TITUS
Minor Pahlavi Texts
Part No. 3
Previous part

Chapter: III   III


Paragraph: 1     wīst ud seyom frašn ēn pursīd kū čē sardtar
Paragraph: 2     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 3     čē nē ēdōn čiyōn tō handēšē bē ēdōn čiyōn man dānam
Paragraph: 4     ud tō ēdōn handēšē kū wafr sardtar ī abar kōf nišīnēd ud hagriz xwaršēd awiš nē tābēd
Paragraph: 5     bē nē ēdōn čiyōn tō handēšē čē druwand mard menišn sardtar
Paragraph: 6     u-š nišān ēn kū tō axt ī ǰādūg rāy brād-1 ast druwand
Paragraph: 7     u-š zahr pad dil čand [ī] +must-1 andar ēstēd tō nē pad xwaršēd ud nē pad ātaxš widāxtan nē tuwān
Paragraph: 8     ud man ka pad must gīram be widāzēd
Paragraph: 9     ud pas axt ī ǰādūg framūd brād ī xwēš rāy āwurdan ōzadan ud zahr az dil be stadan
Paragraph: 10     nē pad xwaršēd ud nē pad ātaxš widāxtan nē tuwān bud
Paragraph: 11     ud yōšt ī friyān andar must frāz grift u-š be widāxt
Paragraph: 12     wīst ud čahārom frašn ēn pursīd kū čē garmtar
Paragraph: 13     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 14     čē ahlaw mard must Page of ed.: 87  garmtar
Paragraph: 15     ud u-t nišān ēn kū ān ī tō brād zahr nē pad xwaršēd ud nē pad ātaxš nē tuwān bud widāxtan
Paragraph: 16     ud man ka pad must frāz grift be widāxt
Paragraph: 17     wīst ud panǰom frašn ēn pursīd kū frōd šawēd čē weh ud be afsard ēstēd čē weh ud kē be mīrēd čē weh
Paragraph: 18     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 19     čē kē frōd šawēd āb weh ud čē afsard ēstēd ātaxš weh ud kē be mīrēd mar ī druwand sāstār ī čiyōn tō weh
Paragraph: 20     čē agar āb frōd nē šawēd ud ātaxš nē afsarēd ud mar ī druwand sāstār ī čiyōn tō nē mīrēd
Paragraph: 21     ēg-iš hamāg gēhān purr az āb ud ātaxš ud purr az mar ī druwand sāstār ī čiyōn tō hē ud gēhān dāštan nē šāyist
Paragraph: 22     wist ud šašom frašn ēn pursīd kū az kōf čē garāntar
Paragraph: 23     ud az kārd ī pōlāwadēn čē tēztar
Paragraph: 24     ud az angubēn čē šīrēntar
Paragraph: 25     ud az dumbag ī mēš čē čarbtar
Paragraph: 26     ud az rādān kē rādtar
Paragraph: 27     ud az rāstān kē rāstar
Paragraph: 28     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 29     čē az kōf zūr ud anāst garāntar
Paragraph: 30     ud az kārd ī pōlāwadēn uzwān ī mardōmān tēztār
Paragraph: 31     ud az angubēn pidar ud mādar rāy frazand ī rōzweh šīrēntar
Paragraph: 32     ud az dumbag ī mēš spandarmad zamīg ud wārān čarbtar
Paragraph: 33     ud az rādān tištar yazd rādtar
Paragraph: 34     ud az rāstān wāy ī weh rāstar kē ēč<īh> kas āzarm nē [kunēd] ud pārak nē stānēd ud xwadāy ud bandag rāy abāg ēk dudīgar rāstīh dārēd
Paragraph: 35     wīst ud haftom frašn ēn pursīd kū pāy kadām nēktar ud nēkōgtar
Paragraph: 36     ud čē was pāy ī man did ēg-iš pāy ān nēkōgtar ud nēktar ī man did ī hufriyā ī tō xwah ī man zan
Paragraph: 37     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 38     čē pāy ī āb nēkōgtar ud nēktar
Paragraph: 39     u-t nišān ēn kū ānōh kū āb pāy nihēd xwēd be rōyēd
Paragraph: 40     ud ānōh kū hufriyā pāy nihēd hušk be bawēd
Paragraph: 41     wīst ud haštom frašn ēn pursīd kū zanān wuzurgrāmišn az čē
Paragraph: 42     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 43     čē nē ēdōn čiyōn tō handēšē bē ēdōn čiyōn man dānam
Paragraph: 44     kū tō ēdōn handēšē kū zanān wuzurg rāmišn az paymōzan [ī] gōnag gōnag ud kadagbānūgīh ī sazāgwār ka-šān dārēnd
Paragraph: 45     bē nē ēdōn zanān wuzurg rāmišn az būdan ī abāg šōy ī xwēš
Paragraph: 46     axt ī ǰādūg guft kū drō guftēd u-t pad ēn frašn be ōzanam
Paragraph: 47     nūn be āy tā be nazdīk ī hufriyā +šawēm u-š tō xwah ud man zan
Paragraph: 48     ud u-š hagriz drō nē guft ud nē gōwēd ud pad gōwišn ī ōy be ēstam
Paragraph: 49     yōšt ī friyān ham-dātestān būd ud axt ī ǰādūg abāg yōšt ī friyān pad nazdīk ī hufriyā šud hēnd
Paragraph: 50     ud u-šān guft kū be nišīn ēn frašn rāstīhā be wizār
Paragraph: 51     yōšt ī friyān guft kū zanān wuzurg rāmišn az paymōzan ī gōnag gōnag ud kadagbānūgīh ī sazāgwār ka-šān dārēnd
Paragraph: 52     ayāb wuzurg rāmišn az būdan ī abāg šōy ī xwēš
Paragraph: 53     ud pas hufriyā handēšēd kū škōft-[t]iz ō man mad az ēn mar ī druwand sāstār ī ǰādūg +kē-m be nē hilēd tā be ōzanēd
Paragraph: 54     ud čē agar drō gōwam ēg-im brādar rāy be ōzanēd ud man druwand be bawam ud bē ēdōn weh kū rāst gōwam
Paragraph: 55     ud čē agar drō gōwam xwad druwand be Page of ed.: 86  bawam ud dād ud dēn ud ēwēn be wišōbēd ud bē ka man pad rāstīh ōzanēd ahlawtar be bawam
Paragraph: 56     u-š čādur abar sar nihuft ud be guft
Paragraph: 57     kū zanān wuzurg rāmišn az paymōzan ī gōnag gōnag ud kadagbānugīh ī sazāgwār
Paragraph: 58     bē ka-šān gādan abāg nēst pad dard ud duš-rāmīh ud tis-iz rāmišn ī ān nest bē dard ud duš-xwārīh
Paragraph: 59     ud ka-šān gādan abāg ast ēg-šān pad rāmišnīgtar bawēnd
Paragraph: 60     ud pas axt ī ǰādūg ka-šān ān saxwan āšnūd xēšm grift ud hufriyā rāy pad ham-zamān be ōzad
Paragraph: 61     ud ruwān ī hufriyā pad ham-zamān ō garōdmān šud
Paragraph: 62     u-š wāng kard kū nēk man tā nūn ahlaw būd ham nūn-iz ahlawtar ham
Paragraph: 63     bē anāg tō axt ī ǰādūg tā nūn druwand būd hē ud nūn-iz druwandtar šud
Paragraph: 64     wīst ud nohom frašn ēn pursīd kū čē ān ī pāy dah ud sar sē ud čašm šaš ud goš šaš du dumb dō ud gund sē ud dast dō ud wēnīg sē ud srū čahār ud pušt sē ud hamāg gēhān ziwišn ud dārišn az ōy
Paragraph: 65     yōšt ī friyān guft kū zīndagān pad škōh bāš mar ī druwand sāstār du murdagān ō dušox ōft
Paragraph: 66     čē az dēn ōwōn paydāg kū +ka pēšyār āyēd frašn pursēnd nē ēwēn wizārdan
Paragraph: 67     ud axt ī ǰādūg guft kū šaw ud pad nazdīk gyāg be nišīn ud pēšyār be kun ud zūd be āy ud frašn rāst be wizār
Paragraph: 68     čē agar drō gōwēd ayāb gōwēd kū nē dānam ēg-it pad ham-zamān be ōzanam
Paragraph: 69     ud yōšt ī friyān be šud ud abar maγ be nišast
Paragraph: 70     u-š pad menišn handēšēd kū škōft-[t]iz ō man mad ēstēd +az ēn mar ī druwand sāstār <ud> kē[-m] nē hilēd tā be ōzanēd
Paragraph: 71     čē agar ān ī zīndag ud čē ān ī murdag abāz zīndag bawēnd ēn frašn wizārdan nē tuwān hād
Paragraph: 72     pas ohrmazd ī xwadāy nēryōsang yazd pad paygām ō yōšt i friyān frēstīd
Paragraph: 73     ud u-š guft kū frašn passox dah kē ēn gāw[-1] ǰuxt ast ī abāg mard[-1] ǰuxt kē kār ud warz kunēd
Paragraph: 74     ud yōšt ī friyān čiyōn wāng āšnūd ud ēg-iš kas nē dīd [pad] gumān būd
Paragraph: 75     u-š pad menišn handēšēd kū ma agar ahreman ud dēwān hēnd ud u-šān abāyist ud kāmag ēn kū man be ōzanēnd
Paragraph: 76     ud agar man ēn frašn ham-gōnag passox daham ēg-im ān mar ī druwand sāstār be ōzanēnd
Paragraph: 77     ud pas nēryōsang yazd ō nazdīk ī yōšt ī friyān āmad
Paragraph: 78     u-š guft kū ma tars čē man ham nēryōsang yazd ō tō āmad ham
Paragraph: 79     u-š +guft [kū] ohrmazd ī xwadāy [guft] kū ēn frašn passox dah čē frašn gāw[-1] ǰuxt ast ī abāg mard-1 kē warz kunēd
Paragraph: 80     ud yōšt ī friyān ka ān saxwan āšnūd ēg saxt pad rāmišn<īg> bud
Paragraph: 81     pad ham-zamān ō nazdīk ī axt ī ǰādūg šud [ud] guft
Paragraph: 82     kū ēd mar ī druwand sāstār ēn frašn passox ēn ast čē ēn gāw-1 ǰuxt ast ī abāg mard-1 kē kār ī warz kunēd
Paragraph: 83     ud axt ī ǰādūg ka-š ān saxwan āšnūd pad ham-zamān stard be būd <ēstād> ud sē rōz ud šabān stard bud ēstād
Paragraph: 84     ud pas az sē rōz šabān abāz ō oš āmad ō yōšt ī friyān guft
Paragraph: 85     kū +farroxīhā ī tō yōšt ī friyān kē ummēd ō ohrmazd ī xwadāy grift kē pad ham-zamān ō pušt ud ayārīh rasēd
Paragraph: 86     sīhom frašn ēn pursīd kū asp kadām nēktar
Paragraph: 87     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 88     čē asp ī gušn ī frahixtag ud pad gohr nēk [nēktar] ka-šān dārišn abāg aspān ī šāhīh šāyēd
Paragraph: 89     sīh ud ēk[om] frašn ēn pursīd kū čē ān ī hušk be nē sōzēd ud čē ān ī xwēd be sōzēd
Paragraph: 90     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 91     čē ān xāk ast ī kē hušk nē sōzēd ud pīh ast ī xwēd be sōzēd

Page of ed.: 85 
Paragraph: 92     sīh ud dōwom frašn ēn pursīd kū pādixšā kadām weh
Paragraph: 93     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 94     čē pādixšā ān nēktar ī āmurzīdārtar ud [pad] xrad ud dānišn nēk u-š dahišn ayārīh abāg
Paragraph: 95     sīh ud seyom frašn ēn pursīd kū tō yōšt ī friyān rāy xwāstag čand ast
Paragraph: 96     yōšt ī friyān guft kū zīndagān pad škōh bāš mar ī druwand sāstār ud murdagān ō dušox ōft
Paragraph: 97     čē man rāy xwāstag sē ast ēk ān ī xwaram ud ēk ān ī paymōzan ud ēk ān ī ō darwīšān ud arzānīgān daham



Next part


This text is part of the TITUS edition of Minor Pahlavi Texts.

Copyright TITUS Project, Frankfurt a/M, 29.11.2024. No parts of this document may be republished in any form without prior permission by the copyright holder.