TITUS
Black Yajur-Veda: Taittiriya-Brahmana
Part No. 23
Previous part

Chapter: 7 
Paragraph: 1 
Verse: 1    {BS 3.7.1.1}
Sentence: 1  {a}   sárvān vā́ eṣò 'gnáu kā́mān práveśayati /
Sentence: 2    yò 'gnī́n anvādʰā́ya vratám upáiti /
Sentence: 3    sá yád ániṣṭvā prayāyā́t /
Sentence: 4    ákāmaprītā enaṃ kā́mā nā́nu práyāyuḥ /
Sentence: 5    atejā́ avīryàḥ syāt /
Sentence: 6    sá juhuyāt /
Sentence: 7    túbʰyaṃ tā́ {F aṅgirastama} {AS aṅgirastama} {BI aṅgirastam} {BS aṅgirastama} /
Sentence: 8    víśvāḥ sukṣitáyaḥ pŕ̥tʰak /
Sentence: 9    ágne kā́māya yemira íti /
Sentence: 10    kā́mān evā́smin dadʰāti //

Verse: 2    {BS 3.7.1.2}
Sentence: 1    kā́maprītā enaṃ kā́mā ánu práyānti /
Sentence: 2    tejasvī́ vīryā̀vān bʰavati /
Sentence: 3  {b}   sáṃtatir vā́ eṣā́ yajñásya /
Sentence: 4    yò 'gnī́n anvādʰā́ya vratám upáiti /
Sentence: 5    sá yád udvā́yati /
Sentence: 6    víccʰittir evā́sya sā́ /
Sentence: 7    táṃ prā́ñcam uddʰŕ̥tya /
Sentence: 8    mánasā_úpatiṣṭheta /
Sentence: 9    máno vái prajā́patiḥ /
Sentence: 10    prājāpatyó yajñáḥ //

Verse: 3    {BS 3.7.1.3}
Sentence: 1    mánasā_evá yajñám̐ sáṃtanoti /
Sentence: 2    bʰū́r íty āha /
Sentence: 3    bʰūtó vái prajā́patiḥ /
Sentence: 4    bʰū́tim evá_upaiti /
Sentence: 5  {c}   ví vā́ eṣá indriyéṇa vīryèṇa_r̥dʰyate /
Sentence: 6    yásya_ā́hitāgner agnír apakṣā́yati /
Sentence: 7    yā́vat_śámyayā pravídʰyet /
Sentence: 8    yádi tā́vad apakṣā́yet /
Sentence: 9    tám̐ sáṃbʰaret /
Sentence: 10    idáṃ ta ékaṃ pará uta ékam //

Verse: 4    {BS 3.7.1.4}
Sentence: 1    tr̥tī́yena jyótiṣā sáṃviśasva /
Sentence: 2    saṃvéśanas tanúvai cā́rur edʰi /
Sentence: 3    priyé devā́nāṃ paramé janítra íti /
Sentence: 4    bráhmaṇā_eváinam̐ sáṃbʰarati /
Sentence: 5    sā́_evá tátaḥ prā́yaścittiḥ /
Sentence: 6  {d}   yádi parastarā́m apakṣā́yet /
Sentence: 7    anuprayā́yā́vasyet /
Sentence: 8    só evá tátaḥ prā́yaścittiḥ /
Sentence: 9  {e}   óṣadʰīr vā́ etásya paśū́n páyaḥ práviśati /
Sentence: 10    yásya havíṣe vatsā́ apā́kr̥tā dʰáyanti //

Verse: 5    {BS 3.7.1.5}
Sentence: 1    tā́n yád duhyā́t /
Sentence: 2    yātáyāmnā havíṣā yajeta /
Sentence: 3    yán ná duhyā́t /
Sentence: 4    yajñaparúr antáriyāt /
Sentence: 5    vāyavyā̀ṃ yavāgū́ṃ nírvapet /
Sentence: 6    vāyúr vái páyasaḥ pradāpayitā́ /
Sentence: 7    sá evā́smai páyaḥ prádāpayati /
Sentence: 8    páyo vā́ óṣadʰayaḥ /
Sentence: 9    páyaḥ páyaḥ /
Sentence: 10    páyasā_evā́smai páyó 'varundʰe //

Verse: 6    {BS 3.7.1.6}
Sentence: 1    átʰa_úttarasmai havíṣe vatsā́n apā́kuryāt /
Sentence: 2    sā́_evá tátaḥ prā́yaścittiḥ /
Sentence: 3  {f}   anyatarā́n vā́ eṣá devā́n bʰāgadʰéyena vyàrdʰayati /
Sentence: 4    yé yájamānasya sāyáṃ gr̥hám āgáccʰanti /
Sentence: 5    yásya sāyaṃdugdʰám̐ havír ā́rtim ārccʰáti /
Sentence: 6    índrāya vrīhī́n nirúpya_úpavaset /
Sentence: 7    páyo vā́ óṣadʰayaḥ /
Sentence: 8    páya evá_ārábʰya gr̥hītvā́_upavasati /
Sentence: 9    yát prātáḥ syā́t /
Sentence: 10    tát_śr̥táṃ kuryāt //

Verse: 7    {BS 3.7.1.7}
Sentence: 1    átʰa_ítara aindráḥ puroḍā́śaḥ syāt /
Sentence: 2    indriyé evā́smai samī́cī dadʰāti /
Sentence: 3    páyo vā́ óṣadʰayaḥ /
Sentence: 4    páyaḥ páyaḥ /
Sentence: 5    páyasā_evā́smai páyó 'varundʰe /
Sentence: 6    átʰa_úttarasmai havíṣe vatsā́n apā́kuryāt /
Sentence: 7    sā́_evá tátaḥ prā́yaścittiḥ /
Sentence: 8  {g}   ubʰáyān vā́ eṣá devā́n bʰāgadʰéyena vyàrdʰayati /
Sentence: 9    yé yájamānasya sāyáṃ ca prātáś ca gr̥hám āgáccʰanti /
Sentence: 10    yásya_ubʰáyam̐ havír ā́rtim ārcʰáti //

Verse: 8    {BS 3.7.1.8}
Sentence: 1    aindráṃ páñcaśarāvam odanáṃ nírvapet /
Sentence: 2    agníṃ devátānāṃ pratʰamáṃ yajet /
Sentence: 3    agnímukʰā evá devátāḥ prīṇāti /
Sentence: 4    agníṃ vā́ anv anyā́ devátāḥ /
Sentence: 5    índram ánv anyā́ḥ /
Sentence: 6    tā́ evá_ubʰáyīḥ prīṇāti /
Sentence: 7    páyo vā́ óṣadʰayaḥ /
Sentence: 8    páyaḥ páyaḥ /
Sentence: 9    páyasā_evā́smai páyó 'varundʰe /
Sentence: 10    átʰa_úttarasmai havíṣe vatsā́n apā́kuryāt //

Verse: 9    {BS 3.7.1.9}
Sentence: 1    sā́_evá tátaḥ prā́yaścittiḥ /
Sentence: 2  {h}   ardʰó vā́ etásya yajñásya mīyate /
Sentence: 3    yásya vrátyé 'han pátny anālambʰukā́ bʰávati /
Sentence: 4    tā́m aparúdʰya yajeta /
Sentence: 5    sárveṇa_evá yajñéna yajate /
Sentence: 6    tā́m iṣṭvā́_upahvayeta /
Sentence: 7    ámū hám asmi /
Sentence: 8    sā́ tvám /
Sentence: 9    dyáur ahám /
Sentence: 10    pr̥tʰivī́ tvám /
Sentence: 11    sā́māhám /
Sentence: 12    ŕ̥k tvám /
Sentence: 13    tā́v éhi sáṃbʰavāva /
Sentence: 14    sahá réto dadʰāvahai /
Sentence: 15    pum̐sé putrā́ya véttavai /
Sentence: 16    rāyás póṣāya suprajāstvā́ya suvī́ryāya_íti /
Sentence: 17    ardʰá evá_enām úpahvayate /
Sentence: 18    sā́_evá tátaḥ prā́yaścittiḥ //

Paragraph: 2 
Verse: 1    {BS 3.7.2.10}
Sentence: 1  {a}   yád víṣṣaṇṇena {Dumont víṣyaṇṇena} juhuyā́t /
Sentence: 2    áprajā apaśúr yájamānaḥ syāt /
Sentence: 3    yád ánāyatane nináyet /
Sentence: 4    anāyatanáḥ syāt /
Sentence: 5    prājāpatyáyā_r̥cā́ valmīkavapā́yām ávanayet /
Sentence: 6    prājāpatyó vái valmī́kaḥ /
Sentence: 7    yajñáḥ prajā́patiḥ /
Sentence: 8    prajā́patāv evá yajñáṃ prátiṣṭhāpayati /
Sentence: 9    bʰū́r íty āha /
Sentence: 10    bʰūtó vái prajā́patiḥ //

Verse: 2    {BS 3.7.2.11}
Sentence: 1    bʰū́tim evá_upaiti /
Sentence: 2    tát kr̥tvā́ /
Sentence: 3    anyā́ṃ dugdʰvā́ púnar hotavyàm /
Sentence: 4    sā́_evá tátaḥ prā́yaścittiḥ /
Sentence: 5  {b}   yát kīṭā́vapannena juhuyā́t /
Sentence: 6    áprajā apaśúr yájamānaḥ syāt /
Sentence: 7    yád ánāyatane nináyet /
Sentence: 8    anāyatanáḥ syāt /
Sentence: 9    madʰyaména parṇéna dyāvāpr̥tʰivyàyā_r̥cā́_antaḥparidʰí nínayet /
Sentence: 10    dyā́vāpr̥tʰivyór eváinat prátiṣṭhāpayati //

Verse: 3    {BS 3.7.2.12}
Sentence: 1    tát kr̥tvā́ /
Sentence: 2    anyā́ṃ dugdʰvā́ púnar hotavyàm /
Sentence: 3    sā́_evá tátaḥ prā́yaścittiḥ /
Sentence: 4  {c}   yád ávavr̥ṣṭena juhuyā́t /
Sentence: 5    áparūpam asya_ātmán jāyeta /
Sentence: 6    kilā́so vā syā́d arśasó vā /
Sentence: 7    yát prátyeyā́t /
Sentence: 8    yajñáṃ víccʰindyāt /
Sentence: 9    sá juhuyāt /
Sentence: 10    mitró jánān kalpayati prajānán //

Verse: 4    {BS 3.7.2.13}
Sentence: 1    mitró dādʰāra pr̥tʰivī́m utá dyā́m /
Sentence: 2    mitráḥ kr̥ṣṭī́r ánimiṣā_abʰícaṣṭe /
Sentence: 3    satyā́ya havyáṃ gʰr̥távaj juhota_íti /
Sentence: 4    mitréṇa_eváinat kalpayati /
Sentence: 5    tát kr̥tvā́ /
Sentence: 6    anyā́ṃ dugdʰvā́ púnar hotavyàm /
Sentence: 7    sā́_evá tátaḥ prā́yaścittiḥ /
Sentence: 8  {d}   yát pū́rvasyām ā́hutyām̐ hutā́yām úttarā́hutiḥ skándet /
Sentence: 9    dvipā́dbʰiḥ paśúbʰir yájamāno vyr̥̀dʰyeta /
Sentence: 10    yád úttarayā_abʰíjuhuyāt //

Verse: 5    {BS 3.7.2.14}
Sentence: 1    cátuṣpādbʰiḥ paśúbʰir yájamāno vyr̥̀dʰyeta /
Sentence: 2    yátra véttʰa vanaspate devā́nāṃ gúhyā nā́māni /
Sentence: 3    tátra havyā́ni gāmaya_íti vānaspatyáyā_r̥cā́ samídʰam ādʰā́ya /
Sentence: 4    tūṣṇī́m evá púnar juhuyāt /
Sentence: 5    vánaspátinā_evá yajñásya_ā́rtāṃ cā́nārtāṃ ca_ā́hutī vídādʰāra /
Sentence: 6    tát kr̥tvā́ /
Sentence: 7    anyā́ṃ dugdʰvā́ púnar hotavyàm /
Sentence: 8    sā́_evá tátaḥ prā́yaścittiḥ /
Sentence: 9  {e}   yát purā́ prayājébʰyaḥ prā́ṅ áṅgāraḥ skándet /
Sentence: 10    adʰvaryáve ca yájamānāya cā́kam̐ syāt //

Verse: 6    {BS 3.7.2.15}
Sentence: 1    yád dakṣiṇā́ /
Sentence: 2    brahmáṇe ca yájamānāya cā́kam̐ syāt /
Sentence: 3    yát pratyák /
Sentence: 4    hótre ca pátniyai ca yájamānāya cā́kam̐ syāt /
Sentence: 5    yád údaṅ /
Sentence: 6    agnī́dʰe ca paśúbʰyaś ca yájamānāya cā́kam̐ syāt /
Sentence: 7    yád abʰi juhuyā́t /
Sentence: 8    rudrò 'sya paśū́n gʰā́tukaḥ syāt /
Sentence: 9    yán ná_abʰijuhuyā́t /
Sentence: 10    áśāntaḥ práhriyeta //

Verse: 7    {BS 3.7.2.16}
Sentence: 1    sruvásya búdʰnenābʰinídadʰyāt /
Sentence: 2    mā́ tamo mā́ yajñástaman mā́ yájamānas tamat /
Sentence: 3    námas te astv āyaté /
Sentence: 4    námo rudra parāyaté /
Sentence: 5    námo yátra niṣī́dasi /
Sentence: 6    amúṃ mā́ him̐sīr amúṃ mā́ him̐sīr íti yéna skándet /
Sentence: 7    táṃ práharet /
Sentence: 8    sahásraśr̥ṅgo vr̥ṣabʰó jātávedāḥ /
Sentence: 9    stómapr̥ṣṭho gʰr̥távānt suprátīkaḥ /
Sentence: 10    mā́ no hāsīn mettʰitó ná_it tvā jáhāma /
Sentence: 11    gopoṣáṃ no vīrapoṣáṃ ca yaccʰa_íti /
Sentence: 12    bráhmaṇā_eváinaṃ práharati /
Sentence: 13    sā́_evá tátaḥ prā́yaścittiḥ //

Paragraph: 3 
Verse: 1    {BS 3.7.3.17}
Sentence: 1  {a}   ví vā́ eṣá indriyéṇa vīryèṇa_r̥dʰyate /
Sentence: 2    yásya_ā́hitāgner agnír matʰyámāno ná jā́yate /
Sentence: 3    yátrānyáṃ páśyet /
Sentence: 4    táta āhŕ̥tya hotavyàm /
Sentence: 5    agnā́v evā́syāgnihotrám̐ hutáṃ bʰavati /
Sentence: 6  {b}   yády anyáṃ ná vindét /
Sentence: 7    ajā́yām̐ hotavyàm /
Sentence: 8    āgneyī́ vā́ eṣā́ /
Sentence: 9    yád ajā́ /
Sentence: 10    agnā́v evā́syāgnihotrám̐ hutáṃ bʰavati //

Verse: 2    {BS 3.7.3.18}
Sentence: 1  {c}   ajásya tú nā́śnīyāt /
Sentence: 2    yád ajásyāśnīyā́t /
Sentence: 3    yā́m evā́gnā́v ā́hutiṃ juhuyā́t /
Sentence: 4    tā́m adyāt /
Sentence: 5    tásmād ajásya ná_āśyam /
Sentence: 6  {d}   yády ajā́ṃ ná vindét /
Sentence: 7    brāhmaṇásya dákṣiṇe háste hótavyàm /
Sentence: 8    eṣá vā́ agnír vaiśvānaráḥ /
Sentence: 9    yád brāhmaṇáḥ /
Sentence: 10    agnā́v evā́syāgnihotrám̐ hutáṃ bʰavati //

Verse: 3    {BS 3.7.3.19}
Sentence: 1    brāhmaṇáṃ tú vasatyài nā́parundʰyāt /
Sentence: 2    yád brāhmaṇáṃ vasatyā́ aparundʰyā́t /
Sentence: 3    yásminn evā́gnā́v ā́hutiṃ juhuyā́t /
Sentence: 4    táṃ bʰāgadʰéyena vyàrdʰayet /
Sentence: 5    tásmād brāhmaṇó vasatyài nā́parúdʰyáḥ /
Sentence: 6  {e}   yádi brāhmaṇáṃ ná vindét /
Sentence: 7    darbʰastambé hotavyam /
Sentence: 8    agnivā́n vái darbʰastambáḥ /
Sentence: 9    agnā́v evā́syāgnihotrám̐ hutáṃ bʰavati /
Sentence: 10    darbʰā́m̐s tú nā́dʰyāsīta //

Verse: 4    {BS 3.7.3.20}
Sentence: 1    yád darbʰā́n adʰyā́sīta /
Sentence: 2    yā́m evā́gnā́v ā́hutiṃ juhuyā́t /
Sentence: 3    tā́m ádʰyāsīta /
Sentence: 4    tásmād darbʰā́ nā́dʰyāsitavyā̀ḥ /
Sentence: 5  {f}   yádi darbʰā́n ná vindét /
Sentence: 6    apsú hotavyàm /
Sentence: 7    ā́po vái sárvā devátāḥ /
Sentence: 8    devátāsv evā́syāgnihotrám̐ hutáṃ bʰavati /
Sentence: 9    ā́pas tú ná páricakṣīta /
Sentence: 10    yád āpaḥ paricákṣīta //

Verse: 5    {BS 3.7.3.21}
Sentence: 1    yā́m evā́psv ā́hutiṃ juhuyā́t /
Sentence: 2    tā́ṃ páricakṣīta /
Sentence: 3    tásmād ā́po ná paricákṣyāḥ /
Sentence: 4  {g}   médʰyā ca vā́ etásyāmedʰyā́ ca tanúvau sám̐sr̥jyete /
Sentence: 5    yásya_ā́hitāgner anyáir agníbʰir agnáyaḥ sam̐sr̥jyánte /
Sentence: 6    agnáye vívicaye puroḍā́śam aṣṭā́kapālaṃ nírvapet /
Sentence: 7    médʰyāṃ ca_evā́syāmedʰyā́ṃ ca tanúvau vyā́vartayati /
Sentence: 8  {h}   agnáye vratápataye puroḍā́śam aṣṭā́kapālaṃ nírvapet /
Sentence: 9    agním evá vratápatim̐ svéna bʰāgadʰéyena_úpadʰāvati /
Sentence: 10    sá eváinaṃ vratám ā́lambʰayati //

Verse: 6    {BS 3.7.3.22}
Sentence: 1  {i}   gárbʰam̐ srávantam agadám akaḥ /
Sentence: 2    agnír índras tváṣṭā bŕ̥haspátiḥ /
Sentence: 3    pr̥tʰivyā́m ávacuścota_etát /
Sentence: 4    nā́bʰí prā́pnoti nírr̥tiṃ parācáiḥ /
Sentence: 5    réto vā́ etád vā́jinam ā́hitāgneḥ /
Sentence: 6    yád agnihotrám /
Sentence: 7    tád yát srávet /
Sentence: 8    réto 'sya vā́jinam̐ sravet /
Sentence: 9    gárbʰam̐ srávantam agadám akar íty āha /
Sentence: 10    réta evā́smin vā́jinaṃ dadʰāti //

Verse: 7    {BS 3.7.3.23}
Sentence: 1  {j}   agnír íty āha /
Sentence: 2    agnír vái retodʰā́ḥ /
Sentence: 3    réta evá tád dadʰāti /
Sentence: 4    índra íty āha /
Sentence: 5    indriyám evā́smin dadʰāti /
Sentence: 6    tváṣṭā_íty āha /
Sentence: 7    tváṣṭā vái paśūnā́m mitʰunā́nām̐ rūpakŕ̥t /
Sentence: 8    rūpám evá paśúṣu dadʰāti /
Sentence: 9    br̥haspátir íty āha /
Sentence: 10    bráhma vái devā́nāṃ bŕ̥haspátiḥ /
Sentence: 11    bráhmaṇā_evā́smai prajā́ḥ prájanayati /
Sentence: 12  {k}   pr̥tʰivyā́m ávacuścota_etád íty āha /
Sentence: 13    asyā́m evá_enat prátiṣṭhāpayati {l} nā́bʰí prā́pnoti nírr̥tiṃ parācáir íty āha /
Sentence: 14    rákṣasām ápahatyai //

Paragraph: 4 
Verse: 1    {BS 3.7.4.24}
Sentence: 1  {a}   yā́ḥ purástāt prasrávanti /
Sentence: 2    upáriṣṭāt sarvátaś ca yā́ḥ /
Sentence: 3    tā́bʰī raśmípavitrābʰiḥ /
Sentence: 4    śraddʰā́ṃ yajñám ā́rabʰe /
Sentence: 5  {b}   dévā gātuvidaḥ /
Sentence: 6    gātúṃ yajñā́ya vindata /
Sentence: 7    mánasas pátinā devéna /
Sentence: 8    vā́tād yajñáḥ práyujyatām /
Sentence: 9  {c}   tr̥tī́yasyai diváḥ /
Sentence: 10    gāyatriyā́ sóma ā́bʰr̥taḥ //

Verse: 2    {BS 3.7.4.25}
Sentence: 1    somapītʰā́ya sáṃnayitum /
Sentence: 2    vákalam ántaram ā́dade /
Sentence: 3  {d}   ā́po devīḥ śuddʰā́ḥ stʰa /
Sentence: 4    imā́ pā́trāṇi śundʰata /
Sentence: 5    upātaṅkyā̀ya devā́nām /
Sentence: 6    parṇavalkám utá śundʰata /
Sentence: 7  {e}   páyo gr̥héṣu páyo agʰniyā́su /
Sentence: 8    páyo vatséṣu páya índrāya havíṣe dʰriyasva /
Sentence: 9    gāyatrī́ parṇavalkéna /
Sentence: 10    páyaḥ sómaṃ karotv imám //

Verse: 3    {BS 3.7.4.26}
Sentence: 1  {f}   agníṃ gr̥hṇāmi surátʰaṃ yó mayobʰū́ḥ /
Sentence: 2    yá udyántam āróhati sū́ryam áhne /
Sentence: 3    ādityáṃ jyótiṣāṃ jyótir uttamám /
Sentence: 4    śvó yajñā́ya ramatāṃ devátābʰyaḥ /
Sentence: 5  {g}   vásūn rudrā́n ādityān /
Sentence: 6    índreṇa sahá devátāḥ /
Sentence: 7    tā́ḥ pū́rvaḥ párigr̥hṇāmi /
Sentence: 8    svá āyátane manīṣáyā /
Sentence: 9  {h}   imā́m ū́rjaṃ pañcadaśī́ṃ yé práviṣṭāḥ /
Sentence: 10    tā́n devā́n párigr̥hṇāmi pū́rvāḥ //

Verse: 4    {BS 3.7.4.27}
Sentence: 1    agnír havyavā́ḍ ihá tā́n ā́vahatu /
Sentence: 2    paurṇamāsám̐ havír idám eṣāṃ máyi /
Sentence: 3    āmāvāsyàm̐ havír idám eṣāṃ máyi /
Sentence: 4  {i}   antarā́_agnī́ paśávaḥ /
Sentence: 5    devasam̐sádam ā́gaman /
Sentence: 6    tā́n pū́rvaḥ párigr̥hṇāmi /
Sentence: 7    svá āyátane manīṣáyā /
Sentence: 8  {j}   ihá prajā́ viśvárūpā ramantām /
Sentence: 9    agníṃ gr̥hápatim abʰí saṃvásānāḥ /
Sentence: 10    tā́ḥ pū́rvaḥ párigr̥hṇāmi //

Verse: 5    {BS 3.7.4.28}
Sentence: 1    svá āyátane manīṣáyā /
Sentence: 2  {k}   ihá paśávo viśvárūpā ramantām /
Sentence: 3    agníṃ gr̥hápatim abʰí saṃvásānāḥ /
Sentence: 4    tā́n pū́rvaḥ párigr̥hṇāmi /
Sentence: 5    svá āyátane manīṣáyā /
Sentence: 6  {l}   ayáṃ pitr̥ṇā́m agníḥ /
Sentence: 7    ávāḍ ḍhavyā pitŕ̥bʰya ā́ /
Sentence: 8    táṃ pū́rvaḥ párigr̥hṇāmi /
Sentence: 9    áviṣaṃ naḥ pitúṃ karat /
Sentence: 10  {m}   ájasraṃ tvā́m̐ sabʰāpālāḥ //

Verse: 6    {BS 3.7.4.29}
Sentence: 1    vijayábʰāgam̐ sámindʰatām /
Sentence: 2    ágne dīdā́ya me sabʰya /
Sentence: 3    víjityai śarádaḥ śatám /
Sentence: 4  {n}   ánnam āvasatʰī́yam /
Sentence: 5    abʰíharāṇi śarádaḥ śatám /
Sentence: 6    āvasatʰé śríyaṃ mántram /
Sentence: 7    áhir budʰníyo níyaccʰatu /
Sentence: 8  {o}   idám ahám agníjyeṣṭhebʰyaḥ /
Sentence: 9    vásubʰyo yajñáṃ prábravīmi /
Sentence: 10    idám ahám índrajyeṣṭhebʰyaḥ //

Verse: 7    {BS 3.7.4.30}
Sentence: 1    rudrébʰyo yajñáṃ prábravīmi /
Sentence: 2    idám aháṃ váruṇajyeṣṭhebʰyaḥ /
Sentence: 3    ādityébʰyo yajñáṃ prábravīmi /
Sentence: 4  {p}   páyasvatīr óṣadʰayaḥ /
Sentence: 5    páyasvad vīrúdʰāṃ páyaḥ /
Sentence: 6    apā́ṃ páyaso yát páyaḥ /
Sentence: 7    téna mā́m indra sám̐sr̥ja /
Sentence: 8  {q}   ágne vratapate vratáṃ cariṣyāmi /
Sentence: 9    tát_śakeyaṃ tán me rādʰyatām /
Sentence: 10    vā́yo vratapata ā́ditya vratapate //

Verse: 8    {BS 3.7.4.31}
Sentence: 1    vratā́nāṃ vratapate vratáṃ cariṣyāmi /
Sentence: 2    tát_śakeyaṃ tán me rādʰyatām /
Sentence: 3  {r}   imā́ṃ prācīm údīcīm /
Sentence: 4    íṣam ū́rjam abʰí sám̐skr̥tām /
Sentence: 5    bahuparṇā́m áśuṣkāgrām /
Sentence: 6    hárāmi paśupā́m aham /
Sentence: 7  {s}   yát kŕ̥ṣṇo rūpáṃ kr̥tvā́ /
Sentence: 8    prā́viśas tváṃ vanaspatī́n /
Sentence: 9    tátas tvā́m ekavim̐śatidʰā́ /
Sentence: 10    sáṃbʰarāmi susaṃbʰŕ̥tā //

Verse: 9    {BS 3.7.4.32}
Sentence: 1  {t}   trī́n paridʰī́m̐s tisráḥ samídʰaḥ /
Sentence: 2    yajñā́yur anusaṃcarā́n /
Sentence: 3    upaveṣáṃ mékṣaṇaṃ dʰŕ̥ṣṭim /
Sentence: 4    sáṃbʰarāmi susaṃbʰŕ̥tā /
Sentence: 5  {u}   yā́ jātā́ óṣadʰayaḥ /
Sentence: 6    devébʰyas triyugáṃ purā́ /
Sentence: 7    tā́sāṃ párva rādʰyāsam /
Sentence: 8    paristarám āháran /
Sentence: 9  {v}   apā́ṃ médʰyaṃ yajñíyam /
Sentence: 10    sádevam̐ śivám astu me //

Verse: 10    {BS 3.7.4.33}
Sentence: 1    āccʰettā́ vo mā́ riṣam /
Sentence: 2    jī́vāni śarádaḥ śatám /
Sentence: 3  {w}   áparimitānāṃ párimitāḥ /
Sentence: 4    sáṃnahye sukr̥tā́ya kám /
Sentence: 5    éno mā́ nígāṃ katamác cana_ahám /
Sentence: 6    púnar uttʰā́ya bahulā́ bʰavantu /
Sentence: 7  {x}   sakr̥dāccʰinnáṃ barhír ū́rṇāmr̥du /
Sentence: 8    syonáṃ pitŕ̥bʰyas tvā bʰarāmy ahám /
Sentence: 9    asmínt sīdantu me pitáraḥ somyā́ḥ /
Sentence: 10    pitāmahā́ḥ prápitāmahāś cānugáiḥ sahá //

Verse: 11    {BS 3.7.4.34}
Sentence: 1  {y}   trivŕ̥t palāśé darbʰáḥ /
Sentence: 2    íyān prādeśásaṃmitaḥ /
Sentence: 3    yajñé pavítraṃ pótr̥tamam /
Sentence: 4    páyo havyáṃ karotu me /
Sentence: 5  {z}   {F imáu} {AS imáu} {BI imā́} {BS imáu} prāṇāpānáu /
Sentence: 6    yajñásyā́ṅgāni sarvaśáḥ /
Sentence: 7    āpyāyáyantau sáṃcaratām /
Sentence: 8    pavítre havyaśódʰane /
Sentence: 9_(aa}    pavítre stʰo vaiṣṇavī́ /
Sentence: 10    vāyúr vāṃ mánasā punātu //

Verse: 12    {BS 3.7.4.35}
Sentence: 1_(bb}    ayáṃ prāṇáś cāpānáś ca /
Sentence: 2    yájamānam ápigaccʰatām /
Sentence: 3    yajñé hy ábʰūtāṃ pótārau /
Sentence: 4    pavítre havyaśódʰane /
Sentence: 5_(cc}    tváyā védiṃ vividuḥ pr̥tʰivī́m /
Sentence: 6    tváyā yajñó jāyate viśvadā́niḥ /
Sentence: 7    áccʰidraṃ yajñám ánveṣi vidvā́n /
Sentence: 8    tváyā hótā sáṃtanoty ardʰamasā́n /
Sentence: 9_(dd}    trayastrim̐śò 'si tántūnām /
Sentence: 10    pavítreṇa sahá_āgahi //

Verse: 13    {BS 3.7.4.36}
Sentence: 1    śivé 'yám̐ rájjur abʰidʰā́nī /
Sentence: 2    agʰniyā́m úpasevatām /
Sentence: 3_(ee}    áprasram̐sāya yajñásya /
Sentence: 4    ukʰé úpadadʰāmy ahám /
Sentence: 5    paśúbʰiḥ sáṃnītaṃ bibʰr̥tām /
Sentence: 6    índrāya śr̥táṃ dádʰi /
Sentence: 7_(ff}    upaveṣò 'si yajñā́ya /
Sentence: 8    tvā́ṃ pariveṣám adʰārayan /
Sentence: 9    índrāya havíḥ kr̥ṇvántaḥ /
Sentence: 10    śiváḥ śagmó bʰavāsi naḥ //

Verse: 14    {BS 3.7.4.37}
Sentence: 1_(gg}    ámr̥nmayaṃ devapātrám /
Sentence: 2    yajñásya_ā́yuṣi práyujyatām /
Sentence: 3    tiraḥpavitrám átinītāḥ /
Sentence: 4    ā́po dʰāraya mā́_atiguḥ /
Sentence: 5_(hh}    devéna savitrā́_utpūtāḥ /
Sentence: 6    vásoḥ sū́ryasya raśmíbʰiḥ /
Sentence: 7    gā́ṃ dohapavitré rájjum /
Sentence: 8    sárvā pā́trāṇi śundʰata /
Sentence: 9_(ii}    etā́ ā́caranti mádʰumad dúhānāḥ /
Sentence: 10    prajā́vatīr yaśáso viśvárūpāḥ //

Verse: 15    {BS 3.7.4.38}
Sentence: 1    bahvī́r bʰávantīr úpa jā́yamānāḥ /
Sentence: 2    ihá va índro ramayatu gāvaḥ /
Sentence: 3_(jj}    pūṣā́ stʰa /
Sentence: 4_(kk}    ayakṣmā́ vaḥ prajáyā sám̐sr̥jāmi /
Sentence: 5    rāyás póṣeṇa bahulā́ bʰavantīḥ /
Sentence: 6    ū́rjaṃ páyaḥ pínvamānā gʰr̥táṃ ca /
Sentence: 7    jīvó jī́vantīr úpa vaḥ sadeyam /
Sentence: 8_(ll}    dyáuś ca_imáṃ yajñáṃ pr̥tʰivī́ ca sáṃduhātām /
Sentence: 9    dʰātā́ sómena sahá vā́tena vāyúḥ /
Sentence: 10    yájamānāya dráviṇaṃ dadʰātu //

Verse: 16    {BS 3.7.4.39}
Sentence: 1_(mm}    útsaṃ duhanti kaláśaṃ cáturbilam /
Sentence: 2    íḍāṃ devī́ṃ mádʰumatīm̐ suvarvídam /
Sentence: 3    tád indrāgnī́ jinvatam̐ {Dumont jinvatām̐} sūnŕ̥tāvat /
Sentence: 4    tád yájamānam amr̥tatvé dadʰātu /
Sentence: 5_(nn}    kā́m adʰukṣaḥ prá ṇo brūhi /
Sentence: 6    índrāya havír indriyám /
Sentence: 7_(oo}    amū́ṃ yásyāṃ devā́nām /
Sentence: 8    manuṣyā̀ṇāṃ páyo hitám /
Sentence: 9_(pp}    bahú dugdʰī́ndrāya devébʰyaḥ /
Sentence: 10    havyám ā́pyāyatāṃ púnaḥ //

Verse: 17    {BS 3.7.4.40}
Sentence: 1    vatsébʰyo manuṣyèbʰyaḥ /
Sentence: 2    punardohā́ya kalpatām /
Sentence: 3_(qq}    yajñásya sáṃtatir asi /
Sentence: 4    yajñásya tvā sáṃtatim ánu sáṃtanomi /
Sentence: 5_(rr}    ádastam asi víṣṇave tvā /
Sentence: 6    yajñā́yāpidadʰāmy ahám /
Sentence: 7    adbʰír áriktena pā́treṇa /
Sentence: 8    yā́ḥ pūtā́ḥ pariśérate /
Sentence: 9_(ss}    ayáṃ páyaḥ sómaṃ kr̥tvā /
Sentence: 10    svā́ṃ yónim ápigaccʰatu //

Verse: 18    {BS 3.7.4.41}
Sentence: 1    parṇavalkáḥ pavítram /
Sentence: 2    saumyáḥ sómād dʰí nírmitaḥ /
Sentence: 3_(tt}    imáu parṇáṃ ca darbʰáṃ ca /
Sentence: 4    devā́nām̐ havyaśódʰanau /
Sentence: 5    prātarveṣā́ya gopāya víṣṇo havyám̐ hí rákṣasi /
Sentence: 6_(uu}    ubʰā́v agnī́ upastr̥ṇaté /
Sentence: 7    devátā úpavasantu me /
Sentence: 8    aháṃ grāmyā́n úpavasāmi /
Sentence: 9    máhyaṃ gópataye paśū́n //

Paragraph: 5 
Verse: 1    {BS 3.7.5.42}
Sentence: 1  {a}   dévā devéṣu párākramadʰvam /
Sentence: 2    prátʰamā dvitī́yeṣu /
Sentence: 3    dvítīyās tr̥tī́yeṣu /
Sentence: 4    trírekādaśā ihá mā_avata /
Sentence: 5    idám̐ śakeyaṃ yád idáṃ karómi /
Sentence: 6    ātmā́ karotv ātmáne /
Sentence: 7    idáṃ kariṣye bʰeṣajám /
Sentence: 8    idáṃ me viśvabʰeṣajā /
Sentence: 9    áśvinā prā́vataṃ yuvám /
Sentence: 10  {b}   idám ahám̐ sénāyā abʰī́tvaryai //

Verse: 2    {BS 3.7.5.43}
Sentence: 1    múkʰam ápohāmi /
Sentence: 2  {c}   sū́ryajyotir víbʰāhi /
Sentence: 3    mahatá indriyā́ya /
Sentence: 4  {d}   ā́pyāyatāṃ gʰr̥táyoniḥ /
Sentence: 5    agnír havyā́_anumanyatām /
Sentence: 6    kʰám aṅkṣva tvácam aṅkṣva /
Sentence: 7    surūpáṃ tvā vasuvídam /
Sentence: 8    paśūnā́ṃ téjasā /
Sentence: 9    agnáye júṣṭam abʰígʰārayāmi /
Sentence: 10  {e}   syonáṃ te sádanaṃ karomi //

Verse: 3    {BS 3.7.5.44}
Sentence: 1    gʰr̥tásya dʰā́rayā suśévaṃ kalpayāmi /
Sentence: 2  {f}   tásmint sīdāmŕ̥te prátitiṣṭha /
Sentence: 3    vrīhīṇā́ṃ medʰa sumanasyámānaḥ /
Sentence: 4  {g}   ārdráḥ pratʰasnur bʰúvanasya gopā́ḥ /
Sentence: 5    śr̥tá útsnāti janitā́ matīnā́m /
Sentence: 6  {h}   yás ta ātmā́ paśúṣu práviṣṭaḥ /
Sentence: 7    devā́nāṃ viṣṭhām ánu yó vitastʰé /
Sentence: 8    ātmanvā́nt soma gʰr̥távān hí bʰūtvā́ /
Sentence: 9    devā́n gaccʰa súvar vida {BS vinda} yájamānāya máhyam /
Sentence: 10  {i}   írā bʰū́tiḥ pr̥tʰivyái ráso mā́_utkramīt //

Verse: 4    {BS 3.7.5.45}
Sentence: 1  {j}   dévāḥ pitaraḥ pítaro devāḥ /
Sentence: 2    yò 'hám ásmi {BS,AS asmi} sá sán yaje /
Sentence: 3    yásyāsmi ná tám antár emi /
Sentence: 4    sváṃ ma iṣṭám̐ sváṃ dattám /
Sentence: 5    sváṃ pūrtám̐ svám̐ śrāntám /
Sentence: 6    svám̐ hutám /
Sentence: 7    tásya me 'gnír upadraṣṭā́ /
Sentence: 8    vāyúr upaśrotā́ /
Sentence: 9    ādityò 'nukʰyātā́ /
Sentence: 10    dyáuḥ pitā́ //

Verse: 5    {BS 3.7.5.46}
Sentence: 1    pr̥tʰivī́ mātā́ /
Sentence: 2    prajā́patir bándʰuḥ /
Sentence: 3    yá evā́smi sá sán yaje /
Sentence: 4  {k}   mā́ bʰer {BS,AS bʰér} mā́ sáṃviktʰā mā́ tvā him̐siṣam /
Sentence: 5    mā́ te téjó 'pakramīt /
Sentence: 6    bʰaratám úddʰara_im ánusiñca {BS úddʰare mánuṣiṃca} /
Sentence: 7    avadā́nāni te pratyávadāsyāmi /
Sentence: 8    námas te astu mā́ mā him̐sīḥ /
Sentence: 9  {l}   yád avadā́nāni te 'vadyán /
Sentence: 10    vílomā́kārṣam ātmánaḥ //

Verse: 6    {BS 3.7.5.47}
Sentence: 1    ā́jyena prátyanajmy enat /
Sentence: 2    tát ta ā́pyāyatāṃ púnaḥ /
Sentence: 3  {m}   ájyāyo yavamātrā́t /
Sentence: 4    āvyādʰā́t kr̥tyatām idám /
Sentence: 5    mā́ rūrupāma yajñásya /
Sentence: 6    śuddʰám̐ svìṣṭam idám̐ havíḥ /
Sentence: 7  {n}   mánunā dr̥ṣṭāṃ gʰr̥tápadīm /
Sentence: 8    mitrā́váruṇasamīritām /
Sentence: 9    dakṣiṇārdʰā́d ásaṃbʰindan /
Sentence: 10    ávadyāmy ekatómukʰām //

Verse: 7    {BS 3.7.5.48}
Sentence: 1  {o}   íḍe bʰāgáṃ juṣasva naḥ /
Sentence: 2    jínva gā́ jínvā́rvataḥ /
Sentence: 3    tásyās te bʰakṣivā́ṇaḥ syāma /
Sentence: 4    sarvā́tmānaḥ sarvágaṇāḥ /
Sentence: 5  {p}   brádʰna pínvasva /
Sentence: 6    dádato me mā́ kṣāyi /
Sentence: 7    kurvató me mā́_upadasat /
Sentence: 8    diśā́ṃ kŀ̥ptir asi /
Sentence: 9    díśo me kalpantām /
Sentence: 10    kálpantāṃ me díśaḥ //

Verse: 8    {BS 3.7.5.49}
Sentence: 1    dáivīś ca mā́nuṣīś ca /
Sentence: 2    ahorātré me kalpetām /
Sentence: 3    ardʰamāsā́ me kalpantām /
Sentence: 4    mā́sā me kalpantām /
Sentence: 5    r̥távo me kalpantām /
Sentence: 6    saṃvatsaró me kalpatām /
Sentence: 7    kŀ̥ptir asi kálpatāṃ me /
Sentence: 8  {q}   ā́śānāṃ tvā_āśāpālébʰyaḥ /
Sentence: 9    catúrbʰyo amŕ̥tebʰyaḥ /
Sentence: 10    idáṃ bʰūtásyā́dʰyakṣebʰyaḥ //

Verse: 9    {BS 3.7.5.50}
Sentence: 1    vidʰéma havíṣā vayám /
Sentence: 2    bʰájatāṃ bʰāgī́ bʰāgám /
Sentence: 3    mā́_abʰāgó bʰakta {BS 'bʰakta) /
Sentence: 4    nír abʰāgáṃ bʰajāmaḥ /
Sentence: 5    apás pinva /
Sentence: 6    óṣadʰīr jinva /
Sentence: 7    dvipā́t pāhi /
Sentence: 8    cátuṣpād ava /
Sentence: 9    divó vŕ̥ṣṭim éraya /
Sentence: 10    brāhmaṇā́nām idám̐ havíḥ //

Verse: 10    {BS 3.7.5.51}
Sentence: 1    somyā́nām̐ somapītʰínām /
Sentence: 2    nírbʰaktó 'brāhmaṇaḥ /
Sentence: 3    ná_ihā́brāhmaṇasyāsti /
Sentence: 4  {r}   sámaṅktāṃ barhír havíṣā gʰr̥téna /
Sentence: 5    sám ādityáir vásubʰiḥ sáṃ marúdbʰiḥ /
Sentence: 6    sám índreṇa víśvebʰir devébʰir aṅktām /
Sentence: 7    divyáṃ nábʰo gaccʰatu yát svā́hā /
Sentence: 8  {s}   indrāṇī́vāvidʰavā́ bʰūyāsam /
Sentence: 9    áditir iva suputrā́ /
Sentence: 10    astʰūrí tvā gārhapatya //

Verse: 11    {BS 3.7.5.52}
Sentence: 1    úpa níṣade suprajāstvā́ya /
Sentence: 2  {t}   sáṃ patnī pátyā sukr̥téna gaccʰatām /
Sentence: 3    yajñásya yuktáu dʰúryāv abʰūtām /
Sentence: 4    saṃjānānáu víjahatām árātīḥ /
Sentence: 5    diví jyótir ajáram ā́rabʰetām /
Sentence: 6  {u}   dáśa te tanúvo yajña yajñíyāḥ /
Sentence: 7    tā́ḥ prīṇātu yájamāno gʰr̥téna /
Sentence: 8    nāriṣṭháyoḥ praśíṣam ī́ḍamānaḥ /
Sentence: 9    devā́nāṃ dáivyé 'pi yájamāno 'mŕ̥to 'bʰūt /
Sentence: 10  {v}   yáṃ vāṃ devā́ akalpayan //

Verse: 12    {BS 3.7.5.53}
Sentence: 1    ūrjó bʰāgám̐ śatakratū /
Sentence: 2    etád vāṃ téna prīṇāni /
Sentence: 3    téna tr̥pyatam am̐hahau {Dumont am̐hohau} /
Sentence: 4  {w}   aháṃ devā́nām̐ sukŕ̥tām asmi loké /
Sentence: 5    máma_idám iṣṭáṃ ná mítʰur bʰavāti /
Sentence: 6    aháṃ nāriṣṭhā́v ánuyajāmi vidvā́n /
Sentence: 7    yád ābʰyām índro ádadʰād bʰāgadʰéyam /
Sentence: 8  {x}   ádārasr̥d bʰavata {Dumont bʰavatu} deva soma /
Sentence: 9    asmín yajñé maruto mr̥ḍatā naḥ /
Sentence: 10    mā́ no vidad abʰí bʰāmó áśastiḥ //

Verse: 13    {BS 3.7.5.54}
Sentence: 1    mā́ no vidad vr̥jánā dvéṣyā yā́ /
Sentence: 2  {y}   r̥ṣabʰáṃ vājínaṃ vayám /
Sentence: 3    pūrṇámāsaṃ yajāmahe /
Sentence: 4    sá no dohatām̐ suvī́ryam /
Sentence: 5    rāyás póṣam̐ sahasríṇam /
Sentence: 6    prāṇā́ya surā́dʰase /
Sentence: 7    pūrṇámāsāya svā́hā /
Sentence: 8  {z}   amāvāsyā̀ subʰágā suśévā /
Sentence: 9    dʰenúr iva bʰū́ya āpyā́yamānā /
Sentence: 10    sā́ no dohatām̐ suvī́ryam /
Sentence: 11    rāyás póṣam̐ sahasríṇam /
Sentence: 12    apānā́ya surā́dʰase /
Sentence: 13    amāvāsyā̀yai svā́hā /
Sentence: 14{aa } abʰístr̥ṇīhi páridʰehi védim /
Sentence: 15    jāmíṃ mā́ him̐sīr amuyā́ śáyānā /
Sentence: 16    hotr̥ṣádanā háritāḥ suvárṇāḥ /
Sentence: 17    niṣkā imé yájamānasya bradʰné //

Paragraph: 6 
Verse: 1    {BS 3.7.6.55}
Sentence: 1  {a}   páristr̥ṇīta páridʰattāgním /
Sentence: 2    párihito 'gníryájamānaṃ bʰunaktu /
Sentence: 3    apā́m̐ rása óṣadʰīnām̐ suvárṇaḥ /
Sentence: 4    niṣkā́ imé yájamānasya santu kāmadúgʰāḥ /
Sentence: 5    amútrāmúṣmin_loké /
Sentence: 6  {b}   bʰū́pate bʰúvanapate /
Sentence: 7    maható bʰūtásya pate /
Sentence: 8    brahmā́ṇaṃ tvā vr̥ṇīmahe /
Sentence: 9  {c}   aháṃ bʰū́patir aháṃ bʰúvanapatiḥ /
Sentence: 10    aháṃ maható bʰūtásya pátiḥ //

Verse: 2    {BS 3.7.6.56}
Sentence: 1    devéna savitrā́ prásūta ā́rtvijyaṃ kariṣyāmi /
Sentence: 2    déva savitar etáṃ tvā vr̥ṇate /
Sentence: 3    bŕ̥haspátiṃ dáivyaṃ brahmā́ṇam /
Sentence: 4    tád aháṃ mánase prábravīmi /
Sentence: 5    máno gāyatriyái /
Sentence: 6    gāyatrī́ triṣṭúbʰe /
Sentence: 7    triṣṭúb jágatyai /
Sentence: 8    jágaty anuṣṭúbʰe /
Sentence: 9    anuṣṭúk paṅktyái /
Sentence: 10    paṅktíḥ prajā́pataye //

Verse: 3    {BS 3.7.6.57}
Sentence: 1    prajā́patir víśvebʰyo devébʰyaḥ /
Sentence: 2    víśve devā́ bŕ̥haspátaye /
Sentence: 3    bŕ̥haspátir bráhmaṇe /
Sentence: 4    bráhma bʰū́r bʰúvaḥ súvah /
Sentence: 5    bŕ̥haspátir devā́nāṃ brahmā́ /
Sentence: 6    aháṃ manuṣyā̀ṇām /
Sentence: 7    bŕ̥haspate yajñáṃ gopāya /
Sentence: 8  {d}   idáṃ tásmai harmyáṃ karomi /
Sentence: 9    yó vo devāś cárati brahmacáryam /
Sentence: 10    medʰāvī́ dikṣú mánasā tapasvī́ //

Verse: 4    {BS 3.7.6.58}
Sentence: 1    antár dūtáś carati mā́nuṣīṣu /
Sentence: 2  {e}   cátuḥśikʰaṇḍā yuvatíḥ supéśāḥ /
Sentence: 3    gʰr̥tápratīkā bʰúvanasya mádʰye /
Sentence: 4    marmr̥jyámānā mahaté sáubʰagāya /
Sentence: 5    máhyaṃ dʰukṣva yájamānāya kā́mān /
Sentence: 6  {f}   bʰūmir bʰūtvā́ mahimā́naṃ pupoṣa /
Sentence: 7    táto devī́ vardʰayate payām̐si /
Sentence: 8    yajñíyā yajñáṃ ví ca yánti sám̐ ca /
Sentence: 9    óṣadʰīr ā́pa ihá śakvarīś ca /
Sentence: 10  {g}   yó mā hr̥dā́ mánasā yáś ca vācā́ //

Verse: 5    {BS 3.7.6.59}
Sentence: 1    yó bráhmaṇā kármaṇā dvéṣti devāḥ /
Sentence: 2    yáḥ śruténa hŕ̥dayena_iṣṇatā́ ca /
Sentence: 3    tásya_indra vájreṇa śíraś cʰinadmi /
Sentence: 4  {h}   ū́rṇāmr̥du prátʰamānam̐ syonám /
Sentence: 5    devébʰyo júṣṭam̐ sádanāya barhíḥ /
Sentence: 6    suvargé loké yájamānam̐ hí dʰehí /
Sentence: 7    mā́ṃ nā́kasya pr̥ṣṭhé paramé vyòman /
Sentence: 8  {i}   cátuḥśikʰaṇḍā yuvatíḥ supéśāḥ /
Sentence: 9    gʰr̥tápratīkā vayúnāni vaste /
Sentence: 10    sā́ stīryámāṇā mahaté sáubʰagāya //

Verse: 6    {BS 3.7.6.60}
Sentence: 1    sā́ me dʰukṣva yájamānāya kā́mān /
Sentence: 2    śivā́ ca me śagmā́ ca_edʰi /
Sentence: 3    syonā́ ca me suṣádā ca_edʰi /
Sentence: 4    ū́rjasvatī ca me páyasvatī ca_edʰi /
Sentence: 5    íṣam ū́rjaṃ me pinvasva /
Sentence: 6    bráhma téjo me pinvasva /
Sentence: 7    kṣatrám ójo me pinvasva /
Sentence: 8    víśaṃ púṣṭiṃ me pinvasva /
Sentence: 9    ā́yur annā́dyaṃ me pinvasva /
Sentence: 10    prajā́ṃ paśū́n me pinvasva //

Verse: 7    {BS 3.7.6.61}
Sentence: 1  {j}   asmín yajñá úpa bʰū́ya ín nú me /
Sentence: 2    ávikṣobʰāya paridʰī́n dadʰāmi /
Sentence: 3    dʰartā́ dʰarúṇo dʰárīyān /
Sentence: 4    agnír dvéṣām̐si nír itó nudātai /
Sentence: 5  {k}   víccʰinadmi vídʰr̥tībʰyām̐ sapátnān /
Sentence: 6    jātā́n bʰrā́tr̥byān yé ca janiṣyámānāḥ /
Sentence: 7    viśó yantrā́bʰyāṃ vídʰamāmy enān /
Sentence: 8    ahám̐ svā́nām uttamò 'sāni devāḥ /
Sentence: 9    viśó yantré nudámāne árātim /
Sentence: 10    víśvaṃ pāpmā́nam ámatiṃ durmarāyúm //

Verse: 8    {BS 3.7.6.62}
Sentence: 1    sī́dantī devī́ sukr̥tásya loké /
Sentence: 2    dʰŕ̥tī stʰo vídʰr̥tī svádʰr̥tī /
Sentence: 3    prāṇā́n máyi dʰārayatam /
Sentence: 4    prajā́ṃ máyi dʰārayatam /
Sentence: 5    paśū́n máyi dʰārayatam /
Sentence: 6  {l}   ayáṃ prastará ubʰáyasya dʰartā́ /
Sentence: 7    dʰartā́ prayājā́nām utā́nūyājā́nām /
Sentence: 8    sá dādʰāra samídʰo viśvárūpāḥ /
Sentence: 9    tásmint srúco ádʰy ā́sādayāmi /
Sentence: 10  {m}   ā́roha patʰó júhu devayā́nān //

Verse: 9    {BS 3.7.6.63}
Sentence: 1    yátrá_r̥ṣayaḥ pratʰamajā́ yé purāṇā́ḥ /
Sentence: 2    híraṇyapakṣā_ājirā́ sámbʰr̥tāṅgā /
Sentence: 3    váhāsi mā sukŕ̥tāṃ yátra lokā́ḥ /
Sentence: 4  {n}   ávāháṃ bādʰa upabʰŕ̥tā sapátnān /
Sentence: 5    jātā́n bʰrā́tr̥vyān yé ca janiṣyámāṇāḥ /
Sentence: 6    dóhaṃ {BS dóhai} yajñám̐ sudúgʰām iva dʰenúm /
Sentence: 7    ahám úttaro bʰūyāsam /
Sentence: 8    ádʰare mát sapátnāḥ /
Sentence: 9  {o}   yó mā vācā́ mánasā durmarāyúḥ /
Sentence: 10    hr̥dā́_arātīyā́d abʰidā́sad agne //

Verse: 10    {BS 3.7.6.64}
Sentence: 1    idám asya cittam ádʰaraṃ dʰruvā́yāḥ /
Sentence: 2    ahám úttaro bʰūyāsam /
Sentence: 3    ádʰare mát sapátnāḥ /
Sentence: 4  {p}   r̥ṣabʰò 'si śākvaráḥ /
Sentence: 5    gʰr̥tā́cīnām̐ sūnúḥ /
Sentence: 6    priyéṇa nā́mnā priyé sádasi sīda /
Sentence: 7  {q}   syonó me sīda suṣádaḥ pr̥tʰivyā́m /
Sentence: 8    prátʰayi prajáyā paśúbʰiḥ suvargé loké /
Sentence: 9    diví sīda pr̥tʰivyā́m antárikṣe /
Sentence: 10    ahám úttaro bʰūyāsam //

Verse: 11    {BS 3.7.6.65}
Sentence: 1    ádʰare mát sapátnāḥ /
Sentence: 2  {r}   iyám̐ stʰālī́ gʰr̥tásya pūrṇā́ /
Sentence: 3    áccʰinnapayāḥ śatádʰāra útsaḥ /
Sentence: 4    māruténa śarmaṇā dáivyena /
Sentence: 5  {s}   yajñò 'si sarvátaḥ śritáḥ /
Sentence: 6    sarváto mā́ṃ bʰūtáṃ bʰavaiṣyát_śrayatām /
Sentence: 7    śatáṃ me santv āśíṣaḥ /
Sentence: 8    sahásraṃ me santu sūnŕ̥tāḥ /
Sentence: 9    írāvatīḥ paśumátīḥ /
Sentence: 10    prajā́patir asi sarvátaḥ śritáḥ //

Verse: 12    {BS 3.7.6.66}
Sentence: 1    sarváto mā́ṃ bʰūtáṃ bʰaviṣyát_śrayatām /
Sentence: 2    śatáṃ me santv āśíṣaḥ /
Sentence: 3    sahásraṃ me santu sūnŕ̥tāḥ /
Sentence: 4    írāvatīḥ paśumátīḥ /
Sentence: 5  {t}   idám indriyám amŕ̥taṃ vīryàm /
Sentence: 6    anéna_índrāya paśávo 'cikitsan /
Sentence: 7    téna devā avató 'pa {BS avatópa} mā́m /
Sentence: 8    iha_íṣam ū́rjaṃ yáśaḥ sáha ójaḥ saneyam /
Sentence: 9    śr̥táṃ máyi śrayatām /
Sentence: 10  {u}   yát pr̥tʰivī́m ácarat tát práviṣṭam //

Verse: 13    {BS 3.7.6.67}
Sentence: 1    yénā́siñcad bálam índre prajā́patiḥ /
Sentence: 2    idáṃ tát_śukráṃ mádʰu vājínīvat /
Sentence: 3    yéna_upáriṣṭād ádʰinon mahendrám /
Sentence: 4    dádʰi mā́ṃ dʰinotu /
Sentence: 5  {v}   ayáṃ vedáḥ pr̥tʰivī́m ánvavindat /
Sentence: 6    gúhā satī́ṃ gáhane gáhvareṣu /
Sentence: 7    sá vindatu yájamānāya lokám /
Sentence: 8    áccʰidraṃ yajñáṃ bʰū́rikarmā karotu /
Sentence: 9  {w}   ayáṃ yajñáḥ sámasadad dʰavíṣmān /
Sentence: 10    r̥cā́ sā́mnā yájuṣā devátābʰiḥ //

Verse: 14    {BS 3.7.6.68}
Sentence: 1    téna lokā́nt sū́ryavato jayema /
Sentence: 2    índrasya sakʰyám amr̥tatvám aśyām /
Sentence: 3  {x}   yó naḥ kánīya ihá kāmáyātai /
Sentence: 4    asmín yajñé yájamānāya máhyam /
Sentence: 5    ápa tám indrāgnī́ bʰúvanān nudetām /
Sentence: 6    aháṃ prajā́ṃ vīrávatīṃ videya /
Sentence: 7  {y}   ágne vājajit /
Sentence: 8    vā́jaṃ tvā sariṣyántaṃ /
Sentence: 9    vā́jaṃ jeṣyántam /
Sentence: 10    vājínaṃ vājajítam //

Verse: 15    {BS 3.7.6.69}
Sentence: 1    vājajityā́yai sáṃmārjmi /
Sentence: 2    agnímannādám annā́dyāya /
Sentence: 3  {z}   úpahūto dyáuḥ pitā /
Sentence: 4    úpa mā́ṃ dyáuḥ pitā́ hvayatām /
Sentence: 5    agnír ā́gnīdʰrāt /
Sentence: 6    ā́yuṣe várcase jīvā́tvái púṇyāya /
Sentence: 7    úpahūtā pr̥tʰivī́ mātā́ /
Sentence: 8    úpa mā́ṃ mātā́ pr̥tʰivī́ hvayatām /
Sentence: 9    agnír ā́gnīdʰrāt //

Verse: 16    {BS 3.7.6.70}
Sentence: 1    ā́yuṣe várcase /
Sentence: 2    jīvā́tvái púṇyāya /
Sentence: 3_(aa}    máno jyótir juṣatām ā́jyam /
Sentence: 4    víccʰinnaṃ yajñám̐ sam imáṃ dadʰātu /
Sentence: 5    bŕ̥haspátis tanutām imáṃ naḥ /
Sentence: 6    víśve devā́ ihá mādayantām /
Sentence: 7_(bb}    yáṃ te agna āvr̥ścā́mi /
Sentence: 8    aháṃ vā kṣipitáś cáran /
Sentence: 9    prajā́ṃ ca tásya mū́laṃ ca /
Sentence: 10    nīcáir devā nívr̥ścata //

Verse: 17    {BS 3.7.6.71}
Sentence: 1    ágne yó no 'bʰidā́sati /
Sentence: 2    samānó yáś ca níṣṭyaḥ /
Sentence: 3    idʰmásya_iva prakṣā́yataḥ /
Sentence: 4    mā́ tásya_uccʰeṣi kíṃcaná /
Sentence: 5    yó mā́ṃ dvéṣṭi jātavedaḥ /
Sentence: 6    yáṃ cāháṃ dvéṣmi yáś ca mā́m /
Sentence: 7    sárvām̐s tā́n agne sáṃdaha /
Sentence: 8    yā́m̐ś cāháṃ dveṣmi yé ca mā́m /
Sentence: 9_(cc}    ágne vājajit /
Sentence: 10    vā́jaṃ tvā sasr̥vā́m̐sam //

Verse: 18    {BS 3.7.6.72}
Sentence: 1    vā́jaṃ jigivā́m̐sam /
Sentence: 2    vājínaṃ vājajítam /
Sentence: 3    vājajityā́yai sáṃmārjmi /
Sentence: 4    agním annādám annā́dyāya /
Sentence: 5_(dd}    védir barhíḥ śr̥tam̐ haviḥ /
Sentence: 6    idʰmáḥ paridʰáyaḥ srúcaḥ /
Sentence: 7    ā́jyaṃ yajñá ŕ̥co yájuḥ /
Sentence: 8    yājyā̀ś ca vaṣaṭkārā́ḥ /
Sentence: 9    sáṃ me sáṃnatayo namantām /
Sentence: 10    idʰmasaṃnáhane huté //

Verse: 19    {BS 3.7.6.73}
Sentence: 1_(ee}    diváḥ kʰī́ló 'vatataḥ /
Sentence: 2    pr̥tʰivyā́ ádʰy úttʰitaḥ /
Sentence: 3    ténā sahásrakāṇḍena /
Sentence: 4    dviṣántam̐ śocayāmasi /
Sentence: 5    dviṣán me bahú śocatu /
Sentence: 6    óṣadʰe mó ahám̐ śucam /
Sentence: 7_(ff}    yájña námas te yajña /
Sentence: 8    námo námaś ca te yajña /
Sentence: 9    śivéna me sáṃtiṣṭhasva /
Sentence: 10    syonéna me saṃtiṣṭhasva //

Verse: 20    {BS 3.7.6.74}
Sentence: 1    subʰūténa me sáṃtiṣṭhasva /
Sentence: 2    brahmavarcaséna me sáṃtiṣṭhasva /
Sentence: 3    yajñásyá_r̥ddʰim ánu sáṃtiṣṭhasva /
Sentence: 4    úpa te yajña námaḥ /
Sentence: 5    úpa te námaḥ /
Sentence: 6    úpa te námaḥ /
Sentence: 7_(gg}    tríṣ pʰalīkriyámāṇānām /
Sentence: 8    yó nyaṅgó avaśíṣyate /
Sentence: 9    rákṣasāṃ bʰāgadʰéyam /
Sentence: 10    ā́pas tát právahatād itáḥ //

Verse: 21    {BS 3.7.6.75}
Sentence: 1_(hh}    ulū́kʰale músale yác ca śū́rpe /
Sentence: 2    āśiśléṣa dr̥ṣádi yát kapā́le /
Sentence: 3    avaprúṣo viprúṣaḥ sáṃyajāmi /
Sentence: 4    víśve devā́ havír idáṃ juṣantām /
Sentence: 5    yajñé yā́ viprúṣaḥ sánti bahvī́ḥ /
Sentence: 6    agnáu tā́ḥ sárvāḥ svìṣṭāḥ súhutā juhomi /
Sentence: 7_(ii}    udyánn adyá mitramahaḥ /
Sentence: 8    sapátnān me anīnaśaḥ /
Sentence: 9    díva_enān vidyútā jahi /
Sentence: 10    nimrócann ádʰarān kr̥dʰi //

Verse: 22    {BS 3.7.6.76}
Sentence: 1_(jj}    udyánn adyá ví no bʰaja /
Sentence: 2    pitā́ putrébʰyo yátʰā /
Sentence: 3    dīrgʰāyutvásya ha_iśiṣe /
Sentence: 4    tásya no dehi sūrya /
Sentence: 5_(kk}    udyánn adyá mitramahaḥ /
Sentence: 6    āróhann úttarāṃ dívam /
Sentence: 7    hr̥drogáṃ máma sūrya /
Sentence: 8    harimā́ṇaṃ ca nāśaya /
Sentence: 9_(ll}    śúkeṣu me harimā́ṇam /
Sentence: 10    ropaṇā́kāsu dadʰmasi //

Verse: 23    {BS 3.7.6.77}
Sentence: 1    átʰo hāridravéṣu me /
Sentence: 2    harimā́ṇaṃ nídadʰmasi /
Sentence: 3_(mm}    údagād ayám ādityáḥ /
Sentence: 4    víśvena sáhasā sahá /
Sentence: 5    dviṣántaṃ máma randʰáyan /
Sentence: 6    mó aháṃ dvíṣató radʰam /
Sentence: 7_(nn}    yó naḥ śápād áśapataḥ /
Sentence: 8    yáś ca naḥ śápataḥ śápāt /
Sentence: 9    uṣā́ś ca tásmai nimrúk ca /
Sentence: 10    sárvaṃ pāpám̐ sámūhatām //
{BS 3.7.6.78}
Sentence: 11{oo } yó naḥ sapátno yó ráṇaḥ /
Sentence: 12    márto 'bʰidā́sati devāḥ /
Sentence: 13    idʰmásya_iva prakṣā́yataḥ /
Sentence: 14    mā́ tásya_úccʰeṣi kíṃ caná /
Sentence: 15{pp } ávasr̥ṣṭaḥ párāpata /
Sentence: 16    śaro bráhmasam̐śitaḥ /
Sentence: 17    gáccʰāmítrān práviśa /
Sentence: 18    mā́_eṣāṃ káṃ caná_uccʰiṣaḥ //

Paragraph: 7 
Verse: 1    {BS 3.7.7.79}
Sentence: 1  {a}   sákṣa_idáṃ paśya /
Sentence: 2    vídʰartar idáṃ paśya /
Sentence: 3    nā́ka_idáṃ paśya /
Sentence: 4    ramátiḥ pániṣṭhā /
Sentence: 5    r̥táṃ várṣiṣṭham /
Sentence: 6    amŕ̥tā yā́ny āhúḥ /
Sentence: 7    sū́ryo váriṣṭho akṣábʰir víbʰāti /
Sentence: 8    ánu dyā́vāpr̥tʰivī́ deváputre /
Sentence: 9  {b}   dīkṣā́_asi tápaso yóniḥ /
Sentence: 10    tápo 'si bráhmaṇo yóniḥ //

Verse: 2    {BS 3.7.7.80}
Sentence: 1    bráhmāsi kṣatrásya yóniḥ /
Sentence: 2    kṣatrám asy r̥tásya yóniḥ /
Sentence: 3    r̥tám asi bʰū́r, ārabʰe /
Sentence: 4    śraddʰā́ṃ mánasā /
Sentence: 5    dīkṣā́ṃ tápasā /
Sentence: 6    víśvasya bʰúvanasyā́dʰipatnīm /
Sentence: 7    sárve kā́mā yájamānasya santu /
Sentence: 8  {c}   vā́taṃ prāṇáṃ mánasā_anvā́rabʰāmahe /
Sentence: 9    prajā́patiṃ yó bʰúvanasya gopā́ḥ /
Sentence: 10    sá no mr̥tyós trāyatāṃ pā́tv ám̐hasaḥ //

Verse: 3    {BS 3.7.7.81}
Sentence: 1    jyóg jīvā́ jarā́m aśīmahi /
Sentence: 2  {d}   índra śākvara gāyatrī́ṃ prápadye /
Sentence: 3    tā́ṃ te yunajmi /
Sentence: 4    índra śākvara triṣṭúbʰaṃ prápadye /
Sentence: 5    tā́ṃ te yunajmi /
Sentence: 6    índra śākvara jágatīṃ prápadye /
Sentence: 7    tā́ṃ te yunajmi /
Sentence: 8    índra śākvarānuṣṭúbʰaṃ prápadye /
Sentence: 9    tā́ṃ te yunajmi /
Sentence: 10    índra śākvara paṅktíṃ prápadye //

Verse: 4    {BS 3.7.7.82}
Sentence: 1    tā́ṃ te yunajmi /
Sentence: 2  {e}   ā́_aháṃ dīkṣā́m aruham r̥tásya pátnīm /
Sentence: 3    gāyattréṇa cʰándasā bráhmaṇā ca /
Sentence: 4    r̥tám̐ satyè 'dʰāyi /
Sentence: 5    satyám r̥tè 'dʰāyi /
Sentence: 6    r̥táṃ ca me satyáṃ cābʰūtām /
Sentence: 7    jyótir abʰūvam̐ súvar agamam /
Sentence: 8    suvargáṃ lokáṃ nā́kasya pr̥ṣṭhám /
Sentence: 9    bradʰnásya viṣṭápam agamam /
Sentence: 10  {f}   pr̥tʰivī́ dīkṣā́ //

Verse: 5    {BS 3.7.7.83}
Sentence: 1    táyā_agnír dīkṣáyā dīkṣitáḥ /
Sentence: 2    yáyā_agnír dīkṣáyā dīkṣitáḥ /
Sentence: 3    táyā tvā dīkṣáyā dīkṣayāmi /
Sentence: 4    antárikṣaṃ dīkṣā́ /
Sentence: 5    táyā vāyúr dīkṣáyā dīkṣitáḥ /
Sentence: 6    yáyā vāyúr dīkṣáyā dīkṣitáḥ /
Sentence: 7    táyā tvā dīkṣáyā dīkṣayāmi /
Sentence: 8    dyáur dīkṣā́ /
Sentence: 9    táyā_ādityó dīkṣáyā dīkṣitáḥ /
Sentence: 10    yáyā_ādityó dīkṣáyā dīkṣitáḥ //

Verse: 6    {BS 3.7.7.84}
Sentence: 1    táyā tvā dīkṣáyā dīkṣayāmi /
Sentence: 2    díśo dīkṣā́ /
Sentence: 3    táyā candrámā dīkṣáyā dīkṣitáḥ /
Sentence: 4    yáyā candrámā dīkṣáyā dīkṣitáḥ /
Sentence: 5    táyā tvā dīkṣáyā dīkṣayāmi /
Sentence: 6    ā́po dīkṣā́ /
Sentence: 7    táyā váruṇo rā́jā dīkṣáyā dīkṣitáḥ /
Sentence: 8    yáyā váruṇo rā́jā dīkṣáyā dīkṣitáḥ {BS dākṣitáḥ} /
Sentence: 9    táyā tvā dīkṣáyā dīkṣayāmi /
Sentence: 10    óṣadʰayo dīkṣā́ //

Verse: 7    {BS 3.7.7.85}
Sentence: 1    táyā sómo rā́jā dīkṣáyā dīkṣitáḥ /
Sentence: 2    yáyā sómo rā́jā dīkṣáyā dīkṣitáḥ /
Sentence: 3    táyā tvā dīkṣáyā dīkṣayāmi /
Sentence: 4    vā́g dīkṣā́ /
Sentence: 5    táyā prāṇó dīkṣáyā dīkṣitáḥ /
Sentence: 6    yáyā prāṇó dīkṣáyā dīkṣitáḥ /
Sentence: 7    táyā tvā dīkṣáyā dīkṣayāmi /
Sentence: 8    pr̥tʰivī́ tvā dī́kṣamāṇam ánu dīkṣatām /
Sentence: 9    antárikṣaṃ tvā dī́kṣamāṇam ánu dīkṣatām /
Sentence: 10    dyáus tvā dī́kṣamāṇam ánu dīkṣatām //

Verse: 8    {BS 3.7.7.86}
Sentence: 1    díśas tvā dī́kṣamāṇam ánu dīkṣantām /
Sentence: 2    ā́pas tvā dī́kṣamāṇam ánu dīkṣantām /
Sentence: 3    óṣadʰayas tvā dī́kṣamāṇam ánu dīkṣantām /
Sentence: 4    vā́k tvā dī́kṣamāṇam ánu dīkṣatām /
Sentence: 5    ŕ̥cas tvā dī́kṣamāṇam ánu dīkṣantām /
Sentence: 6    sā́māni tvā dī́kṣamāṇam ánu dīkṣantām /
Sentence: 7    yájūm̐ṣi tvā dī́kṣamāṇam ánu dīkṣantām /
Sentence: 8    áhaś ca rā́triś ca /
Sentence: 9    kr̥ṣíś ca vŕ̥ṣṭiś ca /
Sentence: 10    tvíṣiś cā́pacitiś ca //

Verse: 9    {BS 3.7.7.87}
Sentence: 1    ā́paś ca_óṣadʰayaś ca /
Sentence: 2    ū́rk ca sūnŕ̥tā ca /
Sentence: 3    tā́s tvā dī́kṣamāṇam ánu dīkṣantām /
Sentence: 4  {g}   své dákṣe dákṣapitā_ihá sīda /
Sentence: 5    devā́nām̐ sumnó mahaté ráṇāya /
Sentence: 6    svāsastʰás tanúvā sáṃviśasva /
Sentence: 7    pitā́_iva_edʰi sūnáva ā́suśévaḥ /
Sentence: 8    śivó mā śivám ā́viśa /
Sentence: 9    satyáṃ ma ātmā́ /
Sentence: 10    śraddʰā́ mé 'kṣitiḥ //

Verse: 10    {BS 3.7.7.88}
Sentence: 1    tápo me pratiṣṭhā́ /
Sentence: 2    savitŕ̥prasūtā mā díśo dīkṣayantu /
Sentence: 3    satyám asmi /
Sentence: 4  {h}   aháṃ tvád asmi mád asi tvám etát /
Sentence: 5    mámāsi yónis táva yónir asmi /
Sentence: 6    máma_evá sán váha havyā́ny agne /
Sentence: 7    puttráḥ pitré lokakŕ̥j jātavedaḥ /
Sentence: 8  {i}   ājúhvānaḥ suprátīkaḥ purástāt /
Sentence: 9    ágne svā́ṃ yónim ā́sīda sādʰyā́ /
Sentence: 10    asmínt sadʰástʰe ádʰy úttarasmin //

Verse: 11    {BS 3.7.7.89}
Sentence: 1    víśve devā yájamānaś ca sīdata /
Sentence: 2  {j}   ékam iṣé víṣṇus tvā_ánvetu /
Sentence: 3    dvé ūrjé víṣṇus tvā_ánvetu /
Sentence: 4    trī́ṇi vratā́ya víṣṇus tvā_ánvetu /
Sentence: 5    catvā́ri mā́yobʰavāya víṣṇus tvā_ánvetu /
Sentence: 6    páñca paśúbʰyo víṣṇus tvā_ánvetu /
Sentence: 7    ṣáḍ rāyás póṣāya víṣṇus tvā_ánvetu /
Sentence: 8    saptá saptábʰyo hótrābʰyo víṣṇus tvā_ánvetu /
Sentence: 9  {k}   sákʰāyaḥ saptápadā abʰūma /
Sentence: 10    sakʰyáṃ te gameyam //

Verse: 12    {BS 3.7.7.90}
Sentence: 1    sakʰyā́t te mā́ yoṣam /
Sentence: 2    sakʰyā́n me mā́ yoṣṭhāḥ /
Sentence: 3  {i}   sā́_asi subrahmaṇye /
Sentence: 4    tásyās te pr̥tʰivī́ pā́daḥ /
Sentence: 5    sā́_asi subrahmaṇye /
Sentence: 6    tásyās te 'ntárikṣaṃ pā́daḥ /
Sentence: 7    sā́_asi subrahmaṇye /
Sentence: 8    tásyās te dyáuḥ pā́daḥ /
Sentence: 9    sā́_asi subrahmaṇye /
Sentence: 10    tásyās te díśaḥ pā́daḥ //

Verse: 13    {BS 3.7.7.91}
Sentence: 1    parórajās te pañcamáḥ pā́daḥ /
Sentence: 2    sā́ na íṣam ū́rjaṃ dʰukṣva /
Sentence: 3    téja indriyám /
Sentence: 4    brahmavarcasám annā́dyam /
Sentence: 5  {m}   vímime {AS vímíme} tvā páyasvatīm /
Sentence: 6    devā́nāṃ dʰenúm̐ sudúgʰām ánapaspʰurantīm /
Sentence: 7    índraḥ sómaṃ pibatu /
Sentence: 8    kṣémo astu naḥ /
Sentence: 9  {n}   imā́ṃ narāḥ kr̥ṇuta védim étya /
Sentence: 10    vásumatīm̐ rudrávatīm ādityávatīm //

Verse: 14    {BS 3.7.7.92}
Sentence: 1    {F várṣman} {AS várṣman} {BI várṣma} {BS várṣman} diváḥ /
Sentence: 2    nā́bʰā pr̥tʰivyā́ḥ /
Sentence: 3    yátʰā_ayáṃ yájamāno ná ríṣyet /
Sentence: 4    devásya savitúḥ savé /
Sentence: 5  {o}   cátuḥśikʰaṇḍā yuvatíḥ supéśāḥ /
Sentence: 6    gʰr̥tápratīkā bʰúvanasya mádʰye /
Sentence: 7    tásyām̐ suparṇā́v ádʰi yáu níviṣṭau /
Sentence: 8    táyor devā́nām ádʰi bʰāgadʰéyam /
Sentence: 9  {p}   ápa jányaṃ bʰayáṃ nuda /
Sentence: 10    ápa cakrā́ṇi vartaya /
Sentence: 11    gr̥hám̐ sómasya gaccʰatam /
Sentence: 12  {q}   ná vā́ uv etán mriyase ná riṣyasi /
Sentence: 13    devā́m̐ íd eṣi patʰíbʰiḥ sugébʰiḥ /
Sentence: 14    yátra yánti sukŕ̥to nā́pi duṣkŕ̥taḥ /
Sentence: 15    tátra tvā deváḥ savitā́ dadʰātu //

Paragraph: 8 
Verse: 1    {BS 3.7.8.93}
Sentence: 1  {a}   yád asyá pāré rájasaḥ /
Sentence: 2    śukráṃ jyótir ájāyata /
Sentence: 3    tán naḥ parṣad áti dvíṣaḥ /
Sentence: 4    ágne vaiśvānara svā́hā /
Sentence: 5  {b}   yásmād bʰīṣā́_avāśiṣṭhāḥ /
Sentence: 6    táto no ábʰayaṃ kr̥dʰi /
Sentence: 7    prajā́bʰyaḥ sárvābʰyo mr̥ḍa /
Sentence: 8    námo rudrā́ya mīḍhúṣe /
Sentence: 9  {c}   yásmād bʰīṣā́ nyáṣadaḥ /
Sentence: 10    táto no ábʰayaṃ kr̥dʰi //

Verse: 2    {BS 3.7.8.94}
Sentence: 1    prajā́bʰyaḥ sárvābʰyo mr̥ḍa /
Sentence: 2    námo rudrā́ya mīḍhúṣe /
Sentence: 3  {d}   úd usra tiṣṭha prátitiṣṭha mā́ riṣaḥ /
Sentence: 4    mā́_imáṃ yajñáṃ yájamānaṃ ca rīriṣaḥ /
Sentence: 5    suvargé loké yájamānam̐ hí dʰehi /
Sentence: 6    śáṃ na edʰi dvipáde śáṃ cátuṣpade /
Sentence: 7  {e}   yásmād bʰīṣā́_avepiṣṭhāḥ palā́yiṣṭhāḥ samájñāstʰāḥ /
Sentence: 8    táto no ábʰayaṃ kr̥dʰi /
Sentence: 9    prajā́bʰyaḥ sárvābʰyo mr̥ḍa /
Sentence: 10    námo rudrā́ya mīḍhúṣe //

Verse: 3    {BS 3.7.8.95}
Sentence: 1  {f}   yá idám ákaḥ /
Sentence: 2    tásmai námaḥ /
Sentence: 3    tásmai svā́hā /
Sentence: 4  {g1}   ná vā́ uv etán mriyase, /
Sentence: 5  {g2}   ā́śānāṃ tvā, {g3} víśvā ā́śāḥ, /
Sentence: 6  {h}   yajñásya hí stʰá r̥tvíyau /
Sentence: 7    índrāgnī cétanasya ca /
Sentence: 8    hutāhutásya tr̥pyatam /
Sentence: 9    áhutasya hutásya ca /
Sentence: 10    hutásya cā́hutasya ca /
Sentence: 11    áhutasya hutásya ca /
Sentence: 12    índrāgnī asyá sómasya /
Sentence: 13    vītáṃ pibataṃ juṣétʰām /
Sentence: 14  {i}   mā́ yájamānaṃ támo vidat {BS 'vidat} /
Sentence: 15    mā́_r̥tvíjo mó imā́ḥ prajā́ḥ /
Sentence: 16    mā́ yáḥ sómam imáṃ píbāt /
Sentence: 17    sám̐sr̥ṣṭam ubʰáyaṃ kr̥tám //

Paragraph: 9 
Verse: 1    {BS 3.7.9.96}
Sentence: 1  {a}   anāgásas tvā vayám /
Sentence: 2    índreṇa préṣitā úpa /
Sentence: 3    vāyúṣ ṭe astv am̐śabʰū́ḥ /
Sentence: 4    mitrás te astv am̐śabʰū́ḥ /
Sentence: 5    váruṇas te astv am̐śabʰū́ḥ /
Sentence: 6  {b}   ápāṃ kṣayā ŕ̥tasya garbʰāḥ /
Sentence: 7    bʰúvanasya gopāḥ śyénā atitʰayaḥ /
Sentence: 8    párvatānāṃ kakubʰaḥ prayúto napātāraḥ {BS na pātāraḥ} /
Sentence: 9    vagnúnā_índram̐ hvayata /
Sentence: 10    gʰóṣeṇā́mīvām̐ś cātayata //

Verse: 2    {BS 3.7.9.97}
Sentence: 1    yuktā́ḥ stʰa váhata /
Sentence: 2  {c}   devā́ grā́vāṇa índur índra íty avādiṣuḥ /
Sentence: 3    ā́_índram {AS áindram} acucyavuḥ paramásyāḥ {AS páram ásyāḥ} parāvátaḥ /
Sentence: 4    ā́_asmā́t sadʰástʰāt /
Sentence: 5    ā́_urór antárikṣāt /
Sentence: 6    ā́ subʰūtám asuṣavuḥ /
Sentence: 7    brahmavarcasáṃ ma ā́suṣavuḥ /
Sentence: 8    samaré rákṣām̐sy avadʰiṣuḥ /
Sentence: 9    ápahataṃ brahmajyásya /
Sentence: 10  {d}   vā́k ca tvā mánaś ca śriṇītām //

Verse: 3    {BS 3.7.9.98}
Sentence: 1    prāṇáś ca tvā_apānáś ca śrīṇītām /
Sentence: 2    cákṣuś ca tvā śrótraṃ ca śrīṇītām /
Sentence: 3    dákṣaś ca tvā bálaṃ ca śrīṇītām /
Sentence: 4    ójaś ca tvā sáhaś ca śrīṇītām /
Sentence: 5    ā́yuś ca tvā jarā́ ca śrīṇītām /
Sentence: 6    ātmā́ ca tvā tanū́ś ca śrīṇītām /
Sentence: 7    śr̥tò 'si śr̥táṃkr̥taḥ /
Sentence: 8    śr̥tā́ya tvā śr̥tébʰyas tvā /
Sentence: 9  {e}   yám índram āhúr váruṇaṃ yám āhúḥ /
Sentence: 10    yáṃ mitrám āhúr yám u satyám āhúḥ //

Verse: 4    {BS 3.7.9.99}
Sentence: 1    yó devā́nāṃ devátamas tapojā́ḥ /
Sentence: 2    tásmai tvā tébʰyas tvā /
Sentence: 3  {f}   máyi tyád indriyáṃ mahát /
Sentence: 4    máyi dákṣo máyi krátuḥ /
Sentence: 5    máyi dʰāyi suvī́ryam /
Sentence: 6    tríśug gʰarmó víbʰātu me /
Sentence: 7    ā́kūtyā mánasā sahá /
Sentence: 8    virā́jā jyótiṣā sahá /
Sentence: 9    yajñéna páyasā sahá /
Sentence: 10    tásya dóham aśīmahi //

Verse: 5    {BS 3.7.9.100}
Sentence: 1    tásya sumnám aśīmahi /
Sentence: 2    tásya bʰakṣám aśīmahi /
Sentence: 3    vā́g juṣāṇā́ sómasya tr̥pyatu /
Sentence: 4  {g1}   mitró jánān, {g2} prá sá mitra, /
Sentence: 5  {h}   yásmān ná jātáḥ páro anyó ásti /
Sentence: 6    yá āvivéśa bʰúvanāni víśvā /
Sentence: 7    prajā́patiḥ prajáyā saṃvidānáḥ /
Sentence: 8    trī́ṇi jyótīm̐ṣi sacate sá ṣoḍaśī́ /
Sentence: 9  {i}   eṣá brahmā́ yá r̥tvíyaḥ /
Sentence: 10    índro nā́ma śrutó gaṇé //

Verse: 6    {BS 3.7.9.101}
Sentence: 1  {j}   prá te mahé vidátʰe 'śam̐siṣam̐ hárī /
Sentence: 2    yá r̥tvíyaḥ prá te vanve /
Sentence: 3    vanúṣo haryatáṃ mádam /
Sentence: 4  {k}   índro nā́ma gʰr̥táṃ ná yáḥ /
Sentence: 5    háribʰiś cā́ru sécate /
Sentence: 6    śrutó gaṇá ā́ tvā viśantu /
Sentence: 7    hárivarpasaṃ gíraḥ /
Sentence: 8  {l}   índrā́dʰipaté 'dʰipatis tváṃ devā́nām asi /
Sentence: 9    ádʰipatiṃ mā́m /
Sentence: 10    ā́yuṣmantaṃ várcasvantaṃ manuṣyèṣu kuru //

Verse: 7    {BS 3.7.9.102}
Sentence: 1  {m}   índraś ca samrā́ḍ váruṇaś ca rā́jā /
Sentence: 2    táu te bʰakṣáṃ cakratur ágra etám /
Sentence: 3    táyor ánu bʰakṣáṃ bʰakṣayāmi /
Sentence: 4    vā́g juṣāṇā́ sómasya tr̥pyatu /
Sentence: 5  {n}   prajā́patir viśvákarmā /
Sentence: 6    tásya máno deváṃ yajñéna rādʰyāsam /
Sentence: 7    artʰegā́ asy ájahitaḥ {BS,AS asyá jahitaḥ} /
Sentence: 8    avasā́napate 'vasā́naṃ me vinda /
Sentence: 9  {o}   námo rudrā́ya vāstoṣpátaye /
Sentence: 10    ā́yane vidrávaṇe //

Verse: 8    {BS 3.7.9.103}
Sentence: 1    udyā́ne yát parā́yaṇe /
Sentence: 2    āvártane vivártane /
Sentence: 3    yó gopāyáti tám̐ huve /
Sentence: 4  {p}   yā́ny apāmítyāny ápratīttāny {AS ápratītāny} ásmi /
Sentence: 5    yamásya {Dumont yéna yamásya} balínā carāmi /
Sentence: 6    ihá_evá sántaḥ práti tád yātayāmaḥ /
Sentence: 7    jīvā́ jīvébʰyo níharāma enat /
Sentence: 8  {q}   anr̥ṇā́ asmínn anr̥ṇā́ḥ párasmin /
Sentence: 9    tr̥tī́ye loké anr̥ṇā́ḥ syāma /
Sentence: 10    yé devayā́nā utá pitr̥yā́ṇāḥ //

Verse: 9    {BS 3.7.9.104}
Sentence: 1    sárvān patʰó anr̥ṇā́ ā́kṣīyema /
Sentence: 2  {r}   idám ū nú śréyo 'vasā́nam ā́ganma /
Sentence: 3    śivé no dyā́vāpr̥tʰivī́ ubʰé imé /
Sentence: 4    gómad dʰánavad áśvavad ū́rjasvat /
Sentence: 5    suvī́rā vīráir ánu sáṃcarema /
Sentence: 6  {s}   arkáḥ pavítram̐ rájaso vimā́naḥ /
Sentence: 7    punā́ti devā́nāṃ bʰúvanāni víśvā /
Sentence: 8    dyā́vāpr̥tʰivī́ páyasā saṃvidāné /
Sentence: 9    gʰr̥táṃ duhāte amŕ̥taṃ prápīne /
Sentence: 10  {t}   pavítram arkó rájaso vimā́naḥ /
Sentence: 11    punā́ti devā́nāṃ bʰúvanāni víśvā /
Sentence: 12    súvar jyótir yáśo mahát /
Sentence: 13    aśīmáhi gādʰám utá pratiṣṭhā́m //

Paragraph: 10 
Verse: 1    {BS 3.7.10.105}
Sentence: 1  {a}   úd astāṃpsīt {AS astāpsīt} savitā́ mitró aryamā́ /
Sentence: 2    sárvān amítrān avadʰīd yugéna /
Sentence: 3    br̥hántaṃ mā́m akarad vīrávantam /
Sentence: 4    ratʰaṃtaré śrayasva svā́hā pr̥tʰivyā́m /
Sentence: 5    vāmadevyé śrayasva svā́hā_antárikṣe /
Sentence: 6    br̥hatí śrayasva svā́hā diví /
Sentence: 7    br̥hatā́ tvā_úpastabʰnomi /
Sentence: 8  {b}   ā́ tvā dade yáśase vīryā̀ya ca /
Sentence: 9    asmā́sv agʰniyā yūyáṃ dadʰātʰá_indriyáṃ páyaḥ /
Sentence: 10  {c}   yás te drapsó yás ta udarṣáḥ //

Verse: 2    {BS 3.7.10.106}
Sentence: 1    dáivyaḥ ketúr víśvaṃ bʰúvanam āvivéśa /
Sentence: 2    sá naḥ pāhy áriṣṭyái svā́hā /
Sentence: 3  {d}   ánu mā sárvo yajñò 'yám etu /
Sentence: 4    víśve devā́ marútaḥ sā́mārkáḥ /
Sentence: 5    āpríyaś cʰándām̐si nivído yájūm̐ṣi /
Sentence: 6    asyái pr̥tʰivyái yád yajñíyam /
Sentence: 7  {e}   prajā́pater vartaním ánuvartasva /
Sentence: 8    ánu vīráir ánurādʰyāma góbʰiḥ /
Sentence: 9    ánv áśvair ánu sárvair u puṣṭáiḥ /
Sentence: 10    ánu prajáyā_ánv indriyéṇa //

Verse: 3    {BS 3.7.10.107}
Sentence: 1    devā́ no yajñám r̥judʰā́ nayantu /
Sentence: 2  {f}   práti kṣatré práti tiṣṭhāmi rāṣṭré /
Sentence: 3    práty áśveṣu prátitiṣṭhāmi góṣu /
Sentence: 4    práti prajā́yāṃ prátitiṣṭhāmi bʰávye /
Sentence: 5    víśvam anyā́_abʰivāvr̥dʰé /
Sentence: 6    tád anyásyām ádʰi śritám /
Sentence: 7    divé ca viśvákarmaṇe /
Sentence: 8    pr̥tʰivyái cākaraṃ námaḥ /
Sentence: 9  {g}   áskān dyáuḥ pr̥tʰivī́m /
Sentence: 10    áskān r̥ṣabʰó yúvā gā́ḥ //

Verse: 4    {BS 3.7.10.108}
Sentence: 1    skannā́_imā́ víśvā bʰúvanā /
Sentence: 2    skannó yajñáḥ prajanayatu /
Sentence: 3    áskān ájani prā́jani /
Sentence: 4    ā́ skannā́j jāyate vŕ̥ṣā /
Sentence: 5    skannā́t prájaniṣīmahi /
Sentence: 6  {h}   yé devā́ yéṣām idáṃ bʰāgadʰéyaṃ babʰū́va /
Sentence: 7    yéṣāṃ prayājā́ utā́nūyājā́ḥ /
Sentence: 8    índrajyeṣṭhebʰyo váruṇarājabʰyaḥ /
Sentence: 9    agníhotr̥bʰyo devébʰyaḥ svā́hā /
Sentence: 10  {i}   utá tyā́ no dívā matíḥ //

Verse: 5    {BS 3.7.10.109}
Sentence: 1    áditir ūtyā́_āgamat /
Sentence: 2    sā́ śántācī {Dumont śáṃtāti} máyas karat /
Sentence: 3    ápa srídʰaḥ /
Sentence: 4  {j}   utá tyā́ dáivyā bʰiṣájā /
Sentence: 5    śáṃ nas karato aśvínā /
Sentence: 6    yūyā́tām asmád rápaḥ /
Sentence: 7    ápa srídʰaḥ /
Sentence: 8  {k}   śám agnír agníbʰis karat /
Sentence: 9    śáṃ nas tapatu sū́ryaḥ /
Sentence: 10    śáṃ vā́to vātv arapā́ḥ //

Verse: 6    {BS 3.7.10.110}
Sentence: 1    ápa srídʰaḥ /
Sentence: 2  {l}   tád ít padáṃ ná víciketa vidvā́n /
Sentence: 3    yán mr̥táḥ púnar apy éti jīvā́n /
Sentence: 4    trivŕ̥d yád bʰúvanasya ratʰavŕ̥t /
Sentence: 5    jīvó gárbʰo ná mr̥táḥ sá jīvāt /
Sentence: 6  {m}   práty asmai pípīṣate /
Sentence: 7    víśvāni vidúṣe bʰara /
Sentence: 8    araṃgamā́ya jágmave /
Sentence: 9    ápaścāddadʰvane {BS ápaścāddagʰváne} náre /
Sentence: 10  {n}   índur índum {BS índram} ávāgāt /
Sentence: 11    índor índro 'pāt /
Sentence: 12    tásya ta indav índrapītasya mádʰumataḥ /
Sentence: 13    úpahūtasya_úpahūto bʰakṣayāmi //

Paragraph: 11 
Verse: 1    {BS 3.7.11.111}
Sentence: 1  {a}   bráhma pratiṣṭhā́ mánaso bráhma vācáḥ /
Sentence: 2    bráhma yajñā́nām̐ havíṣām ā́jyasya /
Sentence: 3    átiriktaṃ kármaṇo yác ca hīnám /
Sentence: 4    yajñáḥ párvāṇi pratiránn eti kalpáyan /
Sentence: 5    svā́hākr̥tā_ā́hutir etu devā́n /
Sentence: 6  {b}   ā́śrāvitam atyā́śrāvitam /
Sentence: 7    váṣaṭkr̥tam atyánūktaṃ ca yajñé /
Sentence: 8    átiriktaṃ karmaṇó yác ca hīnám /
Sentence: 9    yajñáḥ párvāṇi pratiránn eti kalpáyan /
Sentence: 10    svā́hākr̥tā_ā́hutir etu devā́n //

Verse: 2    {BS 3.7.11.112}
Sentence: 1  {c}   yád vo devā atipādáyāni /
Sentence: 2    vācā́ cit práyataṃ devahéḍanam /
Sentence: 3    arāyó asmā́m̐ {Dumont árāvā yó 'smā́m̐, cf.RV.10.37.2} abʰí duccʰunāyáte /
Sentence: 4    anyátrāsmán marutas tán nídʰetana /
Sentence: 5  {d}   tatáṃ ma ā́pas tád u tāyate púnaḥ /
Sentence: 6    svā́diṣṭhā dʰītír ucátʰāya śasyate /
Sentence: 7    ayám̐ samudrá utá viśvábʰeṣajaḥ /
Sentence: 8    svā́hākr̥tasya sám u tr̥pṇuta_r̥bʰuvaḥ /
Sentence: 9  {e}   úd vayáṃ támasas pári, /
Sentence: 10  {f}   úd u tyáṃ, {g} citrám, //

Verse: 3    {BS 3.7.11.113}
Sentence: 1  {h}   imáṃ me varuṇa, {i} tát tvā yāmi, /
Sentence: 2  {j}   tváṃ no ágne, {k} sá tváṃ no agne, /
Sentence: 3  {l}   tvám agne ayā́_asi, {m} prájāpate, /
Sentence: 4  {n}   imáṃ jīvébʰyaḥ paridʰíṃ dadʰāmi /
Sentence: 5    mā́_eṣā́ṃ nu gād áparo árdʰam etám /
Sentence: 6    śatáṃ jīvantu śarádaḥ purūcī́ḥ /
Sentence: 7    tiró mr̥tyúṃ dadʰatāṃ párvatena /
Sentence: 8  {o}   iṣṭébʰyaḥ svā́hā váṣaḍ ániṣṭebʰyaḥ svā́hā /
Sentence: 9    bʰeṣajáṃ dúriṣṭyai svā́hā níṣkr̥tyai svā́hā /
Sentence: 10    dáurārddʰyai svā́hā dáivībʰyas tanū́bʰyaḥ svā́hā //

Verse: 4    {BS 3.7.11.114}
Sentence: 1    ŕ̥ddʰyai svā́hā sámr̥ddʰyai svā́hā /
Sentence: 2  {p}   yáta indra bʰáyāmahe /
Sentence: 3    táto no ábʰayaṃ kr̥dʰi /
Sentence: 4    mágʰavan _śagdʰí táva tán na ūtáye /
Sentence: 5    ví dvíṣo ví mŕ̥dʰo jahi /
Sentence: 6  {q}   svastidā́ viśás pátiḥ /
Sentence: 7    vr̥trahā́ vímŕ̥dʰo vaśī́ /
Sentence: 8    vŕ̥ṣā_índraḥ purá etu naḥ /
Sentence: 9    svastidā́ abʰayaṃkaráḥ /
Sentence: 10  {r}   ābʰír gīrbʰír yád áto na ūnám //

Verse: 5    {BS 3.7.11.115}
Sentence: 1    ā́pyāyaya harivo várdʰamānaḥ /
Sentence: 2    yadā́ stotŕ̥bʰyo máhi gotrā́ rujā́si /
Sentence: 3    bʰūyiṣṭhabʰā́jo ádʰa te syāma /
Sentence: 4  {s}   ánājñātaṃ yád ā́jñātam /
Sentence: 5    yajñásya kriyáte mítʰu /
Sentence: 6    ágne tád asya kalpaya /
Sentence: 7    tvám̐ hí véttʰa yatʰātatʰám /
Sentence: 8  {t}   púruṣasaṃmito yajñáḥ /
Sentence: 9    yajñáḥ púruṣasaṃmitaḥ /
Sentence: 10    ágne tád asya kalpaya /
Sentence: 11    tvám̐ hí véttʰa yatʰātatʰám /
Sentence: 12  {u}   yát pākatrā́ mánasā dīnádakṣā ná /
Sentence: 13    yajñásya manváte mártāsaḥ /
Sentence: 14    agníṣ ṭad dʰótā kratuvíd vijānán /
Sentence: 15    yájiṣṭho devā́m̐ r̥tuśó yajāti //

Paragraph: 12 
Verse: 1    {BS 3.7.12.116}
Sentence: 1  {a}   yád devā devahéḍanam /
Sentence: 2    dévāsaś cakr̥mā́ vayám /
Sentence: 3    ā́dityās tásmān mā muñcata /
Sentence: 4    r̥tásya_r̥téna mā́m utá /
Sentence: 5  {b}   dévā jīvanakāmyā́ yát /
Sentence: 6    vācā́_anr̥tam ūdimá /
Sentence: 7    agnír mā tásmād énasaḥ /
Sentence: 8    gā́rhapatyaḥ prámuñcatu /
Sentence: 9    duritā́ yā́ni cakr̥má /
Sentence: 10    karótu mā́m anenásam //

Verse: 2    {BS 3.7.12.117}
Sentence: 1  {c}   r̥téna dyāvāpr̥tʰivī /
Sentence: 2    r̥téna tvám̐ sarasvati /
Sentence: 3    r̥tā́n mā muñcatā́m̐hasaḥ {Dumont kr̥tā́n mā muñcata_énasaḥ} /
Sentence: 4    yád anyákr̥tam ārimá /
Sentence: 5  {d}   sajātaśam̐sā́d utá vā jāmiśam̐sā́t /
Sentence: 6    jyā́yasaḥ śám̐sād utá vā kánīyasaḥ /
Sentence: 7    ánājñātaṃ devákr̥taṃ yád énaḥ /
Sentence: 8    tásmāt tvám asmā́n jātavedo mumugdʰi /
Sentence: 9  {e}   yád vācā́ yán mánasā /
Sentence: 10    bāhúbʰyām ūrúbʰyām aṣṭhīvádbʰyām //

Verse: 3    {BS 3.7.12.118}
Sentence: 1    śiśnáir yád ánr̥taṃ cakr̥mā́ vayám /
Sentence: 2    agnír mā tásmād énasaḥ /
Sentence: 3  {f}   yád dʰástābʰyāṃ cakára kílbiṣāṇi /
Sentence: 4    akṣā́ṇāṃ vagnúm upajígʰnamānaḥ /
Sentence: 5    dūrepaśyā́ ca rāṣṭrabʰŕ̥c ca /
Sentence: 6    tā́ny apsarásāv ánudattām r̥ṇā́ni /
Sentence: 7  {g}   ádīvyann r̥ṇáṃ yád aháṃ cakā́ra /
Sentence: 8    yád vā_ádāsyant saṃjagā́rā jánebʰyaḥ /
Sentence: 9    agnír mā tásmād énasaḥ /
Sentence: 10  {h}   yán máyi mātā́ gárbʰe satí //

Verse: 4    {BS 3.7.12.119}
Sentence: 1    énaś cakā́ra yát pitā́ /
Sentence: 2    agnír mā tásmād énasaḥ /
Sentence: 3  {i}   yád āpipéṣa mātáraṃ pitáram /
Sentence: 4    putráḥ prámudito dʰáyan /
Sentence: 5    áhim̐sitau pitárau máyā tát /
Sentence: 6    tád agne anr̥ṇó bʰavāmi /
Sentence: 7  {j}   yád antárikṣaṃ pr̥tʰivī́m utá dyā́m /
Sentence: 8    yán mātáraṃ pitáraṃ vā jihim̐simá /
Sentence: 9    agír mā tásmād énasaḥ /
Sentence: 10  {k}   yád āśásā niśásā yát parāśásā //

Verse: 5    {BS 3.7.12.120}
Sentence: 1    yád énaś cakr̥mā́ nū́tanaṃ yát purāṇám /
Sentence: 2    agnír mā tásmād énasaḥ /
Sentence: 3  {l}   átikrāmāmi duritáṃ yád énaḥ /
Sentence: 4    jáhāmi ripráṃ paramé sadʰástʰe /
Sentence: 5    yátra yánti sukŕ̥to nā́pi duṣkŕ̥taḥ /
Sentence: 6    tám ā́rohāmi sukŕ̥tāṃ nú lokám /
Sentence: 7  {m}   trité devā́ amr̥jata_etád énaḥ /
Sentence: 8    tritá etán manuṣyèṣu māmr̥je /
Sentence: 9    táto mā yádi kíṃ cid ānaśé /
Sentence: 10    agnír mā tásmād énasaḥ //

Verse: 6    {BS 3.7.12.121}
Sentence: 1    gā́rhapatyaḥ prámuñcatu /
Sentence: 2    duritā́ yā́ni cakr̥má /
Sentence: 3    karótu mā́m anenásam /
Sentence: 4  {m}   diví jātā́ apsú jātā́ḥ /
Sentence: 5    yā́ jātā́ óṣadʰībʰyaḥ /
Sentence: 6    átʰo yā́ agnijā́ ā́paḥ /
Sentence: 7    tā́ naḥ śundʰantu śúndʰanīḥ /
Sentence: 8  {o}   yád ā́po {Dumont āpo} náktaṃ duritáṃ carāma /
Sentence: 9    yád vā dívā nū́tanaṃ yát purāṇám /
Sentence: 10    híraṇyavarṇās táta útpunīta naḥ /
Sentence: 11  {p}   imáṃ me varuṇa, {q} tát tvā yāmi, /
Sentence: 12  {r}   tváṃ no agne, {s} sá tváṃ no agne /
Sentence: 13  {t}   tvám agne ayā́_asi, //

Paragraph: 13 
Verse: 1    {BS 3.7.13.122}
Sentence: 1  {a}   yát te grā́vṇā ciccʰidúḥ soma rājan /
Sentence: 2    priyā́ṇy áṅgāni svádʰitā párūm̐ṣi /
Sentence: 3    tát saṃdʰatsva_ā́jyena_utá vardʰayasva /
Sentence: 4    anāgáso ádʰam ít saṃkṣáyema /
Sentence: 5  {b}   yát te grā́vā bāhúcyuto ácucyavuḥ {Dumont ácucyavat} /
Sentence: 6    náro yát te duduhúr dákṣiṇena /
Sentence: 7    tát ta ā́pyāyatāṃ tát te /
Sentence: 8    níṣṭyāyatāṃ {AS níṣṭhyāyatāṃ) deva soma /
Sentence: 9  {c}    yát te tvácaṃ bibʰidúr yác ca yónim /
Sentence: 10    yád āstʰā́nāt prácyuto vénasi tmánā //

Verse: 2    {BS 3.7.13.123}
Sentence: 1    tváyā tát soma guptám astu naḥ /
Sentence: 2    sā́ naḥ saṃdʰā́_asat paramé vyòman /
Sentence: 3  {d}   áhāt_śárīraṃ páyasā samétya /
Sentence: 4    anyò'nyo bʰavati várṇo asya /
Sentence: 5    tásmin vayám úpahūtās táva smaḥ /
Sentence: 6    ā́ no bʰaja sádasi viśvárūpe /
Sentence: 7  {e}   nr̥cákṣāḥ sóma utá śuśrúg astu /
Sentence: 8    mā́ no víhāsīd gíra āvr̥ṇānáḥ /
Sentence: 9    ánāgās tanúvo vāvr̥dʰānáḥ /
Sentence: 10    ā́ no rūpáṃ vahatu jā́yamānaḥ //

Verse: 3    {BS 3.7.13.124}
Sentence: 1  {f}   úpakṣaranti juhvò gʰr̥téna /
Sentence: 2    priyā́ṇy áṅgāni táva vardʰáyantīḥ /
Sentence: 3    tásmai te soma náma íd váṣaṭ ca /
Sentence: 4    úpa mā rājant sukr̥té hvayasva /
Sentence: 5  {g}   sáṃ prāṇāpānā́bʰyām̐ sám {AS śám} u cákṣuṣā tvám /
Sentence: 6    sám̐ śrótreṇa gaccʰasva soma rājan /
Sentence: 7    yát ta ā́stʰitam̐ śám u tát te astu /
Sentence: 8    jānītā́n {AS jānītā́ṃ} naḥ saṃgámane patʰīnā́m /
Sentence: 9  {h}   etáṃ jānītāt paramé vyòman /
Sentence: 10    vŕ̥kāḥ {Dumont vŕ̥ṣṇyāḥ} sadʰastʰā vidá rūpám asya //

Verse: 4    {BS 3.7.13.125}
Sentence: 1    yád āgáccʰāt patʰíbʰir devayā́naiḥ /
Sentence: 2    iṣṭāpūrté kr̥ṇutād āvír asmai /
Sentence: 3  {i}   áriṣṭo rājann agadáḥ párehi /
Sentence: 4    námas te astu cákṣase ragʰūyaté /
Sentence: 5    nā́kam ā́roha sahá yájamānena /
Sentence: 6    sū́ryaṃ gaccʰatāt paramé vyòman /
Sentence: 7  {j}   ábʰūd deváḥ savitā́ vándyó nú {BS,AS 'nu} naḥ /
Sentence: 8    idā́nīm áhna upavā́cyo nŕ̥bʰiḥ /
Sentence: 9    ví yó rátnā bʰájati mānavébʰyaḥ /
Sentence: 10    śreṣṭhaṃ no átra dráviṇaṃ yátʰā dádʰat /
Sentence: 11  {k}   úpa no mitrāvaruṇāv ihā́vatam /
Sentence: 12    anvā́dīdʰyātʰām ihá naḥ sakʰāyā /
Sentence: 13    ādityā́nāṃ prásitir hetíḥ /
Sentence: 14    ugrā́ śatā́pāṣṭhā gʰa víṣā pári ṇo vr̥ṇaktu /
Sentence: 15  {l}   ā́pyāyasva, {m} sáṃ te, //

Paragraph: 14 
Verse: 1    {BS 3.7.14.126}
Sentence: 1  {a}   yád didīkṣé mánasā yác ca vācā́ /
Sentence: 2    yád vā prāṇáiś cákṣuṣā yác ca śrótreṇa /
Sentence: 3    yád rétasā mitʰunénā́py ātmánā /
Sentence: 4    adbʰyó lokā́ dadʰire téja indriyám /
Sentence: 5    śukrā́ dīkṣā́yai tápaso vimócanīḥ /
Sentence: 6    ā́po vimoktrī́r máyi téja indriyám /
Sentence: 7  {b}   yád r̥cā́ sā́mnā yájuṣā /
Sentence: 8    paśūnā́ṃ cárman havíṣā didīkṣé /
Sentence: 9    yác cʰándobʰir óṣadʰībʰir vánaspátau /
Sentence: 10    adbʰyó lokā́ dadʰire téja indriyám //

Verse: 2    {BS 3.7.14.127}
Sentence: 1    śukrā́ dīkṣā́yai tápaso vimócanīḥ /
Sentence: 2    ā́po vimoktrī́r máyi téja indriyám /
Sentence: 3  {c}   yéna bráhma yéna kṣatrám /
Sentence: 4    yéna_indrāgnī́ prajā́patiḥ sómo váruṇo yéna rā́jā /
Sentence: 5    víśve devā́ ŕ̥ṣayo yéna prāṇā́ḥ /
Sentence: 6    adbʰyó lokā́ dadʰire téja indriyám /
Sentence: 7    śukrā́ dīkṣā́yai tápaso vimócanīḥ /
Sentence: 8    ā́po vimoktrī́r máyi téja indriyám /
Sentence: 9  {d}   apā́ṃ púṣpam asy óṣadʰīnām̐ rásaḥ /
Sentence: 10    sómasya priyáṃ dʰā́ma //

Verse: 3    {BS 3.7.14.128}
Sentence: 1    agnéḥ priyátamam̐ havíḥ svā́hā /
Sentence: 2  {e}   apā́ṃ púṣpam asy óṣadʰīnām̐ rásaḥ /
Sentence: 3    sómasya priyáṃ dʰā́ma /
Sentence: 4    índrasya priyátamam̐ havíḥ svā́hā /
Sentence: 5  {f}   apā́ṃ púṣpam asy óṣadʰīnām̐ rásaḥ /
Sentence: 6    sómasya priyáṃ dʰā́ma /
Sentence: 7    víśveṣāṃ devā́nāṃ priyátamam̐ havíḥ svā́hā /
Sentence: 8  {g}   vayám̐ soma vrate táva /
Sentence: 9    mánas tanū́ṣu píprataḥ {Dumont bíbʰrataḥ} /
Sentence: 10    prajā́vanto aśīmahi //

Verse: 4    {BS 3.7.14.129}
Sentence: 1  {h}   devébʰyaḥ pitŕ̥bʰyaḥ svā́hā /
Sentence: 2    somyébʰyaḥ pitŕ̥bʰyaḥ svā́hā /
Sentence: 3    kavyébʰyaḥ pitr̥bʰyaḥ svā́hā /
Sentence: 4  {i}   dévāsa ihá mādayadʰvam /
Sentence: 5    sómyāsa ihá mādayadʰvam /
Sentence: 6    kávyāsa ihá mādayadʰvam /
Sentence: 7  {j}   ánantaritāḥ pitáraḥ somyā́ḥ somapītʰā́t /
Sentence: 8  {k}   ápaitu mr̥tyúr amŕ̥taṃ na ā́gan /
Sentence: 9    vaivasvató no ábʰayaṃ kr̥ṇotu /
Sentence: 10    parṇáṃ vánaspáter iva //

Verse: 5    {BS 3.7.14.130}
Sentence: 1    abʰí naḥ śīyatām̐ rayíḥ /
Sentence: 2    sácatāṃ naḥ śácīpátiḥ /
Sentence: 3  {l}   páraṃ mr̥tyo ánu párehi pántʰām /
Sentence: 4    yás te svá ítaro devayā́nāt /
Sentence: 5    cákṣuṣmate śr̥ṇvaté te bravīmi /
Sentence: 6    mā́ naḥ prajā́m̐ rīriṣo mā́_utá vīrā́n /
Sentence: 7  {m}   idámū nú śréyo 'vasā́nam ā́ganma /
Sentence: 8    yád gojíd dʰanajíd aśvajíd yát /
Sentence: 9    parṇáṃ vánaspáter iva /
Sentence: 10    abʰí naḥ śīyatām̐ rayíḥ /
Sentence: 11    sácatāṃ naḥ śácīpátiḥ //

Next part


This text is part of the TITUS edition of Black Yajur-Veda: Taittiriya-Brahmana.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.