TITUS
Black Yajur-Veda: Katyayana-Srautasutra
Part No. 9
Previous part

Adhyaya: 9 
Kandika: 1 
Sutra: 1    apararātra r̥tvijaḥ prabodʰayanti //

Sutra: 2    apa upaspr̥śya śālādvārye paristaraṇapātrasam̐sādanaprokṣaṇājyanirvapaṇādʰiśrayaṇasruksaṃmārjanodvāsanāvekṣaṇāni kr̥tvāgnīdʰra utpūya paśvājyagrahaṇam //

Sutra: 3    ājyāny ādāya somaṃ cāryavac cāhavanīya idʰmaprokṣaṇādi karoti //

Sutra: 4    agnīṣomīyavat staraṇam //

Sutra: 5    ājyāsādanāt kr̥tveṣāntarenārdʰasomam adriṣu saṃmukʰeṣu nidadʰāti hr̥de tvā \\ iti //

Sutra: 6     viśvās tvām iti visr̥jyopatiṣṭʰate //

Sutra: 7    etenāharaṇam̐ somārtʰasyābʰiṣave //

Sutra: 8    noddʰaraṇaṃ tato bahirdʰābʰāvāt //

Sutra: 9    abʰiṣutasya cānavaharaṇaṃ kr̥tatvāt //

Sutra: 10    prāg vācaṃ pravaditoḥ prātaranuvākopākaraṇam \\ devebʰyaḥ prātaryāvabʰyo 'nubrūhi \\ iti samidʰam ādadʰat //

Sutra: 11     devebʰyas \\ ity eke //

Sutra: 12    subrahmaṇyāṃ ca preṣyati //

Sutra: 13    prātaranuvākaṃ jāgrad upāsītādʰvaryuḥ //

Sutra: 14    svapyād vā //

Sutra: 15    agnīd aindram ekādaśakapālaṃ nirvapati //

Sutra: 16    haribʰyāṃ dʰānāḥ //

Sutra: 17    pūṣṇe karambʰam //

Sutra: 18    sarasvatyai dadʰi //

Sutra: 19    mitrāvaruṇābʰyāṃ payasyām //

Sutra: 20    indrāya vā haripūṣasarasvatimitrāvaruṇavate dʰānādīni yatʰāsaṃkʰyam //

Kandika: 2 
Sutra: 1    unnetuḥ pātrayojanam //

Sutra: 2    kʰarottarapūrvārdʰa upām̐śvantaryāmayoḥ //

Sutra: 3    dakṣiṇam upām̐śoḥ //

Sutra: 4    tadapareṇa dvidevatyāni pratyañci //

Sutra: 5    rāsnāvam aindravāyavam //

Sutra: 6    ajakāvaṃ maitrāvaruṇam //

Sutra: 7    auṣṭʰam āśvinam //

Sutra: 8    dakṣiṇapūrvārdʰe śukrāmantʰinoḥ //

Sutra: 9    dakṣiṇam̐ śukrasya //

Sutra: 10    āgrayaṇastʰālī madʰye //

Sutra: 11    dakṣiṇoktʰyastʰālī sapātrā //

Sutra: 12    tatʰādityastʰāly uttarā //

Sutra: 13    r̥tupātre pūrve srukpuṣkarākr̥tī ubʰayatomukʰe kārṣmaryamaye āśvattʰe vā //

Sutra: 14    ūrdʰvānītarāṇi prādeśamātrāṇi madʰyasaṃgr̥hītāni //

Sutra: 15    āgrayaṇād aparāṃ pariplavām̐ srukpuṣkarām //

Sutra: 16    adʰo'dʰo 'kṣaṃ pratyañcaṃ droṇakalaśam atyuhyoparyupary akṣaṃ pavitram asmin karoti śuklaṃ jīvorṇānām //

Sutra: 17    ubʰayatodaśaṃ pariplavāyām //

Sutra: 18    pūrveṇopastambʰanam uttaraṃ dʰruvastʰālīm anantarhite //

Sutra: 19    dʰuri pracaraṇīm //

Sutra: 20    pūrveṇākṣam upari pūtabʰr̥tam //

Sutra: 21    apareṇādʰavanīyam //

Sutra: 22    prāg akṣād daśa camasānt savr̥ntān adʰaḥ //

Sutra: 23    pratyag ekadʰanān ayugmān udaharaṇāṃs triprabʰr̥tyā pañcadaśabʰyaḥ //

Sutra: 24     abʰūd uṣā ruśatpaśur ity ucyamāne //

Kandika: 3 
Sutra: 1    caturgr̥hītaṃ pracaraṇyā juhoti śr̥ṇotv agnir iti //

Sutra: 2    aparaṃ gr̥hītvodaṅ gacʰann āha \\ apa iṣya hotar iti //


Sutra: 3    preṣyati ca maitrāvaruṇasya camasādʰvaryav ehi //

Sutra: 4     neṣṭaḥ patnīr udānaya //

Sutra: 5     ekadʰanina eta //

Sutra: 6     agnīc cātvāle vasatīvarībʰiḥ pratyupatiṣṭʰāsai hotr̥camasena ca \\ iti //

Sutra: 7    apo gatvā devīr āpas \\ ity apsu juhoti //

Sutra: 8     kārṣir asi \\ iti maitrāvaruṇacamasenājyamapohati //

Sutra: 9     samudrasya tvā \\ iti tena gr̥hṇāti //

Sutra: 10    ekadʰanāṃś connayanti //

Sutra: 11    pānnejanāṃś ca patnyo dvaudvau //

Sutra: 12    pratyetya cātvālasyopari maitrāvaruṇacamasaṃ vasatīvarīś ca sam̐sparśayati sam āpas \\ iti //

Sutra: 13    itaretarasmin vyānayanty eke //

Sutra: 14    maitrāvaruṇacamase pratʰamam //

Sutra: 15    hotr̥camase vasatīvarīḥ kr̥tvā yajamānāya prayacʰati nigrābʰyāḥ //

Sutra: 15    hotrā pr̥ṣṭaḥ pratyāha \\ uteva naṃnamur iti // *
      FN Weber numbers sūtra 15 twice.

Sutra: 16    pracaraṇīsam̐sravam agniṣṭome juhoty abʰāve caturgr̥hītam \\ yam agne \\ iti //

Sutra: 17    uktʰye pratʰamaṃ paridʰim ālabʰate //

Sutra: 18    praviśaty evānyatra //

Sutra: 19    rarāṭyālambʰanaṃ vā ṣoḍaśini //

Sutra: 20    cʰadir atirātre //

Sutra: 21    atītya dakṣiṇena hotāraṃ maitrāvaruṇacamasam ādʰavanīye 'vanayati vasatīvaritr̥tīyaṃ ca \\ agniḥ prātaḥsavane pātv asmān \ vaiśvānaro mahīnāṃ viśvaśambʰūḥ \ sa naḥ pāvako draviṇaṃ dadʰātu \\ āyuṣmantaḥ sahabʰakṣāḥ syāma \\ iti //

Sutra: 22    tāvac caikadʰanānām //

Sutra: 23    ekadʰanastʰāna ubʰayaśeṣaṃ nidʰāya //

Kandika: 4 
Sutra: 1    adʰiṣavaṇe paryupaviśanti //

Sutra: 2    uttarato 'dʰvaryuyajamānau //

Sutra: 3    pūrvo 'dʰvaryuḥ //

Sutra: 4    apareṇa parītyetare trayaḥ //

Sutra: 5     devasya tvā \\ ity adrim ādāya vācaṃ yacʰati prāg gʰiṅkārāt //

Sutra: 6    sa upām̐śusavanaḥ //

Sutra: 7    nigrābʰyāsu vācayaty urasy enā nigr̥hya nigrābʰyā stʰa \\ iti //

Sutra: 8    upām̐śusavane somaṃ mimīte \\ indrāya tvā vasumate rudravate \\ iti pañcakr̥tvaḥ pratimantram //

Sutra: 9     yat te \\ iti mitālambʰanam //

Sutra: 10    pratiprastʰātām̐śūn ṣaḍ ādatte //

Sutra: 11    aṅgulyantareṣu dvaudvau kurute //

Sutra: 12     śvātrā stʰa \\ ity āsiñcati nigrābʰyāḥ //

Sutra: 13    prahariṣyan dveṣyaṃ manasā dʰyāyet \\ amuṣmā ahaṃ praharāmi na tubʰyam̐ soma \\ iti //

Sutra: 14    abʰāve tr̥ṇam //

Sutra: 15     mā bʰer iti praharati //

Sutra: 16    evaṃ trir abʰiṣuṇoty āsecaṃ nigrābʰyāḥ //

Sutra: 17    aṣṭakr̥tva ekādaśakr̥tvo dvādaśakr̥tvaḥ //

Sutra: 18    sarve pañcavargāḥ paśukāmasya //

Sutra: 19    aṣṭavargā brahmavarcasakāmasya //

Sutra: 20    prativargaṃ nigrābʰaṃ vācayati hotr̥camase 'lpān am̐śūn avadʰāya prāg apāg iti //

Sutra: 21    adriṇā caturtʰam //

Sutra: 22    tūṣṇīṃ vā //

Sutra: 23    upām̐śu ca gr̥hṇāti vācaspataye \ devo devebʰyas \\ madʰumatīr iti //

Sutra: 24    pratiprastʰātopagr̥hṇāti pātram //

Sutra: 25    āttānāṃ ca dvaudvāv antardadʰāti grahaṇabʰedāt //

Sutra: 26    mantraliṅgāc ca //

Sutra: 27    ṣaḍ vā śrutisāmartʰyāt //

Sutra: 28     yat te \\ ity āttānt some nidadʰāti //

Sutra: 29    parimr̥jyāsādanam upām̐śvantaryāmayoḥ //

Sutra: 30    abʰicarant sādayed avisr̥jann amuṣya tvā prāṇam̐ sādayāmi \\ iti //

Sutra: 31     udānam ity antaryāmam //

Sutra: 32    pāṇinā cāpidadʰāti \\ amuṣya tvā prāṇam apidadʰāmi \\ iti //

Sutra: 33     udānam ity antaryāmam //

Sutra: 34     svāhā \\ ity uktvā \\ urv antarikṣam iti niṣkramaṇam //

Sutra: 35    anvārabʰate 'nyasmai pradāya hotr̥camasam //

Sutra: 36    varaṃ vr̥tvā dadāti ca //

Sutra: 37     svāṃkr̥tas \\ iti hutvā pātram unmārṣṭi //

Sutra: 38    pratʰame paridʰā uttānaṃ pāṇiṃ prāg upamārṣṭi devebʰyas tvā \\ iti //

Sutra: 39    vāsaurobāhuṣu śliṣṭam am̐śum abʰicaran juhuyād devām̐śo \\ iti //

Sutra: 40    āgrayaṇastʰālyām̐ śeṣaikadeśam āsicyām̐śuṃ prāsyati tr̥tīyasavanāya //

Sutra: 41     prāṇāya tvā \\ iti pātrasādanam //

Sutra: 42    upām̐śusavanaṃ pāṇinā pramr̥jyodañcam \\ vyānāya tvā \\ iti sam̐spr̥ṣṭam //

Sutra: 43    upaviṣṭayoḥ //

Kandika: 5 
Sutra: 1    abʰiṣuṇvanti catvāraḥ paryupaveśanasāmartʰyāt //

Sutra: 2    āpyāyanānto 'bʰiṣavas triparyāyaḥ //

Sutra: 3    matyā //

Sutra: 4    paryāyādiṣu nigrābʰyāsecanam //

Sutra: 5    pratʰame vā prabʰūtvāt //

Sutra: 6    nigrābʰānte sarasān am̐śūnt sambʰaraṇyādʰavanīye 'vadʰāyādʰūyāharati //

Sutra: 7    evaṃ dvir aparam //

Sutra: 8    pūrvavan nigrābʰyāḥ //

Sutra: 9    pūrve vopām̐śuṃ gr̥hītvāgr̥hītvāpyāyanasambʰaraṇe kr̥tatvāt //

Sutra: 10    dʰarmamātraṃ paryupaveśanam //

Sutra: 11    abʰiṣavaviparyāso vābʰimr̥ṣṭād am̐śūn apakr̥ṣya nigrābʰyāś cānupūrvyayogāt //

Sutra: 12    anāttasya cābʰimānasāmartʰyāt //

Sutra: 13    r̥jīṣabʰāvāc ca //

Sutra: 14    prohya droṇakalaśam r̥jīṣam ukʰeṣv adriṣu nidadʰaty udgātāraḥ //

Sutra: 15    pavitraṃ ca vitanvanty udak //

Sutra: 16    svayaṃ vākurvatsu //

Sutra: 17    ādʰavanīyād unnetā nigrābʰyāsv āsiñcati tāḥ pavitre yajamānas tato grahagrahaṇam ā dʰruvāt //

Sutra: 18    mādʰyandine ca pañca pratʰamān //

Sutra: 19    śukro droṇakalaśe //

Sutra: 20    tato 'nye 'nādeśe //

Sutra: 21    sāvitrapātnīvatahāriyojanopakṣīṇān āgrayaṇāt //

Sutra: 22    pūtabʰr̥taś camasān //

Sutra: 23    tr̥tīyasavane vaiśvadevam //

Sutra: 24    anādiṣṭāṃś ced onnayanaśruteḥ //

Sutra: 25    daśāpavitreṇa parimr̥jyaparimr̥jya \\ eṣa te yonir iti grahasādanam //

Sutra: 26    nāyonikeṣu //

Sutra: 27    sarveṣv iti vātsyo 'viśeṣopadeśāt //

Sutra: 28    sāvitrartugrahapratiṣedʰāc ca //

Sutra: 29    prativaṣaṭkāram̐ hutvā vaṣaṭkartur bʰakṣaharaṇam //

Sutra: 30    yatʰāsvaṃ camasān //

Sutra: 31    vaṣaṭkartur vā pūrvam̐ śrutisāmartʰyāt //

Sutra: 32    unnetonnayati samākʰyānāt //

Kandika: 6 
Sutra: 1    udite 'ntaryāmagrahaṇam upayāmagr̥hītas \\ iti //

Sutra: 2    upām̐śuvad anāmnātavaraśeṣāsecanavarjam //

Sutra: 3    apamārṣṭy atra //

Sutra: 4    pratʰame ca nyubjena pāṇinā pratyak //

Sutra: 5    upām̐śusavanasam̐spr̥ṣṭasya \\ udānāya tvā \\ iti pātrāsādanam //

Sutra: 6    aindravāyavaṃ gr̥hṇāti \\ ā vāyo \\ iti //

Sutra: 7    apagr̥hya punar indravāyū iti //

Sutra: 8    maitrāvaruṇam ayaṃ vām iti //

Sutra: 9    payasā śrīṇāty enaṃ kuśāv antardʰāya rāyā vayam iti //

Sutra: 10    evam̐ sarvatra śrayaṇeṣu //

Sutra: 11    śukraṃ bailvena vā taṃ pratnatʰā \\ iti //

Sutra: 12     ayaṃ venas \\ ity eke //

Sutra: 13    mantʰinam ayaṃ venas \\ iti //

Sutra: 14    saktubʰiḥ * śrīṇāty enam \\ mano na yeṣu \\ iti //
      FN emended. Ed.: suktubʰiḥ.

Sutra: 15    āgrayaṇaṃ dvayor dʰārayor ye devāsas \\ iti //

Sutra: 16    daśāpavitreṇāgrayaṇam upagr̥hya trir hiṅkr̥tya somaḥ pavate \\ iti sakr̥cʰeṣam * //
      FN sakr̥t and śeṣam.

Sutra: 17    pratʰamastʰānena prāg devatādeśāt //

Sutra: 18    prātaḥsavane coccaiḥkarmāṇi //

Sutra: 19    madʰyamena mādʰyandine //

Sutra: 20    uttamena tr̥tīyasavane //

Sutra: 21    uktʰyam upayāmagr̥hītas \\ iti //

Sutra: 22    dʰruvam \\ mūrdʰānaṃ divas \\ iti //

Sutra: 23    ā homād asya sunvan na mūtrapurīṣe kuryāt //

Sutra: 24    vaiśvānaraṃ ca jānan //

Sutra: 25    pūrṇānt stʰālīgrahān //

Sutra: 26    ardʰapūrṇaṃ droṇakalaśaṃ kr̥tvā sarvam āsiñcati sunvan //

Sutra: 27    adʰvaryupratiprastʰātr̥prastotrudgātr̥pratihartr̥sunvantaḥ samanvārabdʰā niṣkrāmanti //

Sutra: 28    adʰvaryuḥ pratʰamo yatʰāsaṃkʰyam itare //

Sutra: 29    hutvā vā samanvārabʰeran //

Sutra: 30     yas te \\ iti vipruṣām̐ homaṃ juhvati //

Sutra: 31    adʰvaryur vā //

Sutra: 32    veditr̥ṇe adʰvaryur ādatte //

Sutra: 33    prahvā udañco gacʰanti //

Sutra: 34    anyatarat tr̥ṇaṃ cātvāle prāsyati devānām iti //

Sutra: 35    udgātr̥̄ṇāṃ purastād itarat tūṣṇīm //

Sutra: 36    japatsu somaḥ pavate \\ iti pavamānopākaraṇaṃ prastotre tr̥ṇe prayacʰan //

Sutra: 37    sarveṣu //

Sutra: 38    atr̥ṇo vā //

Kandika: 7 
Sutra: 1    kuśamuṣṭiṃ vā //

Sutra: 2    pratyaṅmukʰā upaviśataḥ purastāt //

Sutra: 3    dakṣiṇo yajamānaḥ //

Sutra: 4    stūyamāna unnetādʰavanīyaṃ pavitram antardʰāya pūtabʰr̥ty āsiñcati //

Sutra: 5    stotrānte preṣyati \\ agnīd agnīn vihara \ barhi str̥ṇīhi \ puroḍāśā3m̐ alaṅkuru \ pratiprastʰātaḥ paśunehi \\ iti //

Sutra: 6    yatʰānyuptaṃ dʰiṣṇyeṣv āgnīdʰrād aṅgārān nivapati //

Sutra: 7    anu pr̥ṣṭʰyāṃ barhi str̥ṇāti //

Sutra: 8    āśvinaṃ gr̥hṇāty anvārabdʰe vā yā vām iti //

Sutra: 9    grahān avekṣayati yatʰāgr̥hītam avakāśān vācayan prāṇāya me \\ iti //

Sutra: 10    upām̐śusavanaṃ dvitīyam //

Sutra: 11    āśvinam̐ ṣaṣṭʰam //

Sutra: 12    śrukāmantʰinau yugapat //

Sutra: 13    pūtabʰr̥dādʰavanīyau ca viśvābʰyo me \\ iti //

Sutra: 14     ko 'si \\ iti droṇakalaśam //

Sutra: 15     bʰūr bʰuvaḥ svar iti japati //

Sutra: 16    jñātapriyānūcānān avakāśayet //

Kandika: 8 
Sutra: 1    dʰruvagopaṃ kr̥tvā parivyayaṇādi karoti raśanām uduhya pūrvām //

Sutra: 2    āgneyo 'gniṣṭome savanīyaḥ paśuḥ //

Sutra: 3    aindrāgnaścoktʰye dvitīyaḥ //

Sutra: 4    aindro vr̥ṣṇiḥ ṣoḍaśini tr̥tīyaḥ //

Sutra: 5    sarasvatyai caturtʰo 'tirātre //

Sutra: 6    meṣī vā //

Sutra: 7    etat stomāyanam //

Sutra: 8    hotr̥nāmagrahaṇāntaṃ kr̥tvetarāṃś cāśrāvyāśrāvya pravr̥ṇīte yatʰāliṅgam //

Sutra: 9    aśvinādʰvaryū ādʰvaryavāt //

Sutra: 10    mitrāvaruṇau praśāstārau prāśāstrāt //

Sutra: 11     indro brahmā brāhmaṇāt \\ iti brāhmaṇācʰam̐sinam //

Sutra: 12     marutaḥ potrāt //

Sutra: 13     gnāvo neṣṭrāt //

Sutra: 14     agnir āgnīdʰrāt //

Sutra: 15     agnir ha daivīnām iti yajamānam //

Sutra: 16    yatʰāpravr̥taṃ pravr̥tahomau juhvati juṣṭo vāce bʰūyāsam \\ juṣṭo vācaspataye \ devi vāg yat te vāco madʰumattamaṃ juṣṭatamaṃ tasmin mā dʰāḥ \ svāhā sarasvatyai \\ iti //

Sutra: 17     pāvakā nas \\ iti dvitīyām //

Sutra: 18    vapāmārjanāntaṃ kr̥tvā sayajamānā dʰiṣṇyān upatiṣṭʰante vibʰūr asi \\ iti pratimantram //

Sutra: 19    utkarāntaṃ kr̥tvā vāg asi \\ iti sado'bʰimarśanam //

Sutra: 20     r̥tasya dvārau \\ iti dvārye //

Sutra: 21    abʰimantraṇam uttaraiḥ //

Sutra: 22     adʰvanām adʰvapate \\ iti sūryam //

Sutra: 23     mitrasya mā \\ ity r̥tvijaḥ //

Sutra: 24     agnayaḥ sagarās \\ iti dʰiṣṇyān //

Sutra: 25    etat sarpaṇam //

Kandika: 9 
Sutra: 1    sado'bʰimarśanādi vottarayoḥ savanayoḥ //

Sutra: 2    puroḍāśaiś carati //

Sutra: 3    ekaṃ pradānam //

Sutra: 4    ekapātryām āsādya //

Sutra: 5    madʰye puroḍāśaḥ purastād dʰānāḥ pratidiśam itarāṇi yatʰāsaṃkʰyaṃ pradakṣiṇam //

Sutra: 6    prātaḥ prātaḥsavasyendrāya puroḍāśānām anuvācayati //

Sutra: 7    āśrāvyāha prātaḥ prātaḥsavasyendrāya puroḍāśān prastʰitān preṣya \\ iti //

Sutra: 8    evaṃ yatʰāsavanam anuvācanapraiṣau //

Sutra: 9    upabʰr̥ti cāvadyati //

Sutra: 10    paśupuroḍāśavad ubʰayam //

Sutra: 11    hutvā hotr̥dʰiṣṇye puroḍāśān nidadʰāti //

Sutra: 12    niravattāṃ veḍām //

Sutra: 13    dvidevatyaiś carati //

Sutra: 14    vāyava indravāyubʰyām anuvācayati //

Sutra: 15    pratiprastʰātādityapātreṇa droṇakalaśāt \\ upayāmagr̥hīto 'si \\ iti gr̥hītvāgr̥hītvā dvidevatyān anu juhoty uttarārdʰe //

Sutra: 16    anuvaṣaṭkr̥te 'pi //

Sutra: 17    āśrutapratyāśrutapraiṣāś ca samatvāt //

Sutra: 18    nānantaryāt //

Sutra: 19    syād avirodʰāt //

Sutra: 20    śeṣam̐śeṣam ādityastʰālyām āsiñcati \\ ādityebʰyas tvā \\ iti //

Sutra: 21    samāsicya tenāpidadʰāti viṣṇa urugāya \\ iti //

Sutra: 22    unnīyamānebʰyo 'nuvācayati //

Sutra: 23    camaseṣūnnayati navasv apareṇottaravediṃ nidʰāya //

Sutra: 24    śukrād upāstaraṇābʰigʰāraṇe //

Sutra: 25    hotr̥camase pratʰamam //

Kandika: 10 
Sutra: 1    śukrāmantʰibʰyāṃ carataḥ //

Sutra: 2    śukreṇādʰvaryur mantʰinā pratiprastʰātā //

Sutra: 3    prokṣitāprokṣitau yūpaśakalāv ādāya //

Sutra: 4    apidʰānaṃ prokṣitābʰyām //

Sutra: 5    apamārjanam aprokṣitābʰyām apamr̥ṣṭaḥ śaṇḍas \\ ity adʰvaryur apamr̥ṣṭo markas \\ iti pratiprastʰātā //

Sutra: 6     devās tvā \\ iti niṣkrāmato yatʰāliṅgam //

Sutra: 7    apareṇottaravedim aratnī saṃdʰāyottaravediśroṇyor nidʰatto 'visr̥jantau dakṣiṇasyām adʰvaryur uttarasyāṃ pratiprastʰātā \\ anādʰr̥ṣṭāsi \\ iti //

Sutra: 8     suvīras \\ iti dakṣiṇaṃ yūpadeśaṃ gacʰaty adʰvaryuḥ //

Sutra: 9     suprajās \\ iti pratiprastʰātottaram //

Sutra: 10    apareṇa yūpam aratnī saṃdʰattaḥ saṃjagmānas \\ iti yatʰāliṅgam //

Sutra: 11    pūrveṇāśaktau //

Sutra: 12    aprokṣitau nirasyatas \\ nirastaḥ śaṇḍas \\ ity adʰvaryur nirasto markas \\ iti pratiprastʰātā //

Sutra: 13    āhavanīye prokṣitau prāsyataḥ śukrasyādʰiṣṭʰānam ity adʰvaryur mantʰinas \\ iti pratiprastʰātā //

Sutra: 14     acʰinnasya \\ iti japitvāśrāvyāha prātaḥ prātaḥsavasya śukravato madʰuścuta indrāya somān prastʰitān preṣya \\ iti //

Kandika: 11 
Sutra: 1    ubʰayatoyūpaṃ pratyaṅmukʰau juhutaḥ sā pratʰamā \\ ity adʰvaryuḥ pratʰamaṃ tam anu pratiprastʰātā //

Sutra: 2    camasādʰvaryavaś ca //

Sutra: 3    preṣyati ca praitu hotuś camasaḥ pra brahmaṇaḥ prodgātr̥̄ṇāṃ pra yajamānasya \ pra yantu sadasyānām \\ hotrāṇāṃ camasādʰvaryava upāvartadʰvam \\ śukrasyābʰyunnayadʰvam iti //

Sutra: 4    āgamya pratiprastʰātā śeṣam̐ śukrapātre 'vanayati //

Sutra: 5    tam̐ sa hotr̥camase //

Sutra: 6    pañcasūnnayanti //

Sutra: 7    tān āśrāvyāśrāvya preṣyati nāmagrāham \\ yajayaja \\ iti praśāstrādīn //

Sutra: 8     brahman yaja \\ iti brāhmaṇācʰam̐sinam //

Sutra: 9    pratʰamam̐ hutvottamaṃ vā tr̥mpantu \\ iti japati //

Sutra: 10    hotāraṃ pratyaṅṅ upasīdati \\ ayāḍ agnīd iti //

Sutra: 11    dvidevatyān bʰakṣayati //

Sutra: 12    pūrvaḥ pratʰamacodanāt //

Sutra: 13    homābʰiṣavakārī bʰakṣayed iti śruteḥ //

Sutra: 14    hotā vā vacanamantravarṇakāraṇebʰyaḥ //

Sutra: 15    nādʰvaryuḥ samabʰivyāhārāt //

Sutra: 16    mantrāṇāṃ cāvidʰānāt //

Sutra: 17    kāraṇasya ca samatvāt //

Sutra: 18    aindravāyavaṃ pratigr̥hṇāti \\ aitu vasuḥ purūvasur iti //

Sutra: 19    hotr̥vad bʰakṣaṇam \\ vāg devī juṣāṇā somasya tr̥pyatu \ saha prāṇena svāhā \\ iti //

Sutra: 20    evam̐ sarvatra somānāṃ bʰakṣaṇam //

Sutra: 21    vacanād anyat //

Sutra: 22     bʰakṣe hi mā \\ iti vā yatʰāliṅgam //

Sutra: 23    evam itarau pratimantram aitu vasur vidadvasur \ aitu vasuḥ saṃyadvasur iti //

Sutra: 24    śeṣam̐śeṣam̐ hotr̥camase 'vanayati //

Sutra: 25    puroḍāśamātrām aindravāyave prāsyati //

Sutra: 26    payasyāṃ maitrāvaruṇe //

Sutra: 27    āśvine dʰānāḥ //

Sutra: 28    tāni pratiprastʰātā dakṣiṇasya havirdʰānasyottare vartmani nidadʰāti //

Sutra: 29    iḍām ādadʰāti //

Sutra: 30    camasāṃś codyacʰanti //

Kandika: 12 
Sutra: 1    mārjite vājinena caranti sūktavākaśamyorvākayor anyārtʰatvāt //

Sutra: 2    yatʰoktaṃ vāprasaṅgāt //

Sutra: 3    hotr̥camasena somaṃ bʰakṣayataḥ //

Sutra: 4     hinva me gātrāṇi harivaḥ \ śivo me saptar̥ṣīn upatiṣṭʰasva \\ ūrdʰvaṃ me nābʰeḥ sīda \ mā me 'vāṅ nābʰim atigās \\ iti gātrāṇi sam̐spr̥śante //

Sutra: 5     āpyāyasva \\ iti dvābʰyāṃ camasān ālabʰante //

Sutra: 6    somaṃ vāsiñcanti mantreṇāsambʰavāt //

Sutra: 7    asarvabʰakṣāṃs tān dakṣiṇasya havirdʰānasya paścādakṣaṃ nidadʰati camasān adʰaḥ //

Sutra: 8    te nārāśam̐sā ā vaiśvadevāt //

Sutra: 9    puroḍāśaśakalam ādāya samupahūtāḥ smas \\ ity uktvottiṣṭʰati //

Sutra: 10    acʰāvākāyainat prayacʰann āha \\ acʰavāka vadasva yat te vādyam iti //

Sutra: 11     upo asmān iti bruvati hotāram āha \\ upahavam ayaṃ brāhmaṇa icʰate \ tam̐ hotar upahvayasva \\ iti //

Sutra: 12    upahūta unnīyamānāyānuvācayati //

Sutra: 13    acʰāvākacamasam unnayati //

Sutra: 14    hotrācamasavat sarvam ā nidʰānāt kr̥tvā //

Sutra: 15    pūrvaś cāgnīdʰrād ataḥ //

Sutra: 16    āgnīdʰre haviryajñartvija iḍāṃ prāśnanti //

Sutra: 17    patnī cānyacʰālāyām * //
      FN anyat and śālāyām.

Sutra: 18    upaviṣṭe 'cʰāvāke //

Kandika: 13 
Sutra: 1    r̥tugrahaiś carataḥ //

Sutra: 2    droṇakalaśāt \\ upayāmagr̥hīto 'si madʰave tvā \\ iti dvādaśa pratimantram //

Sutra: 3    adʰvaryoḥ pūrvaḥpūrvo mantraḥ //

Sutra: 4    uttarauttaraḥ pratiprastʰātuḥ //

Sutra: 5    yugapat pratʰamau gr̥hṇītaḥ //

Sutra: 6    uttamau ca //

Sutra: 7    vyatyāsaṃ madʰye //

Sutra: 8    pracaraṇaṃ ca sarveṣām //

Sutra: 9    niṣkrāmatyekaḥ praviśatītaraḥ //

Sutra: 10    uttarauttaraḥ pratiprastʰātāparakālatvāt //

Sutra: 11    ubʰyato 'dʰvaryuṃ pātreṇa paripragr̥hṇāti //

Sutra: 12    sarvahutāḥ prāguttamābʰyām //

Sutra: 13     r̥tunā \\ iti ṣaṭ preṣyataḥ //

Sutra: 14     r̥tubʰir iti caturaḥ pātramukʰe viparyasya //

Sutra: 15    ṣaḍvaduttamau //

Sutra: 16    yajamānaḥ preṣitas \\ hotar etad yaja \\ iti brūyāt //

Sutra: 17    adʰvaryū ca //

Sutra: 18    trayodaśaṃ gr̥hṇīyād icʰann upayāmagr̥hīto 'sy am̐hasaspataye tvā \\ iti //

Sutra: 19    pratiprastʰātāram anu juhoti //

Sutra: 20    anyatarasmiñ cʰeṣau kr̥tvā vaśinaindrāgnaṃ gr̥hṇāti pratiprastʰātā \\ indrāgnī iti //

Sutra: 21    āharati bʰakṣam̐ hotr̥potr̥neṣṭragnīdbrāhmaṇācʰam̐sipraśāstr̥bʰyaḥ //

Sutra: 22    viparyasya pātram̐ hotr̥potr̥neṣṭracʰāvākānām //

Sutra: 23    yāvaduktam̐ hotur yajamānayogād varaṇavat //

Sutra: 24    kāraṇād vā hotr̥bʰakṣaḥ //

Sutra: 25    aprāpter varaṇam //

Sutra: 26    viparyasya pātram̐ hotur dvir bʰakṣaṇam //

Sutra: 27    tāvad vā sarvahutatvāt pūrveṣām //

Sutra: 28    nirhr̥tya pātram̐ hotuḥ purastāt prāṅ āste //

Sutra: 29    abʰihutaḥ śom̐sāva \\ ity āvr̥ty *< otʰā modaiva \\ iti pratigr̥ṇāti praṇavāvasānayoḥ //
      FN āvr̥tya

Sutra: 30     om iti vā //

Sutra: 31    śastrānte nityam //

Sutra: 32    vāganto vā pūrvaḥ //

Sutra: 33    aindrāgnam ādāyāśrāvyāha \\ uktʰaśā yaja somasya \\ iti //

Sutra: 34    eṣa praiṣaḥ saśastrāṇām //

Sutra: 35    nārāśam̐sānāṃ ca kampanam̐ hūyamāne //

Sutra: 36    anihiteṣu ced dʰomaḥ saśastrasya //

Sutra: 37    bʰakṣaprabʰr̥ty ā nidʰānāt kr̥tvā //

Kandika: 14 
Sutra: 1    vaiśvadevaṃ gr̥hṇāti śukrapātreṇa droṇakalaśād anvārabdʰe vā \\ omāsas \\ iti //

Sutra: 2    śukraṃ pūtabʰr̥ty āsicya droṇakalaśapavitrayojanam //

Sutra: 3    paśupuroḍāśapratʰamānt savanīyān nirvapati payasyāvarjam //

Sutra: 4    stotram upākaroti tr̥ṇābʰyāṃ graham upaspr̥śya \\ upāvartadʰvam iti //

Sutra: 5    evaṃ dʰuryeṣu sarvatra //

Sutra: 6    sarvabʰakṣāś camasāḥ //

Sutra: 7    mārjālīye pātraprakṣālanam //

Sutra: 8    uktʰyaṃ vigr̥hṇāti traidʰam \\ devebʰyas tvā \\ iti sarvebʰyaḥ //

Sutra: 9     mitrāvaruṇābʰyāṃ tvā \\ iti vā praśāstre //

Sutra: 10    tūṣṇīm̐ sādanam //

Sutra: 11    stotram upākaroti //

Sutra: 12     uktʰaśā yaja somānām iti praiṣo 'nārāśam̐seṣu //

Sutra: 13    yasya vigrahas tasya pratʰamaṃ camasam unnayati //

Sutra: 14    grahaśeṣaṃ cāsminn āsiñcati //

Sutra: 15    evaṃ pratiprastʰātottarābʰyām indrāya tvā \\ iti brāhmaṇācʰam̐sine \\ indrāgnibʰyāṃ tvā \\ ity acʰāvākāya //

Sutra: 16    prāg acʰāvākavigrahāt somopāvaharaṇam //

Sutra: 17    vasatīvaryardʰaṃ cāsiñcaty ādʰavanīye viśve devā maruta indro asmān \ asmin dvitīye savane na jahyuḥ \ āyuṣmantaḥ priyam eṣāṃ vadantas \\ vayaṃ devānām̐ sumatau syāma \\ iti //

Sutra: 18    ekadʰanārdʰaṃ ca //

Sutra: 19    carite sarvaiḥ praśāstaḥ prasūhi \\ iti brūyāt //

Sutra: 20    prasūtānām̐ sarpaṇam //

Next part


This text is part of the TITUS edition of Black Yajur-Veda: Katyayana-Srautasutra.

Copyright TITUS Project, Frankfurt a/M, 11.4.2018. No parts of this document may be republished in any form without prior permission by the copyright holder.