TITUS
Avestan Corpus
Part No. 117
Previous part

Book: Vr 
Chapter: 1 
Vīspərəd


On the basis of the edition Geldner 1889.


As against Geldner's edition, lines are arranged according to metrical or syntactical structures throughout.



Paragraph: 1 
Verse: a    niuuaēδaiiemi. haṇkāraiiemi.
Verse: b       ratauuō. mainiiauuanąm. ratauuō. gaēϑiianąm.1
Verse: c       ratauuō. upāpanąm. ratauuō. upasmanąm.
Verse: d       ratauuō. fraptərəjātąm.
Verse: e       ratauuō. rauuasca. rātąm.2
Verse: f       ratauuō. caŋraŋhācąm.3
Verse: g          aṣ̌aonąm. aṣ̌ahe. raϑβąm.

Paragraph: 2 
Verse: a    niuuaēδaiiemi. haṇkāraiiemi.
Verse: b       yāiriiaēibiiō. aṣ̌ahe. ratubiiō:
Verse: c       maiδiiōizarəmaiiehe.1 paiiaŋhō. aṣ̌aonō. aṣ̌ahe. raϑβō:
Verse: d    niuuaēδaiiemi. haṇkāraiiemi.
Verse: e       maiδiiōiṣ̌əmahe.2 vāstrō.dātainiiehe.3 aṣ̌aonō. aṣ̌ahe. raϑβō:
Verse: f    niuuaēδaiiemi. haṇkāraiiemi.
Verse: g       paitišhahiiehe.4 hahiiehe. aṣ̌aonō. aṣ̌ahe. raϑβō:
Verse: h    niuuaēδaiiemi. haṇkāraiiemi.
Verse: i       aiiāϑrimahe.5 fraouruuaēštrimahe.6 varṣ̌niharštaheca.7 aṣ̌aonō. aṣ̌ahe. raϑβō:
Verse: j    niuuaēδaiiemi. haṇkāraiiemi.
Verse: k       maiδiiāiriiehe. sarəδahe. aṣ̌aonō. aṣ̌ahe. raϑβō:
Verse: l    niuuaēδaiiemi. haṇkāraiiemi.
Verse: m       hamaspaϑmaēdaiiehe.8 arətō.karəϑnahe.9 aṣ̌aonō. aṣ̌ahe. raϑβō.

Paragraph: 3 
Verse: a    niuuaēδaiiemi. haṇkāraiiemi.
Verse: b       gaēϑanąm. ā̊ŋhairiiehe. aṣ̌aonō. aṣ̌ahe. raϑβō.
Verse: c          yat̰. ā̊ŋhairiiō. zīzanən:1
Verse: d    niuuaēδaiiemi. haṇkāraiiemi.
Verse: e       staotanąm. yesniianąm. haṇdātanąm. hufrāiiaštanąm. aṣ̌aonąm. aṣ̌ahe. raϑβąm:
Verse: f    niuuaēδaiiemi. haṇkāraiiemi.
Verse: g       staotanąm. yesniianąm. haṇdātanąm. hufrāiiaštanąm.
Verse: h          aṣ̌aonąm. aṣ̌aoninąmca.2 aṣ̌ahe. miiazdanąm.

Paragraph: 4 
Verse: a    niuuaēδaiiemi. haṇkāraiiemi.
Verse: b       sarəδaēibiiō. aṣ̌ahe. ratubiiō.
Verse: c       ahunahe. vairiiehe. frasraoϑrahe.1 aṣ̌aonō. aṣ̌ahe. raϑβō:
Verse: d    niuuaēδaiiemi. haṇkāraiiemi.
Verse: e       aṣ̌ahe. vahištahe. staoϑβahe. aṣ̌aonō. aṣ̌ahe. raϑβō:
Verse: f    niuuaēδaiiemi. haṇkāraiiemi.
Verse: g       yeŋ́hē.hātaiiā̊. hufrāiiaštaiiā̊. aṣ̌aoniiā̊. aṣ̌ahe. raϑβō.

Paragraph: 5 
Verse: a    niuuaēδaiiemi. haṇkāraiiemi.
Verse: b       ahunauuaitiiā̊. gāϑaiiā̊. aṣ̌aoniiā̊. aṣ̌ahe. raϑβō:
Verse: c    niuuaēδaiiemi. haṇkāraiiemi.
Verse: d       γənąnąm.1 pouru.sarəδō.vīrō.vąϑβanąm. mazdaδātanąm. aṣ̌aonąm. aṣ̌ahe. raϑβąm:
Verse: e    niuuaēδaiiemi. haṇkāraiiemi.
Verse: f       ahumatō. ratumatō. aṣ̌aonō. aṣ̌ahe. raϑβō:
Verse: g    niuuaēδaiiemi. haṇkāraiiemi.
Verse: h       yasnahe. haptaŋhātōiš. aṣ̌aonō. aṣ̌ahe. raϑβō:
Verse: i    niuuaēδaiiemi. haṇkāraiiemi.
Verse: j       arəduiiā̊.2 āpō. anāhitaiiā̊.3 aṣ̌aoniiā̊. aṣ̌ahe. raϑβō.

Paragraph: 6 
Verse: a    niuuaēδaiiemi. haṇkāraiiemi.
Verse: b       uštauuaitiiā̊. gāϑaiiā̊. aṣ̌aoniiā̊. aṣ̌ahe. raϑβō:
Verse: c    niuuaēδaiiemi. haṇkāraiiemi.
Verse: d       gairinąm. aṣ̌axvāϑranąm. pouru.xvāϑranąm. mazdaδātanąm. aṣ̌aonąm. aṣ̌ahe. raϑβąm:
Verse: e    niuuaēδaiiemi. haṇkāraiiemi.
Verse: f       spəṇtā.maniiə̄uš.1 gāϑaiiā̊. aṣ̌aoniiā̊. aṣ̌ahe. raϑβō:
Verse: g    niuuaēδaiiemi. haṇkāraiiemi.
Verse: h       vərəϑraγnahe.2 ahuraδātahe.
Verse: i       vanaiṇtiiā̊sca.3 uparatātō. aṣ̌aonō. aṣ̌ahe. raϑβō.

Paragraph: 7 
Verse: a    niuuaēδaiiemi. haṇkāraiiemi.
Verse: b       vohuxṣ̌aϑraiiā̊.1 gāϑaiiā̊. aṣ̌aoniiā̊. aṣ̌ahe. raϑβō:
Verse: c    niuuaēδaiiemi. haṇkāraiiemi.
Verse: d       miϑrahe. vouru.gaoiiaotōiš.2
Verse: e       rāmanasca.xvāstrahe.3 aṣ̌aonō. aṣ̌ahe. raϑβō:
Verse: f    niuuaēδaiiemi. haṇkāraiiemi.
Verse: g       vahištōištōiš. gāϑaiiā̊. aṣ̌aoniiā̊. aṣ̌ahe. raϑβō:
Verse: h    niuuaēδāiiemi. haṇkāraiiemi.
Verse: i       dahmaiiā̊. vaŋhuiiā̊. āfritōiš.
Verse: j       dahmaheca. narš. aṣ̌aonō.
Verse: k       uγraheca. taxmahe. dāmōiš. upamanahe. yazatahe. aṣ̌aonō. aṣ̌ahe. raϑβō.

Paragraph: 8 
Verse: a    niuuaēδaiiemi. haṇkāraiiemi.
Verse: b       airiiamanō. iš́iiehe.1 aṣ̌aonō. aṣ̌ahe. raϑβō:
Verse: c    niuuaēδaiiemi. haṇkāraiiemi.
Verse: d       fṣ̌ūṣ̌ō.mąϑrahe.2 aṣ̌aonō. aṣ̌ahe. raϑβō:
Verse: e    niuuaēδaiiemi. haṇkāraiiemi.
Verse: f       ratə̄uš. bərəzō. haδaoxtahe.3 aṣ̌aonō. aṣ̌ahe. raϑβō.

Paragraph: 9 
Verse: a    niuuaēδaiiemi. haṇkāraiiemi.
Verse: b       āhurōiš. fraṣ̌nahe.1
Verse: c       āhurōiš. t̰kaēṣ̌ahe.
Verse: d       āhurōiš. dāx́iiumahe.2
Verse: e       āhurōiš. zaraϑuštrōtəmahe. aṣ̌aonō. aṣ̌ahe. raϑβō:
Verse: f    niuuaēδaiiemi. haṇkāraiiemi.
Verse: g       hadiṣ̌aheca. vāstrauuatō.
Verse: h       vāstrō.bərətaheca.3 gauue. huδā̊ŋhe.4
Verse: i          gaoidiieheca.5 narš. aṣ̌aonō.6


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.