TITUS
Svan Chrestomathy
Part No. 210
Previous part

Text: 205 
Page of edition: 187 
Line of edition: 1 
205. და̈ლ


Line of edition: 2       და̈ლეშ ამბა̈ვს მ'აჯჷმბა̈ვისგ, და̈ლს მა̈ გვეშ ლი ხოჩამდ.

Line of edition: 3       და̈ლ ლი წებელიშ მაზრიშ. სოხუმიშ ოკრუკას ხვა̈ირიდ.

Line of edition: 4       წებელუნღვე ლი ანტყელ, ანტყელუნღვე ლი ბაგადა, ბაგადაუნღვე ლი
Line of edition: 5    ლათა, ლათაუნრვე ლი ქვაბჩარა, ქვაბჩარაუნღვე ლი ზჷმა, ზჷმაუნღვე ლი
Line of edition: 6    ჩხალთა. ჩხალთას ანღრი ხოშა ლიც, ფალა̈, ხოცა ლიც. ლჷცქა ხა̈ზ ბოგ ბერჯა̈შ,
Line of edition: 7    წჷრნი ბოგ ლი. ჩხალთას ლი დუქნა̈რ. ამეჩუ ჯიხვირ ლჷგ ჯვინელ დრა̈ვჟიშ ნაგემ
Line of edition: 8    ეჩეისგა ლჷგ ლამბაქვ ხოხრა ოთახვ, კჷრკა̈ნდ ძღვიდ ხაგ ჯიხვირს. ჩხალთაუნღვე ლი
Line of edition: 9    აჯარა. ამეჩუ რუსვა̈რ იზგეხ ი შვანა̈რი. აჯარაუნღვე ლი გჷნწიშ, გჷნწიშუნღვე
Line of edition: 10    ლი უმარა̈რ, უმარა̈რუნღვე ლი საკენ ლი ხოჩა მინდორ, ლარე. ეჩეჩუ
Line of edition: 11    ანღრი ჭალა̈. ჭალიშ რიყჟი ანღრი სგიმ, ხოჩა სგიმ. ადა̈იდ საკენუნღვე ლი ხვარა̈შ
Line of edition: 12    ჴარჴ. ხვარა̈ ჴარჴ დალხენჩუ ლი დალთეისგა დალეშ, ხვარა̈ ჴარჴ მერმახენჩუ ლი
Line of edition: 13    ხოშა შვა̈ნ, სამზღვარ ხვარა̈ ჴარჴ ლი. ხვარა̈ ჴარჴენ ლი ლაზელალ ლინთვისგაშ
Line of edition: 14    მენგზარიშ, და̈ლეშ ი შვა̈ნეშ მენგზარიშ. ადა̈იდ ლი მერმე ჴარჴ სანზავ ჯერილა̈შ
Line of edition: 15    ჴარჴ, ამზავა̈შ ლაზელალ მენგზარიშ და̈ლეშ ი შვა̈ნეშ. ათხე ადა̈იდ ჯემბვალ
Line of edition: 16    და̈ლეშ გვაშვ, ხოლამ ი ხოჩამ, მ'ამბა̈ვ ლი, ეჯის.

Line of edition: 17       და̈ლს ლი ხოჩა ლაცხოვრებ ა̈დგი, მაჩენე ლაცხოვრებ ა̈დგი ლი აჯარას.
Line of edition: 18    ეჩქანღვე ლადრერა̈რ. ლადრერა̈რ ხაშხა ბუ̈რსილოვიშ პლა̈ნს. ეჩქანღვო ხაშხა
Line of edition: 19    გვანდრა. გვანდრას ლი ნენსგაქაშვ ლალზიგალ ა̈დგი. ყარჩათ' ესხრი შუკვ, ხოჩა შუკვ,
Line of edition: 20    სოხუმხენ ანღრი ხოსა თეთნა ბუტკათეისგა. თეთნე ბუტკა ლი გვა̈ნდრას.
Line of edition: 21    ბუტკაგა̈ნხენ ლექვა ანღრი ჭალა̈. თეთნე ბუტკახენ ხოზი ყარჩათე ჲორი ლადღიშ
Line of edition: 22    ლეზნე, ხოსა ყარჩათე. თეთნე ბუტკახენ ხეჴდჷნი მეგრა ბაჩვთე, მეგრა ბაჩვხენ
Line of edition: 23    ხეჴდჷნი კანტორათეისგა. კანტორას ლი: ქორა̈ლ ლჷგხ ი ბუტკა ლჷგ. ალი ლი
Line of edition: 24    უსურმა̈ნხენჩუ. გვანდრახენ შუკვს ხაშხა პერვალ. ეჩქანრვე ჩხალთას ესხრი შუკვ,
Line of edition: 25    მარხვთე ესხრი. მარხვ ლი ყარჩათე შუკვ. მარხვხენ თეგე̄ლთე ესხრი შუკვ.
Line of edition: 26    მარხვს ანღრიხ სგიმა̈რ. ხოჩა მინდვრა̈რ ლიხ, ლაროლ. ათხე ალა̈რ ლიხ
Line of edition: 27    უსურმა̈ნთე სალაზ შუკვა̈რ, და̈ლხენიშ. ათხე ადა̈იდ აჯარა სოფელხენ ესხრი დროგ სოხუმთე.
Line of edition: 28    აჯარახენ თეთნა ბუტკათე ლი დროგა̈ შუკვ. ათხე ძგიდიშ სოფლა̈რს ა̈ჯჷმბა̈ვისგ.
Line of edition: 29    საკენ ლი ლახვ ა̈დგი, ცხეკ. გჷნწიშ იზგეხ ჟაბა̈რ, ჯაბე გჷნწიშ ცხეკ ა̈დგი ლი ი
Line of edition: 30    ჩვაბე გჷნწიშ' ა̈დგილ ლი. რუსა̈რ იზგეხ. გჷნწშიშ ნაზიმჟი ლი ლახვა̈რ. ეჯ ლახვს
Line of edition: 31    ხაშხა ხუტია. ათხე ტიშ. ტიშ სოფლიშ ამბა̈ვს ჯემბვალ. ტიშ სოფელხენ ხოზი
Line of edition: 32    ლახვთე მოლიდ გარ. ლახვს ხაშხა ხოხრა ხუტია. ხოხრა ხუტიახენ ხოშა ხუტიათე
Line of edition: 33    ლაწვე ლი. ხოშა ხუტიაშ ი ხოხრა ხუტიაშ ნენსგა ღა̈რ ლი ხოშა ი ლიც ანღრი, ჭალა̈.
Line of edition: 34    ალის ხაშხა ხაწკვარვა. ეჯ ლიც ესხრი აჯარა სოფელგა̈ნხენ ლქვა. ეჩექა ხა̈ზ ბოგ,
Line of edition: 35    ბოგ ლი პოსტა̈გხენ, აჯარაშ პოსტგა̈ნხენ. ეჯ პოსტ ლი ბაჩვემ. პოსტგა̈ნხენ იზგეხ
Line of edition: 36    რუსა̈რ ი შვანა̈რ. პოსტ ჩვებშხენ იზგეხ შვანა̈რ. ეჯის ხაშხა ბერილდა̈რ. წჷრნი
Line of edition: 37    ლარდა ლჷგ ბერრე. ეჩეისგ' ა̈რი მუშნი მჷზა პაკელიან, მჷზა ლი ჰეცრის. წჷრნი
Line of edition: 38    ქორაშ ნაზიმქა ლი ბოგ ბარჷმბა̈იშ. ბარჷმბა ლი სოფელ ლჷც ეჩხენ. ეჩეჩუ იზგე
Line of edition: 39    უმბოლ ზურალ. ეჯის ხაშხა დაჯჷ. გვა̈რ ხარ გურჩიან. ჭა̈შ ჩუ ლჷდგა̈რ ხარ. ეჩა
Line of edition: 40    ნაზიმ ლეჯა ლი, ბარჷმბა̈ ხაშხა ეჯისი. ეჩე ლექვ'ანღრი ლიც, ჭალა̈. ეჩა ღა̈რ ლეჟა
Line of edition: 41    იზგეხ ბერა̈რ, რუსვა̈რ.

Line of edition: 42       ათხე ჯემბვალ ჩხალთა̈შ გვაშ. ჩხალთას იზგეხ სოფლა̈რ ბჷძჷგრა̈რ.
Page of edition: 188  Line of edition: 1    ბჷძჷგჷრ ლი ხოხრა სოფლა̈რ, ცხეკ-სოფელ ლი. ბჷძჷგჷრხენჩუ ანღრი შუკვ
Line of edition: 2    ჩხალთათეისგა. ადა̈იდ ანღრი ბჷძჷგჷრხენჩუ შუკვ ბერილდა̈რთეჩუ. მესმე შუკვ ესხრი
Line of edition: 3    ბჷძჷგჷრხენ ტიშთე. ტიშხენ ესხრი შუკვ აძგარათე. აძგარა ლი ხოლა მინდვრა̈რ,
Line of edition: 4    ლაროლ; სგიმა̈რ ანღრიხ ი ადა̈იდ ლა̈თხვარ ა̈დგი ლი. ეჩხავ ესხრი მა̈გ ლათხვართე.
Line of edition: 5    ნათხროლ მასა̈რდ ა̈რიხ, ღვაშა̈რ ი კვიცროლ, და̈შდვა̈რ, ჰერსკნა̈რ. ამჟი
Line of edition: 6    ლა̈ქვნიმგენ ა̈დგი ლი აძგარა, მერე ტყარ გარ ქვინჷმგენე ა̈რი. სერ მ'ა̈ჯჷმბავა?

Line of edition: 7       და̈ლს ა̈რი ხოჩა პა̈ტიოსან ხა̈ლხ. მა̈გ შვა̈ნხენ ნაჴედ, ხოშა შვა̈ნხენ. გჷნწიშ
Line of edition: 8    ა̈რი ხოშა მჷჟაბირ. აჯარას ა̈რი ხოფშირა მუჩვაბირ. ტიშს არი ხოფშირა მუჟაბირ.
Line of edition: 9    ბჷძჷგჷრ ა̈რი მა̈გ მუჩვაბირ. ბუჩუყურ ა̈რი მა̈გ მუჩვაბირ. ზჷმს იზგეხ მა̈გ
Line of edition: 10    მუჩვაბირ. მერმე ზჷმას იზგეხ მა̈გ მუჩვაბირ, ჩხალთას იზგეხ ქართველა̈რ ი შვანა̈რ.
Line of edition: 11    ქვაბჩარას იზგე ეშხუ მუშვნი. ეჯის ხაშხა ჩაყთაილ, გვა̈რ ხარ არღვლიან. ლათას
Line of edition: 12    იზგეხ ხოშა სომხა̈რ ი ზანა̈რ, რუსვარ, შვანა̈რი იზგეხ. ალი ლათას. ლათს ლეჟავ
Line of edition: 13    ჩია̈გ მუშვნი იზგე ხვარა̈შ ჴარჴთეისგა. და̈ლს იზგეხ უსგვ'აშირ მეზგე მუჩვაბირ
Line of edition: 14    ი მუჟაბირ, ჲერ ჯვინელ ნალზიგალ, ჲერ მახე.

Line of edition: 15       ხილ ხაგ და̈ლს ხოშა კაკ, ეჩქანღო ბარყვენ, ვიცხ ი ვისგ, გვიჯ, ადა̈იდ
Line of edition: 16    ქილვა̈რდ, შდიხ, ატამა, ბია, ანთროლ, ადა̈იდ ყუნზელ, ემნგმჷლდ, ინღა, ცინყა, ვიღვ,
Line of edition: 17    მენცხვარ.

Line of edition: 18       ლასად ნიჴდენი სიმინდ ი კვეცენ, ფეტვ, კულ (იმაჟი კვეცენ ლი, ამჟი ლი),
Line of edition: 19    ადა̈იდ მანა̈შ, ჭჷმინ, როგ, ღედა̈რ, ქირს, კობეშია, ხარბჷზ, კინტვრი, ლებია,
Line of edition: 20    კარტო̈ბილ, სიმინდიშ შდარა̈რ, სიმინდიშ შედ ნიგ მაღაზოლ, ეშთე ხვადისგ
Line of edition: 21    სიმინდს. მაღაზა ლჷგ სოტა̈რქა, კჷლთხი.

Line of edition: 22       ქორა̈რ ლჷგხ და̈ლს მა̈გ მეგემ, ხჷნსგა ფიცრიშ ი ხჷნსგა კურპი მეგემ,
Line of edition: 23    ბაჩვემ ქორ დემეგ ლჷგ.


Line of edition: 24 
ვლადიმერ სუბელიანი. დალი. ა. შანიძე. 29. ვიიი. 1923 წ.



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.