TITUS
Svan Prose Texts IV (Lashkh)
Part No. 61
Previous part

Text: 61 
Page of edition: 73 
Line of edition: 16 
LXI. მა̄რე ი და̄ვ


Line of edition: 17       ლჷმარდელი ეშხუ მა̄რე, ხაყე̄ნა ჲეხვ ი ჲეშდჲერუ გეზალ. შომა̄ჲ
Line of edition: 18    ლეზობ ლეხშდეხნო̄ლ, ეჩქა ესღჷ̄და ლანგზა̄რავთე ი ჩუ
Line of edition: 19    ხოთხე̄ლდა ლეზობს ჲეხვს ი გეზლი̄რს. ეშხვინ ემჩედ ლანგზა̄რავთე ი
Line of edition: 20    შუკვჟი სგა ათთხანე̄ნა და̄ვ, ხედი̄ჲ მიჩა ჲეზვისა ლჷმბე̄რგინ. ქემჩედ
Line of edition: 21    მა̄რე ი ხოჩა ლადეღ ოთმეზრა, და̄ვსი̄ ქა ლოხტი̄ხა პასუხვ. ეჩანღო
Line of edition: 22    ჟოხბინახ უშხვა̄რეშდ ლიგჷრგალი. და̄ვ ქა ლეხჭოდდა შუკვჟი
Line of edition: 23    ლიზელა̄ლე მიზეზს ი მა̄რადი̄ ქა ხე̄ქვე. ეჩუნღო და̄ვემ ხე̄ქვე: -- ჯეჲ
Line of edition: 24    ლოქ ლახო̄დი ეშხუ ფურს ი ეჯი ლოქუ ხეყე̄და სემი ზაჲ, სემი თოჲ,
Line of edition: 25    სემი ნაგზი, სემი ლადეღ. ეჩანღო ე̄რ ლოქ ანჴდენი, პასუხს ე̄რ ლახტიხე,
Line of edition: 26    ეჩქა ჩუ ლოქ ოსცვირე, ე მოდეჲ, ქა ლოქ ეხბი̄შდი. ეჯი ეჭკაჲ
Line of edition: 27    ხოჩა ფურ ლას, ერე თოისა ეშხვდინ ჴჷდდა ღუნს.

Line of edition: 28       ეჯი მა̄რედ აშამ ხე̄ქვე. ფურ ადჲე ი აჩად. ე̄რ შესრულდა ვადა
Line of edition: 29    მა̄რათე და̄ვა ლი̄ზი̄შ, ალ მა̄რე მოწყენილდ სგუ̄რდა მიჩა ჲეზვისა.
Line of edition: 30    ამ (// ეჯი) ჩიქქა ანჴად ბაპ ეჩექა ი ლიმჯა̄რვე̄ მიზეზს ლეხჭოდდა.
Line of edition: 31    ეჯი მა̄რად ქა ხე̄ქვე მაგ. ბაპდ და̄მშვიდა ი ხე̄ქვე: -- ჯეჲ სგა̄ვ ლოქ
Line of edition: 32    აჩად ქორთე ი პასუხს ჯეჲ ლოქ ლახტიხე. ამ ჩიქქა ანჴად და̄ვ ი
Line of edition: 33    მა̄რას ლახტუ̄ლე:
Line of edition: 34       -- ჰეჲ, ჰეჲ!
Page of edition: 74 
Line of edition: 1       -- ჰეჲ, ჰეჲ მა̄დე, ჰოჲ, ჰოჲ!
Line of edition: 2       -- "ჰოჲ, ჰოჲ" მა̄ მიხალ მი, ლა̄თ ე̄რ ბუზუ̄ლ ემზჷზ, ეჯი მაჲ
Line of edition: 3    ლას? ბაპდ ხე̄ქვე: -- სი ერ ნაკიჭუ̄ლ ემზჷზ, ეჯი მაჲ ლას?
Line of edition: 4       -- ეჰა! ეჯი ჩოხა ი ნაბად. ჩოხა ათხე ძუღვას ი̄რი მეჩდე.

Line of edition: 5       ბაპდ ლახტიხ: -- ეჯი ძუღვა მა̄დ ი̄რო̄ლ, ტუბაჲ ი̄რო̄ლ.
Line of edition: 6    და̄ვდ ხე̄ქვე: -- ტუბაჲ მა̄დე ი ეჲზუმ ძუღვა ო̄რო̄ლ, ერვ ყვა̄ვ
Line of edition: 7    ე̄რ ლიპე̄ნა̄ლს ედბინნა, ისგნუნ ჩვედმეჩო̄ლ.

Line of edition: 8       -- ეჯი ყვა̄ვ მა̄დე ი̄რო̄ლ, ბა̄რტყ ო̄რო̄ლ.
Line of edition: 9       -- ეჯი ბა̄რტყ მა̄დე ი̄რო̄ლ, ეჲზუმ ყვა̄ვ ი̄რო̄ლ, ერე ძღჷ̄დ მინდორს
Line of edition: 10    ეშხუ ღალე ქა ხა̄და ლამჷნჩალდ.
Line of edition: 11       -- ეჯი მინდორ მა̄დე ი̄რო̄ლ, ლარტამ ი̄რო̄ლ.
Line of edition: 12       -- ეჯი ლარტამ მა̄დე ი̄რო̄ლ ი ეჲზუმ მინდორ ი̄რო̄ლ, რეჭვ ე̄რ
Line of edition: 13    ლიქნეს ედბინნა, ისგნუნ ჩვედმეჩო̄ლ.
Line of edition: 14       -- ეჯი რეჭვ მა̄დე ი̄რო̄ლ, კოტრო̄ლ ი̄რო̄ლ.
Line of edition: 15       -- ალე ამჟი მო̄დე ი̄რო̄ლ, ეჩქა ჯეჲ ლოქუ ესსიპე მეგემდ, ეჲჟი
Line of edition: 16    ერე მა̄რე აბჴუ̄რდეს ი მახან მორდ ხესპო̄ლდეს, თელდ ე̄რ
Line of edition: 17    ქა̄ხა̄დეს მიჩა ლირდე̄ ხანისა. ეჩუნღო მა̄რას დე ზექ ხეკლიო̄ლ ი დე
Line of edition: 18    ლეზობ.



Next part


This text is part of the TITUS edition of Svan Prose Texts IV (Lashkh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.