TITUS
Svan Chrestomathy
Part No. 143
Previous part

Text: 138 
Page of edition: 113 
Line of edition: 38 
138. ლილგიმა̈̄ლ შვა̈ნისგა


Line of edition: 39       შომვა̈̄ჲ მეზგე ლილგიმა̈̄ლს ხამურჯი, ეჩქას მა̈̄ნკვი სა̈ჭირო ბა̈რგ-ნაბა̈რგს იმა̄რე:
Line of edition: 40    ჭე̄რს, დი̄რს, კირს ი ბაჩვ. ალჲა̈რს ჟ'ამა̄რე, ეჩქას ჴელვანა̈რს იგნე, ეჯჲა̈რს
Line of edition: 41    ნა̈ჴელვანირვ ჲედ დაბა̈რს ხაჰვდი ი ჲედ იშგან ქვინლჷმგენა̈̄ლს. ალჲა̈რს სგა ხერგივა̈̄ლ,
Line of edition: 42    ეჩქას დოშდულს ა̈თშიხ ი ლა̈კირს ჷგემხ. ლა̈კრი ნა̈შიხუნღო ხუნი ლადა̈̄სგია̄ქს
Page of edition: 114  Line of edition: 1    იბჷრჯეხ ი ხუნს ხოდე̄სგიხ ქორს ჩუბე ლაგა̈̄გიმუყვ, ეჩქანღო ამის გირწყა̈ლს
Line of edition: 2    ხოფშვდეხ ი გუნ ჩვა̈გჷრწყილა̈ვიხ. ხოჩა მეზგე ლახე ლი მეგმა̈̄ლ, ეჩქას
Line of edition: 3    ლა̈ლგიმა̄ლჟი ობა̈შინ ნადა̈რსი იწვა̈ნი ი ეჯ ლე̄თ ხოჩა ხინ ხა̄რხ. ხუნხა̈ნჟი̄ნ ყო̄რს
Line of edition: 4    ხოცვბეხ ი შომვა̈̄ჲ სა̈ჭირო ლი, ეჩქას -- ლაჴვრა̈̄ლს. მა̈ჩვიბს სამ ლა̈გჷრწყილა̈ვს
Line of edition: 5    ხა̈ჩოხ ი ამჟი̄ნ ჩუ ცვირეხ.

Line of edition: 6       ათხე მა̈ჩვი̄ბი ჩუ მეცვრანღო, ქორ ჩუ ლედი̄რი ლი. ქორა̈ ლა̈დი̄რთე მესვფელ
Line of edition: 7    მახეღვა̈ჟ მა̈გ ჴედნი, ესვა̈̄ჲ მა̄დხვა̈ჲ მაჟა̈ბ ჩუ ხა̄რ.

Line of edition: 8       მა̈̄ნკვი შაშვემს ხოდე̄სგიხ ი ეჩქანღო ჩვადჷ̄რიხ. ნადჷ̄რჷნღო მეზგე ჰარა̈ყს
Line of edition: 9    ათვნა̈̄ლი მასა̈რდ ი მაჴვა̄მს ხაყლე მუმურჯვი მა̄რა.

Line of edition: 10       დჷ̄რა̈რ ძღჷდ მეგრა̈̄ლ ი ჯო̄დი ლიხ, ძღჷდ გვა̈მი ი მა̈ჩვი̄ბს უსგვა ი ჲედ არა
Line of edition: 11    დი̄რ ხაკუჩ. ალჲარე ლიდა̈̄ლი მასა̈რდ გარჯ ლი.

Line of edition: 12       ნადჷ̄რჷნღო მა̈ჩვი̄ბს ჩვაჭრა̈ვეხ ი ქა ხოცვბეხ საკვმა̈რს ი ლე̄ბია̈რს ქორთე:
Line of edition: 13    ლა̈გმა̄ლჟი ჴელვანა̈რ ეშხუ სგა̈̄ნ ჷგემ ი მე̄რმე -- ქა̄მენ. ხოჩე̄ლ ჴელვა̈ნ ხედვა̈̄ჲ ლი,
Line of edition: 14    ეჯა ქა̄მენ ჷგემ ჭვა̈დს ი ხოდრა ჲერვა̈̄ჲ ლი, ეჯა სგა̈̄ნ ლი მეგმა̈̄ლ.
Line of edition: 15    ლა̈გმა̄ლჟი ჲერ ბა̈ჩს ჴიდე ი ჲერ ხა̈ლიკს მა̈ჩვი̄ბს ჩუ ცვირეხ, ეჩქანღო მა̈ჟი̄ბს
Line of edition: 16    იბნეხ. მა̈ჟი̄ბს ჲო̄რი ხოშა ლა̈გჷრწყილა̈ვს ი კუნჭლა̈რს ხა̈ჩოხ. ამი̄ ქა ლუსრულანღო,
Line of edition: 17    მა̈ჟი̄ბი ჩუ ლედჷ̄რი ლი. ამი̄ ლა̈დი̄რთე̄ჲ ობა̈შ მუმურჯვი ჴედნი. ათხე
Line of edition: 18    ხოკლათხა̄მთეჟი ლიხ ლეჲი დჷ̄რა̈რ ი ხოფშირა მა̄რე ხაკუჩ მუმურჯვიდ. ჩუ ნადჷ̄რჷნღო
Line of edition: 19    აჯაღჷდ ათვნა̈̄ლი მეგმა̈̄ლ ჰარა̈ყს.

Line of edition: 20       ათხე სერ ჩუ ჲჷლშგიხ ქორს ი ჩუ ცვირეხ ამჟი. ალა ხეკვეს ერე პა̈რპო̄ლდა̈შდ
Line of edition: 21    ქ'ა̈̄დზჷგრენს, ადო ეჩქანღო ლიჭმა̈̄ლ-ლითჲე̄ლ ანღრი ი ლა̈გმა̄ლდ და̈̄ს ხოჟიბ.
Line of edition: 22    მუჟღვერ ხეჭმენ' , ე̄ჩქას მეზგე ლიზგჷრა̈̄ლს იჩო ი ამლე̄თ გუნ ლჷწსობ ი ხინ
Line of edition: 23    ხა̄რ. ისგ ტაბგობჟი̄ნ ჴელვანა̈რ ფიჩქჟი̄ნ ლემზჷრა̈რს დე̄სგიხ, ლეტვრ' ა̄ტვრეხ,
Line of edition: 24    ფიჩქს ჟი იკედხ ი ქორს სუმინ ლერსგვანთე ხეცხპენიხ ლა̈მზჷროშ. ალჲა̈რ მეზგა
Line of edition: 25    მინე ნაგა̈მვ ქორს ჩუ ხომზჷრიხ ი მეზგე ამნია̈̄ნიდ ჴელვანა̈რს ჩვასჩქვა̈რი.


Line of edition: 26 
ლენჯა̈̄რ



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.