TITUS
Black Yajur-Veda: Katyayana-Srautasutra
Part No. 4
Previous part

Adhyaya: 4 
Kandika: 1 
Sutra: 1    aparāhṇe piṇḍapitr̥yajñaś candrādarśane 'māvāsyāyām //

Sutra: 2    dakṣiṇāgnau śrapaṇam //

Sutra: 3    homaś ca //

Sutra: 4    paristīrya taṃ pūrvavat pātrāsādanam ekaśaḥ //

Sutra: 5    apareṇa gārhapatyaṃ carum apūrṇam̐ srucaṃ vā tūṣṇīṃ gr̥hītvottareṇa dakṣiṇāgnim avahanti tiṣṭʰan //

Sutra: 6    sakr̥t pʰalīkaroti //

Sutra: 7    sārataṇḍulam apūrṇam̐ śrapayitvābʰigʰāryodvāsya mekṣaṇena juhoti \\ agnaye \\ iti somāya \\ iti ca //

Sutra: 8    prāsya tad dakṣiṇenollikʰati \\ apahatās \\ ity apareṇa vā //

Sutra: 9    ulmukaṃ parastāt karoti ye rūpāṇi \\ iti //

Sutra: 10    udapātreṇāvanejayaty apasavyam̐ savyena voddʰaraṇasāmartʰyād asāv avanenikṣva \\ iti yajamānasya pitr̥prabʰr̥ti trīn //

Sutra: 11    upamūlam̐ sakr̥dācʰinnāni lekʰāyāṃ kr̥tvā yatʰāvaniktaṃ piṇḍān dadāti \\ asāv etat te \\ iti //

Sutra: 12     ye ca tvām anu \\ iti caike //

Sutra: 13     atra pitaras \\ ity uktvodaṅṅ āsta ā tamanāt //

Sutra: 14    āvr̥tya \\ amīmadanta \\ iti japati //

Sutra: 15    avanejya pūrvavan nīviṃ visram̐sya namo vas \\ ity añjaliṃ karoti //

Sutra: 16     etad vas \\ ity upāsyati sūtrāṇi pratipiṇḍam //

Sutra: 17    ūrṇādaśā vā //

Sutra: 18    vayasy uttare yajamānalomāni vā //

Sutra: 19     ūrjam ity apo niṣiñcati //

Sutra: 20    avadʰāyāvajigʰrati yajamānaḥ //

Sutra: 21    ulmukasakr̥dācʰinnāny agnau //

Sutra: 22     ādʰatta \\ iti madʰyamapiṇḍaṃ patnī prāśnāti putrakāmā //

Sutra: 23    pretebʰyo dadāti //

Sutra: 24    jīvapitr̥ko 'pi //

Sutra: 25    jīvāntarhite 'pi //

Sutra: 26    jīvapitr̥kasya homāntam anārambʰo vā //

Sutra: 27    na vyavete jātūkarṇyo na jīvantam atidadātīti śruteḥ * //
      FN Corrections and Additions in the page 780b (1111).

Sutra: 28    pūrvo vāṅgatvāt piṇḍapitr̥yajñaḥ //

Sutra: 29    prakaraṇakālaliṅgānugrahavacanānāhitāgniśrutibʰyo 'naṅgam //

Sutra: 30    aṅgaṃ vā samabʰivyāhārāt //

Sutra: 31    anāhitāgner apy eṣaḥ //

Kandika: 2 
Sutra: 1    śvo nodetety adr̥ṣṭe vā parṇaśākʰāṃ cʰinatti śāmīlīṃ vā \\ iṣe tvā \\ iti \\ ūrje tvā \\ iti vā //

Sutra: 2     cʰinadmi \\ iti vobʰayoḥ sākāṅkṣatvāt //

Sutra: 3     saṃnamayāmi \\ iti vottare //

Sutra: 4    bahulapalāśām aśuṣkāgrāṃ prāgudīcīm anyatamāṃ vā //

Sutra: 5    vratam upaiti //

Sutra: 6    yatʰoktaṃ vā //

Sutra: 7    mātr̥bʰir vatsānt sam̐sr̥jya vatsam̐ śākʰyopaspr̥śati vāyava stʰa \\ iti //

Sutra: 8     upāyava stʰa \\ iti caike //

Sutra: 9     devo vas \\ iti mātr̥̄ṇāmekāṃ vyākr̥tya //

Sutra: 10    aindraṃ bʰavati māhendraṃ vā //

Sutra: 11     yajamānasya paśūn ity agnyagārasyānyatarasya purastācʰākʰām * upagūhati //
      FN purastāt and śākʰām.

Sutra: 12    mūlād upaveṣaṃ karoti veṣo 'si \\ iti // *
      FN Corrections and Additions in the page 780b (1111): M and 1 give the whole mantra from veṣo 'syupa- to yatʰāsann iti.

Sutra: 13    sāṃnāyye śākʰāsaṃyogāt //

Sutra: 14    upadʰānād vobʰayoḥ //

Sutra: 15     vasoḥ pavitram iti pavitramasyāṃ badʰnāti kuśau //

Sutra: 16    trivr̥d vā //

Sutra: 17    yavāgvāgnihotrahomaḥ saṃnayatas tām̐ rātrim //

Sutra: 18    hute \\ upasr̥ṣṭāṃ prabrūtāt \\ ity āha //

Sutra: 19    prokte dyaur asi \\ iti stʰālyādānam //

Sutra: 20     mātariśvanas \\ ity adʰiśrayati //

Sutra: 21     vasoḥ pavitram iti pavitram asyāṃ karoty udag vā //

Sutra: 22    vāgyato dohayaty aśūdreṇa //

Sutra: 23    stʰālyanvārabdʰe devas tvā \\ ity āsicyamāne japati //

Sutra: 24     kām adʰukṣas \\ iti praśnaḥ //

Sutra: 25    prokte sā viśvāyur ity āha //

Sutra: 26    evam itare uttarābʰyāṃ pratimantram //

Sutra: 27    visr̥ṣṭavāguttarā ananvārabdʰe //

Sutra: 28    yāvat svam adʰikārāt //

Sutra: 29    tisro vā nityatvāt //

Sutra: 30    ādisāmartʰyāt //

Sutra: 31    darśanāc ca //

Sutra: 32    parikṣālanam ānayati sampr̥cyadʰvam r̥tāvarīr \ ūrmiṇā madʰumattamāḥ \ pr̥ñcatīr madʰunā payas \\ mandrā dʰanasya sātaye \\ iti //

Sutra: 33    udvāsyātanakti prāggʰutaśeṣeṇa \\ indrasya tvā \\ iti //

Sutra: 34    sodakenāpidadʰāty amr̥nmayeṇa viṣṇo havyam iti //

Sutra: 35    nidʰāya vatsāpākaraṇaṃ pūrvavat //

Sutra: 36    prātar āgneya aindrāgnaś ca dvādaśakapālo 'saṃnayataḥ //

Sutra: 37    nirupyājyaṃ prātardohanam anyasmin //

Sutra: 38    parikṣālanāntaṃ kr̥tvā sāyaṃdoham āhr̥tya prātardoham̐ śrapayitvābʰigʰāryodvāsyobʰāv anakti //

Sutra: 39     śr̥tasyāgre 'vadyati \\ iti śruteḥ //

Sutra: 40    samasya mārjanam //

Sutra: 41     indrāgnyor iti vyūhanam //

Sutra: 42    saha śākʰayā prastarānupraharaṇam //

Sutra: 43    paridʰibʰiḥ sahopaveṣaṃ juhoti juhomi tvā subʰaga saubʰagāya \ purūtamaṃ puruhūta śravasyann iti //

Sutra: 44    paurṇamāsavad anyad asadyaḥ //

Sutra: 45    somayājī saṃnayet //

Sutra: 46    kāmād itaraḥ //

Sutra: 47    trim̐śataṃ varṣāṇi darśapūrṇamāsābʰyāṃ yajeta //

Sutra: 48    pañcadaśa dākṣāyaṇayajñī //

Sutra: 49    agnihotram eva vā juhuyāt //

Kandika: 3 
Sutra: 1    karmaśabdo dravyadevatāyukto yajatiḥ //

Sutra: 2    darśapūrṇamāsadʰarmā iṣṭipaśuṣu sāmartʰyāt //

Sutra: 3    darśanāc ca //

Sutra: 4    vaiśvadevadʰarmāś cāturmāsyeṣu vacanapravr̥ttibʰyām //

Sutra: 5    somāc cāvabʰr̥tʰe sāmapratiṣedʰāt //

Sutra: 6    kaṇavat paśau na mantropadeśāt //

Sutra: 7    viśaye laukikam ayuktatvāt //

Sutra: 8    vidʰiviśeṣaḥ karmaṇy ekadviśabdaparimāṇadravyadevatāguṇasāmānyebʰyaḥ //

Sutra: 9    niyamo dravyadevatāvirodʰe dravyasya samavāyāt //

Sutra: 10    āmikṣāyām ubʰayos tan nirvr̥tteḥ //

Sutra: 11    naikacodanāt //

Sutra: 12    dadʰnaḥ saṃgʰātāt //

Sutra: 13    payasas tadbʰāvāt //

Sutra: 14    paśoḥ sāṃnāyyasya tad uktam //

Sutra: 15    prāyaścittaśruteś ca //

Sutra: 16    payasaḥ kālānantaryadʰarmānugrahebʰyaḥ //

Sutra: 17    sadyastvaṃ kāśakr̥tsniḥ //

Sutra: 18    anuvādaḥ pūrvasyeti vātsyabādarī //

Sutra: 19    stʰānāpatter dravyeṣu dʰarmalābʰo 'vipratiṣiddʰaḥ //

Sutra: 20    yatʰārtʰam ūhaś codite //

Sutra: 21    na prakr̥tāv apūrvatvāt //

Sutra: 22    vikr̥tau vacanārtʰalopavirodʰebʰyo 'pravr̥ttiḥ //

Sutra: 23    parārtʰotpattes tadabʰāve 'bʰāvaḥ //

Sutra: 24    coditatvād vā bʰāvaḥ //

Sutra: 25    na vipakṣe kriyāḥ syuḥ samabʰivyāhārāt //

Kandika: 4 
Sutra: 1    dākṣāyaṇayajñaḥ prajāpaśvannayaśaskāmasya //

Sutra: 2    nāmapʰalaguṇayogāt karmāntaram //

Sutra: 3    guṇavidʰānaṃ vā saṃnidʰisampadvacanābʰyām //

Sutra: 4    agnīṣomīyaḥ paurṇamāsyām //

Sutra: 5    aindrāgno 'māvāsyāyām //

Sutra: 6    sāṃnāyyavat prātaḥ //

Sutra: 7    amāvāsyāyāṃ payasyā maitrāvaruṇī //

Sutra: 8    tatraiva dohanam̐ śr̥te vā dadʰy ānayati //

Sutra: 9    vājinaṃ niṣicyotkare karoti //

Sutra: 10    anājyaliptaṃ vā //

Sutra: 11    prahr̥tya tr̥ṇaṃ tena carati //

Sutra: 12    vimucya vā srucau //

Sutra: 13    barhir avasiñcan gr̥hṇāti //

Sutra: 14    tad r̥ṣabʰeṣu reto dadʰātīti śruteḥ //

Sutra: 15    vājibʰyo 'nuvācayati //

Sutra: 16    prativaṣaṭkāram̐ hutvā vājinaśeṣeṇa diśo vyāgʰārayati diśas \\ iti pratimantraṃ pradakṣiṇaṃ purastāt pratʰamam //

Sutra: 17    uttamābʰyāṃ madʰye pūrvārdʰe ca //

Sutra: 18    svāhākāraḥ sarvatra sākāṅkṣatvāt //

Sutra: 19    śeṣam upahvayasya \\ ity āmantrayāmantrya bʰakṣaṇam upahūtas \\ iti prasūtaḥ //

Sutra: 20    yuktanāmabʰir vā //

Sutra: 21    some ca //

Sutra: 22    sādʰāraṇeṣu vā sāmartʰyāt //

Sutra: 23     r̥tūnāṃ tvā vājināṃ vājinaṃ bʰakṣayāmi \\ iti //

Sutra: 24     vājy ahaṃ vājinasyopahūtasyopahūto bʰakṣayāmīti vā //

Sutra: 25     vāje vājī bʰūyāsam iti vā //

Sutra: 26    hotradʰvaryubrahmāgnīdyajamānāḥ //

Sutra: 27    pratʰamo vobʰayatas tu yajamānaḥ //

Sutra: 28    dākṣāyaṇaṃ vā dakṣiṇā //

Sutra: 29    saṃvatsaraṃ vā yajeta //

Sutra: 30    mām̐sastryanr̥tamūtrakr̥tavāsām̐si varjayet //

Kandika: 5 
Sutra: 1    upām̐śu kāmyadevatā //

Sutra: 2    āgrayaṇe vaiśvadevaḥ //

Sutra: 3    ekakapālāś cāvāruṇāḥ //

Sutra: 4    prājāpatyaḥ //

Sutra: 5    sāvitraś cāturmāsyeṣu //

Sutra: 6    vaiśvadevī //

Sutra: 7    vāyavyam //

Sutra: 8    payo [ yavāgūr vā ] //

Sutra: 9    tanūhavīm̐ṣi //

Sutra: 10    dīkṣaṇīyāprāyaṇīyātitʰyādevatāḥ //

Sutra: 11    devasūdevikāhavīm̐ṣi //

Sutra: 12    vāyavyo 'gnau //

Sutra: 13    maitrāvaruṇī ca //

Sutra: 14    aindraḥ sautrāmaṇyāṃ pratʰamaḥ //

Sutra: 15    vāyodʰasaś ca //

Sutra: 16    āgneyaṃ pratikāmam āhareta //

Sutra: 17    varṣārtʰe prakr̥tau vā brūyāt \\ vr̥ṣṭikāmo 'smi \\ iti //


Sutra: 18    adʰvaryuṃ brūyāt purovātaṃ ca vidyutaṃ ca manasā dʰyāya \\ iti //

Sutra: 19    abʰrāṇy agnīdʰam //

Sutra: 20     stanayitnuṃ ca varṣaṃ ca \\ iti hotāram //

Sutra: 21     sarvāṇy etāni \\ iti brahmāṇam //

Sutra: 22    anvārambʰaṇīyāgnāvaiṣṇava ekādaśakapālaḥ sarasvatyai caruḥ sarasvate dvādaśakapālo darśapūrṇamāsārambʰe //

Sutra: 23    paṣṭʰauhī dakṣiṇā mitʰunau vā //

Sutra: 24    indrāya vimr̥dʰa ekādaśakapālaḥ paurṇamāsam anu //

Sutra: 25    ādivikalpaḥ //

Sutra: 26    ādityaś carur āmāvāsyam //

Kandika: 6 
Sutra: 1    āgrayaṇam aindrāgnam agrapākasya vrīhīṇāṃ yavānāṃ ca //

Sutra: 2    vaiśvadevaś caruḥ //

Sutra: 3    payasi vā //

Sutra: 4    dyāvāpr̥tʰivīya ekakapālaḥ //

Sutra: 5    udvāsyāntāṃś cʰādayed ājyena //

Sutra: 6    ājyasya vā yajet //

Sutra: 7    purāṇānāṃ vā caruḥ //

Sutra: 8    pratʰamajo gaurdakṣiṇā //

Sutra: 9    vaiśvadevasya ca //

Sutra: 10    darśapūrṇamāsān ījāno dakṣiṇāgnipakvaṃ cātuṣprāśyaṃ brāhmaṇān bʰojayet kiṃcid dadyāt //

Sutra: 11    agnihotrāyaṇino navaiḥ sāyamprātar agnihotrahomaḥ //

Sutra: 12    tadāśitāyā vā payasā //

Sutra: 13    dīkṣitavrataṃ ca //

Sutra: 14    upasatsu rauhiṇau kurvīta //

Sutra: 15    sutyāsu savanīyān //

Sutra: 16    saumyaḥ śyāmākacarur āraṇyasya //

Sutra: 17    vaiṇavo grīṣme //

Sutra: 18    punaḥsam̐skr̥to ratʰo dakṣiṇā kṣaumaṃ madʰuparko varṣādʰr̥taṃ vā vāsaḥ //

Kandika: 7 
Sutra: 1    amāvāsyāyām agnyādʰeyam //

Sutra: 2    kr̥ttikārohiṇīmr̥gaśiraḥpʰalgunīṣu //

Sutra: 3    hasto lābʰakāmasya //

Sutra: 4    citrā ca kṣatriyasya //

Sutra: 5    vasanto brāhmaṇabrahmavarcasakāmayoḥ //

Sutra: 6    grīṣmaḥ kṣatriyaśrīkāmayoḥ //

Sutra: 7    varṣāḥ prajāpaśukāmavaiśyaratʰakr̥tām //

Sutra: 8    agnyagāre kurvanti //

Sutra: 9    udagvam̐śaṃ vāparam //

Sutra: 10    dakṣiṇapūrve dvāre //

Sutra: 11    paurṇamāsavad vapanam //

Sutra: 12    kṣaume vaste 'hate //

Sutra: 13    patnī ca //

Sutra: 14    sam̐stʰite 'dʰvaryave deye //

Sutra: 15    gārhapatyāgāre nirmatʰyābʰyādadʰāti //

Sutra: 16    vaiśyakulāmbarīṣamahānasād vā //

Sutra: 17    divāśnāti rātrau vā //

Sutra: 18    upāstamayam * devāḥ pitaraḥ pitaro devās \\ *yo 'ham asmi sa san yaje \ * yasyāham asmi na tam antarayāmi \ * svaṃ ma iṣṭam̐ svam̐ śrāntam̐ svam̐ hutam astu \\ iti //
      FN addition to VC.
      FN addition to VC.
      FN addition to VC.
      FN addition to VC.

Sutra: 19    pūrveṇa praviśati //

Sutra: 20    dakṣiṇena patnī //

Sutra: 21    paścād agner upaviśato dakṣiṇataḥ patnī //

Sutra: 22    aśvattʰaśamīgarbʰāraṇī prayacʰati //

Sutra: 23    abʰāve 'garbʰasya //

Sutra: 24     vācaṃ yacʰā pūrṇāhuter ity āhāstamite niśāyām //

Sutra: 25    paryudayaṃ vā pradʰānakālatvāt //

Kandika: 8 
Sutra: 1    gārhapatyāgāre 'jaṃ badʰnāti na vā //

Sutra: 2    vidyamānaṃ prātar agnīdʰe dadyāt //

Sutra: 3    astamite rohite carmaṇy ānaḍuhe catvāri haviṣyapātrāṇi mimīte //

Sutra: 4    taṃ cātuṣprāśyaṃ pacati //

Sutra: 5    udvāsyāsecanaṃ madʰye kr̥tvā sarpir āsicyāśvattʰīs tisraḥ samidʰo gʰr̥tāktā ādadʰāti samidʰāgnim iti pratyr̥cam //

Sutra: 6     upa tvā \\ iti japati //

Sutra: 7    dvitīyāṃ vādʰvaryuḥ //

Sutra: 8    catvāra r̥tvijaḥ prāśnanti //

Sutra: 9     rāddʰas te brahmaudanas \\ ity āha //

Sutra: 10    varaṃ dadāti //

Sutra: 11    saṃvatsaraṃ vā purastāt kuryāt tataḥ sarvān ādadʰīta //

Sutra: 12    gārhapatye 'nugate grāmāgnim āhr̥tya cātuṣprāśyaṃ paktvā viharet //

Sutra: 13    rātriṃ jāgaraṇadʰāraṇe //

Sutra: 14    śakalair vā //

Sutra: 15    vyuṣṭāyām upaśamayya dakṣiṇā vā sam̐hared anvāhāryapacanaś cet //

Sutra: 16    stʰānam ullikʰyābʰyukṣyānvārabdʰe hiraṇyaṃ nidʰāyoṣākʰūtkarān nivapaty anteṣu śarkarāḥ //

Sutra: 17    hiraṇyam upary eke //

Sutra: 18    evamitarayoḥ //

Sutra: 19    purastād āhavanīyasyāṣṭāsu prakrameṣv ekādaśasu dvādaśasu matyā vā //

Sutra: 20    itarasya vitr̥tīye dakṣiṇataḥ //

Sutra: 21    utsr̥pte 'gnimantʰanam //

Sutra: 22    anutsr̥pta eke //

Sutra: 23    udite tūddʰaraṇam //

Sutra: 24    apareṇa gārhapatyāyatanam //

Sutra: 25     aśvam ānaya \\ iti brūyāt //

Sutra: 26    stʰite 'śve purastāt //

Sutra: 27    jāte varadānam //

Sutra: 28    manasaike //

Sutra: 29    tasyābʰiśvāsaḥ * prāṇam amr̥te dadʰe \\ iti //
      FN addition to VC.

Sutra: 30    ucʰvāsas \\ * amr̥taṃ prāṇa ādadʰe \\ iti //
      FN addition to VC.

Kandika: 9 
Sutra: 1    dārubʰir jvalantam ādadʰāti bʰūr bʰuvas \\ iti sambʰāreṣu \\ amuṣya tvā vratapate vratenādadʰe \\ iti yatʰarṣi //

Sutra: 2     varuṇasya tvā \\ iti kṣatriyasya //

Sutra: 3     indrasya tvā \\ iti rājanyasya //

Sutra: 4     manoṣ ṭvā grāmaṇyas \\ iti vaiśyasya //

Sutra: 5     r̥bʰūṇāṃ tvā \\ iti ratʰakr̥taḥ //

Sutra: 6     ratʰantaraṃ gāya \\ iti preṣyati //

Sutra: 7    gānam adʰvaryoḥ //

Sutra: 8    brahmā vā vedayogāt //

Sutra: 9    yuktatvāc cādʰvaryoḥ //

Sutra: 10    idʰmenoddʰaraṇamupayamya //

Sutra: 11    yatʰainaṃ dʰūma upeyāt //

Sutra: 12     vāmadevyam iti preṣyati //

Sutra: 13    aśvaḥ purastād yuvā tadabʰāve 'yuvāśvābʰāve 'naḍvān //

Sutra: 14    sambʰārān adʰiṣṭʰāpya dakṣiṇapūrvapādena prāñcaṃ nītvāvartya stʰāpayati //

Sutra: 15     br̥had iti preṣyati //

Sutra: 16    agninā pādaṃ dvir upaspr̥śya tr̥tīyenādadʰāti dvitīyena pratʰamena vā bʰūr bʰuvaḥ svar iti pūrvavat //

Sutra: 17    purastāt parikramyedʰmapūrvārdʰaṃ gr̥hītvā dyaur iva bʰūmnā \\ ity āha //

Sutra: 18     āyaṃ gaur iti copaniṣṭʰate sārparājñībʰiḥ //

Sutra: 19    dakṣiṇāgnim ādadʰāti //

Sutra: 20    sabʰyaṃ ca nirmatʰya //

Sutra: 21     gāṃ dīvyadʰvam ity āha //

Sutra: 22    dʰāraṇopastʰānam ataḥ //

Kandika: 10 
Sutra: 1     * śyaitavāravantīyayajñāyajñiyāni \\ iti ca preṣyati //
      FN addition to VC.

Sutra: 2    dakṣiṇenāgnīn parītyodag utsr̥jati //

Sutra: 3    r̥tunakṣatrasambʰārasāmavapanacātuṣprāśyajāgaraṇedʰmapūrvārdʰānvārambʰaṇasārparājñīr na vā kuryāt //

Sutra: 4    agnihotraṃ ca tūṣṇīm̐śruteḥ pūrṇāhutyante //

Sutra: 5    pūrṇāhutiṃ juhoti nirupyājyaṃ gārhapatye 'dʰiśritya sruksruvaṃ ca saṃmr̥jyodvāsyotpūyāvekṣya gr̥hītvānvārabdʰa evam̐ sarvatra svāhā \\ iti //

Sutra: 6     varaṃ dadāmi \\ iti vāgvisarjanam //

Sutra: 7    dvādaśāhānte tanūhavīm̐ṣi nirvapati māse dvitīye tr̥tīye ṣaṇmāsye saṃvatsare sadyo vā na vā //

Sutra: 8    agnaye pavamānāya pratʰamā //

Sutra: 9    agnaye pāvakāyāgnaye ścaye ca dvitīyā //

Sutra: 10    adityai carus tr̥tīyā //

Sutra: 11    āgneya eva vā purastād ādityasya //

Sutra: 12    ṣaḍ dakṣiṇāḥ prativibʰajya dadāti dvādaśa caturvim̐śatiṃ vā //

Sutra: 13    bʰūyasīś ca yatʰāśraddʰam //

Sutra: 14    dʰenur ādityasya //

Sutra: 15    anr̥tātitʰyapanodapūtidārvādʰānarbīsapakvanāvyudakāni varjayet //

Sutra: 16    brahmacāry agninityadʰārī kṣīrahomy agnim upaśāyī dvādaśarātram̐ ṣaḍrātraṃ trirātram antataḥ //

Kandika: 11 
Sutra: 1    punarādʰeyam ādʰānāpratijñātasya //

Sutra: 2    rājyayaśaskāmasya vā //

Sutra: 3    trirātrāvaram agnīn utsr̥jya //

Sutra: 4    sadyo vā //

Sutra: 5    punarvasvoḥ //

Sutra: 6    varṣāsu madʰyandine vā //

Sutra: 7    kuśair ādʰānam //

Sutra: 8    vrīhyapūpam arkapalāśayoḥ pakvaṃ gārhapatyastʰāne nidadʰāty evam āhavanīyasya yāvam̐ sadyaś cet //

Sutra: 9    āgneyaḥ pañcakapāla upām̐śu prāguttamād anuyājāt //

Sutra: 10    tadvarjaṃ vā //

Sutra: 11     agnīn iti vā pratʰame prayāje 'nuyāje ca //

Sutra: 12    ājyabʰāgo dvitīyo 'gnaye pavamānāyendumate vā //

Sutra: 13    hiraṇyaṃ dakṣiṇānaḍvān vāgnyādʰeyikīś cecʰañ cʰruteḥ //

Sutra: 14    agnyādʰeyavad anyat sadyaḥ //

Sutra: 15    aparāhṇe maitrāvaruṇī vaśānastamite puroḍāśeḍāntaṃ kr̥tvā rātriśr̥tayā prātaś caranti tata ādʰānam //

Kandika: 12 
Sutra: 1    sāyamāhutyām̐ hutāyāṃ yajamāno 'gnī upatiṣṭʰate vātsapreṇa //

Sutra: 2    na vā //

Sutra: 3    tisras trir upaprayantas \\ asya pratnām \ pari te \ citrāvaso \\ iti ca //

Sutra: 4     saṃ tvam ity upaviśya //

Sutra: 5    gāṃ gacʰati \\ andʰa stʰa \\ iti //

Sutra: 6     sam̐hitā \\ ity ālabʰate //

Sutra: 7    gārhapatyaṃ gatvopatiṣṭʰate \\ upa tvā \\ iti //

Sutra: 8    gāṃ gacʰati \\ iḍa ehi \\ iti //

Sutra: 9    kāmyā etetyālabʰate //

Sutra: 10     somānam ity anudakaṃ vratopāyanavat //

Sutra: 11    paurṇamāsavat putranāmagrahaṇam //

Sutra: 12     bʰūr bʰuvaḥ svar iti vobʰau //

Sutra: 13    pravatsyant sarvān narya \\ iti pratimantram //

Sutra: 14    gacʰati //

Sutra: 15    matyā vāgvisarjanam //

Sutra: 16    pravasan yājamānaṃ kuryād yatʰākālam ātmasaṃskārād dʰarmamātratvācʰruteś * ca //
      FN dʰarmamātratvāt and śruteś.

Sutra: 17    etya ca matyā vāgyamanam //

Sutra: 18    samitpāṇir anupetya kaṃcid upatiṣṭʰata āhavanīyagārhapatyadakṣiṇāgnīn āganma \\ iti pratimantram //

Sutra: 19    samitparisamūhanāni copaviśya //

Sutra: 20    tūṣṇīṃ vopastʰānaṃ pūrvavat //

Sutra: 21    etya ca //

Sutra: 22     gr̥hā mā bibʰīta \\ iti gr̥hān upaiti //

Sutra: 23     kṣemāya vas \\ iti praviśati //

Sutra: 24    na him̐syād gr̥hyān kāmam̐ śvaḥ //

Kandika: 13 
Sutra: 1     uddʰara \\ iti yajamāno brūyāt sāyamprātar agnihotre //

Sutra: 2    gārhapatyād āhavanīyasyoddʰaraṇam anastamitānuditayoḥ //

Sutra: 3    pratyaṅmukʰo vā sāyaṃ nidadʰyāt tasmint sāyamprātar homam eke //

Sutra: 4    nityo dakṣiṇāgniḥ //

Sutra: 5    sarve gataśriyaḥ //

Sutra: 6    sadā vāharaṇam //

Sutra: 7    ekeṣām upavasatʰe //

Sutra: 8    navāvasite vā //

Sutra: 9    tasmin paceyur amām̐sam //

Sutra: 10    pākyābʰāve goḥ payo 'dʰiśrayitavai brūyāt //

Sutra: 11    tad brāhmaṇaṃ pāyayitavai brūyāt //

Sutra: 12    antareṇāparāgnī gatvā dakṣiṇena vāpradakṣiṇam āhavanīyaṃ parītyopaviśati yajamānaḥ //

Sutra: 13    patnī ca pūrvavat //

Sutra: 14    apareṇāhavanīyaṃ kūrcaṃ nidadʰāti kuśān vā //

Sutra: 15    paristaraṇaṃ vā sarveṣāṃ prāgudagbʰir udagagrān dakṣiṇāgrān karotīti śruteḥ //

Sutra: 16    āhavanīyaṃ paryukṣyodadʰārāṃ ninayaty ā gārhapatyāt //

Sutra: 17    taṃ ca //

Sutra: 18    tato dakṣiṇāgnim //

Sutra: 19    hute ca dʰārāvarjam //

Kandika: 14 
Sutra: 1    agnihotrīṃ dohayati puṃvatsām aśūdreṇa stʰālyām āryakr̥tyām ūrdʰvakapālāyāṃ dakṣiṇataḥ prācīm udīcīṃ vā //

Sutra: 2    pūrveṇāhavanīyam āhr̥tya gārhapatye 'dʰiśrayaty uttarato niruhyāṅgārān //

Sutra: 3    evam anyatrāpi homārtʰasyāharaṇam //

Sutra: 4    dakṣiṇena vauṣadʰam //

Sutra: 5    tr̥ṇenāvajyotyāsicyāpaḥ punar avajyotya nidʰāyaṃ trir udvāsayaty udak //

Sutra: 6    astamite juhoti //

Sutra: 7    vaikaṅkatam̐ sruksruvaṃ pratapya pāṇinā saṃmārṣṭi //

Sutra: 8    punaḥ pratapya \\ unneṣyāmi \\ ity āha //

Sutra: 9     o3m unnaya \\ iti yajamānas tiṣṭʰan //

Sutra: 10    caturaḥ sruvān unnayati //

Sutra: 11    stʰālyāṃ pariśinaṣṭi tad brāhmaṇaḥ pibet //

Sutra: 12    upari samidʰaṃ dʰārayan vārkṣīm adʰyadʰi gārhapatyād āhavanīyam̐ harati mukʰamātre dʰārayan //

Sutra: 13    madʰye nigr̥hyodgr̥hyopaviśya samidʰam ādadʰāti \\ agnijyotiṣaṃ tvā vāyumatīṃ prāṇavatīm̐ svargyām̐ svargāyopadadʰāmi bʰāsvatīm iti //

Sutra: 14    pradīptām abʰijuhoti \\ agnir jyotir iti sajūr iti vā //

Sutra: 15     agnir varcas \\ iti brahmavarcasakāmasya //

Sutra: 16    kūrce nidʰāya gārhapatyam avekṣate hoṣyann asmin //

Sutra: 17    tūṣṇīm uttarāṃ bʰūyasīm //

Sutra: 18    bʰūyiṣṭʰam̐ sruci //

Sutra: 19    dviḥ prakampya nidadʰāti //

Sutra: 20    upamr̥jya srucaṃ kūrce nimārṣṭi namo devebʰyaḥ //

Sutra: 21     svadʰā pitr̥bʰyas \\ iti dakṣiṇata uttānam //

Sutra: 22    apa upaspr̥śyetarayoś ca puṣṭikāmaḥ //

Sutra: 23    stʰālyāḥ sruveṇa \\ iha puṣṭiṃ puṣṭipatir dadʰātu \\ iha prajām̐ ramayatu prajāpatiḥ / \ agnaye gr̥hapataye rayimate puṣṭipataye svāhā \\ iti gārhapatye //

Sutra: 24    tūṣṇīṃ dvitīyām //

Sutra: 25     agnaye 'nnādāyānnapataye svāhā \\ iti dakṣiṇāgnau tūṣṇīṃ dvitīyām //

Sutra: 26    anāmikayā dviḥ prāśnāti //

Sutra: 27    utsr̥pya nirleḍʰyācamyotsiñcati devān jinva \ pitr̥̄n jinva tr̥tīyām udukṣati saptar̥ṣīn jinva \\ iti //

Sutra: 28    caturtʰī kūrcastʰāne trir niṣiñcati \\ agnaye pr̥tʰivīkṣite svāhā \ pr̥tʰivyā amr̥taṃ juhomi svāhā \\ amr̥te 'mr̥taṃ juhomi svāhā \\ iti //

Sutra: 29    sruksruvam āhavanīye pratapya nidadʰāti //

Sutra: 30    samidʰa ādadʰāti sarveṣu yatʰāparyukṣitamm \\ samid asi \ samiddʰo me 'gne dīdihi \ samedʰā te agne dīdyāsām iti //

Sutra: 31    vāgyato dohaprabʰr̥ty āhomāt kṣīrahotā cet // *
      FN Corrections and Additions in the page 780b (1112): "By kṣīrahotā cet begins in M. 1. the next kaṇḍikā."

Kandika: 15 
Sutra: 1    prātar juhoty anudite //

Sutra: 2    antareṇāparāgnī gatvā dakṣiṇena vā pradakṣiṇaṃ gārhapatyaṃ parītyopaviśati yajamānaḥ //

Sutra: 3    patnī ca yatʰādeśam //

Sutra: 4    apa ācāmati vr̥ṣṭir asi \ vr̥śca me pāpmānam \\ satyena vratam upaimi \\ āpaḥ satyaṃ mayi vratam iti //

Sutra: 5    vācaṃ visr̥jya punar ācāmati vidyud asi \ vi me pāpmānaṃ jahi \\ apo 'vabʰr̥tʰam abʰyupaimi \ mayi satyaṃ goṣu me vratam iti //

Sutra: 6     unnayāmi \\ ity āha prātaḥ //

Sutra: 7    prāksam̐stʰam̐ samitparyukṣaṇaṃ dʰārā ca //

Sutra: 8    ubʰayatra vā //

Sutra: 9    agniśabde sūryaḥ //

Sutra: 10    rātryuṣasāhneti vā //

Sutra: 11     jyotiḥ sūryas \\ iti vā prātaḥ //

Sutra: 12    pratʰamāstamite paryudayaṃ ca svargakāmasya //

Sutra: 13    tamo 'bʰyaye sāyaṃ juhuyād viyati prātar āyuṣkāmasya //

Sutra: 14    antaḥpaśau paśukāmasya sāyamprātaḥ //

Sutra: 15    śayāne śrīkāmasya prātaḥ //

Sutra: 16    pratʰamasamiddʰe dʰūpyamāne prajāsu nihatyeva sahasānnam atsyataḥ //

Sutra: 17    bʰūyiṣṭʰārciṣi gr̥hītveva sahasā //

Sutra: 18    pradīptatame śrīyaśaskāmasya //

Sutra: 19    arciḥpratyavāye maitreṇānnam atsyataḥ //

Sutra: 20    aṅgāreṣu cākaśyamāneṣu brahmavarcasakāmasya //

Sutra: 21    payasā svargakāmaḥ paśukāmo vā //

Sutra: 22    yavāgvā grāmakāmaḥ //

Sutra: 23    taṇḍulair balakāmaḥ //

Sutra: 24    dadʰnendriyakāmaḥ //

Sutra: 25    anadʰiśrayaṇaṃ ca śrutisāmartʰyābʰyām //

Sutra: 26    gʰr̥tena tejaskāmaḥ //

Sutra: 27    saṃvatsaraṃ juhuyād eteṣām ekaikena kāmasaṃyoge //

Sutra: 28    sāyamprātar vā //

Sutra: 29    dakṣiṇena praveśanam agnihotreṣṭiṣu //

Sutra: 30    sāyamprātar āhavanīyasyāsanopastʰāne //

Sutra: 31    śayyāsanaṃ vā gārhapatye //

Sutra: 32    saṃvrajan manasopasmr̥tya dakṣiṇāgnim //

Sutra: 33    anaśitvā prātarmuhūrtam̐ sabʰāsanam̐ sabʰyasya //

Sutra: 34    bʰasmoddʰr̥tam upeyāt //

Sutra: 35    svayaṃ vā juhuyāt //

Sutra: 36    upavasatʰe niyamaḥ //

Next part


This text is part of the TITUS edition of Black Yajur-Veda: Katyayana-Srautasutra.

Copyright TITUS Project, Frankfurt a/M, 11.4.2018. No parts of this document may be republished in any form without prior permission by the copyright holder.