TITUS
Svan Chrestomathy
Part No. 121
Previous part

Text: 116 
Page of edition: 96 
Line of edition: 31 
116. მჷმჟა̈̄ლ ვა̈რგი დაგრობ


Line of edition: 32       გუნ დო̄სგ, ჯვინალდ მჷლახ-მჷჟა̄ლს ხაფსვნე̄ნა მჷჟა̄ლვა̈ ვა̈რგ. ეჯჲარე გვა̈რიშ
Line of edition: 33    ათხე დარ ა̈რი ი მა̈̄დო გვა̈რ ხა̄დხ, ალა̄ჲ და̈ს ხოხალ ათხე.

Line of edition: 34       ალ ვა̈რგს მა̈გ ჩუ ლჷბგერე ხა̄რა მჷლახ-მჷჟა̄ლისგა. სურუ ვიდჲე̄რდ ლჷმა̈რდე̄ლი.
Line of edition: 35    ტველდ ჟი და̈̄ს ლჷმკიდვინ ი მასა̈რდ ლჷმჭი̄რვინ მჷლახ-მჷჟა̄ლვა გლეხა̈რს
Line of edition: 36    (\\ ხა̈ლხს). ხოჩა სი̄მაქ მა̈გ მიჩ ხა̈კვდა ლელატდ ი ესვა̈̄იშდ გვი ხა̄რა, ვარს და̈̄რმოშ
Line of edition: 37    ხაყლუნა. ეჩჷნქა ხოჩა ჴა̈ნ ი ფირვ ესვა̈̄ჲ ხარდე̄ნა, ედ ას ცვიდდ ხა̈ბშო̄ლნა
Line of edition: 38    ი მა̄დეი უყე̄ნა ქვინლჷმგენა ხაცა̄დუნა. ობა̈შინ ჟი ხასგვრო̄ლნა ჰილვს, ლჷმბინვინ
Line of edition: 39    ლი̄ზის ლექვა̈̄ სოფლა̈რთე. ჯა ჟა̄ბეშ ლჷმზიგ ი ეჩხა̈ნ ლექვა ხა̈ჭმა̈ნვნა. მეზგახა̈ნ
Line of edition: 40    ქა ზურალა̈რს ხაკუხ, ერე ბარჯა̈რჟი̄ნ ჯარა̈რშვ თა̈შმჷჯა̈ბ ხა̈გნე̄ნხ, ალჲა̈რს ქა ხადო̄ლნა
Line of edition: 41    ალ ვა̈რგ, ჰილვხა̈ნჩუ̄ნ ჩუ ლიქეხს დე̄მ ლჷმშგა̈დვინ, ეჩხა̈ნქა ხა̈ჰწვა̈ნნა ქა
Page of edition: 97  Line of edition: 1    ჯა̈რს ი ყო̄შშვ ჟი ლუმწვა̈̄ნვინ. ლახე ხოლა̄მდ მჷსყე ხაბჟე̄ნა თა̈შმჷჯა̈ბ, ეჩქას ჯა̈
Line of edition: 2    რს ჩუ ხაკვრუნა ბარჯხა̈ნჩუ̄ნ ი ჩუ ლჷმცჷლჷ̄რვინ. ამჟი̄ნ ლექვა ხაჭმა̈ნვნა ლექვა̈̄ მჷლახთე.
Line of edition: 3    ეჩხა̈ნ ლექვა-ლექვა ლჷმჴა̈დვინ კახჷრ ზაგარვ. მესტიას ჩუ ლჷმსჷ̄ნჯვინ,
Line of edition: 4    ეჩქანღო ჟი ხაჭო̄ნნა ი ა̈გითე ლჷმა̈̄ზ. ამის ესნა̈რ მა̈გ ჟ'ახჟანდა, მარე ქა და̈̄რ იმის
Line of edition: 5    მოშ ხობე̄და̈ვი. აშხვ ლადა̈ღ ესნა̈რ ჟორჟლა̄ნა̈რდ უშხვა̄რ ლახვა̈ზრეხ ალ ვა̈რგი
Line of edition: 6    ლიღლა̈ტი. ალ ვა̈რგ აშხვჟი̄ნ აჯაღ ანჴა̈დ ესნა̈რ თა̈შმჷჯბი ლაწვა̈̄ნუშ ლექვა. ეჩქას
Line of edition: 7    ესხვი̄დხ ჟორჟლა̄ნშა ხოშა̈̄ლ ი ჩვა̈ტსეხ (\\ ჩვა̈წსეხ) არცხე̄ლთე. ამეჩუ̄ნ ესნა̈რ
Line of edition: 8    სგ' ო̄თჟოღხ ნესტანშე̄რ მა̈ჟი̄ბთე̄'სგა ი გუნ ხინ აჩვმინხ. ბა̄ზი ალ ვა̈რგს ესნა̈რ
Line of edition: 9    რა̈ნგს ი ნათხუმ ჰარა̈ყს ხოცა̄დუნეხ ი გუნ ჩვადშდჷმეხ, ეჩქანღვ' ა̈̄ხჭვა̄დხ სგა ი
Line of edition: 10    ჩვადგა̈რხ. ამჟი̄ნ ა̈დღირხ ქა ალ ვა̈რგ.


Line of edition: 11 
მესტია



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.