TITUS
Svan Chrestomathy
Part No. 97
Previous part

Text: 92 
Page of edition: 80 
Line of edition: 30 
92. ლიჭმე ი ლიბჷრგიე̄ლ


Line of edition: 31       ჯვინალდ ღალ მუშვა̈ნ მახეღვა̈ჟ ჩი̄თე ღჷრდა ლა̈ქმად. ლვინთ -- ზა̈ნთე ი ზავ --
Line of edition: 32    რუსე̄თთე ი სა̈ვთე. ეჩქა̈̄ თჷმის ათხე ქა ლა̄მბა̈ვ მა̄მა ხა̈რ, ეჩი̄ზუმ გარჯ ნა̄დ. ათხე
Line of edition: 33    ლირდ' ო̄ხვტა̈ხ ჩი̄. აშხვ ზავ რუსე̄თ ხვარდად ლა̈ჭმას. ჩი ლადა̈ღ ლეჭმე მა̄მ
Line of edition: 34    ნუღვა̈̄ნ ი ლისგვრე̄ში ნა̄დ, ეჩქას მო̄შ-მო̄შ სოფელხა̈ნქა მეჴედ მახეღვაჟა̈რ ლიბჷრგიე̄ლსი
Line of edition: 35    ხვასყე̄ნად. მიშგვა ჩიქს მაჩენე მებჷრგიე̄ლ მჷცხმა̈რ სათგერ არღვლია̄ნ
Line of edition: 36    ლა̈სვ ი მჷლჷნჯე̄რ კოსდა ფილფა̄ნ. ალჲა̈რ მე̄რმა შვანა̈რს ჩი̄ ჩუ იდა̈̄სგდახ, მარე
Line of edition: 37    ჴერჴხა̈ნ ეში̄ კოსდა მჷრა̈̄თბიშა ხა̈წრა სათგერს.

Line of edition: 38       აშხვ ლადა̈ღ რუსა̈რი̄ ანჴა̈დხ მიშლადა̈ღ ბაზა̈რთე. ნა̈ჲ ესენტუკვს ხვარდად ი
Line of edition: 39    მინდვერისგა ხვესდგომა̈ნდ. ანჴა̈დხ ამხა̄ვთე̄სგა რუსა̈რ ი ლიბჷრგიე̄ლ ლანკაფვნეხ.
Line of edition: 40    ნიშგვეჲხა̈ნ შიშდ კოსდ' ო̄ხვმა̄რედ. ესნა̈რ რუსა̈რს გურან ხოხალხ, ალა კოსდას,
Line of edition: 41    იმჟი ნასჷლდათვს, ჩუ ხოხალ. მურისვ ეჩზუმ ჩუ ლა̈სვ, ერე საჯენ დეშ ხეჰო̄ლდა
Page of edition: 81  Line of edition: 1    ბარჯა̈რქა. ხაფხეჭხ უშხვა̄რ. ამჟი̄ნ მურვისდ შიშდ გურან ხაყერ, მარე ანჴა̈დ კოსდა
Line of edition: 2    ი ჟ'ესთვილ ი ამჟი̄ნ მურვის ჩუქვან ა̈ნნა̈ხ.

Line of edition: 3       მე̄რმაჟი̄ნ სა̈ვჲა̈ ლა̈ჭმას ხვარდად რუსე̄თი ლა̈ჭმახა̈ნ ნატა̈ხვ. ჟ'ოთა̄გა̈ნდ აშხვ
Line of edition: 4    ვა̈რგს ჩეფელევშერ ი ქ'ა̈̄ნჴერნეხ ჲარვ ლადღი ლე̄ზნა. ამეჩუ̄ნ ხვა̈ჭმედ ი სა̈ვჲა̈რ
Line of edition: 5    ლახე ლა̈ჭმას დოშ ნა̈სრახ, ეჩქას ლიბჷრგიე̄ლ იშგვმინხ. ანჴა̈დ გაბრიე̄ლ გისაშა
Line of edition: 6    (ფილფა̄ნ). გა̈ჩ ადჴალე ჩუ მინდვერისგა ი რა̈̄ქვ: "ამეჟი̄ნ ესერ ჲერვა̈ჲ მოშ ჟი
Line of edition: 7    ხაჴდეხ უშხვა̄რ, ეჩჟ' ე̄სერ ხა̄რხ ლიბჷრგიე̄ლ". ამნა̈რ მჷსა̈ვს ათყალვინდა ი შვანრე
Line of edition: 8    ლაბჷრგა̄ლს ქა̈̄თყა̈ჩ ი მიჩა ლა̈გნათ' ა̄ჩა̈დ.


Line of edition: 9 
ლენჯა̈̄რ



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.