TITUS
Minor Pahlavi Texts
Part No. 2
Previous part

Chapter: II   II


Paragraph: 1     naxust frašn axt ī ǰādūg az yōšt ī friyān ēn pursīd
Paragraph: 2     kū wahišt pad gētīg weh ayāb ān ī pad mēnōg
Paragraph: 3     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 4     čē wahišt ī pad gētīg weh kū ān ī pad mēnōg
Paragraph: 5     u-š nišān ēn kū har kē pad gētīg kār ud kirbag nē kunēd u-š ānōh ō frayād nē rasēd
Paragraph: 6     u-t nišān ī dudīgar ēn kū bē agar-it pad gētīg tis ī nē nēk kunēd ēg-iš ō wahišt ī weh nē rasē[d] 7 ud axt ī ǰādūg čiyōn ka-š ān saxwan āšnūd stard be būd
Paragraph: 8     čand ka mard-1 ī yašt-1 be kunēd stard būd ēstād
Paragraph: 9     u-š ēdōn guft kū anāgīh [ī] man axt ī ǰādūg az tō yōšt ī friyān kū abar man čēr hē
Paragraph: 10     čiyōn nēw mard abar nēwtom mard ud nēw asp abar nēwtom asp ud nēw gāw Page of ed.: 89  abar nēwtom gāw čiyōn asmān abar zamīg pādixšā hē
Paragraph: 11     čē man pad ēn frašn nō sad mog-mard ōzad
Paragraph: 12     +kē-šān and yazišn ī yazdān kard ēstād kē-šān and xwardan ī parāhōm rāy hamāg tan zard būd ēstād
Paragraph: 13     u-m nō duxt ī spitāmān ōzad kē-šān dēn stāyēnīdan rāy abesar ī pad zarr ud morwārīd az dahibedān windād
Paragraph: 14     ka-m az awēšān pursīd u-šān guft kū wahišt ī pad mēnōg weh
Paragraph: 15     man guft kū ašmā ēdōn weh sahēd ham-ēdōn weh kū ō ān wahišt ī weh šawēd
Paragraph: 16     u-m frāz grift u-m be ōzad
Paragraph: 17     dōwom frašn ēn pursīd kū čē ān tis az dām ī ohrmazd kē pad kūn nišīnēd bulandtar kū pad pāy ēstēd
Paragraph: 18     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 19     čē an sag ast
Paragraph: 20     seyom frašn ēn pursīd kū čē ān az dām ī ohrmazd kē rawēd ud gām nē nihēd
Paragraph: 21     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 22     čē ān winǰišk ast kē rawēd ud gām nē nihēd
Paragraph: 23     čahārom frašn ēn pursīd kū čē ān tis az dām ī ohrmazd kē[-š] dandān srūwēn ud srū gōštēn
Paragraph: 24     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 25     čē ān xros xwānēnd murwag ī sroš-ahlaw
Paragraph: 26     ud ka wāng kunēd ēg-iš petyārag az dām ī ohrmazd abāz dārēd
Paragraph: 27     panǰom frašn ēn pursīd kū kōdak kārd weh ayāb andak xwarišn
Paragraph: 28     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 29     čē kōdak kārd weh kū andak xwarišn
Paragraph: 30     čē pad kōdak kard barsom šāyēd burīdan [ud] čīdan
Paragraph: 31     ud andak xwarišn ō aškomb nē rasēd ud agar rasēd wād hangēzēd
Paragraph: 32     šašom frašn ēn pursīd kū čē purr ud čē ān ī nēm-purr ud čē ān ī hagriz purr nē bawēd
Paragraph: 33     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 34     čē ān ī purr hangad ī tuwānīg ēdar ud ka bē widerrēd ruwān ahlaw
Paragraph: 35     ān ī nēm-purr škōh ī driyōš ī wad zīwišn ka be mīrēd ruwān ahlaw
Paragraph: 36     ud ān ī tuhīg kē hagriz purr nē bawēd ān škōh ī wad zīwišn ka bē mīrēd ruwān druwand
Paragraph: 37     haftom frašn ēn pursīd kū čē ān tis ī mardōmān pad nihān kāmēnd kardan u-šān nihān kardan nē šāyēnd
Paragraph: 38     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 39     čē ān zarwān ast kē kas nihān kardan nē tuwān
Paragraph: 40     čē zarwān xwad paydāg bawēd
Paragraph: 41     haštom frašn ēn pursīd kū kadām ān zīndag mardōm kē astwihād wēnēd [ud] mīrēd u-š ēdōn kāmag kū abāz ō zindagān šawēd
Paragraph: 42     ud did-iz astwihād wēnēd ud be mīrēd u-š xwār sahēd
Paragraph: 43     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 44     čē ān mardōm ast kē yašt nē kard ēstēd ud parāhōm nē xward ēstēd
Paragraph: 45     ud dudīgar ān mardōm [kē] ō gāh ī zanān mad ēstēd u-š zan nē kard ēstēd
Paragraph: 46     ud sidīgar ān mardōm kē zīndag-ruwān nē yašt ēstēd ud ahlaw-dād nē dād ēstēd ud yazišn ī yazdān nē kard ēstēd u-š ahlaw-dād ō weh-mardōm <u-š> guft kū daham ud nē dād +ēstēd
Paragraph: 47     u-š mīrēd kāmag ōwōn kū abāz zīndagān šawēd
Paragraph: 48     ud did-iz mīrēd ud astwihād wēnēd u-š xwār sahēd
Paragraph: 49     nohom frašn ēn pursīd kū pīl ud asp ud uštar ud xar ud gāw ud gōspand ud zan ud sag ud xūg ud gurbag pad čand māh zāyēnd
Paragraph: 50     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 51     čē pil pad sē sāl zāyēd ud asp ud uštar ud xar pad dwāzdah māh zāyēnd ud gāw ud zan pad nō māh zāyēnd ud gōspand pad panǰ māh +zāyēd ud sag ud xūg pad čahār māh zāyēnd ud gurbag pad čehel rōz zāyēd

Page of ed.: 88 
Paragraph: 52     dahom frašn ēn pursīd kū mardōm kadām pad rāmišntar ud āsāntar zīwēd
Paragraph: 53     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 54     čē mardōm ān pad ramišntar ud āsāntar zīwēd ī abē bīmtar ud hunsand[tar] ud [purr-]xīrtar
Paragraph: 55     yāzdahom frašn ēn pursīd kū čē ān tis ī pad gētīg ō ohrmazd ud amahraspandān homānāg ast
Paragraph: 56     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 57     čē andar gētīg dahibed ō ohrmazd <ud amahraspandān> homānāg ast
Paragraph: 58     ud gyāk ī dahibedān homānāg ī rōšn garōdmān
Paragraph: 59     ud pēšēnīyān ī dahibedān homānāg ast ō amahraspandān
Paragraph: 60     ud <dahibedān> andar dar homānāg ast ō ān stārag ī parwēz xwānēnd
Paragraph: 61     abārig mardōm +kē xwēš-kār ud awestwār ast homānāg hēnd ō abārig stārag ī xwardag ī pad asmān hēnd
Paragraph: 62     dwāzdahom frašn ēn pursīd kū xwarišn kadām xwaštar ud pad mizagtar
Paragraph: 63     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 64     čē xwarišn ān pad mizagtar ud xwaštar kē az dar ī frārōn tuxšagīh handōxt ēstēd ud u-š abāz kār ud kirbag xwarēnd ud dārēnd
Paragraph: 65     sēzdahom frašn ēn pursīd kū ēk čē ud dō čē ud sē čē ud čahār čē ud panǰ čē ud šaš čē ud haft čē ud hašt čē ud nō čē ud dah čē
Paragraph: 66     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 67     čē ēk xwaršēd ī weh kē hamag gehān rōšn dārēd
Paragraph: 68     ud dō āwarišn ud barišn ī wēn
Paragraph: 69     ud sē humat ud hūxt ud huwaršt
Paragraph: 70     ud čahār āb ud zamīg ud urwar ud stōr
Paragraph: 71     ud panǰ panǰag ī weh
Paragraph: 72     ud šaš šaš gāh ī gāhānbār
Paragraph: 73     ud haft haft amahraspandān
Paragraph: 74     ud hašt hašt<īh> nāmīh [ī] weh
Paragraph: 75     ud nō nō sūrāg pad tan ī mardōmān
Paragraph: 76     ud dah dah angust pad dast ī mardōmān



Next part


This text is part of the TITUS edition of Minor Pahlavi Texts.

Copyright TITUS Project, Frankfurt a/M, 29.11.2024. No parts of this document may be republished in any form without prior permission by the copyright holder.