TITUS
Black Yajur-Veda: Katyayana-Srautasutra
Part No. 6
Previous part

Adhyaya: 6 
Kandika: 1 
Sutra: 1    paśvijyā saṃvatsaresaṃvatsare prāvr̥ṣi //

Sutra: 2    āvr̥ttimukʰayor vā //

Sutra: 3    gr̥heṣu //

Sutra: 4    yūpāhutiṃ juhoti caturgr̥hītam̐ sruveṇa vā \\ uru viṣṇo \\ iti //

Sutra: 5    ājyaśeṣam ādāya satakṣā gaccʰati //

Sutra: 6    yūpam abʰimr̥śati \\ aty anyān iti //

Sutra: 7    prāṅ tiṣṭʰann abʰimantrayate vā //

Sutra: 8    pālāśaṃ bahulaparṇam aśuṣkāgram ūrdʰvaśakalaśākʰaṃ madʰyāgropanatam abraṇam //

Sutra: 9    abʰāve kʰadirabilvarauhitakān //

Sutra: 10    kʰadirābʰāve soma itarān //

Sutra: 11    sruveṇopaspr̥śati viṣṇave tvā \\ iti //

Sutra: 12     oṣadʰe \\ iti kuśataruṇaṃ tiraskr̥tya svadʰite \\ iti paraśunā praharati //

Sutra: 13    pratʰamaśakalaṃ nidadʰāti //

Sutra: 14    anakṣastambʰaṃ vr̥ścati //

Sutra: 15    ekajam //

Sutra: 16     dyāṃ mā lekʰīr iti patantam abʰimantrayate //

Sutra: 17    na dakṣiṇā patet //

Sutra: 18     ayam̐ hi tvā \\ iti śodʰanam //

Sutra: 19    abʰimantraṇaśeṣo vāviśeṣopadeśāt //

Sutra: 20     atas tvam ity āvraścane juhoti //

Sutra: 21    yūpe vā tatsaṃskārāt //

Sutra: 22    stʰāṇau śruteś ca //

Sutra: 23    parivāsyācʰedanaṃ punaḥ //

Sutra: 24    tryaratniḥ //

Sutra: 25    caturaratnir vā //

Sutra: 26    ekāratniprabʰr̥tīn eke //

Sutra: 27    aṣṭāśriṃ karoty uparavarjam //

Sutra: 28    agrāc caṣālaṃ pr̥tʰamātram aṣṭāśri madʰyasaṃgr̥hītam //

Sutra: 29    ūrdʰvamagre pratimuñcati //

Sutra: 30    dvyaṅgulaṃ tryaṅgulaṃ vā tardmātikrāntaṃ yūpasya //

Sutra: 31    pañcāratniḥ pañcadaśaparyantaḥ some daśasaptacaturdaśavarjam //

Sutra: 32    aparimito vā //

Sutra: 33    saptadaśa vājapeye //

Sutra: 34    ekavim̐śatir aśvamedʰe //

Sutra: 35    yatʰākāyam̐ stʰavimā //

Sutra: 36    vediṃ kariṣyan ṣaḍḍʰotāraṃ pañcagr̥hītaṃ manasānudrutya juhoty ekām āhutiṃ pañca vā dyauṣ pr̥ṣṭʰam antarikṣam ātmāṅgair yajñaṃ pr̥tʰivīm̐ śarīrair \ vācaspate 'cʰidrayā vācācʰidrayā juhvā divi devāvr̥dʰam̐ hotrām airayant svāhā \\ iti

Kandika: 2 
Sutra: 1    vediṃ karoti varuṇapragʰāsavat //

Sutra: 2    spʰyādy āgninidʰānāt //

Sutra: 3    ekam idʰmena praṇayati //

Sutra: 4    vratopāyanapraṇītājyabʰāgabʰāgāvadānapūrṇapātraviṣṇukramān kuryād dʰaviryajñavidʰe //

Sutra: 5    paristaraṇapātrasaṃsādanaprokṣaṇājyanirvapaṇādʰiśrayaṇāni kr̥tvottaraparigrahādi karoty ājyāsādanāt //

Sutra: 6    sapr̥ṣadājyam ājyagrahaṇam //

Sutra: 7    barhiṣi plakṣaśākʰā str̥ṇāti //

Sutra: 8     devasya tvā \\ ity abʰrim ādāya yūpāvaṭaṃ parilikʰati \\ * idam aham ity āhavanīyasya purastād antarvedyardʰam //
      FN addition to VC.

Sutra: 9    uparasaṃmitaṃ kʰanati //

Sutra: 10    prācaḥ pām̐sūn udvapati //

Sutra: 11    tad agreṇa yūpaṃ prāñcaṃ nidadʰāti //

Sutra: 12    kuśamuṣṭim upari tasmin //

Sutra: 13    pratʰamaśakalaṃ ca //

Sutra: 14    agram uttareṇa caṣālam //

Sutra: 15     yavo 'si \\ ity apsu yavān opya prokṣaty agramadʰyamūlāni dive tvā \\ iti pratimantram //

Sutra: 16     prokṣāmi \\ iti sarvatra sākāṅkṣatvāt //

Sutra: 17    avaṭe śeṣam āsiñcati śundʰantām iti //

Sutra: 18    barhīm̐ṣi prāñcy udañci ca prāsyati pitr̥ṣadanam asi \\ iti //

Sutra: 19    pratʰamaśakalaṃ ca \\ agreṇīr asi \\ iti //

Sutra: 20    sruveṇāvaṭe juhoti tūṣṇīm //

Sutra: 21    purastāt parikramyādʰvaryur yajamāno vā yūpam anakty udaṅṅ upaviśya //

Kandika: 3 
Sutra: 1    yūpāyājyamānāyānuvācayati //

Sutra: 2     devas tvā \\ ity anakti //

Sutra: 3    caṣālam ubʰayataḥ //

Sutra: 4    uktaṃ pratimuñcati supippalābʰyas \\ iti //

Sutra: 5    soparam agniṣṭʰādeśam aktvā parivyayaṇadeśam̐ samantaṃ parimr̥śyādʰvaryur nāvasr̥jed ā parivyayaṇāt //

Sutra: 6    ucʰrīyamāṇāyānuvācayati //

Sutra: 7     dyām agreṇa \\ ity ucʰrayati //

Sutra: 8     yā te \\ iti minoti //

Sutra: 9    agniṣṭʰā sampratyāhavanīyam //

Sutra: 10     brahmavani tvā \\ iti pām̐subʰiḥ paryūhati //

Sutra: 11     brahma dr̥m̐ha \\ iti maitrāvaruṇadaṇḍena samantaṃ triḥ paryr̥ṣati //

Sutra: 12    samam bʰūmi kr̥tvādbʰir upasicya viṣṇoḥ karmāṇi \\ iti vācayati yūpam anvārabdʰam //

Sutra: 13     tad viṣṇor iti caṣālam īkṣamāṇam //

Sutra: 14    parivīyamāṇāyānuvācayati //

Sutra: 15    triguṇā trivyāmā kauśī raśanā tayā nābʰimātre trivr̥taṃ parivyayati parivīr asi \\ iti //

Sutra: 16    sam̐sr̥jyānyatarasyām antaṃ praveśayati //

Sutra: 17    yūpaśakalam asyām avagūhaty uttareṇāgniṣṭʰām \\ divaḥ sūnur asi \\ iti //

Sutra: 18    bahuṣu yatʰāsvam //

Sutra: 19     upāvīr asi \\ iti tr̥ṇam ādāya tena paśum upaspr̥śati \\ upa devān iti //

Sutra: 20    cʰāgaṃ mantrāmnānāt //

Sutra: 21    pannadam //

Sutra: 22    avyaṅgam //

Sutra: 23    yatʰāmantravarṇaṃ prokṣaṇe //

Sutra: 24    nācoditatvāt //

Sutra: 25    agniṃ mantʰaty ā homāt karoti //

Sutra: 26    upākaraṇamantʰane vā

Sutra: 27    dviguṇaraśanayā dvivyāmayā kauśyā pāśaṃ kr̥tvāntarāśr̥ṅgam abʰidakṣiṇaṃ badʰnāti \\ r̥tasya tvā \\ iti //

Sutra: 28     devasya tvā \\ iti yūpe //

Sutra: 29    aindrāgnaḥ sauryaḥ prājāpatyo vā //

Sutra: 30    yam icʰet //

Sutra: 31     adbʰyas tvā \\ iti paśuṃ prokṣaṇībʰiḥ prokṣati //

Sutra: 32     apāṃ perur ity āsya upagr̥hṇāti //

Sutra: 32     āpo devīr ity adʰastād upokṣati //

Kandika: 4 
Sutra: 1    idʰmapraiṣādi karoty āprayājebʰyaḥ //

Sutra: 2    uttarāgʰāram āgʰārya paśuṃ pūrvam̐ samanakti lalāṭām̐saśroṇiṣu saṃ te \\ iti pratimantram //

Sutra: 3    pravr̥tya hotāram āśrāvyāha \\ agnir ha daivīnāṃ viśāṃ puraetā \\ ayaṃ yajamāno manuṣyāṇām̐ sunvann iti sutye tayor astʰūri gārhapatyaṃ dīdayacʰatam̐ himā dvā yū \ rādʰām̐sīt sampr̥ñcānāv asampr̥ñcānau tanvas \\ iti //

Sutra: 4    maitrāvaruṇāya daṇḍaṃ prayacʰati mitrāvaruṇayos tvā praśāstroḥ praśiṣā prayacʰāmi \\ iti //

Sutra: 5    audumbaraṃ yajamānamukʰamātram //

Sutra: 6    dīkṣitadaṇḍam̐ some //

Sutra: 7    krīte vā //

Sutra: 8    ekādaśa prayājāḥ //

Sutra: 9    anuyājāś ca //

Sutra: 10    samaitrāvaruṇe preṣya \\ ity āha yajastʰāne vacane //

Sutra: 11    daśeṣṭvā prayājān āha śāsam āhara \\ iti //

Sutra: 12    svarum ādāyāktvobʰau juhvagre tābʰyāṃ paśor lalāṭam upaspr̥śati gʰr̥tenāktau \\ iti //

Sutra: 13    svarum avaguhyāsiṃ prayacʰann āha \\ * eṣā te prajñātāśrir astu \\ iti //
      FN addition to VC.

Sutra: 14    sādayitvā srucau cātvālam uttareṇa śāmitrāyollikʰati //

Kandika: 5 
Sutra: 1    paryagnaye 'nuvācayati //

Sutra: 2    āhavanīyolmukam ādāyāgnīt triḥ samantaṃ paryeti paśvājyaśāmitradeśayūpacātvālāhavanīyān //

Sutra: 3    ājyapaśuśāmitrān vā //

Sutra: 4    pratiprāsyolmukaṃ tāvat pratiparyeti //

Sutra: 5    punar ādāyodaṅ pratipadyate //

Sutra: 6    paśuś cānvak //

Sutra: 7    pratiprastʰātānvārabʰata enaṃ vapāśrapaṇībʰyāṃ kārṣmaryamayībʰyāṃ viśākʰāviśākʰābʰyām //

Sutra: 8    tam adʰvaryuḥ //

Sutra: 9    yajamāno 'dʰvaryum //

Sutra: 10    veditr̥ṇe adʰvaryur ādāyāśrāvyāha \\ upapreṣya hotar havyā devebʰyas \\ iti //

Sutra: 11     revati yajamāne \\ iti vācayati //

Sutra: 12    śāmitraṃ nātīyāt //

Sutra: 13    śāmitre 'gniṃ nidadʰāti //

Sutra: 14    nirmantʰyam eke //

Sutra: 15    paścāt tr̥ṇam upāsyati varṣo varṣīyasi \\ iti //

Sutra: 16    tasminn enaṃ nigʰnanti pratyakśirasam udakpādam //

Sutra: 17    prākśirasaṃ vā //

Sutra: 18    saṃgr̥hya mukʰaṃ tamayanty avāśyamānam //

Sutra: 19    veṣkeṇa vā //

Sutra: 20    etyāhavanīyam āvr̥tyāsate //

Sutra: 21     saṃjñapayānvagann ity eva brūyāt //

Sutra: 22     svāhā devebʰyas \\ iti juhoti //

Sutra: 23     saṃjñaptaḥ paśur iti prokte śetāṃ nu muhūrtam ity āhāsome //

Sutra: 24     devebʰyaḥ svāhā \\ iti juhoti //

Sutra: 25    na vaite juhuyāt

Sutra: 26    vapāśrapaṇībʰyāṃ niyojanīṃ cātvāle prāsyati māhir bʰūs \\ iti //

Sutra: 27     pratiprstʰātaḥ patnīm udānaya \\ ity āha //

Sutra: 28     neṣṭar iti some //

Kandika: 6 
Sutra: 1    pānnejanahastāṃ vācayati nayan namas ta ātāna \\ iti //

Sutra: 2    paśoḥ prāṇāñ cʰundʰati patnī //

Sutra: 3    mukʰaṃ nāsike cakṣuṣī karṇau nābʰiṃ meḍʰraṃ pāyuṃ pādānt saṃhr̥tya vācaṃ te śundʰāmi \\ iti pratimantam //

Sutra: 4    śeṣeṇa yajamānaś ca śiraḥprabʰr̥ty anuṣiñcataḥ //

Sutra: 5     manas te \\ iti śiraḥ //

Sutra: 6     yat te krūram ity aṅgāni //

Sutra: 7     śam ahobʰyas \\ iti paścāt paśor niṣiñcataḥ //

Sutra: 8    uttānaṃ paśuṃ kr̥tvāgreṇa nābʰiṃ tr̥ṇaṃ nidadʰāti \\ oṣadʰe \\ iti //

Sutra: 9     svadʰite \\ iti prajñātayābʰinidʰāya cʰittvāgram̐ savye kr̥tvā dakṣiṇena mūlam ubʰayato 'nakti lohitena rakṣasām iti //

Sutra: 10     nirastam ity apāsyati //

Sutra: 11     idam aham ity abʰitiṣṭʰati yajamānaḥ //

Sutra: 12    vapām utkʰidya vapāśrapaṇyau prorṇauti gʰr̥tena dyāvāpr̥tʰivī iti //

Sutra: 13    parivāsya cātvāle 'vasicya śāmitre pratapati //

Sutra: 14    śāmitraikadeśam āhavanīye prāsyaty agnīt //

Sutra: 15    tr̥ṇāgraṃ cādʰvaryur vāyo ver iti //

Sutra: 16    uttaratas tiṣṭʰan pratapya vapām antarā yūpāgnī hr̥tvā dakṣiṇataḥ pratiprastʰātā śrapayati parītya //

Sutra: 17    vapām̐ sruveṇābʰigʰārayati \\ agnir ājyasya \\ iti //

Sutra: 18    stokebʰyo 'nuvācayati //

Sutra: 19    śr̥tāyām \\ śr̥tā pracara \\ ity āha pratiprastʰātā //

Sutra: 20     svāhākr̥tibʰyaḥ preṣya \\ iti

Sutra: 21    hutvā vapām abʰigʰārayati pr̥ṣadājyam //

Sutra: 22    dʰruvāṃ pratʰamam ājyabʰāgau cet //

Sutra: 23    atrājyabʰāgau kurvan //

Sutra: 24    vapayā cariṣyann upastīrya hiraṇyam avadʰāya vapām avadyann āha \\ indrāgnibʰyāṃ cʰāgasya vapāyai medaso 'nubrūhi \\ iti

Sutra: 25    hiraṇyam avadʰāya dvir abʰigʰāraṇam̐ some //

Sutra: 26    āśrāvyāha \\ indrāgnibʰyāṃ cʰāgasya vapāṃ medaḥ preṣya \\ iti //
(6.6.26) * prastʰitam iti ca prasute //
      FN sūtra number 26 is repeated.

Sutra: 27    hutvā vapāśrapaṇyāv anuprāsyati prācīṃ viśākʰāṃ pratīcīm itarām \\ svāhākr̥te iti //

Sutra: 28    cātvāle mārjayante sapatnīkās \\ idam āpaḥ pravahata \\ iti //

Kandika: 7 
Sutra: 1    viśāsti paśum anyaḥ //

Sutra: 2    r̥tvijāṃ vaiko 'prakl̥ptatvācʰāmitre * //
      FN aprakl̥ptatvāt and śāmitre.

Sutra: 3    upagādarśanāc ca //

Sutra: 4    vikrayī tv anyaḥ śūdrasaṃyogāt //

Sutra: 5    aṅgāny avadyaty abʰañjan //

Sutra: 6    hr̥dayaṃ jihvāṃ kroḍam̐ savyasaktʰipūrvanaḍakaṃ pārśve yakr̥dvr̥kkau * gudamadʰyaṃ dakṣiṇā śroṇir iti jauhavāni //
      FN Corrections and Additions in the page 1112.

Sutra: 7    dakṣiṇasaktʰipūrvanaḍakaṃ gudatr̥tīyāṇiṣṭʰam̐ savyā śroṇir ity aupabʰr̥tāni //

Sutra: 8    varṣiṣṭʰam upayaḍbʰyaḥ //

Sutra: 9    avadānakāle prabʰāgaḥ //

Sutra: 10    vaniṣṭʰujāgʰani cāvadyati //

Sutra: 11    klomaplīhādʰyūdʰnīpurītataṃ cecʰan //

Sutra: 12    udaramedo 'vaśiṣṭaṃ gude prāsyati kr̥śaś cet //

Sutra: 13    śvabʰra ūvadʰyam avadʰāya tasmin lohitam̐ rakṣasām iti //

Sutra: 14    śūle hr̥dayaṃ pratr̥dya śāmitre śrapayati //

Sutra: 15    paśuṃ cokʰāyām //

Sutra: 16    paśudevatāyai puroḍāśa ekādaśakapālaḥ //

Sutra: 17    agnīṣomīyo vā viśeṣopadeśāt //

Sutra: 18    atraiva haviṣkr̥dāhvānam ijyaikatvāt //

Sutra: 19    avadyann āha \\ indrāgnibʰyāṃ puroḍāśasyānubrūhi \\ iti //

Sutra: 20    upabʰr̥ti cāvadyati sviṣṭakr̥dvat //

Sutra: 21     indrāgnibʰyāṃ puroḍāśam iti preṣyati //

Sutra: 22    hutvā samānīyāgnaye pradāya //

Sutra: 23    saguṇastʰāne 'guṇaḥ sarvavikāra ekatvāt //

Sutra: 24    yatʰāmnātaṃ vā vacibʰedāt //

Sutra: 25    iḍām avadyati //

Sutra: 26    akriyānyasya samānārtʰatvāt //

Sutra: 27    na codanābʰedāt //

Sutra: 28    kālaguṇabʰedāc ca //

Sutra: 29    paśur dakṣiṇā dʰenur varo vā mārjite //

Kandika: 8 
Sutra: 1    śamitāram̐ śāsti triḥ pracyāvayatāt \ triḥ pracyutasya hr̥dayam uttamaṃ kurutāt \ yat tvā pr̥cʰācʰr̥tam̐ haviḥ śamitā3r iti śr̥tam ity eva brūtān na śr̥taṃ bʰagavo na śr̥taṃ hi \\ iti //

Sutra: 2    triḥpracyute hr̥dayaṃ pravr̥hyottamaṃ karoti //

Sutra: 3    śūlaṃ cābʰūmau //

Sutra: 4    juhvā pr̥ṣadājyasyādāyopaniṣkramya pr̥ccʰati śr̥tam̐ haviḥ śamitā3r iti trir abʰikrāmam //

Sutra: 5    prokte tad devānām ity āhopām̐śu //

Sutra: 6     saṃ te manas \\ iti hr̥dayam abʰigʰārya sarvam //

Sutra: 7    paśvasī vapāvad dʰr̥tvā dakṣiṇataḥ pratiprastʰātā vedyāṃ plakṣaśākʰāsv avadyati //

Sutra: 8    juhūpabʰr̥tor upastr̥ṇīte vasāhomahavanyāṃ pātryāṃ ca //

Sutra: 9     manotāyai haviṣo 'vadīyamānasyānubrūhi \\ ity ukte srucor avadyati yatʰoktaṃ dvirdviḥ //

Sutra: 10    aśeṣe gudatr̥tīye //

Sutra: 11    vapāvad dʰiraṇyam //

Sutra: 12     reḍ asi \\ iti vasāṃ gr̥hītvā dvir abʰigʰārya prayutam iti pārśvena sam̐sr̥jaty asinā vā //

Sutra: 13    śeṣam iḍāpātryām āsicya kroḍam anastʰīni ca prāsyati śroṇivarjam //

Sutra: 14    jāgʰanīgudaṃ nidʰāyāha \\ indrāgnibʰyāṃ cʰāgasya haviṣo 'nubrūhi \\ iti //

Sutra: 15    āśrāvyāha \\ indrāgnibʰyāṃ cʰāgasya haviḥ preṣya \\ iti //

Sutra: 16     prastʰitam iti ca prasūte //

Sutra: 17    ardʰarcāntare yājyāyai vasaikadeśaṃ juhoti gʰr̥taṃ gʰr̥tapāvānas \\ iti //

Sutra: 18    daivatam̐ hutvā pradakṣiṇam āvr̥tya juhvā pr̥ṣadājyasyopagʰnann āha vanaspataye 'nubrūhi \\ iti //

Sutra: 19    āśrāvyāha vanaspataye preṣya \\ iti //

Sutra: 20    hutvā samānīya sauviṣṭakr̥tam //

Sutra: 21    pratyetya vā diśo vyāgʰārayati vasāśeṣeṇa vājinavat //

Sutra: 22    sarvaṃ juhoti //

Kandika: 9 
Sutra: 1     aindraḥ prāṇas \\ iti paśum̐ saṃmr̥śati //

Sutra: 2    avadāya veḍāṃ prāk pradānāt //

Sutra: 3    iḍām ādadʰāti //

Sutra: 4    upahūtāyāṃ vaniṣṭʰum agnīdʰe //

Sutra: 5    adʰyūdʰnīm̐ hotre //

Sutra: 6    avāntareḍā vā //

Sutra: 7    mārjite preṣyati \\ agnīd aupayajān aṅgarān āhara \\ upayayaṣṭar upasīda \ brahman prastʰāsyāmi \ samidʰam ādʰāyāgnim agnīt saṃmr̥ḍḍʰi \\ iti //

Sutra: 8    śāmitrād aṅgārān āhr̥tya vediśroṇyāṃ nivapaty uttarasyām //

Sutra: 9    āgnīdʰrīyād vā some hotr̥dʰiṣṇye //

Sutra: 10    pratiprastʰātopayajati gudatr̥tīyasya pracʰedam anuyājeṣu samudraṃ gacʰa \\ iti pratimantram //

Sutra: 11    prativaṣaṭkāram̐ hutvā mano me \\ iti mukʰopasparśanam //

Sutra: 12    anuyājānte svaruṃ juhoti divaṃ te dʰūmas \\ iti //

Sutra: 13    paśudevatāvanaspatibʰyām̐ srugvyūhanam //

Sutra: 14    jāgʰanyā patnīsaṃyājanam //

Sutra: 15    uttānāyā devānāṃ patnībʰyo 'vadyati //

Sutra: 16    iḍāṃ ca //

Sutra: 17    parivartyāgnaye gr̥hapataye //

Sutra: 18    agnīdʰe ca //

Sutra: 19    ājyena pūrve //

Sutra: 20    sarvā vā jāgʰanyāviśeṣāt //

Kandika: 10 
Sutra: 1    barhir hutvāpo gacʰanti hr̥dayaśūlam ādāya //

Sutra: 2    āhavanīyaṃ vopastʰāya vratādīni cet //

Sutra: 3    abʰyavetya śuṣkārdrasaṃdʰau hr̥dayaśūlam upagūhati śug asi \ tam abʰiśoca yo 'smān dveṣṭi yaṃ ca vayaṃ dviṣmas \\ māpo mauṣadʰīr iti ca //

Sutra: 4    glāyann udapātraṃ niṣicya pūrveṇa yūpaṃ yatʰoktam upagūhati //

Sutra: 5     dʰāmnodʰāmnaḥ \ sumitriyā nas \\ ity upaspr̥śanty apaḥ //

Sutra: 6    upagūhanaśeṣo vā pūrvaḥ //

Sutra: 7    abʰimantraṇaṃ vottareṇa //

Sutra: 8    na some 'nūbandʰyāvarjam //

Sutra: 9    varuṇapragʰāsavat samidādʰānam //

Sutra: 10    vrataṃ visr̥jyāparāgnīnāṃ pūrve caturgahītaṃ yūpāhutivat //

Sutra: 11    sa vihāro 'taḥ * //
      FN emended. Ed.: 'ta.

Sutra: 12    samāruḍʰanirmatʰite vā //

Sutra: 13    yatʰotsāhaṃ dadyād asyām //

Sutra: 14    agniṃ praṇīya sadohavirdʰānāgnīdʰrahotr̥dʰiṣṇyān yatʰoktaṃ gr̥hītvājyāny āgnīdʰrapraṇayanam agnīṣomīyadarśanāt //

Sutra: 15    na somārtʰatvāt //

Sutra: 16    prasaṅgād darśanam //

Sutra: 17    darvihomāḥ paurṇamāsadʰarmā juhoty aviśeṣāt //

Sutra: 18    juhūdarśanāc ca //

Sutra: 19    tūṣṇīm //

Sutra: 20    anartʰaluptāḥ //

Sutra: 21    ekāgnayaḥ //

Sutra: 22    aprayājāḥ //

Sutra: 23    ananuyājāḥ //

Sutra: 24    asāmidʰenīkāḥ //

Sutra: 25    anigadāḥ //

Sutra: 26    pratinigadya homāḥ //

Sutra: 27    svāhākārapradānāḥ //

Sutra: 28    paratantrotpattayo juhotimātrāḥ //

Sutra: 29    pākayajñeṣv avattasyāsarvahomaḥ //

Sutra: 30    hutvā śeṣaprāśanam //

Sutra: 31    agnihotre tad asya pākayajñasyeva \\ iti śruteḥ //

Sutra: 32    agnīṣomīyāt paśuṣu //

Sutra: 33    śākʰāniyojanam //

Sutra: 34    vapām̐ hutvā trīṇi pañca sarvāṇi vāvadyati //

Sutra: 35    sarvābʰāve śeṣāt sviṣṭakr̥taḥ //

Sutra: 36    stʰālīpākena saha pradānam //

Sutra: 37    pūrṇapātro dakṣiṇā //

Sutra: 38    varo vā //

Next part


This text is part of the TITUS edition of Black Yajur-Veda: Katyayana-Srautasutra.

Copyright TITUS Project, Frankfurt a/M, 11.4.2018. No parts of this document may be republished in any form without prior permission by the copyright holder.