TITUS
Black Yajur-Veda: Maitrayani-Samhita
Part No. 52
Previous part

Prapathaka: 12  
Anuvaka: 1  
Line : 8  Pada: a     idám̐ vām āsyè havíḥ priyám indrābr̥haspatī /

Line : 9  Pada: b     uktʰáṃ mádaś ca śasyate //

Line : 10  Pada: c     asmé indrābr̥haspatī rayíṃ dʰattam̐ śatagvínam /

Page: 177  
Line : 1  Pada: d     áśvāvantam̐ ashasríṇam //

Line : 2  Pada: e     éhy u ṣú brávāṇi té 'gna * ittʰétarā gíraḥ /
      FN emended. Ed.: gne

Line : 3  Pada: f     ebʰír vardʰāsā índubʰiḥ //

Line : 4  Pada: g     imám̐ yajñám idám̐ vácaḥ //

Line : 5  Pada: h     tyā́n nú kṣatríyaṃ áva ādityā́n yāciṣāmahe /

Line : 6  Pada: i     sumr̥ḍīkáṃ abʰíṣṭaye //

Line : 7  Pada: j     yébʰyo mātā́ mádʰumat pínvate páyaḥ pīyū́ṣaṃ dyaúr áditir ádribarhāḥ /

Line : 8  Pada: k     uktʰáśuṣmān vr̥ṣabʰarā́nt svápnasas táṃ ādityáṃ ánumadāt svastáye //

Line : 9  Pada: l     dʰāráyanta ādityā́so jágat stʰā́ devā́ víśvasya bʰúvanasya gopā́ḥ /

Line : 10  Pada: m     dīrgʰā́dʰiyo rákṣamāṇā asuryàm r̥tā́vānaś cáyamānā r̥ṇā́ni //

Line : 11  Pada: n     trī́ rocanā́ divyā́ dʰārayanta hiraṇyáyā śúcayo dʰā́rapūtāḥ /

Line : 12  Pada: o     ávr̥jinā anavadyā́ ádabdʰā uruśám̐sā r̥jáve mártyāya //

Line : 13  Pada: p     tát sū́ryasya

Pada: q     bʰadrā́ áśvās \

Pada: r     hiraṇyagarbʰás \

Pada: s     yáḥ prāṇatáḥ //

Line : 14  Pada: t     bŕ̥haspátiḥ pratʰamáṃ jā́yamāno mahó jyótiṣaḥ paramé vyòman /

Line : 15  Pada: u     saptā́syas tuvijātó ráveṇa ví saptáraśmir adʰamat támām̐si //

Page: 178  
Line : 1  Pada: v     yadā́ vā́jam ásanad viśvárūpam ā́ dyā́m arukṣad úttarāṇi sádma /

Line : 2  Pada: w     bŕ̥haspátim̐ vŕ̥ṣaṇam̐ vardʰáyanto nā́nā sánto bíbʰrato jyótir āsā́m //

Line : 3  Pada: x     bŕ̥haspátim̐ havāmahe viśvátaḥ ságaṇam̐ vayám /

Line : 4  Pada: y     úpa no yajñám ā́gamat //

Line : 5  Pada: z     sá suṣṭúbʰā sá ŕ̥kvatā gaṇéna valám̐ ruroja pʰaligám̐ ráveṇa /

Line : 6  Pada: aa     bŕ̥haspátir usríyā havyasū́daḥ kánikradad vā́vaśatīr údājat //

Line : 7  Pada: ab     bráhmaṇaspate tvám asyá yantā́ sūktásya bodʰi tánayaṃ ca jinva /

Line : 8  Pada: ac     víśvaṃ tád bʰadrám̐ yád ávanti devā́ br̥hád vadema vidátʰe suvī́rāḥ //

Line : 9  Pada: ad     bráhmaṇaspate sūyámasya viśváhā rāyáḥ syāma ratʰyò váyasvataḥ /

Line : 10  Pada: ae     vīréṣu vīráṃ úpapr̥ṅdʰi nas tvám̐ yád ī́śāno bráhmaṇā véṣi me hávam //

Line : 11  Pada: af     úttiṣṭʰa brahmaṇaspate devayántas tvemahe /

Line : 12  Pada: ag     úpa práyantu marútaḥ sudā́navā índra prāśúr bʰavā sácā //

Line : 13  Pada: ah     agnír uktʰé puróhito grā́vāṇo barhír adʰvaré /

Line : 14  Pada: ai     r̥cā́ yāmi marúto bráhmaṇaspátiṃ deváṃ ávo váreṇyam //

Line : 15  Pada: aj     námas te rudra manyáve \

Pada: ak     imā́ rudrā́ya //

Line : 16  Pada: al     kó addʰā́ veda ká ihá právocat kútā ā́jātā kúta iyám̐ vísr̥ṣṭiḥ /

Line : 17  Pada: am     arvā́g devā́ asyá visárjanenā́tʰā kó veda yáta ābabʰū́va //

Page: 179  
Line : 1  Pada: an     iyám̐ vísr̥ṣṭir yáta ābabʰū́va yádi vā dadʰé yádi vā ná /

Line : 2  Pada: ao     yó asyā́dʰyakṣaḥ paramé vyòmant só aṅgá veda yádi vā ná véda //

Line : 3  Pada: ap     idám̐ víṣṇur vícakrame //

Line : 4  Pada: aq     tád asya priyám abʰí pā́tʰo aśyāṃ náro yátra devayávo mádanti /

Line : 5  Pada: ar     urukramásya sá hí bándʰur ittʰā́ víṣṇoḥ padé paramé mádʰvā útsaḥ //

Line : 6  Pada: as     víśve devā́ r̥tāvŕ̥dʰaḥ //

Line : 7  Pada: at     víśve devāḥ śr̥ṇutémám̐ hávaṃ me yé antárikṣe yá úpa dyávi ṣṭʰá /

Line : 8  Pada: au     yé agnijihvā́ utá vā yájatrā āsádyāsmín barhíṣi mādayadʰvam //

Line : 9  Pada: av     indrāṇī́ pátyā sújitaṃ jigāya sénā ha nā́ma pr̥tʰivī́ dʰanaṃjayā́

Line : 10  Pada: aw     viśvávyacā áditiḥ sū́ryatvak /

Line : 11  Pada: ax     indrāṇī́ prāsáhā saṃjáyantī tásyai ta enā́ havíṣā vidʰema //

Line : 12  Pada: ay     upapréhi vācaspate devéna mánasā sahá /

Line : 13  Pada: az     vásupate víramaya máyy evá tanvàṃ máma //

Line : 14  Pada: ba     yé trisaptā́ḥ pariyánti víśvā rūpā́ṇi bíbʰrataḥ /

Line : 15  Pada: bb     vācáspátir bálā téṣāṃ tanvò 'dyá dadʰātu me //


Anuvaka: 2  
Page: 180  
Line : 1  Pada: a     agníḥ pratʰamó vásubʰir no avyāt sómo rudraír abʰírakṣatu tmánā /

Line : 2  Pada: b     índro marúdbʰir r̥tutʰā́ kr̥ṇotv ādityaír no váruṇaḥ śárma yam̐sat //

Line : 3  Pada: c     sám agnír vásubʰir no avyāt sám̐ sómo rudríyābʰis tanū́bʰiḥ /

Line : 4  Pada: d     sám índro rātáhavyo marúdbʰiḥ sám ādityaír váruṇo viśvávedāḥ //

Line : 5  Pada: e     ágne dā́ dāśúṣe rayím̐ vīrávantaṃ párīṇasam /

Line : 6  Pada: f     śiśīhí naḥ sūnumátaḥ //

Line : 7  Pada: g     dā́ no agne śatíno dā́ḥ sahasríṇo duró ná vā́jam̐ śrútyā ápāvr̥dʰi /

Line : 9  Pada: h     prā́cī dyā́vāpr̥tʰivī́ bráhmaṇā kr̥dʰi svàr ṇá śukrám uṣáso vídidyutuḥ //

Line : 11  Pada: i     híraṇyapāṇim ūtáye savitā́ram úpahvaye /

Line : 12  Pada: j     sá céttā devátā padám //

Line : 13  Pada: k     vāmám adyá savitar vāmám u śvó divédive vāmám asmábʰyam̐ sāvīḥ //

Line : 14  Pada: l     vāmásya hí kṣáyasya deva bʰū́rer ayā́ dʰiyā́ vāmabʰā́jaḥ syāma //

Line : 15  Pada: m     prá vāyúm \

Pada: n     prá yā́bʰiḥ //

Line : 16  Pada: o     syonā́ pr̥tʰivi bʰavānr̥kṣarā́ nivéśanī /

Line : 17  Pada: p     yácʰā naḥ śárma saprátʰaḥ //

Page: 181  
Line : 1  Pada: q     báḍ ittʰā́ párvatānāṃ kʰidráṃ bibʰarṣi pr̥tʰivi /

Line : 2  Pada: r     prá yā́ bʰū́miṃ pravatvati mahnā́ hinóṣi mahini //

Line : 3  Pada: s     pūrvāparáṃ carato māyáyaitaú śíśū krīḍantau páriyāto adʰvarám /

Line : 4  Pada: t     víśvāny anyó bʰúvanā vicáṣṭa r̥tū́m̐r anyó vidádʰaj jāyate púnaḥ //

Line : 5  Pada: u     návonavo bʰavati jā́yamāno 'hnāṃ ketúr uṣásām ety ágram /

Line : 6  Pada: v     bʰāgáṃ devébʰyo vídadʰāty āyán prá candrámās tirate dīrgʰám ā́yuḥ //

Line : 7  Pada: w     yátʰādityā́ am̐śúm āpyāyáyanti yátʰākṣitim ákṣitayaḥ píbanti /

Line : 8  Pada: x     evā́smā́n índro váruṇo bŕ̥haspátir ā́pyāyayantu bʰúvanasya gopā́ḥ //

Line : 9  Pada: y     prā́cyāṃ diśí tvám indrāsi rā́jotódīcyām̐ vr̥trahan vrātrahā́si /

Line : 10  Pada: z     yátra yánti srótyās táj jitáṃ te dakṣiṇató vr̥ṣabʰó hávya edʰi //

Line : 11  Pada: aa     asyéd evá práririce mahitváṃ divás pr̥tʰivyā́ḥ páry antárikṣāt /

Line : 12  Pada: ab     svarā́ḍ índro dámā ā́ viśvágūrtaḥ svarír ámatro vavakṣe ráṇāya //

Line : 13  Pada: ac     tvám indrāsy adʰirājás tváṃ bʰavā́dʰipatir jánānām /

Line : 14  Pada: ad     daívīr víśas tvám utā́ vírājaújasvat kṣatrám ajáraṃ te astu //

Line : 15  Pada: ae     ā́ yásmint saptá vāsavā́ róhanti pū́rvyā rúhaḥ /

Line : 16  Pada: af     ŕ̥ṣir ha dīrgʰaśrúttamā índrasya gʰarmó átitʰiḥ //

Page: 182  
Line : 1  Pada: ag     mádo ná yáḥ somyó bodʰicákṣā vā́taś ca nú cyávana induvikṣā́ḥ /

Line : 2  Pada: ah     sá tapnúḥ śucáse ná sū́raḥ sá svedayúḥ śuśucānó ná gʰarmáḥ //

Line : 3  Pada: ai     indriyā́ṇi śatakrato yā́ te jáneṣu pañcásu /

Line : 4  Pada: aj     índra tā́ni tā ā́vr̥ṇe //

Line : 5  Pada: ak     ánu te dāyi mahá indriyā́ya satrā́ te víśvam ánu vr̥trahátye /

Line : 6  Pada: al     ánu kṣatrám ánu sáho yajatréndra devébʰir ánu te nr̥ṣáhye //

Line : 7  Pada: am     ánavas te rátʰam áśvāya takṣan tváṣṭā vájraṃ puruhūta dyumántam /

Line : 8  Pada: an     brahmā́ṇā índraṃ maháyanto arkaír ávardʰayann áhaye hántavā́ u //

Line : 9  Pada: ao     vŕ̥ṣṇe yát te vŕ̥ṣaṇo arkám árcān índra grā́vāṇo áditiḥ sajóṣāḥ /

Line : 10  Pada: ap     anaśvā́so yé paváyo 'ratʰā́ índreṣitā abʰyávartanta dásyūn //


Anuvaka: 3  
Line : 11  Pada: a     vivéṣa yán mā dʰiṣáṇā jajā́na stávai purā́ pā́ryād índram áhnaḥ /

Line : 12  Pada: b     ám̐haso yátra pīpárad yátʰā no nāvéva yā́ntam ubʰáye havante //

Line : 13  Pada: c     am̐homúce prábʰaremā manīṣā́ṃ bʰūyiṣṭʰadā́vne sumatím āvr̥ṇānáḥ /

Line : 14  Pada: d     idám indra práti havyáṃ juṣasva satyā́ḥ santu yájamānasya kā́māḥ //

Line : 15  Pada: e     trātā́ram índram avitā́ram índram̐ hávehave suhávam̐ śū́ram índram /

Page: 183  
Line : 1  Pada: f     huvé nú śakráṃ puruhūtám índram̐ svastí no magʰávā dʰātv índraḥ //

Line : 2  Pada: g     mā́ te asyā́m̐ sáhasāvan páriṣṭā agʰā́ya bʰūma harivaḥ parādaíḥ /

Line : 3  Pada: h     trā́yasva no 'vr̥kébʰir várūtʰais táva priyā́saḥ sūríṣu syāma //

Line : 4  Pada: i     ánu tvā́higʰne ádʰa deva devā́ mádan víśve kavítamaṃ kavīnā́m /

Line : 5  Pada: j     káro yátra várivo bādʰitā́ya divé jánāya tanvè gr̥ṇānáḥ //

Line : 6  Pada: k     ánu dyā́vāpr̥tʰivī́ tát tā ójo 'martyā jihata indra devā́ḥ /

Line : 7  Pada: l     kr̥ṣvā́ kr̥tno ákr̥tam̐ yát te ásty uktʰáṃ návīyo janayasva yajñaíḥ //

Line : 8  Pada: m     abʰí prábʰara dʰr̥ṣatā́ dʰr̥ṣanmanaḥ śrávaś cit te asad br̥hát /

Line : 9  Pada: n     árṣantv ā́po jávasā ví mātáro háno vr̥tráṃ jayā svàḥ //

Line : 10  Pada: o     asmā́ íd u prábʰarā tū́tujāno vr̥trā́ya vájram ī́śānaḥ kiyedʰā́ḥ /

Line : 11  Pada: p     gór ná párva víradā tiraścéṣyann árṇām̐sy apā́ṃ carádʰyai //

Line : 12  Pada: q     ví na indra mŕ̥dʰo jahi nīcā́ yacʰa pr̥tanyatáḥ /

Line : 13  Pada: r     adʰaspadáṃ tám īṃ kr̥dʰi yó asmáṃ abʰidā́sati //

Line : 14  Pada: s     mr̥gó ná bʰīmáḥ kucaró giriṣṭʰā́ḥ parāvátā ā́jagantʰā párasyāḥ /

Line : 15  Pada: t     sr̥kám̐ sam̐śā́ya pavím indra tigmám̐ ví śátrūn tāḍʰi ví mŕ̥dʰo nudasva //

Page: 184  
Line : 1  Pada: u     ākaré vásor jaritā́ panasyate 'nehásaḥ stúbʰā índro duvasyati /

Line : 2  Pada: v     vivásvataḥ sádanā ā́ hí pipriyé satrāsā́ham abʰimātihánam̐ stuhi //

Line : 3  Pada: w     tvám̐ sapátnān pŕ̥tanāsu jiṣṇúr índrābʰiṣāḍ abʰímātīr apagʰnán /

Line : 4  Pada: x     píbā sómam̐ vajrabāho viṣáhyāsmábʰyaṃ paṇī́m̐r arvásv ā́mukʰāya //

Line : 5  Pada: y     puruṣṭutásya * nā́mabʰiḥ śaténa mahayāmasi /
      FN emended. Ed, R̥V.3.37.4: puruṣṭutásya.

Line : 6  Pada: z     índrasya carṣaṇīsáhaḥ //

Line : 7  Pada: aa     nā́māni te śatakrato víśvābʰir gīrbʰír īmahe /

Line : 8  Pada: ab     índrābʰimātiṣā́hye //

Line : 9  Pada: ac     arvāváto nā ā́gahi parāvátaś ca vr̥trahan /

Line : 10  Pada: ad     imā́ juṣasva no gíraḥ //

Line : 11  Pada: ae     yád antarā́ parāvátam arvāvátaṃ ca hūyáse /

Line : 12  Pada: af     índrehá tátā ā́gahi //

Line : 13  Pada: ag     éndra sānasím̐ rayím̐ sajítvānam̐ sadāsáham /

Line : 14  Pada: ah     várṣiṣṭʰam ūtáye bʰara //

Line : 15  Pada: ai     prásasāhiṣe puruhūta śátrūn jyéṣṭʰas te śúṣma ihá rātír astu /

Line : 16  Pada: aj     índrā́bʰara dákṣiṇenā vásūni pátiḥ síndʰūnām asi revátīnām //

Line : 17  Pada: ak     índraṃ náro nemádʰitā havante yát pā́ryā yunájate dʰíyas tā́ḥ /

Page: 185  
Line : 1  Pada: al     śū́ro nŕ̥ṣātā śrávasaś cakāná ā́ gómati vrajé bʰajā tváṃ naḥ //

Line : 2  Pada: am     hr̥dáṃ ná hí tvā nyr̥ṣánty ūrmáyo bráhmāṇīndra táva yā́ni várdʰanā /

Line : 3  Pada: an     tváṣṭā cit te yújyam̐ vāvr̥dʰe śávas tatákṣa vájram abʰíbʰūtyojasam //

Line : 4  Pada: ao     abʰí svávr̥ṣṭiṃ máde asya yúdʰyato ragʰvī́r iva pravaṇé sasrur ūtáyaḥ /

Line : 5  Pada: ap     índro yád vajrī́ dʰr̥ṣámāṇo ándʰasā bʰinád valásya paridʰī́m̐r iva tritáḥ //

Line : 6  Pada: aq     tám índram̐ vājayāmasi

Pada: ar     yujé rátʰam //

Line : 7  Pada: as     vr̥tratúraṃ * magʰávānam̐ śácīpatim índraṃ gíro br̥hatī́r abʰyànūṣata /
      FN Correcturen und Conjecturen zu dem ganzen Werk. Ed (VC): vr̥tratáraṃ.

Line : 8  Pada: at     vāvr̥dʰānáṃ puruhūtám̐ suvr̥ktíbʰir ámartyaṃ járamāṇaṃ divédive //

Line : 9  Pada: au     áhan vr̥trám̐ vr̥tratáram̐ * vyàm̐sam índro vájreṇa mahatā́ vadʰéna /
      FN emended. Ed.: vr̥m̐tratáram̐.

Line : 10  Pada: av     skándʰām̐sīva kúliśenā vívr̥kṇā́hiḥ śayata upapŕ̥k pr̥tʰivyā́ḥ //

Line : 11  Pada: aw     abʰítiṣṭʰa pr̥tanyató 'dʰare santu śátravaḥ /

Line : 12  Pada: ax     índra iva dasyuhā́ bʰavāpáḥ kṣétrāṇi sáṃjaya //

Line : 13  Pada: ay     āśī́r nā ū́rjam utá suprajāstvám íṣaṃ dadʰātu dráviṇam̐ sávarcasam /

Line : 14  Pada: az     saṃjáyan kṣétrāṇi sáhasāhám indra kr̥ṇvānó anyáṃ ádʰarānt sapátnān //

Line : 15  Pada: ba     tvám indrāsy adʰirājáḥ //

Line : 16  Pada: bb     índro jayati ná párājayate adʰirājó rā́jasu rājayate /

Page: 186  
Line : 1  Pada: bc     víśvā abʰiṣṭíḥ pŕ̥tanā jayaty upasádyo namasyò yátʰā́sat //

Line : 2  Pada: bd     ā́ te mahá indroty ùgra sámanyavo yát samáranta sénāḥ /

Line : 3  Pada: be     pátāti didyún náryasya bāhvór mā́ te máno viṣvadryàg vícārīt //

Line : 4  Pada: bf     yó jātá evá pratʰamó mánasvān devó devā́n krátunā paryábʰūṣat /

Line : 5  Pada: bg     yásya śúṣmād ródasī ábʰyasetāṃ nr̥mṇásya mahnā́ sá janāsā índraḥ //

Line : 6  Pada: bh     manyúr índro manyúr evā́sa devó manyúr hótā váruṇo viśvávedāḥ /

Line : 7  Pada: bi     manyúm̐ víśa īḍate mā́nuṣīr yā́ ávā no manyo tápasā sajóṣāḥ //

Line : 8  Pada: bj     tvám̐ hí manyo abʰíbʰūtyojāḥ svayaṃjó bʰā́mo abʰimātiṣāháḥ /

Line : 9  Pada: bk     viśvácarṣaṇiḥ sáhuriḥ sáhāvānt sá hūyámāno amŕ̥tāya gacʰat //

Line : 10  Pada: bl     íḍām agne

Pada: bm     tváṃ no agne

Pada: bn     kím ít te viṣṇo

Pada: bo     prá tát te adyá //

Line : 11  Pada: bp     dīrgʰás te astv aṅkuśó yénā vásu prayácʰasi /

Line : 12  Pada: bq     yájamānāya sunvaté //

Line : 13  Pada: br     bʰadrā́ te hástā súkr̥totá pāṇī́ prayantā́rā stuvate rā́dʰa indra /

Line : 14  Pada: bs     kā́ te níṣattiḥ * kím u nó mamatsi kíṃ nód ud u harṣase dā́tavā́ u //
      FN emended. Ed.: níṣatriḥ. cf. R̥V.4.21.9.


Anuvaka: 4  
Page: 187  
Line : 1  Pada: a     índrāvaruṇā yuvám adʰvarā́ya no viśé jánāya máhi śárma yacʰatam /

Line : 2  Pada: b     dīrgʰáprayajyum áti yó vanuṣyáti vayáṃ jayema pŕ̥tanāsu dūḍʰyàḥ //

Line : 3  Pada: c     samrā́ḍ anyáḥ svarā́ḍ anyá ucyate vāṃ mahā́ntā índrāváruṇā mahā́vasū /

Line : 4  Pada: d     víśve devā́saḥ paramé vyòmani sám̐ vām ójo vr̥ṣaṇā sáṃ bálaṃ dadʰuḥ //

Line : 5  Pada: e     viśvā́hendro adʰivaktā́ no astv áparihr̥tāḥ sanuyā́ma vā́jam /

Line : 6  Pada: f     tán no mitró váruṇo māmahantām áditiḥ síndʰuḥ pr̥tʰivī́ utá dyaúḥ //

Line : 7  Pada: g     enā́ṃ mukʰéna vāyúm índravanto 'cíṣyāma vr̥jáne víśva ūtī́ /

Line : 8  Pada: h     tán no mitró váruṇo māmahantām áditiḥ síndʰuḥ pr̥tʰivī́ utá dyaúḥ //

Line : 9  Pada: i     kútrā cid yásya sámr̥tau raṇvā́ náro nr̥ṣádane /

Line : 10  Pada: j     árhantaś cid yám indʰaté saṃjanáyanti jantávaḥ //

Line : 11  Pada: k     sám̐ yád iṣó vánāmahe sám̐ havyā́ mā́nuṣāṇām /

Line : 12  Pada: l     utá dyumnásya śávasa r̥tásya raśmím ā́dade //

Line : 13  Pada: m     yád adyá sūrya brávó 'nāgā udyán mitrā́ya váruṇāya satyám /

Line : 14  Pada: n     vayáṃ devatrā́dite syāma táva priyā́so aryaman gr̥ṇántaḥ //

Line : 15  Pada: o     úd vāṃ pr̥kṣā́so mádʰumanto astʰur ā́ sū́ryo aruhañ śukrám árṇaḥ /

Line : 16  Pada: p     yásmā ādityā́ ádʰvano rádanti mitró aryamā́ váruṇaḥ sajóṣāḥ //

Line : 17  Pada: q     úpem asr̥kṣi vājayúr vacasyā́ṃ cáno dadʰīta nādyó gíro me /

Page: 188  
Line : 1  Pada: r     apā́ṃ nápād āśuhémā kuvít sá supéśasas karati jóṣiṣad dʰí //

Line : 2  Pada: s     sám anyā́ yánti //

Line : 3  Pada: t     apā́ṃ nápād ā́ hy ástʰād upástʰaṃ jihmā́nām ūrdʰvó vidyútam̐ vásānaḥ /

Line : 4  Pada: u     tásya jyéṣṭʰaṃ mahimā́nam̐ váhantīr híraṇyavarṇāḥ páriyanti yahvī́ḥ //

Line : 5  Pada: v     tám ásmerā yuvatáyo yúvānaṃ marmr̥jyámānāḥ páriyanty ā́paḥ /

Line : 6  Pada: w     sá śukrébʰiḥ śíkvabʰī revád agnír dīdā́yānidʰmā́ṃ gʰr̥tánirṇig apsú //

Line : 7  Pada: x     ágnā ā́yūm̐ṣi pavase //

Line : 8  Pada: y     āyurdā́ deva jarásam̐ vr̥ṇānó gʰr̥tápratīko gʰr̥tápr̥ṣṭʰo agne /

Line : 9  Pada: z     gʰr̥táṃ píbann amŕ̥taṃ cā́ru gávyaṃ pitéva putráṃ jaráse ma emám //

Line : 10  Pada: aa     gayaspʰā́no amīvahā́ //

Line : 11  Pada: ab     yā́ te dʰā́māni havíṣā yájanti tā́ te víśvā paribʰū́r astu yajñám /

Line : 12  Pada: ac     gayaspʰā́naḥ pratáraṇaḥ suvī́ro 'vīrahā́ prácarā soma dúryān //

Line : 13  Pada: ad     sutrā́mānam \

Pada: ae     mahī́m ū ṣú \

Pada: af     imáṃ me varuṇa

Pada: ag     tát tvā yāmi

Pada: ah     vaiśvānaró na ūtyā́

Line : 14  Pada: ai     pr̥ṣṭó diví \

Pada: aj     abʰí tvā śūra nonumas

Pada: ak     tvā́m íd dʰí hávāmahe //

Page: 189  
Line : 1  Pada: al     ā́paprātʰa mahinā́ vŕ̥ṣṇyā vr̥ṣan víśvā śaviṣṭʰa śávasā /

Line : 2  Pada: am     asmám̐ ava magʰavan gómati vrajé vájriñ citrā́bʰir ūtíbʰiḥ //

Line : 3  Pada: an     bódʰā sú me magʰavan vā́cam émā́m̐ yā́ṃ te vásiṣṭʰo árcati práśastim /

Line : 4  Pada: ao     imā́ bráhma sadʰamā́de juṣasva //

Line : 5  Pada: ap     revátīr naḥ sadʰamā́dā índre santu tuvívājāḥ /

Line : 6  Pada: aq     kṣumánto yā́bʰir mádema //

Line : 7  Pada: ar     pró ṣv àsmai puroratʰám índrāya śūṣám arcata /

Line : 8  Pada: as     abʰī́ke cid ulokakŕ̥t saṅgé samátsu vr̥trahā́ /

Line : 9  Pada: at     asmā́kaṃ bodʰi coditā́ nábʰantām anyakéṣām \

Pada: au     jyākā́ ádʰi dʰánvasu //

Line : 10  Pada: av     ā́ no agne sucetúnā //

Line : 11  Pada: aw     ā́ no agne rayíṃ bʰara satrāsā́ham̐ váreṇyam /

Line : 12  Pada: ax     víśvāsu pr̥tsú duṣṭáram //

Line : 13  Pada: ay     índro mádāya vāvr̥dʰe śávase vr̥trahā́ nŕ̥bʰiḥ /

Line : 14  Pada: az     tám ín mahátsv ājíṣūtém árbʰe havāmahe

Pada: ba     sá vā́jeṣu prá no 'viṣat //

Line : 15  Pada: bb     mádemade hí no dadír yūtʰā́ gávām r̥jukrátuḥ /

Line : 16  Pada: bc     sáṃgr̥bʰāya purū́ śatóbʰayāhastyā́ vásu

Pada: bd     śiśīhí rāyá ā́bʰara //

Line : 17  Pada: be     tā́ asya námasā sáhaḥ saparyánti prácetasaḥ /

Page: 190  
Line : 1  Pada: bf     vratā́ny asya saścire purū́ṇi pūrvácittaye

Pada: bg     vásvīr ánu svarā́jyam //

Line : 2  Pada: bh     tā́ asya pr̥śanāyúvaḥ sómam̐ śrīṇanti pŕ̥śnayaḥ /

Line : 3  Pada: bi     priyā́ índrasya dʰenávo vájram̐ hinvanti sā́yakam \

Pada: bj     vásvīr ánu svarā́jyam //

Line : 4  Pada: bk     gʰr̥táṃ ná pūtáṃ tanū́r arepā́ḥ śúci híraṇyam /

Line : 5  Pada: bl     tát te rukmó ná rocata svadʰāvaḥ //

Line : 6  Pada: bm     óbʰé suścandra viśpate //

Line : 7  Pada: bn     ā́ryamā́ yāti vr̥ṣabʰás turāṣā́ḍ dā́tā vásūni vidadʰé tanūpā́ḥ /

Line : 8  Pada: bo     sahasrākṣó gotrabʰíd vájrabāhur asmā́su devó dráviṇaṃ dadʰātu //

Line : 9  Pada: bp     yé te 'ryaman bahávo devayā́nāḥ pántʰāno rājan divá ācáranti /

Line : 10  Pada: bq     tébʰir no deva máhi śárma yacʰa śáṃ no bʰava dvipáde śáṃ cátuṣpade //

Line : 11  Pada: br     úd agne śúcayas táva \

Pada: bs     ayám agnír vīrátamas

Pada: bt     tát sū́ryasya

Pada: bu     bʰadrā́ áśvāḥ

Pada: bv     saptá tvā haríto rátʰe

Line : 12  Pada: bw     taráṇir viśvádarśataḥ //

Line : 13  Pada: bx     cákṣur no dʰehi cákṣuṣe cákṣur vikʰyaí tanū́bʰyaḥ /

Line : 14  Pada: by     sáṃ cedám̐ ví ca paśyema //

Line : 15  Pada: bz     susaṃdŕ̥śaṃ tvā vayáṃ práti paśyema sūrya /

Line : 16  Pada: ca     ví paśyema nr̥cákṣasaḥ //


Anuvaka: 5  
Page: 191  
Line : 1  Pada: a     yuvám̐ surā́mam aśvinā //

Line : 2  Pada: b     hótā yakṣad aśvínau sárasvatīm índram̐ surā́mṇām̐ sómānāṃ píbatu mádantām̐ vyántu

Line : 3  Pada: c     hótar yaja /

Pada: d     putrám iva pitárau //

Line : 4  Pada: e     índraḥ sutrā́mā svávaṃ ávobʰiḥ sumr̥ḍīkó bʰavatu viśvávedāḥ /

Line : 5  Pada: f     bā́dʰatāṃ dvéṣo ábʰayaṃ kr̥ṇotu suvī́ryasya pátayaḥ syāma //

Line : 6  Pada: g     tásya vayám̐ sumataú yajñíyasyā́pi bʰadré saumanasé syāma /

Line : 7  Pada: h     sá sutrā́mā svávaṃ índro asmád ārā́c cid dvéṣaḥ sanutár yuyotu //

Line : 8  Pada: i     ágne vā́jasya gómataḥ //

Line : 9  Pada: j     bʰadró no agnír ā́huto bʰadrā́ rātíḥ subʰaga bʰadró adʰvaráḥ /

Line : 10  Pada: k     bʰadrā́ utá práśastayaḥ //

Line : 11  Pada: l     sám̐sam ít \

Pada: m     enā́ vo agním

Pada: n     ā́ te agnā idʰīmahi \

Pada: o     ágne trī́ te vā́jinā trī́ ṣadʰástʰā //

Line : 13  Pada: p     trír agnír balabʰíd baláṃ bʰittvā́ sahásram aírayat /

Line : 14  Pada: q     śū́ro jétāparājitaḥ //

Line : 15  Pada: r     trír áhnaḥ pavate vŕ̥ṣā sómaḥ śukrā́bʰir ūtíbʰiḥ /

Line : 16  Pada: s     vājī́ sahasrasā́tamaḥ //

Page: 192  
Line : 1  Pada: t     sám̐ vāṃ kármaṇā sám iṣā́ hinomī́ndrāviṣṇū ápasas pāré asyá /

Line : 2  Pada: u     juṣétʰām̐ yajñáṃ dráviṇaṃ ca dʰattam áriṣṭair naḥ patʰíbʰiḥ pāráyantā //

Line : 3  Pada: v     ubʰā́ jigyatʰuḥ //

Line : 4  Pada: w     índrāviṣṇū dr̥m̐hitā́ḥ śámbarasya náva púro navatíṃ ca śnatʰiṣṭam /

Line : 5  Pada: x     śatám̐ varcínaḥ sahásraṃ ca sākám̐ hatʰó apraty ásurasya vīrā́n //

Line : 6  Pada: y     utá mātā́ mahiṣám ánvavenad amī́ tvā jahati putra devā́ḥ /

Line : 7  Pada: z     átʰābravīd vr̥trám índro haniṣyánt sákʰe viṣṇo vitarám̐ víkramasva //

Line : 8  Pada: aa     trī́ṇy ā́yūm̐ṣi táva jātavedaḥ //

Line : 9  Pada: ab     agnír asmi jánmanā jātávedā gʰr̥táṃ me cákṣur amŕ̥taṃ ma āsán /

Line : 10  Pada: ac     arkás tridʰā́tū rájaso vimā́nó 'jasro gʰarmó havír asmi nā́ma //

Line : 11  Pada: ad     vidmā́ te agne tredʰā́ trayā́ṇi //

Line : 12  Pada: ae     vŕ̥ṣaṇaṃ tvā tríkakubʰaṃ trímūrdʰānaṃ trísaṃdr̥śam /

Line : 13  Pada: af     várṣman pr̥tʰivyā́ īmahé ágne havyā́ya vóḍʰave //

Line : 14  Pada: ag     átividdʰā \

Pada: ah     asyéd evā́ * //
      FN Pada: / viddʰāsyé / deva /

Line : 15  Pada: ai     parjányāya prágāyata divás putrā́ya mīḍʰúṣe /

Line : 16  Pada: aj     sá no yávasam icʰatu //

Page: 193  
Line : 1  Pada: ak     prá vā́tā vā́nti patáyanti vidyútā úd óṣadʰīr jíhate pínvate svàḥ /

Line : 2  Pada: al     írā víśvasmai bʰúvanāya jāyate yát parjányaḥ pr̥tʰivī́m̐ rétasā́vati //

Line : 3  Pada: am     yás tastámbʰa sáhasā ví jmó ántān bŕ̥haspátis triṣadʰastʰó ráveṇa /

Line : 4  Pada: an     táṃ pratnā́sā ŕ̥ṣayo dī́dʰyānāḥ puró víprā dadʰire mandrájihvam //

Line : 5  Pada: ao     vibʰídyā púram̐ śayátʰem ápācīṃ nís trī́ṇi sākám udadʰér akr̥ntat /

Line : 6  Pada: ap     bŕ̥haspátir uṣásam̐ sū́ryaṃ gā́m arkám̐ viveda stanáyann iva dyaúḥ //

Line : 7  Pada: aq     kr̥ṣṇáṃ niyā́nam̐ hárayaḥ suparṇā́ apó vásānā dívam útpatanti /

Line : 8  Pada: ar     tá ā́vavr̥trant sádanād r̥tásyā́d íd gʰr̥téna pr̥tʰivī́ vyùdyate //

Line : 9  Pada: as     ā́ te suparṇā́ aminanta évaiḥ kr̥ṣṇó nónāva vr̥ṣabʰó yádīdám /

Line : 10  Pada: at     śivā́bʰir ná smáyamānābʰir ā́gāt pátanti míhaḥ stanáyanty abʰrā́ //

Line : 11  Pada: au     vāśréva vidyún mimāti vatsáṃ ná mātā́ siṣakti /

Line : 12  Pada: av     yád eṣām̐ vr̥ṣṭír ásarji //

Line : 13  Pada: aw     párvataś cin máhi vr̥ddʰó bibʰāya diváś cit sā́nu rejata svané vaḥ /

Line : 14  Pada: ax     yát krī́ḍatʰa maruta r̥ṣṭimántā ā́pa iva sadʰryàñco dʰavadʰve //

Line : 15  Pada: ay     sr̥jánti raśmim ójasā pántʰām̐ sū́ryāya yā́tave /

Line : 16  Pada: az     té bʰānúbʰir vítastʰire //

Page: 194  
Line : 1  Pada: ba     báhiṣṭʰebʰir viháran yāsi tántum ávavyayann ásitaṃ deva vásma /

Line : 2  Pada: bb     dávidʰvato raśmáyaḥ sū́ryasya cármevā́vādʰus támo apsv àntáḥ //

Line : 3  Pada: bc     sū́ryo apó vígāhate raśmíbʰir vājasā́tamaḥ /

Line : 4  Pada: bd     bódʰāt stómair váyo dádʰat //


Anuvaka: 6  
Line : 5  Pada: a     arvā́ñco adyā́ bʰavatā yajatrā ā́ vo hā́rdi bʰáyamāno vyayeyam /

Line : 6  Pada: b     trā́dʰvaṃ no devā nijúro vŕ̥kasya trā́dʰvaṃ kartā́d avapádo yajatrāḥ //

Line : 7  Pada: c     prá vā éko mimaya bʰū́ry ā́go yán mā pitéva kitavám̐ śaśāsá /

Line : 8  Pada: d     āré pā́śā āré agʰā́ni devā mā́ mā́dʰi putré vím iva grabʰīṣṭa //

Line : 9  Pada: e     ā́ gʰā yé agním indʰaté str̥ṇánti barhír ānuṣák /

Line : 10  Pada: f     yéṣām índro yúvā sákʰā //

Line : 11  Pada: g     yā́bʰyām̐ svàr ájanann ágra evá yā́ ātastʰátur bʰúvanāni víśvā /

Line : 12  Pada: h     prá carṣaṇī́ vr̥ṣáṇā vájrabāhum agním índram̐ vr̥traháṇam̐ huvema //

Line : 13  Pada: i     ágnā índraś ca dāśúṣo duroṇé sutā́vato yajñám ihópayātam /

Line : 14  Pada: j     ámardʰantā somapéyāya devā //

Line : 15  Pada: k     ánv adyá no ánumatis \

Pada: l     ánv íd anumate tvám //

Line : 16  Pada: m     rākā́m ahám̐ suhávām̐ suṣṭutī́ huve śr̥ṇótu naḥ subʰágā bódʰatu tmánā /

Page: 195  
Line : 1  Pada: n     sī́vyatv ápaḥ sūcyā́cʰidyamānayā dádātu vīrám̐ śatádāyam uktʰyàm //

Line : 2  Pada: o     yā́s te rāke sumatáyaḥ supéśaso yā́bʰir dádāsi dāśúṣe vásūni /

Line : 3  Pada: p     tā́bʰir no adyá sumánā upā́gahi sahasrapoṣám̐ subʰage rárāṇā * //
      FN emended. Ed.: rárāṇa. cf. R̥V.2.32.5.

Line : 4  Pada: q     sínīvāli pr̥tʰuṣṭuke yā́ devā́nām ási svásā /

Line : 5  Pada: r     juṣásva havyám ā́hutaṃ prajā́ṃ devi didiḍḍʰi naḥ //

Line : 6  Pada: s     yā́ supāṇíḥ svaṅguríḥ suṣū́mā bahusū́varī /

Line : 7  Pada: t     tásyai viśpátnyai havíḥ sinīvālyaí juhotana //

Line : 8  Pada: u     kuhū́m ahám̐ sukŕ̥tam̐ vidmanā́pasam asmín yajñé suhávāṃ johavīmi /

Line : 9  Pada: v     sā́ no dadātu śrávaṇaṃ pitr̥̄ṇā́ṃ tásyai te devi havíṣā vidʰema //

Line : 10  Pada: w     kuhū́r devā́nām amŕ̥tasya pátnī hávyā no asyá havíṣaḥ śr̥ṇotu /

Line : 11  Pada: x     sá dāśúṣe kirátu bʰū́ri vāmám̐ rāyáspóṣaṃ cikitúṣe dadʰātu //

Line : 12  Pada: y     dʰātā́ dadʰātu no rayíṃ prā́cīṃ jīvā́tum ákṣitām /

Line : 13  Pada: z     vayáṃ devásya dʰīmahi sumatím̐ satyádʰarmaṇaḥ //

Line : 14  Pada: aa     dʰātā́ dadātu dāśúṣe vásūni prajā́kāmāya mīḍʰúṣe duroṇé /

Line : 15  Pada: ab     tásmai devā́ amŕ̥tāḥ sám̐vyayantām̐ víśve devā́so áditiḥ sajóṣāḥ //

Line : 16  Pada: ac     prātár yajadʰvam aśvínā hinota ná sāyám asti devayā́ ájuṣṭam /

Line : 17  Pada: ad     utā́nyó asmád yajate ví cā́vaḥ pū́rvaḥpūrvo yájamāno vánīyān //

Page: 196  
Line : 1  Pada: ae     prātaryā́vāṇā pratʰamā́ yajadʰvaṃ purā́ gŕ̥dʰrād áraruṣaḥ pibātaḥ /

Line : 2  Pada: af     prātár hí yajñám aśvínā dadʰā́te práśam̐santi kaváyaḥ pūrvabʰā́jaḥ //

Line : 3  Pada: ag     índrā nú pūṣáṇā vayám̐ sakʰyā́ya svastáye /

Line : 4  Pada: ah     huvéma vā́jasātaye //

Line : 5  Pada: ai     yán nirṇíjā //

Line : 6  Pada: aj     tvám agne br̥hád váyo dádʰāsi deva dāśúṣe /

Line : 7  Pada: ak     kavír gr̥hápatir yúvā //

Line : 8  Pada: al     havyavā́ḍ agnír ajáraḥ pitā́ no vibʰúr vibʰā́vā sudŕ̥śīko asmé /

Line : 9  Pada: am     sugārhapatyā́ḥ sám íṣo didīhy asmadryàk sáṃmimīhi śrávām̐si //

Line : 10  Pada: an     tváṃ ca soma no váśo jīvā́tuṃ ná marāmahe /

Line : 11  Pada: ao     priyástotro vánaspátiḥ //

Line : 12  Pada: ap     brahmā́ devā́nāṃ padavī́ḥ kavīnā́ṃ kavír víprāṇāṃ mahiṣó mr̥gā́ṇām /

Line : 13  Pada: aq     śyenó gŕ̥dʰrāṇām̐ svádʰitir vánānām̐ sómaḥ pavítram átyeti rébʰan //

Line : 14  Pada: ar     ā́ viśvádevam̐ sátpatim̐ sūktaír adyā́ vr̥ṇīmahe /

Line : 15  Pada: as     satyásavam̐ savitā́ram //

Line : 16  Pada: at     ā́ kr̥ṣṇéna rájasā vártamāno niveśáyann amŕ̥taṃ mártyaṃ ca /

Line : 17  Pada: au     hiraṇyáyena savitā́ rátʰenā́ devó yāti bʰúvanā vipáśyan //

Line : 18  Pada: av     udaprúto ná váyo rákṣamāṇā vā́vadato abʰríyasyeva gʰóṣāḥ /

Page: 197  
Line : 1  Pada: aw     giribʰrájo nórmáyo mádanto bŕ̥haspátim abʰy àrkā́ anāvan //

Line : 2  Pada: ax     ham̐saír iva sákʰibʰir vā́vadadbʰir aśmanmáyāni náhanā vyásyan /

Line : 3  Pada: ay     bŕ̥haspátir abʰikánikradad gā́ utá prā́staud úc ca vidváṃ agāyat //

Line : 4  Pada: az     tvám̐ sutásya pītáye sadyó vr̥ddʰó ajāyatʰāḥ /

Line : 5  Pada: ba     índra jyaíṣṭʰyāya sukrato //

Line : 6  Pada: bb     bʰúvas tvám indra bráhmaṇo mahā́n bʰúvo víśveṣu sávaneṣu yajñíyaḥ /

Line : 7  Pada: bc     bʰúvo nŕ̥̄m̐ś cyautnó víśvasmin bʰáre jyéṣṭʰaś ca mántro viśvacarṣaṇe //

Line : 8  Pada: bd     prá sá mitra * \
      FN Correcturen und Conjecturen zu dem ganzen Werk.

Pada: be     anamīvā́saḥ //

Line : 9  Pada: bf     yác cid dʰí te víśo yatʰā prá deva varuṇa vratám /

Line : 10  Pada: bg     minīmási dyávidyavi //

Line : 11  Pada: bh     yát kíṃcedám̐ varuṇa daívye jáne 'bʰidroháṃ manuṣyā̀ś cárāmasi /

Line : 12  Pada: bi     ácittī yát táva dʰármā yuyopimá mā́ nas tásmād énaso deva rīriṣaḥ //

Line : 13  Pada: bj     yátʰā no áditiḥ kárat páśve nŕ̥bʰyo yátʰā gáve /

Line : 14  Pada: bk     yátʰā tokā́ya rudríyam //

Line : 15  Pada: bl     mā́ nas toké tánaye mā́ nā ā́yuṣi mā́ no góṣu mā́ no áśveṣu rīriṣaḥ /

Line : 17  Pada: bm     vīrā́n mā́ no rudra bʰāmitó vadʰīr havíṣmanto námasā vidʰema te //

Page: 198  
Line : 1  Pada: bn     yá imā́ víśvā jātā́ny āśrāváyati ślókena /

Line : 2  Pada: bo     prá ca suvā́ti savitā́ //

Line : 3  Pada: bp     víśvā rūpā́ṇi //

Line : 4  Pada: bq     áśvinā yajñám ā́gataṃ dāśúṣaḥ púrudam̐sasā /

Line : 5  Pada: br     pūṣā́ rakṣatu no rayím //

Line : 6  Pada: bs     imám̐ yajñám aśvínā vardʰáyantemaú vīryàm̐ yájamānāya dʰattām /

Line : 7  Pada: bt     imaú paśū́n rakṣatām̐ viśváto naḥ pūṣā́ naḥ pātu sádam áprayucʰan //

Line : 8  Pada: bu     prá te mahe sarasvati súbʰage vā́jinīvati /

Line : 9  Pada: bv     satyavā́ce bʰare matím //

Line : 10  Pada: bw     idáṃ te havyáṃ gʰr̥távat sarasvati satyavā́ce práyatemā havī́m̐ṣi /

Line : 11  Pada: bx     imā́ni ta uditā́ śáṃtamāni tébʰir vayám̐ subʰágāsaḥ syāma //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.