TITUS
Svan Prose Texts I (Upper Bal)
Part No. 75
Previous part

Text: 82 
Page of edition: 130 
Line of edition: 4 
82. ინოია


Line of edition: 5       არდა ეშხუ ხელწიფ, ხორდა ეშხუ ზითუნახა̈უ̂. ალ ხელწიფს ჭყინტდი
Line of edition: 6    ალა ხორდა ი დი̄ნადი̄. ათხე ოხჴა̈დ ალას ლიწუ̂ი̄ლა̄ლე დუ̂რეუ̂.
Line of edition: 7    ალ ხელწიფდ მიჩა სა̈ხჷლწიფ მა̈გ ჩუ̂ა̈დზუ̂ერ ი ხა̈̄ქუ̂ ხა̈ლხს: "მიჩ ესერ
Line of edition: 8    ხორი ეშხუ ზითუნახა̈უ̂ ნანუ̄ლ. ეჩი̄ ჟახა ესერ ერუ̂ა̈̄ჲ ჩუ̂ა̈თხო̄ლი,
Line of edition: 9    ეჩას ესერ ხაჰუ̂დი ხეხუ̂დ". ა̈ნზუ̂ერ მა̈გ, მარე და̈̄რ მოშ ათხუ̂ი̄დ. ათხე
Line of edition: 10    ხელწიფ ჟ'ა̈ნწახუ̂ა̈̄ნ. ა̈დზუ̂ერ აჯაღ მე̄რმა̄მდ, მარე აჯაღ და̈̄რ მოშ
Line of edition: 11    ათხუ̂ი̄დ. ა̈დზუ̂ერ აჯაღ მე̄სმა̄მდ, მარე ეში̄ და̈̄რ მოშ ათხუ̂ი̄დ. ათხე
Line of edition: 12    ანჴა̈დ მჷრა̈̄მხა̈ნ ეშხუ ჟეღი ლუნიჩუ̂ მა̄რე ი ამნე̄მ ლა̈̄ქუ̂: "მა̈ჲ ანბა̈უ̂
Line of edition: 13    ესერ ლი?" ხა̈ლხდ ლახტიხ, ერე "ხელწიფს ესერ ხორი ეშხუ ზითუნახა̈უ̂
Line of edition: 14    ნანუ̄ლ. ეჩი̄ ჟახა ესერ ერუ̂ა̈̄ჲ ჩუ მოშ ა̈თხო̄ლი, ეჩის ესერ
Line of edition: 15    ხაჰუ̂დი ხეხუ̂დ".
Line of edition: 16       -- ჲაღო ესერ, ხელწიფ იმ' ა̈̄რი, ჯ' ე̄სერ ხეხუ̂ა ეჩი̄ ჟახა.

Line of edition: 17       ათხე სგა̄ჩა̈დხ უ̂ა̈ზრა̈ლ ხელწიფიშთე ი ხა̈̄ქუ̂ხ: -- ფუსდ! ეშხუ მა̄რე
Line of edition: 18    ესერ ა̈მჴედე̄ლი მჷრა̈̄მხა̈ნ ათხე ი ეჯ' ე̄სერ ხეხუ̂ა მიჩა გეზლა̈ ჟახა.
Line of edition: 19       -- ჲაღო ესერ, სგა̄უ̂ ოხჴიდხ ეჯ მა̄რე!

Line of edition: 20       ალ მა̄რა ხაჟხა ძაღლთაგან. ალას უ̂ეშგმაუ̂ი̄ ჟეღი ნიჩუ̂ ხა̄რ ი
Line of edition: 21    სგუ̂ებნაუ̂ი̄. ძაღლთაგანს ხა̈̄ქუ̂ინხ უ̂ა̈ზრა̈ლდ. "ხელწიფ ესერ ხატუ̄ლი".
Line of edition: 22    სგა̄დჲეხ ალა ხელწიფიშთე. ხელწიფდ ხა̈̄ქუ̂: -- ჯ' ე̄სერ ხეხუ̂ა მო მიჩა
Line of edition: 23    გეზლა̈ ჟახა? -- ჯ' ე̄სერ. -- ჲაღო, ჩუ̄უ̂ ესდეხ მინდ პირობ (ხელწიფდ
Line of edition: 24    ლა̈̄ქუ̂): ჩუ̂ ესერ ე ა̈თხო̄ლი მიჩა ზითუნახა̈უ̂ი ჟახა-ჲ ჯ' ე̄სერ ლახუ̂ედნე
Line of edition: 25    ზითუნახა̈უ̂ს ხეხუ̂დ, ჩუ̂ ესერ ე დოშ ი ეჩქა მიჩ ესერ ახქუ̂იცე თხუ̂იმს.
Line of edition: 26    -- ჰა̈დურდ ესერ ეზა̈რ!

Line of edition: 27       ჩუ̂ესდეხ ალჲა̈რდ ამჟი პირობ. ათხე ჩუ̂ა̈დზუ̂ერ ხა̈ლხ ი ლა̈̄ქუ̂ინ
Line of edition: 28    ძაღლთაგანდ: "ჲაღო, ხელწიფი ნანუ̄ლს ესერ ხაჟხა ინოია". ალა ხელწიფს
Line of edition: 29    მეუ̂არ ათლო̄ნ, მარე პირობ დეშ აკუ̂იშ ი სერ ქა ნაუ̂ჰედი მა̄მა
Line of edition: 30    ხა̄დ. ათხე ხელწიფდ ჟ'ანმა̄რე ნანუ̄ლ ი მიჩა ლალსგურა რა̈შ ქა
Line of edition: 31    ლახუ̂ე̄მ. ალას სგა ლოხჴერნე აშირ ლუქუ̂ეით, აშირ ლჷჩა̈̄ჟ ი ჟ'ანმა̄რე
Line of edition: 32    ამჟი. ათხე ზითუნახა̈უ̂ს ხა̈̄ქუ̂ინ მიჩა მჷ̄ზნა̈ნიდ: -- ჲაღო ესერ, ქა̄უ̂ აჩა̈დ
Line of edition: 33    ი მიჩა მუცახა̈ნ ლიგუ̂ნი̄უ̂ ა̈დბინე. ლახ ესერ ლა̈ხჭუ̂ედდე̄დს, ამჟი̄უ̂
Line of edition: 34    ხა̈̄ქუ̂: "ჲაღო, მიჩ ესერ უ̂ორჷნჩუ უ̂ორმოისგა რა̈შ ხო̄ბ ჩაუ̂ჩიტ, ეჯ'
Line of edition: 35    ე̄სერ ხაკუჩ ლალსგურად". აჩა̈დ გაცხა̈ჲდ ნანუ̄ლ მიჩა მუთე ი ა̈დბინე
Line of edition: 36    ლიგუ̂ნი: -- იმნა̈რ ესერ იგუ̂ნი? მუქურწილ მა̄რე ესერ ხალა მო? -- მუქურწილ
Line of edition: 37    მა̄რე ესერ დე̄სა, მარე მიჩ ესერ უ̂ორჷნჩუ რა̈შ ხო̄ბ ჩაუ̂ჩიტ,
Page of edition: 131  Line of edition: 1    ეჯ' ე̄სერ ხაკუ. -- ო მამა̈̄შ, მიჩაუ̂ ცოდ ესერ ხა̄რ ი მიჩაი̄ ამი̄ მიჩა
Line of edition: 2    მე̄ქუ̂ი̄სგს! ქ' ე̄სერ ლახუ̂ედნე, ჲაღო ესერ, იმ იჩო?

Line of edition: 3       სერ ხელწიფდ ჟ'ოხმა̄რე ლალსგურა რა̈შ ი მჷნჴრი მა̄რე მა̈გ,
Line of edition: 4    ალჲა̈რ ესღრიხ ი ესღრიხ. მე̄რმა ლადეღ უ̂ეშგინ ძაღლთაგან ა̈თჭა̈მხ
Line of edition: 5    ი მუქურწილ მჷნჴრი მა̄რე მა̈გ სგა ლახმა̈მ. ჩუ̂ასა̈დხ რა̈შ ი ნანუ̄ლ გარ.
Line of edition: 6    ათხე ალჲარე ლიზუ̂ებს ხამურჯი ი ახჭიმ უ̂ეშგინ. რა̈შდ ხა̈̄ქუ̂ინ ნანუ̄ლს:
Line of edition: 7    "მიჩ ესერ ლერსგუ̂ენ შდჷმხა̈ნ ლაშე̄რილ ხორი, ეჯაუ̂ ადკუ̂ა̈რ
Line of edition: 8    უ̂ეშგმაუ̂!" ადკუ̂ა̈რ [უ̂ეშგმაუ̂] ალა ი ეჯკა̈ლი კოჯდ ქე̄სსიპდა, ერე
Line of edition: 9    ნა̈პო̄ლი დეშ პერნი. ლახა̄გა̈ნ ალას ძაღლთაგან ი ა̈ხუ̂რიჭი შდჷქარშუ̂.
Line of edition: 10    ალას ალსმი შდჷქა̈რ ხა̄რ. უ̂ეშგნაუ̂ ი სგუ̂ებნაუ̂ ჩი̄თე მუგუდ ქუ̂იცე.
Line of edition: 11    ამჟი ქა̄ჩად ალ კოჯქა, აჯაღ ესჭიმ ი ხეჰა̈̄ლ. აჯაღ ხა̈̄ქუ̂ინ რა̈შდ:
Line of edition: 12    "მიჩ ესერ ლერთან შდჷმხა̈ნ ლაცხნი̄რილ ხორი, ეჯაუ̂ ადკუ̂ა̈რ!" ადკუ̂ა̈რ
Line of edition: 13    ალა ნანუ̄ლდ ი ეჯკა̈ლი ცხეკდ ქე̄სსიპდა, ერე ამეისგა ნე̄სყე
Line of edition: 14    მა̄მა შყედნი. ლახა̄გა̈ნ ალას ძაღლთაგან ი აჭკუ̂რე ი აჭკუ̂რე. ქა̄ჭკუ̂ერ
Line of edition: 15    ამჟი მიჩა ლა̄ზ. ახჭიმჷდ უ̂ეშგინ (\\ უ̂ეშგიმ). უ̂ოდემ ჩიქად სგა ხეჰა,
Line of edition: 16    ეჩქად ხა̈̄ქუ̂ინ რა̈შდ: "მიჩ ესერ ლერსგუ̂ან შდჷმხა̈ნ კოლფი̄დ ხორი.
Line of edition: 17    ეჩეისგა ესერ ლიც ლჷგ. ეჯაუ̂ აბიდ უ̂ეშგმაუ̂ ეჩჟი, ერე მიჩ ფოყა̈რს
Line of edition: 18    დო̄სა ახბჷდას, ადო ეჩქ' ე̄სერ მინი̄ ჩუ იდა̈̄უ̂შიხ'. ა̈ნკიდ ალა ნანუ̄ლდ
Line of edition: 19    ი აბიდ უ̂ეშგმაუ̂, მარე ფოყა̈რს ქო̄ხრა̈კ კოჭო̄ლ. ალა ეჯკა̈ლი ძუღუ̂ად
Line of edition: 20    ქე̄სსიპდა, ერე ამექა მე̄ზი დე̄სამა ა̈რი, მარე რა̈შსი ფოყა̈რ
Line of edition: 21    სგა̈̄ნჩუ ოთსა̈დ. ათხე ლა̈ჲბინე რა̈შდ ლიცუ̂რეუ̂ი ი ქა̄ჩა̈დ პილთექა.
Line of edition: 22    ალას სგა ლახა̄გა̈ნ ძაღლთაგან ი ჩი̄ხა̈ნ ხა̈სიპ, ხაწკუ̄ლი, მარე ეში̄
Line of edition: 23    დე̄მხა̈ნ მოშ აჩა̈დ ი ჩუ̂ასა̈დ. რა̈შ ი ნანუ̄ლ ესღრიხ ი ესღრიხ, სგა
Line of edition: 24    ლა̈ხჴა̈დჷ̄ნხ აშხუ̂ სა̈ხჷლწიფთე̄სგა. ჟ'აჩა̈დხ კე̄სრი ყო̄რთეჟი̄ნ ი ბინა
Line of edition: 25    ხაშგუ̂მინხ. ალჲა̈რდ შიშტ ხოჩა ოთა̈ხ ლახუ̂ე̄მხ ალჲა̈რს. ალ ნანუ̄ლ
Line of edition: 26    ლუღუჟმა̄რუდ ლჷრექუ̂ ლი. ამ ლე̄თ ა̈ნჷნყაუ̂ე კე̄სრი გეზალდ, ჰა̈დურდ
Line of edition: 27    ხოჩა ეჯა̄დი ლი. ალჲა̈რ ხოსგდიხ უშხუ̂ა̄რ ი ეჩჟი ქა ხალა̈ტხ უშხუ̂ა̄რე
Line of edition: 28    თხუ̂იმ, ერე თეს ქა დეშ ხა̈ყუ̂ლეხ. ამ ლე̄თ მა̄მა-ჲ მე̄რმა ლე̄თ აჯაღ
Line of edition: 29    ანჴა̈დ კე̄სრი გეზალ, აჯაღ ამჟი ხოსგდიხ უშხუ̂ა̄რ. ამჟი ალ ნანუ̄ლს
Line of edition: 30    უნბილდ ქო̄ხუ̂შყა̈დ ლისუ̂ ქა̄მენჩუ. ამი̄ ლისუ̂ს ე̄რ ქა ხეწა̈დ კე̄სრი
Line of edition: 31    გეზალ, ჩუ̂ა̈დკა̄ფ უ̂ეშგინჩუ ამი̄ მალატშუ̂. ალა მეუ̂არ ათხი̄დჷნ ხელწიფსი́,
Line of edition: 32    ლახე ალა ზურა̄ლ ლა̈სუ̂. ალა შიშტ სგა ლახგურგუ̂ნეხ.
Line of edition: 33    ა̈რიხ ამჟი.

Line of edition: 34       ათხე ანჴა̈დ ლა̈ირ: "ჲაღო, ჩი̄ს ესერ ლა̈შია̄ლთე ხა̄რ ლე̄ზი". ალ
Line of edition: 35    კე̄სრი გეზალსი ათხუ̂ი̄დ. ალას ხეხუ̂ ღანაუ̂ ხა̄რ. ალა ე̄რ ლა̈შია̄ლთე
Line of edition: 36    ესღრი ი იმა̄რა̈̄ლ, მიჩა ხეხუ̂ს ხაშგუ̂მინ მიჩა ლალსგურა რა̈შ. ალას
Line of edition: 37    მეუ̂არ ათტკა̈ლბჷნ, მარე იმ იჩოდა, ქა ლახდია̄ნე ი ნანუ̄ლდ ხა̈̄ქუ̂ინ:
Line of edition: 38    "ჲაღო, მიჩა რა̈შს ესერ ეშხუ ჰა̈̄ღუ̂ირ ნო̄საუ̂ ლოხუ̂დე ი მე̄რმე ლელპი".
Page of edition: 132  Line of edition: 1    ამნე̄მ ამჟი პირობ ლახუ̂ე̄მ. ალა აჩა̈დ ლა̈შია̄ლთე ი ა̈გის ჩუ̂ადშგურა̄ნე:
Line of edition: 2    "მიჩა ხეხუ̂ ესერ ლახე ჩუ̂ა̈დღუ̂ა̈ჟს, შიშტ ლა̈ირუ ოთზჷზეხ".

Line of edition: 3       ათხე, შომუ̂ა̈̄ჲ ალას დუ̂რეუ̂ ოხჴა̈დ, ჩუ̂ა̈დღუ̂აჟ. ალას ა̈ხთენა̈̄ნ ეშხუ
Line of edition: 4    ჭყინტ ი მე̄რმე დი̄ნა. ალჲა̈რ ისგჷნჟი ოქუ̂რ ლიხ ი ისგჷნჩუ უ̂ერცხლ.
Line of edition: 5    ალა ხელწიფს მეუ̂არ ათხი̄დჷნ ი ლა̈ხიადა̄ლ აჩუ̂მინ, მიჩა სა̈ხჷლწიფ
Line of edition: 6    მა̈გ ჩუ̂ა̈დზუ̂ერ. ალ ბოფშა̈რ ი მინე დი ეჩჟი ლესგდი ლიხ, ერე იმუ̂ა̈̄ჲჟი
Line of edition: 7    მიჟ-დოშდულ. ალჲა̈რდ ოთზჷზეხ ათხე ლაირ: "ჲაღო, მიჩა
Line of edition: 8    ხეხუ̂ს ესერ ეშხუ მიჟ ხორი ი მე̄რმე დოშდულ. ლა̈ხიადა̄ლ ესერ ეზერ
Line of edition: 9    ოთჩუ̂ემნახ". ადზჷზეხ ამჟი მა̄რე ი ლა̈ირ. ალ მა̄რე ესღრი ი ჯუ̂ე̄დიას
Line of edition: 10    მინდუ̂ერისგა ჩუ̂ა̈თუ̄ჟდა. ანჴა̈დ მჷრა̈̄მხა̈ნ ძაღლთაგან, ალას ლა̈ირა̈ლ
Line of edition: 11    ჟ'ოხკჷდჷ̄რე ი ჩუ̂ადირე, ერე "მიჩა ხეხუ̂ს ესერ ეშხუ უ̂იჯ ხორი ი
Line of edition: 12    მე̄რმე -- აფხუ̂". ალ ლა̈ირა̈ლ სგე̄სუ̂დე ალას ჯიბთე. ანჲა̈ცხ ალ მა̄რე
Line of edition: 13    ი აჩა̈დ.

Line of edition: 14       ოთჴა̈დ ალ მა̄რა მიჩა ლა̈ირა̈ლ ი ა̈დჭოდნე ი მეუ̂არ ათლო̄ნ, მარე
Line of edition: 15    იმ იჩოდა? ლახტიხ პასუ̈ხ, ერე "მა̈̄ჲ ესერ ამგუ̂ა̈ჲ დო ლესუ̂, უ̂იჯდ
Line of edition: 16    ი აფხუ̂დ ესერ ე ხა̈̄ც მა̈გ გუ̂ეში, ქორისგა ლარდა მო̄მა ხა̈̄ცხ მინს
Line of edition: 17    ეჯჲარე ბა̈დუ̂შ, მიჩა ლიჴდა̄ლ ეში ნო̄სამაუ̂ ხაყერხ". ათხე ალ ლა̈ირა̈ლ
Line of edition: 18    ახღუ̂ა ა̈გითე. ამჟი აშხუ̂ მინდუ̂ერისგა ჩუ̄დ ა̈თუ̄ჟდა ლა̈ირალე
Line of edition: 19    მჷჴდა. ანჴა̈დჷდ მჷრა̈̄მხა̈ნ ძაღლთაგან ი ალ ლა̈ირა̈ლ ჟ'ოხკჷდჷ̄რე ი
Line of edition: 20    მიჯნე̄მ ა̈ირ ლა̈ირ, ერე "ჲაღო, მიჩა მამა, მა̈̄ჲ ესერ დო ლესუ̂, მიჩა
Line of edition: 21    ლიჴედ ესერ ე̄მა ჩუ ხაკუხ ა̈გითე, ღო ჩუ̄უ̂ ადგეხ ხოშა ლა̈კირ ი მიჩა
Line of edition: 22    ხეხუ̂ ი მიჩა გეზლი̄რ მა̈გ სგა̄უ̂ აშიდხ ეჩხა̄უ̂თე̄სგა. ამი̄ ნაუ̂ჩუ̂ემნი ესერ
Line of edition: 23    მა̄მა ხა̄რხ". ალა ჩუ̂ა̈ირ ძაღლთაგანდ ი სგე̄სუ̂დე ჯიბთე, ჯ' ა̄ჩა̈დ
Line of edition: 24    მჷრა̈̄მთე.

Line of edition: 25       ათხე მა̄რე ჟ'ანჲა̈ცხ ი აჩა̈დ ა̈გითე, ოთჴიდ ლა̈ირა̈ლ ა̈გითე. ალა
Line of edition: 26    ქა̈̄დჭოდნე ხელწიფდ, მეუ̂არ ათლო̄ნ, მარე იმ იჩოდა: მიჩა გეზლა̈
Line of edition: 27    ნა̄ქუ̂ ლესრულე ხა̄დ. მიჩა სა̈ხჷლწიფ ჩუ̂ა̈დზუ̂ერ მა̈გ. ჩუ̂ადგეხ ხოშა
Line of edition: 28    ლა̈კირ ი ჟი ოხო̄შუ̂ეხ ლემესგ. ხელწიფდ მა̈გ ჩუ̂ადღაფუ̄რე მეშხად
Line of edition: 29    სგუ̂ებნაუ̂. მა̄რე მა̈გ იგუ̂ნი, ჩი̄ს ხასკუ̂რელ. ათხე ქა̄ნჴიდხ ალ დიგეზლი̄რ
Line of edition: 30    ი ლა̈კრი ყო̄რჟი ჩუ̂ესგენეხ. ათხე ხაკუხ ალჲარე ლაკირთე
Line of edition: 31    ლიკუ̂ა̄ნე, მარე და̈̄რ მოშ იცხუ̂ნინეხ, მა̄რე მა̈გ იგუ̂ნი ალჲარე მატკლა̈ბშუ̂.
Line of edition: 32    ამჟი̄ნ ჩუ̂ა̈დნა̈ბზა̈̄ნ ი და̈̄რდ მოშ აშიდხ ალჲა̈რ ლა̈კირთე. ამჟი
Line of edition: 33    ანჴა̈დ მჷრა̈̄მხა̈ნ ჟეღი ლუნიჩუ̂ მა̄რე ი ხა̈̄ქუ̂ ხა̈ლხს: -- მა̈ჲ ამბა̈უ̂ ესერ
Line of edition: 34    ლი, ედე ალჲა̈რს ესერ იმ ხა̈ჩოხ-ა?
Line of edition: 35       -- ჯა მა̄რე, ამჟი-ამჟი ესერ ლი გუ̂ეშ. -- ჰა̈ტ, მინ ხოლა მა̄რა̈̄ლ,
Line of edition: 36    ალას ესერ დეშ აკუ̂ა̄ნეხ მო სგა?!

Line of edition: 37       ალ მა̄რე ნანუ̄ლდ ღალ შიშტ ჩუ̂ათირ ი ლა̈̄ქუ̂: -- საბრა მიჩა ბოფშა̈რ,
Line of edition: 38    ათხ' ე̄სერ ახჴედახ უ̂ეშგიმპილი ლადეღ!

Page of edition: 133 
Line of edition: 1       ალ მა̄რე ქა̄ჩა̈დ ჰაკუ̂ა̈ნთექა ი უ̂ოდემ ჩიქად ალჲა̈რს ლა̈კირისგა
Line of edition: 2    ხატყცი ჩი̄ს, ეჩქად ანჴა̈დ მჷრა̈̄მხა̈ნ მიჩა რა̈შ ჩაუ̂ჩიტ, ხაჴიდ ძაღლთაგანს
Line of edition: 3    იშდუ̂ა̈რ ი ნე̄სგა ლა̈კირისგა ხაჴიდ. ალჲა̈რ ჟი ლა̈ჲსგურე
Line of edition: 4    შჷყჟი ი ადჲე ჯუ̂ე̄დია მინდუ̂ერთე ი ამეჩუ ჩუ̂ესგენა̄ლე ი ხა̈̄ქუ̂: "ჲაღო,
Line of edition: 5    მიჩა̈შდ ესერ მიჩა ჭა̈შს ბერკილი სგა ლოხუ̂და ი ლელპიი, სერ ესერ
Line of edition: 6    მიჩ მერდად მა̄მა ხაყა. ათხე ჯა ჩუ̄უ̂ ა̈ძიჰ, მიჩა ლეღუ̂ ჟიუ̂ ანნა̈კცე
Line of edition: 7    მეუ̂არ ნეწუ̂იდდ, გუ̂ა̈რე ჟიუ̂ ა̈დფა̈რ ჟიქა̄ნ ი ჩუ̄უ̂ ადყურდახ ამეჩუ".
Line of edition: 8    ალას ნანუ̄ლ დე̄მა იჩოდა, მარე რა̈შდ ეში̄ ამჟი ათჩომა̈̄უ̂ნე. ალა მა̈გ
Line of edition: 9    ამჟი ჩუ̂ემინ ნანუ̄ლდ. ბა̄ზი ჩუ̂ადყურდა. მე̄რმა ლადეღ ანჷგა̈̄ნ ჟი ი
Line of edition: 10    ყუჩრე ჰერ ხესმი. ჩუ̂ა̈რი ლჷსკუ̂რელე: "მაჲ ესერ ი̄რო̄ლ?" ალას უ̂ოშუ̂ა̈̄ჲდ
Line of edition: 11    [ნა̈კიც] ქო̄თკუ̂არა გიმჟი, ეჩშელდ მეზგე იზგა მე̄რმა ლადეღ
Line of edition: 12    ამეჩუ. ამი̄ გეზლი̄რდ ჟ'ა̈ნცხეხ სერ ი ეჯკა̈ლჲა̈რ ქა̈̄ხფასხ, ერე ალჲარეკა̈ლი
Line of edition: 13    დე̄სამა ა̈რი ალ სა̈ხჷლწიფისგა. ჭყინტს ა̈ხფას ეზერ მეთხუ̂ია̈რ:
Line of edition: 14    კოჯს ფიუ̂ერს დე̄სა ხა̈ცუ̂რე. ათხე სერ ამი̄ ჭა̈შსი ოხჴა̈დ ა̈გითე
Line of edition: 15    ლიჴედი დუ̂რეუ̂. ალას მეუ̂არ ხა̈ხია̈დ ა̈გითე ლიჴედ ი მიჩა ხეხუ̂მი ლიწედ.
Line of edition: 16    ანჴა̈დ ა̈გითე ი ლა̈ხჭუ̂ედდა მიჩა მუს: "მიჩა ხეხუ̂ ესერ იმ' ა̈̄რი?"
Line of edition: 17    ალჲა̈რდ ჩიემ ლიგუ̂ნი ა̈დბინეხ; ქა და̈̄რ ხაგჷრგა̈ლიხ. ალა ჩუ ლუნა̄ქუ̂ე
Line of edition: 18    ა̈რი, მა̄მაგუ̂ეშ ხომჴერახ, მა̈ჲ დო ლი გუ̂ეშ. სერ ლახე ჩუ̂ადცხირეხ
Line of edition: 19    მა̈გ ხოჩა̄მდ, იმუ̂ა̈̄ჲჟი̄ნ ლჷმა̈̄რლი, ეჩქა ანჴა̈დ ალ ხელწიფი გეზალ ი
Line of edition: 20    ჟ'ანჷ̄გა̈̄ნ, ქა̈̄ხშუ̂იდბა̈̄ნ მიჩა სა̈ხჷლწიფს ი აჩა̈დ ცხეკთე ლათხე̄ლთე:
Line of edition: 21    "ჲედ ესერ ჟ'ა̈თლა̈კი იმუ̂ა̄ლე ი ჲედ თხუმ ათყერე იმუ̂ა̄ლა: მიჩ ესერ
Line of edition: 22    მიჩა ხეხურ ლირდე მა̄მა ხაკუ სერ". აჩა̈დ ი იზელა̈̄ლ ჩია̈̄გ, მიჩა
Line of edition: 23    სა̈ხჷლწიფს ცხეკ ი კოჯ დე̄სა ლახცუ̂ირ უთხე̄ლად, მარე დეშმა ა̈ნმეჴრე.
Line of edition: 24    ამჟი ლახრა̄გჷნ სემი ზა̈ჲ.

Line of edition: 25       აშხუ̂ინ ალას ლა̈ხლაკ ლა̈თხუ̂იარჟი მიჩა გეზალ, მარე ალჲა̈რს
Line of edition: 26    ჩუ მა̈ჲ ხოხალხ უშხუ̂ა̄რეშ. ალა ჩუ ლუბბოუ̂ე ლი ეჩჟი, ერე მიჩა ჩა̈ჩს
Line of edition: 27    ჟი ხეგნი ი ცხეკი მა̄რა ხაჯეშ. ალა ალ მიჩა გეზალდ ჟ'ა̈ნჷრმე ნა̈დირი
Line of edition: 28    გუა̈რდ ი ა̈გითე ადჲე. ა̈გის ალას უშკუ̂ და̈̄რ მოშ აშუ̂მეხ ი
Line of edition: 29    ჩუ̂ა̈რი და̈̄უ̂ა̈ გუუ̂ა̈რდ. ჩი̄ ხოლა̄მ გარ იჩო, ჩინოუ̂შ თხუმ გარ ხა̈სსგე:
Line of edition: 30    "ღო ნო̄თაუ̂ ესერ ქა̄ფიშუ̂დხ მიჩა̈შდ". აშხუ̂ ლადეღ ალა ლჷმტუ̂იშლა̈̄ლ
Line of edition: 31    ი ალას ხა̈სგდინა ალჲარე დი (მიჩა ხეხუ̂). ალას ხა̈გნე̄ნა გუ̂ამა̈რჟი
Line of edition: 32    მჷსკდი ნაზიმ ოქუ̂რა̈ ნიშა̈ნ ი ალას ქა ხა̈წდა მიჩა ხეხუ̂. ალას
Line of edition: 33    ეჩქა ანკრ ახა̄რა ი სგა̄ხჴუ̂ესგა ლა̈ცი̄უ̂ა̈რს, ხოჩა̄მდ გუ̂ი ლოხოდა ი
Line of edition: 34    გუდ ა̈მჴედე̄ლი, ერე ალა მიჩა ჭა̈შმი ნიშა̈ნს ხაჯეშ, მარე დემა ლჷმჯჷრუ̂ინ:
Line of edition: 35    "მიჩა ჭა̈შს ესერ მა̈ჲ ა̈ნჴდა ამაუ̂, ჲედ ამჟი იმნა̈რ ოხჴედენ
Line of edition: 36    გუ̂ეშ?!" ამ ლე̄თ ნა̈ბოზს მიჩა გეზალი̄ ა̈მჴედ ლა̈თხუ̂იარხა̈ნ ი ეჯნა̈რ
Line of edition: 37    ოხო̄მბუ̂ა ქა მა̈გ გუ̂ეშ. ალა ა̈მჴედე̄ლი ი მე̄რმა ლადეღ ქო̄თო̄ღა̄ლა ი
Line of edition: 38    ჩოთბარა̄ლა, ჩოთწაბუ̄რა ხოჩა̄მდ ი ჟ'ოხუ̂რექუ̂ა. ათხე ლახჭუ̂ედნა:

Page of edition: 134 
Line of edition: 1       -- იმ ესერ ხა̈ჩო, ჯა მა̄რე? ე̄მა ესერ მიჩ სუ̂ინდის ხუღუ̂ა, ქა̄უ̂
Line of edition: 2    აფიშუ̂დ მიჩა̈შდ, მა̈დილუ ხე̄რი!
Line of edition: 3       -- ჲაღო, ათხე მიჩ ესერ ეშხუ ნიშა̈ნ ხუღუ̂ა, ეჩი̄ ლიწუ̂ე̄ნე ესერ
Line of edition: 4    ხაკუ მიჩ. ე̄მა ესერ ი̄რა, მიჩ ხაკუ ეჯა ი მო̄დეჲ ეჩქა ესერ ქა̈̄ფშუ̂დე.

Line of edition: 5       ათხე ალ მა̄რე გუდ აჴა̈დ ი ლა̈ხჭუ̂ედდა: -- ღო ესერ მა̈ჲ ხა̄რ
Line of edition: 6    მიჩა ნიშა̈ნ? -- მა̈ჲ ესერ-ი მიჩა მუს ესერ ხა̄რა ამკა̈ლი ნიშა̈ნ გუ̂ამა̈რჟი̄ნ-ა̄,
Line of edition: 7    მიჩ ესერ ე̄რ ხა̄რ.

Line of edition: 8       ათხე ალჲა̈რ უშხუ̂ა̄რ ა̈თცხო̄რპა̈̄ნხ მა̈ხიადშუ̂. ალას ხოჩა̄მდ ჟი
Line of edition: 9    ოხუ̂ე̄ზნანეხ, ჩუ̂ადბარა̄ლეხ, აშხუ̂ ნაგზა ბამბა̈ჲს ლახჭუ̂ე̄ნხ, მეუ̂არ ოხუ̂ე̄ზნანეხ
Line of edition: 10    ი ეჩქადიშდ ხოჩილი ლა̄ტა̈ხ. ალჲა̈რდ მინე მუ ი დი ამხაუ̂
Line of edition: 11    ანჴიდხ. მინე სა̈ხჷლწიფ მა̈გ ჩუ̂ა̈დზუ̂ერხ ი ხოჩა ლა̈ხიადა̄ლ აჩუ̂მინხ.

Line of edition: 12       ალჲა̈რდ ხოჩა ლირდე-ლიზგე ა̈დჴიდხ ი ლჷმზჷრე̄უ̂ ხიშდ.



Next part


This text is part of the TITUS edition of Svan Prose Texts I (Upper Bal).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.