TITUS
Black Yajur-Veda: Katyayana-Srautasutra
Part No. 16
Previous part

Adhyaya: 16 
Kandika: 1 
Sutra: 1    agniḥ somāṅgaṃ tadguṇavyatiṣaṅgāt //

Sutra: 2    icʰataḥ samahāvrate niyamaḥ //

Sutra: 3    na pratʰamāhāre //

Sutra: 4    uttaravedyagninidʰānāt //

Sutra: 5    cikīṣamāṇa uttarasyāṃ pʰālgunyāṃ paurṇamāseneṣṭvā pañca paśūn ālabʰate 'dakṣiṇān //

Sutra: 6    brahmaṇe vā dadyāt //

Sutra: 7    amāvāsyāyām eke //

Sutra: 8    agnibʰyaḥ kāmāya puruṣāśvago'vyajān //

Sutra: 9    varṣiṣṭʰaraśanaḥ puruṣo 'nupūrvyā itareṣām //

Sutra: 10    sarveṣāṃ vā tulyāḥ //

Sutra: 11    samidʰyamānasamiddʰavaty antare samās tvāgne \\ iti nava dadʰāti //

Sutra: 12    āpriyo dvādaśa \\ ūrdʰvā asya \\ iti //

Sutra: 13    ekādaśānte śāsapraiṣādi karoti //

Sutra: 14    parivr̥te puruṣasaṃjñapanam //

Sutra: 15    ajasya śundʰati pracaraṇayogāt //

Sutra: 16    sarveṣāṃ vāviśeṣāt //

Sutra: 17    vaiśyaḥ puruṣo rājanyo vā //

Sutra: 18    kaṇṭʰeṣu tr̥ṇam antardʰāya śirām̐sy ādatte //

Sutra: 19    caturṇām apsu kāyaprāsanam //

Sutra: 20    tato mr̥diṣṭakārtʰāpaś ca //

Sutra: 21    ajena carati //

Sutra: 22    sam̐stʰite tasya śeṣaprāsanam //

Sutra: 23    sarvair eke //

Sutra: 24    ekasyāpi kiṃ tataḥ sambʰared iti śruteḥ //

Sutra: 25    vaiśvānaraḥ paśupuroḍāśa upām̐śu //

Sutra: 26    paśudevatā ca //

Sutra: 27    āgneyyo yājyānuvākyāḥ kāmavatyaḥ //

Sutra: 28    maitʰunaṃ varjayed ā payasyāyāḥ //

Sutra: 29    mām̐soparyāsane cecʰan //

Sutra: 30    tvaṅmastiṣkoddʰr̥tāni gʰr̥tāktāni śirām̐si nidadʰāti //

Sutra: 31    sakalāni vā //

Sutra: 32    anyāni vā hiraṇmayāni vā mr̥nmayāni vānālabʰyaitān //

Sutra: 33    śyāmatūparo vā prājāpatyaḥ //

Sutra: 34    ṣaḍ dadʰyāt //

Sutra: 35     hiraṇyagarbʰas \\ ity r̥cā sruvāgʰāraḥ //

Sutra: 36    pūrvo devatāsāmānyāt //

Sutra: 37    uttare tu sāmānyopadeśābʰyām //

Sutra: 38    vāyave vā niyutvate śvetalapsudī dve dadʰyāt //

Sutra: 39    prājāpatyaḥ paśupuroḍāśo dvādaśakapāla ubʰayoḥ //

Sutra: 40    kadvatyo yājyānuvākyāḥ prājāpatyasya //

Sutra: 41    śuklavatyo vāyavyasya //

Sutra: 42    vapāyā vā //

Sutra: 43    tulyam anyat sarveṣu //

Kandika: 2 
Sutra: 1    ukʰāsambʰaraṇam aṣṭamyām //

Sutra: 2    āhavanīyasya purastān matyā caturaśre śvabʰre mr̥tpiṇḍam avadadʰāti bʰūmisamam //

Sutra: 3    piṇḍam apareṇa vyadʰve valmīkavapāṃ cʰidrāṃ nidadʰāti //

Sutra: 4    āhavanīyaṃ dakṣiṇena trivr̥nmuñjapañcāṅgībaddʰās tiṣṭʰanti prāñco 'śvagardabʰājāḥ pūrvāparā rāsabʰo madʰye 'śvapūrvāḥ //

Sutra: 5    uttarata āhavanīyasyāratnimātra ubʰayatastīkṣṇā vaiṇavī suṣirābʰriḥ kalmāṣyabʰāve 'kalmāṣī prādeśamātry aratnimātrī vā //

Sutra: 6    hiraṇmayīm eke //

Sutra: 7    aṣṭagr̥hītaṃ juhoti saṃtatam udgr̥hṇan yuñjānas \\ iti //

Sutra: 8     devasya tvā \\ ity abʰrim ādāya hasta ādʰāya \\ ity enām abʰimantrayate //

Sutra: 9    aśvaprabʰr̥tīṃś ca pratyr̥cam \\ pratūrtam \\ yuñjātʰām \\ yogeyoge \\ iti //

Sutra: 10    anupaspr̥śann utkramayaty enān prācaḥ pratimantram \\ pratūrvan \\ urv antarikṣam \\ pr̥tʰivyāḥ sadʰastʰād iti //

Sutra: 11    agniṣu jvalatsu piṇḍaṃ gacʰanti \\ agniṃ purīṣyam iti //

Sutra: 12    dakṣiṇataśca paśavo yugapat //

Sutra: 13    anaddʰāpuruṣam īkṣate devapitr̥manuṣyān artʰakam agniṃ purīṣyam iti //

Sutra: 14    valmīkavapām ādāya cʰidreṇa piṇḍam īkṣate \\ anv agnir iti //

Sutra: 15    dr̥ṣṭvā nidadʰāty enām //

Sutra: 16     āgatya \\ ity * abʰimantrayate 'śvam //
      FN emended. Ed.: āgety.

Sutra: 17     ākramya \\ ity enena piṇḍam adʰiṣṭʰāpayati //

Sutra: 18     dyaus te \\ iti pr̥ṣṭʰasyopari pāṇiṃ dʰārayann anupaspr̥śann utkrāma \\ ity utkramayati //

Sutra: 19     udakramīt \\ ity abʰimantrayate //

Sutra: 20    āhavanīyavat stʰāpayati piṇḍasya //

Sutra: 21    upaviśya mr̥dam abʰijuhoti \\ ā tvā jigʰarmi \\ iti vyatiṣaktābʰyām r̥gbʰyām āhutī sruveṇāśvapade //

Sutra: 22    abʰryā piṇḍaṃ triḥ parilikʰati pari vājapatir iti bahirbahir uttarayottarayābʰryā piṇḍaṃ kʰanati devasya tvā \\ iti //

Sutra: 23    kr̥ṣṇājinam āstīryottaratas tasmin puṣkaraparṇam apāṃ pr̥ṣṭʰam iti //

Sutra: 24    vimārṣṭy enad divas \\ iti //

Sutra: 25    ālabʰata ubʰe śarma ca stʰas \\ iti //

Sutra: 26    piṇḍam \\ purīṣyo 'si \\ iti //

Sutra: 27    pāṇibʰyāṃ parigr̥hṇāty enaṃ dakṣiṇottarābʰyāṃ dakṣiṇaḥ sābʰris tvām agne \\ iti ṣaḍbʰiḥ sarvam̐ sakr̥d dʰr̥tvā //

Kandika: 3 
Sutra: 1    puṣkaraparṇe nidadʰāti //

Sutra: 2    apaḥ śvabʰre 'vanayati \\ apo devīr iti //

Sutra: 3     saṃ te \\ iti vā tam apakṣipati //

Sutra: 4    anāmikayā saṃvapati purastāt paścād dakṣiṇata uttarataś ca //

Sutra: 5    āstīrṇayor antān udgr̥hṇāti sujātas \\ iti //

Sutra: 6    trivr̥tā muñjayoktreṇopanahyati vāso agne \\ iti //

Sutra: 7    uttiṣṭʰati piṇḍam ādāya \\ ud u tiṣṭʰa \\ iti //

Sutra: 8    ūrdʰvabāhuḥ prāñcaṃ pragr̥hṇāti \\ ūrdʰva ū ṣu ṇas \\ iti //

Sutra: 9    avahr̥tyoparinābʰi dʰārayann aśvaprabʰr̥tīn abʰimantrayate sa jāta * \ stʰiro bʰava \ śivo bʰava \\ iti //
      FN < jātaḥ

Sutra: 10    dʰārayaty eṣām upari piṇḍama nupaspr̥śan praitu vājī \ vr̥ṣāgnim ity aśvakʰarayoḥ //

Sutra: 11     agna āyāhi \\ ity āhr̥tya kʰarāc cʰāgasya \\ r̥tam̐ satyam ity ā nidʰānāt //

Sutra: 12    āyanty āvartya paśūn ajaḥ purastād rāsabʰo madʰye //

Sutra: 13    anaddʰāpuruṣam īkṣate pūrvavad agniṃ purīṣyam iti //

Sutra: 14    uttarata āhavanīyasyoddʰatāvokṣite sikatopakīrṇe parivr̥te prāgdvāre piṇḍaṃ nidadʰāti \\ oṣadʰayas \\ iti //

Sutra: 15     vi pājasā \\ iti pramucyainam ajalomāny ādāya prāgudīcaḥ paśūn utsr̥jati //

Sutra: 16     āpo hi ṣṭʰā \\ iti parṇakaṣāyapakvam udakam āsiñcati piṇḍe //

Sutra: 17    pʰenaṃ ca tūṣṇīṃ tataḥ kr̥tvā //

Sutra: 18    ajalomabʰiḥ sam̐sr̥jati mitraḥ sam̐sr̥jya \\ iti //

Sutra: 19    śarkarāyorasāśmacūrṇaiś ca rudrāḥ sam̐sr̥jya \\ iti //

Sutra: 20     sam̐sr̥ṣṭām iti saṃyauti //

Sutra: 21    aṣāḍʰāṃ karoti mahiṣī pratʰamavittā tadākʰyā //

Sutra: 22    yajamānapādamātrīṃ tryālikʰitām //

Sutra: 23    yajamāna ukʰāṃ karoti mr̥dam ādāya makʰasya śiras \\ iti //

Sutra: 24    prādeśamātrīṃ tiryagūrdʰvāṃ ca //

Sutra: 25    pañcaprādeśām iṣumātrīṃ vā tiryakpañcapaśau //

Sutra: 26     vasavas tvā \\ iti pratʰayati //

Sutra: 27    antān unnīya sarvataḥ pratʰamaṃ dʰātum ādadʰāti rudrās tvā \\ iti //

Sutra: 28    saṃlipya ślakṣṇāṃ kr̥tvottaram ādityās tvā \\ iti //

Sutra: 29     viśve tvā \\ iti samīkaroti //

Sutra: 30    vitr̥tīya uttare vartim̐ sarvataḥ karoti \\ adityai rāsnā \\ iti //

Sutra: 31    ūrdʰvās tūṣṇīṃ pratidiśaṃ catasro 'parā vartiṃ prāptāḥ //

Kandika: 4 
Sutra: 1    stanān ivāgreṣūnnayati //

Sutra: 2    dvistanām aṣṭastanām eke //

Sutra: 3    bilaṃ gr̥hṇāti \\ aditiṣ ṭe \\ iti //

Sutra: 4     kr̥tvāya \\ iti nidadʰāti //

Sutra: 5    tisra eke //

Sutra: 6    iṣṭakās tu tisro viśvajyotiṣaḥ pr̥tʰaglakṣaṇās tryālikʰitāḥ //

Sutra: 7    mr̥dam upaśayāṃ nidadʰāti //

Sutra: 8    saptabʰir aśvaśakr̥dbʰir ukʰāṃ dʰūpayati dakṣiṇāgnyādīptair ekaikena vasavas tvā \\ iti pratimantram //

Sutra: 9    abʰryā śvabʰraṃ caturaśraṃ kʰanati \\ aditiṣ ṭvā \\ iti //

Sutra: 10    śrapaṇam āstīrya yatʰākr̥tam avadadʰāti //

Sutra: 11     devānāṃ tvā \\ ity ukʰāṃ nyubjām //

Sutra: 12    śrapaṇenāvacʰādya dakṣiṇāgnyagninādīpayati dʰiṣaṇas tvā \\ iti //

Sutra: 13    nirmantʰyena vā dʰūpanaśrapaṇe //

Sutra: 14     varūtrīṣ ṭvā \\ itīkṣamāṇo japati //

Sutra: 15    ācarati mitrasya \\ iti //

Sutra: 16    yāvad dʰācaret //

Sutra: 17    divaiva pradahanoddʰaraṇe //

Sutra: 18    udvapati śrapaṇam //

Sutra: 19     devas tvā \\ ity ukʰām //

Sutra: 20    uttānāṃ karoti \\ avyatʰamānā \\ iti //

Sutra: 21    udyacʰati \\ uttʰāya \\ iti //

Sutra: 22    parigr̥hya pātre karoti mitraitāṃ te \\ iti //

Sutra: 23    ajāpayasāvasiñcati vasavas tvā \\ iti pratimantram //

Sutra: 24    iṣṭakākriyātas tryālikʰitānām //

Sutra: 25    aparimitālikʰitā vottarayoḥ //

Sutra: 26    pūrvavad agniḥ pāke //

Sutra: 27    dīkṣāmāvāsyāyām āmāvāsyeneṣṭvā //

Sutra: 28    āgnāvaiṣṇavavaiśvānarau //

Sutra: 29    gʰr̥te carur ādityebʰyaḥ //

Sutra: 30    prākr̥tāny audgrabʰaṇāni hutvā saptāgnikāni \\ ākūtim iti pratimantram //

Sutra: 31    daṇḍocʰrayaṇāntaṃ kr̥tvādʰvaryuyajamānayor anyatara ukʰām āhavanīye 'dʰiśrayati muñjakulāyāvastīrṇām antare śaṇās \\ mā su bʰittʰās \\ iti tiṣṭʰann udaṅ prāṅ //

Sutra: 32    rukmapratimocanaviṣṇukramavātsapreṣu ca //

Sutra: 33    agnāv ārūḍʰe trayodaśāsyāṃ prādeśamātrīḥ samidʰa ādadʰāti //

Sutra: 34    anārohaty aṅgārān opyaike //

Sutra: 35    gʰr̥tonnāṃ kārmukīm \\ drvannas \\ iti //

Sutra: 36    vaikaṅkatīm \\ parasyās \\ iti //

Sutra: 37    audumbarīm \\ paramasyās \\ iti //

Sutra: 38    aparaśuvr̥kṇām \\ yad agne \\ iti //

Sutra: 39    adʰaḥśayām \\ yad atti \\ iti //

Sutra: 40    pālāśīḥ pratyr̥cam aharahar iti //

Sutra: 41    upottamāṃ kṣatriyasyecʰan //

Sutra: 42    uttamāṃ purohitasya //

Sutra: 43    anyasyobʰe //

Sutra: 44    svāhākāraḥ sarvāsūkʰāyām //

Sutra: 45    audgrabʰaṇādi daṇḍāntam atraike //

Kandika: 5 
Sutra: 1    yajamānaḥ kaṇṭʰe rukmaṃ pratimuñcate parimaṇḍalam ekavim̐śatipiṇḍaṃ kr̥ṣṇājinaniṣyūtaṃ lomasu śuklakr̥ṣṇeṣu śaṇasūtre trivr̥ty otam uparinābʰi bahiṣpiṇḍam \\ dr̥śāno rukmas \\ iti //

Sutra: 2    iṇḍvaśikyāsandīṣu muñjarajjavas trivr̥to mr̥ddigdʰāḥ //

Sutra: 3    parimaṇḍalābʰyām iṇḍvābʰyām ukʰāṃ parigr̥hṇāti naktoṣasā \\ iti //

Sutra: 4    harati dyāvākṣāmā \\ iti //

Sutra: 5    āhavanīyasya purastād udgātrāsandīvad āsandyāṃ caturaśrāṅgyām̐ śikyavatyāṃ nidadʰāti devā agnim iti //

Sutra: 6    śikyapāśaṃ pratimuñcate ṣaḍudyāmam \\ viśvā rūpāṇi \\ iti //

Sutra: 7    saśikyaṃm prāñcaṃ pragr̥hṇāti suparṇo 'si \\ iti piṇḍavat //

Sutra: 8    dʰāraṇaṃ ca //

Sutra: 9    etayā vikr̥tyābʰimantryaike 'nyacitiṃ cinvanti droṇacidratʰacakracitkaṅkacitpraugacidubʰayataḥpraugaḥ samuhyapurīṣaḥ //

Sutra: 10    samuhyapurīṣe pratidiśaṃ purīṣāharaṇam //

Sutra: 11    viṣṇukramān kramate viṣṇor iti pratimantram agnyudgrabʰaṇaṃ ca tasmiṃstasmin //

Sutra: 12    akramaś caturtʰe //

Sutra: 13    diśo vīkṣate diśo 'nuvikramasva \\ iti //

Sutra: 14    piṇḍavat prāgudañcaṃ pragr̥hṇāti \\ akrandad agnir iti //

Sutra: 15    avaharati \\ agne 'bʰyāvartin \\ iti //

Sutra: 16    uparinābʰi dʰārayan \\ ā tvāhārṣam ity abʰimantrayate //

Sutra: 17    pāśā unmucya \\ ud uttamam iti piṇḍavat prāgdakṣiṇā pragr̥hṇāti \\ agre brhan \\ iti //

Sutra: 18    avaharati ham̐saḥ śuciṣad iti //

Sutra: 19    āsandyāṃ karoti br̥hat \\ iti //

Sutra: 20    upatiṣṭʰate sīda tvam iti //

Sutra: 21    vātsapreṇa ca divas pari \\ ity ekādaśabʰiḥ //

Sutra: 22    anuvākenaike //

Sutra: 23    atra * dīkṣito 'yam iti //
      FN addition to VC.

Sutra: 24    āvr̥ttir ataḥ saṃvatsaram //

Kandika: 6 
Sutra: 1    ukʰāyā bʰasmodvapanam astamite pātre //

Sutra: 2    vācaṃ visr̥jya samidādʰānam \\ rātrīm̐rātrīm aprayāvam iti //

Sutra: 3    evam udite bʰasmodvapanādi //

Sutra: 4     aharahar ity ādʰānam //

Sutra: 5    viṣṇukramavātsapre cāharvyatyāsam udite samidʰam ādʰāya //

Sutra: 6    rukmapratimocanādi prāg vātsaprād viṣṇukramāḥ //

Sutra: 7    somāvirodʰena vā tatprādʰānyāt //

Sutra: 8    nyajya samidʰaṃ vrate prattepratte \\ annapate \\ ity ādʰānam //

Sutra: 9    saṃvatsarabʰr̥tino 'saṃvatsarabʰr̥te 'pi //

Sutra: 10    saṃvatsaram̐ soṣyataḥ //

Sutra: 11    saṃvatsarāhitāgneḥ //

Sutra: 12    jātasya ca //

Sutra: 13    ṣaṇmāsyam antyam //

Sutra: 14    acayanaṃ vā parasmai //

Sutra: 15    prāg anaḥ kr̥tvokʰyasyottarataḥ samidādʰānam \\ samidʰāgnim iti //

Sutra: 16    sāsandīkam udyamya \\ ud u tvā \\ iti dakṣiṇato 'nasi karoti //

Sutra: 17    stʰālyāṃ gārhapatyaṃ paścāt //

Sutra: 18    anaḍvāhau yuktvā pred agne \\ iti prāṅ yātvā yatʰārtʰam //

Sutra: 19    ārohet pārśvato vā gacʰet //

Sutra: 20    akṣe kʰarjati \\ akrandad agnir iti japati //

Sutra: 21    vāse 'vaharaty uddʰatāvokṣita uttarataḥ samidādʰānam \\ prapra \\ iti //

Sutra: 22    vanīvāhanam etad dīkṣāsu yadecʰet //

Sutra: 23    apsūkʰyabʰasmāvapanaṃ krayaṇīyādau //

Sutra: 24    anyatra cecʰan //

Sutra: 25    ūrdʰvaṃ vanīvāhanāt kramayogāt //

Sutra: 26    palāśapuṭena \\ āpo devīr ity ekayā //

Sutra: 27    tato dvābʰyām //

Sutra: 28    ādyābʰyāṃ vā pūrvam //

Sutra: 29    anāmikayā prāstād ādatte prasadya \\ iti //

Sutra: 30    prāsyokʰāyām upatiṣṭʰate bodʰā me \\ iti //

Sutra: 31    prāyaścittim̐ samidʰopahatya //

Kandika: 7 
Sutra: 1    ājyam \\ viśvakarmaṇe \\ iti juhoti //

Sutra: 2    uttʰāyādadʰāti samidʰam \\ punas tvā \\ iti //

Sutra: 3    gārhapatye 'nugate nirmatʰya //

Sutra: 4    sutyāsvāhanīye sāṃkāśinena hr̥tvā //

Sutra: 5    āgnīdʰrīyam uttareṇa sadaḥ //

Sutra: 6    pravr̥ñjyād āvr̥tokʰye //

Sutra: 7    adʰvaraprāyaścittiṃ ca sarveṣu yatʰākālaṃ pūrvāṃpūrvām //

Sutra: 8    ukʰābʰedane navastʰālyāṃ mahāmukʰyām ukʰākapālam avadʰāyāvapati //

Sutra: 9    ukʰopaśaye piṣṭvā mr̥dā sahokʰāṃ karoty āvr̥tā //

Sutra: 10    pakvāyām āvapati kapālaṃ ca //

Sutra: 11    ukʰopaśaye piṣṭvā sam̐sr̥jya nidadʰāti //

Sutra: 12    abʰyātmaṃ cayanam upaviśya //

Sutra: 13    savyabāhum antaraṃ kr̥tvottaralakṣaṇābʰir iṣṭakābʰiḥ //

Sutra: 14    nitye sādanasūdadohasā upadʰānād uttare tayā devatayā \ tā asya \\ iti //

Sutra: 15    aviśeṣopadeśāt //

Sutra: 16    anāmnātapratiṣedʰāc ca //

Sutra: 17    ekacodanāsv ekadeśāsu tantreṇa //

Sutra: 18    ātmani yajuṣmatīḥ //

Sutra: 19    lokampr̥ṇāsu daśasudaśasu mantras \\ lokaṃ pr̥ṇa \\ iti //

Sutra: 20    asādanaṃ ca //

Sutra: 21    praticiti dvedve upadʰāya //

Sutra: 22    ayugmagaṇam adʰyamānūke //

Sutra: 23    ekā ca //

Sutra: 24    abʰito yugmāḥ //

Sutra: 25    udañco vargāḥ pūrvāpare //

Sutra: 26    prāñco dakṣiṇottare //

Sutra: 27    bʰinnakr̥ṣṇayor acayanam //

Sutra: 28    dīkṣāṇām uttame 'hani vedyagnimānam //

Sutra: 29    ukʰyastʰāne 'rdʰavyāmena gārhapatyasya parilikʰati //

Sutra: 30    maṇḍalād vā prakramaṇam antaḥpātyasya //

Sutra: 31    paścād yūpāvaṭyāt pādamātre cityasya //

Sutra: 32    yajamānenordʰvabāhuprapadocʰritena samastʰitena vā //

Kandika: 8 
Sutra: 1    dvipuruṣām̐ rajjuṃ mitvā //

Sutra: 2    ubʰayataḥpāśām //

Sutra: 3    madʰye lakṣaṇam //

Sutra: 4    abʰito 'rdʰapuruṣayoś ca //

Sutra: 5    madʰyamāt puruṣapañcame //

Sutra: 6    ardʰe ca //

Sutra: 7    anupr̥ṣṭʰyām āyamya pāśayoḥ śaṅkū madʰye 'rdʰapuruṣayoś ca //

Sutra: 8    pāśā unmucyārdʰapuruṣīyayoḥ pratimucya dakṣiṇāyamya madʰyame nitodaṃ karoti //

Sutra: 9    unmucya pāśāv ekaṃ madʰyame pratimucya dakṣṇādʰinitodam āyamya madʰyame śaṅkuḥ //

Sutra: 10    tasmin pāśaṃ pratimucya pūrvārdʰe ca dakṣiṇāyamya madʰyame śaṅkuḥ //

Sutra: 11    paścād ardʰapuruṣe ca //

Sutra: 12    unmucya pūrvārdʰyāt paścārdʰe pratimucya dakṣiṇāyamya madʰyame śaṅkuḥ //

Sutra: 13    abʰito 'rdʰapuruṣayoś ca //

Sutra: 14    evam uttaro 'ntaḥ //

Sutra: 15    dakṣiṇe pārśve pūrvavad āyamya pañcamabʰāgīye śaṅkuḥ //

Sutra: 16    tamin pāśaṃ pratimucya pūrve cārdʰapuruṣīye pañcamabʰāgīyārdʰapuruṣīyayoḥ saṃnipātya tasmiñ cʰaṅkuḥ //

Sutra: 17    evaṃ paścāt //

Sutra: 18    evam uttaraḥ pakṣaḥ //

Sutra: 19    tatʰā pucʰaṃ vitastyā //

Sutra: 20    icʰan pakṣapucʰāpyayeṣu caturaṅgulaṃcaturaṅgulam̐ saṃkarṣati vikarṣaty ante //

Sutra: 21    pañcārtniḥ puruṣo daśapado dvādaśāṅgulaṃ padaṃ prakramas tripadaḥ samavibʰaktasya //

Sutra: 22    paritatya rajjvā sahitaṃ bahīrajjvekaṣaṣṭe śate pariśrito minoti //

Sutra: 23    caturṇavatāni vā trīṇi //

Sutra: 24    ūrdʰvāḥ śarkarāḥ kʰāte //

Sutra: 25    uttareṣu puruṣoccayenaivaikaśatavidʰāt //

Sutra: 26    yatʰāgni vedīṣṭakāpramāṇam //

Sutra: 27    antaḥpātyagārhapatyayor icʰan //

Sutra: 28    uttarapakṣasyāparasyām̐ sraktyāṃ pariśrito minoti jaṅgʰāmātrīṃ nābʰimātrīṃ mukʰamātrīm iti //

Next part


This text is part of the TITUS edition of Black Yajur-Veda: Katyayana-Srautasutra.

Copyright TITUS Project, Frankfurt a/M, 11.4.2018. No parts of this document may be republished in any form without prior permission by the copyright holder.