TITUS
Svan Prose Texts III (Lentekh)
Part No. 237
Previous part

Text: 237 
Page of edition: 284 
Line of edition: 23 
CCXXXVII. თეთრი მჷქმე


Line of edition: 24       ლჷმა̈რდელიხ ეშხუ მუ-გეზალ. ლითვერი ხა̈კვედა გეზალა̈შ ი
Line of edition: 25    ასაყენა მუს გეზალ. ლახახვია მარე. ეჲ ვორუნჩუ ლჷმა̈ზიგ ლი: --
Line of edition: 26    იმოხ ლოქ ასა'ა გეზალ?
Line of edition: 27       -- ვოსტატობა̈ ლა̈თვერიხო ლოქ.
Line of edition: 28       -- ქა ლოქუ ლახვემ მიჩ ი ეი ლოქ ახათვერნე. ამშა მაჯონ
Line of edition: 29    გეზალ მიჩ ლოქი ხა'ა. იმოშ ლოქ ათერ ჯე მიჩა გეზალს, მიჩ ლოქ
Line of edition: 30    ხერა, ავე ლოქ დეშ ათერ, ეჩქა მიჩ ლოქ ა̈სესედენი.

Line of edition: 31       ეჲ მარას ჟ'ახოთორა თეთრი ლიქმე. ჟ'ენ ახოთორა. ქა̈მეჩედ
Line of edition: 32    ჲერბი ზა̈ ი ერ ა̈მეჴედელი მიჩა მუ, გეზალს ღვინალ ლახოჭარა̈ჟნა
Line of edition: 33    ჭიქშვ ი ჩვასონაცხა მიჩა მუს. ჩვენ ასოჷენა ეჲ მარას ჲერბი უშხვა̈რი
Line of edition: 34    მაჯონ ბეფშ, ჩვათოთირა მიჩა მუს მიჩა ბეფშ ი ქახოყენა ეჲ
Line of edition: 35    მარეს. შუკვს ეჲ ბეფშ ირემდ ალსჷსიპელი ი ჲერბი მარე ლახახვიახ
Line of edition: 36    სკა ი: -- ვედი ლოქ მო ალ ირემს?
Line of edition: 37       -- ადვ ლოქ.

Page of edition: 285 
Line of edition: 1       ქათოყიდახ ეჯმინს ი ათხოჲახ ა̈გხო. ჩვათოჭებდახ ირემ. ეჲ
Line of edition: 2    ალსჷსიპელი აჲაღ ბეფშდ ი ა̈მეტეხელი მიჩა მუეშხო. ა̈გის ვერცხლი
Line of edition: 3    ღოლჲაქდ ალსჷსიპელი. ა̈მეჴედელი ზურალ ი: -- იმჟი ლოქ ვედი
Line of edition: 4    ალ ღოლჲაქს?
Line of edition: 5       -- უსკვა თუმა̈ნდ ლოქ ვედი.

Line of edition: 6       ათხოჲა ეჲ ზურალს ვერცხლი ღოლჲაქ. ჩვათოჭებდა ლაღოლჲაქისა.
Line of edition: 7    ლჷმა̈ბღელლი ღოლჲაქ ი ლეთნა̈შ, ჩვენ ალყვინელი ზურალ,
Line of edition: 8    ღოლჲაქ ბეფშდ ალსჷსიპელი ი ა̈მეჩედელი მიჩა მუეშხო. მიჩა მუეშ
Line of edition: 9    ხოქვა: -- ჩა̈ჟდ ლოქ ა̈სსიპი. ჟი ლოქუ ლახასკურდა ი ადაჲას ლოქუ
Line of edition: 10    ქალა̈ქხო. ერ ლოქ ლა̈ხეჭვედდეხ: "იმჟი ლოქ ვედი?" ეჩქა მიჩემდ
Line of edition: 11    ლოქუ ხა̈ქვ, ერე: "უსკვა აშირდ ლოქ".

Line of edition: 12       მიჩა მუს ქათოვოდა ჩა̈ჟ ი ჟ'ახოკიდა უსკვა აშირ ი პატვრენს
Line of edition: 13    ათხოჲა ჩა̈ჟ ი ჩვათოჭებდა. ეჲ ბეფშდ ალსჷსიპელი. ა̈მეტეხ მიჩა
Line of edition: 14    მუეშხო ი ხოჩამდ ლჷმა̈ცხოვრებლიხ. ხვა̈ჲ თეთრ ხა̈ვენახ.


Line of edition: 15 
დარეჯან ქურასბედიანი. ნანარი. მ. ქალდანი. 18.IX.1958 წ.



Next part


This text is part of the TITUS edition of Svan Prose Texts III (Lentekh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.