TITUS
White Yajur-Veda: Vajasaneyi-Samhita (Madhyandina)
Part No. 35
Previous part

Paragraph: 35 

Verse: 1 
Sentence: a    ápetó yantu paṇáyó sumnā devapīyávaḥ \
Sentence: b    asyá lokáḥ sutā́vataḥ \
Sentence: c    dyúbʰir áhobʰir aktúbʰir vyàktaṃ yamó dadātv avasā́nam asmai \\

Verse: 2 
Sentence: a    savitā́ te śárīrebʰyaḥ pr̥tʰivyā́ṃ lokám iccʰatu \
Sentence: b    tásmai yujyantām usríyāḥ \\

Verse: 3 
Sentence: a    vāyúḥ punātu \
Sentence: b    savitā́ punātu \
Sentence: c    agnér bʰrā́jasā \
Sentence: d    sū́ryasya várcasā \
Sentence: e    ví mucyantām usríyāḥ \\

Verse: 4 
Sentence: a    aśvattʰé vo niṣádanaṃ parṇé vo vasatíṣ kr̥tā́ \
Sentence: b    gobʰā́ja ít kílāsatʰa yát sanávatʰa pū́ruṣam \\

Verse: 5 
Sentence: a    savitā́ te śárīrāṇi mātúr upástʰa ā́ vapatu \
Sentence: b    tásmai pr̥tʰivi śáṃ bʰava \\

Verse: 6 
Sentence: a    prajā́patau tvā devátāyām úpodake loké ní dadʰāmy asau \
Sentence: b    ápa naḥ śóśucad agʰám \\

Verse: 7 
Sentence: a    páraṃ mr̥tyo ánu párehi pántʰāṃ yás te anyá ítaro devayā́nāt \
Sentence: b    cákṣuṣmate śr̥ṇvaté te bravīmi mā́ naḥ prajā́m̐ rīriṣo mótá vīrā́n \\

Verse: 8 
Sentence: a    śáṃ vā́taḥ śám̐ hí te gʰŕ̥ṇiḥ śáṃ te bʰavantv íṣṭakāḥ \
Sentence: b    śáṃ te bʰavantv agnáyaḥ pā́rtʰivāso mā́ tvābʰí śūśucan \\

Verse: 9 
Sentence: a    kálpantāṃ te díśas túbʰyam ā́paḥ śivátamās túbʰyaṃ bʰavantu síndʰavaḥ \
Sentence: b    antárikṣam̐ śiváṃ túbʰyaṃ kálpantāṃ te díśaḥ sárvāḥ \\

Verse: 10 
Sentence: a    áśmanvatī rīyate sám̐ rabʰadʰvam út tiṣṭʰata prá taratā sákʰāyaḥ \
Sentence: b    átra jahīmó śivā yé ásañcʰivān vayám úttaremābʰí vā́jān \\

Verse: 11 
Sentence: a    ápāgʰám ápa kílviṣam ápa kr̥tyā́m ápo rápaḥ \
Sentence: b    ápāmārga tvám asmád ápa duḥṣvápnyam̐ suva \\

Verse: 12 
Sentence: a    sumitriyā́ na ā́pa óṣadʰayaḥ santu durmitriyā́s tásmai santu yò smā́n dvéṣṭi yáṃ ca vayáṃ dviṣmáḥ \\

Verse: 13 
Sentence: a    anaḍvā́ham ā́ rabʰāmahe sáurabʰeyam̐ svastáye \
Sentence: b    sá na índra iva devébʰyo váhniḥ saṃtáraṇo bʰava \\

Verse: 14 
Sentence: a    úd vayáṃ támasas pári svàḥ páśyanta úttaram \
Sentence: b    deváṃ devatrā́ sū́ryam áganma jyótir uttamám \\

Verse: 15 
Sentence: a    imáṃ jīvébʰyaḥ paridʰíṃ dadʰāmi máiṣāṃ nú gād áparo ártʰam etám \
Sentence: b    śatáṃ jīvantu śarádaḥ purūcī́r antár mr̥tyúṃ dadʰatāṃ párvatena \\

Verse: 16 
Sentence: a    ágna ā́yūm̐ṣi pavasva ā́ suvórjam íṣaṃ ca naḥ \
Sentence: b    āré bādʰasva duccʰúnām \\

Verse: 17 
Sentence: a    ā́yuṣmān agne havíṣā vr̥dʰānó gʰr̥táprsatīko gʰr̥táyonir edʰi \
Sentence: b    gʰr̥táṃ pītvā́ mádʰu cā́ru gávyaṃ pitéva putrám abʰí rakṣatād imā́nt svā́hā \\

Verse: 18 
Sentence: a    párīmé gā́m aneṣata páry agním ahr̥ṣata \
Sentence: b    devéṣv akrata śrávaḥ ká imā́m̐ ā́ dadʰarṣati \\

Verse: 19 
Sentence: a    kravyā́dam agníṃ prá hiṇomi dūráṃ yamarā́jyaṃ gaccʰatu ripravāháḥ \
Sentence: b    iháivā́yám ítaro jātávedā devébʰyo havyáṃ vahatu prajānán \\

Verse: 20 
Sentence: a    váha vapā́ṃ jātavedaḥ pitŕ̥bʰyo yátrainān véttʰa níhitān parāké \
Sentence: b    médasaḥ kulyā́ úpa tā́nt sravantu satyā́ eṣām āśíṣaḥ sáṃ namantām̐ svā́hā \\

Verse: 21 
Sentence: a    syonā́ pr̥tʰivi no bʰavānr̥kṣarā́ nivéśanī \
Sentence: b    yáccʰā naḥ śárma saprátʰāḥ \
Sentence: c    ápa naḥ śóśucad agʰám \\

Verse: 22 
Sentence: a    asmā́t tvám ádʰi jātò si tvád ayáṃ jāyatāṃ púnaḥ \
Sentence: b    asáu svargā́ya lokā́ya svā́hā \\


Next part


This text is part of the TITUS edition of White Yajur-Veda: Vajasaneyi-Samhita (Madhyandina).

Copyright TITUS Project, Frankfurt a/M, 2.11.2013. No parts of this document may be republished in any form without prior permission by the copyright holder.