TITUS
Black Yajur-Veda: Taittiriya-Brahmana
Part No. 25
Previous part

Chapter: 9 
Paragraph: 1 
Verse: 1    {BS 3.9.1.1}
Sentence: 1    prajā́patir aśvamedʰám asr̥jata /
Sentence: 2    sò 'smāt sr̥ṣṭó 'pākrāmat /
Sentence: 3    tám aṣṭādaśíbʰir ánuprā́yuṅkta /
Sentence: 4    tám āpnot /
Sentence: 5    tám āptvā́_aṣṭādaśíbʰir ávārundʰa /
Sentence: 6    yád aṣṭādaśína ālabʰyánte /
Sentence: 7    yajñám evá táir āptvā́ yájamāno 'varundʰe //
Sentence: 8    saṃvatsarásya vā́ eṣā́ pratimā́ /
Sentence: 9    yád aṣṭādaśínaḥ /
Sentence: 10    dvā́daśa mā́sāḥ páñc_r̥távaḥ /

Verse: 2    {BS 3.9.1.2}
Sentence: 1    saṃvatsarò 'ṣṭādaśáḥ /
Sentence: 2    yád aṣṭādaśína ālabʰyánte /
Sentence: 3    saṃvatsarém evá táir āptvā́ yájamānó 'varundʰe //
Sentence: 4    agniṣṭhè 'nyā́n paśūn upākaróti /
Sentence: 5    itareṣu yū́peṣv aṣṭādaśínó 'jāmitvāya /
Sentence: 6    náva_nava_ā́labʰyante savīryatvā́ya //
Sentence: 7    yád āraṇyáiḥ sám̐stʰāpáyet /
Sentence: 8    vyávasyetāṃ pitāputráu /
Sentence: 9    vy ádʰvānaḥ krāmeyuḥ /
Sentence: 10    vídūraṃ grā́mayor grāmāntáu syātām /

Verse: 3    {BS 3.9.1.3}
Sentence: 1    r̥kṣī́kāḥ puruṣavyāgʰrā́ḥ parimoṣíṇi āvyādʰínīs táskarā áraṇyeṣv ā́jāyeran //
Sentence: 2    tád āhuḥ /
Sentence: 3    ápaśavo vā́ eté /
Sentence: 4    yád āraṇyā́ḥ /
Sentence: 5    yád āraṇyáiḥ sám̐stʰāpáyet /
Sentence: 6    kṣipré yájamānam áraṇyaṃ mr̥tám̐ hareyuḥ /
Sentence: 7    áraṇyāyatanā hy ā̀raṇyāḥ paśáva íti /
Sentence: 8    yát paśūn ná_ālábʰeta /
Sentence: 9    ánavaruddʰā asya paśávaḥ syuḥ /
Sentence: 10    yát páryagnikr̥tān utsr̥jét /

Verse: 4    {BS 3.9.1.4}
Sentence: 1    yajñavaiśasáṃ {BS yajñaveśasáṃ} kuryāt //
Sentence: 2    yát paśū́n ālábʰate /
Sentence: 3    téna_evá paśū́n ávarundʰe /
Sentence: 4    yát páryagnikr̥tān utsr̥játy áyajñavaiśasāya {BS áyajñaveśasāya} /
Sentence: 5    ávaruddʰā asya paśávo bʰávanti /
Sentence: 6    ná yajñavaiśasáṃ {BS yajñaveśasáṃ} bʰavati /
Sentence: 7    ná yájamānam áraṇyaṃ mr̥tám̐ haranti //
Sentence: 8    grāmyáiḥ sám̐stʰāpayati /
Sentence: 9    eté vái paśávaḥ kṣémo nā́ma /
Sentence: 10    sáṃ pitāputrā́v ávasyataḥ /
Sentence: 11    sám adʰvānaḥ krāmanti /
Sentence: 12    samantikáṃ grā́mayor grāmāntáu bʰavataḥ /
Sentence: 13    ná_r̥kṣīkāḥ puruṣavyāgʰrā́ḥ parimoṣíṇa āvyādʰínīs táskarā áraṇyeṣv ā́jāyante //

Paragraph: 2 
Verse: 1    {BS 3.9.2.5}
Sentence: 1    prajā́patir akāmayata_ubʰáu lokā́v ávarundʰīya_íti /
Sentence: 2    sá etā́n ubʰáyān paśū́n apaśyat /
Sentence: 3    grāmyā́m̐ś ca_āraṇyā́m̐ś ca /
Sentence: 4    tā́n ā́labʰata /
Sentence: 5    táir vái sá ubʰáu lokā́v ávārundʰa /
Sentence: 6    grāmyáir evá paśúbʰir imáṃ lokám ávārundʰa /
Sentence: 7    āraṇyáir amúm /
Sentence: 8    yád grāmyā́n paśū́n ālábʰate /
Sentence: 9    imám evá táir lokám ávarundʰe /
Sentence: 10    yád āraṇyā́n /

Verse: 2    {BS 3.9.2.6}
Sentence: 1    amúṃ táiḥ //
Sentence: 2    ánavaruddʰo vā́ etásya saṃvatsará íty āhuḥ /
Sentence: 3    yá itá_itaś cāturmāsyā́ni saṃvatsaráṃ prayuṅktá íti /
Sentence: 4    etā́vān vái saṃvatsaráḥ /
Sentence: 5    yác cāturmāsyā́ni /
Sentence: 6    yád eté cāturmāsyā́ḥ paśáva ālabʰyánte /
Sentence: 7    pratyákṣam evá táiḥ saṃvatsaráṃ yájamānó 'varundʰe //
Sentence: 8    ví vā́ eṣá prajáyā paśúbʰir r̥dʰyate /
Sentence: 9    yáḥ saṃvatsaráṃ prayuṅkté /
Sentence: 10    saṃvatsaráḥ suvargó lokáḥ /

Verse: 3    {BS 3.9.2.7}
Sentence: 1    suvargáṃ tú lokáṃ nā́parādʰnoti /
Sentence: 2    prajā́ vái paśáva ekādaśínī /
Sentence: 3    yád etá aikādaśinā́ḥ paśáva ālabʰyánte /
Sentence: 4    sākṣā́d evá prajā́ṃ paśū́n yájamānó 'varundʰe //
Sentence: 5    prajā́patir virā́jam asr̥jata /
Sentence: 6    sā́ sr̥ṣṭā́_aśvamedʰáṃ práviśat /
Sentence: 7    tā́ṃ daśíbʰir ánu prā́yuṅkta /
Sentence: 8    tā́m āpnot /
Sentence: 9    tā́m āptvā́ daśíbʰir ávārundʰa /
Sentence: 10    yád daśína ālabʰyánte /

Verse: 4    {BS 3.9.2.8}
Sentence: 1    virā́jam evá táir āptvā́ yájamānó 'varundʰe //
Sentence: 2    ekādaśa daśáta ā́labʰyante /
Sentence: 3    ékādaśākṣarā triṣṭúp /
Sentence: 4    tráiṣṭubʰāḥ paśávaḥ /
Sentence: 5    paśū́n evā́varundʰe //
Sentence: 6    vaiśvadevó vā́ áśvaḥ /
Sentence: 7    nānādevatyā̀ḥ paśávo bʰavanti /
Sentence: 8    áśvasya sarvatvā́ya /
Sentence: 9    nā́nārūpā bʰavanti /
Sentence: 10    tásmān nā́nārūpāḥ paśávaḥ /
Sentence: 11    bahurūpā́ bʰavanti /
Sentence: 12    tásmād bahurūpā́ḥ paśávaḥ sámr̥ddʰyai //

Paragraph: 3 
Verse: 1    {BS 3.9.3.9}
Sentence: 1    asmái vái lokā́ya grāmyā́ḥ paśáva ā́labʰyante /
Sentence: 2    amúṣmā āraṇyā́ḥ /
Sentence: 3    yád grāmyā́n paśū́n ālábʰate /
Sentence: 4    imám evá táir lokám ávarundʰe /
Sentence: 5    yád āraṇyā́n /
Sentence: 6    amúṃ táiḥ /
Sentence: 7    ubʰáyān paśū́n ā́labʰate /
Sentence: 8    grāmyā́m̐ś ca_āraṇyā́m̐ś ca /
Sentence: 9    ubʰáyor lokáyor ávaruddʰyai /
Sentence: 10    ubʰáyā́n paśū́n ā́labʰate /

Verse: 2    {BS 3.9.3.10}
Sentence: 1    grāmyā́m̐ś ca_āraṇyā́m̐ś ca /
Sentence: 2    ubʰáyasyānnā́dyasyā́varuddʰyai /
Sentence: 3    ubʰáyān paśū́n ā́labʰate /
Sentence: 4    grāmyā́m̐ś ca_āraṇyā́m̐ś ca /
Sentence: 5    ubʰáyeṣāṃ paśūnā́m ávaruddʰyai //
Sentence: 6    tráyas_trayo bʰavanti /
Sentence: 7    tráya imé lokā́ḥ /
Sentence: 8    eṣā́ṃ lokā́nām ā́ptyai //
Sentence: 9    brahmavādíno vadanti /
Sentence: 10    kásmāt satyā́t /

Verse: 3    {BS 3.9.3.11}
Sentence: 1    asmín_ loké bahávaḥ kā́mā íti /
Sentence: 2    yát samānī́bʰyo devátābʰyo 'nyè'_nye paśáva ālabʰyánte /
Sentence: 3    asmínn evá tál loké kā́mān dadʰāti /
Sentence: 4    tásmād asmín_ loké bahávaḥ kā́māḥ //
Sentence: 5    trayāṇā́ṃ_trayāṇām̐ sahá vapā́ juhoti /
Sentence: 6    tryā̀vr̥to vái devā́ḥ /
Sentence: 7    tryā̀vr̥ta imé lokā́ḥ /
Sentence: 8    eṣā́ṃ lokā́nām ā́ptyai /
Sentence: 9    eṣā́ṃ lokā́nāṃ kŀ̥ptyai //
Sentence: 10    páryagnikr̥tān āraṇyā́n útsr̥janty áhim̐sāyai //

Paragraph: 4 
Verse: 1    {BS 3.9.4.12}
Sentence: 1    yuñjánti bradʰnám íty āha /
Sentence: 2    asáu vā́ ādityó bradʰnáḥ /
Sentence: 3    ādityám evā́smai yunakti /
Sentence: 4    aruṣám íty āha /
Sentence: 5    agnír vā́ aruṣáḥ /
Sentence: 6    agním evā́smai yunakti /
Sentence: 7    cárantam íty āha /
Sentence: 8    vāyúr vái cáran /
Sentence: 9    vāyúm evā́smai yunakti /
Sentence: 10    páritastʰúṣa íty āha /

Verse: 2    {BS 3.9.4.13}
Sentence: 1    imé vái lokā́ḥ páritastʰúṣaḥ /
Sentence: 2    imán evā́smai lokā́n yunakti //
Sentence: 3    rócante rocanā́ divī́ty āha /
Sentence: 4    nákṣatrāṇi vái rocanā́ diví /
Sentence: 5    nákṣatrāṇy evā́smai rocayati //
Sentence: 6    yuñjánty asya kā́myā_íty āha /
Sentence: 7    kā́mān evā́smai yunakti //
Sentence: 8    hárī vípakṣasā_íty āha /
Sentence: 9    imé vái hárī vípakṣasā /
Sentence: 10    imé evā́smai yunakti //

Verse: 3    {BS 3.9.4.14}
Sentence: 1    śóṇā dʰr̥ṣṇū́ nr̥vā́hasā_íty āha /
Sentence: 2    ahorātré vái nr̥vā́hasā /
Sentence: 3    ahorātré evā́smai yunakti //
Sentence: 4    etā́ evā́smai devátā yunakti /
Sentence: 5    suvargásya lokásya sámaṣṭyai //
Sentence: 6    ketúṃ kr̥ṇvánn aketáva íti dʰvajáṃ prátimuñcati /
Sentence: 7    yáśa evá_enam̐ rā́jñāṃ gamayati //
Sentence: 8    jīmū́tasya_iva bʰavati prátīkam íty āha /
Sentence: 9    yatʰāyajúr evá_etát //
Sentence: 10    yé te pántʰānaḥ savitaḥ pūrvyāsa íty adʰvaryúr yájamānaṃ vācayaty abʰíjityai //

Verse: 4    {BS 3.9.4.15}
Sentence: 1    párā vā́ etásya yajñá eti /
Sentence: 2    yásya paśúr upā́kr̥to 'nyátra védyā éti /
Sentence: 3    etám̐ stotar eténa patʰā́ púnar áśvam ā́vartayāsi na íty āha /
Sentence: 4    vāyúr vái stótā /
Sentence: 5    vāyúm evā́sya parástād dadʰāty ā́vr̥ttyai //
Sentence: 6    yátʰā vái havíṣo gr̥hītásya skándati /
Sentence: 7    eváṃ vā́ etád áśvasya skandati /
Sentence: 8    yád asya_upā́kr̥tasya lómāni śī́yante /
Sentence: 9    yád vā́leṣu kācā́n āváyanti /
Sentence: 10    lómāny evā́sya tát sáṃbʰaranti //

Verse: 5    {BS 3.9.4.16}
Sentence: 1    bʰū́r bʰúvaḥ súvar íti prājāpatyā́bʰir ā́vayanti /
Sentence: 2    prājāpatyó vā́ áśvaḥ /
Sentence: 3    sváyā_eváinaṃ devátayā sámardʰayanti //
Sentence: 4    bʰū́r íti máhiṣī /
Sentence: 5    bʰúva íti vāvā́tā /
Sentence: 6    súvar íti parivr̥ktī́ /
Sentence: 7    eṣā́ṃ lokā́nām abʰíjityai //
Sentence: 8    hiraṇyáyāḥ kācā́ bʰavanti /
Sentence: 9    jyótir vái híraṇyam /
Sentence: 10    rāṣṭrám aśvamedʰáḥ /

Verse: 6    {BS 3.9.4.17}
Sentence: 1    jyótiś ca_evā́smai rāṣṭráṃ ca samī́cī dadʰāti //
Sentence: 2    sahásraṃ bʰavanti /
Sentence: 3    sahásrasaṃmitaḥ suvargó lokáḥ /
Sentence: 4    suvargásya lokásyābʰíjityai //
Sentence: 5    ápa vā́ etásmāt téja indriyáṃ paśávaḥ śrī́ḥ krāmanti /
Sentence: 6    yò 'śvamedʰéna yájate /
Sentence: 7    vásavas tvā_añjantu gāyatréṇa cʰándasā_íti máhiṣy abʰyànakti /
Sentence: 8    téjo vā́ ā́jyam /
Sentence: 9    téjo gāyatrī́ /
Sentence: 10    téjasā_evā́smai téjó 'varundʰe /

Verse: 7    {BS 3.9.4.18}
Sentence: 1    rudrā́s tvā_añjantu tráiṣṭubʰena cʰándasā_íti vāvā́tā /
Sentence: 2    téjo vā́ ā́jyam /
Sentence: 3    indriyáṃ triṣṭúp /
Sentence: 4    téjasā_evā́smā indriyám ávarundʰe /
Sentence: 5    ādityā́s tvā_añjantu jā́gatena cʰándasā_íti parivr̥ktī́ /
Sentence: 6    téjo vā́ ā́jyam /
Sentence: 7    paśávo jágatī /
Sentence: 8    téjasā_evā́smai paśū́n ávarundʰe //
Sentence: 9    pátnayo 'bʰyàñjanti /
Sentence: 10    śriyā́ vā́ etád rūpám /

Verse: 8    {BS 3.9.4.19}
Sentence: 1    yát pátnayaḥ /
Sentence: 2    śríyam evā́smin tád dadʰati /
Sentence: 3    nā́smāt téja indriyáṃ paśávaḥ śrī̀r ápakāmanti //
Sentence: 4    lā́jī́3n_ śā́cī́3n yáśo mamā́3m̐ {BS mamā́4m̐} ity átiriktam ánnam áśvāya_upā́haranti /
Sentence: 5    prajā́m evā́nnādī́ṃ kurvate //
Sentence: 6    etád devā ánnam átta_etád ánnam addʰi prajāpata íty āha /
Sentence: 7    prajā́yām evā́nnā́dyaṃ dadʰate //
Sentence: 8    yádi nā́vajígʰret /
Sentence: 9    agníḥ paśúr āsīd íty ávagʰrāpayet /
Sentence: 10    áva ha_evá jigʰrati //
Sentence: 11    ā́krān vājī́ krámair átyakramīd vājī́ dyáus te pr̥ṣṭháṃ pr̥tʰivī́ sadʰástʰam íty áśvam ánumantrayate /
Sentence: 12    eṣā́ṃ lokā́nām abʰíjityai //
Sentence: 13    sámiddʰo añján kŕ̥daraṃ mátīnā́m íty áśvasya_āpríyo bʰavanti sarūpatvā́ya //

Paragraph: 5 
Verse: 1    {BS 3.9.5.20}
Sentence: 1    téjasā vā́ eṣá brahmavarcaséna vyr̥̀dʰyate /
Sentence: 2    yò 'śvamedʰéna yájate /
Sentence: 3    hótā ca brahmā́ ca brahmódyaṃ vadataḥ /
Sentence: 4    téjasā ca_eváinaṃ brahmavarcaséna ca sámardʰayataḥ //
Sentence: 5    dakṣiṇató brahmā́ bʰavati /
Sentence: 6    dakṣiṇatáāyatano vái brahmā́ /
Sentence: 7    bārhaspatyó vái brahmā́ /
Sentence: 8    brahmavarcasám evā́sya dakṣiṇató dadʰāti /
Sentence: 9    tásmād dákṣiṇó 'rdʰo brahmavarcasítaraḥ //
Sentence: 10    uttarató hótā bʰavati /

Verse: 2    {BS 3.9.5.21}
Sentence: 1    uttaratáāyatano vái hótā /
Sentence: 2    āgneyó vái hótā /
Sentence: 3    téjo vā́ agníḥ /
Sentence: 4    téja evā́sya_uttarató dadʰāti /
Sentence: 5    tásmād úttaró 'rdʰas tejasvítaraḥ //
Sentence: 6    yū́pam abʰíto vadataḥ /
Sentence: 7    yajamānadevatyò vái yū́paḥ /
Sentence: 8    yájamānam evá téjasā ca brahmavarcaséna ca sámardʰayataḥ //
Sentence: 9    kím̐ svid āsīt pūrvácittir íty āha /
Sentence: 10    dyáur vái vŕ̥ṣṭiḥ pūrvácittiḥ /

Verse: 3    {BS 3.9.5.22}
Sentence: 1    dívam evá vŕ̥ṣṭim ávarundʰe //
Sentence: 2    kím̐ svid āsīd br̥hád váya íty āha /
Sentence: 3    áśvo vái br̥hád váyaḥ /
Sentence: 4    áśvam evā́varundʰe //
Sentence: 5    kím̐ svid āsīt piśaṅgilā́_íty āha /
Sentence: 6    rā́trir vái piśaṅgilā́ /
Sentence: 7    rā́trim evā́varundʰe //
Sentence: 8    kím̐ svid āsīt pilippilā_íty āha /
Sentence: 9    śrī́r vái pilippilā́ /
Sentence: 10    annā́dyam evā́varundʰe //

Verse: 4    {BS 3.9.5.23}
Sentence: 1    káḥ svid ekākī́ caratī́ty āha /
Sentence: 2    asáu vā́ ādityá ekākī́ carati /
Sentence: 3    téja evā́varundʰe //
Sentence: 4    ká u svij jāyate púnar íty āha /
Sentence: 5    candrámā vái jāyate púnaḥ /
Sentence: 6    ā́yur evā́varundʰe //
Sentence: 7    kím̐ svid dʰimásya bʰéṣajám íty āha /
Sentence: 8    agnír vái himásya bʰéṣajám /
Sentence: 9    brahmavarcasám evā́varundʰe //
Sentence: 10    kím̐ svid āvápanaṃ mahád íty āha /

Verse: 5    {BS 3.9.5.24}
Sentence: 1    ayáṃ vái loká āvápanaṃ mahát /
Sentence: 2    asmínn evá loké prátitiṣṭhati //
Sentence: 3    pr̥ccʰā́mi tvā páram ántaṃ pr̥tʰivyā́ íty āha /
Sentence: 4    védir vái páró 'ntaḥ pr̥tʰivyā́ḥ /
Sentence: 5    védim evā́varundʰe //
Sentence: 6    pr̥ccʰā́mi tvā bʰúvanasya nā́bʰim íty āha /
Sentence: 7    yajñó vái bʰúvanasya nā́bʰiḥ /
Sentence: 8    yajñám evā́varundʰe //
Sentence: 9    pr̥ccʰā́mi tvā vŕ̥ṣṇo áśvasya réta íty āha /
Sentence: 10    sómo vái vŕ̥ṣṇo áśvasya rétaḥ /
Sentence: 11    somapītʰám evā́varundʰe //
Sentence: 12    pr̥ccʰā́mi vācáḥ paramáṃ vyòma_íty āha /
Sentence: 13    bráhma vái vācáḥ paramáṃ vyòma /
Sentence: 14    brahamvarcasám evā́varundʰe //

Paragraph: 6 
Verse: 1    {BS 3.9.6.25}
Sentence: 1    ápa vā́ etásmāt prāṇā́ḥ krāmanti /
Sentence: 2    yò 'śvamedʰéna yájate /
Sentence: 3    prāṇā́ya svā́hā vyānā́ya svā́hā_íti saṃjñapyámāna ā́hutīr juhoti /
Sentence: 4    prāṇā́n evā́smin dadʰāti /
Sentence: 5    nā́smāt prāṇā́ ápakrāmanti //
Sentence: 6    ávantīḥ stʰā́vantīs tvāvantu /
Sentence: 7    priyáṃ tvā priyā́ṇām /
Sentence: 8    várṣiṣṭham ā́pyānām /
Sentence: 9    nidʰīnā́ṃ tvā nidʰipátim̐ havāmahe vaso mama_íty āha /
Sentence: 10    ápa_evā́smai tád dʰnuvate /

Verse: 2    {BS 3.9.6.26}
Sentence: 1    átʰo dʰuvánty evá_enam /
Sentence: 2    átʰo ny èvāsmai hnuvate //
Sentence: 3    tríḥ páriyanti tráya imé lokā́ḥ /
Sentence: 4    ebʰyá evá_enaṃ lokébʰyo dʰuvate //
Sentence: 5    tríḥ púnaḥ páriyanti /
Sentence: 6    ṣáṭ sáṃpadyante /
Sentence: 7    ṣáḍ vā́ r̥távaḥ /
Sentence: 8    r̥túbʰir eváinaṃ dʰuvate //
Sentence: 9    ápa vā́ etébʰyaḥ prāṇā́ḥ krāmanti /

Verse: 3    {BS 3.9.6.27}
Sentence: 1    yé yajñé dʰúvanaṃ tanváte /
Sentence: 2    navakŕ̥tvaḥ páriyanti /
Sentence: 3    náva vái pū́ruṣe prāṇā́ḥ /
Sentence: 4    prāṇā́n evá_ātmán dadʰate /
Sentence: 5    ná_ebʰyaḥ prāṇā́ ápakrāmanti //
Sentence: 6    ámbe ambāly ámbika íti pátnīm udā́nayati /
Sentence: 7    áhvata_eváinām //
Sentence: 8    súbʰage kā́mpīlavāsinī_íty āha /
Sentence: 9    tápa eváinām úpanayati //
Sentence: 10    suvargé loké sáṃ prórṇvātʰām íty āha /

Verse: 4    {BS 3.9.6.28}
Sentence: 1    suvargám evá_enāṃ lokáṃ gamayati //
Sentence: 2    ā́_ahám ajāni garbʰadʰám ā́ tvám ajāsi garbʰadʰam íty āha /
Sentence: 3    prajā́ vái paśávo gárbʰaḥ /
Sentence: 4    prajā́m evá paśū́n ātmán dʰatte //
Sentence: 5    devā́ vā́ aśvamedʰé pávamāne /
Sentence: 6    suvargáṃ lokáṃ ná prā́jānan /
Sentence: 7    tám áśvaḥ prā́jānāt /
Sentence: 8    yát sūcī́bʰir asipatʰā́n kalpáyanti /
Sentence: 9    suvargásya lokásya prájñātyai //
Sentence: 10    gāyatrī́ triṣṭúb jágatī_íty āha /

Verse: 5    {BS 3.9.6.29}
Sentence: 1    yatʰāyajúr evá_etát /
Sentence: 2    trayyáḥ sūcyò bʰavanti /
Sentence: 3    ayasmáyyo rajatā́ háriṇyaḥ /
Sentence: 4    asyá vái lokásya rūpám ayasmáyyaḥ /
Sentence: 5    antárikṣasya rajatā́ḥ /
Sentence: 6    divó háriṇyaḥ /
Sentence: 7    díśo vā́ ayasmáyyaḥ /
Sentence: 8    avāntaradiśā́ rajatā́ḥ /
Sentence: 9    ūrdʰvā́ háriṇyaḥ /
Sentence: 10    díśa evā́smai kalpayati //
Sentence: 11    kás tvā cʰyati kás tvā víśāstī́ty āhā́him̐sāyai //

Paragraph: 7 
Verse: 1    {BS 3.9.7.30}
Sentence: 1    ápa vā́ etásmāt_śrī́ rāṣṭráṃ krāmati /
Sentence: 2    yò 'śvamedʰéna yájate /
Sentence: 3    ūrdʰvā́m enām úccʰrayatād íty āha /
Sentence: 4    śrī́r vái rāṣṭrám aśvamedʰáḥ /
Sentence: 5    śríyam evā́smai rāṣṭrám ūrdʰvám úccʰrayati //
Sentence: 6    veṇubʰāráṃ girā́v iva_íty āha /
Sentence: 7    rāṣṭráṃ vái bʰāráḥ /
Sentence: 8    rāṣṭrám evā́smai páryūhati //
Sentence: 9    átʰāsyā mádʰyam edʰatām íty āha /
Sentence: 10    śrī́r vái rāṣṭrásya mádʰyam /

Verse: 2    {BS 3.9.7.31}
Sentence: 1    śríyam evā́varundʰe /
Sentence: 2    śīté vā́te punánn iva_íty āha /
Sentence: 3    kṣémo vái rāṣṭrásya śītó vā́taḥ /
Sentence: 4    kṣémam evā́varundʰe //
Sentence: 5    yád dʰariṇī́ yávam áttī́ty āha /
Sentence: 6    víḍ vái hariṇī́ /
Sentence: 7    rāṣṭráṃ yávaḥ /
Sentence: 8    víśaṃ ca_evā́smai rāṣṭráṃ ca samī́cī dadʰāti //
Sentence: 9    ná puṣṭáṃ paśú manyata íty āha /
Sentence: 10    tásmād rā́jā paśū́n ná púṣyati //

Verse: 3    {BS 3.9.7.32}
Sentence: 1    śūdrā́ yád áryajārā ná póṣāya dʰanāyatī́ty āha /
Sentence: 2    tásmād váiśīpūtráṃ nā́bʰíṣiñcante //
Sentence: 3    iyáṃ yakā́ śakuntikā_íty āha /
Sentence: 4    víḍ vái śakuntikā́ /
Sentence: 5    rāṣṭrám aśvamedʰáḥ /
Sentence: 6    víśaṃ ca_evā́smai /
Sentence: 7    rāṣṭráṃ ca samī́cī dadʰāti //
Sentence: 8    āhálam íti sárpatī́ty āha /
Sentence: 9    tásmād rāṣṭrā́ya víśaḥ sarpanti //
Sentence: 10    ā́hataṃ gabʰé pása íty āha /
Sentence: 11    víḍ vái gábʰaḥ /

Verse: 4    {BS 3.9.7.33}
Sentence: 1    rāṣṭráṃ pásaḥ /
Sentence: 2    rāṣṭrám evá viśy ā́hanti /
Sentence: 3    tásmād rāṣṭráṃ víśaṃ gʰā́tukam //
Sentence: 4    mātā́ ca te pitā́ ca ta íty āha /
Sentence: 5    iyáṃ vái mātā /
Sentence: 6    asáu pitā́ /
Sentence: 7    ābʰyā́m eváinaṃ páridadāti //
Sentence: 8    ágraṃ vr̥kṣásya rohata íty āha /
Sentence: 9    śrī́r vái vr̥kṣásyā́gram /
Sentence: 10    śríyam evā́varundʰe //

Verse: 5    {BS 3.9.7.34}
Sentence: 1    prásulāmī́ti té pitā́ gabʰé muṣṭím atam̐sayad íty āha /
Sentence: 2    víḍ vái gábʰaḥ /
Sentence: 3    rāṣṭráṃ muṣṭíḥ /
Sentence: 4    rāṣṭrám evá viśy ā́hanti /
Sentence: 5    tásmād rāṣṭráṃ víśa gʰā́tukam //
Sentence: 6    ápa vā́ etébʰyaḥ prāṇā́ḥ krāmanti /
Sentence: 7    yé yajñé 'pūtaṃ vadanti /
Sentence: 8    dadʰikrā́vṇo akāriṣam íti surabʰimátīm ŕ̥caṃ vadanti /
Sentence: 9    prāṇā́ vái surabʰáyaḥ /
Sentence: 10    prāṇā́n evá_ātmán dadʰate /
Sentence: 11    ná_ebʰyaḥ prāṇā́ ápakrāmanti //
Sentence: 12    ā́po hí ṣṭhā́ mayobʰúva íty adbʰír mārjayante /
Sentence: 13    ā́po vái sárvā devátāḥ /
Sentence: 14    devátābʰir evá_ātmā́naṃ pavayante //

Paragraph: 8 
Verse: 1    {BS 3.9.8.35}
Sentence: 1    prajā́patiḥ prajā́ḥ sr̥ṣṭvā́ preṇā́_anuprā́viśat /
Sentence: 2    tā́bʰyaḥ púnaḥ sáṃbʰavituṃ nā́śaknot /
Sentence: 3    sò 'bravīt /
Sentence: 4    r̥dʰnávad ít sáḥ /
Sentence: 5    yó me 'táḥ púnaḥ saṃbʰárad íti /
Sentence: 6    táṃ devā́ aśvamedʰéna_evá sámabʰaran /
Sentence: 7    táto vái tá ārdʰnuvan /
Sentence: 8    yò 'śvamedʰéna yájate /
Sentence: 9    prajā́patim evá sámbʰaraty r̥dʰnóti //
Sentence: 10    púruṣam ā́labʰate /

Verse: 2    {BS 3.9.8.36}
Sentence: 1    vairājó vái púruṣaḥ /
Sentence: 2    virā́jam evá_ālabʰate /
Sentence: 3    átʰo ánnaṃ vái virā́ṭ /
Sentence: 4    ánnam evā́varundʰe //
Sentence: 5    áśvam ā́labʰate /
Sentence: 6    prājāpatyó vā́ áśvaḥ /
Sentence: 7    prajā́patim evá_ālabʰate /
Sentence: 8    átʰo śrī́r vā́ ékaśapʰam /
Sentence: 9    śríyam evā́varundʰe //
Sentence: 10    gā́m ā́labʰate /

Verse: 3    {BS 3.9.8.37}
Sentence: 1    yajñó vái gáuḥ /
Sentence: 2    yajñám evá_ālabʰate /
Sentence: 3    átʰo ánnaṃ vái gáuḥ /
Sentence: 4    ánnam evā́varundʰe //
Sentence: 5    ajāvī́ ā́labʰate bʰūmné /
Sentence: 6    átʰo púṣṭir vái bʰūmā́ /
Sentence: 7    púṣṭim evā́varundʰe //
Sentence: 8    páryagnikr̥taṃ púruṣaṃ ca_āraṇyā́m̐ś ca_útsr̥janty áhim̐sāyai //
Sentence: 9    ubʰáu vā́ etáu paśū́ ā́labʰyete /
Sentence: 10    yáś cāvamó yáś ca paramáḥ /
Sentence: 11    tè 'sya_ubʰáye yajñé baddʰā́ḥ /
Sentence: 12    abʰī́ṣṭā abʰíprītāḥ /
Sentence: 13    abʰíjitā abʰíhutā bʰavanti //
Sentence: 14    ná_enaṃ daṃkṣṇávaḥ paśávo yajñé baddʰā́ḥ /
Sentence: 15    abʰī́ṣṭā abʰíprītāḥ /
Sentence: 16    abʰíjitā abʰíhutā him̐santi /
Sentence: 17    yò 'śvamedʰéna yájate /
Sentence: 18    yá u ca_enam eváṃ véda //

Paragraph: 9 
Verse: 1    {BS 3.9.9.38}
Sentence: 1    pratʰaména vā́ eṣá stómena rādʰvā́ /
Sentence: 2    catuṣṭoména kr̥ténā́yānām úttaré 'han /
Sentence: 3    ekavim̐śé pratiṣṭhā́yāṃ prátitiṣṭhati //
Sentence: 4    ekavim̐śā́t pratiṣṭhā́yā r̥tū́n anvā́rohati //
Sentence: 5    r̥távo vái pr̥ṣṭhā́ni /
Sentence: 6    r̥távaḥ saṃvatsaráḥ /
Sentence: 7    r̥túṣv evá saṃvatsaré pratiṣṭhā́ya /
Sentence: 8    devátā abʰyā́rohati /
Sentence: 9    śákvarayaḥ pr̥ṣṭháṃ bʰavanty anyád_anyac cʰándaḥ /
Sentence: 10    anyè_'nye vā́ eté paśáva ā́labʰyante /

Verse: 2    {BS 3.9.9.39}
Sentence: 1    utá_iva grāmyā́ḥ /
Sentence: 2    utá_iva_āraṇyā́ḥ /
Sentence: 3    áhar evá rūpéṇa sámardʰayati /
Sentence: 4    átʰo áhna evá_eṣá balír hriyate //
Sentence: 5    tád āhuḥ /
Sentence: 6    ápaśavo vā́ eté /
Sentence: 7    yád ajāváyaś ca_āraṇyā́ś ca /
Sentence: 8    eté vái sárve paśávaḥ /
Sentence: 9    yád gavyā́ íti /
Sentence: 10    gavyā́n paśū́n uttamé 'hann ā́labʰate /

Verse: 3    {BS 3.9.9.40}
Sentence: 1    téna_evá_ubʰáyān paśū́n ávarundʰe //
Sentence: 2    prājāpatyā́ bʰavanti /
Sentence: 3    ánabʰijitasyābʰíjityai //
Sentence: 4    saurī́r náva śvetā́ vaśā́ anūbandʰā̀ bʰavanti /
Sentence: 5    antatá evá brahmavarcasám ávarundʰe //
Sentence: 6    sómāya svarā́jñe 'novā́hā́v anaḍvā́hāv íti dvandvínaḥ paśū́n ā́labʰate /
Sentence: 7    ahorātrā́ṇām abʰíjityai //
Sentence: 8    paśúbʰir vā́ eṣá vyr̥̀dʰyate /
Sentence: 9    yò 'śvamedʰéna yájate /
Sentence: 10    cʰagaláṃ kalmā́ṣaṃ kikidīvíṃ vidīgáyam íti tvāṣṭrā́n paśū́n ā́labʰate /
Sentence: 11    paśúbʰir evá_ātmā́nam̐ sámardʰayati //
Sentence: 12    r̥túbʰir vā́ eṣá vyr̥̀dʰyate /
Sentence: 13    yò 'śvamedʰéna yájate /
Sentence: 14    piśaṅgās tráyo vāsantā́ íty r̥tupaśū́n ā́labʰate /
Sentence: 15    r̥túbʰir evá_ātmā́nam̐ sámardʰayati //
Sentence: 16    ā́ vā́ eṣá paśúbʰyo vr̥ścyate /
Sentence: 17    yò 'śvamedʰéna yájate /
Sentence: 18    páryagnikr̥tā útsr̥janty ánāvraskāya //

Paragraph: 10 
Verse: 1    {BS 3.9.10.41}
Sentence: 1    prajā́patir akāmayata mahā́n annādáḥ syām íti /
Sentence: 2    sá etā́v aśvamedʰé mahimā́nāv apaśyat /
Sentence: 3    tā́v agr̥hṇīta /
Sentence: 4    táto vái sá mahā́n annādò 'bʰavat /
Sentence: 5    yáḥ kāmáyeta mahā́n annādáḥ syām íti /
Sentence: 6    sá etáv aśvamedʰé mahimā́nau gr̥hṇīta /
Sentence: 7    mahā́n evā́nnādó bʰavati //
Sentence: 8    yajamānadevatyā̀ vái vapā́ /
Sentence: 9    rā́jā mahimā́ /
Sentence: 10    yád vapā́ṃ mahimnā́_ubʰayátaḥ pariyájati /
Sentence: 11    yájamānam evá rājyéna_ubʰayátaḥ párigr̥hṇāti //
Sentence: 12    purástātsvāhākārā vā́ anyé devā́ḥ /
Sentence: 13    upáriṣṭātsvāhākārā anyé /
Sentence: 14    té vā́ eté 'śva evá médʰya ubʰáyé 'varudʰyante /
Sentence: 15    yád vapā́ṃ mahimnā́_ubʰayátaḥ pariyájati /
Sentence: 16    tā́n evá_ubʰáyān prīṇāti //

Paragraph: 11 
Verse: 1    {BS 3.9.11.42}
Sentence: 1    vaiśvadevó vā́ áśvaḥ /
Sentence: 2    táṃ yát prājāpatyáṃ kuryā́t /
Sentence: 3    yā́ devátā ápibʰāgāḥ /
Sentence: 4    tā́ bʰāgadʰéyena vyàrdʰayet /
Sentence: 5    devátābʰyaḥ samádaṃ dadʰyāt /
Sentence: 6    stegā́n dám̐ṣṭrābʰyāṃ maṇḍū́kāñ jámbʰyebʰir íti /
Sentence: 7    ā́jyam avadā́naṃ kr̥tvā́ pratisaṃkʰyā́yam ā́hutīr juhoti /
Sentence: 8    yā́ evá devátā ápibʰāgāḥ /
Sentence: 9    tā́ bʰāgadʰéyena sámardʰayati /
Sentence: 10    ná devátābʰyaḥ samádaṃ dadʰāti //

Verse: 2    {BS 3.9.11.43}
Sentence: 1    cáturdaśa_etā́n anuvākā́ñ juhoty ánantarityai //
Sentence: 2    prayāsā́ya svā́hā_íti pañcadaśám /
Sentence: 3    páñcadaśa vā́ ardʰamāsásya rā́trayaḥ /
Sentence: 4    ardʰamāsaśáḥ saṃvatsará āpyate //
Sentence: 5    devāsurā́ḥ sáṃyattā āsan /
Sentence: 6    tè 'bruvann agnáyaḥ sviṣṭakŕ̥taḥ /
Sentence: 7    áśvasya médʰyasya vayám uddʰārám úddʰarāmahai /
Sentence: 8    átʰa_etā́n abʰíbʰavāma_íti /
Sentence: 9    té lóhitam údaharanta /
Sentence: 10    táto devā́ ábʰavan /

Verse: 3    {BS 3.9.11.44}
Sentence: 1    párā_ásurāḥ /
Sentence: 2    yát sviṣṭakŕ̥dbʰyo lóhitaṃ juhóti bʰrā́tr̥vyābʰibʰūtyai /
Sentence: 3    bʰávaty ātmánā /
Sentence: 4    párā_asya bʰrā́tr̥vyo bʰavati //
Sentence: 5    gomr̥gakaṇṭhéna pratʰamām āhutiṃ juhoti /
Sentence: 6    paśavo vái gomr̥gáḥ /
Sentence: 7    rudrò 'gníḥ sviṣṭakŕ̥t /
Sentence: 8    rudrā́d evá paśū́n antárdadʰāti /
Sentence: 9    átʰo yátra_eṣā́_ā́hutir hūyáte /
Sentence: 10    ná tátra rudráḥ paśū́n abʰímanyate //

Verse: 4    {BS 3.9.11.45}
Sentence: 1    aśvaśapʰéna dvitī́yām ā́hutiṃ juhoti /
Sentence: 2    paśávo vā́ ékaśapʰam /
Sentence: 3    rudrò 'gníḥ sviṣṭakŕ̥t /
Sentence: 4    rudrā́d evá paśū́n antárdadʰāti /
Sentence: 5    átʰo yátra_eṣā́_ā́hutir hūyáte /
Sentence: 6    ná tátra rudráḥ paśū́n abʰímanyate //
Sentence: 7    ayasmáyena kamaṇḍalunā tr̥tī́yām ā́hutiṃ juhoty āyāsyò vái prajā́ḥ /
Sentence: 8    rudrò 'gníḥ sviṣṭakŕ̥t /rudrā́d evá prajā́ antárdadʰāti /
Sentence: 9    átʰo yátra_eṣā́_ā́hutir hūyáte /
Sentence: 10    ná tátra rudráḥ prajā́ abʰímanyate //

Paragraph: 12 
Verse: 1    {BS 3.9.12.46}
Sentence: 1    áśvasya vā́ ā́labdʰasya médʰa údakrāmat /
Sentence: 2    tád aśvastomī́yam abʰavat /
Sentence: 3    yád aśvastomī́yaṃ juhóti /
Sentence: 4    sámedʰam eváinam ā́labʰate //
Sentence: 5    ā́jyena juhoti /
Sentence: 6    médʰo vā́ ā́jyam /
Sentence: 7    médʰo 'śvastomī́yam /
Sentence: 8    médʰena_evā́smin médʰaṃ dadʰāti //
Sentence: 9    ṣáṭtrim̐śataṃ juhoti /
Sentence: 10    ṣáṭtrim̐śad akṣarā br̥hatī́ /

Verse: 2    {BS 3.9.12.47}
Sentence: 1    bā́rhatāḥ paśávaḥ /
Sentence: 2    sā́ paśūnā́ṃ mā́trā /
Sentence: 3    paśū́n evá mā́trayā sámardʰayati //
Sentence: 4    tā́ yád bʰū́yasīr vā kánīyasīr vā juhuyā́t /
Sentence: 5    paśū́n mátrayā vyàrdʰayet /
Sentence: 6    ṣáṭtrim̐śataṃ juhoti /
Sentence: 7    ṣáṭtrim̐śadakṣarā br̥hatī́ /
Sentence: 8    bā́rhatāḥ paśávaḥ /
Sentence: 9    sā́ paśūnā́ṃ mā́trā /
Sentence: 10    paśū́n evá mā́trayā sámardʰayati //

Verse: 3    {BS 3.9.12.48}
Sentence: 1    aśvastomī́yam̐ hutvā́ dvipádā juhoti /
Sentence: 2    dvipā́d vái púruṣo dvípratiṣṭhaḥ /
Sentence: 3    tád enaṃ pratiṣṭháyā sámardʰayati //
Sentence: 4    tád āhuḥ /
Sentence: 5    aśvastomī́yaṃ pū́rvam̐ hotavyā́3m̐ dvipádā́3 íti /
Sentence: 6    áśvo vā́ aśvastomī́yam /
Sentence: 7    púruṣo dvipádāḥ /
Sentence: 8    aśvastomī́yam̐ hutvā́ dvipádā juhoti /
Sentence: 9    tásmād dvipā́c cátuṣpādam atti /
Sentence: 10    átʰo dvipády evá cátuṣpadaḥ prátiṣṭhāpayati //
Sentence: 11    dvipádā hutvā́ /
Sentence: 12    nā́nyā́m úttarām ā́hutiṃ juhuyāt /
Sentence: 13    yád anyā́m úttarām ā́hutiṃ juhuyā́t /
Sentence: 14    prá pratiṣṭhāyāś cyaveta /
Sentence: 15    dvipádā antató juhoti prátiṣṭhityai //

Paragraph: 13 
Verse: 1    {BS 3.9.13.49}
Sentence: 1    prajā́patir aśvamedʰám asr̥jata /
Sentence: 2    sò 'smāt sr̥ṣṭó 'pākrāmat /
Sentence: 3    táṃ yajñakratúbʰir ánvaiccʰat /
Sentence: 4    táṃ yajñakratúbʰir nā́nvavindat /
Sentence: 5    támíṣṭibʰir ánvaiccʰat /
Sentence: 6    tám íṣṭibʰir ánvavindat /
Sentence: 7    tád íṣṭīnām iṣṭitvám /
Sentence: 8    yát saṃvatsarám íṣṭibʰir yájate /
Sentence: 9    áśvam evá tád ánviccʰati //
Sentence: 10    sāvitríyo bʰavanti /

Verse: 2    {BS 3.9.13.50}
Sentence: 1    iyáṃ vái savitā́ /
Sentence: 2    yó vā́ asyā́ṃ náśyati yó niláyate /
Sentence: 3    asyā́ṃ vā́vá táṃ vindanti /
Sentence: 4    ná vā́ imā́m káś cana_íty āhuḥ /
Sentence: 5    tiryáṅ ná_ūrdʰvó 'tyetum arhatī́ti /
Sentence: 6    yát sāvitríyo bʰávanti /
Sentence: 7    savitŕ̥prasūta eva_énam iccʰati //
Sentence: 8    īśvaró vā́ áśvaḥ prámuktaḥ párāṃ parāvátaṃ gántoḥ /
Sentence: 9    yát sāyáṃ dʰŕ̥tīr juhóti /
Sentence: 10    áśvasya yátyai dʰŕ̥tyai //

Verse: 3    {BS 3.9.13.51}
Sentence: 1    yát prātár íṣṭibʰir yájate /
Sentence: 2    áśvam evá tád ánviccʰati /
Sentence: 3    yát sāyáṃ dʰŕ̥tīr juhóti /
Sentence: 4    áśvasya_evá yátyai dʰŕ̥tyai /
Sentence: 5    tásmāt sāyáṃ prajā́ḥ kṣemyā́ bʰavanti //
Sentence: 6    yát prātár íṣṭibʰir yájate /
Sentence: 7    áśvam evá tád ánviccʰati /
Sentence: 8    tásmād dívā naṣṭaiṣá eti /
Sentence: 9    yát prātár íṣṭibʰir yájate sāyáṃ dʰŕ̥tīr juhóti /
Sentence: 10    ahorātrā́bʰyām eváinam ánviccʰati /
Sentence: 11    átʰo ahorātrā́bʰyām evā́smai yogakṣemáṃ kalpayati //

Paragraph: 14 
Verse: 1    {BS 3.9.14.52}
Sentence: 1    ápa vā́ etásmāt_śrī́ rāṣṭráṃ krāmati /
Sentence: 2    yò 'śvamedʰéna yájate /
Sentence: 3    brāhmaṇáu vīṇāgātʰínau gāyataḥ /
Sentence: 4    śriyā́ vā́ etád rūpám /
Sentence: 5    yád vī́ṇā /
Sentence: 6    śríyam evā́smin tád dʰattaḥ /
Sentence: 7    yadā́ kʰálu vái púruṣaḥ śríyam aśnuté /
Sentence: 8    vī́ṇā_asmai vādyate //
Sentence: 9    tád āhuḥ /
Sentence: 10    yád ubʰáu brāhmaṇáu gā́yetām //

Verse: 2    {BS 3.9.14.53}
Sentence: 1    prabʰrám̐śukā_asmāt_śrī́ḥ syāt /
Sentence: 2    ná vái brāhmaṇé śrī́ ramata íti /
Sentence: 3    brāhmaṇò 'nyó gā́yet /
Sentence: 4    rājanyò 'nyáḥ /
Sentence: 5    bráhma vái brāhmaṇáḥ /
Sentence: 6    kṣatrám̐ rājanyàḥ /
Sentence: 7    tátʰā hāsya bráhmaṇā ca kṣatréṇa ca_ubʰayátaḥ śrī́ḥ párigr̥hītā bʰavati //
Sentence: 8    tád āhuḥ /
Sentence: 9    yád ubʰáu dívā gā́yetām /
Sentence: 10    ápāsmād rāṣṭráṃ krāmet /

Verse: 3    {BS 3.9.14.54}
Sentence: 1    ná vā́ brāhmaṇé rāṣṭrám̐ ramata íti /
Sentence: 2    yadā́ kʰálu vái rā́jā kāmáyate /
Sentence: 3    átʰa brāhmaṇáṃ jināti /
Sentence: 4    dívā brāhmaṇó gāyet /
Sentence: 5    náktam̐ rājanyàḥ /
Sentence: 6    bráhmaṇo vái rūpám áhaḥ /
Sentence: 7    kṣatrásya rā́triḥ /
Sentence: 8    tátʰā hāsya bráhmaṇā ca kṣatréṇa ca_ubʰayáto rāṣṭráṃ párigr̥hītaṃ bʰavati //
Sentence: 9    íty adadā íty ayajatʰā íty apaca íti brāhmaṇó gā́yet /
Sentence: 10    iṣṭāpūrtáṃ vái brāhmaṇásya /

Verse: 4    {BS 3.9.14.55}
Sentence: 1    iṣṭāpūrténa_eváinam̐ sá sámardʰayati //
Sentence: 2    íty ajinā íty ayudʰyatʰā íty amúm̐ saṃgrāmám ahann íti rājanyàḥ /
Sentence: 3    yuddʰáṃ vái rājanyàsya /
Sentence: 4    yuddʰéna_eváinam̐ sá sámardʰayati //
Sentence: 5    ákḷptā vā́ etásya_r̥táva íty āhuḥ /
Sentence: 6    yò 'śvamedʰéna yájata íti /
Sentence: 7    tisrò 'nyó gā́yati tisrò 'nyáḥ /
Sentence: 8    ṣáṭt sámpadyante /
Sentence: 9    ṣáḍ vā́ r̥távaḥ /
Sentence: 10    r̥tū́n evā́smai kalpayataḥ //
Sentence: 11    tā́bʰyām̐ sam̐stʰā́yām /
Sentence: 12    anoyukté ca śaté ca dadāti /
Sentence: 13    śatā́yuḥ púruṣaḥ śata_índriyaḥ /
Sentence: 14    ā́yuṣy evá_indriyé prátitiṣṭhati //

Paragraph: 15 
Verse: 1    {BS 3.9.15.56}
Sentence: 1    sárveṣu vā́ eṣú lokéṣu mr̥tyávo 'nvā́yattāḥ /
Sentence: 2    tébʰyo yád āhutīr ná juhuyā́t /
Sentence: 3    loké_loka enaṃ mr̥tyúr vindet /
Sentence: 4    mr̥tyáve svā́hā mr̥tyáve svā́hā_íty abʰipūrvám ā́hutīr juhoti /
Sentence: 5    lokā́l_lokād evá mr̥tyúm ávayajate /
Sentence: 6    ná_enaṃ loké_loke mr̥tyúr vindati //
Sentence: 7    yád amúṣmai svā́hā_amúṣmai svā́hā_íti júhvat saṃcákṣīta /
Sentence: 8    bahúṃ mr̥tyúm amítraṃ kurvīta /
Sentence: 9    mr̥tyáve svā́hā_íty ékasmā evá_ékāṃ juhuyāt /
Sentence: 10    éko vā́ amúṣmin_ loké mr̥tyúḥ /

Verse: 2    {BS 3.9.15.57}
Sentence: 1    aśanayāmr̥tyúr evá /
Sentence: 2    tám evā́múṣmin_loké 'vayajate /
Sentence: 3    bʰrūṇahatyā́yai svā́hā_íty avabʰr̥tʰá ā́hutiṃ juhoti /
Sentence: 4    bʰrūṇahatyā́m evā́vayajate //
Sentence: 5    tád āhuḥ /
Sentence: 6    yád bʰrūṇahatyā́_apātryā́tʰa /
Sentence: 7    kásmād yajñé 'pi kriyata íti //
Sentence: 8    ámr̥tyur vā́ anyó bʰrūṇahatyā́yā íty āhuḥ /
Sentence: 9    bʰrūṇahatyā́ vā́vá mr̥tyúr íti /
Sentence: 10    yád bʰrūṇahatyā́yai svā́hā_íty avabʰr̥tʰá ā́hutiṃ juhóti /

Verse: 3    {BS 3.9.15.58}
Sentence: 1    mr̥tyúm evá_ā́hutyā tarpayitvā́ paripā́ṇaṃ kr̥tvā́ /
Sentence: 2    bʰrūṇagʰné bʰeṣajáṃ karoti //
Sentence: 3    etā́m̐ ha vái muṇḍibʰá audanyaváḥ / {Dumont suggests to take out daṇḍa}
Sentence: 4    bʰrūṇahatyā́yai prā́yaścittiṃ vidā́ṃ cakāra /
Sentence: 5    yó hāsyā́pi prajā́yāṃ brāhmaṇám̐ hánti /
Sentence: 6    sárvasmai tásmai bʰeṣajáṃ karoti //
Sentence: 7    jumbakā́ya svā́hā_íty avabʰr̥tʰá uttamā́m ā́hutiṃ juhoti /
Sentence: 8    váruṇo vái jumbakáḥ /
Sentence: 9    antatá evá váruṇam ávayajate //
Sentence: 10    kʰalatér viklidʰásya śuklásya piṅgākṣásya mūrdʰán juhoti /
Sentence: 11    etád vái váruṇasya rūpáṃ /
Sentence: 12    rūpéṇa_evá váruṇam ávayajate //

Paragraph: 16 
Verse: 1    {BS 3.9.16.59}
Sentence: 1    vāruṇó vā́ áśvaḥ /
Sentence: 2    táṃ devátayā vyàrdʰayati /
Sentence: 3    yát prājāpatyáṃ karóti /
Sentence: 4    námo rā́jñe námo váruṇāya_íty āha /
Sentence: 5    vāruṇó vā́ áśvaḥ /
Sentence: 6    sváyā_eváinaṃ devátayā sámardʰayati //
Sentence: 7    námó 'śvāya námaḥ prajā́pataya íty āha /
Sentence: 8    prājāpatyó vā́ áśvaḥ /
Sentence: 9    sváyā_eváinaṃ devátayā sámardʰayati //
Sentence: 10    námo 'dʰipataya íty āha /

Verse: 2    {BS 3.9.16.60}
Sentence: 1    dʰármo vā́ ádʰipatiḥ /
Sentence: 2    dʰármam evā́varundʰe //
Sentence: 3    ádʰipatir asy ádʰipatiṃ mā kurv ádʰipatir aháṃ prajā́nāṃ bʰūyāsam íty āha /
Sentence: 4    ádʰipatim eváinam̐ samānā́nāṃ karoti //
Sentence: 5    mā́ṃ dʰehi máyi dʰehī́ty āha /
Sentence: 6    āśíṣam eváitām āśāste //
Sentence: 7    upā́kr̥tāya svā́hā_íty upā́kr̥te juhoti /
Sentence: 8    ā́labdʰāya svā́hā_íti níyukte juhoti /
Sentence: 9    hutā́ya svā́hā_íti huté juhoti /
Sentence: 10    eṣā́ṃ lokā́nām abíjityai //

Verse: 3    {BS 3.9.16.61}
Sentence: 1    prá vā́ eṣá ebʰyó lokébʰyaś cyavate /
Sentence: 2    yò 'śvamedʰéna yájate /
Sentence: 3    āgneyám aindrāgnám āśvinám /
Sentence: 4    tā́n paśū́n ā́labʰate prátiṣṭhityai //
Sentence: 5    yád āgneyó bʰávati /
Sentence: 6    agníḥ sárvā devátāḥ /
Sentence: 7    devátā evā́varundʰe //
Sentence: 8    brahma vā́ agníḥ /
Sentence: 9    kṣatrám índraḥ /
Sentence: 10    yád aindrāgnó bʰávati /

Verse: 4    {BS 3.9.16.62}
Sentence: 1    brahmakṣatré evā́varundʰe //
Sentence: 2    yád āśvinó bʰávati /
Sentence: 3    āśíṣām ávaruddʰyai //
Sentence: 4    tráyo bʰavanti /
Sentence: 5    tráya imé lokā́ḥ /
Sentence: 6    eṣv èvá lokéṣu prátitiṣṭhati //
Sentence: 7    agnáye 'm̐homúce 'ṣṭā́kapāla íti dáśahaviṣam íṣṭiṃ nírvapati /
Sentence: 8    dáśākṣarā virā́ṭ /
Sentence: 9    ánnaṃ virā́ṭ /
Sentence: 10    virā́jā_evā́nnā́dyam ávarundʰe //
Sentence: 11    agnér manve pratʰamásya prácetasa íti yājyānuvākyā̀ bʰavanti sarvatvā́ya //

Paragraph: 17 
Verse: 1    {BS 3.9.17.63}
Sentence: 1    yády áśvam upatápad vindét /
Sentence: 2    āgneyám aṣṭā́kapālaṃ nírvapet /
Sentence: 3    saumyáṃ carúm /
Sentence: 4    sāvitrám aṣṭā́kapālam //
Sentence: 5    yád āgneyó bʰávati /
Sentence: 6    agníḥ sárvā devátāḥ /
Sentence: 7    devátābʰir eváinaṃ bʰiṣajyati //
Sentence: 8    yát saumyó bʰávati /
Sentence: 9    sómo vā́ óṣadʰīnām̐ rā́jā /
Sentence: 10    yā́bʰya eváinaṃ vindáti /

Verse: 2    {BS 3.9.17.64}
Sentence: 1    tā́bʰir eváinaṃ bʰiṣajyati //
Sentence: 2    yát sāvitró bʰávati /
Sentence: 3    savitŕ̥prasūta eváinaṃ bʰiṣajyati //
Sentence: 4    etā́bʰir eváinaṃ devátābʰir bʰiṣajyati /
Sentence: 5    agadó ha_evá bʰavati //
Sentence: 6    pauṣṇáṃ carúṃ nírvapet /
Sentence: 7    yádi śloṇáḥ syā́t /
Sentence: 8    pūṣā́ vái śláuṇyasya bʰiṣák /
Sentence: 9    sá eváinaṃ bʰiṣajyati /
Sentence: 10    áśloṇo ha_evá bʰavati //

Verse: 3    {BS 3.9.17.65}
Sentence: 1    raudráṃ carúṃ nírvapet /
Sentence: 2    yádi mahatī́ devátā_abʰimányeta /
Sentence: 3    etaddevatyò vā́ áśvaḥ /
Sentence: 4    sváyā_eváinaṃ devátayā bʰiṣajyati /
Sentence: 5    agadó ha_evá bʰavati //
Sentence: 6    vaiśvānaráṃ dvā́daśakapālaṃ nírvapen mr̥gākʰaré yádi ná_āgáccʰet /
Sentence: 7    iyáṃ vā́ agnír vaiśvānaráḥ /
Sentence: 8    iyám eváinam arcíbʰyāṃ pariródʰam ā́nayati /
Sentence: 9    ā́ ha_evá sútyam áhar gaccʰati //
Sentence: 10    yády adʰīyā́t /

Verse: 4    {BS 3.9.17.66}
Sentence: 1    agnáyé 'm̐homúce 'ṣṭā́kapālaḥ /
Sentence: 2    sauryáṃ páyaḥ /
Sentence: 3    vāyavyà ā́jyabʰāgaḥ //
Sentence: 4    yájamāno vā́ áśvaḥ /
Sentence: 5    ám̐hasā vā́ eṣá gr̥hītáḥ /
Sentence: 6    yásyā́śvo médʰāya prókṣito 'dʰyéti /
Sentence: 7    yád am̐homúce nirvápati /
Sentence: 8    ám̐hasa evá téna mucyate //
Sentence: 9    yájamāno vā́ áśvaḥ /
Sentence: 10    rétasā vā́ eṣá vyr̥̀dʰyate /

Verse: 5    {BS 3.9.17.67}
Sentence: 1    yásyā́śvo médʰāya prókṣito 'dʰyéti /
Sentence: 2    sauryám̐ rétaḥ /
Sentence: 3    yát sauryáṃ páyo bʰávati /
Sentence: 4    rétasā_eváinam̐ sá sámardʰayati //
Sentence: 5    yájamāno vā́ áśvaḥ /
Sentence: 6    gárbʰair vā́ eṣá vyr̥̀dʰyate /
Sentence: 7    yásyā́śvo médʰāya prókṣito 'dʰyéti /
Sentence: 8    vāyavyā̀ gárbʰāḥ /
Sentence: 9    yád vāyavyà ā́jyabʰāgo bʰávati /
Sentence: 10    gárbʰair eváinam̐ sá sámardʰayati //
Sentence: 11    átʰo yásya_eṣā́śvamedʰé prā́yaścitiḥ kriyáte /
Sentence: 12    iṣṭvā́ vásīyān bʰavati //

Paragraph: 18 
Verse: 1    {BS 3.9.18.68}
Sentence: 1    tád āhuḥ /
Sentence: 2    dvā́daśa brahmaudanā́nt sám̐stʰite nírvapet /
Sentence: 3    dvādaśábʰir véṣṭibʰir yajeta_íti //
Sentence: 4    yád íṣṭibʰir yájeta /
Sentence: 5    upanā́muka enaṃ yajñáḥ syāt /
Sentence: 6    pā́pīyām̐s tú syāt /
Sentence: 7    āptā́ni vā́ etásya cʰándām̐si /
Sentence: 8    yá ījānáḥ /
Sentence: 9    tā́ni ká etā́vadāśu púnaḥ práyuñjīta_íti /
Sentence: 10    sárvā vái sám̐stʰite yajñé vā́g āpyate /

Verse: 2    {BS 3.9.18.69}
Sentence: 1    sā́_āptā́ bʰavati yātáyāmnī /
Sentence: 2    krūrī́kr̥tā_iva hí bʰávaty áruṣkr̥tā /
Sentence: 3    sā́ ná púnaḥ prayújyā_íty āhuḥ //
Sentence: 4    dvā́daśa_evá brahmaudanā́nt sám̐stʰite nírvapet /
Sentence: 5    prajā́patir vā́ odanáḥ /
Sentence: 6    yajñáḥ prajā́patiḥ /
Sentence: 7    upanā́muka enaṃ yajñó bʰavati /
Sentence: 8    ná pā́pīyān bʰavati //
Sentence: 9    dvā́daśa bʰavanti /
Sentence: 10    dvā́daśa mā́sāḥ saṃvatsaráḥ /
Sentence: 11    saṃvatsará evá prátitiṣṭhati //

Paragraph: 19 
Verse: 3    {BS 3.9.19.70}
Sentence: 1    eṣá vái vibʰū́r nā́ma yajñáḥ /
Sentence: 2    sárvam̐ ha vái tátra vibʰú bʰavati /
Sentence: 3    yátra_eténa yajñéna yájante //
Sentence: 4    eṣá vái prabʰū́r nā́ma yajñáḥ /
Sentence: 5    sárvam̐ ha vái tátra prabʰú bʰavati /
Sentence: 6    yátra_eténa yajñéna yájante //
Sentence: 7    eṣá vā́ ū́rjasvān nā́ma yajñáḥ /
Sentence: 8    sárvam̐ ha vái tatra_ū́rjasvadbʰavati /
Sentence: 9    yátra_eténa yajñéna yájante //
Sentence: 10    eṣá vái páyasvān nā́ma yajñáḥ /

Verse: 4    {BS 3.9.19.71}
Sentence: 1    sárvam̐ ha vái tátra páyasvad bʰavati /
Sentence: 2    yátra_eténa yajñéna yájante //
Sentence: 3    eṣá vái vídʰr̥to nā́ma yajñáḥ /
Sentence: 4    sárvam̐ ha vái tátra vídʰr̥taṃ bʰavati /
Sentence: 5    yátra_eténa yajñéna yájante //
Sentence: 6    eṣá vái vyā́vr̥tto nā́ma yajñáḥ /
Sentence: 7    sárvam̐ ha vái tátra vyā́vr̥ttaṃ bʰavati /
Sentence: 8    yátra_eténa yajñéna yájante //
Sentence: 9    eṣá vái prátiṣṭhito nā́ma yajñáḥ /
Sentence: 10    sárvam̐ ha vái tátra prátiṣṭhitaṃ bʰavati /

Verse: 5    {BS 3.9.19.72}
Sentence: 1    yátra_eténa yajñéna yájante //
Sentence: 2    eṣá vái tejasvī́ nā́ma yajñáḥ /
Sentence: 3    sárvam̐ ha vái tátra tejasví bʰavati /
Sentence: 4    yátra_eténa yajñéna yájante //
Sentence: 5    eṣá vái brahmavarcasī́ nā́ma yajñáḥ /
Sentence: 6    ā́ ha vái tátra brāhmaṇó brahmavarcasī́ jāyate /
Sentence: 7    yátra_eténa yajñéna yájante //
Sentence: 8    eṣá vā́ ativyādʰī́ nā́ma yajñáḥ /
Sentence: 9    ā́ ha vái tátra rājanyò 'tivyādʰī́ jāyate /
Sentence: 10    yátra_eténa yajñéna yájante //
Sentence: 11    eṣá vái dīrgʰó nā́ma yajñáḥ /
Sentence: 12    dīrgʰā́yuṣo ha vái tátra manuṣyā̀ bʰavanti /
Sentence: 13    yátra_eténa yajñéna yájante //
Sentence: 14    eṣá vái kḷptó nā́ma yajñáḥ /
Sentence: 15    kálpate ha vái tátra prajā́bʰyo yogakṣemáḥ /
Sentence: 16    yátra_eténa yájñéna yájante //

Paragraph: 20 
Verse: 1    {BS 3.9.20.73}
Sentence: 1    tārpyéṇā́śvam̐ sáṃjñapayanti /
Sentence: 2    yajñó vái tārpyám /
Sentence: 3    yajñéna_eváin am̐ sámardʰayanti //
Sentence: 4    yāména sā́mnā prastotā́_anū́patiṣṭhate /
Sentence: 5    yamalokám eváinaṃ gamayati //
Sentence: 6    tārpyé ca kr̥tyadʰīvāsé cā́śvam̐ sáṃjñapayanti /
Sentence: 7    etád vái paśūnā́m̐ rūpám /
Sentence: 8    rūpéṇa_evá paśūn ávarundʰe //
Sentence: 9    hiraṇyakaśipú bʰavati /
Sentence: 10    téjasó 'varuddʰyai //

Verse: 2    {BS 3.9.20.74}
Sentence: 1    rukmó bʰavati /
Sentence: 2    suvargásya lokásyā́nukʰyātyai /
Sentence: 3    áśvo bʰavati /
Sentence: 4    prajā́pater ā́ptyai //
Sentence: 5    asyá vái lokásya rūpáṃ tārpyám /
Sentence: 6    antárikṣasya kr̥tyadʰīvāsáḥ /
Sentence: 7    divó hiraṇyakaśipú /
Sentence: 8    ādityásya rukmáḥ /
Sentence: 9    prajā́pater áśvaḥ /
Sentence: 10    imám evá lokáṃ tārpyéṇa_āpnoti /

Verse: 3    {BS 3.9.20.75}
Sentence: 1    antárikṣaṃ kr̥tyadʰīvāséna /
Sentence: 2    dívam̐ hiraṇyakaśipúnā /
Sentence: 3    ādityám̐ rukméṇa /
Sentence: 4    áśvena_evá médʰyena prajā́pateḥ sā́yujyam̐ salokátām āpnoti //
Sentence: 5    etā́sām evá devátānām̐ sā́yujyam /
Sentence: 6    sārṣṭítām̐ samānalokátām āpnoti /
Sentence: 7    yò 'śvamedʰéna yájate /
Sentence: 8    yá u ca_enam eváṃ véda //

Paragraph: 21 
Verse: 1    {BS 3.9.21.76}
Sentence: 1    ādityā́ś cā́ṅgirasaś ca suvargé lokè 'spardʰanta /
Sentence: 2    té 'ṅgirasa ādityébʰyaḥ /
Sentence: 3    amúm {Dumont suggests to divide passages here} ādityámaśvam̐ śvetáṃ bʰūtáṃ dákṣiṇām anayan /
Sentence: 4    tè 'bruvan /
Sentence: 5    yáṃ nó 'neṣṭa /
Sentence: 6    sá váryo 'bʰūd íti /
Sentence: 7    tásmād áśvam̐ sávarya_ity ā́hvayanti /
Sentence: 8    tásmād yajñé váro dīyate //
Sentence: 9    yát prajā́patir ā́labdʰó 'śvó 'bʰavat /
Sentence: 10    tásmād áśvo nā́ma //

Verse: 2    {BS 3.9.21.77}
Sentence: 1    yát_śváyad árur ā́sīt /
Sentence: 2    tásmād árvā nā́ma //
Sentence: 3    yát sadyó vā́jant samájayat /
Sentence: 4    tásmād vājī́ nā́ma /
Sentence: 5    yád ásurāṇāṃ lokā́n ā́datta /
Sentence: 6    tásmād ādityó nā́ma //
Sentence: 7    agnírvā́ aśvamedʰásya yónir āyátanam /
Sentence: 8    sū́ryo 'gnér yónir āyátanam /
Sentence: 9    yád aśvamedʰè 'gnáu cítya uttaravedím upavápati /
Sentence: 10    yónimantam eváinam āyátanavantaṃ karoti //

Verse: 3    {BS 3.9.21.78}
Sentence: 1    yónimān āyátanavān bʰavati /
Sentence: 2    yá {AS sá} eváṃ véda //
Sentence: 3    prāṇāpānáu vā́ etáu devā́nām /
Sentence: 4    yád arkāśvamedʰáu /
Sentence: 5    prāṇāpānā́v evā́varundʰe //
Sentence: 6    ójo bálaṃ vā́ etáu devā́nām /
Sentence: 7    yád arkāśvamedʰáu /
Sentence: 8    ójo bálam evā́varundʰe //
Sentence: 9    agnír vā́ aśvamedʰásya yónir āyátanam /
Sentence: 10    sū́ryo 'gnér yónir āyátanam /
Sentence: 11    yád aśvamedʰè 'gnáu cítya uttaravedíṃ cinóti /
Sentence: 12    tā́v arkāśvamedʰáu /
Sentence: 13    arkāśvamedʰā́v evā́varundʰe /
Sentence: 14    átʰo arkāśvamedʰáyor evá prátitiṣṭhati //

Paragraph: 22 
Verse: 1    {BS 3.9.22.79}
Sentence: 1    prajā́patiṃ vái devā́ḥ pitáram /
Sentence: 2    paśúṃ bʰūtáṃ médʰāya_ā́labʰanta /
Sentence: 3    tám ālábʰya_úpāvasan /
Sentence: 4    prātár yáṣṭāsmaha íti /
Sentence: 5    ékaṃ vā́ etád devā́nām áhaḥ /
Sentence: 6    yát saṃvatsaráḥ /
Sentence: 7    tásmād áśvaḥ purástāt saṃvatsará ā́labʰyate //
Sentence: 8    yát prajā́patir ā́labdʰó 'śvó 'bʰavat /
Sentence: 9    tásmād áśvaḥ /
Sentence: 10    yát sadyó médʰó 'bʰavat //

Verse: 2    {BS 3.9.22.80}
Sentence: 1    tásmād aśvamedʰáḥ //
Sentence: 2    védukó 'śvam āśúṃ bʰavati /
Sentence: 3    yá eváṃ véda //
Sentence: 4    yád vái tát prajā́patir ā́labdʰó 'śvó 'bʰavat /
Sentence: 5    tásmād áśvaḥ prajā́pateḥ paśūnā́m ánurūpatamaḥ //
Sentence: 6    ā́_asya putráḥ prátirūpo jāyate /
Sentence: 7    yá eváṃ véda //
Sentence: 8    sárvāṇi bʰūtā́ni sambʰŕ̥tya_ā́labʰate /
Sentence: 9    sám enaṃ devā́s téjase brahmavarcasā́ya bʰaranti /
Sentence: 10    yò 'śvamedʰéna yájate /

Verse: 3    {BS 3.9.22.81}
Sentence: 1    yá u ca_enam eváṃ véda //
Sentence: 2    etád vái tád devā́ etā́ṃ devátām /
Sentence: 3    paśúṃ bʰūtáṃ médʰāya_ā́labʰanta /
Sentence: 4    yajñám evá /
Sentence: 5    yajñéna yajñám ayajanta devā́ḥ /
Sentence: 6    kāmapráṃ yajñám akurvata /
Sentence: 7    tè 'mr̥tatvám akāmayanta /
Sentence: 8    tè 'mr̥tatvám agaccʰan //
Sentence: 9    yò 'śvamedʰéna yájate /
Sentence: 10    devā́nām evá_ā́yanena_eti /

Verse: 4    {BS 3.9.22.82}
Sentence: 1    prājāpatyéna_evá yajñéna yajate kāmapréṇa /
Sentence: 2    ápunarmāram evá gaccʰati /
Sentence: 3    etásya vái rūpéṇa purástāt prājāpatyám r̥ṣabʰáṃ tūparáṃ bahurūpám ā́labʰate /
Sentence: 4    sárvebʰyaḥ kā́mebʰyaḥ /
Sentence: 5    sárvasya_ā́ptyai /
Sentence: 6    sárvasya jítyai //
Sentence: 7    sárvam evá téna_āpnoti /
Sentence: 8    sárvaṃ jayati /
Sentence: 9    yò 'śvamedʰéna yájate /
Sentence: 10    yá u ca_enam eváṃ véda //

Paragraph: 23 
Verse: 1    {BS 3.9.23.83}
Sentence: 1    yó vā́ áśvasya médʰyasya lómanī véda /
Sentence: 2    áśvasyaivá médʰyasya lómam̐llomañjuhoti /
Sentence: 3    ahorātré vā́ áśvasya médʰyasya lómanī /
Sentence: 4    yát sāyámprātar juhóti /
Sentence: 5    áśvasyaivá médʰyasya lómam̐llomañ juhoti /
Sentence: 6    etádanukr̥ti ha sma vái purā́ /
Sentence: 7    áśvasya médʰyasya lómam̐llomañ juhvati /
Sentence: 8    yó vā́ áśvasya médʰyasya padé véda /
Sentence: 9    áśvasyaivá médʰyasya padépade juhoti /
Sentence: 10    darśapūrṇamāsáu vā́ áśvasya médʰyasya padé //

Verse: 2    {BS 3.9.23.84}
Sentence: 1    yád darśapūrṇamāsáu yájate /
Sentence: 2    áśvasyaivá médʰyasya padépade juhoti /
Sentence: 3    etádanukr̥ti ha sma vái purā́ /
Sentence: 4    áśvasya médʰyasya padépade juhvati /
Sentence: 5    yó vā́ áśvasya médʰyasya vivártanaṃ véda /
Sentence: 6    áśvasyaivá médʰyasya vivártane vivartane juhoti /
Sentence: 7    asáu vā́ ādityó 'śvaḥ /
Sentence: 8    sá āhavanī́yam ā́gaccʰati /
Sentence: 9    tád vívartate /
Sentence: 10    yád agnihotráṃ juhóti /
Sentence: 11    áśvasyaivá médʰyasya vivártanevivartane juhoti /
Sentence: 12    etádanukr̥ti ha sma vái purā́ /
Sentence: 13    áśvasya médʰyasya vivártanevivartane juhvati //

Next part


This text is part of the TITUS edition of Black Yajur-Veda: Taittiriya-Brahmana.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.