TITUS
Svan Prose Texts IV (Lashkh)
Part No. 35
Previous part

Text: 35 
Page of edition: 42 
Line of edition: 18 
XXXV. ლიჴჷლტარი


Line of edition: 19       ჯვინელ დროჲჟი, ბარდან ერ მო̄დ ითხო̄ლ, მაგ მინე-მინე აგის
Line of edition: 20    აჯშა̄ლდახ კულიარს ი სგურალს. მჷჯშა̄ლი ზურალე̄ლ ლასხ. მატყიშ
Line of edition: 21    ი ქანი ქიპი ლიჯშა̄ლი̄ ხოფშირა ზურა̄ლს ხოხა̄ლდა. მინ ასნახ ქანს,
Line of edition: 22    ალთახ, ანჩრახ ი აჯშჷდახ. ქანა სგურალს ჟი ერ აჯშჷდახ, ეჩანღო
Line of edition: 23    ჲჷრჟი ფერიშდ ჩვაღფენდახ ი არშულ-ფატანდ ჩი̄მიშდ ქანა სგურალ
Line of edition: 24    ხა̄დახ. სგურალე ლიჯშა̄ლის ათხე̄ დროჲჟი, ბარდან ე̄რ ყო̄რთეჟი
Line of edition: 25    ოხჴიდ კოპერაციაჲდ, ეჩქა გარ ეთყაჩხ, ოდო მეფობა დროისა აჯაღუდ
Line of edition: 26    მე̄ვარ აჯშა̄ლდახ შალო̄რას ი ქანა სგურალს. ლჷჯიშ ქანა სგურალს
Line of edition: 27    ჩვაღფენდახ ვორბე̄ლს, ამღა ათხეხი̄ მეჩი მა̄რე̄ლ ვორბე̄ლს
Line of edition: 28    ვორბე̄ლი მჷქაფ სანღებრს ხატუ̄ლდახ. აშ აგისი̄ ხოჩა̄მდ
Line of edition: 29    ლჷმღაფა̄ლინხ შალო̄რას ი სგურალს. ლაღფენდ ლჷმჴჷმრინხ ბელყეჩი
Line of edition: 30    მეგმი ცილს ი კუპაროზს.

Page of edition: 43 
Line of edition: 1       ლევსარ შალარე ლიჯშა̄ლი ათხეჲ მე̄ვარ ხაზნახ. ჲერს ვოდიხ
Line of edition: 2    ლევსარალეჲა̄ქდ ი ჲერს აგის იჴმარიხ ღვაჟრე ლევსარალდ ი შალვრალდ,
Line of edition: 3    მარა შალარს ლატეხს აჯშა̄ლიხ.

Line of edition: 4       ღოლჲა̄ქა მატყს ლაფთი̄რჟი ლჷფეთს ზურალე̄ლ სგა ხასყიხ
Line of edition: 5    ზექი ბოყვილო̄ლთე ი ეჯნოვშ აშხვნიხ. ლილთეს ხოშა ნაღალდ
Line of edition: 6    ლუნთისა იბნეხ. ალთეხ ლემსგაპილს ლე̄თშვ. ჩე̄რის ღვაჟარ ხოტა̄ბეხ
Line of edition: 7    ფიშირ ღე̄თს ი ჲესიჲეს ჩვარვესხ ლე̄თს ლალთას. ლე̄თშვ ნალეთს
Line of edition: 8    ლოქ ხოშა ხებრაქი ი ანღა ალთეხ ჩიგარ ლე̄თშვ ი მაჟები̄ ხოშა ლი
Line of edition: 9    ლელე̄თად. იშგენ გვეშ დე̄სამა ხაჭკჷ̄რახ ლილთენქა ი ჟი ხობრაქიხ
Line of edition: 10    ლალთას. ფიშირ ჩე̄რის ერ ანლეთნეხ ი ლახთერს, ერე ლევსარდ
Line of edition: 11    ქა ლი, ეჩჷნღო იბნეხ ლინჩრეს ი ჩი̄ს ლჷლეთ ჩე̄რიალს ჟანჩრეხ
Line of edition: 12    ლეშგვე̄რშვ. ლეშგვე̄რალსი̄ ღვაჟარ ხოსყა̄ლიხ ზურალე̄ლს, მარა ლეშგვე̄რალ
Line of edition: 13    ფიშირ მა̄მ ხაწჷხხ ჩე̄რიალშა̄ლ.

Line of edition: 14       ლალთაჟი ჩე̄რივშ ჩუქვა̄ნ ლაქჷრჩან ხონხა̄ნ ჩე̄რი̄შდ ი ეჩეჟი
Line of edition: 15    სიპ ჩე̄რი. ჲესვა̄ჲ ერე ღოლჲა̄ქარ მო̄ ხაყა ი დე მჷლთე ი მჷჯში ე̄რ
Line of edition: 16    ხაყა, ეჯი ლჷჯიშ შალს იყდი, ლევსარ ი̄რი ა̄ ლეშჷლვარ, ი ეშ იგნე
Line of edition: 17    მჷწჷხს. ლჷჯიშ შალ ჲერ ხოჩა ლი ი ჲერ ხოდრა. ხოჩულ შალისა
Line of edition: 18    ხოჩულ ფას ხა̄რხ ქა ლევდი, ხოლა ჯაგვილაჲ შალ მა̄ ლი ეშ
Line of edition: 19    ლჷლგონე, ხა̄ლ ხოჩა შილ.

Line of edition: 20       ლჷლეთს ი ლჷნჩრა მატყი ქიპარს ჟათვდიხ ი ეჩანღო
Line of edition: 21    ლაჯშა̄რჟი აგა̄წყობილეხ ი ჟი იბნეხ ლიჯშა̄ლი ჩი̄ს
Line of edition: 22    მა̄ ხოხალ. ხოჩა მჷჯშა̄ლი ზურა̄ლ ეშ ითში ი ეჯკალიბ ზურა̄ლს
Line of edition: 23    ხაჯშა̄ლვნეხ ლჷმა̄რა ქიპარს. ნაჯშა̄ლუ̄რს ქა ხა̄ვდიხ მჷჯშა̄ლის ი ეჩანღო
Line of edition: 24    ლჷჯიშ შალს ჟაკვლი̄ნეხ. მუკვლი̄ნად ღვაჟარ იმარგხ ი მა̄დე ზურალე̄ლ.
Line of edition: 25    ლაკვლი̄ნაჟი ტებდი ლიც ხუღვახ ლჷმა̄რად ი ჭიშხაგარ მა̄რე
Line of edition: 26    აკვლი̄ნე, ვოდ ქა დო ეთსრული ლიკვლი̄ნე. ლაკვლი̄ნაჟი ხაზნახ
Line of edition: 27    ლი̄ქვი̄ს: "ვოსურ-ვოსურ ლოქ ი სავჲა ნაბად". ამშა ლი̄ქვი̄ს ხოჩა
Line of edition: 28    ლოქ ხა̄რ ლიკვლი̄ნეს ი ხოჩა შალ ლოქ ხეფსი.

Line of edition: 29       ქა ლჷზსკან ლუკვლი̄ნა შალს ჟაგურბა̄ჩეხ მურგვალდ, ჭითხობშვ
Line of edition: 30    ქა იზმეხ ი ეშ წყჷლჲან აგის ჩვაშხვნიხ სკივრისა.

Line of edition: 31       ქანა ქიპიშს აჯშა̄ლიხ სგურალცახან ხოჩა ლაკვცა̄ნარს. ზურლელ
Line of edition: 32    აჯშა̄ლდახ ლეზდეჴარ შალარსი̄ ი ღვაჟარს ხოშხბჷდახ შალი
Line of edition: 33    ზეთჴარა̄ლს ი სამუხლარსი̄. ზურალე̄ლ მინეშდ წინდა̄რალს
Line of edition: 34    იქჷრგავდახ. ხოჩა მატყხენქა ქა ხათშჷდახ თელდ ხოჩულს, მე̄ნშგვა ქულა̄
Line of edition: 35    მატყს, ი ხოჩა ლევსარ შალს ეჯნოვშ აჯშჷდახ ი ქა ხეფსო̄ლ ხოჩა
Line of edition: 36    მე̄ნშგვე შალ თინთიკშა̄ლ.

Page of edition: 44 
Line of edition: 1       ვოსრალეჲა̄ქ ქიპს ჩე̄რიობშვ იშჷლდანდახ. ეშხუ ლევსარ შალს
Line of edition: 2    ვოშა ჩე̄რი̄ აჯშჷდა, ეჯი აშ ხოხა̄ლდახ ლჷშჷლდანად მჷჴგლტარი
Line of edition: 3    ზურალე̄ლს ი ვოშა̄ჲ ღენ ჭითხ შალ ხეკვდო̄ლხ ქა ლეჯშიდ, ეჯის
Line of edition: 4    ჩერიალე შელდშვ იმჴერდახ ი ეჩშელდ გოში ჩე̄რის ლახჴგმრინახ
Line of edition: 5    ლეჯში შალს.


მარინა ონიანი. ჩიხარეში. მ. ქალდანი. 10. იხ. 1971



Next part


This text is part of the TITUS edition of Svan Prose Texts IV (Lashkh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.