TITUS
Avestan Corpus
Part No. 116
Previous part

Chapter: 22 
Paragraph: 1 
Verse: a    mraot̰. ahurō. mazdā̊. spitamāi. zaraϑuštrāi:
Verse: b    azəm. yō. ahurō. mazdā̊.
Verse: c    azəm. yō.1 dāta. vaŋhuuąm.
Verse: d       yasə. tat̰. nmānəm.2 ākərənəm.
Verse: e          srīrəm. raoxṣ̌nəm.3 frādərəsrəm.
Verse: f             uzaiieni.4 pāraiieni.

Paragraph: 2 
Verse: a    āat̰. mąm. mairiiō. ākasat̰.1
Verse: b    āat̰. mąm. mairiiō. frākərənaot̰.
Verse: c       aŋrō. mainiiuš. pouru.mahrkō.
Verse: d          nauuaca. yaskə̄.2
Verse: e          nauuaitišca.3
Verse: f          nauuaca. sata.
Verse: g          nauuaca. hazaŋra.
Verse: h          nauuasə̄sca.4 baēuuąn.
Verse: i    āat̰. mąm. tūm. biṣ̌aziiōiš.5
Verse: j       mąϑrō. spəṇtō.
Verse: k          yō. aš.xvarənā̊.

Paragraph: 3 
Verse: a    daϑāni.1 tē. aētahe. paiti.
Verse: b       hakat̰. hazaŋrəm. aspanąm.
Verse: c          auruuatō. dərəzi.takanąm.2
Verse: d    yazāi. saoka. vaŋuhi.3 mazdaδāta. aṣ̌aoni:4
Verse: e    daϑāni. tē. aētahe. paiti.
Verse: f       hakat̰. hazaŋrəm. uštranąm.
Verse: g          uruuatō.5 saēni.kaofanąm.6
Verse: h    yazāi. saoka. vaŋuhi. mazdaδāta. aṣ̌aoni.

Paragraph: 4 
Verse: a    daϑāni. tē.1 aētahe. paiti.
Verse: b       hakat̰. hazaŋrəm. gauuąm.
Verse: c          axṣ̌aēnanąm.2 apərətō.tanunąm.
Verse: d    yazāi. saoka. vaŋuhi. mazdaδāta. aṣ̌aoni:
Verse: e    daϑāni. tē. aētahe. paiti.
Verse: f       hakat̰. hazaŋrəm. anumaiianąm.
Verse: g          harətō. vīspō.gaonanąm.
Verse: h    yazāi. saoka. vaŋuhi. mazdaδāta. aṣ̌aoni.

Paragraph: 5 
Verse: a    uta. tē. azəm. āfrīnāni.1
Verse: b       srīra. dahma.2 āfriti.3
Verse: c       friϑa.4 dahma.2 āfriti.3
Verse: d    yā. ūnəm.5 pərənəm. kərənaoiti.
Verse: e       pərənəmcit̰. vīγžāraiieiti.6
Verse: f       auuaṇtəmcit̰.7 baṇdaiieiti.
Verse: g       baṇtəmca.8 drūm.9 kərənaoiti.

Paragraph: 6 
Verse: a    paiti. ahmāi. auuaṣ̌ata.1
Verse: b       mąϑrō. spəṇtō. yō. aš.xvarənā̊:
Verse: c    kuϑa. tē. azəm. biṣ̌azāni.2
Verse: d    kuϑa. tē. azəm. apa.varāni.3
Verse: e       nauuaca. yaskə̄.
Verse: f       nauuaitišca.
Verse: g       nauuaca. sata.
Verse: h       nauuaca. hazaŋra.
Verse: i       nauuasə̄sca.4 baēuuąn.

Paragraph: 7 
Verse: a    nairiiō. saŋhō. aocaiiata.1
Verse: b       yō. daδuuā̊. ahurō. mazdā̊:
Verse: c    nairiia.2 saŋha. viiāxana.
Verse: d       para.āiδi.3   upa.vazaŋuha.4
Verse: e          auui. nmānəm. airiiamaini.5
Verse: f    imat̰. saŋhōiš. airiiamanāi:

Paragraph: 8 
Verse: a    imat̰. tē. saŋhat̰.
Verse: b       ahurō. mazdā̊. aṣ̌auua:
Verse: c    1azəm. yō. ahurō. mazdā̊.1
Verse: d    azəm. yō. dāta. vaŋhuuąm.
Verse: e       yasə. tat̰. nmānəm. ākərənəm.
Verse: f          srīrəm. raoxṣ̌nəm. frādərəsrəm.
Verse: g             uzaiieni. pāraiieni:

Paragraph: 9 
Verse: a    1āat̰. mąm. mairiiō. ākasat̰.1
Verse: b    āat̰. mąm. mairiiō. frākərənaot̰.
Verse: c       aŋrō. mainiiuš. pouru.mahrkō.
Verse: d          nauuaca. yaskə̄.
Verse: e          nauuaitišca.
Verse: f          nauuaca.2 sata.3
Verse: g          nauuaca. hazaŋra.
Verse: h          nauuasə̄sca.4 baēuuąn.
Verse: i    āat̰. mąm. tūm. biṣ̌aziiōiš.5
Verse: j       airiiama. yō. iṣ̌iiō.6

Paragraph: 10  {= Vd. 22,4}
Verse: a    daϑāni.1 tē. aētahe. paiti.
Verse: b       hakat̰. hazaŋrəm. gauuąm.
Verse: c          axṣ̌aēnanąm. apərətō.tanunąm.
Verse: d    yazāi. saoka. vaŋuhi. mazdaδāta. aṣ̌aoni:
Verse: e    daϑāni. tē. aētahe. paiti.
Verse: f       hakat̰. hazaŋrəm. anumaiianąm.
Verse: g          harətō. vīspō.gaonanąm.
Verse: h    yazāi. saoka. vaŋuhi. mazdaδāta. aṣ̌aoni.

Paragraph: 11  {= Vd. 22,5}
Verse: a    uta. tē. azəm. āfrīnāni.
Verse: b       srīra. dahma. āfriti.
Verse: c       friϑa. dahma. āfriti.
Verse: d    yā. ūnəm. pərənəm. kərənaoiti.
Verse: e       pərənəmcit̰. vīγžāraiieiti.
Verse: f       auuaṇtəmcit̰. baṇdaiieiti.
Verse: g       baṇtəmca. drūm. kərənaoiti.

Paragraph: 12  Nach Geldner repetieren Vd. 22,10-12 die Abschnitte 22,4-6;
der zitierte Text endet jedoch mit Vd. 22,5.

Paragraph: 13 
Verse: a    ahe. vacō.1 paitiiesti.2
Verse: b       para.āiδi.3   upa.vazata.4
Verse: c          nairiiō. saŋhō. viiāxanō.
Verse: d             auui. nmānəm. airiiamaini.5
Verse: e    imat̰. saŋhat̰.6 airiiamanāi:

Paragraph: 14  {= Vd. 22,1}
Verse: a    imat̰. tē. saŋhat̰. ahurō. mazdā̊. aṣ̌auua:
Verse: b    azəm. yō. ahurō. mazdā̊.1
Verse: c    azəm. yō. dāta. vaŋhuuąm.
Verse: d       yasə. tat̰. nmānəm. ākərənəm.
Verse: e          srīrəm. raoxṣ̌nəm. frādərəsrəm.
Verse: f             uzaiieni. pāraiieni.

Paragraph: 15  {= Vd. 22,2}
Verse: a    āat̰. mąm. mairiiō. ākasat̰.
Verse: b    āat̰. mąm. mairiiō. frākərənaot̰.
Verse: c       aŋrō. mainiiuš. pouru.mahrkō.
Verse: d          nauuaca. yaskə̄.
Verse: e          nauuaitišca.
Verse: f          nauuaca. sata.
Verse: g          nauuaca. hazaŋra.
Verse: h          nauuasə̄sca. baēuuąn.
Verse: i    āat̰. mąm. tūm. biṣ̌aziiōiš.
Verse: j       mąϑrō. spəṇtō.
Verse: k          yō. aš.xvarənā̊.

Paragraph: 16  {= Vd. 22,3}
Verse: a    daϑāni. tē. aētahe. paiti.
Verse: b       hakat̰. hazaŋrəm. aspanąm.
Verse: c          auruuatō. dərəzi.takanąm.
Verse: d    yazāi. saoka. vaŋuhi. mazdaδāta. aṣ̌aoni:
Verse: e    daϑāni. tē. aētahe. paiti.
Verse: f       hakat̰. hazaŋrəm. uštranąm.
Verse: g          uruuatō. saēni.kaofanąm.
Verse: h    yazāi. saoka. vaŋuhi. mazdaδāta. aṣ̌aoni.

Paragraph: 17  {= Vd. 22,4}
Verse: a    daϑāni. tē. aētahe. paiti.
Verse: b       hakat̰. hazaŋrəm. gauuąm.
Verse: c          axṣ̌aēnanąm. apərətō.tanunąm.
Verse: d    yazāi. saoka. vaŋuhi. mazdaδāta. aṣ̌aoni:
Verse: e    daϑāni. tē. aētahe. paiti.
Verse: f       hakat̰. hazaŋrəm. anumaiianąm.
Verse: g          harətō. vīspō.gaonanąm.
Verse: h    yazāi. saoka. vaŋuhi. mazdaδāta. aṣ̌aoni.

Paragraph: 18  {= Vd. 22,5}
Verse: a    uta. tē. azəm. āfrīnāni.
Verse: b       srīra. dahma. āfriti.
Verse: c       friϑa. dahma. āfriti.
Verse: d    yā. ūnəm. pərənəm. kərənaoiti.
Verse: e       pərənəmcit̰. vīγžāraiieiti.
Verse: f       auuaṇtəmcit̰. baṇdaiieiti.
Verse: g       baṇtəmca. drūm. kərənaoiti.

Paragraph: 19 
Verse: a    moṣ̌u.1 tat̰. ās. nōit̰.2 darəγəm.
Verse: b       yat̰.3 frāiiataiiat̰.4 ϑβaxṣ̌əmnō.5
Verse: c          airiiama. yō. iṣ̌iiō.6
Verse: d             gairīm. auui. spəṇtō.frasnā̊.
Verse: e             7varəṣ̌əm. auui. spəṇtō.frasnā̊.7

Paragraph: 20 
Verse: a    nauuanąm. aspanąm. arṣ̌nam.1 gaonəm.2 barat̰.
Verse: b       airiiama. yō. iṣ̌iiō.3
Verse: c    nauuanąm. uštranąm. arṣ̌nam. gaonəm. barat̰.
Verse: d       airiiama. yō. iṣ̌iiō.
Verse: e    nauuanąm. gauuąm.4 arṣ̌nąm. gaonəm. barat̰.
Verse: f       airiiama. yō. iṣ̌iiō.
Verse: g    nauuanąm. anumaiianąm. arṣ̌nąm. gaonəm. barat̰.
Verse: h       airiiama. yō. iṣ̌iiō.
Verse: i    nauua.5 vaētaiiō.6 barat̰.
Verse: j    nauua. karṣ̌ā̊. frakāraiiat̰.

Paragraph: 21  {= Vd. 20,9}
Verse: a    paiti.pərəne. aṣ̌ire.1
Verse: b    paiti.pərəne. aγūire.3
Verse: c    paiti.pərəne. aγrąm.
Verse: d    paiti.pərəne. uγrąm.
Verse: e    paiti.pərəne. yaskahe.
Verse: f    paiti.pərəne. mahrkahe.
Verse: g    paiti.pərəne. dāžu.
Verse: h    paiti.pərəne. tafnu.4
Verse: i    paiti.pərəne. sāranahe.
Verse: j    paiti.pərəne. sārastiiehe.
Verse: k    paiti.pərəne. ažanahe.
Verse: l    paiti.pərəne. ažahuuahe.5
Verse: m    paiti.pərəne. kuruγahe.6
Verse: n    paiti.pərəne. ažiuuākahe.7
Verse: o    paiti.pərəne. drukahe.8
Verse: p    paiti.pərəne. astairiiehe.
Verse: q    paiti.pərəne. aγaṣ̌iiā̊. pūitiiā̊. āhitiiā̊.9
Verse: r       yā. aŋrō. mainiiuš. frākərəṇtat̰.
Verse: s          auui. imąm. tanūm. yąm. maš́iiānąm.

Paragraph: 22  {= Vd. 20,10}
Verse: a    paiti.pərəne. vīspəm. yaskəmca. mahrkəmca.
Verse: b       vīspe. yātauuō. pairikā̊sca.
Verse: c       vīspā̊. janiiō.1 yā̊. druuaitīš.2

Paragraph: 23  {= Vd. 20,11 / Y. 54,1}
Verse: Q1a    ā. airiiə̄mā.1 iš́iiō. rafəδrāi. jaṇtū.
Verse: Q1b       nərəbiiascā. nāiribiiascā.2
Verse: Q1c          zaraϑuštrahe.
Verse: Q1c          vaŋhə̄uš. rafəδrāi. manaŋhō.
Verse: Q1c    yā. daēnā. vairīm. hanāt̰. mīždəm.3
Verse: Q1d       aṣ̌ahiiā.4 yāsā. aṣ̌īm.
Verse: Q1e          yąm. iṣ̌iiąm. ahurō. masatā. mazdā̊.

Paragraph: 24  {= Vd. 20,12}
Verse: a    jaṇtu. ā.airiiə̄mā.iš́iiō.
Verse: b       vīspəm. yaskəmca. mahrkəmca.
Verse: c       vīspe. yātauuō. pairikā̊sca.
Verse: d       vīspā̊. janiiō.1 yā̊. druuaitīš.2


Paragraph: 25  {= Y. 27,14}
Verse: Q1a    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1b    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1c    xšaϑrəmcā. ahurāi.ā.   yim. drigubiiō. dadat̰. vāstārəm.::

{= Y. 46,7}
Verse: Q2a    kə̄m.nā. mazdā.   mauuaitē. pāiiūm. dadāt̰.
Verse: Q2b    hiiat̰. mā. drəguuā̊.   dīdarəṣ̌atā. aēnaŋhē.
Verse: Q2c    aniiə̄m. ϑβahmāt̰.   āϑrascā. manaŋhascā.
Verse: Q2d    yaiiā̊. š́iiaoϑanāiš.   aṣ̌əm. ϑraoštā. ahurā.
Verse: Q2e    tąm.mōi. dąstuuąm.   daēnaiiāi. frāuuaocā.

{~ Y. 44,16}
Verse: Q3b    kə̄. vərəϑrəm.jā.   ϑβā. pōi. sə̄ṇghā. yōi. həṇtī.
Verse: Q3c    ciϑrā. mōi. dąm.   ahīmbiš. ratūm. cīždī.
Verse: Q3d    at̰. hōi. vohū.   səraoṣ̌ō. jaṇtū. manaŋhā.
Verse: Q3e    mazdā. ahmāi.   yahmāi. vaṣ̌ī. kahmāicīt̰.


Paragraph: 26  {= Vd. 8,21}
Verse: Q1a    pāta. nō. t̰biṣ̌iiaṇtat̰. pairi.
Verse: Q1d       mazdā̊sca. ārmaitišca. spəṇtasca:
Verse: Q1b    nase. daēuuī. druxš.
Verse: Q1c    nase. daēuuō.ciϑre.
Verse: Q1c    nase. daēuuō.frakaršte.
Verse: Q1d    nase. daēuuō.fradāiti.
Verse: Q1e    apa. druxš. nase.
Verse: Q1d    apa. druxš. duuāra.
Verse: Q1d    apa. druxš. vīnase.
Verse: Q1f    apāxəδre. apa.nasiiehe.
Verse: Q1g       māmərəṇcainīš. gaēϑā̊. astuuaitīš. aṣ̌ahe.

Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.::


::   ::   ::   ::   ::

Verse: Q2a    nāismī.2 daēuuō.: {= Y. 12,1}
Verse: Q2b    frauuarānē. mazdaiiasnō. zaraϑuštriš. vīdaēuuō. ahura.t̰kaēṣ̌ō.
Verse: Q2c       staotā. aməṣ̌anąm. spəṇtanąm.
Verse: Q2d       yaštā. aməṣ̌anąm. spəṇtanąm::
Verse: Q2e    ahurāi. mazdāi. vaŋhauuē. vohumaitē. vīspā. vohū. cinahmī.
Verse: Q2f       aṣ̌āunē. raēuuaitē. xvarənaŋuhaitē.
Verse: Q2g          yā. zī. cīcā. vahištā.
Verse: Q2h       yeŋ́hē. gāuš.
Verse: Q2i       yeŋ́hē. aṣ̌əm.
Verse: Q2j       yeŋ́hē. raocā̊.
Verse: Q2k       yeŋ́hē. raocə̄bīš. rōiϑβən. xvāϑrā.::

Verse: Q3a    aēuuō. paṇtā̊. yō. aṣ̌ahe.
Verse: Q3b          vīspe. aniiaēṣ̌ąm. apəṇtąm.2



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.