TITUS
White Yajur-Veda: Vajasaneyi-Samhita (Madhyandina)
Part No. 39
Previous part

Paragraph: 39 

Verse: 1 
Sentence: a    svā́hāprāṇébʰyaḥ sā́dʰipatikebʰyaḥ \
Sentence: b    pr̥tʰivyái svā́hā \
Sentence: c    agnáye svā́hā \
Sentence: d    antárikṣe svā́hā \
Sentence: e    vāyáve svā́hā \
Sentence: f    divé svā́hā \
Sentence: g    sū́ryāya svā́hā \\

Verse: 2 
Sentence: a    digbʰyáḥ svā́hā \
Sentence: b    candrā́ya svā́hā \
Sentence: c    nákṣatrebʰyaḥ svā́hā \
Sentence: d    adbʰyáḥ svā́hā \
Sentence: e    váruṇāya svā́hā \
Sentence: f    nā́bʰyai svā́hā \
Sentence: g    pūtā́ya svā́hā \\

Verse: 3 
Sentence: a    vācé svā́hā \
Sentence: b    prāṇā́ya svā́hā \
Sentence: c    prāṇā́ya svā́hā \
Sentence: d    cákṣuṣe svā́hā \
Sentence: e    cákṣuṣe svā́hā \
Sentence: f    śrótrāya svā́hā \
Sentence: g    śrótrāya svā́hā \\

Verse: 4 
Sentence: a    mánasaḥ kā́mam ā́kūtiṃ vācáḥ satyám aśīya \
Sentence: b    paśūnā́m̐ rūpám ánnasya ráso yáśaḥ śrī́ḥ śrayatāṃ máyi svā́hā \\

Verse: 5 
Sentence: a    prajā́patiḥ saṃbʰriyámāṇaḥ samrā́ṭ sáṃbʰr̥to vaiśvadeváḥ sam̐sannó gʰarmáḥ právr̥ktas téja údyata āśvináḥ páyasyānīyámāne pauṣṇó víṣyandámāne mārutáḥ klátʰan \
Sentence: b    maitráḥ śárasi saṃtāyyámāne vāyavyò hriyámāṇa āgneyó hūyámāno vā́g gʰutáḥ \\

Verse: 6 
Sentence: a    savitā́ pratʰamé hann agnír dvitī́ye vāyús tr̥tī́ya ādityáś caturtʰé candrámāḥ pañcamá r̥túḥ ṣaṣṭʰé marútaḥ saptamé bŕ̥haspátir aṣṭamé \
Sentence: b    mitró navamé váruṇo daśamá índra ekādaśé víśve devā́ dvādaśé \\

Verse: 7 
Sentence: a    ugráś ca bʰīmáś ca dʰvā̀ntaś ca dʰúniś ca \
Sentence: b    sāsahvā́m̐ś cābʰiyugvā́ ca vikṣípaḥ svā́hā \\

Verse: 8 
Sentence: a    agním̐ hŕ̥dayenāśánim̐ hr̥dayāgréṇa paśupátiṃ kr̥tsnahŕ̥dayena bʰaváṃ yaknā́ \
Sentence: b    śarváṃ mátasnābʰyām ī́śānaṃ manyúnā mahādevám antaḥparśavyénográṃ deváṃ vaniṣṭʰúnā vasiṣṭʰahánuḥ śíṅgīni kośyā́bʰyām \\

Verse: 9 
Sentence: a    ugráṃ lóhitena mitrám̐ sáuvratyena rudráṃ dáurvratyenéndraṃ prakrīḍéna marúto bálena sādʰyā́n pramúdā \
Sentence: b    bʰavásya káṇṭʰam̐ rudrásyāntaḥpārśvyáṃ mahādevásya yákr̥c cʰarvásya vaniṣṭʰúḥ paśupáteḥ purītát \\

Verse: 10 
Sentence: a    lómabʰyaḥ svā́hā lómabʰyaḥ svā́hā tvacé svā́hā tvacé svā́hā lóhitāya svā́hā lóhitāya svā́hā médobʰyaḥ svā́hā médobʰyaḥ svā́hā \
Sentence: b    mām̐sébʰyaḥ svā́hā mām̐sébʰyaḥ svā́hā snā́vabʰyaḥ svā́hā snā́vabʰyaḥ svā́hāstʰábʰyaḥ svā́hāstʰábʰyaḥ svā́hā majjábʰyaḥ svā́hā majjábʰyaḥ svā́hā \
Sentence: c    rétase svā́hā pāyáve svā́hā \\

Verse: 11 
Sentence: a    āyāsā́ya svā́hā prāyāsā́ya svā́hā saṃyāsā́ya svā́hā viyāsā́ya svā́hodyāsā́ya svā́hā \
Sentence: b    śucé svā́hā śócate svā́hā śócamānāya svā́hā śókāya svā́hā \\

Verse: 12 
Sentence: a    tápase svā́hā tápyate svā́hā tápyamānāya svā́hā taptā́ya svā́hā gʰarmā́ya svā́hā \
Sentence: b    níṣkr̥tyai svā́hā prā́yaścittyai svā́hābʰeṣajā́ya svā́hā \\

Verse: 13 
Sentence: a    yamā́ya svā́hā́ntakāya svā́hā mr̥tyáve svā́hā bráhmaṇe svā́hā brahmahatyā́yai svā́hā víśvebʰyo devébʰyaḥ svā́hā dyā́vāpr̥tʰivī́bʰyām̐ svā́hā \\



Next part


This text is part of the TITUS edition of White Yajur-Veda: Vajasaneyi-Samhita (Madhyandina).

Copyright TITUS Project, Frankfurt a/M, 2.11.2013. No parts of this document may be republished in any form without prior permission by the copyright holder.