TITUS
Svan Chrestomathy
Part No. 197
Previous part

Text: 192 
Page of edition: 174 
Line of edition: 1 
ბალსქვემოური კილო



Line of edition: 2 
ა) ზნე-ჩვეულებანი



Line of edition: 3 
192. ლიფანე


Line of edition: 4       ქუნა̈რს გვიშგეშმჷყ, მა̈ ლა̈თიალს ლი, აშგარხი ლიფანედ. სერთხი მახე ი
Line of edition: 5    ლეტკლებ ლჷდგა̈რ ჲესვა ხასკორა, ეჯი ლეგამჷნქა ქუნრე ღვნრეშდ ნახუნსერ
Line of edition: 6    ხოშამ იმარელ. ნაფანუნდ ხოჩა ი ფიშირ შვიმიშ ლეზებ ხეკვეს ხუღვანდეხ.
Line of edition: 7    ლიფანაჟი სკამა̈რ სგებინლექვა ჩუ ჷგემხ ტაბგარს ი სტოლს. ამია̈რჟი ჩვადაწყეხ მახე
Line of edition: 8    ნა̈სყევ ლეზობ, თვირ ხეკვეს ოსეზიდეს ჩიგვაშვ. ქ'ა̈გვშეხ შედა̈რთექა ლაშუნდები
Line of edition: 9    ზედა̈შს. ფაკნა̈რთე ჰარა̈კ ლჷჯაი ა̈გვშა̈ლიხ ხოხვროლუეშდ. ა̈მიშ ჩიმი ქა
Line of edition: 10    ნა̈ჴიდუნღვე ი ტაბგა̈რჟი ი სტოლა̈რჟი ჟი ნადაწყუნღვე ქორისგა მერდე ზურალმარე მა̈გ
Line of edition: 11    ჩუ იქვქვი, ღვაჟმარე -- კაჩ იგნი ი ფაყვს ქა იკედ. ქორა̈შ მახვში, ჰედ მაშენამთეშ
Line of edition: 12    ღვაჟმარე ქა ღჷრი ტაბა̈გთექა, შია̈რს სგებნავ ხა̈ხლინე ლა̈მზჷრჟიშშალ ი
Line of edition: 13    აშხვალა̈გდ ჩუ ლჷგ უშკუშუნდ. აშხუნღვე ლიშუდების ხობნე ქუნა̈რს. მუშუნდები
Line of edition: 14    ამჟი გვარიშდ ხოშუნდები: " ჰა̄, შვენდბ'ოღვ ჯარხ ნიშგე (\ გვიშგე)
Line of edition: 15    ლეშუნდებას. ამაბასდ ქა მა̈ აჯკა̈ლნენხ, ეჯი ეჯაბასდ ხოჩამშვოღვ ლაჲტეხახ. ქრისდეშ
Line of edition: 16    ნა̈რჰიდ ი ჩამაგადოღვ ჯიგა̈ხდ. იმგვა ზეთშვ უჩხადეს ი ბამბა̈შვ შდუადეს, ეჩეჩვოღვ
Line of edition: 17    ჯარხ ლაქუნ. მიჟ ჯეწეხ ლეთნ ი ლადეღნ ი ნოი მჷცხი ჯადეხ ი დეი -- ათუ, ლიც
Line of edition: 18    მეზი ისგე უმა̈ვინ ლესეს, ბიქვ ისგე მა̈შედ ლესეს. მჷჰი ლეხლერ მახად
Line of edition: 19    ლამღვა̈ის ხეტეხეს ეჩეჩვოღვ ლი ისგე ლაქუნ. ჲესვა ამ ქორთეჲსგა მოლიდილ სგა
Line of edition: 20    ჯიგდჷნეხ, ჩი შვენდბოღვ ჯარხ, მა̈გ ხოჩა გაროღვ ა̈ჯთიალახ ნიშგე ი ნიშგე
Line of edition: 21    ერდგვილ მარემიშ ბედჟი. ხოლა ჟიშხ ნომ' ენცურედ, საბლუ! ისგე ლა̈შგდა̈შ პა̈ტივ
Line of edition: 22    ე დეშ ჯა̈ყრიდ, ნომა ნანდროვად მა̈ლდია̈ნუ! ქა მა̈ აჯკა̈ლიდეხ ნიშგვეშხენქა, ეჯი
Line of edition: 23    ქრისდესოღვ ოთტიხა ხოჩამშვ. ქრისდე ღერმეთოღვ ლი ისგე ლაქუნა̈შ
Line of edition: 24    მჷკლა̈თხი!

Line of edition: 25       ლოშგიმპილს ლოცს იჩო მუშუნდები, ზედაშს ჟი ხოშუნდები ქუნა̈რს.
Line of edition: 26    ეჩქანღვე ქორს მერდა მა̈გ ლოცს იჩოხ ი ლაშუნდები ჟი იმზჷრიხ, ჩუ ხოშუნდებიხ
Line of edition: 27    ი ღვე ჩუ ჷთრეხ.


Line of edition: 28 
შავხან სუბელიანი. ჭუბერი. მ. ქალდანი. 12. ვი. 1952 წ.



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.