TITUS
Black Yajur-Veda: Taittiriya-Brahmana
Part No. 14
Previous part

Chapter: 6 
Paragraph: 1 
Verse: 1    {BS 2.6.1.1}
Sentence: 1    svādvī́ṃ tvā svādúnā /
Sentence: 2    tīvrā́ṃ tīvréṇa /
Sentence: 3    amŕ̥tām amŕ̥tena /
Sentence: 4    mádʰumatīṃ mádʰumatā /
Sentence: 5    sr̥jā́mi sám̐ sómena /
Sentence: 6    sómo 'sy aśvíbʰyāṃ pacyasva /
Sentence: 7    sárasvatyai pacyasva /
Sentence: 8    índrāya sutrā́mṇe pacyasva //
Sentence: 9    pári_itó ṣiñcatā sutám /
Sentence: 10    sómo yá uttamám̐ havíḥ //

Verse: 2    {BS 2.6.1.2}
Sentence: 1    dadʰanvā́[dadʰanvā́n?] yó náryo apsv àntár ā́ /
Sentence: 2    suṣáva sómam ádribʰiḥ //
Sentence: 3    punā́tu te parisrútam /
Sentence: 4    sómam̐ sū́ryasya duhitā́ /
Sentence: 5    vā́reṇa śáśvatā tánā //
Sentence: 6    vāyúḥ pūtáḥ pavítreṇa /
Sentence: 7    prā́ṅ sómo átidrutaḥ //

Verse: 3    {BS 2.6.1.3}
Sentence: 1    índrasya yújyaḥ sákʰā //
Sentence: 2    bráhma kṣatráṃ pavate téja indriyám /
Sentence: 3    súrayā sómaḥ sutá ā́suto mádāya /
Sentence: 4    śukréṇa deva devátāḥ pipr̥gdʰi /
Sentence: 5    rásena_ánnaṃ yájamānāya dʰehi //
Sentence: 6    kuvíd aṅga yávamanto yávaṃ cit /
Sentence: 7    yátʰā dānty anupūrváṃ viyū́ya /
Sentence: 8    ihá_íha_eṣāṃ kr̥ṇuta bʰójanāni /
Sentence: 9    yé barhíṣo námovr̥ktiṃ ná jagmúḥ //
Sentence: 10    upayāmágr̥hīto 'sy aśvíbʰyāṃ tvā júṣṭaṃ gr̥hṇāmi //

Verse: 4    {BS 2.6.1.4}
Sentence: 1    sárasvatyā índrāya sutrā́mṇe /
Sentence: 2    eṣá te yónis téjase tvā /
Sentence: 3    vīryā̀ya tvā bálāya tvā //
Sentence: 4    téjo 'si téjo máyi dʰehi /
Sentence: 5    vīryàm asi vīryàṃ máyi dʰehi /
Sentence: 6    bálam asi bálaṃ máyi dʰehi //
Sentence: 7    nā́nā hí vāṃ deváhitam̐ sádaḥ kr̥tám /
Sentence: 8    mā́ sám̐sr̥kṣātʰāṃ paramé vyòman /
Sentence: 9    súrā tvám ási śuṣmiṇī sóma eṣáḥ /
Sentence: 10    mā́ mā him̐sīḥ svā́ṃ yónim āviśán //

Verse: 5    {BS 2.6.1.5}
Sentence: 1    upayāmágr̥hīto 'sy āśvináṃ téjaḥ /
Sentence: 2    sārasvatáṃ vīryàm /
Sentence: 3    aindráṃ bálam //
Sentence: 4    eṣá te yónir módāya tvā /
Sentence: 5    ānandā́ya tvā máhase tvā //
Sentence: 6    ójo 'sy ójo máyi dʰehi /
Sentence: 7    manyúr asi manyúṃ máyi dʰehi /
Sentence: 8    máho 'si máho máyi dʰehi /
Sentence: 9    sáho 'si sáho máyi dʰehi //
Sentence: 10    yā́ vyāgʰráṃ víṣūcikā /
Sentence: 11    ubʰáu vŕ̥kaṃ ca rákṣati /
Sentence: 12    śyenáṃ patatríṇam̐ sim̐hám /
Sentence: 13    sā́_imáṃ pātv ám̐hasaḥ //
Sentence: 14    saṃpŕ̥caḥ stʰa {Dumont saṃpŕ̥ca stʰa} sáṃ mā bʰadréṇa pr̥ṅkta /
Sentence: 15    vipŕ̥caḥ stʰa {Dumont vipŕ̥ca stʰa} ví mā pāpmánā pr̥ṅkta //

Paragraph: 2 
Verse: 1    {BS 2.6.2.6}
Sentence: 1    sómo rā́jā_amŕ̥tam̐ sutáḥ /
Sentence: 2    r̥jīṣéṇa_ajahān mr̥tyúm /
Sentence: 3    r̥téna satyám indriyám /
Sentence: 4    vípānam̐ śukrám ándʰasaḥ /
Sentence: 5    índrasya_indriyám /
Sentence: 6    idáṃ páyo 'mŕ̥taṃ mádʰu //
Sentence: 7    sómam adbʰyó vyàpibat /
Sentence: 8    cʰándasā ham̐sáḥ śuciṣát /
Sentence: 9    r̥téna satyám indriyám //
Sentence: 10    adbʰyáḥ kṣīráṃ vyàpibat //

Verse: 2    {BS 2.6.2.7}
Sentence: 1    krúṅṅ āṅgirasó dʰiyā́ /
Sentence: 2    r̥téna satyám indriyám //
Sentence: 3    ánnāt parisrúto rásam /
Sentence: 4    bráhmaṇā vyàpibat kṣatrám /
Sentence: 5    r̥téna satyám indriyám //
Sentence: 6    réto mū́traṃ víjahāti /
Sentence: 7    yóniṃ praviśád indriyám /
Sentence: 8    gárbʰo jarā́yuṇā_ā́vr̥taḥ /
Sentence: 9    úlbaṃ jahāti jánmanā /
Sentence: 10    r̥téna satyám indriyám //

Verse: 3    {BS 2.6.2.8}
Sentence: 1    védena rūpé vyàkarot /
Sentence: 2    satāsatī́ prajā́patiḥ /
Sentence: 3    r̥téna satyám indriyám //
Sentence: 4    sómena sómau vyàpibat /
Sentence: 5    sutāsutáu prajā́patiḥ /
Sentence: 6    r̥téna satyám indriyám //
Sentence: 7    dr̥ṣṭvā́ rūpé vyākarot /
Sentence: 8    satyānr̥té prajā́patiḥ /
Sentence: 9    áśraddʰām ánr̥té 'dadʰāt /
Sentence: 10    śraddʰā́m̐ satyé prajā́patiḥ /
Sentence: 11    r̥téna satyám indriyám //
Sentence: 12    dr̥ṣṭvā́ parisrúto rásam /
Sentence: 13    śukréṇa śukráṃ vyàpibat /
Sentence: 14    páyaḥ sómaṃ prajā́patiḥ /
Sentence: 15    r̥téna satyám indriyám /
Sentence: 16    vípā́nam̐ śukrám ándʰasaḥ /
Sentence: 17    índrasya_indriyám /
Sentence: 18    idáṃ páyo 'mŕ̥taṃ mádʰu //


Paragraph: 3 
Verse: 1    {BS 2.6.3.9}
Sentence: 1  {a}   súrāvantaṃ barhiṣádam̐ suvī́ram /
Sentence: 2    yajñám̐ hinvanti mahiṣā́ námobʰiḥ /
Sentence: 3    dádʰānāḥ sómaṃ diví devátāsu /
Sentence: 4    mádema_índraṃ yájamānāḥ svarkā́ḥ //
Sentence: 5  {b}   yás te rásaḥ sáṃbʰr̥ta óṣadʰīṣu /
Sentence: 6    sómasya śúṣmaḥ súrayā sutásya /
Sentence: 7    téna jinva yájamānaṃ mádena /
Sentence: 8    sárasvatīm aśvínāv índram agním //
Sentence: 9  {c}   yám aśvínā námucer āsurā́d ádʰi /
Sentence: 10    sárasvaty ásanod indriyā́ya //

Verse: 2    {BS 2.6.3.10}
Sentence: 1    imáṃ tám̐ śukráṃ mádʰumantam índum /
Sentence: 2    sómam̐ rā́jānam ihá bʰakṣayāmi /
Sentence: 3  {d}   yád átra riptám̐ rasínaḥ sutásya /
Sentence: 4    yád índro ápibat_śácībʰiḥ /
Sentence: 5    aháṃ tád asya mánasā śivéna /
Sentence: 6    sómam̐ rā́jānam ihá bʰakṣayāmi //
Sentence: 7  {e}   pitŕ̥bʰyaḥ svadʰāvíbʰyaḥ svadʰā́ námaḥ /
Sentence: 8    pitāmahébʰyaḥ svadʰāvíbʰyaḥ svadʰā́ námaḥ /
Sentence: 9    prápitāmahebʰyaḥ svadʰāvíbʰyaḥ svadʰā́ námaḥ /
Sentence: 10    ákṣan pitáraḥ //

Verse: 3    {BS 2.6.3.11}
Sentence: 1    ámīmadanta pitáraḥ /
Sentence: 2    átītr̥panta pitáraḥ /
Sentence: 3    ámīmr̥janta pitáraḥ /
Sentence: 4    pítaraḥ śúndʰadʰvam //
Sentence: 5  {f}   punántu mā pitáraḥ somyā́saḥ /
Sentence: 6    punántu mā pitāmahā́ḥ /
Sentence: 7    punántu prápitāmahāḥ /
Sentence: 8    pavítreṇa śata_ā́yuṣā //
Sentence: 9  {g}   punántu mā pitāmahā́ḥ /
Sentence: 10    punántu prápitāmahāḥ //

Verse: 4    {BS 2.6.3.12}
Sentence: 1    pavítreṇa śata_ā́yuṣā /
Sentence: 2    víśvam ā́yur vyàśnavai //
Sentence: 3  {h}   ágna ā́yūm̐ṣi pavasé, {i} 'gne pávasva /
Sentence: 4  {j}   pávamānaḥ súvarjánaḥ, {k} punántu mā devajanā́ḥ /
Sentence: 5  {l}   jā́tavedaḥ pavítravad, {m} yát te pavítram arcíṣi /
Sentence: 6  {n}   ubʰā́bʰyāṃ deva savitar, {o} vaiśvadevī́ punatī́ /
Sentence: 7  {p}   yé samānā́ḥ sámanasaḥ /
Sentence: 8    pitáro yamarā́jye /
Sentence: 9    téṣāṃ lokáḥ svadʰā́ námaḥ /
Sentence: 10    yájñó devéṣu kalpatām //

Verse: 5    {BS 2.6.3.13)
Sentence: 1  {q}   yé sajātā́ḥ sámanasaḥ /
Sentence: 2    jīvā́ jīvéṣu māmakā́ḥ /
Sentence: 3    téṣām̐ śrī́r máyi kalpatām /
Sentence: 4    asmín_loké śatám̐ sámāḥ /
Sentence: 5  {r}   dvé srutī́ aśr̥ṇavaṃ pitr̥ṇā́m /
Sentence: 6    aháṃ devā́nām utá mártyānām /
Sentence: 7    yā́bʰyām {Dumont tā́bʰyām} idáṃ víśvam éjat sámeti /
Sentence: 8    yád antarā́ pitáraṃ mātáraṃ ca /
Sentence: 9  {s}   idám̐ havíḥ prajánanaṃ me astu /
Sentence: 10    dáśavīram̐ sarvágaṇam̐ svastáye /
Sentence: 11    ātmasáni prajāsáni /
Sentence: 12    paśusány abʰayasáni lokasáni /
Sentence: 13    agníḥ prajā́ṃ bahulā́ṃ me karotu /
Sentence: 14    ánnaṃ páyo réto asmā́su dʰatta /
Sentence: 15    rāyás póṣam íṣam ū́rjam asmā́su dīdʰarat svā́hā //

Paragraph: 4 
Verse: 1    {BS 2.6.4.14}
Sentence: 1  {a}   sī́sena tántraṃ mánasā manīṣíṇaḥ /
Sentence: 2    ūrṇāsūtréṇa kaváyo vayanti /
Sentence: 3    aśvínā yajñám̐ savitā́ sárasvatī /
Sentence: 4    índrasya rūpáṃ váruṇo bʰiṣajyán /
Sentence: 5  {b}   tád asya rūpám amŕ̥tam̐ śácībʰiḥ /
Sentence: 6    tisró dadʰur devátāḥ sam̐rarāṇā́ḥ /
Sentence: 7    lómāni śáṣpair bahudʰā́ ná tókmabʰiḥ /
Sentence: 8    tvág asya mām̐sám abʰavanná lājā́ḥ /
Sentence: 9  {c}   tád aśvínā bʰiṣájā rudrávartanī /
Sentence: 10    sárasvatī vayati peśo ántaraḥ {Dumont ántaram cf. VS.19.82} //

Verse: 2    {BS 2.6.4.15}
Sentence: 1    ástʰi majjā́naṃ mā́saraiḥ /
Sentence: 2    kārotaréṇa dádʰato gávāṃ tvací /
Sentence: 3  {d}   sárasvatī mánasā peśaláṃ vásu /
Sentence: 4    nā́satyābʰyāṃ vayati darśatáṃ vápuḥ /
Sentence: 5    rásaṃ parisrútā ná róhitam /
Sentence: 6    nagnáhur dʰī́ras tásaraṃ ná véma /
Sentence: 7  {e}   páyasā śukrám amŕ̥taṃ janítram /
Sentence: 8    súrayā mū́trāj janayanti rétaḥ /
Sentence: 9    ápa_ámatiṃ durmatíṃ bā́dʰamānāḥ /
Sentence: 10    ū́vadʰyaṃ vā́tam̐ sabúvaṃ tád ārā́t //

Verse: 3    {BS 2.6.4.16}
Sentence: 1  {f}   índraḥ sutrā́mā hŕ̥dayena satyám /
Sentence: 2    puroḍā́śena savitā́ jajāna /
Sentence: 3    yákr̥t klomā́naṃ váruṇo bʰiṣajyán {AS bʰiṣajyan} /
Sentence: 4    mátasne vāyavyàir na mināti pittám /
Sentence: 5  {g}   āntrā́ṇi stʰālī́ mádʰu pínvamānā /
Sentence: 6    gúdā {Dumont gúdāḥ} pā́trāṇi sudúgʰā ná dʰenúḥ /
Sentence: 7    śyenásya pátraṃ ná plīhā́ śácībʰiḥ /
Sentence: 8    āsandī́ nā́bʰir udáraṃ ná mātā́ /
Sentence: 9  {h}   kumbʰó vaniṣṭhúr janitā́ śácībʰiḥ /
Sentence: 10    yásminn ágre yónyāṃ gárbʰo antáḥ //

Verse: 4    {BS 2.6.4.17}
Sentence: 1    plāśīr vyàktaḥ śatádʰāra útsaḥ /
Sentence: 2    duhé ná kumbʰī́m̐ svadʰā́ṃ pitŕ̥bʰyaḥ /
Sentence: 3  {i}   múkʰam̐ sád asya śíra ít sádena {Dumont sátena} /
Sentence: 4    jihvā́ pavítram aśvínā sám̐ sárasvatī /
Sentence: 5    cápyaṃ {BS cáppaṃ} ná pāyúr bʰiṣág asya vā́laḥ /
Sentence: 6    vastír ná śépo hárasā tarasvī́ /
Sentence: 7  {j}   aśvíbʰyāṃ cákṣur amŕ̥taṃ gráhābʰyām /
Sentence: 8    cʰā́gena téjo havíṣā śr̥téna /
Sentence: 9    pákṣmāṇi godʰū́maiḥ kvàlair utā́ni /
Sentence: 10    péśo ná śuklám ásitaṃ vasāte //

Verse: 5    {!} {BS 2.6.4.18}
Sentence: 1  {k}   ávir ná meṣó nasí vīryā̀ya /
Sentence: 2    prāṇásya pántʰā amŕ̥to gráhābʰyām /
Sentence: 3    sárasvaty úpa vā́kair vyānám /
Sentence: 4    násyāni barhír bádarairjajāna /
Sentence: 5  {l}   índrasya rūpám r̥ṣabʰó bálāya /
Sentence: 6    kárṇabʰyām̐ śrótram amŕ̥taṃ gráhābʰyām /
Sentence: 7    yávā ná barhír bʰruví késarāṇi /
Sentence: 8    karkándʰu {BS karkándu} jajñe mádʰu sāragʰáṃ múkʰāt /
Sentence: 9  {m}   ātmánn upástʰe ná vŕ̥kasya lóma /
Sentence: 10    múkʰe śmáśrūṇi ná vyāgʰralomám {Dumont vyāgʰralomán} //

Verse: 6    {!} {BS 2.6.4.19}
Sentence: 1    kéśā ná śīrṣán yáśase śriyái śíkʰā /
Sentence: 2    sim̐hásya lóma tvíṣir indriyā́ṇi /
Sentence: 3  {n}   áṅgāny ātmán bʰiṣájā tád aśvínā /
Sentence: 4    ātmā́nam áṅgaiḥ sámadʰāt sárasvatī /
Sentence: 5    índrasya rūpám̐ śatámānam ā́yuḥ /
Sentence: 6    candréṇa jyótir amŕ̥taṃ dádʰānā /
Sentence: 7  {o}   sárasvatī yónyāṃ gárbʰam antáḥ /
Sentence: 8    aśvíbʰyāṃ pátnī súkr̥taṃ bibʰarti /
Sentence: 9    apā́m̐ rásena váruṇo ná sā́mnā /
Sentence: 10    índram̐ śriyái janáyann apsú rā́jā /
Sentence: 11  {p}   téjaḥ paśūnā́m̐ havír indriyā́vat /
Sentence: 12    parisrútā páyasā sāragʰáṃ mádʰu /
Sentence: 13    aśvíbʰyāṃ dugdʰáṃ bʰiṣájā sárasvatyā, sutāsutā́bʰyām {/} amŕ̥taḥ sóma índuḥ //


Paragraph: 5 
Verse: 1    {BS 2.6.5.20}
Sentence: 1  {a}   mitrò 'si váruṇo 'si /
Sentence: 2  {b}   sám aháṃ víśvair deváiḥ /
Sentence: 3  {c}   kṣatrásya nā́bʰir asi /
Sentence: 4    kṣatrásya yónir asi /
Sentence: 5  {d}   syonā́m ā́sīda /
Sentence: 6    suṣádām ā́sīda /
Sentence: 7  {e}   mā́ tvā him̐sīt /
Sentence: 8    mā́ mā him̐sīt /
Sentence: 9  {f}   níṣasāda dʰr̥távrato váruṇaḥ /
Sentence: 10    pastyā̀sv ā́ //

Verse: 2    {BS 2.6.5.21}
Sentence: 1    sā́mrājyāya sukrátuḥ /
Sentence: 2  {g}   devásya tvā savitúḥ prasavé /
Sentence: 3    aśvínor bāhúbʰyām /
Sentence: 4    pūṣṇó hástābʰyām /
Sentence: 5    aśvínor bʰáiṣajyena /
Sentence: 6    téjase brahmavarcasā́ya_abʰíṣiñcāmi /
Sentence: 7  {h}   devásya tvā savitúḥ prasavé /
Sentence: 8    aśvínor bāhúbʰyām /
Sentence: 9    pūṣṇó hástābʰyām /
Sentence: 10    sárasvatyai bʰáiṣajyena //

Verse: 3    {BS 2.6.5.22}
Sentence: 1    vīryā̀ya_annā́dyāya_abʰíṣiñcāmi /
Sentence: 2  {i}   devásya tvā savitúḥ prasavé /
Sentence: 3    aśvínor bahúbʰyām /
Sentence: 4    pūṣṇó hástābʰyām /
Sentence: 5    índrasya_indriyéṇa /
Sentence: 6    śriyái yáśase bálāya_abʰíṣiñcāmi /
Sentence: 7  {j}   kò 'si katamò 'si /
Sentence: 8    kásmai tvā kā́ya tvā /
Sentence: 9  {k}   súślokā3m̐ {BS súślokā́4m̐} súmaṅgalā3m̐ {BS súmaṅgalā́4m̐} sátyarājā́3n /
Sentence: 10  {l}   śíro me śrī́ḥ //

Verse: 4    {BS 2.6.5.23}
Sentence: 1    yáśo múkʰam /
Sentence: 2    tvíṣiḥ kéśāś ca śmáśrūṇi /
Sentence: 3    rā́jā me prāṇò 'mŕ̥tam /
Sentence: 4    samrā́ṭ cákṣuḥ /
Sentence: 5    virā́j_śrótram /
Sentence: 6    jihvā́ me bʰadrám /
Sentence: 7    vā́ṅ mahaḥ /
Sentence: 8    máno manyúḥ /
Sentence: 9    svarāḍ bʰā́maḥ /
Sentence: 10    módāḥ pramodā́ aṅgúlīr áṅgāni //

Verse: 5    {BS 2.6.5.24}
Sentence: 1    cittáṃ me sáhaḥ /
Sentence: 2    bāhū́ me bálam indriyám /
Sentence: 3    hástau me kárma vīryàm /
Sentence: 4    ātmā́ kṣatrám úro máma /
Sentence: 5    pr̥ṣṭī́r me rāṣṭram udáram, ám̐sau {/} grīvā́ś ca śróṇyau /
Sentence: 6    ūrū́ aratnī́ jā́nunī /
Sentence: 7    víśo mé 'ṅgāni sarvátaḥ /
Sentence: 8    nā́bʰir me cittáṃ vijñā́nam /
Sentence: 9    pāyúr mé 'pacitir bʰasát //

Verse: 6    {BS 2.6.5.25}
Sentence: 1    ānandanandā́v āṇḍáu me /
Sentence: 2    bʰágaḥ sáubʰāgyaṃ pásaḥ /
Sentence: 3  {m}   jáṅgʰābʰyāṃ padbʰyā́ṃ dʰármo 'smi /
Sentence: 4    viśí rā́jā prátiṣṭhitaḥ /
Sentence: 5  {n}   práti kṣtré prátitiṣṭhati rāṣṭré /
Sentence: 6    práty áśveṣu prátitiṣṭhāmi góṣu /
Sentence: 7    práty aṅgeṣu prátitiṣṭhāmy ātmán /
Sentence: 8    práti prāṇéṣu prátitiṣṭhāmi puṣṭé /
Sentence: 9    práti dyā́vāpr̥tʰivyóḥ /
Sentence: 10    prátitiṣṭhāmi yajñé //

Verse: 7    {BS 2.6.5.26}
Sentence: 1  {o}   trayā́ devā́ ékādaśa /
Sentence: 2    trayastrim̐śā́ḥ surā́dʰasaḥ /
Sentence: 3    bŕ̥haspátipurohitāḥ /
Sentence: 4    devásya savitúḥ savé /
Sentence: 5    devā́ deváir avantu mā /
Sentence: 6    pratʰamā́ dvitī́yaiḥ /
Sentence: 7    dvitī́yās tr̥tī́yaiḥ /
Sentence: 8    tr̥tī́yāḥ satyéna /
Sentence: 9    satyáṃ yajñéna /
Sentence: 10    yajñó yájurbʰiḥ //

Verse: 8    {BS 2.6.5.27}
Sentence: 1    yájūm̐ṣi sā́mabʰiḥ /
Sentence: 2    sā́māny r̥gbʰíḥ /
Sentence: 3    ŕ̥co yājyā̀bʰiḥ /
Sentence: 4    yājyā̀ vaṣaṭkāráiḥ /
Sentence: 5    vaṣaṭkārā́ ā́hutibʰiḥ /
Sentence: 6    ā́hutayo me kā́mānt sámardʰayantu /
Sentence: 7    bʰū́ḥ svā́hā /
Sentence: 8  {p}   lómāni práyatir máma /
Sentence: 9    tváṅ ma ā́natir ā́gatiḥ /
Sentence: 10    mām̐sáṃ ma úpanatiḥ vásv ástʰi /
Sentence: 11    majjā́ ma ā́natiḥ //


Paragraph: 6 
Verse: 1    {BS 2.6.6.28}
Sentence: 1  {a}   yád devā devahéḍanam /
Sentence: 2    dévāsaś cakr̥mā́ vayám /
Sentence: 3    agnír mā tásmād énasaḥ /
Sentence: 4    víśvān muñcatv ám̐hasaḥ /
Sentence: 5  {b}   yádi dívā yádi náktam /
Sentence: 6    énām̐si cakr̥mā́ vayám /
Sentence: 7    vāyúr mā tásmād énasaḥ /
Sentence: 8    víśvān muñcatv ám̐hasaḥ /
Sentence: 9  {c}   yádi jā́grad yádi svápne /
Sentence: 10    énām̐si cakr̥mā́ vayám //

Verse: 2    {BS 2.6.6.29}
Sentence: 1    sū́ryo mā tásmād énasaḥ /
Sentence: 2    víśvān muñcatv ám̐hasaḥ /
Sentence: 3  {d}   yád grā́me yád áraṇye /
Sentence: 4    yát sabʰā́yāṃ yád indriyé /
Sentence: 5    yát_śūdré yád aryè /
Sentence: 6    énaś cakr̥mā́ vayám /
Sentence: 7    yád ékasya_ádʰi dʰármaṇi /
Sentence: 8    {énaś cakr̥mā́ vayám /
Sentence: 9    yádekasyā́dʰi dʰármaṇi} /
Sentence: 10    tásya_avayájanam asi /
Sentence: 11  {e}   yád ā́po ágʰniyā váruṇa_íti śápāmahe /
Sentence: 12    táto varuṇa no muñca //

Verse: 3    {BS 2.6.6.30}
Sentence: 1  {f}   ávabʰr̥tʰa nicaṅkuṇa nicerúr asi nicaṅkuṇa /
Sentence: 2    áva deváir devákr̥tam éno 'yāṭ /
Sentence: 3    áva mártyair mártyakr̥tam /
Sentence: 4    urór ā́ no deva riṣás pāhi /
Sentence: 5  {g}   sumitrā́ na ā́pa óṣadʰayaḥ santu /
Sentence: 6    durmitrā́s tásmai bʰuyāsuḥ /
Sentence: 7    yò 'smā́n dvéṣṭi /
Sentence: 8    yáṃ ca vayáṃ dviṣmáḥ /
Sentence: 9  {h}   drupadā́d iva_ín mumucānáḥ /
Sentence: 10    svinnáḥ srātvī́ málād iva //

Verse: 4    {BS 2.6.6.31}
Sentence: 1    pūtáṃ pavítreṇa_iva_ā́jyam /
Sentence: 2    ā́paḥ śundʰantu mā_énasaḥ /
Sentence: 3  {i}   úd vayáṃ támasas pári /
Sentence: 4    páśyanto jyótir úttaram /
Sentence: 5    deváṃ devatrā́ sū́ryam /
Sentence: 6    áganma jyótir uttamám /
Sentence: 7  {j}   prátiyuto váruṇasya pā́śaḥ /
Sentence: 8    prátyasto váruṇasya pā́śaḥ /
Sentence: 9  {k}   édʰo 'sy edʰiṣīmáhi /
Sentence: 10    samíd asi //

Verse: 5    {BS 2.6.6.32}
Sentence: 1    téjo 'si téjo máyi dʰehi /
Sentence: 2  {l}   apó ánvacāriṣam /
Sentence: 3    rásena sámasr̥kṣmahi /
Sentence: 4    páyasvām̐ agna ā́gamam /
Sentence: 5    táṃ mā sám̐sr̥ja várcasā /
Sentence: 6    prajáyā ca dʰánena ca /
Sentence: 7  {m}   samā́vavarti pr̥tʰivī́ /
Sentence: 8    sám uṣā́ḥ /
Sentence: 9    sám u sū́ryaḥ /
Sentence: 10    sám u víśvām idáṃ jágat /
Sentence: 11    vaiśvānarájyotir bʰūyāsam /
Sentence: 12    vibʰúṃ kā́maṃ vyàśnavai /
Sentence: 13  {n}   bʰū́ḥ svā́hā //

Paragraph: 7 
Verse: 1    {BS 2.6.7.33}
Sentence: 1  {a}   hótā yakṣat samídʰā_índram iḍás padé /
Sentence: 2    nā́bʰā pr̥tʰivyā́ ádʰi /
Sentence: 3    divó várṣmant sámidʰyate /
Sentence: 4    ójiṣṭhaś carṣaṇīsáhān {Dumont carṣanīsáham} /
Sentence: 5    vétv ā́jyasya hótar yája /
Sentence: 6  {b}   hótā yakṣat tánūnápātam /
Sentence: 7    ūtíbʰir, jétāram áparājitam /
Sentence: 8    índraṃ devám̐ suvarvídam /
Sentence: 9    patʰíbʰir mádʰumattamaiḥ /
Sentence: 10    nárāśám̐sena téjasā //

Verse: 2    {BS 2.6.7.34}
Sentence: 1    vétv ā́jyasya hótar yája /
Sentence: 2  {c}   hótā yakṣad íḍābʰir índram īḍitám /
Sentence: 3    ājúhvānam ámartyam /
Sentence: 4    devó deváiḥ sávīryaḥ /
Sentence: 5    vájrahastaḥ puraṃdaráḥ /
Sentence: 6    vétv ā́jyasya hótar yája /
Sentence: 7  {d}   hótā yakṣad barhíṣi_índraṃ niṣadvarám /
Sentence: 8    vr̥ṣabʰáṃ náryāpasam /
Sentence: 9    vásubʰī rudráir ādityáiḥ /
Sentence: 10    sayúgbʰir barhír ā́sadat //

Verse: 3    {BS 2.6.7.35}
Sentence: 1    vétv ā́jyasya hótar yája /
Sentence: 2  {e}   hótā yakṣad ójo ná vīryàm /
Sentence: 3    sáho, dvā́ra índram avardʰayan /
Sentence: 4    suprāyaṇā́ víśrayantām r̥tāvŕ̥dʰaḥ /
Sentence: 5    dvā́ra índrāya mīḍhúṣe /
Sentence: 6    viyántv ā́jyasya hotar yája /
Sentence: 7  {f}   hótā yakṣad uṣé índrasya dʰenū́ /
Sentence: 8    sudúgʰe mātárau mahī́ /
Sentence: 9    sávātarau {BS,AS sávātárau} ná téjasī /
Sentence: 10    vatsám índram avardʰatām //

Verse: 4    {!} {BS 2.6.7.36}
Sentence: 1    vītā́m ā́jyasya hótar yája /
Sentence: 2  {g}   hótā yakṣad dáivayā hótārā /
Sentence: 3    bʰiṣájā sákʰāyā /
Sentence: 4    havíṣā_índraṃ bʰiṣajyataḥ, kavī́ deváu prácetasau /
Sentence: 5    índrāya dʰatta indriyám /
Sentence: 6    vītā́m ā́jyasya hótar yája /
Sentence: 7  {h}   hótā yakṣat tisró devī́ḥ /
Sentence: 8    tráyas tridʰā́tavo 'pásaḥ /
Sentence: 9    íḍā sárasvatī bʰā́ratī //

Verse: 5    {!} {BS 2.6.7.37}
Sentence: 1    mahī,_índrapatnīr havíṣmatīḥ /
Sentence: 2    viyántv ā́jyasya hótar yája /
Sentence: 3  {j}   hótā yakṣat tváṣṭāram índraṃ devám /
Sentence: 4    bʰiṣájam̐ suyájaṃ gʰŕ̥taśríyam /
Sentence: 5    pururū́pam̐ surétasaṃ magʰónim /
Sentence: 6    índrāya tváṣṭā dádʰad indriyā́ṇi /
Sentence: 7    vétv ā́jyasya hótar yája /
Sentence: 8  {j}   hótā yakṣad vánaspátim śamitā́ram̐ śatákratum /
Sentence: 9    dʰiyó joṣṭā́ram indriyám //

Verse: 6    {!} {BS 2.6.7.38}
Sentence: 1    mádʰvā samañján patʰíbʰiḥ sugébʰiḥ /
Sentence: 2    svádāti havyáṃ mádʰunā gʰr̥téna /
Sentence: 3    vétv ā́jyasya hótar yája /
Sentence: 4  {k}   hótā yakṣad índram̐ svā́hā_ā́jyasya /
Sentence: 5    svā́hā médasaḥ /
Sentence: 6    svā́hā stokā́nām /
Sentence: 7    svā́hā svā́hākr̥tīnām /
Sentence: 8    svā́hā havyásūktīnām /
Sentence: 9    svā́hā devā́m̐ ājyapā́n /
Sentence: 10    svā́hā,_índram̐ hotrā́j juṣāṇā́ḥ /
Sentence: 11    índra_ā́jyasya {BS,AS índra ā́jyasya} viyantu /
Sentence: 12    hótar yája //


Paragraph: 8 
Verse: 1    {BS 2.6.8.39}
Sentence: 1  {a}   sámiddʰa índra uṣásām ánīke /
Sentence: 2    purorúcā pūrvakŕ̥d vāvr̥dʰānáḥ /
Sentence: 3    tribʰír deváis trim̐śátā vájrabāhuḥ /
Sentence: 4    jagʰā́na vr̥tráṃ ví dúro vavāra /
Sentence: 5  {b}   nárāśám̐saḥ práti śū́ro mímānaḥ /
Sentence: 6    tanūnápāt práti yajñásya dʰā́ma /
Sentence: 7    góbʰir vapā́vān mádʰunā samañján /
Sentence: 8    híraṇyaiś candrī́ yajati prácetāḥ /
Sentence: 9  {c}   īḍitó deváir hárivām̐ abʰiṣṭíḥ /
Sentence: 10    ājúhvāno havíṣā śárdʰamānaḥ //

Verse: 2    {BS 2.6.8.40}
Sentence: 1    puraṃdaró magʰávān vájrabāhuḥ /
Sentence: 2    ā́yātu yajñám úpa no juṣāṇáḥ /
Sentence: 3  {d}   juṣāṇó barhír hárivān na índraḥ /
Sentence: 4    prācī́nam̐ sīdat pradíśā pr̥tʰivyā́ḥ /
Sentence: 5    uruvyácāḥ prátʰamānam̐ syonám /
Sentence: 6    ādityáir aktáṃ vásubʰiḥ sajóṣāḥ /
Sentence: 7  {e}   índraṃ dúraḥ kavaṣyò dʰā́vamānāḥ /
Sentence: 8    vŕ̥ṣāṇaṃ yantu jánayaḥ supátnīḥ /
Sentence: 9    dvā́ro devī́r abʰíto víśrayantām /
Sentence: 10    suvī́rā vīráṃ prátʰamānā máhobʰiḥ //

Verse: 3    {BS 2.6.8.41}
Sentence: 1  {f}   uṣā́sānáktā br̥hatī́ br̥hántam /
Sentence: 2    páyasvatī sudúgʰe śūram índram /
Sentence: 3    péśasvatī tántunā saṃvyáyantī /
Sentence: 4    devā́nāṃ deváṃ yajataḥ surukmé /
Sentence: 5  {g}   dáivyā mímānā mánasā purutrā́ /
Sentence: 6    hótārāv índraṃ pratʰamā́ suvā́cā /
Sentence: 7    mūrdʰán yajñásya mádʰunā dádʰānā /
Sentence: 8    prācī́naṃ jyótir havíṣā vr̥dʰātaḥ /
Sentence: 9  {h}   tisró devī́r havíṣā várdʰamānāḥ /
Sentence: 10    índraṃ juṣāṇā́ vŕ̥ṣaṇaṃ ná pátnīḥ //

Verse: 4    {BS 2.6.8.42}
Sentence: 1    áccʰinnaṃ tántuṃ páyasā sárasvatī /
Sentence: 2    íḍā devī́ bʰā́ratī /
Sentence: 3    viśvátūrtiḥ /
Sentence: 4  {i}   tváṣṭā dádʰad índrāya śúṣmam /
Sentence: 5    ápākó 'rciṣṭur yaśáse purū́ṇi /
Sentence: 6    vŕ̥ṣā yájan vŕ̥ṣaṇaṃ bʰū́riretāḥ /
Sentence: 7    mūrdʰán yajñásya sámanaktu devā́n /
Sentence: 8  {j}   vánaspátir ávasr̥ṣṭo ná pā́śaiḥ /
Sentence: 9    tmányā samañján_śamitā́ ná deváḥ /
Sentence: 10    índrasya havyáir jaṭháraṃ pr̥ṇānáḥ /
Sentence: 11    svádāti havyáṃ mádʰunā gʰr̥téna /
Sentence: 12  {k}   stokā́nām índuṃ práti śū́ra índraḥ /
Sentence: 13    vr̥ṣāyámāṇo vr̥ṣabʰás turāṣā́ṭ /
Sentence: 14    gʰr̥taprúṣā mádʰunā havyám undán /
Sentence: 15    mūrdʰán yajñásya juṣatām̐ svā́hā //


Paragraph: 9 
Verse: 1    {BS 2.6.9.43}
Sentence: 1  {a}   ā́ carṣaṇiprā́, {b} vivéṣa yán mā /
Sentence: 2  {c}   tám̐ sadʰrī́cīḥ /
Sentence: 3  {d}   satyám ít tán ná tvā́vām̐ anyó ásti /
Sentence: 4    índra devó ná mártyo jyā́yān /
Sentence: 5    áhann áhiṃ pariśáyānam árṇaḥ /
Sentence: 6    ávāsr̥jo 'pó áccʰā samudrám /
Sentence: 7  {e}   prásasāhiṣe puruhūta śátrūn /
Sentence: 8    jyéṣṭhas te śúṣma ihá rātír astu /
Sentence: 9    índra_ā́bʰara dákṣiṇenā vásūni /
Sentence: 10    pátiḥ síndʰūnām asi revátīnām /
Sentence: 11  {f}   sá śévr̥dʰam ádʰidʰā dyumnám asmé /
Sentence: 12    máhi kṣatráṃ janāṣā́ḍ indra távyam /
Sentence: 13    rákṣā ca no magʰónaḥ pāhí sūrī́n /
Sentence: 14    rāyé ca naḥ svapatyā́ iṣé dʰāḥ //

Paragraph: 10 
Verse: 1    {BS 2.6.10.44}
Sentence: 1  {a}   deváṃ barhír índram̐ sudeváṃ deváiḥ /
Sentence: 2    vīrávatstīrṇáṃ védyām avardʰayat /
Sentence: 3    vástor vr̥táṃ {Dumont vr̥ktáṃ} prá_aktor bʰr̥tám /
Sentence: 4    rāyā́ barhíṣmató 'tyagāt /
Sentence: 5    vasuváne vasudʰéyasya vetu yája /
Sentence: 6  {b}   devī́r dvā́ra índram̐ saṃgʰāté /
Sentence: 7    viḍvī́r yā́mann avardʰayan /
Sentence: 8    ā́ vatséna táruṇena kumāréṇa ca mīvitā́ ápa_árvāṇam /
Sentence: 9    reṇúkakāṭaṃ nudantām /
Sentence: 10    vasuváne vasudʰéyasya viyantu yája //

Verse: 2    {BS 2.6.10.45}
Sentence: 1  {c}   devī́ uṣā́sānáktā /
Sentence: 2    índraṃ yajñé prayaty àhvetām /
Sentence: 3    dáivīr víśaḥ prā́yāsiṣṭām /
Sentence: 4    súprīte súdʰite abʰūtām /
Sentence: 5    vasuváne vasudʰéyasya vītāṃ yája /
Sentence: 6  {d}   devī́ jóṣṭrī vásudʰitī /
Sentence: 7    devám índram avardʰatām /
Sentence: 8    áyāvy anyā́_agʰā́ dvéṣām̐si /
Sentence: 9    ā́_anyā́_avākṣīd vásu vā́ryāṇi /
Sentence: 10    yájamānāya śikṣité //

Verse: 3    {BS 2.6.10.46}
Sentence: 1    vasuváne vasudʰéyasya vītāṃ yája /
Sentence: 2  {e}   devī́ ūrjā́hutī dúgʰe sudúgʰe /
Sentence: 3    páyasā_índram avardʰatām /
Sentence: 4    iṣam ū́rjam anyā́_avākṣīt /
Sentence: 5    ságdʰim̐ sápītim anyā́ /
Sentence: 6    návena pū́rvaṃ dáyamāne /
Sentence: 7    purāṇéna návam /
Sentence: 8    ádʰātām ū́rjam ūrjā́hutī vásu vā́ryāṇi /
Sentence: 9    yájamānāya śikṣité /
Sentence: 10    vasuváne vasudʰéyasya vītāṃ yája //

Verse: 4    {BS 2.6.10.47}
Sentence: 1  {f}   devā́ dáivyā hótārā /
Sentence: 2    devám índram avardʰatām /
Sentence: 3    hatā́gʰaśam̐sāv ā́bʰārṣṭāṃ vásu vā́ryāṇi /
Sentence: 4    yájamānāya śikṣitáu /
Sentence: 5    vasuváne vasudʰéyasya vītāṃ yája /
Sentence: 6  {g}   devī́s tisrás tisró devī́ḥ /
Sentence: 7    pátim índram avardʰayan /
Sentence: 8    áspr̥kṣad bʰā́ratī dívam /
Sentence: 9    rudráir yajñám̐ sarasvatī /
Sentence: 10    íḍā vásumatī gr̥hā́n //

Verse: 5    {BS 2.6.10.48}
Sentence: 1    vasuváne vasudʰéyasya viyantu yája /
Sentence: 2  {h}   devá índro nárāśám̐saḥ /
Sentence: 3    trivarūtʰás trivandʰuráḥ /
Sentence: 4    devám índram avardʰayat /
Sentence: 5    śaténa śitipr̥ṣṭhā́nām ā́hitaḥ /
Sentence: 6    sahásreṇa právartate /
Sentence: 7    mitrā́váruṇā_íd asya hotrám árhataḥ /
Sentence: 8    bŕ̥haspátiḥ stotrám /
Sentence: 9    aśvínā_ā́dʰvaryavam /
Sentence: 10    vasuváne vasudʰéyasya vetu yája //

Verse: 6    {BS 2.6.10.49}
Sentence: 1  {i}   devá índro vánaspátiḥ /
Sentence: 2    híraṇyaparṇo mádʰuśākʰaḥ supippaláḥ /
Sentence: 3    devám índram avardʰayat /
Sentence: 4    dívam ágreṇa_āprāt /
Sentence: 5    ā́_antárikṣaṃ pr̥tʰivī́m adr̥m̐hīt /
Sentence: 6    vasuváne {/} vasudʰéyasya vetu yája /
Sentence: 7  {j}   deváṃ barhír vā́ritīnām /
Sentence: 8    devám índram avardʰayat /
Sentence: 9    svāsastʰám índreṇa_ā́sannam /
Sentence: 10    anyā́ barhī́m̐ṣy abʰyàbʰūt /
Sentence: 11    vasuváne vasudʰéyasya vetu yája /
Sentence: 12  {k}   devó agníḥ sviṣṭakŕ̥t /
Sentence: 13    devám índram avardʰayat /
Sentence: 14    svìṣṭaṃ kurvánt sviṣṭakŕ̥t /
Sentence: 15    svìṣṭam adyá karotu naḥ /
Sentence: 16    vasuváne vasudʰéyasya vetu yája {BS jáya} //

Paragraph: 11 
Verse: 1    {BS 2.6.11.50}
Sentence: 1  {a}   hótā yakṣat samídʰā_agním iḍás padé /
Sentence: 2    aśvínā_índram̐ sárasvatīm /
Sentence: 3    ajó dʰūmó ná godʰū́maiḥ kvàlair bʰeṣajám /
Sentence: 4    mádʰu śáṣpair ná téja indriyám /
Sentence: 5    páyaḥ sómaḥ parisrútā gʰr̥táṃ mádʰu /
Sentence: 6    viyántv ā́jyasya hótar yája /
Sentence: 7  {b}   hótā yakṣat tánūnápāt_sárasvatī /
Sentence: 8    ávir meṣó ná bʰeṣajám /
Sentence: 9    patʰā́ mádʰumatā_ā́bʰaran /
Sentence: 10    aśvínā_índrāya vīryàm //

Verse: 2    {BS 2.6.11.51}
Sentence: 1    bádarair upavā́kābʰir bʰeṣajáṃ tókmabʰiḥ /
Sentence: 2    páyaḥ sómaḥ parisrútā gʰr̥táṃ mádʰu /
Sentence: 3    viyántv ā́jyasya hótar yája /
Sentence: 4  {c}   hótā yákṣan nárāśám̐saṃ ná nagnáhum /
Sentence: 5    pátim̐ súrāyai bʰeṣajám /
Sentence: 6    meṣáḥ sárasvatī bʰiṣák /
Sentence: 7    rátʰo ná candry àśvínor vapā́ índrasya vīryàm /
Sentence: 8    bádarair upavā́kābʰir bʰeṣajáṃ tókmabʰiḥ /
Sentence: 9    páyaḥ sómaḥ parisrútā gʰr̥táṃ mádʰu /
Sentence: 10    viyántv ā́jyasya hótar yája //

Verse: 3    {BS 2.6.11.52}
Sentence: 1  {d}   hótā yakṣad iḍā_íḍitá ājúhvānaḥ sárasvatīm /
Sentence: 2    índraṃ bálena vardʰáyan /
Sentence: 3    r̥sabʰéṇa gávā_indriyám /
Sentence: 4    aśvínā_índrāya vīryàm /
Sentence: 5    yávaiḥ karkándʰubʰiḥ /
Sentence: 6    mádʰu lājáir ná mā́saram /
Sentence: 7    páyaḥ sómaḥ parisrútā gʰr̥táṃ mádʰu /
Sentence: 8    viyántv ā́jyasya hótar yája /
Sentence: 9  {e}   hótā yakṣad barhíḥ, suṣṭárīmó 'rṇamradāḥ /
Sentence: 10    bʰiṣáṅ, nā́satyā //

Verse: 4    {BS 2.6.11.53}
Sentence: 1    bʰiṣájā_aśvínā,_áśvā śíśumatī /
Sentence: 2    bʰiṣág, dʰenúḥ sárasvatī /
Sentence: 3    bʰiṣág, duhá índrāya bʰeṣajám /
Sentence: 4    páyaḥ sómaḥ parisrútā gʰr̥táṃ mádʰu /
Sentence: 5    viyántv ā́jyasya hótar yája /
Sentence: 6  {f}   hótā yakṣad dúro díśaḥ /
Sentence: 7    kavaṣyò ná vyácasvatīḥ /
Sentence: 8    aśvíbʰyāṃ ná dúro díśaḥ /
Sentence: 9    índro ná ródasī dúgʰe /
Sentence: 10    duhé kā́mānt sárasvatī //

Verse: 5    {BS 2.6.11.54}
Sentence: 1    aśvínā_índrāya bʰeṣajám /
Sentence: 2    śukráṃ ná jyótir indriyám /
Sentence: 3    páyaḥ sómaḥ parisrútā gʰr̥táṃ mádʰu /
Sentence: 4    viyántv ā́jyasya hótar yája /
Sentence: 5  {g}   hótā yakṣat supéśasā_uṣé náktaṃ dívā /
Sentence: 6    aśvínā saṃjānāné /
Sentence: 7    sámañjāte sárasvatyā /
Sentence: 8    tvíṣim índre ná bʰeṣajám /
Sentence: 9    śyenó ná rájasā hr̥dā́ /
Sentence: 10    páyaḥ sómaḥ parisrútā gʰr̥táṃ mádʰu //

Verse: 6    {BS 2.6.11.55}
Sentence: 1    viyántv ā́jyasya hótar yája /
Sentence: 2  {h}   hótā yakṣad dáivyā hótārā bʰiṣájā_aśvínā /
Sentence: 3    índraṃ ná jā́gr̥vī dívā náktaṃ ná bʰeṣajáiḥ /
Sentence: 4    śū́ṣam̐ sárasvatī bʰiṣák /
Sentence: 5    sī́sena duha indriyám /
Sentence: 6    páyaḥ sómaḥ parisrútā gʰr̥táṃ mádʰu /
Sentence: 7    viyántv ā́jyasya hótar yája /
Sentence: 8  {i}   hótā yakṣat tisró devī́rná bʰeṣajám /
Sentence: 9    tráyas tridʰā́tavo 'pásaḥ /
Sentence: 10    rūpám índre hiraṇyáyam //

Verse: 7    {BS 2.6.11.56}
Sentence: 1    aśvínā_íḍā ná bʰā́ratī /
Sentence: 2    vācā́ sárasvatī /
Sentence: 3    máha, índrāya dadʰur indriyám /
Sentence: 4    páyaḥ sómaḥ parisrútā gʰr̥táṃ mádʰu /
Sentence: 5    viyántv ā́jyasya hótar yája /
Sentence: 6  {j}   hótā yakṣat tváṣṭāram índram aśvínā /
Sentence: 7    bʰīṣájaṃ ná sárasvatīm /
Sentence: 8    ójo ná jūtír indriyám /
Sentence: 9    vŕ̥ko ná rabʰasó bʰiṣák /
Sentence: 10    yáśaḥ súrayā bʰeṣajám //

Verse: 8    {BS 2.6.11.57}
Sentence: 1    śriyā́ ná mā́saram /
Sentence: 2    páyaḥ sómaḥ parisrútā gʰr̥táṃ mádʰu /
Sentence: 3    viyántv ā́jyasya hótar yája /
Sentence: 4  {k}   hótā yakṣad vánaspátim /
Sentence: 5    śamitā́ram̐ śatákratum /
Sentence: 6    bʰīmáṃ ná manyúm̐ rā́jānaṃ vyāgʰráṃ námasā_aśvínā, bʰā́mam {/} sárasvatī bʰiṣák /
Sentence: 7    índrāya duha indriyám /
Sentence: 8    páyaḥ sómaḥ parisrútā gʰr̥táṃ mádʰu viyántv ā́jyasya hótar yája //

Verse: 9    {BS 2.6.11.58}
Sentence: 1  {l}   hótā yakṣad agním̐ svā́hā_ā́jyasya stokā́nām /
Sentence: 2    svā́hā médasāṃ pŕ̥tʰak /
Sentence: 3    svā́hā cʰā́gam aśvíbʰyām /
Sentence: 4    svā́hā meṣám̐ sárasvatyai /
Sentence: 5    svā́hā_r̥ṣabʰám índrāya sim̐hā́ya sáhasā_indriyám /
Sentence: 6    svā́hā_agníṃ ná bʰeṣajám /
Sentence: 7    svā́hā sómam indriyám /
Sentence: 8    svā́hā_índram̐ sutrā́mānam̐ savitā́raṃ váruṇaṃ bʰiṣájāṃ pátim /
Sentence: 9    svā́hā vánaspátiṃ priyáṃ pā́tʰo ná bʰeṣajám /
Sentence: 10    sváhā devā́m̐ ājyapā́n //

Verse: 10    {BS 2.6.11.59}
Sentence: 1    svā́hā_agním̐ hotrā́j juṣāṇó agnír bʰeṣajám /
Sentence: 2    páyaḥ sómaḥ parisrútā gʰr̥táṃ madʰu /
Sentence: 3    viyántv ā́jyasya hótar yája /
Sentence: 4  {m}   hótā yakṣad aśvínā sárasvatīm índram̐ sutrā́māṇam /
Sentence: 5    imé sómāḥ surā́māṇaḥ /
Sentence: 6    cʰā́gair ná meṣáir r̥ṣabʰáiḥ sutā́ḥ /
Sentence: 7    śaṣpair ná tókmabʰiḥ /
Sentence: 8    lājáir máhasvantaḥ /
Sentence: 9    mádā mā́sareṇa páriṣkr̥tāḥ /
Sentence: 10    śukrā́ḥ páyasvanto 'mŕ̥tāḥ /
Sentence: 11    prástʰitā vo madʰuścútaḥ tā́n aśvínā sárasvatī_índraḥ sutrā́mā vr̥trahā́ /
Sentence: 12    juṣántām̐ saumyáṃ mádʰu /
Sentence: 13    píbantu mádantu viyántu sómam /
Sentence: 14    hótar yája //

Paragraph: 12 
Verse: 1    {BS 2.6.12.60}
Sentence: 1  {a}   sámiddʰo agnír aśvinā /
Sentence: 2    taptó gʰarmó virā́ṭ sutáḥ /
Sentence: 3    duhé dʰenúḥ sárasvatī /
Sentence: 4    sómam̐ śukrám ihá_indriyám /
Sentence: 5  {b}   tanūpā́ bʰiṣájā suté /
Sentence: 6    aśvínā_ubʰā́ sárasvatī /
Sentence: 7    mádʰvā rájām̐si_indriyám /
Sentence: 8    índrāya patʰíbʰir vahān /
Sentence: 9    índrāya_índum̐ sárasvatī /
Sentence: 10    nárāśám̐sena nagnáhuḥ {Dumont nagnáhum} //

Verse: 2    {BS 2.6.12.61}
Sentence: 1    ádʰātām aśvínā mádʰu /
Sentence: 2    bʰeṣajáṃ bʰiṣájā suté /
Sentence: 3  {d}   ājúhvānā sárasvatī /
Sentence: 4    índrāya_indriyā́ṇi vīryàm /
Sentence: 5    íḍābʰir aśvināv {Dumont aśvínāv} íṣam /
Sentence: 6    sámūrjam̐ sám̐ rayíṃ dadʰuḥ /
Sentence: 7  {e}   áśvinā námuceḥ sutám /
Sentence: 8    sómam̐ śukráṃ parisrútā /
Sentence: 9    sárasvatī tám ā́bʰarat /
Sentence: 10    barhíṣā_índrāya pā́tave //

Verse: 3    {BS 2.6.12.62}
Sentence: 1  {f}   kavaṣyò ná vyácasvatīḥ /
Sentence: 2    aśvíbʰyāṃ ná dúro díśaḥ /
Sentence: 3    índro ná ródasī dúgʰe /
Sentence: 4    duhé kā́mānt sárasvatī /
Sentence: 5  {g}   uṣā́sā náktam aśvinā /
Sentence: 6    dívā_índram̐ sāyám indriyáiḥ /
Sentence: 7    saṃjānāné supéśasā /
Sentence: 8    sámañjāte sárasvatyā {h} pātáṃ no aśvinā dívā /
Sentence: 9    pāhí náktam̐ sarasvati //

Verse: 4    {BS 2.6.12.63}
Sentence: 1    dáivyā hotārā bʰiṣajā /
Sentence: 2    pātám índram̐ sácā suté /
Sentence: 3  {i}   tisrás tredʰā́ sárasvatī /
Sentence: 4    aśvínā bʰā́rati_íḍā /
Sentence: 5    tīvráṃ parisrútā sómam /
Sentence: 6    índrāya suṣavur mádam /
Sentence: 7  {j}   áśvinā {Dumont áśvínā} bʰeṣajáṃ mádʰu /
Sentence: 8    bʰeṣajáṃ naḥ sárasvatī /
Sentence: 9    índre tváṣṭā yáśaḥ śríyam /
Sentence: 10    rūpám̐_rūpam adʰuḥ suté /
Sentence: 11  {k}   r̥tutʰā́_índro vánaspátiḥ /
Sentence: 12    śaśamānáḥ parisrútā /
Sentence: 13    kīlā́lam aśvíbʰyāṃ mádʰu /
Sentence: 14    duhé dʰenúḥ sárasvatī /
Sentence: 15  {l}   góbʰir ná sómam aśvinā {Dumont aśvínā} /
Sentence: 16    mā́sareṇa pariṣkŕ̥tā {Dumont parisrútā} /
Sentence: 17    sámadʰātām̐ sárasvatyā /
Sentence: 18    svā́hā_índre sutáṃ mádʰu //

Paragraph: 13 
Verse: 1    {BS 2.6.13.64}
Sentence: 1  {a}   aśvínā havír indriyám /
Sentence: 2    námucer dʰiyā́ sárasvatī /
Sentence: 3    ā́ śukrám āsurā́d vasú /
Sentence: 4    magʰám índrāya jabʰrire /
Sentence: 5  {b}   yám aśvínā sárasvatī /
Sentence: 6    havíṣā_índram ávardʰayan /
Sentence: 7    sá bibʰeda baláṃ magʰám {Dumont suggests makʰám} /
Sentence: 8    námucāv āsuré sácā /
Sentence: 9  {c}   tám índraṃ paśávaḥ sácā /
Sentence: 10    aśvínā_ubʰā́ sárasvatī

Verse: 2    {BS 2.6.13.65}
Sentence: 1    dádʰānā abʰyànūṣata /
Sentence: 2    havíṣā yajñám indriyám /
Sentence: 3  {d}   yá índra indriyáṃ dadʰúḥ /
Sentence: 4    savitā́ váruṇo bʰágaḥ /
Sentence: 5    sá sutrā́mā havíṣpatiḥ /
Sentence: 6    yájamānāya saścata /
Sentence: 7  {e}   savitā́ váruṇo dádʰat /
Sentence: 8    yájamānāya dāśúṣe /
Sentence: 9    ā́datta námucer vásu /
Sentence: 10    sutrā́mā bálam indriyám //

Verse: 3    {BS 2.6.13.66}
Sentence: 1  {f}   váruṇaḥ kṣatrám indriyám /
Sentence: 2    bʰágena savitā́ śríyam /
Sentence: 3    sutrā́mā yáśasā bálam /
Sentence: 4    dádʰānā yajñám āśata {AS āsata} /
Sentence: 5    áśvinā {Dumont aśvínā} góbʰir indriyám /
Sentence: 6    áśvebʰir vīryàṃ bálam /
Sentence: 7    havíṣā_índram̐ sárasvatī /
Sentence: 8    yájamānam avardʰayan /
Sentence: 9  {h}   tā́ nā́satyā supéśasā /
Sentence: 10    híraṇyavartanī nárā /
Sentence: 11    sárasvatī havíṣmatī /
Sentence: 12    índra kármasu no 'vata /
Sentence: 13    tā́ bʰiṣájā sukármaṇā /
Sentence: 14    sā́ sudúgʰā sárasvatī /
Sentence: 15    sá vr̥trahā́ śatákratuḥ /
Sentence: 16    índrāya dadʰur indriyám

Paragraph: 14 
Verse: 1    {BS 2.6.14.67}
Sentence: 1  {a}   deváṃ barhíḥ sárasvatī /
Sentence: 2    sudevám índre aśvínā /
Sentence: 3    téjo ná cákṣur akṣyóḥ /
Sentence: 4    barhíṣā dadʰur indriyám /
Sentence: 5    vasuváne vasudʰéyasya viyantu yája /
Sentence: 6  {b}   devī́r dvā́ro aśvínā /
Sentence: 7    bʰiṣájā_índre sárasvatī /
Sentence: 8    prāṇáṃ ná vīryàṃ nasí /
Sentence: 9    dvā́ro dadʰur indriyám /
Sentence: 10    vasuváne vasudʰéyasya viyantu yája

Verse: 2    {BS 2.6.14.68}
Sentence: 1  {c}   devī́ uṣā́sāv aśvínā /
Sentence: 2    bʰiṣájā_índre sárasvatī /
Sentence: 3    bálaṃ ná vā́cam āsyè /
Sentence: 4    uṣā́bʰyāṃ dadʰur indriyám /
Sentence: 5    vasumáne vasudʰéyasya viyantu yája /
Sentence: 6  {d}   devī́ jóṣṭrī aśvínā sutrā́mā_índre sárasvatī /
Sentence: 7    śrótraṃ ná kárṇayor yáśaḥ /
Sentence: 8    jóṣṭrībʰyāṃ dadʰur indriyám /
Sentence: 9    vasuváne vasudʰéyasya viyantu yája //

Verse: 3    {BS 2.6.14.69}
Sentence: 1  {e}   devī́ ūrjā́hutī dúgʰe sudúgʰe /
Sentence: 2    páyasā_índram̐ sárasvaty aśvínā bʰiṣájā_avata /
Sentence: 3    śukráṃ ná jyótiḥ stánayor ā́hutī dʰatta indriyám /
Sentence: 4    vasuváne vasudʰéyasya viyantu yája /
Sentence: 5  {f}   devā́ devā́nāṃ bʰiṣájā /
Sentence: 6    hótārāv índram aśvínā /
Sentence: 7    vaṣaṭkāráiḥ sárasvatī /
Sentence: 8    tvíṣiṃ ná hŕ̥daye matím /
Sentence: 9    hótr̥bʰyāṃ dadʰur indriyám /
Sentence: 10    vasuváne vasudʰéyasya viyantu yája //

Verse: 4    {BS 2.6.14.70}
Sentence: 1  {g}   devī́s tisrás tisró devī́ḥ /
Sentence: 2    sárasvaty aśvínā bʰā́ratī_íḍā /
Sentence: 3    śū́ṣaṃ ná mádʰye nā́bʰyām /
Sentence: 4    índrāya dadʰur indriyám /
Sentence: 5    vasuváne vasudʰéyasya viyantu yája /
Sentence: 6  {h}   devá índro nárāśam̐saḥ /
Sentence: 7    trivarūtʰáḥ sárasvatyā_aśvíbʰyām īyate rátʰaḥ /
Sentence: 8    réto ná rūpám amŕ̥taṃ janítram /
Sentence: 9    índrāya tváṣṭā dádʰad inriyā́ṇi vasuváne vasudʰéyasya viyantu yája //

Verse: 5    {BS 2.6.14.71}
Sentence: 1  {i}   devá índro vánaspátiḥ /
Sentence: 2    híraṇyaparṇo aśvíbʰyām /
Sentence: 3    sárasvatyāḥ {Dumont sárasvatyā} supippaláḥ /
Sentence: 4    índrāya pacyate mádʰu /
Sentence: 5    ójo ná jūtím r̥ṣabʰó ná bʰā́mam /
Sentence: 6    vánasapátir no dádʰad indriyā́ṇi /
Sentence: 7    vasuváne vasudʰéyasya viyantu yája /
Sentence: 8  {j}   deváṃ barhír vā́ritīnām /
Sentence: 9    adʰvaré stīrṇám aśvíbʰyām /
Sentence: 10    ū́rṇamradāḥ sárasvatyāḥ //

Verse: 6    {BS 2.6.14.72}
Sentence: 1    syonám indra te sádaḥ /
Sentence: 2    īśā́yai manyúm̐ rā́jānaṃ barhíṣā dadʰur indriyám /
Sentence: 3    vasuváne vasudʰéyasya viyantu yája /
Sentence: 4  {k}   devó agníḥ sviṣṭakŕ̥t /
Sentence: 5    devā́n yakṣad yatʰā_yatʰám /
Sentence: 6    hótārāv índram aśvínā /
Sentence: 7    vācā́ vā́cam̐ sárasvatīm /
Sentence: 8    agním̐ sómam̐ sviṣṭakŕ̥t /
Sentence: 9    svìṣṭa índraḥ sutrā́mā savitā́ váruṇo bʰiṣák /
Sentence: 10    iṣṭó devó vánasapátiḥ /
Sentence: 11    svìṣṭā devā́ ājyapā́ḥ /
Sentence: 12    iṣṭó agníragnínā /
Sentence: 13    hótā hotré sviṣṭakŕ̥t /
Sentence: 14    yáśo ná dádʰad indriyám /
Sentence: 15    ū́rjam ápacitim̐ svadʰā́m /
Sentence: 16    vasuváne vasudʰéyasya viyantu yája //

Paragraph: 15 
Verse: 1    {BS 2.6.15.73}
Sentence: 1  {a}   agním adyá hótāram avr̥ṇīta /
Sentence: 2    ayám̐ sutāsutī́ yájamānaḥ /
Sentence: 3    pácan paktī́ḥ /
Sentence: 4    pácan puroḍā́śān /
Sentence: 5    gr̥hṇán gráhān /
Sentence: 6    badʰnánn aśvíbʰyāṃ cʰā́gam̐ sárasvatyā índrāya /
Sentence: 7    badʰnánt sárasvatyai meṣám índrāya_aśvíbʰyām /
Sentence: 8    badʰnánn índrāya_r̥ṣabʰám aśvíbʰyām̐ sárasvatyai /
Sentence: 9  {b}   sūpastʰā́ adyá devó vánaspátir abʰavat /
Sentence: 10    aśvíbʰyāṃ cʰā́gena sárasvatyā índrāya //

Verse: 2    {BS 2.6.15.74}
Sentence: 1    sársvatyai meṣéṇa_índrāya_aśvíbʰyām /
Sentence: 2    índrāya_r̥ṣabʰéṇa_aśvíbʰyām̐ sárasvatyai /
Sentence: 3  {c}   ákṣam̐s tā́n medastáḥ práti pacata_ágrabʰīsuḥ /
Sentence: 4    ávīvr̥dʰanta gráhaiḥ /
Sentence: 5    ápātām aśvínā sárasvatī_índraḥ sutrā́mā vr̥trahā́ /
Sentence: 6    sómānt surā́mṇaḥ /
Sentence: 7    úpo uktʰāmadā́ḥ {Dumont uktʰāmadā́} śraud vímádā adan /
Sentence: 8    ávīvr̥dʰanta_āṅgūṣáiḥ /
Sentence: 9  {d}   tvā́m adyá_ŕ̥ṣa ārṣeya_r̥ṣīṇāṃ napād avr̥ṇīta /
Sentence: 10    ayám̐ sutāsutī́ yájamānaḥ /
Sentence: 11    bahúbʰya ā́ sáṃgatebʰyaḥ /
Sentence: 12    eṣá me devéṣu vásu vā́ryā yakṣyata íti /
Sentence: 13  {e}   tā́ yā́ devā́ devadā́nāny áduḥ /
Sentence: 14    tā́ny asmā ā́ ca śā́ssva /
Sentence: 15    ā́ ca gurasva /
Sentence: 16    iṣitáś ca hótar asi bʰadravā́cyāya préṣito mā́nuṣaḥ /
Sentence: 17    sūktavākā́ya sūktā́ brūhi //

Paragraph: 16 
Verse: 1    {BS 2.6.16.75}
Sentence: 1  {a}   uśántas tvā havāmaha, {b} ā́ no agne suketúnā /
Sentence: 2  {c}   tvám̐ soma mahé bʰágaṃ, {d} tvám̐ soma prá cikito manīṣā́ /
Sentence: 3  {e}   tváyā hí naḥ pitáraḥ soma pū́rve, {f} tvám̐ soma pitŕ̥bʰiḥ saṃvidānáḥ /
Sentence: 4  {g}   bárhiṣadaḥ pitára, {h} ā́_aháṃ pitŕ̥̄n /
Sentence: 5  {i}   úpahūtāḥ pitáro, {j} 'gniṣvāttāḥ pitaraḥ /
Sentence: 6  {k}   agniṣvāttā́n r̥tumáto havāmahe /
Sentence: 7    nárāśám̐se somapītʰáṃ yá āśúḥ /
Sentence: 8    té no árvantaḥ suhávā bʰavantu /
Sentence: 9    śáṃ no bʰavantu dvipáde śáṃ cátuṣpade /
Sentence: 10  {l}   yé agniṣvāttā́ yé 'nagniṣvāttāḥ //

Verse: 2    {BS 2.6.16.76}
Sentence: 1    am̐homúcaḥ pitáraḥ somyā́saḥ /
Sentence: 2    páré 'vare 'mŕ̥tāso bʰávantaḥ /
Sentence: 3    ádʰibruvantu té avantv asmā́n /
Sentence: 4  {m}   vānyā̀yai dugdʰé juṣámānāḥ karambʰám /
Sentence: 5    udī́rāṇā ávare páre ca /
Sentence: 6    agniṣvāttā́ r̥túbʰiḥ saṃvidānā́ḥ /
Sentence: 7    índravanto havír idáṃ juṣantām /
Sentence: 8  {n}   yád agne kavyavāhana, {o} tvám agna īḍitó jātavedaḥ /
Sentence: 9  {p}   mā́talī kavyáiḥ /
Sentence: 10  {q}   yé tātr̥púr devatrā́ jéhamānāḥ /
Sentence: 11    hotrāvŕ̥dʰaḥ stómataṣṭāso arkáiḥ /
Sentence: 12    ā́_agne yāhi suvidátrebʰir arvā́ṅ /
Sentence: 13    satyáiḥ kavyáiḥ pitŕ̥bʰir gʰarmasádbʰiḥ /
Sentence: 14  {r}   havyavā́ham ajáraṃ purupriyám /
Sentence: 15    agníṃ gʰr̥téna havíṣā saparyán /
Sentence: 16    úpāsadaṃ kavyavā́haṃ pitr̥ṇā́m /
Sentence: 17    sá naḥ prajā́ṃ vīrávatīm̐ sámr̥ṇvatu //

Paragraph: 17 
Verse: 1    {BS 2.6.17.77}
Sentence: 1  {a}   hótā yakṣad iḍás padé /
Sentence: 2    samidʰānáṃ mahád yáśaḥ /
Sentence: 3    suṣamiddʰaṃ váreṇyam /
Sentence: 4    agním índraṃ vayodʰásam /
Sentence: 5    gāyatrī́ṃ cʰánda indriyám /
Sentence: 6    tryáviṃ gā́ṃ váyo dádʰat /
Sentence: 7    vétv ā́jyasya hótar yája /
Sentence: 8  {b}   hótā yakṣat_śúcivratam /
Sentence: 9    tánūnápātam udbʰídam /
Sentence: 10    yáṃ gárbʰam áditir dadʰé //

Verse: 2    {BS 2.6.17.78}
Sentence: 1    śúcim índraṃ vayodʰásam /
Sentence: 2    uṣṇíhaṃ cʰánda indriyám /
Sentence: 3    dityavā́haṃ gā́ṃ váyo dádʰat /
Sentence: 4    vétv ā́jyasya hótar yája /
Sentence: 5  {d}   hótā yakṣad īḍényam /
Sentence: 6    īḍitáṃ vr̥trahántamam /
Sentence: 7    íḍābʰir ī́ḍyam̐ sáhaḥ /
Sentence: 8    sómam índraṃ vayodʰásam /
Sentence: 9    anuṣṭúbʰaṃ cʰánda indriyám /
Sentence: 10    trivatsáṃ gā́ṃ váyo dádʰat //

Verse: 3    {BS 2.6.17.79}
Sentence: 1    vétv ā́jyasya hótar yája /
Sentence: 2  {d}   hótā yakṣat subarhiṣádam /
Sentence: 3    pūṣaṇvántam ámartyam /
Sentence: 4    sī́dantaṃ barhíṣi priyé /
Sentence: 5    amŕ̥tā_índraṃ vayodʰásam /
Sentence: 6    br̥hatī́ṃ cʰánda indriyám /
Sentence: 7    páñcāviṃ gā́ṃ váyo dádʰat /
Sentence: 8    vétv ā́jyasya hótar yája /
Sentence: 9  {e}   hótā yakṣad yvácasvatīḥ /
Sentence: 10    suprāyaṇā́ r̥tāvŕ̥dʰaḥ //

Verse: 4    {BS 2.6.17.80}
Sentence: 1    dvā́ro devī́r hiraṇyáyīḥ /
Sentence: 2    brahmā́ṇa {Dumont brahmā́ṇam} índraṃ vayodʰásam /
Sentence: 3    paṅktíṃ cʰánda ihá_indriyám /
Sentence: 4    turyavā́haṃ gā́ṃ váyo dádʰat /
Sentence: 5    vétv ā́jyasya hótar yája /
Sentence: 6  {f}   hótā yakṣat supéśase /
Sentence: 7    suśilpé br̥hatī́ ubʰé /
Sentence: 8    náktoṣā́sā ná darśaté /
Sentence: 9    víśvam índraṃ vayodʰásam /
Sentence: 10    triṣṭúbʰaṃ cʰánda indriyám //

Verse: 5    {BS 2.6.17.81}
Sentence: 1    ṣaṣṭhavā́haṃ {BS paṣṭhavā́haṃ} gā́ṃ váyo dádʰat /
Sentence: 2    vétv ā́jyasya hótar yája /
Sentence: 3  {g}   hótā yakṣat prácetasā /
Sentence: 4    devā́nām uttamáṃ yáśaḥ /
Sentence: 5    hótārā dáivyā kavī́ /
Sentence: 6    sayújā_índraṃ vayodʰásam /
Sentence: 7    jágatīṃ cʰánda ihá_indriyám /
Sentence: 8    anaḍvā́haṃ gā́ṃ váyo dádʰat /
Sentence: 9    vétv ā́jyasya hótar yája /
Sentence: 10  {h}   hótā yakṣat péśasvatīḥ //

Verse: 6    {BS 2.6.17.82}
Sentence: 1    tisró devī́r hiraṇyáyīḥ /
Sentence: 2    bʰā́ratīr br̥hatī́r mahī́ḥ /
Sentence: 3    pátim índraṃ vayodʰásam /
Sentence: 4    virā́jaṃ cʰánda ihá_indriyám /
Sentence: 5    dʰenúṃ gā́ṃ ná váyo dádʰat /
Sentence: 6    vétv ā́jyasya hótar yája /
Sentence: 7  {i}   hótā yakṣat surétasam /
Sentence: 8    tváṣṭāraṃ puṣṭivárdʰanam /
Sentence: 9    rūpā́ṇi bíbʰrataṃ pŕ̥tʰak /
Sentence: 10    púṣṭim índraṃ vayodʰásam //

Verse: 7    {BS 2.6.17.83}
Sentence: 1    dvipádaṃ cʰánda ihá_indriyám /
Sentence: 2    ukṣā́ṇaṃ gā́ṃ ná váyo dádʰat /
Sentence: 3    vétv ā́jyasya hótar yája /
Sentence: 4  {j}   hótā yakṣat_śatákratum /
Sentence: 5    híraṇyaparṇam uktʰínam /
Sentence: 6    raśanā́ṃ bíbʰrataṃ vaśím /
Sentence: 7    bʰágam índraṃ vayodʰásam /
Sentence: 8    kakúbʰaṃ cʰánda ihá_indriyám /
Sentence: 9    vaśā́ṃ vehátaṃ gā́ṃ ná {omitted in Dumont} váyo dádʰat /
Sentence: 10    vétv ā́jyasya hótar yája /
Sentence: 11  {k}   hótā yakṣat svā́hākr̥tīḥ /
Sentence: 12    agníṃ gr̥hápatiṃ pŕ̥tʰak /
Sentence: 13    váruṇaṃ bʰeṣajáṃ kavím /
Sentence: 14    kṣattrám índraṃ vayodʰásam /
Sentence: 15    áticcʰandasaṃ cʰánda indriyám /
Sentence: 16    br̥hád r̥ṣabʰáṃ gā́ṃ váyo dádʰat /
Sentence: 17    vétv ā́jyasya hótar yája //

Paragraph: 18 
Verse: 1    {BS 2.6.18.84}
Sentence: 1  {a}   sámiddʰo agníḥ samídʰā /
Sentence: 2    súṣamiddʰo váreṇyaḥ /
Sentence: 3    gāyatrī́ cʰánda indriyám /
Sentence: 4    tryávir gáur váyo dadʰuḥ /
Sentence: 5  {b}   tánūnápāt_śúcivrataḥ /
Sentence: 6    tanūnapā́t_ ca sárasvatī {Dumont tanūnapā́t sárasvatī} /
Sentence: 7    uṣṇík cʰánda indriyám {/} dityavā́ḍ gáur váyo dadʰuḥ /
Sentence: 8  {c}   íḍābʰir agnír ī́ḍyaḥ /
Sentence: 9    sómo devó ámartyḥ //

Verse: 2    {BS 2.6.18.85}
Sentence: 1    anuṣṭúp cʰánda indriyám /
Sentence: 2    trivatsó gáur váyo dadʰuḥ /
Sentence: 3  {d}   subarhír agníḥ pūṣaṇvā́n /
Sentence: 4    stīrṇábarhir ámartyaḥ /
Sentence: 5    br̥hatī́ cʰánda indriyám /
Sentence: 6    páñcāvir gáur váyo dadʰuḥ /
Sentence: 7  {e}   dúro devī́r díśo mahī́ḥ /
Sentence: 8    brahmā́ devó bŕ̥haspátiḥ /
Sentence: 9    paṅktíś cʰánda ihá_indriyám /
Sentence: 10    turyavā́ḍ gáur váyo dadʰuḥ //

Verse: 3    {BS 2.6.18.86}
Sentence: 1  {f}   uṣé yahvī́ supéśasā /
Sentence: 2    víśve devā́ ámartyāḥ /
Sentence: 3    triṣṭúp cʰánda indriyám /
Sentence: 4    paṣṭhavā́ḍ gáur váyo dadʰuḥ /
Sentence: 5  {g}   dáivyā hótārā {BS,AS hotārā} bʰiṣájā {BS,AS bʰiṣajā} /
Sentence: 6    índreṇa sayújā yujā́ /
Sentence: 7    jágatī cʰánda ihá_indriyám /
Sentence: 8    anaḍvā́n gáur váyo dadʰuḥ /
Sentence: 9  {h}   tisrá íḍā sárasvatī /
Sentence: 10    bʰā́ratī marúto víśaḥ //

Verse: 4    {BS 2.6.18.87}
Sentence: 1    virā́ṭ cʰánda ihá_indriyám /
Sentence: 2    dʰenúr gáur ná váyo dadʰuḥ /
Sentence: 3  {i}   tváṣṭā turī́po ádbʰutaḥ /
Sentence: 4    indrāgnī́ puṣṭivárdʰanā /
Sentence: 5    dvipā́t_ cʰánda ihá_indriyám /
Sentence: 6    ukṣā́ gáur ná váyo dadʰuḥ /
Sentence: 7  {j}   śamitā́ no vánaspátiḥ /
Sentence: 8    savitā́ prasuván bʰágam /
Sentence: 9    kakúc cʰánda ihá_indriyám /
Sentence: 10    vaśā́ vehád gáur ná váyo dadʰuḥ /
Sentence: 11  {k}   svā́hā yajñáṃ váruṇaḥ /
Sentence: 12    sukṣatró bʰeṣajáṃ karat /áticcʰandāś {BS áticcʰandāc} cʰánda indriyám /
Sentence: 13    br̥hád r̥ṣabʰó gáur váyo dadʰuḥ //

Paragraph: 19 
Verse: 1    {BS 2.6.19.88}
Sentence: 1  {a}   vasanténa_r̥túnā devā́ḥ /
Sentence: 2    vásavas trivŕ̥tā stutám /
Sentence: 3    ratʰantaréṇa téjasā /
Sentence: 4    havír índre váyo dadʰuḥ /
Sentence: 5  {b}   grīṣméṇa devā́ r̥túnā /
Sentence: 6    rudrā́ḥ pañcadaśé stutám /
Sentence: 7    br̥hatā́ yáśasā bálam /
Sentence: 8    havír índre váyo dadʰuḥ /
Sentence: 9  {c}   varṣā́bʰir r̥túnā_ādityā́ḥ /
Sentence: 10    stóme saptadaśé stutám //

Verse: 2    {BS 2.6.19.89}
Sentence: 1    vairūpéṇa viśā́_ójasā /
Sentence: 2    havír índre váyo dadʰuḥ /
Sentence: 3  {s}   śāradéna_r̥túnā devā́ḥ /
Sentence: 4    ekavim̐śá r̥bʰávaḥ stutám /
Sentence: 5    vairājéna śriyā́ śríyam /
Sentence: 6    havír índre váyo dadʰuḥ /
Sentence: 7  {e}   hemanténa_r̥túnā devā́ḥ /
Sentence: 8    marútas triṇavé stutám /
Sentence: 9    bálena śákvarīḥ sáhaḥ /
Sentence: 10    havír índre váyo dadʰuḥ /
Sentence: 11  {f}   śaiśiréṇa_r̥túnā devā́ḥ /
Sentence: 12    trayastrim̐śe 'mŕ̥tam̐ stutam /
Sentence: 13    satyéna revátīḥ kṣattrám /
Sentence: 14    havír índre váyo dadʰuḥ //

Paragraph: 20 
Verse: 1    {BS 2.6.20.90}
Sentence: 1  {a}   deváṃ barhír índraṃ vayodʰásam /
Sentence: 2    deváṃ devámavardʰayat /
Sentence: 3    gāyatriyā́ cʰándasā_indriyám /
Sentence: 4    téja índre váyo dádʰat /
Sentence: 5    vasuváne vasudʰéyasya vetu yája /
Sentence: 6  {b}   devī́r dvā́ro devám índraṃ vayodʰásam /
Sentence: 7    devī́r devám avardʰayan /
Sentence: 8    uṣṇíhā cʰándasā_indriyám /
Sentence: 9    prāṇám índre váyo dádʰat /
Sentence: 10    vasuváne vasudʰéyasya viyantu yája //

Verse: 2    {BS 2.6.20.91}
Sentence: 1  {c}   devī́ deváṃ vayodʰásam /
Sentence: 2    uṣé índram avardʰatām /
Sentence: 3    anuṣṭúbʰā cʰándasā_indriyám /
Sentence: 4    vā́cam índre váyo dádʰat /
Sentence: 5    vasuváne vasudʰéyasya vītāṃ yája /
Sentence: 6  {d}   devī́ jóṣṭrī devám índraṃ vayodʰásam /
Sentence: 7    devī́ devám avardʰatām /
Sentence: 8    br̥hatyā́ cʰándasā_indriyám /
Sentence: 9    śrótram índre váyo dádʰat /
Sentence: 10    vasuváne vasudʰéyasya vītāṃ yája //

Verse: 3    {BS 2.6.20.92}
Sentence: 1  {e}   devī́ ūrjā́hutī devám índraṃ vayodʰásam /
Sentence: 2    devī́ devám avardʰatām /
Sentence: 3    paṅktyā́ cʰándasā_indriyám /
Sentence: 4    śukrám índre váyo dádʰat /
Sentence: 5    vasuváne vasudʰéyasya vītāṃ yája /
Sentence: 6  {f}   devā́ dáivyā hótārā devám índraṃ vayodʰásam /
Sentence: 7    devā́ devám avardʰatām /
Sentence: 8    triṣṭúbʰā cʰándasā_indriyám /
Sentence: 9    tvíṣim índre váyo dádʰat /
Sentence: 10    vasuváne vasudʰéyasya vītāṃ yája //

Verse: 4    {BS 2.6.20.93}
Sentence: 1  {g}   devī́s tisrás tisró devī́r vayodʰásam /
Sentence: 2    pátim índram avardʰayan /
Sentence: 3    jágatyā cʰándasā_indriyám /
Sentence: 4    bálam índre váyo dádʰat /
Sentence: 5    vasuváne vasudʰéyasya viyantu yája /
Sentence: 6  {h}   devó nárāśám̐so devám índraṃ vayodʰásam /
Sentence: 7    devó devám avardʰayat /
Sentence: 8    virā́jā cʰándasā_indriyám /
Sentence: 9    réta índre váyo dádʰat /
Sentence: 10    vasuváne vasudʰéyasya vetu yája //

Verse: 5    {BS 2.6.20.94}
Sentence: 1  {i}   devó vánaspátir devám índraṃ vayodʰásam /
Sentence: 2    devó devám avardʰayat /
Sentence: 3    dvipádā cʰándasā_indriyám /
Sentence: 4    bʰágam índre váyo dádʰat /
Sentence: 5    vasuváne vasudʰéyasya vetu yája /
Sentence: 6  {j}   deváṃ barhír vā́ritīnāṃ devám índraṃ vayodʰásam /
Sentence: 7    devó {Dumont deváṃ} devám avardʰayat /
Sentence: 8    kakúbʰā cʰándasā_indriyám /
Sentence: 9    yáśa índre váyo dádʰat /
Sentence: 10    vasuváne vasudʰéyasya vetu yája /
Sentence: 11  {k}   devó agníḥ sviṣṭakŕ̥d devám índraṃ vayodʰásam /
Sentence: 12    devó devám avardʰayat /
Sentence: 13    áticcʰandasā cʰándasā_indriyám /
Sentence: 14    kṣattrám índre váyo dádʰat /
Sentence: 15    vasuváne vasudʰéyasya vetu yája //

Next part


This text is part of the TITUS edition of Black Yajur-Veda: Taittiriya-Brahmana.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.