṇo bʰúvanāni ródasī ágne tā́ víśvā paribʰū́r asi tmánā //

Line : 16  Pada: aj     íḍām agne //

Page: 161  
Line : 1  Pada: ak     tváṃ no agne sanáye dʰánānām̐ yaśásaṃ kārúṃ kr̥ṇuhi stávānaḥ /

Line : 2  Pada: al     śakéma kármāpásā návena devaír dyāvāpr̥tʰivī prā́vataṃ naḥ //

Line : 3  Pada: am     vaiśvānarásya sumataú syāma rā́jā hí kaṃ bʰúvanānām abʰiśrī́ḥ /

Line : 4  Pada: an     itó jātó víśvam idám̐ vícaṣṭe vaiśvānaró yatate sū́ryeṇa //

Line : 5  Pada: ao     asmā́kam agne magʰávatsu dʰārayā́nāmi kṣatrám ajáram̐ suvī́ram /

Line : 6  Pada: ap     vayáṃ jayema śatínam̐ sahasríṇam̐ vaíśvānara vā́jam agne távotíbʰiḥ //

Line : 7  Pada: aq     víśvam̐ vivyāca pr̥tʰivī́va puṣṭám anyám anyat prátigr̥bʰṇāty āyát /

Line : 8  Pada: ar     vaiśvānarásya maható mahimnā́ syonám ánnaṃ mádʰuman me kr̥ṇomi //

Line : 9  Pada: as     sá jā́yamānaḥ paramé vyòmani vratā́ny agnír vratapā́ arakṣata /

Line : 10  Pada: at     vy àntárikṣam amimīta sukrátur vaiśvānaró mahinā́ nā́kam aspr̥śat //

Line : 11  Pada: au     yátʰā ha tyát //

Line : 12  Pada: av     trī́ṇy ā́yūm̐ṣi táva jātavedas tisrá ājā́nīr uṣásas te agne /

Line : 13  Pada: aw     tā́bʰir devā́nām ávo yakṣi vidvā́n átʰā bʰava yájamānāya śám̐ yóḥ //

Line : 14  Pada: ax     ny àgníṃ jātávedasam̐ hotravā́ham̐ yáviṣṭʰyam /

Line : 15  Pada: ay     dádʰātā devám r̥tvíjam //

Page: 162  
Line : 1  Pada: az     íḍāyās tvā padé vayám \

Pada: ba     dadʰikrā́vṇo akāriṣam //

Line : 2  Pada: bb     dadʰikrā́vāṇaṃ bubudʰānó agním úpa bruva uṣásam̐ sū́ryaṃ gām /

Line : 3  Pada: bc     bradʰnáṃ mam̐ścatór váruṇasya babʰrúṃ té víśvāsmád duritā́ yāvayantu //

Line : 4  Pada: bd     agnír hótā nyàsīdad yájīyān upástʰe mātúḥ surabʰā́ uloké /

Line : 5  Pada: be     yúvā kavíḥ puruniṣṭʰá r̥tā́vā dʰartā́ kr̥ṣṭīnā́m utá mádʰya iddʰáḥ //

Line : 6  Pada: bf     sādʰvī́m akar devávītiṃ no adyá yajñásya jihvā́m avidāma gúhyam /

Line : 7  Pada: bg     sá ā́yur ā́gāt surabʰír vásāno bʰadrā́m akar deváhūtiṃ no adyá //

Line : 8  Pada: bh     yác cid dʰí te //

Line : 9  Pada: bi     maháś cid agnā énaso abʰī́ka ūrvā́d devā́nām utá mártyānām /

Line : 10  Pada: bj     mā́ te sákʰāyaḥ sádam íd riṣāma yácʰā tokā́ya tánayāya śám̐ yóḥ //

Line : 11  Pada: bk     mahī́ dyaúḥ pr̥tʰivī́ ca naḥ //

Line : 12  Pada: bl     gʰr̥távatī bʰúvanānām abʰiśríyorvī́ pr̥tʰvī́ madʰudúgʰe supéśasā /

Line : 13  Pada: bm     dyā́vāpr̥tʰivī́ váruṇasya dʰármaṇā víṣkabʰite ajáre bʰū́riretasā //


Anuvaka: 2  
Page: 163  
Line : 1  Pada: a     pr̥tʰupā́jās

Pada: b     tám̐ sabā́dʰaḥ //

Line : 2  Pada: c     ī́ḍe agním̐ vipaścítaṃ girā́ yajñásya sā́dʰanam /

Line : 3  Pada: d     śruṣṭīvā́naṃ dʰitā́vānam //

Line : 4  Pada: e     ágne śakéma te vayám̐ yámaṃ devásya vājínaḥ /

Line : 5  Pada: f     áti dvéṣām̐si tarema //

Line : 6  Pada: g     úpa tvā raṇvásaṃdr̥śaṃ práyasvantaḥ sahaskr̥ta /

Line : 7  Pada: h     ágne sam̐sr̥jmáhe gíraḥ //

Line : 8  Pada: i     úpa cʰāyā́m iva gʰŕ̥ṇer áganma śárma te vayám /

Line : 9  Pada: j     ágne híraṇyasaṃdr̥śaḥ //

Line : 10  Pada: k     agnír vr̥trā́ṇi jaṅgʰanat

Pada: l     tvám̐ somāsi sátpatis \

Pada: m     ágnīṣomā́

Pada: n     yuvám etā́ni

Line : 11  Pada: o     śrīṇā́m udāráḥ //

Line : 12  Pada: p     sómasya mā tavásam̐ vákṣy agne váhniṃ cakartʰa vidátʰe yájadʰyai /

Line : 13  Pada: q     devám̐ ácʰā dī́dyad yuñjé ádrim̐ śamāyé agne tanvàṃ juṣasva //

Line : 14  Pada: r     sómāpūṣaṇā jánanā rayīṇā́ṃ jánanā divó jánanā pr̥tʰivyā́ḥ /

Line : 15  Pada: s     jātaú víśvasya bʰúvanasya gopaú devā́ akr̥ṇvann amŕ̥tasya nā́bʰim //

Page: 164  
Line : 1  Pada: t     imaú devaú jā́yamānau juṣantemaú támām̐si gūhatām ájuṣṭā /

Line : 2  Pada: u     ābʰyā́m índraḥ pakvám āmā́sv antáḥ somāpūṣábʰyāṃ janad usríyāsu //

Line : 3  Pada: v     utá no bráhman haviṣa uktʰéṣu devahū́tamaḥ /

Line : 4  Pada: w     śáṃ naḥ śocā marúdvr̥dʰó 'gne sahasrasā́tamaḥ //

Line : 5  Pada: x     nū́ no rāsva sahásravat tokávat puṣṭimád vásu /

Line : 6  Pada: y     dyumád agne suvī́ryam̐ várṣiṣṭʰam ánupakṣitam //

Line : 7  Pada: z     tvā́ yujā́ táva tát soma sakʰyá índro apó mánave sasrútas kaḥ /

Line : 8  Pada: aa     áhann áhim áriṇāt saptá síndʰūn ápāvr̥ṇod ápihiteva kʰā́ni //

Line : 9  Pada: ab     r̥dūdáreṇa sákʰyā saceya yó mā ná ríṣyed dʰaryaśva pītáḥ /

Line : 10  Pada: ac     ayám̐ yáḥ sómo nyádʰāyy asmé tásmā índraṃ pratíram emy ā́yuḥ //

Line : 11  Pada: ad     tváṃ no agne

Pada: ae     sá tváṃ no agne \

Pada: af     agním̐ vaḥ pūrvyáṃ girā́ //

Line : 12  Pada: ag     makṣū́ devávato rátʰaḥ śū́ro vā pr̥tsú kā́sucit /

Line : 13  Pada: ah     devā́nām̐ yá ín máno yájamānā íyakṣati \

Pada: ai     abʰī́d áyajvano bʰuvat //

Page: 165  
Line : 1  Pada: aj     nákiṣ ṭáṃ kármaṇā naśan ná práyoṣan ná yoṣati /

Line : 2  Pada: ak     devā́nām̐ yá ín máno yájamānā íyakṣati \

Pada: al     abʰī́d áyajvano bʰuvat //

Line : 3  Pada: am     ásad átra suvī́ryam utá tyád āśváśvyam /

Line : 4  Pada: an     devā́nām̐ yá ín máno yájamānā íyakṣati \

Pada: ao     abʰī́d áyajvano bʰuvat //

Line : 5  Pada: ap     úpakṣaranti síndʰavo mayobʰúva ījānáṃ ca yakṣyámāṇaṃ ca dʰenávaḥ /

Line : 6  Pada: aq     pr̥ṇántaṃ ca pápuriṃ ca śravasyávo gʰr̥tásya dʰā́rā úpayanti viśvátaḥ //

Line : 7  Pada: ar     sómārudrā yuvám etā́ny asmé víśvā tanū́ṣu bʰeṣajā́ni dʰattam /

Line : 8  Pada: as     ávasyataṃ muñcátam̐ yán no ásti tanū́ṣu baddʰáṃ kr̥tám éno asmát //

Line : 9  Pada: at     sómārudrā dʰāráyetʰām asuryàṃ prá vām iṣṭáyó 'ram aśnuvantu /

Line : 10  Pada: au     dámedame saptá rátnā dádʰānā śáṃ no bʰūtaṃ dvipáde śáṃ cátuṣpade //

Line : 11  Pada: av     sómārudrā vívr̥hatam̐ víṣūcīm ámīvā yā́ no gáyam āviveśa /

Line : 12  Pada: aw     āré bādʰetʰāṃ nírr̥tiṃ parācaír asmé bʰadrā́ sauśravasā́ni santu //

Line : 13  Pada: ax     tigmā́yudʰau tigmáhetī suśévau sómārudrā ihá sú mr̥ḍataṃ naḥ /

Line : 14  Pada: ay     mumuktám asmā́n grasitā́n abʰī́ke práyacʰatam̐ vr̥ṣaṇā śáṃtamāni //

Line : 15  Pada: az     ágnāviṣṇū sajóṣasā \

Pada: ba     ágnāviṣṇū máhi dʰā́ma priyám̐ vām //

Line : 16  Pada: bb     ágnāviṣṇū máhi tád vāṃ mahitvám̐ vītʰó gʰr̥tásya gúhyā juṣāṇā́ /

Page: 166  
Line : 1  Pada: bc     dámedame suṣṭutī́ vāvr̥dʰānā́ nú vāṃ jihvā́ gʰr̥tám ā́caraṇyat //

Line : 2  Pada: bd     pāvakā́ naḥ sárasvatī //

Line : 3  Pada: be     sárasvaty abʰí no neṣi vásyo mā́pa spʰarīḥ páyasā mā́ nā ā́dʰak /

Line : 5  Pada: bf     juṣásva naḥ sakʰyā́ veśyā̀ ca mā́ tvát kṣétrāṇy áraṇyāni ganma //

Line : 6  Pada: bg     ā́ no diváḥ //

Line : 7  Pada: bh     bŕ̥haspate juṣásva no havyā́ni viśvadevya /

Line : 8  Pada: bi     rā́sva rátnāni dāśúṣe //

Line : 9  Pada: bj     evā́ pitré viśvádevāya vŕ̥ṣṇe yajñaír vidʰema námasā havírbʰiḥ /

Line : 10  Pada: bk     bŕ̥haspate suprajā́ vīrávanto vayám̐ syāma pátayo rayīṇā́m //

Line : 11  Pada: bl     ā́ no mitrāvaruṇā gʰr̥taír gávyūtim ukṣatam /

Line : 12  Pada: bm     mádʰvā rájām̐si sukratū //

Line : 13  Pada: bn     prá bāhávā sisr̥taṃ jīváse nā ā́ no gávyūtim ukṣataṃ gʰr̥téna /

Line : 14  Pada: bo     ā́ no jáne śravayatam̐ yuvānā śrutáṃ me mitrāvaruṇā havémā́ //

Line : 15  Pada: bp     aurvabʰr̥guváñ śúcim apnavānavád ā́huve /

Line : 16  Pada: bq     agním̐ samudrávāsasam //

Page: 167  
Line : 1  Pada: br     ā́ savám̐ savitúr yátʰā bʰágasyeva bʰujím̐ huve /

Line : 2  Pada: bs     agním̐ samudrávāsasam //

Line : 3  Pada: bt     huvé vātasvanaṃ kavíṃ parjányakradyam̐ sáhaḥ /

Line : 4  Pada: bu     agním̐ samudrávāsasam //

Line : 5  Pada: bv     vŕ̥ṣā soma dyumáṃ asi //

Line : 6  Pada: bw     ā́ yé tanvánti raśmíbʰis tiráḥ samudrám arṇavám /

Line : 7  Pada: bx     marúdbʰir agnā ā́gahi //

Line : 8  Pada: by     ā́ vo yantūdavāhā́so adyá vr̥ṣṭím̐ ye víśve marúto junánti /

Line : 9  Pada: bz     ayám̐ yó agnírmarutaḥ sámiddʰa etáṃ juṣadʰvaṃ kavayo yuvānaḥ //

Line : 10  Pada: ca     yáṃ tvā devā́piḥ śuśucānó agna ārṣṭiṣeṇó manuṣyàḥ samīdʰé /

Line : 11  Pada: cb     víśvebʰir devaír anumadyámānaḥ prá parjányam īrayā vr̥ṣṭimántam //

Line : 12  Pada: cc     ágne bā́dʰasva ví mŕ̥dʰo ví durgáhā́pā́mīvām ápa rákṣām̐si sedʰa /

Line : 13  Pada: cd     asmā́t samudrā́d br̥ható divó no 'pā́ṃ bʰūmā́nam úpa naḥ sr̥jehá //

Line : 14  Pada: ce     priyā́ vó nā́ma huve turā́ṇām ā́ yát tr̥pán maruto vāvaśānáḥ //

Line : 15  Pada: cf     śriyáse káṃ bʰānúbʰiḥ sáṃmimikṣire té raśmmíbʰis tá ŕ̥kvabʰiḥ sukʰādáyaḥ /

Page: 168  
Line : 1  Pada: cg     té vā́śīmanta iṣmíṇo ábʰīravo vidré priyásya mā́rutasya dʰā́mnaḥ //

Line : 3  Pada: ch     máruto yád dʰa vo diváḥ //

Line : 4  Pada: ci     praíṣām ájmeṣu vitʰuréva rejate bʰū́mir yā́meṣu yád dʰa yuñjáte śubʰé /

Line : 5  Pada: cj     té krīḍáyo dʰúnayo bʰrā́jadr̥ṣṭyaḥ svayáṃ mahitváṃ panayanta dʰū́tayaḥ //


Anuvaka: 3  
Line : 6  Pada: a     káyā śubʰā́ sávayasaḥ sánīḍāḥ samānyā́ marútaḥ sáṃmimikṣuḥ /

Line : 7  Pada: b     káyā matī́ kútā étāsa eté 'rcanti śúṣmam̐ vŕ̥ṣaṇo vasūyā́ //

Line : 8  Pada: c     kásya bráhmāṇi jujuṣur yúvānaḥ kó adʰvaré marútā ā́vavarta /

Line : 9  Pada: d     śyenáṃ iva dʰrájato antárikṣe kéna mahā́ mánasā rīramāma //

Line : 10  Pada: e     kútas tvám indra mā́hinaḥ sánn éko yāsi satpate kíṃ ta ittʰā́ /

Line : 11  Pada: f     sáṃpr̥cʰase samarāṇáḥ śubʰānaír vocés tán no harivo yát te asmé //

Line : 12  Pada: g     bráhmāṇi me matáyaḥ śám̐ sutā́saḥ śúṣma iyarti prábʰr̥to me ádriḥ /

Line : 13  Pada: h     ā́śāsate prátiharyanty uktʰémā́ hárī vahatas tā́ no ácʰa //

Line : 14  Pada: i     áto vayám antamébʰir yujānā́ḥ svákṣatrebʰis tanvàḥ śúmbʰamānāḥ /

Line : 15  Pada: j     máhobʰir ékam úpayujmahe nv índraḥ svadʰā́m ánu hí no babʰū́tʰa //

Page: 169  
Line : 1  Pada: k     kvà syā́ vo marutaḥ svadʰā́sīd yán mām ékam̐ samádʰattāhihátye /

Line : 2  Pada: l     ahám̐ hy ùgrás taviṣás túviṣmān víśvasya śátror ánamam̐ vadʰasnaíḥ //

Line : 3  Pada: m     bʰū́ri cakartʰa yújyebʰir asmé samānébʰir vr̥ṣabʰa paúm̐syebʰiḥ /

Line : 4  Pada: n     bʰū́rīṇi hí kr̥ṇavāmā śaviṣṭʰéndraḥ kŕ̥tvā maruto yád váśāma //

Line : 5  Pada: o     vádʰīm̐ vr̥tráṃ maruta indriyéṇa svéna bʰā́mena taviṣó babʰūvā́n /

Line : 6  Pada: p     ahám etā́ mánave viśváścandrāḥ sugā́ apáś cakara vájrabāhuḥ //

Line : 7  Pada: q     ánuttam ā́ te magʰavan nákir ṇú ná tvā́vaṃ asti devátā vídānaḥ /

Line : 9  Pada: r     ná jā́yamāno náśate ná jātó yā́ni kariṣyā́ kr̥ṇuhí pravr̥ddʰa //

Line : 10  Pada: s     ékasya cin me vibʰv àstv ójo yā́ nú dadʰr̥ṣvā́n kr̥ṇavai manīṣā́ //

Line : 11  Pada: t     ahám̐ hy ùgró maruto vídāno yā́ni cyávam índrā íd īśa eṣām //

Line : 12  Pada: u     ámandan mā marutaḥ stómo átra yán me naraḥ śrútyaṃ bráhma cakrá /

Line : 13  Pada: v     índrāya vŕ̥ṣṇe súmakʰāya máhyam̐ sákʰye sákʰāyas tanvè tanū́bʰiḥ //

Line : 14  Pada: w     evéd eté práti mā rócamānā ánedyaḥ śrávā éṣo dádʰānāḥ /

Page: 170  
Line : 1  Pada: x     saṃcákṣyā marutaś candrávarṇā ácʰānta me cʰadáyātʰā ca nūnám //

Line : 2  Pada: y     kó nv átra maruto māmahe vaḥ práyātana sákʰīm̐r ácʰā sakʰāyaḥ /

Line : 3  Pada: z     mánmāni citrā apivātáyanta eṣā́ṃ bʰūta návedā ma r̥tā́nām //

Line : 5  Pada: aa     ā́ yád duvasyā́d duváse ná kārúr asmā́m̐ś cakré mānyásya medʰā́ /

Line : 6  Pada: ab     ó ṣū́ varta maruto vípram ácʰemā́ bráhmāṇi jaritā́ vo arcat //

Line : 7  Pada: ac     eṣá vaḥ stómo maruta iyáṃ gī́r māndāryásya mānyásya kāróḥ /

Line : 8  Pada: ad     éṣā́ yāsīṣṭa tanvè vayā́m̐ vidyā́meṣám̐ vr̥jánaṃ jīrádānum //


Anuvaka: 4  
Line : 9  Pada: a     índram̐ vo viśvátas pári hávāmahe jánebʰyaḥ /

Line : 10  Pada: b     asmā́kam astu kévalaḥ //

Line : 11  Pada: c     ā́ te śúṣmo vr̥ṣabʰá etu paścā́d óttarā́d adʰarā́d ā́ purástāt /

Line : 12  Pada: d     ā́ viśváto abʰí sámetv arvā́ṅ índra dyumnám̐ svàrvad dʰehy asmé //

Line : 13  Pada: e     máruto yád dʰa vo divás \

Pada: f     yā́ vaḥ śárma //

Page: 171  
Line : 1  Pada: g     ā́ tū́ na indra vr̥trahann asmā́kam ardʰám ā́gahi /

Line : 2  Pada: h     mahā́n mahī́bʰir ūtíbʰiḥ //

Line : 3  Pada: i     tváṃ maháṃ indra túbʰyam̐ ha kṣā́ ánu kṣatráṃ mam̐hánā manyata dyaúḥ /

Line : 4  Pada: j     tvám̐ vr̥trám̐ śavasā jagʰanvā́nt sr̥jáḥ síndʰūm̐r áhinā jagrasānā́n //

Line : 5  Pada: k     máruto yád dʰa vo bálaṃ jánaṃ acucyavītana /

Line : 6  Pada: l     girī́m̐r acucyavītana //

Line : 7  Pada: m     r̥ṣṭáyo vo maruto ám̐sayor ádʰi sáhā ójo bāhvór vo bálam̐ hitám /

Line : 9  Pada: n     nr̥mṇā́ śīrṣásv ā́yudʰā rátʰeṣu no víśvā vaḥ śrī́r ádʰi tanū́ṣu pipiśe //

Line : 10  Pada: o     purutrā́ hí sadŕ̥ṅṅ ási víśo víśvā ánu prabʰúḥ /

Line : 11  Pada: p     samátsu tvā havāmahe //

Line : 12  Pada: q     samátsv agním ávase vājayánto havāmahe /

Line : 13  Pada: r     vā́jeṣu citrárādʰasam //

Line : 14  Pada: s     ágne náya \

Pada: t     ā́ devā́nām \

Pada: u     tvám agne vratapā́ asi

Pada: v     yád vo vayám //

Line : 15  Pada: w     tvám agne vratabʰŕ̥ñ śúcir ágne deváṃ ihā́vaha /

Line : 16  Pada: x     úpa yajñám̐ havíś ca naḥ //

Page: 172  
Line : 1  Pada: y     vratā́ nú bíbʰrad vratapā́ ádabdʰo yájāno devó ajáraḥ suvī́raḥ /

Line : 2  Pada: z     dádʰad rátnāni sumr̥ḍīkó agne gopāyá no jīváse jātavedaḥ //

Line : 3  Pada: aa     śréṣṭʰam̐ yaviṣṭʰa bʰāratā́gne dyumántam ā́bʰara /

Line : 4  Pada: ab     váso puruspŕ̥ham̐ rayím //

Line : 5  Pada: ac     túbʰyaṃ bʰaranti kṣitáyo yaviṣṭʰa balím ágne ántitā ótá dūrā́t /

Line : 6  Pada: ad     ā́ bʰándiṣṭʰasya sumatíṃ cikiddʰi mahát te agne máhi śárma bʰadrám //

Line : 7  Pada: ae     tvā́m agne vājasā́tamam̐ víprā vardʰanti súṣṭutam /

Line : 8  Pada: af     sá no rāsva suvī́ryam //

Line : 9  Pada: ag     ayáṃ no agnís \

Pada: ah     ánīkair dvéṣo ardaya

Pada: ai     saínā́nīkena \

Pada: aj     idám̐ víṣṇuḥ

Pada: ak     prá tád víṣṇuḥ //

Line : 11  Pada: al     ā́ vo rā́jānam adʰvarásya rudrám̐ hótāram̐ satyayájam̐ ródasyoḥ /

Line : 12  Pada: am     agníṃ purā́ tanayitnór acíttād dʰíraṇyarūpam ávase kr̥ṇudʰvam //

Line : 13  Pada: an     kád dʰíṣṇyāsu vr̥dʰasānó agne kád vā́tāya prátavase śubʰam̐yé /

Line : 14  Pada: ao     párijmane nā́satyāya kṣé brávaḥ kád agne rudrā́ya nr̥gʰné //

Line : 15  Pada: ap     ukṣā́nnāya vaśā́nnāya //

Page: 173  
Line : 1  Pada: aq     vā́topadʰūta iṣitó váśaṃ ánu triṣú yád ánnā véviṣad vitíṣṭʰase /

Line : 2  Pada: ar     ā́ te yatante ratʰyò yátʰā pŕ̥tʰak śárdʰām̐sy agne ajárāṇi dʰákṣataḥ //


Anuvaka: 5  
Line : 3  Pada: a     kr̥ṇuṣvá pā́jā íti páñca //

Line : 4  Pada: b     sá te jānāti sumatím̐ yaviṣṭʰa yá ī́vate bráhmaṇe gātúm aírat /

Line : 5  Pada: c     víśvāny asmai sudínāni rāyó dyumnā́ny aryó ví dúro abʰídyaut //

Line : 6  Pada: d     séd agne astu subʰágaḥ sudā́nur yás tvā nítyena havíṣā yá uktʰaíḥ /

Line : 7  Pada: e     píprīṣati svá ā́yuṣi duroṇé víśvéd asmai sudínā sā́sad iṣṭíḥ //

Line : 8  Pada: f     árcāmi te sumatíṃ gʰóṣy arvā́k sáṃ te vāvā́tā jaratām iyáṃ gī́ḥ /

Line : 9  Pada: g     sváśvās tvā surátʰā marjayemāsmé kṣatrā́ṇi dʰārayer ánu dyū́n //

Line : 10  Pada: h     ihá tvā bʰū́ry ā́cared úpa tmán dóṣāvastar dīdivā́m̐sam ánu dyū́n /

Line : 11  Pada: i     krī́ḍantas tvā sumánasaḥ sapemābʰí dyumnā́ tastʰivā́m̐so jánānām //

Line : 12  Pada: j     yás tvā sváśvaḥ suhiraṇyó agna upayā́ti vásumatā rátʰena /

Line : 13  Pada: k     tásya trātā́ bʰavasi tásya sákʰā yás ta ātitʰyám ānuṣág jújoṣat //

Line : 14  Pada: l     mahó rujāmi bandʰútā vácobʰis tán mā pitúr gótamād ánviyāya /

Line : 15  Pada: m     tváṃ no asyá vácasaś cikiddʰi hótar yaviṣṭʰa sukrato dámūnāḥ //

Page: 174  
Line : 1  Pada: n     ásvapnajas taráṇayaḥ suśévā átandrāso 'vr̥kā́ áśramiṣṭʰāḥ /

Line : 2  Pada: o     té pāyávaḥ sadʰryàñco niṣádyā́gne táva naḥ pāntv amūra //

Line : 3  Pada: p     yé pāyávo māmateyáṃ te agne páśyanto andʰáṃ duritā́d árakṣan /

Line : 4  Pada: q     rarákṣa tā́nt sukŕ̥to viśvávedā dípsantā íd ripávo nā́ha debʰuḥ //

Line : 5  Pada: r     tváyā vayám̐ sadʰanyàs tvótās táva práṇīty aśyāma vā́jān /

Line : 6  Pada: s     ubʰā́ śám̐sā sūdaya satyatāte 'nuṣṭʰuyā́ kr̥ṇuhy ahrayāṇa //

Line : 7  Pada: t     ayā́ te agne samídʰā vidʰema práti stómam̐ śasyámānaṃ gr̥bʰāya /

Line : 8  Pada: u     dáhāśaso rakṣásaḥ pāhy àsmā́n druhó nidó mitramaho avadyā́t //

Line : 9  Pada: v     agnī́ rákṣām̐si sedʰati śukráśocir ámartyaḥ /

Line : 10  Pada: w     śúciḥ pāvaká ī́ḍyaḥ //

Line : 11  Pada: x     tvám̐ naḥ soma viśvátaḥ //


Anuvaka: 6  
Line : 12  Pada: a     yukṣvā́ hí devahū́tamān //

Line : 13  Pada: b     utá no deva deváṃ ácʰā voco vidúṣṭaraḥ /

Line : 14  Pada: c     śrád víśvā vā́ryā kr̥dʰi //

Line : 15  Pada: d     tvám̐ ha yád yaviṣṭʰya sáhasaḥ sūna āhuta /

Line : 16  Pada: e     r̥tā́vā yajñíyo bʰúvaḥ //

Page: 175  
Line : 1  Pada: f     ayám agníḥ sahasríṇaḥ //

Line : 2  Pada: g     táṃ nemím r̥bʰávo yatʰā́ namasva sáhūtibʰiḥ /

Line : 3  Pada: h     nédīyo yajñám aṅgiraḥ //

Line : 4  Pada: i     tásmai nūnám abʰídyave vācā́ virūpa nítyayā /

Line : 5  Pada: j     vŕ̥ṣṇe codasva suṣṭutím //

Line : 6  Pada: k     kám u ṣvid asya sénayāgnér ápākacakṣasaḥ /

Line : 7  Pada: l     paṇíṃ góṣu starāmahe //

Line : 8  Pada: m     mā́ no devā́nām̐ víśaḥ prasnātī́r ivosrā́ḥ /

Line : 9  Pada: n     kr̥śáṃ ná hāsur ágʰnyāḥ //

Line : 10  Pada: o     mā́ naḥ samasya dūḍʰyàḥ páridveṣaso am̐hatíḥ /

Line : 11  Pada: p     ūrmír ná nā́vam ā́vadʰīt //

Line : 12  Pada: q     námas te agnā ójase gr̥ṇánti deva kr̥ṣṭáyaḥ /

Line : 13  Pada: r     ámair amítram ardaya //

Line : 14  Pada: s     imám̐ yajñám idám̐ váco jujuṣāṇá upā́gahi /

Line : 15  Pada: t     sóma tváṃ no vr̥dʰé bʰava //

Line : 16  Pada: u     kuvít sú no gáiṣṭayé 'gne sam̐véṣiṣo rayím /

Page: 176  
Line : 1  Pada: v     úrukr̥d urú ṇas kr̥dʰi //

Line : 2  Pada: w     mā́ no asmín mahādʰané párā varg bʰārabʰŕ̥d yatʰā /

Line : 3  Pada: x     sam̐várgam̐ sám̐ rayíṃ jaya //

Line : 4  Pada: y     yásyā́juṣan namasvínaḥ śámīm ádurmakʰasya vā /

Line : 5  Pada: z     tám̐ héd agnír vidʰā́vati //

Line : 6  Pada: aa     anyám asmád bʰiyā́ iyám ágne síṣaktu ducʰúnā /

Line : 7  Pada: ab     várdʰā no ámavañ śávaḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.