TITUS
Svan Chrestomathy
Part No. 193
Previous part

Text: 188 
Page of edition: 167 
Line of edition: 1 
188. ჯარმამა


Line of edition: 2       არდახ ხელწიფ ი მიჩა ხეხვ. ხორდახ ეშხვი დი̄ნაგეზალ. ხეხვ ღანავ ხა̄დ. ჯა
Line of edition: 3    იქუ̄ნავა̄ლ. მიჩა ხეხვ ადშგურა̄ნე, ერე ჭყინტ ლახ ა̈ხთენე̄ნს, ჯარმამა̄ვ ათჟა̈ხხ. ეშდარა
Line of edition: 4    ზავჩიქდ მიჩა რა̈შ ნო̄სა̄ვ ლახწვე̄ნეხ, ნოჲ მიჩა ცხემა̈დ. ხელწიფ ჩ'ადგარ,
Line of edition: 5    მიჩა ხეხვ ჩ'ა̈დღვაჟ ი ჭყინტ ა̈ხთენა̈̄ნ. ალას ჯარმამა ათჟა̈ხ. ა̈ნცხე ამნე̄მ ი გუნ ლამა̈ზ
Line of edition: 6    მახეღვა̈ჟ ა̈ხფას. მიჩა დაჩვირ ი ჯა გუნ ხაჯო̄ნხ უშხვა̄რ, ჰერშვ გარ ხა̄დხ ლათა̈რ.
Line of edition: 7    მიჩა დის ხა̈̄ქვ: "იმშა ხელწიფ ლჷმა̈რ მიშგუ მუ, ლახ ეშხვი ხოჩა ჩა̈̄ჟ დო̄სა ხორდა?!"
Line of edition: 8    ეჩქა ქა ლახთო̄ნე ეჩი̄ რა̈შ ი ცხემა̈დ. იზელა̈̄ლ ლა̈თხვიართე. მიჩა დაჩვირ
Line of edition: 9    მურყვამჟი გარ ხორდა. ჯარმამა̈̄ სახჷლმწიფისგა მა̈̄ჲ და̈̄ვ ჩვარდა, მა̈გ ჩვადგა̈რ.
Line of edition: 10    ეშხვი ხოხრა და̈̄ვ სგ'ა̄ნჴიდ ა̈გითე. მიჩა დი ა̈თცუ̄დ. "მა̈ჲ როქვ ხა̄რ და̈̄ვ ქორს?" ეჩქა
Line of edition: 11    ანჴა̈დ ჯარმამა ი კოჯქა ქა ადკვა̈რ, ჯა აჩა̈დ ლა̈ჩი̄ჟა̄ლთე, რა̈შს ჟი ხასგურ ი ცხემა̈დ
Line of edition: 12    შუნ ხუღვა. აშხვ ა̈გის ხელმწიფს ხორდა მიჟუწდუნა დი̄ნაგეზალ. ალ დი̄ნას
Line of edition: 13    ეჩი̄შთე ა̈წვი̄ლე̄, ხედვა̈̄ჲ მურყვმა შდურთეჟი ნე̄სყა ცხემა̈დს ქა ხა̈ჴდა. ჯარმამად
Line of edition: 14    ახფუ̈შდ ალ ნე̄სყა ცხემა̈დ ი ქა ხაჴიდ. ალ დი̄ნა მიჩა ლეხხუ̄რიდ ასა̈დ. ჩ'ასკიბხ
Line of edition: 15    მა̈ჲ ლე̄თ ხეკვეს ხა̈̄ცხ ქვერწილ. აჩა̈დ ათხე მე̄რმა ა̈გითე. მე̄რმა ხელმწიფს ხორი
Line of edition: 16    აჯაღ მიჟუწდუნა დი̄ნაგეზალ. ხელმწიფ ტუ̄ლი, ერე "მიშგვა დი̄ნაგეზალს ეჯას ხვაჰვდი
Line of edition: 17    ხახვდ ე́, ხედვა̈̄ჲ ათხე ჟი ადკვა̄ნე ცხვის ლანდრე̄ცითე, მე̄რვა ამ დრო̈ვჟი გარ
Line of edition: 18    ანტხენი ჩუ. ამნე̄მი ჩ'ოთბაცე გეზალ. ჩ'ასკიბხ მა̈̄ჲ ლე̄თ ხე̄რიხ ქვერწილ. აჩა̈დ
Line of edition: 19    ათხა მე̄სმა ა̈გითე. ხელწიფს გეზალ ხორი მიჟუწდუნა. ალა ტუ̄ლი, ერე "მიჩ
Line of edition: 20    ჩი̄ჟად ეჯა გარ ხაკუ ე́, ხედვა̈̄ჲ მიჩა დი̄ნას მურყმა̈ შდურისგა პლატუკვს სგა ლახბიშნე".
Line of edition: 21    ჯარმამად ალ გმირობი ჩუ ჩვემინ. ამიჩ' ასკიბხ ქვერწილ. ჯა ლა̈ჩი̄ჟალს
Line of edition: 22    არდა, ეჩქა და̈̄ვ კოჯხა̈ნჟი ჟი ა̈ნტიხხ ი ჯარმამა̄ დის უფგოშ ჭა̈შდ ხორდა. ჯარმამა
Line of edition: 23    შომვა̈̄ჲ ლა̈თხვჲა̈რს არდა, ეჩქა მინ უშხუდ არდახ. ჯარმამა შომვა̈ჲ ა̈გითე ჴედენდა,
Line of edition: 24    და̈̄ვს ჩ'ა̈პჟუნა ჯარმამა̈ დი ხატუ̈̄ლდა და̈̄ვს: "ჩუ̄ვ მა ათყერ ჯარმამას, ადო
Line of edition: 25    ამჟი მინე ლიხეხევჭაშვ მა̈ჲა̄ქ ლი?" და̈̄ვდ ხა̈̄ქვ: "ნა̈თხვჲარე̄მი ლეღვშ გარ ლაყად
Line of edition: 26    ი იმ გვიშვრი, არდე̄დს!" მიჩა ხეხვდ ეში̄ მა̄დ ახკიდ ჰაჯ. და̈̄ვდ ხა̈̄ქვ: "ცოდ
Line of edition: 27    სი̄ვ ჯა̄რ! ჲაღო აშხვ ნაგზა ხაშდრა̈ნდას სი̄რმა თა̈კვს, ეჯა ბარჯა̈ლქა ქა ოთოთლ,
Line of edition: 28    ჟ'ა̈ხვგენი, თხვიმს ჟ'ოხქვიცე". ლახა̄დ ზურა̄ლ ალ თა̈კვა̈ ლაშდრა̈ნს.
Line of edition: 29    აშხვ ნაგზა აშდრა̈ნდა. ეშხვ ნაგზანღო ხა̈̄ქვ ჯარმამას: "ისგუ მუ ლა̈თხვჲართე
Line of edition: 30    გარ დე̄მ იზელა̄ლ, ეჯა ლაკჰუ̄რა̈ლსი იჩოდა". ჯარმამა ჟ'ა̈ნხირნა̈̄ნ
Line of edition: 31    ი ხა̈̄ქვე: "მაჲ ლაკჰუ̄რას როქვ?" ეჩქა ქა ოთთილ მიჩა ნაშდრან თა̈კვ ბარჯა̈ლქა.
Line of edition: 32    "ალას ესერ ჩუ ემოშ აჭკვრე". ესძგუ̄მბალე ჯარმამად ი ჩუ ადქუცუ̄რე.
Line of edition: 33    ალა მიჩა დის მა̄მ ლოხცხა̈̄ნ. და̈̄ვს ხა̈̄ქვ მე̄რმა ლადა̈ღ, ერე ეჯკა̈ლი̄ვ მა
Line of edition: 34    ა̈ნგო̄ნვე, ერე ჩუ მა ა̈თყერს ჯარმამას". ეჩქა ხა̈̄ქვ და̈̄ვდ: "ჲაღო ცოდ როქ მიჩუ
Line of edition: 35    ხა̄რ, ხოხრა ჩაფლი̄და̈რუ ოხშხებჲე̄ლე, ეჯჲა̈რ ძალოშ სგა̄ვ ათდა̄ლე". ანშხებჲე̄ლე
Line of edition: 36    ხოხრა ჩაფლი̄და̈რ ი ძალოშ სგათდა̄ლენე. სგა̈̄დდა̄ლე. ანჷ̄გა̈ნ ჟი ი ჭჷშხა̈რ გარ
Line of edition: 37    ანკაჩე, ეჩქა ქ'ა̄ჩა̈დ და̈̄ვ ი თხვიმ ჟი ახქვიც, ჰა̈ზვთექა ქ'ა̄ნჴიდ. ალას მურყვამხა̈ნქა
Line of edition: 38    მიჩა დაჩვირ ხეწა̈დ ი ჩუ ანჴა̈დ. ეჩი̄ ლერქვა̈ლ მიჩნე̄მ ა̈დქვე, მიჩა ლერქვა̈ლ
Line of edition: 39    ეჯას ათქვე. ჯა ჟი ლა̈ჲქვე̄ცინე ი რა̈ში შუნ ლა̄ჲე ი ცხემა̈დი̄. ამჟი აჩა̈დ. წიფრას
Line of edition: 40    ხა̈̄ქვ, ერე "წიფრა, ჯა ბედნიე̄რ, ჩუ̄ვ აცა̈ლ ი ლჷდგა̈რ ჟი̄ვ ლოხვშხვინ!" წიფრა
Line of edition: 41    ჩუ აცა̈ლ, ღო უშხვა̄რ ლა̈ხტა̈ხ ი ჯა აჩა̈დ ჯარმამა̈̄ ლეხხუ̄რიჲა̈ლთე. ეჩი ამბა̈ვ მა̈გ
Line of edition: 42    ჩუ ხოხალდა. ლახაგა̈ნ მა̈̄ნკვი აშხვ. ვითომ ჯა ჯარმამა ლი ი ხეხვ ხაკუ. ალჲა̈რს
Page of edition: 168  Line of edition: 1    ჰერისგა ჰეჭვ ლახა̄დხ ი ხა̈̄ქვეხ. "ჯა როქვ დო̄ვ დო̄სა ლა̈სვ ჯარმამა. ჲაღო ეჯ ლაკვჰუ̄რა̄ვ
Line of edition: 2    ხა̈̄ქვხ ე́, ხედვა̈̄ჲ ჯარმამას ხოჩვმინა", ხა̈̄ქვეხ. ჩუ ჩვემინ ამჟი. სემი ლა̈ხხვა
Line of edition: 3    მა̈გ ა̈ნნა̈ზო̄რე ი ახყა. აშხვ ა̈გის ხა̈̄ქვე: "ჯა როქვ ათხე სგვებინ ადრი ი ლექურწილს
Line of edition: 4    ამა̄რე, მინ ა̈ხჭა̈მხუ შუკვს". ანჴა̈დ ი სგა ლახა̄გა̈ნ ეჯ წიფრას ე́, იმვა̈̄ჲ ლჷდგა̈რ
Line of edition: 5    ხორდა. "წიფრა, ჯა ბედნიე̄რ! ლჷდგა̈რ ქა̄ვ ლახტიხ". წიფრა ჩუ აცა̈ლ ი ლჷდგა̈რ
Line of edition: 6    ქა ლახტიხ. ეჩქა მიჩა ლერქვა̈ლ სგა ლახტიხ, ფაყვ ჟი ათგე, რა̈შ წიფრას სგა
Line of edition: 7    ლახბე ი ლჷდგა̈რ შუკვისგა ჩუ ესდე ი ჯა აჩა̈დ, ცხეკთე ა̈დქარვა̈̄ნ. ამექა ქა ლახა̄სდხ
Line of edition: 8    ქვერწლა̈რ ი მიჩა ლა̈ხხვა. ალას ხეწადხ ა, ლჷდგა̈რს ი ლეგ გვი ლოხო̄სდხ.
Line of edition: 9    აშხვ ხეხვდ რა̈̄ქვე: "ალას ესერ თხვიმს სგა ხაჭრენი ჯა". მე̄რვე̄მ რა̈̄ქვე. "ჯა ესერ
Line of edition: 10    ჰა̈ბს ხა̈ტხე". მე̄სმე̄მ რჷქვე: "ჯა ესერ ქვინს ხოგნე". ამჟი ჩუ ჩვემინხ ი ლჷჲა̈რ ანტა̈ხ
Line of edition: 11    ჯარმამა.

Line of edition: 12       ათხა გუდ ანჴა̈დ, ერე იმჟი ლა̈სვ გვეშ. მა̄დხვა̈̄ჲ ხა̈ნუნღო ხა̈̄ქვ ქვერწლა̈რს:
Line of edition: 13    "ჯა როქვ სგვებინ ღჷრი ა̈გითე". ეჩქა ხა̈̄ქვეხ, ერე "ეჩხა̄ვ როქვ ა̈მჩედ სგვებინ,
Line of edition: 14    მარე ლჷდგა̈რ ესხვიე̄ნა შუკვისგა". ეჩქა ჯარმამად ხა̈̄ქვ: "მი სგა̈ჲ აჯკუჰი̄რ, ადო
Line of edition: 15    მი კისდ ლჷდგა̈რ მა̄მა ხვა̈სვ, მარე ქვინი ლიგნე̄ჯ ჰემმა̄ვ ჯა̈მჲე̄დე̄ნხ". ქა ანჴა̈დ სგვებინ.
Line of edition: 16    ა̈გითე აჩა̈დ ი და̈̄ვ ჩუ ადგა̈რ ი მიჩა დი ჭჷშხარშვ მეგა̈მს ოხრეკ. ქვერწილ ჩუ
Line of edition: 17    ათყერ, თვით ლე̄თ სგა ლოხყურდა ი მიჩა გვეშ ქა ოხუ̄მბვე. ათხა ჯა ესერ ღჷრი
Line of edition: 18    მიჩა დაჩვირ ლათხე̄ლთე, ეშდჲარვ ზავ ესერ ნო̄სა̄ვ ა̈ხთხა̄ლხ. ეშდჲარვ ზაუნღო
Line of edition: 19    ესერ ქა̄ვ ანჷზეხ მიჩა გეზლი̄რ. ლა̈ხხვა მა̈გ ღანავ ოთსა̈დ. ჯა აჩა̈დ მიჩა დაჩვირ
Line of edition: 20    ლათხე̄ლთე, ეშდჲარვ ზავთე მა̄დხვა̈ჲ კა̈ლდა, ეჩქა ა̈თთხანა̈̄ნ აშხვ სოფელს ჲარვ
Line of edition: 21    ბეფშვს. ეჯჲა̈რს ხუღვა̈̄ნხ პლატკულ. მა̈გ ხეღვჭინა̄ლხ, მარე ჟი და̈̄რ მოშ ირმეჲდახ.
Line of edition: 22    ლა̈ხჭა̈მ ალას ჯარმამა ი ქა ხა̈ჴდუნა პლატკულს. ეჩქა მე̄რმა ბეფშვდ ხა̈̄ქვე:
Line of edition: 23    "ჯარმამა̈̄ ქვინუ როქვ ათთვეფა, ჰე ლახო̄მა პლატოკ". ალა ჯარმამას ლახსჷმდა
Line of edition: 24    ი ჩუ აფიშვდ. ა̈თჭა̈მ ჩვიმდ ვეშგიმ ალ ბოფშა̈რს, სგა აჩა̈დხ აშხვ ა̈გითე. ქორხა̈ნქა
Line of edition: 25    ქა ანჴა̈დ ლუძძუ̄რე ზურა̄ლ. ჯარმამას ჩა̈ჩ ხა̄გა̈ნ მიჩა დაჩვრა̈შ. ეჯ ლუძძუ̄რე
Line of edition: 26    ზურა̄ლ ლა̈სვ ჯარმამა̈̄ დაჩვირ. ხეწა̈დხ უშხვა̄რ, სურუ ათჩო̄ნხ. ძაძა̈რ ჩუ აშიდ,
Line of edition: 27    ჩა̈ჩ ქა ა̈დწაბუ̄რე. ამჟი ახა̄გა̈ნხ შუკვს ჯარმამა̈̄ დაჩვირ ი მიჩა ჭა̈შ, ჲორი მიჩა
Line of edition: 28    გეზალ ი ჯარმამა. ესღრიხ შუკვს ი ანღრი მირ მე̄რე̄მიშ ი მე̄ფხე̄მი ნე̄სგაქა წჷრნიდ,
Line of edition: 29    ა̈თღვა̈ჭ ჯარმამა. ალა ლა̈სვ მიჩა გეზალ მიჩა ლათხე̄ლთე მე̄ზი ი ჟი ახჭო̄ნვნე. ამჟი
Line of edition: 30    ანღჷრდა აჯაღ მეშხად. ალაი̄ მიჩა გეზალ ი ჟი ახჭო̄ნვნე, ღო ანღჷრდა აჯაღ თვეთნად,
Line of edition: 31    ალასი ჟი ახჭო̄ნვნე. ანღრიხ სერ ჯარმამა ი სემი მიჩა გეზალ, მიჩა დაჩვირ,
Line of edition: 32    ჲორი ეჩი̄ გეზალ ი ჭა̈შ. სგა ანჴა̈დხ ა̈გითე ი ხოჩა ლირდე ა̈დჴიდხ ი ჯა̈მზჷრახ
Line of edition: 33    ღერთემ!


Line of edition: 34 
მესტია



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.