TITUS
Svan Chrestomathy
Part No. 129
Previous part

Text: 124 
Page of edition: 101 
Line of edition: 20 
124. კე̄სრი ლჷფა̈შვდ


Line of edition: 21       ლახმჷლდ ლექვა̈̄ნ, იშგვიდ-არა ვერზ ხე̄ზნი, ეჩეჩუ̄ნ ათხე სემი მეზგე იზგე
Line of edition: 22    ი ჟახად შდჷხირ ხაჟხა. შდჷხირ ლეჟა̈̄ნჩუ̄ნ ჭალა̈ჲ ნაკრა ანღრი. ალი ჩუბეჴევჲა̈
Line of edition: 23    თანღი ძირისგა ხაზვიმ ი მასა̈რდ ხორი კალმახ. შდჷხირ ჟიქა̄ნ ჩი̄ხა̈ნ მეშხე ლემგა̈მ
Line of edition: 24    ლი, ძღჷდ გესჷმფევირ მეგმა̈რ ხა̄გხ, შდჷხირ ჟიქა̄ნ, გუნ ეზერ ჟიქან ლახვ ლი,
Line of edition: 25    გუნ ნაკ ი მასა̈რდ წვა ხოჩა ჩი ნუკვი მელვ. ალ ლახვისგა ჭაფვირი როქვ წვა, ადო
Line of edition: 26    იშგენ ნუკვი მელვ ცხა̈ჲ მა̈გ. ალ ლახვთე მე̄ზის შდჷხირხა̈ნჟი̄ნ ათხე̄ჲ ხებგვენიხ
Line of edition: 27    ვერი სტუ̄რა̈რ, ალჲა̈რ მჷჲროჟა ლიხ ი გუნ ხოჩა ლესგდი, მარე ქა̄მენქა გირწყა̈ლ
Line of edition: 28    მა̄მ ხა̄რხ. ალ ლახვე სტუ̄რრე ბედჟი̄ნ ათხეჲ ი̄მბვა̈̄ლხ ხოშა̈̄ლ ალ ამბა̈ვს ა: ლახვს
Line of edition: 29    ხაჟხა კე̄სრი ლჷფაშდვ (\\ ლჷფაშვდ).

Line of edition: 30       ჯვინალდ შვა̈ნს ლახვა̈რხა̈ნ კე̄სა̈რ ი მიჩა ლაშგა̈რ ახსგურე̄ნახ. ალა ლახვთე̄'სგა
Line of edition: 31    სგ'ა̄ხჴა̈დჷ̄ნე̄ნა, ეჩქას მასა̈რდ ლახლატა ეჩას ალა ი ჩვოთფაშვდა, ეჩქანღო ათჟახე̄ნა
Line of edition: 32    კე̄სრი ლჷფა̈შდვ ალას. ალ კე̄სა̈რს ნაღე̄შგა̄ლვ ჯვეგ შელდურ ხაყე̄ნა ი ალ
Line of edition: 33    ლახვისგ' ო̄თსა̈დგვმა. ჯა ჩვა̈მჴედლი შდჷხირი ნაკთეჩუ ი ამეჩუ̄ნ ალჩარვე̄ლი. ქა
Line of edition: 34    დე̄მთე ა̈მჩედ, ეჯღ'ე̄რე ლინთვ ყო̄რს ხა̈ბკე̄ნა. ლჷჯე̄მი ლა̈ჴდა ლახვხა̈ნ ხა̄რა ჟი მჷს
Line of edition: 35    ყე, მარე მასა̈რდ ჭირს ხაფსინახ ლჷჯე̄მი მჷჴდა̄ლა. კე̄სა̈რს ლახჟირნა მიჩა აფხნეგა̈რ
Line of edition: 36    ალ ჭირდ. ლოხვბინა ლისკო̄რა̈̄ლ: "იმჟი̄ნ ესერ ა̈ნსახთი, ერე მიჩა ლჷჯე̄მი
Line of edition: 37    მჷჴდა̄ლას ხოშა უგარჯვდ ხე̄რახ ლეჴდე ლჷჯე". ლჷმსკო̄რა̈̄ლ, ლჷმსკო̄რა̈̄ლ ი შომვა̄ლე
Line of edition: 38    ჟ'ოხვსკო̄რა, ერე "სტუ̄რა̈რუ ახსყა̈ვნე მიჩა ჯა̈რი მა̄რა ი შდჷხირხა̈ნჟი ლახვთე
Line of edition: 39    ჟი̄ვ ათლაჯვნე. ჟი̄ბ ხოშა მაშრივ ანსყე ლჷჯე̄მი ლა̈გვშად ი ჩვი̄ბ ღა̈რუ ლოხვსგურე
Line of edition: 40    ლჷჯე̄მი ლაჴა̈დდ". გაცხა̈ჲდ, ალა ამჟი̄ნ ხოჩვმინა.

Line of edition: 41       შდჷხირ ოყალვ მასა̈რდ ლჷმა̈რდ ი ამხა̈ნქა ჟ'ოხვსყა̈ვნა სტუ̄რა̈რ. ეჩქანღო
Page of edition: 102  Line of edition: 1    ჟ'ოხვტყა̄ბა̄ლა ლა̈კირისგა. ამი̄ ნაჩომუნღო უშხვა̄რ ლოხვსგურა სტუ̄რა̈რ ი
Line of edition: 2    ჟ'ოთხვჲა̈̄სგვნა ლახვთეჟი̄ნ. ეჩე მეგჯვა სგა ლუმგოშვინხ ჟიქა̄ნ ლჷჯა, ჩუქვა̄ნ ღა̈რს
Line of edition: 3    სეგდა̈̄ლს ხა̈ხლინნახ ი ჟი ლჷმზო̄რინხ ლჷჯა.


Line of edition: 4 
ლენჯა̈̄რ



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.