TITUS
Svan Prose Texts IV (Lashkh)
Part No. 65
Previous part

Text: 65 
Page of edition: 85 
Line of edition: 3 
LXV. მა̄ლჷ̄ლ ი ნეპო̄ლი̄ლ


Line of edition: 4       ჩვედჲაფხნიკა̄ნხ მა̄ლჷ̄ლ ი ნეპო̄ლი̄ლ. მა̄ლჷ̄ლდ ხე̄ქვ:
Line of edition: 5       -- ლი̄ცვნა̄ლ ლოქ ხაკუ.
Line of edition: 6       -- ჲაღო ჯეჲ ლოქ ადა̄ცვნი, ნეპო̄ლდ ლახტიხ.

Line of edition: 7       ადჲე მა̄ლ, ეშხუ აგის სემი მეჩი მა̄რე ლჷ̄გხ, ეშხუს ფა̄უ ხოყდა̄ნა.
Line of edition: 8    ჟი ლახა̄გა̄ნ ნეპო̄ლ ეშხვ-ეშხვს თხუმჟი, ოხქიო̄ლე ლჷფა̄უდ
Line of edition: 9    ფა̄უ, ნეპო̄ლ ქა̄პარ, მა̄რას ხოჲახ ფა̄უ თხუმჟი ი ქედკა̄ფა̄ნ. მა̄ლჷ̄ლს
Line of edition: 10    ხაჩა, ჴადი კან მა̄ ლეხსად ლა̄ცვნა̄ლს.

Line of edition: 11       ამჟი მე̄რმა მა̄რას ლახა̄გა̄ნ აჯაღ ნეპო̄ლ თხუმჟი, ეჩსი̄ ოხქიო̄ლე ფა̄უ,
Line of edition: 12    ნეპო̄ლ ჟანპარ ი მა̄რას ლახშეშხე თხუმისა. ეჯი̄ჲ ჟენკა̄ფა̄ნ.

Line of edition: 13       ათხე მიჩ ლახა̄გა̄ნ თხუმჟი ლჷფა̄უს. ესქიო̄ლე ამნე̄მ აჯაღ ფა̄უ,
Line of edition: 14    ნეპო̄ლ ჩუ̄ვდ ეთე̄ტვა̄ნ, ხოჲახ მიჩ თხუმჟი ფა̄უ ი ჯეჲი̄ ჟენკა̄ფა̄ნ.
Line of edition: 15    მა̄ლჷ̄ლს ხაჩა, იდგარი ლა̄ცვნა̄ლს. ჟი ე̄რ ესბიზა̄ნ ლი̄ცვნა̄ლს, ეჩქა
Line of edition: 16    ნეპო̄ლს ხე̄ქვ:
Line of edition: 17       -- ხაიდ ლოქ, საბრა, ი ხოწა̄და̄ვ მა!
Line of edition: 18       -- ჲაღო ეხჭამუ მიჩ, ჯეჲ ლოქ ადჲეს ეშხუ აგის ლადბაშთე,
Line of edition: 19    სგა ლოქ აპრენი ზურალე̄ლე ნე̄სგაჩუ, ეჯჲარ ლოქ ლარმის
Line of edition: 20    ლეხე̄რიხ ი ჯეჲ ნებ-ნებაშდ ქა ლოქ ოთჯოდნე, ქა ლოქ ედღორვი
Line of edition: 21    ზურალე̄ლს ჯო̄დჲათე. სერ ჯეჲ ანჴადუ ი ლალე̄მუ პიტარ.

Line of edition: 22       ალე გაცხაჲდ ამჟი ჩომინ ნეპო̄ლდ, ზურალე̄ლ ეშხვა̄რე
Line of edition: 23    ლაცლავუშ ეხჭამხ ეჩის ქა ი ქე̄დღორვე ჯო̄დჲათე. მა̄ლჷ̄ლ ლახა̄და ი
Line of edition: 24    გუგვარსგარ ხოკდჷდა პიტარს. ჩვედბიზა̄ნ ი ქე̄დქა̄ბე ეჩხენქა.

Line of edition: 25       ანტახხ ზურალე̄ლ ი ე̄რ ხეწადხ მინე პიტარს ამჟი ლჷნში̄ლას,
Line of edition: 26    ეშხვა̄რ ათბჷრლეხ ი ფათვა̄რობ ახფასეხ.

Line of edition: 27       ათხე მა̄ლჷ̄ლდ ხე̄ქვ ნეპო̄ლს:
Line of edition: 28       -- ლიქნა̄ლდ გუ ლოქ ხა̄რ.
Line of edition: 29       -- ეზარ ლოქ ჲაღო, ნეპო̄ლდ ხე̄ქვ, აჩადუ ი ხენწიფს ლოქ
Line of edition: 30    ხაყა ხოჩა ჟეღარ -- ყარჩაჲ ი ყურშაჲ, ქა̄ვ ლოქ ლახტუ̄ლე ეჯჲარს.
Line of edition: 31    ეჯჲარ ქა ლოქ ეხღვეჭნიხ ი ედქინე̄ვ სერ.

Line of edition: 32       ლახტუ̄ლე გაცხაჲდ მა̄ლჷ̄ლდ ყურშაჲს ი ყარჩაჲს. ეჯჲარ ქე̄ხღვაჭხ
Line of edition: 33    მა̄ლს, ამნე̄მ ედქინე ხემა̄ჲმოშ, ერ ხეჲა̄ლდახ, ეჩქა გიმე ჴურუ

Page of edition: 86 
Line of edition: 1       ესწვე̄ნე ი სგე̄თგვაწ ეჩხა̄ვ. ჟეღარ ჩვესგუ̄რდახ ქა̄მენ. ჟი ე̄რ ენშომე
Line of edition: 2    მა̄ლჷ̄ლდ, ლეხჭოდდა მიჩა ჭიშხარს:
Line of edition: 3       -- მაჲ ლოქ ოთსიკთახ მინს მიჩაშვდ?
Line of edition: 4       -- მაჲ ი, მინ ლოქ ე̄რ მო̄დე, დეშ ლოქ ედქინნა.

Line of edition: 5       თე̄რალს ლეხჭოდდა:
Line of edition: 6       -- მინს ლოქ მაჲ ოთსიკთახ?
Line of edition: 7       -- მაჲ ი გიმე ჴურუ ლოქ ოსწვე̄ნახ.

Line of edition: 8       ამჟი ჩი̄ს ლეხჭოდდა მიჩა ასვარს ი ეჩღო აკვედს ლეხჭოდდა:
Line of edition: 9       -- ჯეჲ ლოქ იმნარ ხაწჷხ?
Line of edition: 10       -- დე̄მნარ, მჷნქადა მუთვრა̄ნსუნა̄ლდგარ.
Line of edition: 11       -- ჲაღო, ლახ ლოქ დო̄მნარ ხაყა, -- ჟანქვიჭე ჴურუხენჟი აკვედ,
Line of edition: 12    -- ყარჩაჲ-ყურშაჲ, აკვედსუ ოსბჷდდახ.

Line of edition: 13       ოსბჷდდახ ჟეღარ აკვედს ი ჟედი̄ყეხ მა̄ლჷ̄ლ, ხაფხიჭეხ ი
Line of edition: 14    ჩვადგჷლჷ̄რეხ. ჯამზგრახ ღერთემ.


სოსლან ონიანი. სასაში. ა. ონიანი. 3. VIII. 1958



Next part


This text is part of the TITUS edition of Svan Prose Texts IV (Lashkh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.